नवी दिल्ली : कांद्याच्या वाढत्या दरावर केंद्र सरकारने पावले उचलली आहेत. ग्राहकांना परवडणाऱ्या दरात कांदा उपलब्ध करून देण्यासाठी केंद्र सरकारने गुरुवारी (४ सप्टेंबर) दिल्ली, मुंबई आणि अहमदाबादमध्ये प्रति किलो २४ रुपये दराने कांद्याची अनुदानित विक्री सुरू केली. (Centre launches onion sale)
केंद्रीय अन्न मंत्री प्रल्हाद जोशी यांनी कांदा विक्रीसाठीच्या मोबाईल व्हॅनना हिरवा झेंडा दाखवला.
त्यानंतर ते म्हणाले की, बफर स्टॉकमधून सुमारे २५ टन कांदा राष्ट्रीय कृषी सहकारी विपणन महासंघ (नाफेड), राष्ट्रीय सहकारी ग्राहक महासंघ (एनसीसीएफ) आणि केंद्रीय भांडार या सहकारी संस्थांद्वारे या शहरांमध्ये कांदा विकला जाईल.
श्री. जोशी यांनी पत्रकारांना सांगितले की, ज्या ठिकाणी कांद्याची किरकोळ किंमत ३० रुपये प्रति किलोपेक्षा जास्त आहेत तेथे २४ रुपये प्रति किलो दराने हा कांदा विकला जाईल. (Centre launches onion sale)
अनुदानित कांद्याची विक्री शुक्रवार (५ सप्टेंबर) पासून चेन्नई, गुवाहाटी आणि कोलकाता येथे सुरू केली जाईल आणि ती डिसेंबरपर्यंत सुरू राहील. अधिकृत आकडेवारीनुसार, गुरुवारी कांद्याची अखिल भारतीय सरासरी किरकोळ किंमत ₹२८ प्रति किलो होती, तर काही शहरांमध्ये दर ₹३० प्रति किलोपेक्षा जास्त होते.
सध्या, सरकारकडे किंमत स्थिरीकरण निधी (PSF) योजनेचा भाग म्हणून २०२४-२५ दरम्यान सरासरी ₹१५ प्रति किलो या किमतीने खरेदी केलेल्या ३ लाख टन कांद्याचा बफर स्टॉक आहे. (Centre launches onion sale)
श्री. जोशी म्हणाले की, बफर स्टॉकमधून कांद्याची कॅलिब्रेटेड आणि लक्ष्यित विल्हेवाट लावणे हा अन्न महागाई नियंत्रित करण्यासाठी आणि स्थिर किंमत व्यवस्था राखण्यासाठी सरकारच्या प्रयत्नांचा एक अविभाज्य भाग आहे.
‘‘सरकारचे प्राधान्य अन्न महागाई नियंत्रणात ठेवण्याला आहे. अलिकडच्या काही महिन्यांत किंमत स्थिरीकरण उपायांद्वारे विविध थेट हस्तक्षेपांनी महागाई कमी करण्यात महत्त्वाची भूमिका बजावली आहे,’’ असे ते म्हणाले.
जुलैमध्ये सामान्य किरकोळ महागाई १.५५% होती, जी जवळजवळ आठ वर्षांतील सर्वात कमी आहे. ग्राहक व्यवहार सचिव निधी खरे म्हणाल्या की, कांद्याच्या किमती गेल्यापेक्षा लक्षणीयरित्या वाढलेल्या नाहीत. कारण २०२४-२५ पीक वर्षात (जुलै-जून) देशांतर्गत उत्पादन २७% जास्त म्हणजे ३०.७७ दशलक्ष टन कांदा असल्याचा अंदाज आहे. कांद्याच्या निर्यातीवर कोणतेही शुल्क किंवा निर्बंध लादलेले नाहीत आणि निर्यातीचा वेग स्थिर आहे. जुलै आणि ऑगस्टमध्ये प्रत्येकी १ लाख टन कांद्याची निर्यात झाली आहे, असे त्या म्हणाल्या.