मॉस्को : इराणवरील हल्ला आणि आक्रमक अनाठायी आहे, असे मत व्यक्त करत रशिया इराणला मदत करण्यास तयार असल्याची ग्वाही रशियाचे राष्ट्राध्यक्ष व्लादिमीर पुतिन यांनी सोमवारी दिली. इराणवर अमेरिकेने केलेल्या हल्ल्यानंतर पुतीन यांनी इराणच्या परराष्ट्रमंत्र्यांना तशी ग्वाही दिल्याने आता इस्रायल-इराण संघर्षांत इराणच्या बाजूने रशिया उतरणार असल्याने रशिया आणि अमेरिकेदरम्यान अप्रत्यक्षरित्या संघर्ष निर्माण होण्याची शक्यता निर्माण झाली आहे. (Russia ready to help Iran)
क्रेमलिनमधील चर्चेच्या प्रारंभीच पुतीन यांनी इराणला पाठींबा देण्याची तयारी दर्शवली.
यापूर्वी, रशियाने इराणच्या अणुकेंद्रांवर अमेरिकेने केलेल्या हल्ल्यांबद्दल तीव्र खेद व्यक्त केला आणि त्यांचा निषेध केला.
अमेरिकेच्या कृतींमुळे संघर्षात इराणविरोधात सहभागींची संख्या वाढली, त्यामुळे तणाव वाढला, असे क्रेमलिनचे प्रवक्ते दिमित्री पेस्कोव्ह यांनी पत्रकारांना सांगितले. (Russia ready to help Iran)
इराणच्या अणु सुविधा केंद्राचे काय झाले आणि रेडिएशनचा धोका होता की नाही, का हे अद्याप स्पष्ट झालेले नाही, असेही ते म्हणाले.
हल्ल्यांनंतर इराणमधील परिस्थिती चिंताजनक असल्याचे त्यांनी सांगितले.
रशियाने जानेवारीमध्ये इराणसोबत धोरणात्मक भागीदारी करारावर स्वाक्षरी केली, तथापि त्यात परस्पर संरक्षण कलम समाविष्ट नव्हते. अमेरिकेचा लष्करी हस्तक्षेप संपूर्ण प्रदेश अस्थिर करू शकतो आणि तो खोल गर्तेत बुडू शकतो, असा इशारा रशियाने अमेरिकेच्या हल्ल्यांपूर्वी शनिवारी दिला होता. (Russia ready to help Iran)
पेस्कोव्ह म्हणाले की, अमेरिकेचे अध्यक्ष ट्रम्प यांनी सामान्यतः अमेरिकेच्या लष्करी सहभागाच्या शक्यतेबद्दल पुतीन यांच्याशी चर्चा केली होती तरी त्यांनी रशियाचे अध्यक्ष व्लादिमीर पुतिन यांना नियोजित हल्ल्यांबद्दल तपशीलवार माहिती दिली नव्हती.
रशियाची यापुढे काय भूमिका असणार आहे असे विचारले असता, पेस्कोव्ह म्हणाले की, रशियाने मध्यस्थी करण्याची तयारी दर्शवली आहे आणि इराणला काय हवे आहे यावर पुढील सर्व दिशा ठरणार आहे.
रशिया खऱ्या इतिहासाच्या बाजूने : अब्बास अराघची
इराणचे परराष्ट्र मंत्री अब्बास अराघची यांनी सोमवारी रशियाचे अध्यक्ष व्लादिमीर पुतिन यांचे इराणवरील अमेरिकेच्या हल्ल्यांचा निषेध केल्याबद्दल आभार मानले आणि रशिया खऱ्या इतिहासाच्या बाजूला उभा असल्याचे सांगितले. (Russia ready to help Iran) श्री अराघची यांनी पुतिन यांच्याशी क्रेमलिन चर्चेच्या सुरुवातीला ही टिप्पणी केली आणि पुतीन यांना सांगितले की इराणचे सर्वोच्च नेते अयातुल्ला अली खामेनी आणि अध्यक्ष मसूद पेझेश्कियान यांनी त्यांना श्री. पुतिन यांना शुभेच्छा देण्यास सांगितले होते.
हेही वाचा :
मध्य पूर्वेतील संघर्ष; शेअर बाजार घसरला
समाजवादीच्या तीन आमदारांची हकालपट्टी