मुंबई : बंदी घातलेली दहशतवादी संघटना आयसिसच्या दोन फरार दहशतवाद्यांना राष्ट्रीय तपास संस्थेने (एनआयए) अटक केली. या दोघांचा पुणे येथे आयईडी तयार करण्यात आणि चाचणी करण्यात सहभागी असलेल्या स्लीपर मॉड्यूलमध्ये सहभाग होता. (NIA arrested ISIS Module)
२०२३ च्या दहशतवादी कटाच्या प्रकरणात ही अटक करण्यात आली आहे.
अब्दुल्ला फैयाज शेख उर्फ डायपरवाला आणि तल्हा खान यांना इमिग्रेशन ब्युरोने मुंबईच्या छत्रपती शिवाजी महाराज आंतरराष्ट्रीय विमानतळ टर्मिनलवर रोखले.
हे दोघे इंडोनेशियातील जकार्ता येथे लपून बसले होते. भारतात आल्यावर एनआयएने त्यांना ताब्यात घेतले.
एनआयएच्या मते, हे दोघे दोन वर्षांहून अधिक काळ फरार होते. मुंबईतील एनआयएच्या विशेष न्यायालयाने त्यांच्याविरुद्ध अजामीनपात्र वॉरंट जारी केले होते. त्यांची माहिती देणाऱ्यांसाठी प्रत्येकी ३ लाख रुपयांचे रोख बक्षीस जाहीर केले होते.(NIA arrested ISIS Module)
एनआयएने म्हटले आहे की, हा खटला दहा जणांनी दहशतवादी कारवाया करण्यासाठी आणि भारत सरकारविरुद्ध युद्ध पुकारण्यासाठी रचलेल्या मोठ्या कटाशी संबंधित आहे. यात अलीकडेच अटक करण्यात आलेल्या दोघांचा समावेश आहे.
‘‘हिंसाचार आणि दहशतवादाद्वारे देशात इस्लामिक राज्य स्थापित करण्याच्या आयसिसच्या अजेंडाला पुढे नेण्यासाठी भारत सरकारविरुद्ध युद्ध पुकारून भारताची शांतता आणि सांप्रदायिक सौहार्द बिघडवण्याच्या उद्देशाने त्यांनी दहशतवादी कृत्ये करण्याचा कट रचला होता,’’ असे एजन्सीने म्हटले आहे.
अब्दुल्ला फैयाज शेखने पुण्यातील कोंढवा येथे एक घर भाड्याने घेतले होते. तेथे आयईडी तयार करण्यात येत असे.(NIA arrested ISIS Module)
एनआयएने म्हटले आहे की २०२२ आणि २०२३ दरम्यान, आरोपींनी केवळ आयईडी बनवले नाहीत तर बॉम्ब बनवण्याच्या प्रशिक्षण कार्यशाळाही आयोजित केल्या आणि त्यांच्या एका उपकरणाची चाचणी घेण्यासाठी नियंत्रित स्फोट देखील केला.
भारतात कार्यरत असलेल्या आयएसआयएसशी संबंधित नेटवर्क नष्ट करण्यासाठी सक्रियपणे काम करणाऱ्या तपास संस्थेने यापूर्वी बेकायदेशीर क्रियाकलाप (प्रतिबंध) कायदा, स्फोटक पदार्थ कायदा, शस्त्रास्त्र कायदा आणि भारतीय दंड संहितेच्या विविध तरतुदींनुसार सर्व दहा आरोपींविरुद्ध आरोपपत्र दाखल केले होते.(NIA arrested ISIS Module)
अब्दुल्ला फैयाज शेख आणि तलहा खान यांच्या व्यतिरिक्त, सध्या न्यायालयीन कोठडीत असलेल्या इतर आठ आरोपींमध्ये मोहम्मद इम्रान खान, मोहम्मद युनूस साकी, अब्दुल कादिर पठाण, सिमाब नसिरुद्दीन काझी, झुल्फिकार अली बडोदावाला, शमिल नाचन, अकीफ नाचन आणि शाहनवाज आलम यांचा समावेश आहे.
या प्रकरणाचा तपास सुरू असल्याचे एनआयएने म्हटले आहे.