Jotiba yatra: घुमला ‘चांगभलं’चा गजर

कोल्हापूर : ‘जोतिबाच्या नावानं चांगभलं’च्या गजरात शनिवारी (१२ एप्रिल) वाडी रत्नागिरी येथे श्री जोतिबाची चैत्र यात्रा पार पडली. गुलाल-खोबऱ्याच्या उधळणीत भाविक न्हाऊन गेले. यावेळी ढोलताशांच्या गजरात सासनकाठ्यांची मिरवणूकही पार पडली. (Jotiba yatra)

गुलालाच्या उधळणीत अख्खा डोंगर न्हाऊन गेला. मानाच्या सासनकाठ्यांची यावेळी वाजत-गाजत मिरवणूक काढण्यात आली. भाविकांनी भक्तिभावाने सासनकाठ्यांचे दर्शन घेतले. यात्रेसाठी अनेक भाविक देव डोक्यावर घेऊन आले होते. अनेकांनी भक्तिभावात तल्लीन होऊन सासनकाठ्या नाचवल्या.