मुंबई : दोहाहून आलेल्या प्रवासी महिलेला मुंबई विमानतळावर ६२.६ कोटी रुपयांच्या कोकेनसह अटक करण्यात आली. ३०० कॅप्सूलमध्ये ६,२६१ ग्रॅम कोकेन लपविण्यात आले होते. ओरिओ आणि चॉकलेट बॉक्समध्ये ते लपवून ठेवण्यात आले होते, असे महसूल गुप्तचर संचालनालयाच्या अधिकाऱ्यांनी सांगितले. (Cocaine seized)
महसूल गुप्तचर संचालनालयाने (डीआरआय) छत्रपती शिवाजी महाराज आंतरराष्ट्रीय विमानतळावर ही महिला कतारमधून तस्करी केलेल्या ६२.६ कोटी रुपयांचे कोकेन घेऊन आली होती, असे अधिकाऱ्यांनी सांगितले.
डीआरआयच्या म्हणण्यानुसार, काही दिवसांपूर्वी एक भारतीय महिला दोहाहून मुंबईला प्रवास करत अंमली पदार्थांची तस्करी करत असल्याची गुप्त माहिती मिळाली होती. सोमवारी मुंबई विमानतळावर पोहोचल्यानंतर एजन्सीच्या मुंबई अधिकाऱ्यांनी प्रवाशाला अटक केली. (Cocaine seized)
तिच्या बॅगेची कसून तपासणी केली असता, डीआरआयच्या अधिकाऱ्यांना ३०० कॅप्सूलमध्ये भरलेले सहा ओरिओ आणि तीन चॉकलेट बॉक्स आढळले, असे तपास अधिकाऱ्यांनी म्हटले आहे. कॅप्सूलमधून जप्त केलेल्या पावडरयुक्त पदार्थाची फील्ड ड्रग टेस्ट किटवर चाचणी करण्यात आली आणि त्यात कोकेनचा सकारात्मक परिणाम दिसून आला, असे अधिकाऱ्यांनी सांगितले. आरोपीला नार्कोटिक ड्रग्ज अँड सायकोट्रॉपिक सबस्टन्सेस (एनडीपीएस) कायदा, १९८५ च्या तरतुदींनुसार अटक करण्यात आली, असे केंद्रीय एजन्सीने म्हटले आहे. (Cocaine seized)