नवी दिल्ली : भारताने बुधवारी (२० ऑगस्ट) ओडिशाच्या किनाऱ्यावरील चांदीपूर येथील एकात्मिक चाचणी केंद्रावरून अग्नि-५ मध्यम-श्रेणीच्या बॅलिस्टिक क्षेपणास्त्राची यशस्वी चाचणी केली. त्यामुळे देशाच्या धोरणात्मक संरक्षण क्षमतेत लक्षणीय वाढ झाली.(Agni-5)
स्ट्रॅटेजिक फोर्सेस कमांडच्या मार्गदर्शनाखाली करण्यात आलेल्या या प्रक्षेपणाने क्षेपणास्त्राच्या सर्व ऑपरेशनल आणि तांत्रिक बाबींची पडताळणी केली, असे अधिकाऱ्यांनी सांगितले.
संरक्षण संशोधन आणि विकास संघटनेने (डीआरडीओ) विकसित केलेले, अग्नि-५ हे ५,००० किलोमीटरपेक्षा जास्त पल्ल्याचे अणु-सक्षम बॅलिस्टिक क्षेपणास्त्र आहे. हे अग्नि मालिकेतील सर्वांत प्रगत आहे. ते जमिनीवरून जमिनीवर मारा करणाऱ्या क्षेपणास्त्रांचे एक महत्त्वाचे अंग आहे. (Agni-5)
मल्टिपल इंडिपेंडेंटली टार्गेटेबल री-एंट्री व्हेईकल (MIRV) तंत्रज्ञानाने सुसज्ज, अग्नि-५ अनेक अण्वस्त्रे वाहून नेऊ शकते. प्रत्येक अण्वस्त्र वेगवेगळ्या लक्ष्यावर मारा करण्यास सक्षम आहे. त्यामुळे त्याची धोरणात्मक परिणामकारकता मोठ्या प्रमाणात वाढते.
रिंग लेसर जायरोस्कोप-आधारित इनर्शियल नेव्हिगेशन सिस्टम (RLG-INS) आणि मायक्रो इनर्शियल नेव्हिगेशन सिस्टम (MINGS) असल्यामुळे ते अचूक लक्ष्यभेद करत. ते भारताच्या NavIC आणि US GPS सारख्या उपग्रह नेव्हिगेशन सिस्टमद्वारे काम करते.