कोल्हापूर : प्रतिनिधी : निळी किंवा काळी जीन्सची पॅन्ट, स्टार्च केलेला पांढरा कडक इस्त्रीचा शर्ट, डोक्यावर फेटा घालून तो मंगलकार्यालयात वावरायचा. वधू आणि वराच्या खोलीत कोणत्या महिलेकडे दागिने आहेत याची टेहाळणी करायचा आणि ते चोरायचा. मंगलकार्यालयातील या अनाहुत पाहुण्याची माहिती पोलिसांना मिळाली. पोलिसांनी या पाहुण्याला ताब्यात घेतला. आणि त्याने धडाधड चोरीची कबुली दिली. पोलिसांनी त्याच्याकडून चार लाख किंमतीचे मुददेमाल हस्तगत केला. (Wedding thief)
मंगल कार्यालयात वाढत्या चोरीच्या पार्श्वभूमीवर स्थानिक गुन्हे अन्वेषण शाखेचे पोलिस तपास करत होते. पोलिस उप निरीक्षक जालिंदर जाधव यांच्या पथकाने तपास सुरू केला. रेकॉर्डवरील एक गुन्हेगार मंगल कार्यालयात जाऊन चोरी करत असल्याचे माहिती पोलिसांनी मिळाली. पोलिसांनी भुदरगड तालुक्यातील आदमापूर येथून बाळासो उर्फ अजित प्रकाश पाटील (वय २८) याला ताब्यात घेतले. पोलिसांनी त्याच्याकडे चौकशी केली असता सुरुवातीला त्याने उडवाउडवीची उत्तरे दिली. त्यानंतर त्याने जय पॅलेस कळंबा, सृष्टी फॉर्म हाऊस हणबरवाडी या मंगल कार्यालयात चोरी केल्याची कबुली दिली. पोलिसांनी ४२ ग्रॅम सोन्याचे तीन लाख ७८ हजार ३७० रुपये किंमतीचे सोन्याचे दागिने जप्त केले. (Wedding thief)
मंगल कार्यालयातील चोरीची पद्धत
मंगल कार्यलयात चोरी करण्यासाठी अजित पाटील या चांगले कपडे घालून जायचा. मंगल कार्यालयात जाऊन पाहुणे मंडळीकडून फेटाही बांधून घ्यायचा. त्यानंतर तो मंगलकार्यात वधू आणि वरांकडील मंडळींना छोट्या मोठ्या कामात मदत करायचा. ते करत असताना तो दागिने कुणाकडे आहेत याची टेहाळणी करायचा. वधू आणि वरांच्या कक्षात ते बिनधास्त जायचा. संधी साधून तो दागिन्यावर डल्ला मारायचा. (Wedding thief)
तपासातील पोलीस अधिकारी आणि कर्मचारी
या गुन्ह्याचा तपास स्थानिक गुन्हे अन्वेषण विभागाचे पोलिस अधिकारी रवींद्र कळमकर यांच्या मार्गदर्शनाखाली पोलिस उप निरीक्षक जालिंदर जाधव, पोलिस उप निरीक्षक शेष मोरे, पोलिस अंमलदार सुरेश पाटील, रुपेश माने, राम कोळी, अमित सर्जे, अनिकेत मोरे, समीर कांबळे, राजू कांबळे, विनोद कांबळे, प्रविण पाटील हंबीर अतिग्रे यांनी केली आहे. (Wedding thief)
संशयितांवर घरफोडी, चोरीचे २१ गुन्हे
संशयित अजित पाटील यांच्यावर यापूर्वीच जबरी चोरी, घरफोडीचे २१ गुन्हे कोल्हापूर पुणे येथे दाखल आहेत. पुढील तपासाकरिता स्थानिक गुन्हे अन्वेषण विभागाने त्याला लक्ष्मीपुरी पोलिस ठाण्याकडे सपुर्त केले आहे. या पोलिस ठाण्यातअंतर्गत त्याने दीड तोळे दागिने चोरल्याचा गुन्हा निष्पण झाला आहे. (Wedding thief)
हेही वाचा :