वसई : प्रतिनिधी : भाजपचे राष्ट्रीय सचिव वादाच्या भोवऱ्यात अडकले आहेत. विरारच्या एका हॉटेलमध्ये निवडणुकीसाठी पैसे वाटत असल्याचा आरोप त्यांच्यावर बहुजन विकास आघाडीचया कार्यर्त्यांनी केला. यामुळे हॉटेल परिसरात बहुजन विकास आघाडीच्या कार्यकर्त्यांनी गोंधळ घातला. भाजप आणि बविआ कार्यकर्ते आपापसात भिडले असून पोलिसांनी हॉटेल सिल केले आहे. आमदार क्षितीज ठाकूर ही घटनास्थळी होते. यामुळे तणाव वाढला. बविआच्या कार्यकर्त्यांनी तावडे यांना घेरून त्यांच्यावर पैशांची पाकिटे रिकामी केली.
हॉटेलमधून भाजपचे राष्ट्रीय सचिव विनोद तावडे महिलांना वाटर करत असल्याचा आरोप बहुजन विकास आघाडीने केला. या माहिती सगळीकडे पसरताच दोन्ही पक्षाचे कार्यकर्ते हॉटेलमध्ये जमू लागले. बहुजन विकास आघाडीचे कार्यकर्ते थेट हॉटेलमध्ये शिरले. यानंतर आमदार क्षितीज ठाकूर देखील हॉटेलमध्ये दाखल झाले. तिथे येऊन त्यांनी हॉटेलमध्ये सापडलेली पैशाची पाकिटे दाखवली. यामुळे भाजप आणि बहुजन विकास आघाडीचे कार्यकर्ते एकमेकांना भिडले. हॉटेल परिसरात तणाव निर्माण झाल्यामुळे पोलिस हॉटेलमध्ये पोहोचले. आणि अधिक कुमक मागवली. या घटनेमुळे पोलिसांनी हॉटेल सिल केले आहे. त्यामुळे दोन्ही पक्षाच्या कार्यकर्त्यांची मोठी गर्दी जमली आहे.
बविआ कार्यकर्त्यांनी तावडेंवर पैसे उधळले
हॉटेलमध्ये शिरलेल्या बहुजन विकास आघाडीच्या कार्यकर्त्यांनी विनोड तावडे यांना घेरले. तिथे सापडलेली पैशाची पाकिटे घेवून त्यातील पैसे विनोड तावडे यांच्या अंगावर उधळले. विनोड तावडे यांनी हे सर्व आरोप फेटाळले आहेत. हॉटेलमध्ये उपस्थित कार्यकर्त्यांना मतदानाचे नियम मी सांगत होते. आणि मी आयुष्यात कधी पैसे वाटलेले नाहीत असे विनोड तावडे म्हणाले.
पोलीस आणि निवडणूक आयोगाने चौकशी करावी- विनोद तावडे
या प्ररकणावर बोलताना विनोज तावडे म्हणाले की, घडलेल्या सगळ्या प्रकरणाची पोलिस आणि निवडूक आयोगाने चौकशी करावी. बहुजन विकास आघाडीचे नेते हितेंद्र ठाकूर यांना कोणीतरू चुकीची माहिती दिली आहे. हॉटेलमध्ये कार्यकर्त्यांना मार्गदर्शन करण्यासाठी आलो होतो.
पुढे ते म्हणाले की, मतदाना दिवशी आचारसंहिता, मतदान यंत्रे कशी सील केली जातात. आक्षेप नोंदवायचा असेल तर काय करावे?. अशा असे मार्गदर्शन करण्यासाठी मी तिथे गेलो होते. परंतु, बहुजन आघाडीचे नेते हितेंद्र ठाकूर आणि आमदार क्षीतिज ठाकूर यांचा असा गैरसमज झाला की, आम्ही पैसे वाटप करत आहे. या प्रकरणाची पोलिस आणि निवडणूक आयोगाला चौकशी करू द्या. हॉटेलमधील सीसीटीव्ही फुटेज त्यांना मिळू देत. मी गेल्या ४० वर्षांपासून राजकारणात आहे. हितेंद्र ठाकूर आणि क्षितिज ठाकूर मला चांगले ओळखतात. सगळा पक्ष मला ओळखतो. पण, तरीही निवडणूक
आयोगाने या प्रकरणाची निष्पक्ष चौकशी करावी
याबद्दल निवडणूक आयोग आणि पोलिस यांना चौकशी करू द्या. त्यांना सीसीटीव्ही फुटेज मिळू द्या. मी ४० वर्षांपासून पक्षात आहे. अप्पा ठाकूर आणि क्षितिज मला चांगले ओळखतात. संपूर्ण पक्ष मला ओळखतो. तरीही माझा विश्वास आहे की निवडणूक आयोगाने याची निष्पक्ष चौकशी करावी.”