ग्वाल्हेर : वृत्तसंस्था : सोमवारी आणि मंगळवारी मध्यरात्री शहरातील राठोड कॉलनीत भीषण स्फोट झाला. हा स्फोट इतका भीषण होता, की आजूबाजूची तीन घरे पूर्णपणे कोसळली. निम्मे लोक घरांच्या ढिगाऱ्याखाली गाडले गेले. पोलिस आणि महापालिकेच्या पथकाने मदतकार्य करून त्यांना बाहेर काढले. या अपघातात आई आणि मुलीसह चार महिलांचा मृत्यू झाला. घरातील स्फोटानंतर तब्बल ११ तासांनी ढिगाऱ्याखाली दबलेल्या दोन महिलांचे मृतदेह बाहेर काढण्यात आले. दोन जण गंभीर जखमी झाले असून त्यांना उपचारासाठी जिल्हा रुग्णालयातून ग्वाल्हेरला पाठवण्यात आले आहे.
तुंच रोडवर असलेल्या कोतवाली पोलिस ठाण्याच्या हद्दीतील राठौर कॉलनीतील मुन्शी राठोड यांच्या घरात रात्री ११.५५ वाजता स्फोट झाला. स्फोट इतका जोरदार होता, की कॉलनीतील लोकांचीच नाही तर आजूबाजूच्या परिसरातील लोकांचीही झोप उडाली. जेव्हा लोक घराबाहेर पडले, तेव्हा त्यांना आजूबाजूला फक्त धुराचे लोट दिसले. दूरवर काहीही दिसत नव्हते; मात्र काही वेळाने धुराचे विरल्याने कॉलनीत राहणारे नागरिक मुन्शी राठोड, बासुदेव राठोड, राकेश राठोड या तिघांचीही घरे पूर्णपणे कोसळली होती.
याची माहिती मिळताच कोतवाली पोलिस घटनास्थळी पोहोचले आणि महापालिकेच्या पथकाने तातडीने ढिगारा हटवण्यास सुरुवात केली. या अपघातात पूजा कुशवाह आणि विद्या देवी या दोन महिलांचा मृत्यू झाला आहे. कृष्णा, सोमवती, सत्यवीर आणि शिव, राजू हे गंभीर जखमी झाले असून त्यांना जिल्हा रुग्णालयात प्राथमिक उपचारानंतर ग्वाल्हेरला रेफर करण्यात आले आहे. ढिगाऱ्यातून वाचवण्यात आलेल्या लोकांमध्ये एक जोडपे भाडेकरू असल्याचे सांगण्यात येत आहे. ज्यामध्ये पत्नी पूजा कुशवाहाचा मृत्यू झाला, तर पती राजू कुशवाहला ग्वाल्हेरला पाठवण्यात आले. पोलिस आणि महापालिकेच्या पथकाने घटनेच्या ११ तासांनंतर आई आणि मुलीचे मृतदेह बाहेर काढले. ढिगारा पूर्णपणे हटवल्यानंतरच अजून किती लोक तेथे आहेत हे स्पष्ट होणार असले तरी या ढिगाऱ्याखाली अजून एक ते दोन जण गाडले गेले असावेत असा अंदाज आहे.
याआधीही स्फोट
याआधी १९ ऑक्टोबरला शहरातील फिल्म पुरामध्ये गनपावडर स्फोट झाला होता. त्यात आई आणि मुलीचा मृत्यू झाला. यानंतर २४ नोव्हेंबर रोजी जिल्ह्यातील सुमावली शहरात गनपावडरचा स्फोट झाला होता. यात कोणतीही जीवितहानी झाली नसली तरी घराला भेगा पडल्या आहेत. पोलिसांना या प्रकरणाची माहिती मिळताच त्यांनी घटनास्थळावरून काही फटाके आणि फटाके बनवण्याचे साहित्य जप्त केले. यासोबतच फटाके बनवणाऱ्या महिलांवर गुन्हा दाखल करण्यात आला असून त्यांचा शोध सुरू करण्यात आला आहे.