मुंबई : प्रतिनिधी : राज्य सरकार स्थापन होऊन मंत्रिमंडळ विस्तार आणि खातेवाटप होऊन महिना लोटल्यानंतर अखेर पालकमंत्र्यांची यादी जाहीर करण्यात आली. त्यानुसार बीड आणि पुण्याच्या पालकमंत्रिपदाची जबाबदारी उपमुख्यमंत्री अजित पवार यांच्याकडे देण्यात आली आहे.(Guardian Minister)
धनंजय मुंडे यांचा पत्ता कट करण्यात आला आहे. तर कोल्हापूरच्या पालकमंत्रिपदी प्रकाश आबीटकर आणि सांगलीची जबाबदारी चंद्रकांत पाटील यांच्यावर सोपवण्यात आली आहे. पुण्याच्या माधुरी मिसाळ या कोल्हापूरच्या सहपालकमंत्री असतील. हसन मुश्रीफ आता वाशिमचे पालकमंत्री असतील.
बीडमध्ये सरपंच संतोष देशमुख यांच्या हत्येनंतर राज्यभर उठलेल्या जनक्षोभाच्या पार्श्वभूमीवर धनंजय मुंडे यांना या जिल्ह्याचे पालकमंत्रिपद देऊ नये, या मागणीने जोर धरला होता. अखेर त्यांना पालकमंत्रिपदाच्या यादीतून वगळण्यात आले आहे.
मुख्यमंत्री देवेंद्र फडणवीस यांनी गडचिरोलीचे पालकमंत्रिपद आपल्याकडे ठेवले आहे, तर उपमुख्यमंत्री एकनाथ शिंदे यांच्याकडे ठाणे आणि मुंबई शहरचे पालकमंत्रिपद असणार आहेत. (Guardian Minister)
- पालकमंत्र्यांची यादी
• गडचिरोली : देवेंद्र फडणवीस• नागपूर : चंद्रशेखर बावनकुळे• ठाणे : एकनाथ शिंदे
• पुणे : अजित पवार
• बीड : अजित पवार
• सिंधुदुर्ग : नितेश राणे
• अमरावती : चंद्रशेखर बावनकुळे
• अहिल्यानगर : राधाकृष्ण विखे पाटील
• वाशिम : हसन मुश्रीफ
• सांगली : चंद्रकांत पाटील
• सातारा : शंभूराजे देसाई
• छत्रपती संभाजी नगर : संजय शिरसाट
• जळगाव : गुलाबराव पाटील
• यवतमाळ : संजय राठोड
• कोल्हापूर : प्रकाश आबिटकर, सह पालकमंत्री माधुरी मिसाळ
• अकोला : आकाश फुंडकर
• भंडारा : संजय सावकारे
• बुलढाणा : मकरंद जाधव
• चंद्रपूर : अशोक ऊईके
• धाराशीव : प्रताप सरनाईक
• धुळे : जयकुमार रावल
• गोंदिया : बाबासाहेब पाटील
• हिंगोली : नरहरी झिरवळ
• लातूर : शिवेंद्रसिंग भोसले
• मुंबई शहर : एकनाथ शिंदे
• मुंबई उपनगर : आशिष शेलार/ सह पालकमंत्री मंगलप्रभात लोढा
• नांदेड : अतुल सावे
• नंदुरबार : माणिकराव कोकाटे
• नाशिक : गिरीष महाजन
• पालघर : गणेश नाईक
• परभणी : मेघना बोर्डीकर
• रायगड : अदिती तटकरे
• रत्नागिरी : उदय सामंत
• सोलापूर : जयकुमार गोरे
• वर्धा : पंकज भोयर
• जालना : पंकजा मुंडे