कोल्हापूर; प्रतिनिधी : धुळ्यातील काँग्रेसचे ज्येष्ठ नेते, माजी मंत्री रोहिदास चुडामण पाटील (वय ८४) यांचे आज (दि.२७) सकाळी धुळे येथे निधन झाले. काँग्रेसचे धुळे ग्रामीणचे आमदार कुणाल पाटील यांचे ते वडील होत. त्यांच्यावर उद्या (दि.२८) सकाळी धुळ्यातील एस.एस.व्ही.पी.एस. कॉलेजच्या मैदानात अंत्यसंस्कार करण्यात येणार आहेत. ( Rohidas Patil )
गेल्या फेब्रुवारी महिन्यात रोहिदास पाटील ( Rohidas Patil ) त्यांच्या कोल्हापुरातील मुलीला भेटण्यासाठी आले होते. त्यावेळी त्यांची प्रकृती अचानक बिघडली होती. त्यांना उपचारासाठी तत्काळ खासगी हॉस्पिटलमध्ये दाखल करण्यात आले होते. त्यांना फुप्फुसाचा आजार असल्याचे निदान झाले होते. त्यांच्यावर अतिदक्षता विभागात उपचार सुरू होते. उपचारानंतर धुळ्याला परतले होते. मात्र त्यांच्या प्रकृतीत सुधारणा झाली नव्हती. त्यांच्यात पश्चात पुत्र, आमदार कुणाल पाटील आणि विनय पाटील, मुलगी स्मिता पाटील असा परिवार आहे. कोल्हापुरातील हृदयरोगतज्ज्ञ डॉ. चंद्रशेखर पाटील यांचे ते सासरे होत.
आभाळ कोसळले!!
आमचे वडील आदरणीय दाजीसाहेब आज आपणा सर्वांना सोडून गेले.🥺 सातत्याने ५ दशके येथील माती आणि माणसे समृध्द व्हावी म्हणून मांडलेला लोकसेवेचा झंझावात आज शांत झाला आहे. उत्तर महाराष्ट्र आणि धुळे जिल्ह्याला आकार प्राप्त व्हावा यासाठी त्यांनी अविरत प्रयत्न केले.
आदरणीय… pic.twitter.com/6g3FU9sFvI
— Kunal Patil (@Kunal_R_Patil) September 27, 2024
हेही वाचा :