व्हिसेनहॉस : भारताचा विश्वविजेता बुद्धिबळपटू डी. गुकेशचे फ्रीस्टाइल बुद्धिबळ अजिंक्यपद स्पर्धेतील आव्हान उपांत्यपूर्व फेरीत संपुष्टात आले. उपांत्यपूर्व फेरीमध्ये सलग दुसऱ्या लढतीत त्याला जागतिक क्रमवारीत दुसऱ्या स्थानी असणाऱ्या अमेरिकेच्या फॅबिआनो कॅरुआनाविरुद्ध पराभवाला सामोरे जावे लागले. (D. Gukesh)
कॅरुआनाविरुद्धची पहिली उपांत्यपूर्व लढत गमावल्यानंतर गुकेशला आव्हान टिकवण्यासाठी दुसऱ्या लढतीत विजय मिळवणे अनिवार्य होते. तथापि, या लढतीत अवघ्या १८ चालींनंतरच गुकेशने सामना सोडला. या लढतीत गुकेश काळ्या मोहऱ्यांसह खेळला. ही लढत जिंकल्यास गुकेशला कॅरुआनाविरुद्ध टायब्रेकर खेळण्याची संधी होती. परंतु, कॅरुआनाने त्याला ही संधी न देता २-० अशा विजयासह उपांत्य फेरीत आगेकूच केली. गुकेशने इतक्या लागलीच शरणागती पत्करण्याबाबत बुद्धिबळतज्ज्ञांकडूनही आश्चर्य व्यक्त करण्यात आले. (D. Gukesh)
गुकेश आता या स्पर्धेत ५ ते ८ या स्थानांसाठी खेळेल. उपांत्यपूर्व फेरीच्या अन्य लढतींमध्ये जर्मनीच्या व्हिन्सेंट केमरने फ्रान्सच्या अलिरेझा फिरोझावर १.५-०.५ अशी मात केली. नॉर्वेच्या मॅग्नस कार्लसनने उझबेकिस्तानच्या नॉदिर्बेक अब्दुसत्तारोव्हला २-० असे पराभूत केले. उझबेकिस्तानच्या जावोखिर सिंदारोवने अमेरिकेच्या हिराकू नाकामुराविरुद्ध २.५-१.५ असा विजय मिळवला. आता उपांत्य फेरीत केमरशी कार्लसनशी, तर कॅरुआनाची सिंदारोवशी लढत होईल. (D. Gukesh)
हेही वाचा :
न्यूझीलंड अंतिम फेरीत
रोहितने टाकले द्रविड, गेलला मागे