गौतम बुद्धांकडे एक तत्त्वचिंतक आला. म्हणाला, मी अनेक दार्शनिकांना भेटलो, विचारवंतांना भेटलो. मला जगाविषयी, अस्तित्त्वाविषयी, परमेश्वराविषयी खूप प्रश्न आहेत. ते मी त्यांना विचारले, पण माझ्या प्रश्नांचं उत्तर काही मिळालं नाही. जे मिळालं त्याने समाधान झालं नाही. कुणीतरी मला सांगितलं की या सगळ्या प्रश्नांची उत्तरं बुद्धाकडेच मिळतील, म्हणून मी तुमच्याकडे आलो आहे. विचारू का प्रश्न?