कृष्णात व. चौगले; कोल्हापूर : केंद्र सरकारने आयात शुल्क वाढवण्याचा निर्णय घेतल्याने खाद्यतेलाच्या किमती वाढल्या आहेत. सूर्यफूल, शेंगदाणा, सोयाबीन आणि पाम तेलाच्या (Cooking Oil) किमतीत किलोमागे २५ ते ३० रुपयांची वाढ झाली आहे. त्यामुळे १५ किलो डब्याची किंमत अडीचशे ते तीनशे रुपयांनी वाढली आहे. साहजिकच याचा थेट फटका ग्राहकांना बसणार आहे.
ऑक्टोबर महिन्याच्या सुरुवातीलाच नवरात्र आणि विजयादशमीचा उत्साह असतो. महिन्याच्या शेवटी दिवाळी आहे. त्याआधीच खाद्यतेलाच्या दरात वाढ झाली आहे. केंद्र सरकारने आयात शुल्कात वाढ करण्याचा निर्णय जाहीर केला आहे. आंतरराष्ट्रीय बाजारात खाद्यतेलाची आवक होऊन देशातही भाव कमी झाले होते. याचा फटका देशांतर्गत उत्पादित होणाऱ्या सोयाबीनसह तेलबिया पिकांच्या दरावर झाला होता. त्यामुळे आयात शुल्कात वाढ करण्याची मागणी शेतकरी, प्रक्रियादार, रिफायनरीज करत होत्या. (Cooking Oil)
केंद्र सरकारने, कच्च्या तेलावरील मूलभूत आयात शुल्क २० टक्के वाढवली आहे. आतापर्यंत कच्च्या तेलाच्या आयातीवर कोणतेही शुल्क आकारले जात नव्हते. पण, आता ते २० टक्के करण्यात आले आहे. दुसरीकडे रिफाइंड तेलावरील मूळ आयात शुल्क १२.५ टक्क्यांवरून ३२.५ टक्के करण्यात आला आहे. त्याचा परिणाम म्हणून तेलाचे दर वाढणार आहेत. कस्टम ड्युटी वाढली असल्याने आता खाद्यतेलाचे प्रभावी शुल्कही वाढणार आहे. क्रूड पाम, सोयाबीन आणि सूर्यफूल तेलावरील प्रभावी शुल्क आतापर्यंत ५.५ टक्के होते. पण ते आता २७.५ टक्के करण्यात आले आहे. तसेच, शुद्ध सूर्यफूल तेल, शुद्ध पाम तेल आणि शुद्ध सोयाबीन तेलाची प्रभावी किंमत आधी १३.७५ टक्के होती ती आता ३५.७५ टक्के झाली आहे.
खाद्यतेलाचा किलोचा दर
- सरकी : १४६ ते १८०
- शेंगतेल : २०० ते २४०
- सोयाबीन : १४६ ते १८०
- सूर्यफूल : १२५ ते १५०
खाद्यतेलाचा भाव (१५ लिटरसाठी)
- सूर्यफूल : १७५०-२१०० (भाववाढ -३५० रुपये)
- सोयाबीन : १६९०-१९८० (भाववाढ – २९० रुपये)
गेल्यावर्षी तीन हजाराच्या पुढे गेलेल्या तेलाच्या डब्याचा दर १५०० ते १६०० पर्यंत खाली आला होता. मात्र, केंद्र सरकारने सोयाबीनला दर देताना खाद्यतेलाचे दर वाढवले आहेत. यामुळे सर्वसामान्य लोकांचे जगणे मुश्किल होणार आहे.
– अजित पोवार, जिल्हाध्यक्ष, स्वाभिमानी शेतकरी संघटना, (युवा आघाडी)
हेही वाचा :