नवी दिल्ली : प्रतिनिधी : जम्मू काश्मीरच्या किश्तवाड या ठिकाणी दोन बेपत्ता पोलिस अधिकाऱ्यांचे मृतदेह सापडले. मृतदेहांची बंदुकींच्या गोळांची चाळण झाली आहे. दोघांवर अतिरेक्यांनी हल्ला केला आहे. रशपाल कुमार (वय ४०) आणि बॉबी चंद (वय ५४) अशी मृत अधिकाऱ्यांची नावे आहेत. (Two police officers killed in Kishtwar, Jammu and Kashmir)
पोलिसांनी दिलेल्या माहितीनुसार रशपाल कुमार आणि बाबी चंद हे दोन्ही पोलिस अधिकारी दच्छनच्या कियार गावात विशेश पोलिस पथकात अधिकारी म्हणून काम करत होते. दोन्ही अधिकारी ढारना मारवह या ठिकाणी असलेल्या लष्करी चौकीकडे निघाले होते. पण ते चौकीत पोहोचले नाही. त्यानंतर दोघे बेपत्ता असल्याची माहिती पुढे आली. सुरवातीला दोघांशीही मोबाईलवर संपर्क करण्यात आला होता. मात्र त्यानंतर काही वेळाने या दोघांचा मोबाईल बंद झाला होता. त्यानंतर दोन्ही अधिकाऱ्यांसाठी शोध मोहिम राबवण्यात आली. किश्तवाड येथे दोघां अधिकाऱ्यांचे मृतदेह आढळून आले. (Two police officers killed in Kishtwar, Jammu and Kashmir)
दोघांचे मृतदेह आढळून आले तेव्हा दहशतवाद्यांचे कौर्यही समोर आले. एका अधिकाऱ्याच्या डोक्यात गोळी झाडली होती तर दुसऱ्या पोलिस अधिकाऱ्याच्या पाठीत गोळी झाडण्यात आली होती. दोघांना ठार मारण्यासाठी अतिरेकी दबा धरुन बसले होते. दोघांना ठार केल्यानंतर त्यांच्या रायफल्सही हिसकावण्यात आल्या असाव्यात असे पोलिसांचे म्हणणे आहे. (Two police officers killed in Kishtwar, Jammu and Kashmir)