महाराष्ट्र दिनमान ऑनलाईन डेस्क : गेल्या काही दिवसांपासून राज्यातील बहुतांश ठिकाणी पावसाचा जोर सुरु आहे. अवकाळी पावसामुळे शेतीचे अतोनात नुकसान झाले आहे. शेतकऱ्यांच्या हातातोंडाशी आलेला घास अवकाळी पावसाने हिरावून घेतला आहे. दरम्यान भारतीय हवामान खात्याने (India Meteorological Department ) आज (दि.१९) मध्य महाराष्ट्रात काही ठिकाणी गारपीठ होण्याची शक्यता वर्तवली आहे, त्याचबरोबर लोकांना खबरदारीचा इशारा दिला आहे.
अवकाळी पावसामुळे सोयाबीन, भुईंमुंग काढणी, भात कापणी यासारखी शेतीतील बरीच कामे ठप्प झाली आहेत. काढणीला आलेली पिके गमावण्याची वेळ शेतकऱ्यांच्यावर आली आहे. आज (दि.१९) मध्य महाराष्ट्रात भारतीय हवामान खात्याने (India Meteorological Department ) काही ठिकाणी गारपीठ होण्याची शक्यता वर्तवली आहे, त्याचबरोबर कोकण, गुजरात, तामिळनाडू, आंध्र प्रदेश, गोवा, मध्य महाराष्ट्र, कर्नाटकचा दक्षिण आणि उत्तर, अंदमान आणि निकोबार बेट अंतर्गत भाग आणि ओडिशा येथे जोरदार पावसाची शक्यता आहे. (Unseasonal Rain)
महाराष्ट्रात ‘या’ ठीकाणी पडेल पाऊस
राज्यात आज (दि.१९) पासून पुढील तीन दिवस पावसाचा जोर वाढणार असल्याला अंदाज हवामान खात्याने वर्तवला आहे. आज राज्यातील धाराशिव, बीड, कोकण, अहिल्यानगर, सातारा, सांगली, नांदेड, लातूर, परभणी, कोल्हापूर, नाशिक, छत्रपती संभाजीनगर, जालना या भागात तुरळक ठिकाणी पाऊस पडण्याची शक्यता वर्तवली आहे.
महाराष्ट्रात आज (१९ ऑक्टोबर)पासून पुढील तीन दिवस पावसाचा जोर वाढणार असल्याचा अंदाज हवामान विभागाने वर्तविला आहे. सध्या दक्षिण आंध्रप्रदेश पासून कर्नाटक रायल सीमीपर्यंत ढगांची द्रोणीय स्थिती निर्माण झाली आहे. तर, अरबी समुद्रामध्ये चक्रीय वात स्थिती निर्माण झाली आहे. त्यामुळे कोकणात पावसाचा जोर पुन्हा वाढताना दिसणार आहे. राज्यात आज (१९ ऑक्टोबर) रोजी कोकण, पश्चिम महाराष्ट्र, नाशिक, छत्रपती संभाजीनगर, जालना या भागात तुरळक ठिकाणी पाऊस पडण्याची शक्यता वर्तविण्यात आली आहे. (Unseasonal Rain)
हेही वाचा :