कोल्हापूर : प्रतिनिधी : राज्यातील विधान परिषदेच्या निवडणुकीचा अंतिम निकाल लागत असून सत्ताधारी महायुती आणि महाविकास आघाडीने प्रत्येकी दोन जागा जिंकल्या आहेत. नागपूर पदवीधर संघाची निवडणूक अतिशय अटीतटीची सुरू असून भाजपचे सुधाकर पोहळे आणि काँग्रेसचे आमदार अभिजीत वंजारी यांच्यात काट्याची लढाई सुरू आहे. तिथे दुसऱ्या क्रमांकाची मतमोजणी सुरू असून सुधाकार कोहळे यांचे मताधिक्य चार हजाराहून घटून १२०० मतांच्या आघाडीपर्यंत आले आहे. अजून १५ हजार मतपत्रिकेच मोजणी बाकी आहे. (A tie between the Mahayuti and the Maha Vikas Aghadi)
पदवीधर आणि शिक्षक मतदार संघात महायुती एकतर्फी निवडणूक जिंकेल असा अंदाज व्यक्त केला जात होता. पण राष्ट्रवादी शरद पवार पक्षाने दोन जागा जिंकून महायुतीला मोठा धक्का दिला आहे. पुणे पदवीधर मतदार संघात राष्ट्रवादी काँग्रेस शरद पवार पक्षाच्या हर्षदा देशमुख जाधव विजयी झाल्या आहेत. त्यांनी भाजपच्या स्मिता जाधव यांचा पराभव केला आहे. पुणे शिक्षक मतदार संघ भाजपने खेचून आणला आहे. भाजपचे कौस्तुभ गावडे विजयी झाले आहेत. तिथे अपक्ष उमेदवार सचिन सानप यांचा पराभव झाला आहे. तसेच काँग्रेसचे विद्यमान आमदार जयंत आसगांवकर यांना पराभवाचा धक्का बसला आहे. सोलापूरचे माजी आमदार दत्ता सावंतही पराभूत झाले आहेत. (A tie between the Mahayuti and the Maha Vikas Aghadi)
मराठवाडा पदवीधर मतदार संघात शरदचंद्र पवार पक्षाचे उमेदवार प्रतापसिंह पाटील यांनी राष्ट्रवादी अजित पवार पक्षाचे उमेदवार आमदार सतीश चव्हाण यांचा पराभव केला. सुरवातीपासून प्रतापसिंह पाटील आघाडीवर होते. प्रतापसिंह पाटील यांना शिवसेनेचे आमदार अब्दुल सत्तार यांनी पाठिंबा दिला होता. अब्दुल सत्तार हे किंगमेकर ठरल्याची चर्चा आहे. जरांगे फॅक्टरचाही तिथे प्रभाव जाणवला आहे.
अमरावती शिक्षक मतदार संघ निवडणुकीत शिवसेनेचे आमदार किरण सरनाईक सलग दुसऱ्यांदा विजयी झाले. किरण सरनाईक यांना १६ हजार ६६३ मते पडली. त्यांनी कोटा पूर्ण केल्याने त्यांना विजयी घोषीत करण्यात आले. काँग्रेसच्या अदिती पोहरे यांना ८३३६ मते मिळाली. शिवसेनेचे बंडखोर उमेदवार डॉ. श्रीकांत देशपांडे तिसऱ्या क्रमांकावर राहिले. (A tie between the Mahayuti and the Maha Vikas Aghadi)
