पुणे : प्रतिनिधी : राज्याचे उपमुख्यमंत्री अजित पवार यांच्या विमान अपघातात मृत्यू झाल्यानंतर त्यांच्या अंत्यसंस्कार आणि रक्षा विसर्जन विधीच्यावेळी शरद पवार उपस्थित होते. दोन्ही विधी झाल्यानंतर राष्ट्रवादी काँग्रेसचे संस्थापक शरद पवार सक्रीय झाले आहेत. त्यांनी आज बारामती येथील निरा वागस नदीची पाहणी करुन ग्रामस्थांशी संवाद साधला आहे. (Sharad Pawar is active in Baramati)
अजित पवारांच्या अपघाती निधनानंतर शरद पवार आतून खचल्यासारखे दिसले. पत्रकारांशी संवाद साधताना त्यांना जड जात होते. त्यांना हुंदका आवरणे कठीण जात होते असे दिसून आले. काल अंत्यसंस्कार झाल्यावर सर्वच राजकीय नेत्यांनी त्यांची भेट घेऊन सांत्वन केले. आज रक्षाविसर्जनाला शरद पवार उपस्थित होते. दरम्यान दिवसभर अजित पवार यांच्या निधनानंतर पक्षाची धुरा कोण सांभाळणार याची चर्चा सुरू झाली. अजित पवारांच्या पत्नी सुनेत्रा पवार यांची गटनेतेपदाची निवड होण्याची शक्यता आहे. या घडामोडी सुरू असताना शरद पवार बारामतीमध्ये सक्रीय झाले आहेत. (Sharad Pawar is active in Baramati)