Category:

राजकारण

Resignation of a minister from the Modi government

मोदी सरकारमधील मंत्र्यांचा राजीनामा

by प्रतिनिधी June 23, 2026

written by प्रतिनिधी

नवी दिल्ली : पंतप्रधान नरेंद्र मोदी यांच्या नेतृत्वाखालील भाजप एनडीए सरकारमधील केंद्रीय अल्पसंख्याक राज्य मंत्री जॉर्ज कुरियन यांनी मंत्रीपदाचा राजीनामा दिला. त्यांनी राष्ट्रपती द्रोपदी मुर्मु यांच्याकडे त्यांनी राजीनाम्याचे पत्र सोपवले असून त्यांचा राजीनामा मंजूर झाला असल्याचे राष्ट्रवादी भवनाने म्हटलं आहे. कुरियन यांच्या राजीनाम्यानंतर आणखी कुणी मंत्री राजीनामा देणार का याची चर्चा सुरू झाली आहे. मंत्रीमंडळात बदल आणि विस्तार होण्याची शक्यता वर्तवली जात आहे. (Resignation of a minister from the Modi government)

जॉर्ज कुरियन हे भाजपचे ज्येष्ठ आणि वरिष्ठ नेते असून ते केंद्रीय अल्पसंख्याक आणि मत्सपालन राज्यमंत्री होते. मोदी यांच्या तिसऱ्या मंत्रीमंडळात २०२४ पासून ते मंत्री म्हणून कार्यरत होते. त्यांचा सहा वर्षाचा राज्यसभेचा कार्यकाल संपला होता. नुकत्याच झालेल्या केरळ विधानसभा निवडणुकीत भाजपचा दारुण पराभव झाल्याने भाजप पक्षश्रेष्ठी त्यांच्यावर नाराज होते अशी माहिती पुढे आली आहे. (Resignation of a minister from the Modi government)

जॉर्ज कुरियन भाजपच्या स्थापनेपासून म्हणजे १९८० पासून पक्षाचे सदस्य आहेत. सर्वोच्च न्यायालयातही त्यांनी वकिली केली आहे. नुकताच त्यांचा राज्यसभेचा कार्यकाल संपला असल्याने त्यांनी पद सोडल्याचे सांगण्यात येत आहे. त्यांची जागा कोण घेणार याची चर्चा सुरू झाली आहे. (Resignation of a minister from the Modi government)

June 23, 2026 0 comments

Incorrect information about Mahatma Phule in the book

महात्मा फुले यांच्याबद्दल बालभारती पुस्तकात चुकीची माहिती

by प्रतिनिधी June 22, 2026

written by प्रतिनिधी

जमीर काझी : मुंबई : बालभारतीच्या २०२६-२७ च्या इयत्ता तिसरीच्या पाठ्यपुस्तकात ‘आपल्या सभोवतालचे जग-भाग २’ या पाठात चुकीची माहिती देण्यात आली आहे. देशातील मुलींची पहिला शाळा महात्मा जोतिबा फुले व सावित्रीबाईंनी सुरु केली असताना बालभारतीच्या पुस्तकात या शाळेचा उल्लेख ‘महाराष्ट्रातील पहिली मुलींची शाळा‘ असा करण्यात आला आहे. देशातील पहिल्या मुलींच्या शाळेचे ऐतिहासिक महत्त्व संकुचित करून इतिहासाचे विकृतीकरण करण्याचा हा ‘मनुवादी’ प्रयत्न आहे, अशी घणाघाती टीका मुंबई काँग्रेसचे प्रवक्ते सुरेशचंद्र राजहंस यांनी केला आहे. (Incorrect information about Mahatma Phule in the book)

महात्मा जोतिबा फुले आणि क्रांतिज्योती सावित्रीबाई फुले यांनी १ जानेवारी १८४८ रोजी देशातील पहिली मुलींची शाळा सुरू करून भारतातील स्त्रीशिक्षणाची मुहूर्तमेढ रोवली. हे ऐतिहासिक सत्य ठोस पुराव्यांवर आधारित आहे. परंतु सातत्याने हे सत्य नाकारण्याचा केविलवाणा प्रयत्न केला जात आहे आणि तेच बालभारतीच्या पुस्तकातून पुन्हा अधोरेखित करण्यात आले आहे. ऐतिहासिक सत्य नाकारून चुकीचा इतिहास मांडण्याची मनुवादी प्रवृत्ती दिवसेंदिवस बळावत चालली आहे. राज्यातील शैक्षणिक क्षेत्रात घसरण होत असून, त्याकडे शिक्षणमंत्र्यांचे दुर्लक्ष होत असल्याचे दिसत आहे. बालभारतीच्या पुस्तकातील ही चूक राज्य सरकारने तातडीने दुरुस्त करून संबंधितांवर कारवाई करावी, असेही राजहंस यांनी म्हटले आहे. (Incorrect information about Mahatma Phule in the book)

June 22, 2026 0 comments

ताज्या बातम्या राजकारण

सहा फुटीर खासदारांचा अखेर शिवसेना शिंदे गटात प्रवेश

by प्रतिनिधी June 22, 2026

written by प्रतिनिधी

जमीर काझी : मुंबई : शिवसेना उद्धव ठाकरे पक्षातून फुटलेल्या सहा खासदारांनी सोमवारी अधिकृतरित्या शिवसेना शिंदे गटात प्रवेश केला. यशवंतराव चव्हाण सेंटर येथे पक्षप्रमुख उपमुख्यमंत्री एकनाथ शिंदे यांच्या उपस्थितीत त्यांनी पक्ष प्रवेश केला. यावेळी शिंदे यांनी त्यांना विकास कामासाठी निधीची कमी पडू देणार नाही, अशी हमी दिली. (Six rebel MPs join Shiv Sena)

ठाकरे गटाच्या संसदीय बैठकीत गैरहजर राहून बंडखोरी करणारे खासदार ओमराजे निंबाळकर, संजय जाधव, संजय देशमुख, संजय दिना पाटील, नागेश आष्टीकर, व भाऊसाहेब वाकचौरे हे आज प्रथमच एकत्रितपणे माध्यमाच्या समोर आले.

शिंदे गटातील पक्षप्रवेशामुळे तळ्यात मळ्यात करणाऱ्या ओमराजे निंबाळकरसह सहा जणाचा फुटीर खासदारांमुळे गेल्या आठवड्यापासून सुरू असलेल्या या राजकीय नाट्याला अखेर संपुष्टात आले. आहे. त्यांच्या प्रवेशाची सर्व कायदेशीर प्रक्रिया पूर्ण केली असून पुढच्या निवडणुकीतही त्यांना पक्षातर्फे उमेदवारी दिली जाईल असे एकनाथ शिंदे यांनी स्पष्ट केले.

बंडखोर खासदार ठाण्यात दाखल

ओमराजे निंबाळकर यांनी रविवारी रात्री शिंदे गटात प्रवेश करणार असल्याचे जाहीर केले होते. त्यानंतर सोमवारी शिंदे गटाने वेगवान हालचाली केल्या. आजपासून पावसाळी अधिवेशन सुरू असल्याने सर्व मंत्री आमदार मुंबईतच जमलेले आहेत त्यामुळे राजकीय वातावरण तापले असताना सहा फुटीर खासदार आज दुपारी शिंदे यांच्या ठाण्यातील आनंदवन येथील निवासस्थानी आले. याठिकाणी सुमारे दोन तास बैठक झाल्यानंतर सर्वजण यशवंतराव चव्हाण प्रतिष्ठान येथे आले. या ठिकाणी त्यांच्या पक्षप्रवेशाचा कार्यक्रम झाला.

आमच्याकडे ट्रिपल संजय

उपमुख्यमंत्री शिंदे यांनी पत्रकारांशी बोलताना ठाकरे गटावर जोरदार टीका केली.ते म्हणाले की, ‘ ओमराजे निंबाळकर, भाऊसाहेब वाकचौरे, संजय दिना पाटील, संजय बंडू जाधव, संजय देशमुख आणि नागेश आष्टीकर आहेत. आमच्याकडे ट्रिपल संजय आहेत. तर चौथा संजय राठोड आहे. भरपूर संजय आहेत. त्यामुळे बाकी कुणाबद्दल मी बोलतोय ते सांगायची गरज नाही. (Six rebel MPs join Shiv Sena)

चार वर्षापूर्वी पहिला उठाव

शिवसेना हे कुटुंब असून खऱ्या शिवसेना परिवारात बाळासाहेबांच्या विचाराच्या शिवसेना परिवारात कट्टर शिवसैनिक खासदार सामील झाले आहेत. त्यांचं मी पक्षात स्वागत करतो. चार वर्षापूर्वी २२ जून २०२२ आम्ही उठाव केला होता. तेव्हा ४० आमदार सुरुवातीला आले. त्यानंतर पुन्हा चौकार नाही, षटकार मारलेला आहे. २०२२ मध्ये शिवसेना पक्ष वाचवण्यासाठी धनुष्यबाण वाचवण्यासाठी, बाळासाहेबांचे विचार वाचवण्यासाठी तो उठाव केला. हा दुसरा टप्पा सुरू झाला आहे. आपला लढा हा बाळासाहेबांच्या विचाराचा असल्याचे त्यांनी सांगितले.

अष्टीकराच्या पुत्राची ठाकरे गटातून हकालपट्टी

हिंगोलीचे बंडखोर खासदार नागेश पाटील -अष्टीकर यांचे पुत्र कृष्णा अष्टीकर यांची आज ठाकरे गटातून अकालपट्टी करण्यात आली आहे पक्षाचे नेते खा संजय राऊत यांनी सोशल मीडियावर पोस्ट करत ही माहिती जाहीर केली कृष्णा आष्टीकर हे हिगोलीतून विधान परिषदेच्या निवडणुकीत ठाकरे गटाचे उमेदवार होते. आज त्यांचा दारुण पराभव झाल्यानंतर त्यांच्या अकालपट्टीवर शिक्कामोर्तब करण्यात आले. (Six rebel MPs join Shiv Sena)

June 22, 2026 0 comments

ताज्या बातम्या राजकारण

महायुतीची शंभर मते फुटली: भाजपच्या कदमांचा दणदणीत विजय

by प्रतिनिधी June 22, 2026

written by प्रतिनिधी

सांगली : प्रतिनिधी : सांगली सातारा विधान परिषदेच्या निवडणुकीत भाजपचे धैर्यशील कदम यांनी ३०१ मतांची आघाडी घेत दणदणीत विजय मिळवला. तरीही या निवडणुकीत भाजप महायुतीची १०० मते फुटली. एकीकडे राज्यात महाविकास आघाडीची मते फुटत असताना सातारा सांगली विधान परिषदेत महायुतीची १०० मते फुटल्याने आश्चर्य व्यक्त केले जात आहे. सातारा जिल्हा परिषद पदाधिकारी निवडीतील राग शिवसेना आणि राष्ट्रवादी काढल्याची चर्चा आहे. (BJP’s Dhairyashil Kadam victorious)

धैर्यशील कदम यांना ५९३ मते

सांगली, सातारा विधान परिषद निवडणुकीत ८९४ मतदान होते. आज सकाळी सांगलीतील तरुण भारत व्यायाम मंडळाच्या इमारतीमध्य मतमोजणी झाली. मतदानामध्ये ९ मते अवैध ठरली. भाजपच्या धैर्यशील कदम यांना ५९३ मते मिळाली. तर राष्ट्रवादीच्या अभयसिंह जगताप यांना २९२ मते मिळाली.

महायुतीची मते फुटली

या मतदार संघातील सातारा आणि सांगली या दोन जिल्ह्यात महायुतीचे संख्याबळ ६४६ आहे. तर महाविकास आघाडीची फक्त १९५ मते होती. संपूर्ण राज्यात महाविकास आघाडीची मते फुटत असताना या मतदारसंघात मात्र महायुतीची तब्बल १०० मते फुटली. महाविकास आघाडीचे संख्याबळ १९५ असताना जगताप यांना २९२ मते मिळाली. (BJP’s Dhairyashil Kadam victorious)

सातारा जि.प. निवडणुकीचा महायुतीला फटका?

महायुतीने ही जागा प्रतिष्ठेची केली होती. भाजपकडून सांगलीचे पालकमंत्री चंद्रकांत पाटील, ग्रामविकास मंत्री जयप्रकाश गोरे, सार्वजनिक बांधकाम मंत्री शिवेंद्रराजे भोसले यांनी प्रचारात आघाडी घेतली होती. तर महाविकास आघाडीकडून आमदार जयंत पाटील, आमदार विश्वजीत कदम, खासदार विशाल पाटील यांनी धुरा सांभाळली. तरीही महायुतीची शंभर मते फुटली.

दोन महिन्यापूर्वी सातारा जिल्हा परिषद अध्यक्ष आणि उपाध्यक्षपदाच्या निवडणुकीत मंत्री शंभूराजे देसाई, मंत्री मकरंद पाटील यांना पोलिसांनी धक्काबुक्की केली होती. या निवडणुकीत भाजपने बाजी मारली. पण त्याचा फटका विधान परिषद निवडणुकीत पहायला मिळाला. (BJP’s Dhairyashil Kadam victorious)

June 22, 2026 0 comments

ताज्या बातम्या राजकारण

नाशिकमध्ये महायुतीला धक्का, ‘बंडखोर’ गोकुळ गिते विजयी

by प्रतिनिधी June 22, 2026

written by प्रतिनिधी

नाशिक : प्रतिनिधी : नाशिक विधान परिषदेच्या निवडणुकीत माघार घेतलेले अपक्ष गोकुळ गीते यांनी महायुती आणि मंत्री गिरीष महाजन यांना टांग मारत विजय मिळवला. राज्यात १७ पैकी १६ जागा जिंकून महायुतीची घोडदौड सुरू असताना भाजप महायुतीला मोठा धक्का बसला आहे. या निवडणुकीत महायुतीचे अधिकृत उमेदवार शिवसेनेचे नरेंद्र दराडे यांचा पराभव झाला. निवडणुकीत महायुतीची मते मोठ्या संख्यने फुटल्याचे पहायला मिळाले. पराभवानंतर आमदार किशोर दराडे आणि उमेदवार नरेंद्र दराडे यांनी विश्वासघात झाल्याचा आरोप महायुतीच्या नेत्यांवर केला आहे. (Gopal Gite victorious in Nashik)

नाशिक विधान परिषदेच्या निवडणुकीत गोकुळ गिते यांनी माघार घ्यावी यासाठी गेले महिनाभर महायुतीचे नेते प्रयत्न करत होते. पण अपक्ष उमेदवार म्हणून निवडणुकीत रिंगणात कायम उमे राहण्याचा निर्णय गोकुळ गिते यांनी घेतला होता. त्यानंतर मंत्री गिरीश महाजन आणि उदय सामंत यांनी गोकुळ गिते यांच्याशी बंद खोलीत चर्चा झाल्यानंतर निवडणुकीतून माघार घेत असल्याची घोषणा गोकुळ गितेंनी जाहीर केला. त्यांनी प्रचार थांबवत असल्याचेही सांगितले. त्यामुळे शिवसेनेचे उमेदवार नरेंद्र दराडे यांच्या विजयाचा मार्ग सुकर झाला.

गोपाळ गीतेंना ३५७ मते

आज सोमवारी मतमोजणीच्यावेळी मात्र वेगळे चित्र पहायला मिळाले. एकूण ६१८ मतदारांनी मतदानाचा हक्क बजावला. मतमोजणीत १३ मते अवैध ठरवली. ६०५ मते वैध ठरली. वैध मतासाठी ३०३ मतांचा कोटा निश्चित केला होता. गोकुळ गितेने ३५७ मते मिळाली तर नरेंद्र दराडेंना २४८ मते मिळाली. प्रसार हिरेंना शून्य मते मिळाली. (Gopal Gite victorious in Nashik)

विधान परिषद निवडणुकीत महायुतीची घोडदौड

. महायुतीच्या निवडणुकीत १७ पैकी १६ जागांवर महायुतीचे उमेदवार विजयी झाले तर एका जागेवर अपक्ष भाजप बंडखोर उमेदवाराचा विजय झाला. या निवडणुकीत भाजपला ११, शिवसेनेच्या ३, राष्ट्रवादी काँग्रेसचे दोन तर अपक्ष १ असे उमेदवार निवडून आले.

१७ जागांचा निवडणुकीचा निकाल असा

ठाणे : रवींद्र फाटक, शिवसेना (बिनविरोध).

यवतमाळ : दुष्यंत चतुर्वेदी, शिवसेना (बिनविरोध).

रायगड, रत्नागिरी, सिंधुदुर्ग : अनिकेत तटकरे, राष्ट्रवादी (बिनविरोध).

पुणे : विक्रम काकडे, राष्ट्रवादी (बिनविरोध).

वर्धा, गडचिरोली, चंद्रपूर : अरुण लखाणी भाजप (बिनविरोध).

अहिल्यानगर : प्राजक्त तनपुरे, भाजप (बिनविरोध).

छत्रपती संभाजीनगर जालना : सुहास शिरसाठ, भाजप.

नाशिक : गोकुळ गिते, अपक्ष.

भंडारा गोंदिया : अविनाश ब्राहमणकर, भाजप.

सांगली सातारा : धैर्यशील कदम, भाजप.

परभणी हिंगोली : सईद खान, शिवसेना.

सोलापूर : राजेंद्र राऊत, भाजप.

धारशिव, लातूर बीड : बसवराव पाटील, भाजप.

June 22, 2026 0 comments

ताज्या बातम्या राजकारण

घुसखोरांना शोधून शोधून देशाबाहेर घालवणार : अमित शाह

by प्रतिनिधी June 20, 2026

written by प्रतिनिधी

कोल्हापूर : प्रतिनिधी : जो देशात जन्मला तोच देशात राहील. घुसखोरांना शोधून शोधून देशाबाहेर घालवणार, असा इशारा केंद्रीय गृहमंत्री अमित शाह यांनी दिली. अमित शाह कोल्हापूर दौऱ्यावर आले होते. त्यांच्या हस्ते अंबाबाई मंदिर तीर्थक्षेत्र विकास योजनेचा शुभारंभ झाला. त्यानंतर महायुती आयोजित कृतज्ञता मेळाव्यात ते बोलत होते. त्यांनी काँग्रेस आणि उद्धव ठाकरेंवर टीका केली. (Amit Shah’s warning to infiltrators)

मेळाव्याला राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, पालकमंत्री प्रकाश आबिटकर, वैद्यकीय शिक्षण मंत्री हसन मुश्रीफ, उच्च व तंत्रशिक्षण मंत्री चंद्रकांत पाटील, सार्वजनिक मंत्री शिवेंद्रराजे भोसले, सांस्कृतिक कार्यमंत्री अशिष शेलार, ग्रामविकास मंत्री जयकुमार गोरे, राज्य मंत्री माधुरी मिसाळ, खासदार धनंजय महाडिक, धैर्यशील माने, राज्य नियोजन मंडळाचे कार्याध्यक्ष राजेश क्षीरसागर, आमदार विनय कोरे, चंद्रदीप नरके, राजेंद्र पाटील यड्रावकर, शिवाजीराव पाटील यांची प्रमुख उपस्थिती होती. (Amit Shah’s warning to infiltrators)

अमित शाह म्हणाले, देशभरात भाजप एनडीएची सत्ता असताना बंगाल मध्ये काय? असा प्रश्न विचारला जात होता. बंगालमधील जनतेने भाजपला आशीर्वाद दिला आहे. बंगालमध्ये मोठ्या संख्येने घुसखोर आहेत. या घुसखोरांना शोधून शोधून देशाबाहेर पाठवणार असा इशारा दिला. काँग्रेस आणि त्यांना पाठिंबा देणारे उद्धव ठाकरे घुसखोरीतील व्होट बँकेवर निवडून येत होते. भारत ही काही धर्मशाळा नाही. जो या देशात जन्मला तोच या देशात राहील, असे त्यांनी स्पष्ट केले.

उपमुख्यमंत्री एकनाथ शिंदे यांच्या नेतृत्वाखालील शिवसेनेला पूर्वी शिंदे गट म्हणून ओळखले जात होते. आता राज्यात एकनाथ शिंदे यांची एकमेवर शिवसेना आहे. दुसरी कोणतीही शिवसेना उरली नाही अशी टीकाही त्यांनी केली.

मंत्री हसन मुश्रीफ यांनी आभार मानताना अमित शाह यांचे कौतुक करण्याची संधी साधली. स्वातंत्र्यानंतर पहिले गृहमंत्री सरदार वल्लभभाई पटेल हे कणखर गृहमंत्री होते. त्यांनी संस्थाने खालसा करुन देश एकत्र केला. पटेलांच्या नंतर एक तगडा गृहमंत्री देशाला लाभला आहे तो कोल्हापुरचा जावई आहे. याचा आपल्या सर्वांना अभिमान असला पाहिजे. (Amit Shah’s warning to infiltrators)

June 20, 2026 0 comments

ताज्या बातम्या पोलिस डायरी राजकारण

पवनराजे निंबाळकर हत्या खटल्यातील सर्व आरोपींची निर्दोष मुक्तता

by प्रतिनिधी June 20, 2026

written by प्रतिनिधी

मुंबई : प्रतिनिधी : तब्बल वीस वर्षांनी पवनराजे निंबाळकर हत्याप्रकरणी सीबीआयच्या विशेष न्यायालयाने निकाल दिला. या खटल्यातील माजी मंत्री पद्मसिंह पाटील यांच्यासह सर्व आरोपींची न्यायाधीश नावंदर यांनी ठोस पुराव्याअभावी निर्दोष मुक्तता केली. खासदार ओमराजे निंबाळकर आणि त्यांच्या कुटुंबियांनी यांनी या खटल्यासाठी पाठपुरावा केला होता. निकाल देताना कोर्टाने काही कारणांमुळे निकाल देण्यास विलंब झाला. मात्र लोकनेत्याची हत्या होणे ही अत्यंत दुर्दवी घटना आहे अशी टिपण्णी केली आहे. (Pawanraje Nimbalkar murder case)

३ जून २००६ रोजी मुंबईहून उस्मानाबादकडे जाताना नवी मुंबईतील कळंबोली परिसरात पवनराजे निंबाळकर यांच्यावर अज्ञात हल्लेखोरांनी गोळीबार केला होता. या हल्ल्यात पवनराजे आणि त्याच्या वाहनाचा चालक समद काझी यांचा मृत्यू झाला होता. या गुन्ह्यात पद्मसिंह पाटील यांना अटकही करण्यात आली होती. त्यांना तुरुंगातही टाकले होते. नंतर ते जामिनावर बाहेर आले. तेरणा सहकारी साखर कारखान्याच्या निवडणूकीत पद्मसिंह पाटील आणि पवनराजे निंबाळकर यांच्यातील वैमनस्यातून पवनराजेंची हत्या झाली होती. (Pawanraje Nimbalkar murder case)

निकाल देताना कोर्टाने निरीक्षण नोंदवले असून या प्रकरणात आरोपीविरोधात ठोस पुरावे सादर करण्यात आले नाहीत. माफीचा साक्षीदार फितूर झला. त्याची साक्ष विश्वासार्ह मानता येत नाही. तसेच काही अर्जावर स्वाक्षरी नसल्यासह तपासात अनेक त्रुटी आढळून आल्याने सर्व आरोपींची निर्दोष मुक्तता करण्यात आली.

सुरवातीला हा तपास कळंबोली पोलिसांकडे होता. त्यानंतर तो नवी मुंबई गुन्हे शाखेकडे वर्ग करण्यात आला. त्या तपासावर पवनराजे निंबाळकर यांच्या पत्नीनी मुंबई हायकोर्टात याचिका दाखल केल्यानंतर न्यायालयाने या गुन्हा तपास सीबीआयकडे सोपवला.

सीबीआयने गुन्हयाचा तपास करताना १२७ साक्षीदारांचे जबाब नोंदवले. एका आरोपीला माफीचा साक्षीदार करण्यात आले होते. या खटल्यात माजी गृहमंत्री पद्मसिंह पाटील यांच्यासह नऊ आरोपी होते. राजकीय वैमनस्यांतून २५ लाखाची सुपारी देऊन हत्याकांड घडवल्याचा आरोप सीबीआयने केला होता.

कोण होता माफीचा साक्षीदार

या गुन्ह्यात पारसमल जैन हा माफीचा साक्षीदार होता. जैन यांच्या म्हणण्यानुसार गुन्हे शाखेने त्याला ८ सप्टेंबर २००९ मधून मुंब्रा येथून ताब्यात घेतले. मात्र अधिकृत अटक २५ सप्टेंबर दाखवली. त्याला बेकायदेशीरपणे १५ दिवस मारहाण करुन त्याचा कबुलीजवाब घेतला. हा पहिला जवाब कायद्याला धरुन नव्हता. माफीचा साक्षीदार जैन याने पैशासाठी गुन्हा केल्याचा दावा केला होता. जो न्यायालयाने फेटाळून लावला. साक्षीदार जैन याची मुंबई, नवी मुंबई, मीरा भाईंदर या ठिकाणी अनेक घरे आणि मिठाईची दुकाने आहेत. त्याच्याकडे साडेचार किलो सोन्याचे भांडवल होते. त्याचा कुठलाही उद्योग डबघाईला आलेला नव्हता. अशा परिस्थिती त्याला केवळ ५० हजार रुपयांची गरज होती म्हणून त्याने एवढी मोठी हत्या केली हे अजिबात पटणार नाही. त्याला सोयीनुसार खोटे बोलण्याची सवय आहे. (Pawanraje Nimbalkar murder case)

June 20, 2026 0 comments

ताज्या बातम्या पोलिस डायरी महाराष्ट्र राजकारण

पवनराजे निंबाळकर हत्या प्रकरणातले आरोपी का सुटले?

by प्रतिनिधी June 20, 2026

written by प्रतिनिधी

मुंबईः पवनराजे निंबाळकर हत्या प्रकरणी माजी गृहमंत्री पद्मसिंह पाटील यांच्यासह सर्व आरोपींची निर्दोष मुक्तता करण्यात आली आहे. अतिरिक्त सत्र न्यायाधीश सत्यनारायण आर. नावंदर यांनी हा निकाल दिला. ३ जून २००६ रोजी घडलेल्या या हत्याप्रकरणाच्या निकालाकडे संपूर्ण महाराष्ट्राचे लक्ष लागून राहिले होते. तब्बल वीस वर्षांनी निकाल जाहीर झाला. तपासात अनेक त्रुटी असल्याचे तसेच माफीचा साक्षीदार विश्वासार्ह नसल्याचे न्यायालयाने म्हटले आहे. या निकालाला उच्च न्यायालयात आव्हान देणार असून तिथे आपल्याला न्याय मिळेल, असा विश्वास ओमराजे निंबाळकर यांनी म्हटले आहे. (Pawanraje Nimbalkar case verdict)

या निकालाचा आणि राजकीय निर्णयाचा काही संबंध नव्हता. मी मतदारसंघात जाऊन मतदारांशी चर्चा करेन आणि त्यानंतर राजकीय निर्णय़ घेईन, असेही त्यांनी एका वृत्तवाहिनीशी बोलताना सांगितले.

या प्रकरणात माजी गृहमंत्री पद्मसिंह पाटील यांच्यासह शूटर दिनेश तिवारी, पिंटू सिंह आणि छोटू पांडे, माजी नगरसेवक मोहन शुक्ला, उत्तर प्रदेशमधील बसपा नेता कैलास यादव, शशिकांत कुलकर्णी, लातूर येथील सतीश मंदाडे, पारसमल जैन हे संशयित आरोपी होते. पैकी पारसमल जैनला माफीचा साक्षीदार बनवण्यात आले होते. (Pawanraje Nimbalkar case verdict)

निकालपत्राचे सविस्तर वाचन

अतिरिक्त सत्र न्यायाधीश सत्यनारायण आर. नावंदर यांनी सुमारे दोन तास निकालपत्राचे वाचन केले. या संपूर्ण खटल्याची भिस्त माफीचा साक्षीदार पारसमल जैन याच्यावर होती. परंतु त्याची साक्षच ठिसूळ असल्याचे स्पष्ट झाले. माफीच्या साक्षीदाराचे दोन वेगवेगळे कबुलीजबाब होते, आणि त्यातली तफावत सरकारी वकिलांनी तपासली नव्हती, पोलिसांनीही खबरदारी घेतली नव्हती. आरोपी ज्या हॉटेलमध्ये राहिला असे म्हटले त्याचाही पुरावा जोडला नव्हता. आरोपी फोनवर बोलले असतील तर त्याचा सीडीआर जोडणे आवश्यक होते, परंतु सरकारी वकील, तपास यंत्रणांनी यासंदर्भातील पुरावे सादर केले नाहीत, असे न्यायाधीशांनी म्हटले.

पारसमल जैनला सुरुवातीला मुंबई क्राइम ब्रँचने ताब्यात घेतले होते आणि पंधरा दिवस कोठडीत ठेवून टॉर्चर केले होते, त्याला अटक केली नव्हती. याकडेही न्यायाधीशांनी लक्ष वेधले. (Pawanraje Nimbalkar case verdict)

सरकारी पक्ष कुठे चुकला?

ज्येष्ठ विधिज्ज्ञ उज्ज्वल निकम यांनी वृत्तवाहिनीशी बोलताना सांगितले की, या खटल्याच्या न्यायाधीशांचा इतिहास चांगला आहे. यामध्ये सरकारी पक्षाची कुठं चूक झाली की पुरावे व्यवस्थित नव्हते, हे बघावे लागेल असे. तपासात उणिवा राहिल्या असतील तर त्या कोणत्या आहेत, हेही पाहावे लागेल, असे निकम म्हणाले. (Pawanraje Nimbalkar case verdict)

निकम म्हणाले, माफीचा साक्षीदार संवेदनशील असतो. स्वतःची कातडी वाचवण्यासाठी इतरांना गोवत असतो, असं कायदा मानतो. त्यामुळे माफीच्या साक्षीदाराची साक्ष न्यायालय विचारात घेत असते तेव्हा त्यासाठीचा भक्कम पुरावा आहे का हेही पाहिले जाते. या खटल्यात तसे झालेले दिसत नाही.

गोळ्या झाडून हत्या (Pawanraje Nimbalkar case verdict)

३ जून २००६ रोजी पवनराजे निंबाळकर मुंबईत आले होते. मुंबईतील कामे आटोपून ते पुण्याच्या दिशेने निघाले होते. नवी मुंबईतील कळंबोली येथे पवनराजे निंबाळकर यांना एका व्यक्तीसोबत जमिनीच्या व्यवहाराबाबत चर्चा करावयाची होती. (Pawanraje Nimbalkar case verdict)

पांढ-या रंगाच्या मोटारीतून पवनराजे निंबाळकर कळंबोली येथीलचार रस्ता भागात पोहचले. तिथे मारेकरी आधीपासूनच पवनराजेंवर हल्ला करण्यासाठी पाळत ठेवून होते, असे सीबीआयने आरोपपत्रात म्हटले आहे. हल्लेखोरांनी त्यांच्या मोटारीला ओव्हरेटक केले. चालकाला कार थांबवायला सांगितले. त्यावेळी मोटारीत असलेल्या पवनराजेंना गाडीतच झोप लागली होती. मारेकरी गाडीजवळ आले आणि चौकशी करण्याच्या निमित्ताने बोलू लागले. तेव्हा चालकाने पवनराजेंना झोपेतून जागे केले आणि खिडकीच्या काचा खाली केल्या. गाडीच्या काचा खाली होताच शूटर्सनी त्यांच्यावर गोळ्या झाडल्या.

मतदारसंघात चर्चा करून राजकीय निर्णयः ओमराजे

निकालानंतर प्रतिक्रिया देताना पवनराजे यांचे पुत्र खासदार ओमराजे निंबाळकर म्हणाले, निकाल दुर्दैवी आहे. वीस वर्षांपासून अखंडपणे आरोपींना शिक्षा व्हावी यासाठी आम्ही सगळेजण प्रयत्न करीत होतो. दुर्दैवाने जो निकाल आला आहे, त्याविरोधात आम्ही उच्च न्यायालयात दाद मागणार आहोत. उच्च न्यायालयात आम्हाला न्याय मिळण्याची अपेक्षा आहे. न्यायासाठी न्यायालयाच्या पातळीवर शेवटपर्यंत आम्ही संघर्ष करणार.

कलियुगात वाईटाला बळ असते, चांगल्याला न्याय मिळायला उशीर होतो, असे सांगून ओमराजे निंबाळकर म्हणाले, मतदारसंघात जाऊन निर्णय़ घेईन. या केसचा आणि माझ्या निर्णयाचा काही संबंध नाही. माझ्यासाठी निकाल महत्त्वाचा होता. कारण वीस वर्षे त्यासाठी मी संघर्ष करीत होतो. माझा राजकीय निर्णय़ आहे तो मी मतदारसंघातील लोकांशी चर्चा करून निर्णय घेईन.

June 20, 2026 0 comments

(Thackeray criticizes 'Operation Tiger')

ताज्या बातम्या राजकारण

भाजपला सत्तेवरुन खाली खेचण्यासाठी ऑपरेशन कमळ करावे लागेल : उद्धव ठाकरे

by प्रतिनिधी June 20, 2026

written by प्रतिनिधी

मुंबई : प्रतिनिधी : भाजप ही पोरं पळवणारी टोळी असून सत्तेच्या भुकेपोटी इतर पक्ष फोडत आहेत. भाजपच्या फोडीफोडीच्या राजकारणापासून वाचवण्यासाठी, सत्तेतून खाली खेचण्याठी देशातील जनतेला ऑपरेशन कमळ करावे लागेल, असे आवाहन शिवसेना पक्ष प्रमुख माजी मुख्यमंत्री उद्धव ठाकरे यांनी केले. ते शिवसेनेच्या ६० व्या वर्धापन दिन सोहळ्यात बोलत होते. विरोधकांकडून माझ्यावर होणारे आरोप खरे वाटत असतील तर शिवसेना पक्षप्रमुखपद तात्काळ सोडायला तयार आहे. मला पदाची हाव नाही. माझ्या जागी सामन्य शिवसैनिकाला त्या पदावर बसवा असे भावनिक उद्गार काढले. (Thackeray criticizes ‘Operation Tiger’)

शिवसेनेचे सहा खासदार फुटल्याने उद्धव ठाकरे काय बोलणार याकडे शिवसैनिकांचे लक्ष लागले होते. सहा खासदारांनी पक्षाची साथ सोडल्याबद्दल त्यांनी मतदारांची माफी मागितली. ज्यांच्या मतांवर निवडून आला त्याचा विश्वासघात केला, असा आरोप करत त्यांना जाब विचारणार की नाही? असा सवालही त्यांनी विचारला. (Thackeray calls for ‘Operation Lotus’)

भाजपकडून हुकुमशाही आणण्याचा प्रयत्न

उद्धव ठाकरे म्हणाले, फोडाफोडीच्या राजकारणांमुळे जनतेचा लोकशाहीवरील विश्वास उडत चालला आहे. निवडणुकीचा फार्स सुरू असून कुणाचेही बटण दाबले तर मते भाजपकडे जाते. निवडून आलेले नंतर फुटुन भाजपमध्ये जात असतील तर निवडणुकीचा फार्स कशासाठी असा प्रश्न त्यांनी उपस्थित केला. ‘वन नेशन, वन इलेक्शन’ ही भाजपची केवळ नावापुरती घोषणा असून देशात विरोधी पक्ष असून नयेत असे त्यांना वाटते. ‘वन नेशन नो इलेक्शन’ अशी हुकुमशाही आणण्याचा भाजपचा प्रयत्न असल्याचा आरोप त्यांनी केला.

संसदेत भाजपकडे दोन तृतियांश बहुमत नाही. भाजपचे जे खासदार निवडून आले आहेत त्यातील दोन तृतीयांश भाजपचे नसून काँग्रेस व इतर पक्षातील आले आहेत. पक्षांची चोरी लपवण्यासाठी त्याला ऑपरेशन असे गोंडस नाव दिल्याची टीका ठाकरेंनी केली. (Thackeray criticizes ‘Operation Tiger’)

नेते उपकार विसरुन शिवसेना संपवायला निघालेत

शिवसेना काँग्रेसमध्ये विलिन करणार या टीकेचाही ठाकरेंनी चांगलाच समाचार घेतला. शिवसेना ३० वर्षे भाजपसोबत राहून भाजमध्ये विलीन झाली नाही. मग काँग्रेस पक्षात कशी विलीन होइल असा सवाल केला. भूतकाळात शिवसेनेने काँग्रेसशी टोकाचे वैर पत्करले. भाजपच्या वाट्याचे वार शिवसेनेने स्वत:वर झेलले. काँग्रेसने शिवसेनेची माणसे यापूर्वी फोडली पण् त्यांना कधी मुख्यमंत्री केले नाही. आता भाजप शिवसेनेला मुळासकट उखडून टाकायचा प्रयत्न करत आहे. मातोश्रीला बदनाम करत आहे. भाजपच्या ज्या नेत्यांना एकेकाळी तडीपारीचा सामना करावा लागला त्यांना बाळासाहेबांनी आपला माणून म्हणून आश्रय दिला आणि वाचवले. आज तेच नेते उपकार विसरुन शिवसेना संपवायला निघाले आहेत अशी टीका ठाकरेंनी केली.

केंद्र सरकारवरही ठाकरे यांनी टीका केली. पश्चिम बंगालमध्ये ममता बॅनर्जी यांना पराभूत करण्यासाठी अडीच लाख लष्कर बंगालमध्ये आणले होते. जर अडीच लाखांची फौज तुम्ही तुमच्या पक्षासाठी वापरत असाल तर माणिपूर, पाकव्याप्त काश्मीरमध्ये का वापरत नाही असा सवाल त्यांनी केला. (Thackeray criticizes ‘Operation Tiger’)

June 20, 2026 0 comments

पोलिस डायरी महाराष्ट्र राजकारण

पवनराजे निंबाळकर हत्या प्रकरण नेमके काय आहे?

by प्रतिनिधी June 20, 2026

written by प्रतिनिधी

मुंबईः राजकीय वैमनस्यातून हत्येची परंपरा उत्तरेतल्या राज्यांची, परंतु पुरोगामी महाराष्ट्र वीस वर्षांपूर्वी अशा प्रकारच्या हत्येने हादरून गेला होता. धाराशिवचे (त्यावेळचे उस्मानाबाद) राजकीय नेते पवनराजे निंबाळकर यांची नवी मुंबईत हत्या झाली आणि महाराष्ट्र हादरला. या हत्येमध्ये मुख्य आरोपी म्हणून माजी गृहमंत्री पद्मसिंह पाटील यांचे नाव आल्यामुळे त्याची देशाच्या राजकीय वर्तुळात चर्चा झाली. या खटल्याचा निकाल शनिवारी (२० जून २०२६) रोजी लागणार असून त्याकडे संपूर्ण महाराष्ट्राचे लक्ष लागून राहिले आहे. (Pawanraje Nimbalkar Murder Case)

कोण होते पवनराजे निंबाळकर?

पवनराजे निंबाळकर हे उस्मानाबादमधील (सध्याचे धाराशिव) येथील राजकीय नेते. विद्यमान खासदार ओमराजे निंबाळकर हे पवनराजेंचे पुत्र. उस्मानाबादचे बडे राजकीय प्रस्थ म्हणून ओळखल्या जाणा-या डॉ. पद्मसिंह पाटील यांचे पवनराजे चुलत भाऊ. आणि राजकीय विरोधक. पद्मसिंह पाटील राष्ट्रवादी काँग्रेसचे नेते, तर पवनराजे निंबाळकर हे काँग्रेसमध्ये होते. ३ जून २००६ रोजी पवनराजे निंबाळकर मुंबईत आले होते. मुंबईतील कामे आटोपून ते पुण्याच्या दिशेने निघाले होते. नवी मुंबईतील कळंबोली येथे पवनराजे निंबाळकर यांना एका व्यक्तीसोबत बार्शी येथील जमिनीच्या व्यवहाराबाबत चर्चा करावयाची होती.

सीबीआयने दाखल केलेल्या आरोपपत्रानुसार मारेकरी इंडिका गाडीतून पळून गेले. काही अंतरावर त्यांनी बंदूक आणि इतर हत्यारे फेकून दिली. पनवेल येथील बेलवली गावात हल्लेखोरांनी गाडी सोडून दिली. (Pawanraje Nimbalkar Murder Case)

कसा लागला तपास? (Who Killed Pawanraje Nimbalkar)

पवनराजे निंबाळकर हत्येचा तपास नवी मुंबईतील कळंबोली पोलिसांनी सुरू केला. मात्र या तपासावर पवनराजेंच्या कुटुंबीयांनी आक्षेप घेतला. त्यांनी मुंबई उच्च न्यायालयात याचिका दाखल केली. मुंबई उच्च न्यायालयाने ऑक्टोबर २००८ मध्ये पवनराजे निंबाळकर हत्येचा तपास सीबीआयकडे सूपुर्द केला.

सीबीआयने तपास हाती घेतला, त्यानंतरही पवनराजे निंबाळख हत्या प्रकरणाचे काहीच धागेदोरे मिळत नव्हते. २००९ मध्ये अचानक मुंबई गुन्हे शाखेला एक मोठा पुरावा मिळाला. एक व्यक्ती खूप ‘मोठं काम’ केल्याचं बोलतोय अशी खबर खबऱ्याने आणली. (Pawanraje Nimbalkar Murder Case)

गुन्हे शाखेने पारसमल जैनला ताब्यात घेतले. डोंबिवलीत रहाणारा जैन सोने व्यापारी होता. पण प्रचंड नुकसान झाल्यामुळे तो गुन्हेगारीकडे वळला होता. जैन आणि दिनेश तिवारीकडून पोलिसांनी बंदूक आणि गोळ्या जप्त केल्या. २५ फेब्रुवारी २००९ रोजी जैनला अटक करण्यात आली. जैन चोरी केल्याची माहिती देत होता. जैनला दरोड्याच्या दोन विविध गुन्ह्यात अटक करण्यात आली होती. पण, खबरी पोलिसांना सातत्याने ‘मोठं काम’ काय केलं हे विचारा असं सांगत होता.

दरम्यान पारसमल जैनने पवनराजे निंबाळकर हत्या प्रकरणाची माहिती दिली.” असे गुन्हे शाखेचे तत्कालीन पोलीस सहआयुक्त राकेश मारिया यांनी जाहीर केले. तब्बल तीन वर्षांनंतर पवनराजे निंबाळकर हत्या प्रकरणाचा पहिला धागा तपास यंत्रणांच्या हाती लागला होता. (Pawanraje Nimbalkar Murder Case)

पवनराजे हत्या प्रकरणाचा तपास सीबीआयकडे होता. त्यामुळे मुंबई पोलिसांनी आरोपी सीबीआयकडे सुपूर्द केले

राजकीय वैमनस्यातून हत्या

सीबीआयने दोषारोपपत्रात म्हटल्याप्रमाणे, २००५ मध्ये पद्मसिंह पाटील, सतीष मंदादे आणि मोहन शुक्ला यांनी पवनराजे निंबाळकर यांच्या हत्येचा कट रचला. पवनराजे निंबाळकर हे पद्मसिंह पाटील यांचे राजकीय विरोधक होते आणि त्यांची ताकद वाढत चालल्यामुळे ते पद्मसिंह पाटील यांच्यासाठी आव्हान बनत चालले होते. त्यामुळेच आपल्या राजकीय विरोधकाचा काटा काढण्याच्या उद्देशाने त्यांनी पवनराजे निंबाळकर यांची हत्या घडवून आणली. हत्याप्रकरणी सीबीआयने जून २००९ मध्ये पद्मसिंह पाटील यांना अटक केली. पाटील त्यावेळी राष्ट्रवादी काँग्रेसच्या उस्मानाबाद मतदार संघाचे खासदार होते.

तेरणा सहकारी साखर कारखान्याच्या आर्थिक गैरव्यवहाराच्या आरोपानंतर पद्मसिंह पाटील आणि पवनराजे निंबाळकर यांच्यातील संघर्ष टोकाला पोहोचला होता.

पद्मसिंह पाटील यांच्यावर गुन्हा

सीबीआयने कोर्टात दाखल केलेल्या आरोपपत्रामध्ये पवनराजे निंबाळकर यांच्या हत्येबाबत सविस्तर उल्लेख केला आहे. आरोपपत्रानुसार, जानेवारी २००५ मध्ये या प्रकरणातील सह आरोपी मोहन शुक्लाला पारसमल जैन आर्थिक मदतीसाठी भेटला. पवनराजे निंबाळकर हे पद्मसिंह पाटील यांच्या राजकीय अस्तित्वाला कसा धोका आहेत याची माहिती शुक्लाने जैनला दिली. त्यावेर शुक्लाने लातूरच्या सतीष मंदादे यांना भेटण्यासाठी पारसमल जैनला सांगितले. जैन हे मंदादेला घेऊन पद्मसिंह पाटील यांच्या घरी गेले आणि सुपारी दिल्याचे सांगितलं. पवनराजेंच्या हत्येची मोहीम फत्ते झाल्यानंतर अण्णा हजारे यांचीही हत्या करायची असल्याचे जैनला सांगण्यात आले. (Pawanraje Nimbalkar Murder Case)

३५ लाखांची सुपारी (Pawanraje Nimbalkar Murder Case)

राज्याचे माजी गृहमंत्री पद्मसिंह पाटील यांनी राजकीय वैमनस्यातून आपले चुलत भाऊ पवनराजे निंबाळकर यांच्या हत्येचा कट रचला. पद्मसिंह पाटील यांनी ३५ लाखांची सुपारी देऊन हे हत्याकांड घडवून आणल्याचा दावा सीबीआयने केला आहे. २००९ मध्ये पद्मसिंह पाटील यांना अटक करण्यात आली. मात्र तेव्हापासून ते जामिनावर आहेत. पवनराजे निंबाळकर हत्या प्रकरणाच्या खटल्याची सुनावणी मुंबईच्या सत्र न्यायालयात झाली. या सुनावणीला २०११ मध्ये सुरूवात झाली होती.

यापूर्वी झालेल्या सुनावणीच्या वेळी कोर्टाने सर्व नऊ आरोपींना कोर्टात हजर राहण्याचे आदेश दिले होती. त्यानुसार माजी मंत्री पद्मसिंह पाटील यांच्यासह नऊ आरोपी कोर्टात हजर झाले होते. मात्र आजही या हत्याकांडावर अंतिम निकाल लागला नाही. अवघ्या काही मिनिटांत न्यायालयाने ही सुनावणी संपली. (Pawanraje Nimbalkar Murder Case)

१४ मे रोजी या प्रकरणाचा अंतिम निकाल लागणार असे सांगितले जात होते. मात्र त्यावेळी न्यायालयात आरोपी हजर नव्हते. त्यावेळी न्यायालयाने १६ जूनला सर्व आरोपींना हजर राहण्याचे आदेश दिले होते. त्यानुसार सर्व आरोपी न्यायालयात हजरही झाले. न्यायाधीशांनी सर्वांची हजेरी घेतली. त्यानंतर, हा निकाल देण्यासाठी आणखी काही दिवसांची गरज असल्याचे सांगून पुढील सुनावणी २० जूनला ठेवल्याचे सांगितले.

June 20, 2026 0 comments

Newer Posts

Older Posts