Friday, August 14, 2026
Home » ताज्या बातम्या » Page 38
Category:

ताज्या बातम्या

'Patakadil' Enters Semifinals of Satej Cup Football Tournament
ताज्या बातम्या

सतेज चषक फुटबॉल स्पर्धेत ‘पाटाकडील’ उपांत्य फेरीत

by प्रतिनिधी
written by प्रतिनिधी

कोल्हापूर : प्रतिनिधी : सतेज चषक फुटबॉल स्पर्धेत पाटाकडील तालीम मंडळाने प्रॅक्टिस फुटबॉल क्लबचा २-१ असा पराभवकरत उपांत्य फेरीत प्रवेश केला. पाटाकडील तालीम मंडळाने स्पर्धेचे आयोजन केले आहे. (‘Patakadil’ Enters Semifinals of Satej Cup Football Tournament)

पाटाकडील आणि प्रॅक्टिस या दोन संघात चुरशीचा सामना होणार असल्याने शाहू स्टेडियमवर प्रेक्षकांनी गर्दी केली होती. सामन्याच्या आठव्या मिनिटाला प्रॅक्टिसच्या सागर चिलेने गोल करत संघाला आघाडी मिळवून दिली. परतफेड करण्यासाठी पाटाकडील संघाने आक्रमक चढाया केल्या. १४ व्या मिनिटाला यशराज कांबळेने गोल करत सामना १-१ असा बरोबरीत आणला. मध्यंत्तरापर्यंत सामना बरोबरीतच राहिला. (‘Patakadil’ Enters Semifinals of Satej Cup Football Tournament)

उत्तरार्धात सामन्यात आघाडी मिळवण्यासाठी दोन्ही संघ मैदानात उतरले. आघाडी मिळवण्यात पाटाकडीलला यश मिळाले. ४९ व्या मिनिटाला अमीर खजीरने गोल करत पाटाकडील संघास २-१ अशी आघाडी मिळवून दिली. गोलची परतफेड करण्यासाठी प्रॅक्टिसने खोलवर चढाया केल्या. पण पाटाकडीलने भक्कम बचाव राखत गोल चढू दिला नाही. पूर्णवेळ एक गोलची आघाडी कायम टिकवत पाटाकडीलने सामना जिंकून उपांत्य फेरीतील स्थान निश्चित केले. (‘Patakadil’ Enters Semifinals of Satej Cup Football Tournament)

गुरुवारी बालगोपाल तालीम मंडळ आणि वेताळमाळ तालीम मंडळ यांच्यात दुपारी चार वाजता सामना होणार आहे.

0 comments
0 FacebookTwitterPinterestEmail
Panjab University Dominates Kayaking and Canoeing Competition
ताज्या बातम्या

अखिल भारतीय आंतरविद्यापीठ कयाकिंग व कॅनॉईंग स्पर्धेत पंजाब विद्यापीठाचे वर्चस्व

by प्रतिनिधी
written by प्रतिनिधी

सांगली : प्रतिनिधी : भारतीय विद्यापीठे महासंघ आणि शिवाजी विद्यापीठ यांच्या संयुक्त विद्यमाने आयोजित अखिल भारतीय आंतरविद्यापीठ कयाकिंग व कॅनॉईंग (पुरुष व महिला) स्पर्धेत आज ५०० मीटर शर्यतींमध्ये चंदीगडचे पंजाब विद्यापीठ आणि अमृतसरचे गुरु नानक देव विद्यापीठ यांनी दमदार कामगिरी करत वर्चस्व गाजवले.

येथील कृष्णा बोट क्लबमध्ये सुरू असलेल्या स्पर्धेमध्ये आज ५०० मीटर अंतराच्या अंतिम फेऱ्यांमध्ये देशभरातील विद्यापीठांच्या खेळाडूंनी उत्कृष्ट कौशल्य आणि वेगाचे दर्शन घडवले. विविध गटांतील शर्यती अत्यंत चुरशीच्या ठरल्या. चंदीगड विद्यापीठासह महाराष्ट्रातील शिवाजी विद्यापीठ, राष्ट्रसंत तुकडोजी महाराज नागपूर विद्यापीठ, सावित्रीबाई फुले पुणे विद्यापीठ आणि यशवंतराव चव्हाण महाराष्ट्र मुक्त विद्यापीठ, नाशिक यांनीही या स्पर्धांत चमकदार कामगिरी केली.शिवाजी विद्यापीठाच्या महिला क्रीडापटूंनी कालप्रमाणेच आजही चांगल्या कामगिरीचे प्रदर्शन करीत के-४ कयाकिंग प्रकारात चौथे स्थान प्राप्त केले. (Panjab University Dominates Kayaking and Canoeing Competition)

स्पर्धेतील ५०० मीटर अंतराच्या विविध गटांतील निकाल अनुक्रमे (कंसात विद्यापीठ व नोंदविलेली वेळ याप्रमाणे) असे: पुरूष गट: सी-१ – प्रिन्स गोस्वामी (गुरू नानक देव विद्यापीठ, अमृतसर, 02:00.61), अक्षय व्ही. (चंदीगड विद्यापीठ, मोहाली, 02:02.40), पुनित पाल (लव्हली प्रोफेशनल विद्यापीठ, 02:12.20), साद महंमद पटेल (सावित्रीबाई फुले पुणे विद्यापीठ, 02:14.58),

के-१ – आदित्य सिंग (गुरू नानक देव विद्यापीठ, अमृतसर, 01:56.47), वंश शर्मा (मोहनलाल सुखाडिया विद्यापीठ, उदयपूर, 01:58.15), सचिन कचरे (सावित्रीबाई फुले पुणे विद्यापीठ, 02:00.37), योगेश सिंग (पाँडिचेरी विद्यापीठ, पुदुच्चेरी, 02:06.20),

सी-२ – मिथुन मधू व मनिंदर सिंग (चंदीगड विद्यापीठ, मोहाली, 01:55.53), दर्शन मोरे व अल्पेश धुळे (सावित्रीबाई फुले पुणे विद्यापीठ, 01:59.09), प्रतीक कसबे व अभिजीत नाईकनवरे (यशवंतराव चव्हाण महाराष्ट्र मुक्त विद्यापीठ, नाशिक, 02:02.71), अनिकेत व राजीव (लव्हली प्रोफेशनल विद्यापीठ, पंजाब, 02:04.73),

के-२ – लव कुमार व शुभम (पंजाब विद्यापीठ, चंदीगड, 01:45.31), विकास व सौरव कुमार (गुरू नानक देव विद्यापीठ, अमृतसर, 01:45.78), साहिल ग्यारी व वंश शर्मा (मोहनलाल सुखाडिया विद्यापीठ, उदयपूर, 01:48.40), गुरिंदर सिंग व योगेश सिंग (पाँडिचेरी विद्यापीठ, पुदुच्चेरी, 02:04.31).

के-४ – मयांक शर्मा व सहकारी (गुरू नानक देव विद्यापीठ, अमृतसर, 01:31.84), अखिल कुमार शर्मा व सहकारी (पंजाब विद्यापीठ, चंदीगड, 01:32.86), एल. सन्तोंबा सिंग व सहकारी (चंदीगड विद्यापीठ, मोहाली, 01:38.02), साहील गायरी व सहकारी (मोहनलाल सुखाडिया विद्यापीठ, उदयपूर, 01:38.79).

महिला गट:

सी-१ – रिया चौरसिया (पंजाब विद्यापीठ, चंदीगड, 02:37.15), रिया (गुरू काशी विद्यापीठ, भटिंडा, 02:38.25), ओ. बिद्यालक्ष्मी देवी (चंदीगड विद्यापीठ, मोहाली, 02:40.53), अंबेकर अनुष्का (सावित्रीबाई फुले पुणे विद्यापीठ, 02:43.26).

के-१ – चंद्रकला कुशवाहा (गुरू नानक देव विद्यापीठ, अमृतसर, 02:21.20), आंद्रिया पाऊलोज (केरळ विद्यापीठ, 02:22.27), दीव्यांशी रघोर्ते (राष्ट्रसंत तुकडोजी महाराज नागपूर विद्यापीठ, 02:26.65), मोनिका गढवाल (चंदीगड विद्यापीठ, मोहाली, 02:27.73),

सी-२ – अनु, निक्की (पंजाब विद्यापीठ, चंदीगड, 02:19.86), संस्कृती शिंगाडे, अनुष्का अंबेकर (सावित्रीबाई फुले पुणे विद्यापीठ, 02:30.24), ऋतिका कुमारी, रिया (गुरू काशी विद्यापीठ, भटिंडा, 02:37.81), लीना नागवडे, अपेक्षा हजारे (राष्ट्रसंत तुकडोजी महाराज नागपूर विद्यापीठ, 02:51.35)

के-२ – निधी, चंद्रकला कुशवाहा (गुरू नानक देव विद्यापीठ, अमृतसर, 02:06.84), गरिमा, ऋषिता (चंदीगड विद्यापीठ, मोहाली, 02:12.32), वैष्णवी अबाले, दिव्यांशी रघोर्ते (राष्ट्रसंत तुकडोजी महाराज नागपूर विद्यापीठ, 02:20.21), दीप्ती, जस्मीन (पाँडिचेरी विद्यापीठ, पुदुच्चेरी, 02:25.88).

के-४ – ह्रषिता व सहकारी (चंदीगड विद्यापीठ, मोहाली, 01:55.53), निधी व सहकारी (गुरू नानक देव विद्यापीठ, अमृतसर, 02:03.85), अल्पना सहानी व सहकारी (पंजाब विद्यापीठ, चंदीगड, 02:08.83), समृद्धी खोड, अपूर्वा पोकळी, प्रणाली कोपार्डे, श्रुती माने. (Panjab University Dominates Kayaking and Canoeing Competition)

0 comments
0 FacebookTwitterPinterestEmail
All India Inter-University Canoeing and Kayaking Competition
ताज्या बातम्या

सांगली येथे अखिल भारतीय विद्यापीठ कनोईंग व कयाकिंग स्पर्धेचे आयोजन

by प्रतिनिधी
written by प्रतिनिधी

कोल्हापूर : प्रतिनिधी : भारतीय विद्यापीठे महासंघ (ए.आय.यू.) आणि शिवाजी विद्यापीठ यांच्या संयुक्त विद्यमाने अखिल भारतीय आंतर विद्यापीठ कनोईंग व कयाकिंग (पुरुष व महिला) स्पर्धांचे आयोजन करण्यात आले आहे. रविवार ५ एप्रिल ते बुधवार ८ एप्रिल या कालावधीत सांगली येथे कृष्णा नदीमध्ये या स्पर्धा होतील. महाराष्ट्रात प्रथमच या स्पर्धा  आयोजित केल्या जात असून त्यामुळे शिवाजी विद्यापीठाच्या शिरपेचात मानाचा तुरा रोवला आहे, अशी माहिती शिवाजी विद्यापीठाचे प्रभारी कुलगुरू डॉ. सुरेश गोसावी यांनी आज पत्रकार परिषदेत दिली.

  सांगली येथील कै. वसंतदादा पाटील स्मृती स्मारक कृष्णा नदी घाट येथील रॉयल बोट क्लब येथे स्पर्धा होणार आहेत. या स्पर्धेत देशभरातील ४० विद्यापीठांमधून ६८५ पुरुष व महिला खेळाडू सहभागी होतील. खेळाडू प्रशिक्षक व पंच यांची निवास व्यवस्था मिशन हॉस्पिटल मिरज येथील विद्यार्थी विद्यार्थिनी वसतीगृहामध्ये केली आहे. राष्ट्रीय व आंतरराष्ट्रीय पंचांची निवास व्यवस्था मिशन हॉस्पिटलच्या गेस्ट हाऊस येथे करण्यात आली आहे. (All India Inter-University Canoeing and Kayaking Competition)

कोल्हापूर, सांगली व सातारा जिल्ह्यांतील नौकानयनातील उदयोन्मुख खेळाडू व क्रीडाप्रेमी यांना सदर स्पर्धा पाहण्याची मोठी संधी प्राप्त झाली असून राष्ट्रीय, आंतरराष्ट्रीय स्पर्धांमध्ये सहभागाचा अनुभव व वातावरण निर्मितीच्या दृष्टीने विद्यापीठाच्या वतीने सदर स्पर्धेचे आयोजन करण्यात आले आहे. (All India Inter-University Canoeing and Kayaking Competition)

यावेळी क्रीडा संचालक डॉ. शरद बनसोडे यांनी सांगितले की, स्पर्धेचे उ‌द्घाटन रविवारी ५ एप्रिल रोजी सकाळी ९ वाजता सांगली येथील कै. वसंतदादा पाटील स्मारक कृष्णा नदी घाट येथे राज्याचे उच्च व तंत्र शिक्षण मंत्री चंद्रकांत पाटील यांच्या हस्ते व प्रभारी कुलगुरू डॉ. सुरेश गोसावी यांच्या अध्यक्षतेखाली होणार आहे. कार्यक्रमास प्रमुख पाहुणे म्हणून राज्यपाल कार्यालयाचे सचिव डॉ. प्रशांत नारनवरे हे उपस्थित राहणार आहेत. त्याचबरोबर सांगलीचे जिल्हाधिकारी मैनक घोष, सांगली-मिरज-कुपवाड महानगरपालिकेचे आयुक्त सत्यम गांधी, प्रभारी प्र-कुलगुरू डॉ. ज्योती जाधव कुलसचिव डॉ. विलास शिंदे, सांगलीचे आमदार सुधीर गाडगीळ, सांगलीचे महापौर धीरज सूर्यवंशी आणि स्पर्धा निरीक्षक यांचीही यावेळी उपस्थिती असेल.

प्रत्यक्ष स्पर्धा ५ एप्रिल रोजी सकाळी सात वाजता सुरू होतील. स्पर्धेत कयाकिंग मध्ये के वन, के टू, के फोर तसेच कनोईंग मध्ये सी वन, सी टू असे २०० मी. ५०० मी. व १००० मी. या जलक्रीडा प्रकारात स्पर्धा होणार आहेत. स्पर्धेचा बक्षीस वितरण समारंभ ८ एप्रिल रोजी सायंकाळी चार वाजता होणार असून यामध्ये यशस्वी खेळाडूंना मेडल व सांघिक विजेता, उपविजेता व तृतीय क्रमांक यांना चषक देऊन गौरवण्यात येणार आहे.

या पत्रकार परिषदेला कुलसचिव डॉ. विलास शिंदे, आजीवन अध्ययन केंद्राचे संचालक डॉ. रामचंद्र पवार, जनसंपर्क अधिकारी डॉ. आलोक जत्राटकर, राष्ट्रीय सेवा योजनेचे प्रभारी संचालक डॉ. कबीर खराडे, उपकुलसचिव विलास सोयम उपस्थित होते. (All India Inter-University Canoeing and Kayaking Competition)

0 comments
0 FacebookTwitterPinterestEmail
Former Cricketer Arrested in Ticket Black-marketing
ताज्या बातम्यापोलिस डायरीमहत्त्वाच्या नोंदी

वर्ल्ड कप क्रिकेट सामना तिकीटांच्या काळाबाजार प्रकरणी माजी क्रिकेटपटू अटकेत

by प्रतिनिधी
written by प्रतिनिधी

मुंबई : प्रतिनिधी : महिन्याभरापूर्वी झालेल्या आयसीसी टी २० विश्वचषक क्रिकेट स्पर्धेतील मुंबईत झालेल्या सेमीफायनल सामन्याची तिकीटे काळाबाजारात विक्री केल्याप्रकरणी माजी क्रिकेटपटूला अटक केली आहे. तो मुंबईच्या अंडर १९ संघाचा माजी खेळाडू असून बलवंतसिंह स्वरुपसिंह सोधा असे या माजी क्रिकेटपटूचे नाव आहे.  (Former Cricketer Arrested in Ticket Black-marketing)

गेल्या महिन्यात आयसीसी टी २० विश्वचषक क्रिकेट स्पर्धेतील उपांत्य सामना मुंबईतील वानखेडे स्टेडियमवर खेळवण्यात आला. या स्पर्धेतील तिकीटांच काळाबाजार झाल्याची माहिती पोलिसांना कळाली. पोलिसांनी तिकीटांच्या काळाबाजारप्रकरणी सहा जणांना अटक केली आहे. सोधा हा मालाडचा रहिवासी असून ते क्रिकेट कोचिंगशी संबधित आहेत. तिकीट विक्री काळाबाजाराचे धागेदारे पोलिसांना मिळाले आहेत. शिक्षण आणि क्रीडा प्रशासनाशी या रॅकेटचे धागेदोरे पोचले आहेत. अंधेरीतील एका नामवंत कॉलेजचा स्पोर्टस् टीचर या प्रकरणाचा प्रमुख आरोपी आहे. तो मुंबई क्रिकेट असोसिएशनचा (एमसीए) सदस्य आहे. त्याला मिळालेली कॉम्प्लिमेंट्री आणि पेड तिकीटे त्याने एजंटाकडे सोपवली होती. ही तिकीटे बाजारात जास्त किंमतीत विकली गेली. (Former Cricketer Arrested in Ticket Black-marketing)

सोधीला अटक केल्यानंतर त्याच्याकडे पोलिसांनी चौकशी सुरू केली आहे. चौकशीत अशी माहिती पुढे आली आहे की २०१९ मध्ये मुंबईच्या अंडर १९ संघात तो खेळत होता. उदयोन्मुख खेळाडू म्हणून त्याच्याकडे पाहिले जात होते. कालांतराने त्याचे कोचिंग सुरू केले. पोलिस अधिकाऱ्यांच्या म्हणण्यानुसार तो नामवंत खेळाडूसमवेत क्रिकेट खेळला आहे. या संपर्काचा वापर करुन तो या रॅकेटमध्ये सहभागी झाला आहे.

डी.बी.मार्ग पोलिसांनी या गुन्ह्याचा तपास करताना माटुंगा येथील एका कॉलेजच्या शिपायाला ताब्यात घेतले. त्याच्याकडे चौकशी केल्यानंतर तिकीटाचा काळाबाजार पुढे आला. एक तिकीट २० ते २५ हजार रुपयांना विकले गेले आहे. हे नेटवर्क मोठे असण्याची शक्यता पोलिसांनी वर्तवली आहे. (Former Cricketer Arrested in Ticket Black-marketing)

0 comments
0 FacebookTwitterPinterestEmail
The 70-match schedule for IPL 2026 has been announced
ताज्या बातम्यामहत्त्वाच्या नोंदी

आयपीएल २०२६ चे ७० सामन्यांचे  वेळापत्रक जाहीर

by प्रतिनिधी
written by प्रतिनिधी

मुंबई : प्रतिनिधी : बीसीआयआरने इंडियन प्रिमिअर लिग २०२६ च्या दुसऱ्या टप्प्याचे वेळापत्रक जाहीर केले आहे. १३ एप्रिल ते २४ मे दरम्यान सामने होणार आहेत. उर्वरित साखळी फेरीतील ५० सामने १२ ठिकाणी खेळवले जाणार आहे.

मुंबई, बेंगळुरू, चेन्नई, कोलकोता, दिल्ली, अहमदाबाद, हैद्राबाद, लखनौ, जयपूर, धर्मशाळा, रायपूर, न्यू चंदिगड येथे सामने खेळवण्यात येणार आहे. यापूर्वी आयपीएलच्या पहिल्या टप्प्यातील वेळापत्रक जाहीर केले होते. आसाम, तामिळनाडू, पश्चिम बंगाल, केरळ राज्यामधील विधानसभा निवडणुका होत आहेत. निवडणुकीचे वेळापत्रक जाहीर झाल्यानंतर बीसीसीआयने सुधारित वेळापत्रक जाहीर केले आहे. आखाती युद्ध्, इंधन टंचाई याचा परिणाम स्पर्धेवर होणार असला तरी सामन्यांमध्ये कोणतीही तडजोड न करता वेळनुसार स्पर्धा पार पडणार आहे. (The 70-match schedule for IPL 2026 has been announced)

आयपीएल २०२६ संपूर्ण वेळापत्रक.

१. २८-मार्च- शनिवार संध्याकाळी ७:३० वाजता सनरायझर्स हैदराबाद रॉयल चॅलेंजर्स बंगळूरू (बंगळूर).

२. २९-मार्च- रविवार संध्याकाळी ७:३० वाजता कोलकाता नाइट रायडर्स मुंबई इंडियन्स (मुंबई).

३. ३०-मार्च- सोमवार संध्याकाळी ७:३० वाजता चेन्नई सुपर किंग्स राजस्थान रॉयल्स (गुवाहाटी)

४.३१-मार्च- मंगळवार संध्याकाळी ७:३० वाजता गुजरात टायटन्स पंजाब किंग्स (चंदीगड)

५. १-एप्रिल-  बुधवार संध्याकाळी ७:३० वाजता दिल्ली कॅपिटल्स लखनौ सुपर जायंट्स (लखनौ)

६. २-एप्रिल- गुरुवार संध्याकाळी ७:३० वाजता सनरायझर्स हैदराबाद कोलकाता नाइट रायडर्स (कोलकाता)

७. ३-एप्रिल- शुक्रवार संध्याकाळी ७:३० वाजता पंजाब किंग्स चेन्नई सुपर किंग्स (चेन्नई).

८. ४-एप्रिल- शनिवार दुपारी ३:३० वाजता मुंबई इंडियन्स दिल्ली कॅपिटल्स (दिल्ली)

९. ४-एप्रिल- शनिवार संध्याकाळी ७:३० वाजता राजस्थान रॉयल्स गुजरात टायटन्स (अहमदाबाद)

१०. ५-एप्रिल- रविवार, दुपारी ३:३० वाजता लखनौ सुपर जायंट्स सनरायझर्स हैदराबाद (हैदराबाद)

११. ५-एप्रिल- रविवार संध्याकाळी ७:३० वाजता चेन्नई सुपर किंग्स रॉयल चॅलेंजर्स बंगळूरू (बंगळूर).

१२. ६-एप्रिल- सोमवार संध्याकाळी ७:३० वाजता पंजाब किंग्स कोलकाता नाइट रायडर्स (कोलकाता)

१३. ७-एप्रिल- मंगळवार संध्याकाळी ७:३० वाजता मुंबई इंडियन्स राजस्थान रॉयल्स (गुवाहाटी)

१४. ८-एप्रिल- बुधवार संध्याकाळी ७:३० वाजता गुजरात टायटन्स दिल्ली कॅपिटल्स (दिल्ली)

१५. ०९-एप्रिल-२६ गुरुवार संध्याकाळी ७:३० वाजता लखनौ सुपर जायंट्स कोलकाता नाइट रायडर्स (कोलकाता)

१६. १०-एप्रिल-२६ शुक्रवार संध्याकाळी ७:३० वाजता रॉयल चॅलेंजर्स बंगळूरू राजस्थान रॉयल्स (गुवाहाटी)

१७. ११-एप्रिल-२६ शनिवार दुपारी ३:३० वाजता सनरायझर्स हैदराबाद पंजाब किंग्स (चंदीगड)

१८.  ११-एप्रिल-२६ शनिवार संध्याकाळी ७:३० वाजता दिल्ली कॅपिटल्स चेन्नई सुपर किंग्स (चेन्नई)

१९.  १२-एप्रिल-२६ रविवार  दुपारी ३:३० वाजता गुजरात टायटन्स लखनौ सुपर जायंट्स (लखनौ)

२०. १२-एप्रिल-२६ रविवार संध्याकाळी ७:३० वाजता रॉयल चॅलेंजर्स बंगळूरू मुंबई इंडियन्स (मुंबई)

२१. १३-एप्रिल-२६ सोमवार संध्याकाळी ७:३० वाजता राजस्थान रॉयल्स सनरायझर्स हैदराबाद (हैदराबाद)

२२. १४-एप्रिल-२६ मंगळवार संध्याकाळी ७:३० वाजता कोलकाता नाइट रायडर्स चेन्नई सुपर किंग्स (चेन्नई)

२३. १५-एप्रिल-२६ बुधवार संध्याकाळी ७:३० वाजता लखनौ सुपर जायंट्स रॉयल चॅलेंजर्स बंगळूरू (बंगळूर)

२४.  १६-एप्रिल-२६ गुरुवार संध्याकाळी ७:३० वाजता पंजाब किंग्स मुंबई इंडियन्स (मुंबई)

२५.  १७-एप्रिल-२६ शुक्रवार संध्याकाळी ७:३० वाजता कोलकाता नाइट रायडर्स गुजरात टायटन्स (अहमदाबाद)

२६. १८-एप्रिल-२६ शनिवार दुपारी ३:३० वाजता दिल्ली कॅपिटल्स रॉयल चॅलेंजर्स बंगळूरू (बंगळूर)

२७.  १८-एप्रिल-२६ शनिवार संध्याकाळी ७:३० वाजता चेन्नई सुपर किंग्स सनरायझर्स हैदराबाद (हैदराबाद)

२८. १९-एप्रिल-२६ रविवार दुपारी ३:३० वाजता राजस्थान रॉयल्स कोलकाता नाइट रायडर्स (कोलकाता).

२९. १९-एप्रिल-२६ रविवार संध्याकाळी ७:३० वाजता लखनौ सुपर जायंट्स पंजाब किंग्स (चंदीगड)

३०. २०-एप्रिल-२६ सोमवार संध्याकाळी ७:३० वाजता मुंबई इंडियन्स गुजरात टायटन्स (अहमदाबाद)

३१. २१-एप्रिल-२६ मंगळवार संध्याकाळी ७:३० वाजता दिल्ली कॅपिटल्स सनरायझर्स हैदराबाद (हैदराबाद).

३२. २२-एप्रिल-२६ बुधवार संध्याकाळी ७:३० वाजता राजस्थान रॉयल्स लखनौ सुपर जायंट्स (लखनौ).

३३. २३-एप्रिल-२६ गुरुवार संध्याकाळी ७:३० वाजता चेन्नई सुपर किंग्स मुंबई इंडियन्स (मुंबई).

३४. २४-एप्रिल-२६ शुक्रवार संध्याकाळी ७:३० वाजता गुजरात टायटन्स रॉयल चॅलेंजर्स बंगळूरू (बंगळूर)

३५. २५-एप्रिल-२६ शनिवार दुपारी ३:३० वाजता पंजाब किंग्स दिल्ली कॅपिटल्स (दिल्ली)

३६. २५-एप्रिल-२६ शनिवार संध्याकाळी ७:३० वाजता सनरायझर्स हैदराबाद राजस्थान रॉयल्स (जयपूर).

३७. २६-एप्रिल-२६ रविवार दुपारी ३:३० वाजता चेन्नई सुपर किंग्स गुजरात टायटन्स (अहमदाबाद)

३८. २६-एप्रिल-२६ रविवार संध्याकाळी ७:३० वाजता कोलकाता नाइट रायडर्स लखनौ सुपर जायंट्स (लखनौ).

३९. २७-एप्रिल-२६ सोमवार संध्याकाळी ७:३० वाजता रॉयल चॅलेंजर्स बंगळूरू दिल्ली कॅपिटल्स (दिल्ली)

४०. २८-एप्रिल-२६ मंगळवार संध्याकाळी ७:३० वाजता राजस्थान रॉयल्स पंजाब किंग्स (चंदीगड)

४१. २९-एप्रिल-२६ बुधवार संध्याकाळी ७:३० वाजता सनरायझर्स हैदराबाद मुंबई इंडियन्स मुंबई.

४२. ३०-एप्रिल-२६ गुरुवार संध्याकाळी ७:३० वाजता रॉयल चॅलेंजर्स बंगळूरू गुजरात टायटन्स (अहमदाबाद).

४३. ०१-मे-२६ शुक्रवार संध्याकाळी ७:३० वाजता दिल्ली कॅपिटल्स राजस्थान रॉयल्स (जयपूर)

४४. ०२-मे-२६ शनिवार संध्याकाळी ७:३० वाजता मुंबई इंडियन्स चेन्नई सुपर किंग्स (चेन्नई)

४५. ०३-मे-२६ सूर्य दुपारी ३:३० वाजता कोलकाता नाइट रायडर्स सनरायझर्स हैदराबाद (हैदराबाद)

४६. ०३-मे-२६ सूर्य संध्याकाळी ७:३० वाजता पंजाब किंग्स गुजरात टायटन्स (अहमदाबाद)

४७. ०४-मे-२६ सोमवार संध्याकाळी ७:३० वाजता लखनौ सुपर जायंट्स मुंबई इंडियन्स (मुंबई).

४८. ०५-मे-२६ मंगळवार संध्याकाळी ७:३० वाजता चेन्नई सुपर किंग्स दिल्ली कॅपिटल्स (दिल्ली)

४९. ०६-मे-२६ बुधवार संध्याकाळी ७:३० वाजता पंजाब किंग्स सनरायझर्स हैदराबाद (हैदराबाद)

५०. ०७-मे-२६ गुरुवार संध्याकाळी ७:३० वाजता रॉयल चॅलेंजर्स बंगळूरू लखनौ सुपर जायंट्स (लखनौ)

५१. ०८-मे-२६ शुक्रवार संध्याकाळी ७:३० वाजता कोलकाता नाइट रायडर्स दिल्ली कॅपिटल्स (दिल्ली)

५२. ०९-मे-२६ शनिवार संध्याकाळी ७:३० वाजता गुजरात टायटन्स राजस्थान रॉयल्स (जयपूर)

५३. १०-मे-२६ रविवार दुपारी ३:३० वाजता लखनौ सुपर जायंट्स चेन्नई सुपर किंग्स (चेन्नई).

५४.  १०-मे-२६ रविवार संध्याकाळी ७:३० वाजता मुंबई इंडियन्स रॉयल चॅलेंजर्स बंगळूरू (रायपूर).

५५. ११-मे-२६ सोमवार संध्याकाळी ७:३० वाजता दिल्ली कॅपिटल्स पंजाब किंग्स (धर्मशाळा).

५६. १२-मे-२६ मंगळवार संध्याकाळी ७:३० वाजता सनरायझर्स हैदराबाद गुजरात टायटन्स (अहमदाबाद)

५७. १३-मे-२६ बुधवार संध्याकाळी ७:३० वाजता कोलकाता नाइट रायडर्स रॉयल चॅलेंजर्स बंगळूरू (रायपूर).

५८. १४-मे-२६ गुरुवार संध्याकाळी ७:३० वाजता मुंबई इंडियन्स पंजाब किंग्स (धर्मशाळा).

५९. १५-मे-२६ शुक्रवार संध्याकाळी ७:३० वाजता चेन्नई सुपर किंग्स लखनौ सुपर जायंट्स (लखनौ)

६०. १६-मे-२६ शनिवार संध्याकाळी ७:३० वाजता गुजरात टायटन्स कोलकाता नाइट रायडर्स (कोलकाता).

६१. १७-मे-२६ रविवार दुपारी ३:३० वाजता रॉयल चॅलेंजर्स बंगळूरू पंजाब किंग्स (धर्मशाळा)

६२. १७-मे-२६ सूर्य संध्याकाळी ७:३० वाजता राजस्थान रॉयल्स दिल्ली कॅपिटल्स (दिल्ली).

६३. १८-मे-२६ सोमवार संध्याकाळी ७:३० वाजता सनरायझर्स हैदराबाद चेन्नई सुपर किंग्स (चेन्नई).

६४. १९-मे-२६ मंगळवार संध्याकाळी ७:३० वाजता लखनौ सुपर जायंट्स राजस्थान रॉयल्स (जयपूर).

६५. २०-मे-२६ बुधवार संध्याकाळी ७:३० वाजता मुंबई इंडियन्स कोलकाता नाइट रायडर्स (कोलकाता).

६६. २१-मे-२६ गुरुवार संध्याकाळी ७:३० वाजता गुजरात टायटन्स चेन्नई सुपर किंग्स (चेन्नई).

६७. २२-मे-२६ शुक्रवार संध्याकाळी ७:३० वाजता रॉयल चॅलेंजर्स बंगळूरू सनरायझर्स हैदराबाद (हैदराबाद).

६८. २३-मे-२६ शनिवार संध्याकाळी ७:३० वाजता पंजाब किंग्स लखनौ सुपर जायंट्स (लखनौ).

६९. २४-मे-२६ सूर्य दुपारी ३:३० वाजता राजस्थान रॉयल्स मुंबई इंडियन्स (मुंबई)

७०. २४-मे-२६ सूर्य संध्याकाळी ७:३० वाजता दिल्ली कॅपिटल्स कोलकाता नाइट रायडर्स (कोलकाता). (The 70-match schedule for IPL 2026 has been announced)

0 comments
0 FacebookTwitterPinterestEmail
Samiksha Shelar Wins Bronze Medal in University Judo Competition
ताज्या बातम्या

शिवाजी विद्यापीठ च्या समीक्षा शेलारला अखिल भारतीय महिला ज्युडो स्पर्धेत ब्राँझ पदक

by प्रतिनिधी
written by प्रतिनिधी

कोल्हापूर : प्रतिनिधी : अखिल भारतीय महिला आंतर विद्यापीठ ज्युदो स्पर्धेत शिवाजी विद्यापीठाच्या समीक्षा शिवाजी शेलारने ७० किलो वजन गटामध्ये ब्राँझ पदक पटकावले. ती छत्रपती शहाजी कॉलेजची विद्यार्थीनी आहे. (Samiksha Shelar Wins Bronze Medal in University Judo Competition)

भोपाळ येथील सेग युनिव्हर्सिटी येथे झालेल्या साऊथ वेस्ट झोन मध्ये तिने रौप्य पदक प्राप्त केले होते. तिला शिवाजी विदयापीठाचे प्रभारी कुलगुरू डॉ.सुरेश गोसावी ,प्रभारी प्र कुलगुरू डॉ.ज्योती जाधव, कुलसचिव डॉ.व्ही.एन शिंदे, क्रीडा संचालक शरद बनसोडे, जुदो प्रशिक्षक डॉ.धनंजय पाटील, प्रा.ज्योती लेंगरे यांचे प्रोत्साहन व मार्गदर्शन लाभले. (Samiksha Shelar Wins Bronze Medal in University Judo Competition)

0 comments
0 FacebookTwitterPinterestEmail
Tanvi Magdum Wins Gold Medal in Wrestling Competition
ताज्या बातम्या

अखिल भारतीय विद्यापीठ महिला कुस्ती स्पर्धेत तन्वी मगदूमला सुवर्णपदक

by प्रतिनिधी
written by प्रतिनिधी

कोल्हापूर : प्रतिनिधी :  हरियाणातील कुरुक्षेत्र विद्यापीठ  येथे सुरू असलेल्या अखिल भारतीय आंतरविद्यापीठ महिला कुस्ती स्पर्धेत शिवाजी विद्यापीठाच्या तन्वी मगदूम हिने ५७ किलो वजन गटात अटीतटीच्या लढतीत सुवर्णपदकपदक पटकावले.  तसेच सृष्टी जयवंत भोसले हिने ६५ किलो वजन गटात ब्राँझ पदक मिळवले. (Tanvi Magdum Wins Gold Medal in Wrestling Competition)

     विजयी खेळाडूंना  शिवाजी विद्यापीठाचे प्रभारी कुलगुरू प्रा. डॉ. सुरेश गोसावी व प्रभारी प्र -कुलगुरू प्रा. डॉ. ज्योती जाधव, कुलसचिव डॉ. व्ही. एन. शिंदे आणि क्रीडा संचालक प्रा.डॉ. शरद बनसोडे यांचे प्रोत्साहन लाभले. तसेच संघाचे प्रशिक्षक डॉ विक्रम नागरे पाटील आणि डॉ प्रताप जाधव  यांचे मार्गदर्शन लाभले. (Tanvi Magdum Wins Gold Medal in Wrestling Competition)

0 comments
0 FacebookTwitterPinterestEmail
Chandrakant Cup Football Tournament Organized
ताज्या बातम्या

कोल्हापुरात चंद्रकांत चषक फुटबॉल स्पर्धेचे आयोजन

by प्रतिनिधी
written by प्रतिनिधी

कोल्हापूर : प्रतिनिधी :  बालगोपाल तालीम मंडळ आयोजित व जाधव इंडस्ट्रीज पुरस्कृत “चंद्रकांत चषक -२०२६” फुटबॉल स्पर्धेचे आयोजन करण्यात आले आहे. स्पर्धेला १८ मार्च पासून शाहू स्टेडियम येथे सुरुवात होत आहे. या स्पर्धेतील विजेत्या संघाला २ लाख ३१ हजार रुपये आणि चंद्रकांत चषक, उपविजेत्या संघाला १ लाख ३१ हजार रुपये आणि चंद्रकांत चषक, त्याच बरोबर उपांत्य फेरीत येणाऱ्या संघांना प्रत्येकी ३१ हजार रुपयांचे रोख बक्षीस तसेच स्पर्धेत उत्कृष्ट कामगिरी करणाऱ्या खेळाडूंना वैयक्तिक बक्षिसे देण्यात येणार असल्याची माहिती कोल्हापूर महापालिका परिवहन समितीचे सभापती सत्यजित चंद्रकांत जाधव व राजेंद्र कुरणे यांनी पत्रकार परिषदेत दिली. (Chandrakant Cup Football Tournament Organized)

बालगोपाल तालीम मंडळाच्या आयोजित ही स्पर्धा १८ मार्च ते २९ मार्च या कालावधीत होणार आहे. स्पर्धेचे उद्घाटन राज्य नियोजन मंडळाचे कार्यकारी अध्यक्ष, आमदार राजेश क्षीरसागर, माजी आमदार व विफाचे उपाध्यक्ष मालोजीराजे छत्रपती यांच्या प्रमुख उपस्थितीत होणार यांच्या हस्ते बुधवारी दुपारी साडेतीन वाजता होणार आहे.  आहे. यावेळी माजी खासदार संजय मंडलिक, माजी आमदार व शिवसेनेच्या उपनेत्या जयश्री चंद्रकांत जाधव, महापौर रूपाराणी निकम, उपमहापौर अक्षय जरग, स्थायी समिती सभापती विशाल शिराळे, महिला बालकल्याण समिती सभापती कौसर बागवान, शिवसेनेचे गटनेते शारंगधर देशमुख, शिवसेनेचे समन्वयक सत्यजित कदम, शिवसेनेचे जिल्हाप्रमुख सुजित चव्हाण, स्थायी समितीचे माजी सभापती संभाजी जाधव, जुना राजवाडा पोलीस ठाण्याचे पोलीस निरीक्षक किरण लोंढे यांची प्रमुख उपस्थिती राहणार आहे. (Chandrakant Cup Football Tournament Organized)

 स्पर्धेच्या निमित्ताने मैदानावर दिवंगत आमदार चंद्रकांत जाधव (आण्णा) यांचे भव्य पोस्टर उभारण्यात येणार आहे. तसेच शहराच्या विविध भागात मोक्याच्या ठिकाणी वरिष्ठ १६ संघातील खेळाडूंची प्रतिमा असणारे बॅनर लावण्यात येणार आहेत.स्पर्धेतील उत्कृष्ट गोलकीपर, उत्कृष्ट डिफेन्स, उत्कृष्ट हाफ व उत्कृष्ट फॉरवर्ड या चार खेळाडूंना आकर्षक भेटवस्तू आणि गौरव चिन्ह, तर स्पर्धेतील सर्वोत्तम खेळाडूला ३१ हजार रुपये, गौरव चिन्ह आणि भेटवस्तू देऊन गौरवले जाणार आहे. प्रत्येक सामन्यातील मॅन ऑफ द मॅचचा बहुमान मिळवणाऱ्या खेळाडूला ३१०० रूपये बक्षिस देण्यात येणार आहे.यावेळी उपाध्यक्ष निवास शिंदे, सेक्रेटरी राहुल चव्हाण, जॉईन सेक्रेटरी आप्पासाहेब साळोखे, युवराज कुरणे, रोहन शिंदे, सुदेश मगदूम, सुनील पोवार, कपिल मोहिते, अनिकेत सावंत आदी उपस्थित होते. (Chandrakant Cup Football Tournament Organized)

0 comments
0 FacebookTwitterPinterestEmail
IPL 1st match RCB vs SRH
ताज्या बातम्यामहत्त्वाच्या नोंदी

आयपीएलचा पहिला सामना आरसीबी विरुद्ध् एसआरएच

by प्रतिनिधी
written by प्रतिनिधी

नवी दिल्ली : भारतीय किकेट नियामक मंडळाने इंडियन प्रिमियर लिग २०२६ हंगामाच्या पहिल्या वीस दिवसाचे वेळपत्रक जाहीर केले आहे. पहिला सामना गतविजेता रॉयल चॅलेंजर्स बेंगळुरू आणि सनरायझर्स हेद्राबाद यांच्यात बेंगळुरच्या एम. चिन्नास्वामी स्टेडियमवर खेळवला जाणार आहे. आयपीएलच्या काळात तीन राज्यामध्ये विधानसभा निवडणुका होणार असल्याने निवडणुकीच्या तारखा जाहीर झाल्यानंतर संपूर्ण स्पर्धेचे वेळापत्रक जाहीर केले जाणार आहे. (IPL 1st match RCB vs SRH)

पहिल्या टप्प्यातील वीस सामने बेंगळुरु, मुंबई, गुवाहाटी, न्यू चंदीगड, लखनौ, कोलकोता, चेन्नई, दिल्ली, अहमदबाबद आणि हैद्राबाद येथे खेळवण्यात येणार आहेत. भारतीय प्रमाण वेळेनुसार दुपारी साडेतीन आणि रात्री साडेसात वाजता सामने सुरू होणार आहेत. हंगामातील पहिला डबल हेडर सामना चार एप्रिल रोजी दिल्ली कॅपिटल्स आणि मुंबई इंडियन्स संघात दिल्लीतील अरुण जेटली स्टेडियमवर दुपारी होणार आहे. त्यानंतर गुजरात टायटन्स आणि रायस्थान रॉयल्स यांच्यातील सामना अहमदाबादमधील नरेंद्र मोदी स्टेडियमवर होणार आहे. (IPL 1st match RCB vs SRH)

सामन्यांचे वेळापत्रक असे,  आरसीबी विरुद्ध एसआरएच २८ मार्च- संध्याकाळी. बेंगळुरू एमआय विरुद्ध केकेआर २९ मार्च संध्याकाळी.  मुंबई आरआर विरुद्ध सीएसके ३० मार्च संध्याकाळी. गुवाहाटी पीबीकेएस विरुद्ध जीटी ३१ मार्च संध्याकाळी  मुल्लानपूर. एलएसजी विरुद्ध डीसी १-एप्रिल संध्याकाळी लखनौ. केकेआर विरुद्ध एसआरएच २-एप्रिल संध्याकाळी कोलकाता. सीएसके विरुद्ध पीबीकेएस ३-एप्रिल संध्याकाळी चेन्नई.  डीसी विरुद्ध एमआय ४-एप्रिल दुपारी दिल्ली.  जीटी विरुद्ध आरआर ४-एप्रिल संध्याकाळी अहमदाबाद.  एसआरएच विरुद्ध एलएसजी ५ एप्रिल दुपारी हैदराबाद. आरसीबी विरुद्ध सीएसके ५ एप्रिल संध्याकाळी बेंगळुरू. केकेआर विरुद्ध पीबीकेएस ६ एप्रिल संध्याकाळी कोलकाता. आरआर विरुद्ध एमआय ७ एप्रिल संध्याकाळी गुवाहाटी. डीसी विरुद्ध जीटी ८ एप्रिल २६ संध्याकाळी दिल्ली. केकेआर विरुद्ध एलएसजी ९ एप्रिल गुरुवार संध्याकाळी कोलकाता. आरआर विरुद्ध आरसीबी १० एप्रिल संध्याकाळी गुवाहाटी. पीबीकेएस विरुद्ध एसआरएच ११ एप्रिल दुपारी मुल्लानपूर. सीएसके विरुद्ध डीसी ११ एप्रिल संध्याकाळी चेन्नई. एलएसजी विरुद्ध जीटी १२ एप्रिल दुपारी लखनौ. एमआय विरुद्ध आरसीबी १२ एप्रिल संध्याकाळी मुंबई. (IPL 1st match RCB vs SRH)

0 comments
0 FacebookTwitterPinterestEmail
Joshilkar Motibag Talmi's new creation
ताज्या बातम्या

महाराष्ट्र केसरी विष्णू जोशिलकर मोतीबाग तालमीचे नवे वस्ताद

by प्रतिनिधी
written by प्रतिनिधी

कोल्हापूर : राजर्षी शाहू महाराजांनी स्थापन केलेल्या मोतीबाग तालमीच्या वस्ताद पदी तालमीचे जेष्ठ मल्ल, शिवछत्रपती पुरस्कार विजेते महाराष्ट्र केसरी विष्णू जोशिलकर यांची एकमताने निवड करणेत आली. राजर्षी शाहू महाराजांनी मल्लविद्येला प्रोत्साहन देण्यासाठी राजघराण्याची खास असलेल्या बागेवर मोतीबाग तालमीची उभारणी केली होती. या तालमीने देशाला अशियाई, राष्ट्रकुल पदक विजेत्या मल्लासह मातीच्या कुस्तीतील गदा पटकावणारे हिंदकेसरी, महाराष्ट्र केसरी मल्ल दिले आहे. राज्यातील नामांकित तालमीचे वस्ताद पदाची धुरा जोशीलकर यांच्यावर सोपवण्यात आली आहे. (Joshilkar Motibag Talmi’s new creation)

   करवीर नगरीतील कुस्ती क्षेत्रातील भीष्माचार्य  बाळ दादा गायकवाड यांचे  पुतणे प्रदिप गायकवाड यांनी पुढाकार घेवून मेळावा घेणेबाबत कोल्हापूर शहर आणि जिल्हा राष्ट्रीय तालीम संघाकडे परवानगी मागितली होती.  तालीम संघाच्या परवानगीनंतर मेळावा घेण्यात आला. कुस्ती क्षेत्रातील मरगळ दूर करणेसाठी व उर्जीत अवस्था आणणे कामी तालमीत नविन वस्ताद नेमणे व बुरुजबंद मल्ल घडवणे अशा सुचना सादर केल्या त्यास एकमताने मंजूरी दिली नविन वस्तादानी मोतीबाग तालीम व स्वागीय बाळ दादा गायकवाड यांचा वसा व वारसा पुढे शिस्तबद्द चालवावा असे मनोगत ज्येष्ठ मल्लांनी केले. (Joshilkar Motibag Talmi’s new creation)

तालीम संघाचे कार्याध्यक्ष संभाजी वरुटे यांच्या अध्यक्षतेखाली झालेल्या सभेत अशोक माने यांनी वस्ताद पदी विष्णू जोशिलकर यांचे नाव सुचवले.  त्याला माणिक मंडलिक आणि आर. के. पोवार यानी अनुमोदन दिल्याने एकमताने निवड करणेत आली. पुर्वीची मोतीबाग तालमीची व्यवस्थापन समिती कायम ठेवणेत आली. ग्रिको रोमन कुस्ती स्पर्धत महाराष्ट्राला सुवर्ण पदक मिळवून दिले बद्दल पै गौरव गुंडाजी पाटील यांचा सत्कार करणेत आला

यावेळी तालीम संघाचे सरचिटणीस अशोक पोवार, बी.एच.पाटील, बाजीराव कळत्रे, विजय सरदार, सुखदेव एरूडकर, प्रदिप गायकवाड, बाळासो मेटकर, आर.के.पोवार, संभाजी पाटील, माणिक मंडलिक यांनी तालीम संघ व मोतीबाग तालमीस उर्जीत अवस्था आणण्यासाठी सूचना केली.

  यावेळी प्रकाश खोत, हिंदकेसरी विनोद चौगले, चंद्रकांत चव्हाण, निलेश देसाई, बाजीराव पाटील, सर्जेराव राऊ पाटील, जयकुमार शिंदे , बापू लोखंडे , संतोष कामते, सरदार वरुटे, विलास पाटील, शिवाजी कवठेकर, विक्रम माने, आनंदा खराडे, विजय पाटील, ज्युनिअर दादू चौगले, महेश नलवडे, रणजित पाटील आदी उपस्थित होते. आभार बटू जाधव यांनी मानले. (Joshilkar Motibag Talmi’s new creation)

0 comments
0 FacebookTwitterPinterestEmail
Newer Posts
Older Posts
error: Content is protected !!