Gokul Election

कोल्हापूर : प्रतिनिधी : गोकुळ दूध संघाच्या निवडणुकीसाठी विधान परिषदेतील काँग्रेसचे गटनेते सतेज पाटील यांनी जोरदार शक्तीप्रदर्शन केले. यावेळी मिडियाशी बोलताना गोकुळच्या निवडणुकीला अजुन दोन महिने अवकाश असून या काळात बिन आवाजाचा बॉम्ब फुटणार आहे याकडे त्यांनी लक्ष वेधले. यावेळी पत्रकारांशी बोलताना गोकुळ निवडणुकीसाठी बिनविरोधचा प्रस्ताव आमच्याकडे आलेला नाही. तो आल्याशिवाय बोलणं संयुक्तिक ठरणार नाही. परंतु गोकुळ टिकला पाहिजे यासाठी ज्या भूमिका घ्याव्या त्या निश्चितपणे घेऊ असे सतेज पाटील यांनी स्पष्ट केले. (Satej Patil’s show of strength for the Gokul election)

आमच्या समविचारी आघाडीने जिल्ह्यातील १८५१ ठराव दाखल केले असून दूध उत्पादक आमच्या बाजुने आम्हाला न्याय देतील असा विश्वास त्यांनी व्यक्त केला. आमची राजर्षी शाहू समविचारी आघाडी असून जे आमच्यासोबत येतील त्यांना घेऊन जाण्याची आमची भूमिका आहे, असेही ते म्हणाले.

शक्तीप्रदर्शनाने १८५१ ठराव दाखल

कोल्हापूर जिल्हा सहकारी दूध उत्पादक संघ गोकुळच्या निवडणुकीसाठी ठराव करण्याची प्रक्रिया सुरू आहे. गेले आठवडाभर आमदार हसन मुश्रीफ यांच्या नेतृत्वाखाली राष्ट्रवादी काँग्रेस, पालकमंत्री प्रकाश आबिटकर, आमदार चंद्रदीप नरके यांच्या नेतृत्वाखाली शिवसेनेने तर मंत्री चंद्रकांत पाटील, खासदार धनंजय महाडिक, आमदार अमल महाडिक, शिवाजी पाटील यांच्या नेतृत्वाखाली भाजपने प्रचंड शक्तीप्रदर्शन करत गोकुळच्या निवडणुकीसाठी ठराव दाखल केले. आज आमदार सतेज पाटील, स्वाभिमानी शेतकरी संघटनेचे माजी खासदार राजू शेट्टी, आमदार जयंत आसगांवकर, माजी आमदार राजूबाबा आवळे, राजीव आवळे दत्त सहकार समुहाचे अध्यक्ष गणपतराव पाटील यांच्या नेतृत्वाखाली शक्तीपदर्शन करत १८५१ ठराव दाखल करुन महायुतीला ताकद दाखवली. (Satej Patil’s show of strength for the Gokul election)

गोकुळच्या सातबाऱ्यावर दूध उत्पादकाचे नाव राहण्यासाठी लढा

स्वर्गीय आनंदराव पाटील चुयेकर साहेबांनी उभारलेला गोकुळचा वारसा पुढे नेण्याची आमची बांधिलकी आहे. आमची लढाई सत्तेसाठी नसून दूध उत्पादक शेतकऱ्यांना न्याय, प्रतिष्ठा आणि त्यांचा हक्क मिळवून देण्यासाठी आहे. आम्ही मल्टिस्टेटचा प्रयत्न हाणून पाडला, त्यामुळेच गोकुळच्या सातबाऱ्यावर दूध उत्पादकांचे नाव कायम राहिले. शेतकरी आणि दूध उत्पादक संस्था हा गोकुळचा पाया असून त्यांना वाचवण्यासाठीच आमचा लढा सुरू आहे. अशा भावना यावेळी व्यक्त केल्या.

जिल्ह्यातील नेते रॅलीत सहभागी

यावेळी गोपाळराव पाटील, गोकुळचे माजी अध्यक्ष रणजीतसिंह पाटील मुरगुडकर, रामराजे कुपेकर, सत्यजित जाधव, राहुल देसाई, हिंदुराव चौगले,  गोकुळचे माजी संचालक पी. डी. धुंदरे, शशिकांत पाटील- चुयेकर, बाबासाहेब चौगले, अभिजीत तायशेटे, प्रकाश पाटील, बयाजी शेळके, अंजना रेडेकर,  ए. डी. पाटील, सदाशिव चरापले,  एम. आर. पाटील- कुरुकलीकर, उदय पाटील, दिनकरराव कांबळे, उदयानी साळुंखे, स्मिता गवळी, बजरंग पाटील, शामराव देसाई, संभाजीराव देसाई, दगडू गावडे, दयानंद पाटील, प्रशांत देसाई, निवास पाटील, भगवानराव जाधव, रामकृष्ण पाटील, रणधीर मोरे, छाया देसाई, एकनाथ पाटील, सचिन घोरपडे, जीवन पाटील, विक्रम चव्हाण- पाटील, विद्याधर गुरबे, गणपतराव डोंगरे, अमर पाटील, महेश पाटील- शिंगणापूरकर, शशिकांत खवरे, सम्राट मोरे, प्रकाशराव पाटील, काँग्रेस शहराध्यक्ष प्रवीण केसरकर, विरोधी पक्षनेता राजू लाटकर, गटनेता इंद्रजीत बोंद्रे, मधुकर रामाणे, सर्व जिल्हा परिषद सदस्य नगरसेवक व आजी- माजी पदाधिकारी आणि ठरावधारक मोठ्या संख्येने उपस्थित होते. (Satej Patil’s show of strength for the Gokul election)

कोल्हापूर : प्रतिनिधी : जिल्ह्यातील नेते कुमकुवत असल्यामुळे गोकुळच्या निवडणुकीत  मुख्यमंत्र्याचा हस्तक्षेप वाढला आहे, अशी टीका विधान परिषदेतील काँग्रेसचे नेते आमदार सतेज पाटील यांनी केली. काँग्रेस कमिटीत झालेल्या पत्रकार परिषदेत ते बोलत होते. कोल्हापूर जिल्हा सहकारी दूध उत्पादक संघाची निवडणूक प्रक्रिया सुरू असून या निवडणुकीत महायुतीच्या नेत्यांमधील धुसफुस, मतभेद विसरुन महायुती गोकुळच्या निवडणुकीत एकत्र लढणार या विषयावर त्यांनी आपली मते व्यक्त केली.

 आमदार सतेज पाटील म्हणाले, जिल्ह्यातील नेते कुमकुवत आहेत हे दिसत असल्याने मुख्यमंत्र्यांचा हस्तक्षेप वाहत आहे या पूर्वी गोकुळमध्ये  महाडिक साहेबांची सत्ता होती तेव्हा राज्यात कॉग्रेसची सत्ता होती. पण काँग्रेसच्या कोणत्याच मुख्यमंत्र्यांनी गोकुळच्या निवडणूकीत हस्तक्षेप केला नाही. मुख्यमंत्री विलासराव देशमुख, सुशीलकुमार शिंदे, अशोकराव चव्हाण, पृथ्वीराज चव्हाण कधी  निवडणुकीत हस्तक्षेप केल्याचे ऐकवात नाही. जिल्हातील नेते कुमकुवत असतील तर राज्यातील नेत्यांना हस्तक्षेत करण्यास संधी मिळते असा टोलाही त्यांनी महायुतीच्या नेत्यांना मारला. (CM Intervenes in Gokul Due to Weak Leadership)

पश्चिम महाराष्ट्रातील पुणे, सातारा,सोलापूर, सांगली, कोल्हापूर हा सहकाराचा बालेकिल्ला आहे. या जिल्ह्यातील सहकारी संस्थांच्या निवडणुकीत पक्षाचे लेबल लावून आम्ही गोकुळ आणि जिल्हा बँकेची पायरी चढली नाही, असे मत सतेज पाटील यांनी व्यक्त केले. गेल्या वेळच्या निवडणुकीत आम्ही सर्व नेत्यांचा सन्मान केला होता. मी स्वत: प्रकाश आबिटकर, चंद्रदीप नरके, राजेश पाटील यांच्या घरी जाऊन त्यांचा सन्मान केला होता. आता महायुतीत नेत्यांचा सन्मान होतो का दिसत नाही याकडेही त्यांनी लक्ष वेधले. गोकुळच्या निवडणुकीत आमचे २५ उमेदवार रिंगणात असणार असल्याचे स्पष्ट करत असून पुलाखालून बरेच पाणी वाहून जायचे आहे असेही ते म्हणाले. (CM Intervenes in Gokul Due to Weak Leadership)

मग गोकुळची बदनामी का केली

गोकुळच्या निवडणूकीत आम्ही दूध उत्पादकांना दर वाढ दिली. त्यामुळे दूध उत्पादक आमच्या बाजुने आहेत असा दावा सतेज पाटील यांनी केला. आज आमच्या भावकीचं मिटलं आहे असे दावा करणाऱ्यांनी गेले तीन महिने गोकुळची बदनामी का केली असा प्रश्न उपस्थित केला. देशभरात गोकुळचा ब्रॅड नावाजलेला असताना भावकीच्या वादातून बदनामी झाली. आता भावकीची मिटलं असा दावा केला असतानाही अजुनही एक भावकी आमचं मिटलेले नाही असं म्हणत आहे याकडेही त्यांनी लक्ष वेधले. (CM Intervenes in Gokul Due to Weak Leadership)