Tag:

महाराष्ट्र दिनमान

Threat to blow up Collector's office with RDX

जिल्हाधिकारी कार्यालय आरडीएक्सने उडवून देण्याची धमकी; कर्मचारी, अधिकाऱ्यांमध्ये खळबळ

by प्रतिनिधी December 12, 2025

written by प्रतिनिधी

कोल्हापूर : प्रतिनिधी : कोल्हापूर जिल्हाधिकारी कार्यालय आरडीएक्सने उडवून देण्याची धमकी आल्याने खळबळ उडाली. कोल्हापूर जिल्हाधिकारी कार्यालयाला हा ई मेल प्राप्त झाला होता. त्यानंतर जिल्हाधिकारी कार्यालय खाली करण्यात आले. पोलिस दलाच्या बॉम्बशोधन पथकाने तपासणी केल्यानंतर धमकी पोकळ असल्याचे लक्षात आल्यावर समाधानाचा सुस्कारा टाकला. (Threat to blow up Collector’s office with RDX)

जिल्हाधिकारी कार्यालयाच्या अधिकृत मेलवर जिल्हाधिकारी कार्यालय जिल्हाधिकारी कार्यालयात लावलेल पाच आरडीएक्स बॉम्ब फुटणार आहेत, दुपारी दोन वाजेपर्यंत कार्यालय रिकामे करा आणि नागरिकांना सुरक्षितस्थळी हलवा, अशी धमकी देणारा ई मेल ११ वाजून २८ मिनिटांनी प्राप्त झाला. त्यानंतर सर्व अधिकारी आणि कर्मचारी कार्यालयाबाहेर पडले. त्यानंतर जिल्हा प्रशासनाने पोलिस दलाशी संपर्क साधल्यानंतर अधिकारी व पोलिस कर्मचारी, बॉमबशोधक आणि नाशक पथक, अग्निशमन दल जिल्हाधिकारी कार्यालयात पोचले. सर्व विभागांची तपासणी करण्यात आली. कुठेही बॉम्ब मिळून आला नाही, अशी माहिती जिल्हा आपत्ती व्यवस्थापन अधिकारी प्रसाद संकपाळ यांनी दिली. (Threat to blow up Collector’s office with RDX)

तपासणी झाल्यानंतर काहीही न आढळल्याने जिल्हाधिकारी कार्यालयातील सर्व काम पुन्हा सुरळीत झाले. पण धमकीची चर्चा जिल्ह्यात नव्हे तर राज्यात पसरली होती. (Threat to blow up Collector’s office with RDX)

December 12, 2025 0 comments

विनेश फोगट रिटर्न

by प्रतिनिधी December 12, 2025

written by प्रतिनिधी

नवी दिल्ली : लॉस एंजिल्स २०२८ ऑलिपिंक स्पर्धेसाठी भारताची आघाडीची आंतरराष्ट्रीय खेळाडू विनेश फोगटने कुस्तीमध्ये परत येण्याची घोषणा केली आहे. १८ महिन्यापूर्वी ऑलिपिंक स्पर्धेत काही तांत्रिक कारणामुळे तिला बाद करण्यात आल्यानंतर तिने कुस्तीमधून निवृत्तीची घोषणा केली होती. जुलै २०२५ मध्ये आई झालेल्या फोगट तिच्या मुलाला पुनरागमनासाठी सर्वात मोठी प्रेरणा मानत आहे.

पॅरिस ऑलिंपिकमधील झालेल्या वादानंतर विनेशने निवृत्तीची घोषणा केली होती. पॅरिस ऑलिंपिक मध्ये सुवर्णपदकाच्या अंतिम लढतीत पोहोचली होती. पण तिचे १०० ग्रॅम जास्त वजनामुळे अंतिम फेरीच्या काही तास आधी तिला अपात्र ठरवण्यात आले. त्यामुळे ऑलिंपिक कुस्तीमध्ये सुवर्णपदक जिंकणारी पहिली भारतीय महिला होण्याची तिला संधी गमवावी लागली. (Vinesh Phogat returns to wrestling)

कुस्तीतून निवृत्ती स्वीकारल्यानंतर २०२४ मध्ये झालेल्या विधानसभा निवडणूकीत ती विजयी झाली होती. ३१ वर्षीय विनेशने जुलै २०२५ मध्ये बाळाला जन्म दिला. माझे बाळ ही सर्वात मोठी प्रेरणा असून मी आता पुन्हा कुस्तीत परत आहे. २०२८ मध्ये होणाऱ्या ऑलिंपिक स्पर्धेसाठी यापुढे ती राष्ट्रीय आणि आंतरराष्ट्रीय स्पर्धेत सहभागी होण्याचा मनोदय तिने बोलून दाखवला आहे. (Vinesh Phogat returns to wrestling)

विनेश फोगटचा ऑलिपिंक प्रवास खूप अडचणीचा राहिला आहे. रिओ २०१६ ऑलिंपिकमध्ये दुखापतींना माघार घ्यावा लाग्ला आहे. टोकिओ २०२१ मध्ये लवकर बाहेर पडावे लागले होते. तर पॅरिस ऑलिंपिकमध्ये १०० ग्रॅम जास्त वजन झाल्याने तिला अपात्र ठरवण्यात आल्यानंतर देशभरातील क्रीडाप्रेमी हळहळले होते.

त्यानंतर १८ महिन्यानंतर निवृत्तीच्या निर्णयापासून ती परावृत्त झाली असून कुस्तीमध्ये तिने परतण्याचा निर्णय घेतला आहे. २०२६ च्या कॅलेंडरमध्ये एलिड कॅडरमध्ये सामील होण्यास ती सज्ज झाली आहे. (Vinesh Phogat returns to wrestling)

December 12, 2025 0 comments

महत्त्वाच्या नोंदी शेती

साखर अभ्यासक पी.जी.मेढे यांचे निधन

by प्रतिनिधी December 12, 2025

written by प्रतिनिधी

कोल्हापूर : प्रतिनिधी : साखर उद्योगाचे आंतरराष्ट्रीय घडामोडीचे अभ्यासक पी.जी. मेढे यांचे आज शुक्रवारी कोल्हापुरात निधन झाले. कोल्हापूर शहरातील कसबा बावडा येथील छत्रपती राजाराम सहकारी साखर कारखान्यासह विविध साखर कारखान्याचे कार्यकारी संचालक म्हणून त्यांनी काम पाहिले. गेले काही दिवस ते आजारी होते.

पी.जी. मेढे यांनी अनेक साखर कारखान्यांमध्ये एमडी म्हणून काम करताना त्यांनी अभ्यासू, होतकरी तरुणांना अधिकारी म्हणून घडवले. ते साखर उद्योगाचे जाणकार होते. आंतरराष्ट्रीय पातळीवरील साखर उद्योगाची स्थानिक साखर उद्योगाशी सांगड घालून साखर उद्योगाचा विकास कसा केला पाहिजे याबाबत मार्गदर्शनही करत. अडचणीत आलेल्या साखर कारखान्यांना ते मार्गदर्शन करत. त्यांच्या मार्गदर्शनाचा लाभ कारखान्यासह राज्य सरकारला होत असे. त्यांच्या निधनाबद्दल सहकार क्षेत्रातून शोक व्यक्त करण्यात आला आहे. (Sugar scholar P.G. Medhe passes away)

स्वाभिमानी शेतकरी संघटनेचे संस्थापक माजी खासदार राजू शेट्टी यांनी श्रद्धाजंली वाहिली आहे. राजू शेट्टी यांनी असे म्हटले आहे की, साखर उद्योगातील जाणकार अभ्यासक , छत्रपती राजाराम साखर कारखान्याचे माजी कार्यकारी संचालक पी. जी मेढे यांचे नुकतेच निधन झाले. त्यांच्या आत्म्यास चिरशांती लाभो हि ईश्वरचरणी प्रार्थना. गेली ३० वर्षाहून अधिक काळ साखर कारखानदारीबरोबरचा आमचा संघर्ष सुरू आहे. या संघर्षामध्ये कारखानदार व शेतकरी आंदोलक यांच्यामध्ये समन्वय साधण्याचे काम मेढे साहेब करत असत व लवकरात लवकर आंदोलन मिटविण्याचा ते प्रयत्न करत. दरवर्षी त्यांच्यामध्ये व संघटनामध्ये वैचारिक वाद व्हायचां पण त्यांनी कधी व्यक्तीगत कटूता निर्माण केली नाही. (Sugar scholar P.G. Medhe passes away)

साखर उद्योगातील त्यांना चांगला अभ्यास होता. त्यांनी राज्य व केंद्र सरकारला साखर उद्योगात अनेक चांगले धोरण तयार करण्याबाबत उपाययोजना सुचविण्याचे काम त्यांनी केले. केंद्र किंवा राज्य सरकार जेंव्हा साखर उद्योगातील चुकीचे धोरणे राबवित असत तेंव्हा ते ठामपणे आमच्या सोबत राहून त्याबद्दल स्पष्टपणे आपली भुमिका जाहीर करत असत. (Sugar scholar P.G. Medhe passes away)

December 12, 2025 0 comments

Former Union Home Minister Shivraj Patil passes away

देश-विदेश मराठवाडा राजकारण

माजी केंद्रीय गृहमंत्री शिवराज पाटील यांचे निधन

by प्रतिनिधी December 12, 2025

written by प्रतिनिधी

लातूर : काँग्रेसचे ज्येष्ठ नेते, माजी केंद्रीय गृहमंत्री शिवराज पाटील चाकूरकर यांचे वयाच्या ९० वर्षी लातूर येथील राहत्या घरी त्यांचे निधन झाले. गेल्या काही दिवसापासून ते आजारी होते. त्यांच्यावर उपचार सुरू होते. आज शुक्रवारी त्यांनी राहत्या घरी अखेरचा श्वास घेतला.

शिवराज विश्वनाथ पाटील यांचा जन्म १२ ऑक्टोबर १९२५ मध्ये लातूर जिल्ह्यातील चाकूर येथे झाल. हैद्राबादमधील उस्मानिया विद्यापीठातून त्यांनी विज्ञान विषयाची पदवी मिळवली. मुंबई विद्यापीठातून लॉ ची पदवी घेतली. (Former Union Home Minister Shivraj Patil passes away)

१९७२ ते १९८० या कालावधीत ते लातूर शहराचे आमदार होते. राज्य मंत्री, विधानसभा उप सभापती, विधानसभा अध्यक्ष अशी पदे त्यांनी भूषवली. १९८० मध्ये लातूर लोकसभा मतदार संघातून ते विजयी झाले. त्यांनी सात वेळा लोकसभेच्या निवडणूका जिंकल्या. लोकसभेत त्यांनी अनेक मंत्रीपदे भूषविली. १९८० च्या दशकात इंदिरा गांधी आणि राजीव गांधी यांच्या मंत्रीमंडळात त्यांनी सरंक्षणमंत्रीपदही भूषवले. १९९१ ते १९९६ पर्यंत ते लोकसभेचे दहावे अध्यक्ष होते. २००४ ते २००८ या कालावधीत ते केंद्रीय गृहमंत्री होते. २००८ मध्ये मुंबईवर २६/११ चा हल्ला झाल्यानंतर त्यांनी केंद्रीय गृहमंत्रीपदाचा राजीनामा दिला होता. २०१० ते २०१५ मध्ये ते पंजाबचे राज्यपाल होते. (Former Union Home Minister Shivraj Patil passes away)

महाराष्ट्राच्या राजकीय क्षेत्राच्या शालिनता, सुसंस्कृततेचा लौकिक जपणारे आणि तो राष्ट्रीय – आंतरराष्ट्रीय पोहचविणारे नेतृत्व म्हणून ज्येष्ठ नेते शिवराज पाटील- चाकूरकर सदैव स्मरणात राहतील, अशा शब्दांत मुख्यमंत्री देवेंद्र फडणवीस यांनी माजी लोकसभा अध्यक्ष, केंद्रीय मंत्री शिवराज पाटील – चाकूरकर यांना श्रद्धांजली अर्पण केली आहे. त्यांच्या निधनामुळे राजकारण- समाजकारणातील उत्तुंग अशा मार्गदर्शक नेतृत्वाला मुकलो आहोत, अशी शोकभावना मुख्यमंत्री फडणवीस यांनी व्यक्त केली आहे. (Former Union Home Minister Shivraj Patil passes away)

December 12, 2025 0 comments

महत्त्वाच्या नोंदी लाइफ स्टाईल

कोल्हापुरी चपलांच्या जागतिक प्रसारासाठी प्राडा, लिडकॉम आणि लिडकार यांच्यात सामंजस्य करार

by प्रतिनिधी December 11, 2025

written by प्रतिनिधी

मुंबई : प्रतिनिधी : भारतीय पारंपरिक चर्मकला कोल्हापुरी चपलांचा वारसा जगभर पोहोचवण्यासाठी जागतिक ब्रॅन्ड प्राडा, लिडकॉम (संत रोहिदास चर्मउद्योग आणि चर्मकार विकास महामंडळ) आणि लिडकार (डॉ. बाबू जगजीवनराम चर्मउद्योग विकास महामंडळ) यांच्यात सामंजस्य करार झाला. मुंबईतील इटालियन वाणिज्य दूतावासात, इटली–भारत व्यापारी परिषदेनिमित्त या करारावर स्वाक्षरी करण्यात आली.

प्राडाच्या ४० केंद्रात कोल्हापूर चप्पल उपलब्ध होणार

पारंपरिक चप्पल निर्मितीच्या पद्धती, प्राडाच्या आधुनिक व समकालीन डिझाईन शैली या माध्यमातून चप्पल विकसित केल्या जात आहेत. पारंपरिक कौशल्य आणि आधुनिक लक्झरी फॅशनच्या मदतीने पारंपारिक कोल्हापुरी कौशल्याला प्राडाची आधुनिक साथ मिळणार आहे. विशेष चपला फेब्रुवारी २०२६ मध्ये प्राडाच्या ४० विक्री केंद्रांमध्ये तसेच अधिकृत संकेतस्थळावर उपलब्ध होणार आहेत. (Global promotion of Kolhapuri Chappal)

आठ जिल्ह्यात चपलाचे उत्पादन

पारंपरिक कोल्हापुरी चपला महाराष्ट्रातील कोल्हापूर, सांगली, सातारा, सोलापूर आणि कर्नाटकातील बेळगावी, बागलकोट, धारवाड, बिजापूर या आठ जिल्ह्यांमध्ये बनवल्या जातात. २०१९ मध्ये कोल्हापुरी चपलांना जिओग्राफिकल इंडिकेशन (जीआय) टॅग देण्यात आल्याने त्यांची अस्सलता जपली गेली आणि त्यांचे सांस्कृतिक महत्त्व अधोरेखित झाले.

या उपक्रमासाठी महाराष्ट्र शासनाचे ठोस पाठबळ लाभले असून मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, सामाजिक न्याय मंत्री संजय शिरसाट, सामाजिक न्याय राज्यमंत्री माधुरी मिसाळ यांचे सक्रिय मार्गदर्शन मिळाले आहे. हा करार प्रधान सचिव तथा लिडकॉमचे अध्यक्ष डॉ. हर्षदीप कांबळे यांच्या मार्गदर्शनाखाली आणि लिडकॉमच्या व्यवस्थापकीय संचालक प्रेरणा देशभ्रतार यांच्या धोरणात्मक नियोजनामुळे शक्य झाला आहे. (Global promotion of Kolhapuri Chappal)

भारतीय कारागीर, व्यावसायिकांना फायदा होईल: मंत्री शिरसाट

सामाजिक न्याय मंत्री संजय शिरसाट म्हणाले, या कराराने भारतातील अनेक कारागीर, व्यावसायिक आणि उद्योजकांचा फायदा होणार आहे. या विशेष संकलनातून भारतीय कारागिरांच्या कलेला नवी दिशा मिळणार असून आंतरराष्ट्रीय स्तरावर त्यांच्या कौशल्याची ओळख अधिक दृढ होणार आहे. लिडकॉमच्या व्यवस्थापकीय संचालक प्रेरणा देशभ्रतार म्हणाल्या, पारंपरिक कला जपणाऱ्या कारागिरांच्या पिढ्यांचा सन्मान करण्यासाठी आणि त्यांच्या कौशल्याला जागतिक पातळीवर योग्य ओळख देण्यासाठी ही भागीदारी अत्यंत महत्त्वपूर्ण आहे. यात एक जागतिक ब्रँड थेट महाराष्ट्र आणि कर्नाटकातील कारागिरांसोबत काम करत असल्याने त्यांच्या या कौशल्याला एक ओळख मिळेल आणि कलेचे पूर्ण श्रेय या कारागिरांना मिळेल.

जागतिक संधीची दारे उघडणार : डॉ. वसुंधरा

लिडकारच्या व्यवस्थापकीय संचालिका डॉ. के. एम. वसुंधरा म्हणाल्या, कोल्हापुरी चपलांची परंपरा म्हणजे महाराष्ट्र–कर्नाटकातील चप्पलकारांचे शतकांपासूनचे संचित कौशल्य या सहकार्यामुळे प्रशिक्षण, रोजगार आणि जागतिक संधींची विस्तृत दारे उघडणार आहेत. प्राडा समूहाच्या सामाजिक उत्तरदायित्व विभागाचे प्रमुख लोरेंझो बर्टेली म्हणाले, ही भागीदारी म्हणजे सांस्कृतिक आदानप्रदानाची नवी ओळख आहे. भारतीय कारागिरांच्या अतुलनीय कलेला आधुनिक जगात योग्य स्थान देण्यासाठी आम्ही वचनबद्ध आहोत. (Global promotion of Kolhapuri Chappal)

चपलांच्या कलेक्शनच्या माध्यमातून भारतीय कारागिरीचा ‘प्राडा मेड इन इंडिया- इन्स्पायर्ड बाय कोल्हापुरी चप्पल्स’ प्रकल्पाचा आराखडा, अंमलबजावणी आणि त्या संदर्भातील मार्गदर्शक तत्वे या करारात नमूद करण्यात आली आहेत. महाराष्ट्र आणि कर्नाटकातील पारंपरिक कोल्हापुरी चपला तयार करणाऱ्या कुशल कारागिरांच्या साह्याने या चपला भारतात बनवल्या जातील. या चपला बनवण्याच्या पारंपरिक पद्धती आणि प्राडाच्या समकालीन डिझाइन्स तसेच प्रीमिअम दर्जाच्या मटेरिअलच्या साह्याने या कलेक्शनच्या माध्यमातून भारतातील संपन्न वारसा आणि आधुनिक लक्झ्यरी फॅशनची अभिव्यक्ती यात एका नव्या संवादाला सुरुवात केली जाणार आहे.

December 11, 2025 0 comments

Satej Patil criticizes the Home Department

पोलिस डायरी महत्त्वाच्या नोंदी महाराष्ट्र राजकारण

महाराष्ट्रात रोज सहा खून, २३ बलात्कार होत असताना गृहविभाग काय करतंय? : सतेज पाटील

by प्रतिनिधी December 11, 2025

written by प्रतिनिधी

नागपूर : प्रतिनिधी : सध्या महाराष्ट्रात दररोज ६ खून आणि २३ बलात्काराच्या घटना घडत आहेत. अशा घटनांमुळे महाराष्ट्राच्या कायदा सुवव्यवस्थेवर डाग पडला असून गृहविभाग काय करतोय असा सवाल काँग्रेसचे विधानपरिषदेतील गटनेते आमदार सतेज पाटील यांनी विधान परिषदेत उपस्थित केला.

मुंडे, देशमुख प्रकरणामुळे कायदा सुव्यवस्थेवर डाग

आमदार पाटील म्हणाले, पुण्यात कोयता गँग सक्रिय आहेत. राज्यातील महिला आणि मुली अत्याचाराला बळी पडत आहेत. संतोष देशमुख प्रकरण असेल, डॉ. संपदा मुंडे प्रकरण असेल अशा घटनांमुळे महाराष्ट्राच्या कायदा सुवव्यवस्थेवर डाग पडला असल्याची टीकाही त्यांनी केली. सार्वजनिक बांधकाम विभागाची राज्यात ४० हजार कोटींची देयके प्रलंबित असल्याने कॉन्ट्रॅक्टरच्या आत्महत्या वाढत आहेत. भ्रष्टाचारामुळे राज्यातील रस्त्यांची कामे अत्यंत निकृष्ट दर्जाची झाल्याचा आरोपही त्यांनी केला. (Satej Patil criticizes the Home Department)

लाडकी बहिण योजनेतील मानधनात वाढ कधी होणार

मुख्यमंत्री माझी लाडकी बहिण योजनेतील अटी आणि शर्थी शिथिल करून सर्व पात्र महिलांना लाभ मिळावा यासाठी आणि योजनेचे मासिक मानधन १५०० रुपया वरून २१०० रुपये करण्याबाबत शासनाने कोणती कार्यवाही केली, असा सवाल आमदार सतेज पाटील यांनी केला. आमदार पाटील म्हणाले, राज्य शासनाच्या लाडकी बहीण योजनेत २६ लाख ३४ हजार महिला लाभार्थी अपात्र असल्याचे आणि १४,२९८ पुरुषांनी या योजनेचा लाभ घेऊन शासनाची सुमारे २१ कोटी ४४ लाख रुपयांची फसवणूक केली. तसेच ९५२६ शासकीय महिला कर्मचाऱ्यांनी गेल्या १० महिन्यात १४.५० कोटी रुपये नियमबाह्य पध्दतीने या योजनेतून मिळविल्याचे ऑगस्ट, २०२५ मध्ये निदर्शनास आले आहे. शासनाची फसवणूक करणाऱ्या अपात्र महिला, पुरुष लाभार्थी आणि शासकीय महिला कर्मचाऱ्यांकडून फसवणुकीची रक्कम वसूल करण्याबाबत शासनाने कोणती कार्यवाही केली आहे असा सवालही त्यांनी केला. (Satej Patil criticizes the Home Department)

यावर उत्तर देताना महिला आणि बालविकास मंत्री अदिती तटकरे यांनी मुख्यमंत्री-माझी लाडकी बहिण या योजनेचा सरकारी कर्मचाऱ्यांनी तसेच पुरुषांनी लाभ घेतल्याचे आढळल्यास त्यांच्याकडून वसुली करण्याबाबत निर्णय घेण्यात आला असल्याची माहिती दिली. त्यानुसार संबंधित अधिकारी आणि कर्मचारी यांच्यावर महाराष्ट्र नागरी सेवा नियमातंर्गत आवश्यक ती कार्यवाही करुन त्यांच्याकडून वसुली करण्याबाबत संबंधित विभागास कळविण्यात आल्याचे त्यांनी सांगितले.

दक्षिण महाराष्ट्रात ग्लोबल कॅपेबिलिटी सेंटर्ससाठी लोकप्रतिनिधींची बैठक घेणार

दक्षिण महाराष्ट्रातील कोल्हापूर, सांगली व सातारा हे भौगोलिक दृष्ट्या एकत्र आणि आर्थिक दृष्ट्या महत्वाचे असलेल्या जिल्ह्यांत औद्योगिक कॅरिडॉर विकसित होऊ शकतो. राज्याच्या तिजोरीत अधिक महसूल देणारे ही जिल्हे असल्याने ग्लोबल कॅपेबिलिटी सेंटर्स (जीसीसी) संदर्भात धोरण ठरवत असताना या तीन जिल्ह्यांचा विचार करावा अशी मागणी काँग्रेसचे विधानपरिषदेतील गटनेते आमदार सतेज पाटील यांनी केली.

यावर उद्योगमंत्री उदय सामंत यांनी जीसीसी संदर्भात या तिन्ही जिल्ह्यांतील लोकप्रतिनिधींची लवकरच बैठक घेऊन सकारात्मक निर्णय घेण्याचे आश्वासन दिले. आमदार सतेज पाटील म्हणाले, सध्या देशातील इतर राज्ये ग्लोबल कॅपेबिलिटी सेंटर्स संदर्भात धोरण आखत आहेत. सर्वात जास्त जीसीसी असलेल्या राज्यांमध्ये महाराष्ट्र आहे. नागपूर, छत्रपती संभाजीनगर, नाशिक या जिल्ह्यांचा नेहमी यासाठी उल्लेख होतो. पश्चिम महाराष्ट्रातील सांगली, सातारा आणि कोल्हापूर हे भौगोलिक दृष्ट्या एकत्र आणि आर्थिक दृष्ट्या महत्वाचे असलेल्या जिल्ह्यांत औद्योगिक कॅरिडॉर विकसित होऊ शकतो. या तिन्ही जिल्ह्यांची औद्योगिक क्षमता मोठी असून उद्योग, आयटीसाठी लागणारे मनुष्यबळ, कृषी उत्पादने, कृषी प्रक्रिया उद्योग दळणवळणाच्या सोई, यांमुळे जीसीसीसाठी पोषक वातावरण आहे. त्यामुळे हे धोरण ठरवत असताना या तीन जिल्ह्यांचा विचार करावा. (Satej Patil criticizes the Home Department)

December 11, 2025 0 comments

The Damsaa Literary Conference was organized in Gadhinglaj

दक्षिण महाराष्ट्र महत्त्वाच्या नोंदी

गडहिंग्लज येथे दमसा साहित्य संमेलनाचे आयोजन; शनिवारी, रविवारी भरगच्च कार्यक्रम

by प्रतिनिधी December 11, 2025

written by प्रतिनिधी

कोल्हापूर : प्रतिनिधी : दक्षिण महाराष्ट्र साहित्य सभा, कोल्हापूर आणि शिवराज विद्या संकुल, गडहिंग्लज यांच्या संयुक्त विद्यमाने ३६व्या दक्षिण महाराष्ट्र साहित्य संमेलनाचे १२ डिसेंबर ते १४ डिसेंबर या कालावधीत आयोजन करण्यात आले आहे. शुक्रवारी १२ रोजी ग्रंथदिंडीने संमेलनास प्रारंभ होणार असून शनिवारी उद्घघाटन होणार आहे.

या संमेलनाचे अध्यक्ष ज्येष्ठ समीक्षक प्रा.अविनाश सप्रे भूषवणार आहेत. संमेलनाचे उद्धघाटन अखिल भारतीय मराठी साहित्य संमेलनाचे माजी अध्यक्ष प्रा. श्रीपाल सबनीस करणार आहेत. तर स्वागताध्यक्ष प्रा. किसनराव कुराडे आहेत. संमेलनात दोन दिवस भरगच्च कार्यक्रमांची मेजवानी आहे. (The Damsaa Literary Conference was organized in Gadhinglaj)

शुक्रवारी १२ डिसेंबर रोजी सकाळी १० वाजता ग्रंथदिंडीचे आयोजन केलेले आहे. शनिवारी १३ डिसेंबर रोजी सकाळी १० वाजता संमेलनाचे उद्धघाटन होणार आहे. संमेलनात ज्येष्ठ साहित्यिक डॉ.अच्युत माने यांचा विशेष सत्कार करण्यात येणार आहे. यावेळी योगिता माळी यांच्या स्मरणार्थ अनुबंध प्रतिष्ठान यांच्यातर्फे राज्यस्तरीय काव्य पुरस्कारांचे वितरण मान्यवरांच्या हस्ते होणार आहे. दुपारी दोन वाजता ख्यातनाम साहित्यिक आसाराम लोमटे यांची मुलाखत विजय चोरमारे, नामदेव माळी घेणार आहेत. कविसंमेलन दुपारी तीन वाजता होणार असून याच्या अध्यक्षस्थानी ज्येष्ठ कवी आणि समीक्षक रफीक सूरज आहेत. कवि संमेलनात किरण भावसार, सचिन शिंदे, विलास गावडे, धनाजी घोरपडे, धर्मवीर पाटील, संकेत म्हात्रे, सुभाष कोरे, गोपाळ गावडे, शिवाजी शिंदे, चंद्रशेखर कांबळे,अशोक अलगुंडी, नीलेश शेळके, महेश कराडकर, अभिजीत पाटील, रावसाहेब मुरगी, मधुकर जांभळे,उर्मिला शहा,संजय कांबळे, अनिल कलगुटकी,संभाजी जगताप, प्रणिता शिपुरकर, संजय थोरात, निर्मला शेवाळे यांचा सहभाग आहे. डॉ.चंद्रकांत पोतदार हे सुत्रसंचालन करणार आहेत. सायंकाळी साडेपाच ज्येष्ठ कवी अरुण म्हात्रे यांचे ‘कवितेचे जेव्हा गाणे होते’ हा कार्यक्रम होणार आहे. (The Damsaa Literary Conference was organized in Gadhinglaj)

रविवार १४ डिसेंबर रोजी सकाळी १० वाजता ‘आजच्या काळात लेखकांच्या पुढील आव्हाने!’ या विषयावर परिसंवाद होणार आहे.या परिसंवादाचे अध्यक्ष ज्येष्ठ साहित्यिक कृष्णात खोत असून यामध्ये प्राचार्य डॉ. दत्ता पाटील, संपत देसाई, राजा माळगी, बाळासाहेब पाटील यांचा सहभाग आहे. सकाळी साडेअकरा वाजता लेखक -विद्यार्थी संवाद होणार आहे. या कार्यक्रमाचे अध्यक्षस्थान स्वाती शिंदे-पवार भूषवणार असून यामध्ये मनोहर भोसले, दयासागर बन्ने यांचा सहभाग आहे. (The Damsaa Literary Conference was organized in Gadhinglaj)

निमंत्रितांचे कविसंमेलन दोन वाजता होणार असून संजीवनी तडेगावकर अध्यक्षस्थानी असतील. यामध्ये सुरेश शिंदे, हनुमंत चांदगुडे, भरत दौंडकर,आबा पाटील, रमजान मुल्ला यांचा सहभाग आहे. ज्येष्ठ कथाकार अप्पासाहेब खोत यांच्या अध्यक्षतेखाली दुपारी चार वाजता कथाकथन होणार आहे. यामध्ये हिंमत पाटील,जयवंत आवटे, सुभाष खोत यांचा सहभाग आहे.

December 11, 2025 0 comments

आंदोलन पर्यावरण महत्त्वाच्या नोंदी महाराष्ट्र महिला समाज

गेल ओम्वेट, भारत पाटणकरावरील माहितीपटाचे १४ डिसेंबरला कोल्हापुरात प्रदर्शन

by प्रतिनिधी December 11, 2025

written by प्रतिनिधी

कोल्हापूर : प्रतिनिधी : गेल ओम्वेट आणि भारत पाटणकर यांच्या जीवनप्रवासावर आधारित जागतिक स्तरावर मान्यता मिळालेला माहितीपट १४ डिसेंबर रोजी सायंकाळी पाच वाजता राजर्षी शाहू स्मारक भवन कोल्हापूरमध्ये प्रदर्शित होणार आहे. डॉ गोपाळ गुरू, डॉ माया पंडित, प्रा निसर्गगंध आणि डॉ भारत पाटणकर यांची यावेळी प्रमुख उपस्थिती राहणार आहे. सोमनाथ वाघमारे यांनी दिग्दर्शित केलेला ‘गेल अन्ड भारत’ हा माहितीपट ८० मिनिटांचा असून मराठी आणि इंगजी दोन्ही भाषेत तयार केला आहे.

अमेरिकन–जन्माची भारतीय समाजशास्त्रज्ञ आणि दलित हक्कांची कार्यकर्ती प्रा. गेल ओम्वेट (१९४१–२०२१) आणि त्यांचे साथीदार, ज्येष्ठ कार्यकर्ते डॉ. भारत पाटणकर यांच्या आयुष्यावर आधारित माहितीपट आहे. चित्रपटात अवघड शैक्षणिक भाषा टाळून त्यांच्या वैयक्तिक जीवनकथेवर भर दिला आहे आणि त्याच बरोबर भारतातील व्यापक सामाजिक राजकीय चळवळींची पार्श्वभूमीही जिवंत होते. (Gail Omvedt, Bharat Patankar documentary)

भारतातील अस्पृश्यता–विरोधी आणि सामाजिक न्यायाच्या लढ्यांचे सखोल दस्तऐवजीकरण फारसे उपलब्ध नसताना हा चित्रपट त्यांचे काम पुढील पिढ्यांसाठी जतन करणारा एक महत्त्वाचा दुवा ठरतो. हा माहितीपट विचार करायला लावणारा असून गेल ओम्वेट आणि भारत पाटणकर यांच्या अनेक दशकांच्या कार्य आणि योगदानाचा सुंदर मागोवा घेते. ऑक्टोबर महिन्यात हा चित्रपट यूके आणि युरोपमधील अनेक ठिकाणी माहितीपट प्रदर्शित झाला आहे. त्यात लंडन स्कूल ऑफ इकॉनॉमिक्स , ऑक्सफर्ड युनिव्हर्सिटी, लीड्स युनिव्हर्सिटी, युनिव्हर्सिटी ऑफ ससेक्स, लीसेस्टर सेक्युलर सोसायटी, पेन्शन हाऊस, लंडन यांचा समावेश आहे. याशिवाय जर्मनीतील युनिव्हर्सिटी ऑफ हायडेलबर्ग, सबकॉन्टिनेंट बर्लिन आणि नेदरलँड्समधील लाईडन युनिव्हर्सिटी येथेही हा चित्रपट दाखवण्यात आला.आणखी एक विशेष बाब म्हणजे हा चित्रपट आता दक्षिण आशियातील सर्वात मोठ्या कला महोत्सव कोची बिएनालेमध्येही प्रदर्शित होणार आहे. (Gail Omvedt, Bharat Patankar documentary)

कोल्हापूर शहर व जिल्ह्यातील चळवळीतील कार्यकर्त्यांनी, युवक युवतीनी, संशोधक विद्यार्थ्यांनी उपस्थित राहण्याचे आवाहन संपत देसाई, डी. के. बोडके, मारुती पाटील यांनी केले आहे.

December 11, 2025 0 comments

महाराष्ट्र राजकारण विदर्भ

कोण होतास तू, काय झालास तू…. भ्रष्टाचाऱ्यांना पांघरुणाखाली घेतलेस तू..

by प्रतिनिधी December 11, 2025

written by प्रतिनिधी

नागपूर : प्रतिनिधी : माजी मुख्यमंत्री उद्धव ठाकरे यांचे नागपुरात आज आगमन झाल्यावर त्यांनी सत्ताधाऱ्यांवर टीका करताना मुख्यमंत्री देवेंद्र फडणवीस भ्रष्टाचाराच्या प्रश्नावर गप्प बसल्याचा आरोप करत “कोण होतास तू, काय झालास तू, एवढ्या सगळया भ्रष्टाचाऱ्यांना पांघरुणाखाली घेतलेस तू ”, अशी चारोळी सादर केली. ठाकरे यांनी केंद्रीय गृहमंत्री अमित शहा यांच्यावरही टीका केली. नागपुरात ठाकरे यांनी पत्रकार परिषद घेतली. (Thackeray criticizes Fadnavis in Nagpur)

मद्रास उच्च न्यायालयाचे न्यायमूर्ती जी.आर. स्वामीनाथन यांना पदावरुन हटवण्यासाठी तामिळनाडूतील सत्ताधारी डीएमके पक्षाने महाभियोग आणण्याची तयारी केली आहे. त्यावर शिवसेना ठाकरे गटानेही सहमती दर्शवली आहे. शिवसेना ठाकरे गटाच्या भूमिकेवर टीका करताना लोकसभेत अमित शहा यांनी उद्धव ठाकरे यांना काहीच कळेना? अशी टीका केली होती. त्यावर मुख्यमंत्री देवेंद्र फडणवीस यांनी एक्स वर पोस्ट करुन “कोण होतास तू, काय झालास तू” अशी टीका केली आहे.

फडणवीस यांच्या टीकेला प्रत्युत्तर देताना नागपूरमधील पत्रकार परिषदेत फडणवीस यांच्यावर टीका करण्याची संधी साधली. रोज कोणत्या ना कोणत्या मंत्र्याचा भ्रष्टाचार उघडकीस येत आहे. त्यांचे व्हिडिओ, फोटो बाहेर येत आहेत. तरीही मुख्यमंत्री ढिम्मच आहेत. मुख्यमंत्र्यांनी आता नवीन खाते बनवावे आणि त्याला पांघरुन खाते मंत्री असे नाव द्यावे. म्हणजे बाकीचे मंत्री पांघरुन पाहून हात पाय पसरतील. मला मुख्यमंत्र्याची दया येत असे सांगून ठाकरे यांनी “कोण होतास तू, काय झालास तू, एवढ्या सगळ्या भ्रष्टाचाऱ्यांना पांघरुणाखाली घेतलेस तू, कोण होतास तू, काय झालास तू” अशी चारोळी सादर करत मुख्यमंत्र्यावर निशाना साधला. (Thackeray criticizes Fadnavis in Nagpur)

अमित शहा यांनी आम्हाला हिंदूत्व शिकवू नये अशी टीका करत ठाकरे यांनी गोमांस खाणाऱ्या किरण रिजजू यांच्यासोबत जेवण करणाऱ्या अमित शहा यांनी रिजजू यांना मंत्रीमंडळातून काढून टाकण्याची हिंमत दाखवावी असे आव्हान दिले. असंवैधानिक असलेले उपमुख्यमंत्री पद दोघांना दिले जाते मग विरोधी पक्षनेतेपद देण्यास महायुती सरकार का घाबरते? असा सवालही केला. (Thackeray criticizes Fadnavis in Nagpur)

December 11, 2025 0 comments

Rahul Gandhi's challenge made Shah's hands tremble

देश-विदेश राजकारण

राहूल गांधींच्या चॅलेंजमुळे अमित शहांचे हात थरथरत होते

by प्रतिनिधी December 11, 2025

written by प्रतिनिधी

नवी दिल्ली : लोकसभेत एसआयआर चर्चेत राहूल गांधींनी अमित शहांना खुले आव्हान दिल्यावर अमित शहा यांनी माझ्या भाषणाचा मी निर्णय घेईन असे उत्तर दिले. त्यावेळी अमित शहांनी चुकीचे शब्द उच्चारले. त्यांचे हात थरथरत होते, असे राहूल गांधी यांनी पत्रकारांना सांगितले.

काल बुधवारी लोकसभेत मतदार यादी सुधारणा या विषयावर अमित शहा भाषण करत असताना विरोधी पक्षनेते राहूल गांधी यांना आव्हान दिल्याने सभागृहात वातावरण तापले होते. अमित शहा यांनी राहूल गांधी आणि काँग्रेस पक्षाकडून वारंवार होणाऱ्या मतचोरीच्या दाव्यावर अमित शहा यांनी जोरदार टीका केली. राहूल गांधी यांनी मतचोरी संबधित घेतलेल्या तीन पत्रकारांमध्ये उपस्थित केलेल्या आरोपांची सर्व उत्तरे आहेत, असे प्रत्युत्तर दिले. अमित शहा भाषणात म्हणाले, एसआयआर ही मतदान यादी साफ करण्याची प्रक्रिया आहे. तरीही त्याला विरोध होत आहे. तुमचा पराभव निश्चित आहे. मतदार यादीच त्याच्याशी काहीही संबध नाही. लोकशाहीत दुहेरी निकष चालणार नाही. जेव्हा तुम्ही जिंकता तेव्हा निवडणूक आयोग महान असतो. जेव्हा तुम्ही हरता निवडणूक पक्षपाती असतो. तुम्ही घेतलेल्या तीन परिषदील आरोपांची उत्तरे आहेत असा दावा शहा यांनी लोकसभेत केला. (Rahul Gandhi’s challenge made Shah’s hands tremble)

त्याचवेळी राहूल गांधी यांनी अमित शहा यांना रोखत यावर चर्चा करण्यासाठी आव्हान दिले. राहूल गांधी म्हणाले, कालच्या भाषणात निवडणूक आयुक्तांना पूर्ण सवलत का देण्यात आली आहे. आम्हाला त्यामागील कारणे समजून घ्यायची आहेत. तुम्ही हरियाणा उल्लेख केला. परंतु इतर अनेक उदाहरणे आहेत. ज्यात १९ लाख बनावट मतदारांचा समावेश आहे. चला माझ्या पत्रकार परिषदांवर चर्चा करुया. अमित शहाजी मी तुम्हाला तिन्ही पत्रकार परिषदेवर चर्चा करण्यासाठी आव्हान देतो. (Rahul Gandhi’s challenge made Shah’s hands tremble)

यावर अमित शहा यांनी उत्तर दिले की, राहूल गांधी तुम्ही माझ्या भाषणाचा क्रम ठरवू शकत नाही. तुम्ही धीर धरावा. तुम्ही हट्टीपणाने संसद चालवू शकत नाही. मी माझ्या भाषणाचा क्रम ठरवेन, सभागृह असे चालणार नाही. त्यांनी धीर धरावा. मी प्रत्येक मुद्द्याला उत्तर देईल. त्यानंतर विरोधी पक्षाच्या खासदारांनी लोकसभेतून सभात्याग केला. (Rahul Gandhi’s challenge made Shah’s hands tremble)

अमित शहा यांच्याबाबत आज गुरुवारी राहूल गांधी यांनी पत्रकारांशी बोलताना म्हणाले, अमित शाह काल संसदेत नर्व्हस होते. त्याचे हात कापत होते. त्यांनी चुकीच्या शब्दाचा वापर केला. अमित शाह मेंटली प्रेशरमध्ये होते हे काल साऱ्या देशाने पाहिले. मी मतचोरीविषयी विचारले तर त्यांनी उत्तरे दिली नाहीत. मी अमित शहांना मतचोरीच्या विषयावर पत्रकार परिषदेत डिबेट करण्याचे आव्हान दिल्यावर त्यांनी उत्तर दिले नाही. सत्य काय आहे तुम्ही सर्वजण जाणता असेही ते म्हणाले.

December 11, 2025 0 comments

Newer Posts

Older Posts