Category:

ताज्या बातम्या

Two Lakh Citizens Bitten by Dogs in Tamil Nadu and Karnataka

तामिळनाडू, कर्नाटकात चार महिन्यात दोन लाख नागरिकांना कुत्र्यांचा चावा

by प्रतिनिधी May 21, 2026

written by प्रतिनिधी

नवी दिल्ली : सर्वोच्च न्यायालयाने देशभरातील कुत्रा चावण्याच्या घटनांच्या चिंताजनक आकडेवारीकडे लक्ष वेधले आहे. तामिळनाडू आणि कर्नाटक राज्यात २०२६ मध्ये पहिल्या चार महिन्यात दोन लाखांहून अधिक नागरिकांना कुत्रा चावला आहे. त्यामध्ये काहीजणांचा मृत्यूही झाला आहे. कुत्र्यांनी लहान मुले, वृद्ध, महिलांवरही हल्ले केल्याचे निरीक्षण नोंदवले आहे. न्यायमूर्ती विक्रम नाथ, न्यायमूर्ती संदीप मेहता, न्यायमूर्ती एन.व्ही. अंजारिया यांच्या खंडपीठाने निरीक्षण नोंदवले आहे. (Two Lakh Citizens Bitten by Dogs in Tamil Nadu and Karnataka)

मोकाट कुत्र्यांमुळे सार्वजनिक सुरक्षेला धोका

भटक्या कुत्र्यांसंदर्भात १९ मे रोजी निकाल देताना सर्वोच्च न्यायालयाने पिसाळलेल्या कुत्र्यांना मारा असा आदेशही दिला आहे. तसेच भटक्या कुत्र्यांसाठी निवारा केंद्रे उभारण्याचाही आदेश दिला आहे. मोकाट कुत्र्यांच्या समस्येची व्याप्ती वाढत असून सार्वजिनक सुरक्षेला धोका पोहोचला आहे असे मत व्यक्त केले आहे. अशा घटना मोठ्या प्रमाणात सातत्याने होत असून त्यामुळे गंभीर जखमी होण्याच्या घटना घडत आहेत. अनेकांना मानसिक आघात झाला आहे. काहींना जीवही गमवावे लागले आहेत. मोकाट कुत्र्यांच्या गंभीर धोक्यामुळे दाट लोकवस्तीत त्यांना स्थान नाही, असेही न्यायालयाने म्हटले आहे. (Two Lakh Citizens Bitten by Dogs in Tamil Nadu and Karnataka)

तामिळनाडूत २.६३ लाख नागरिकांना कुत्री चावली.

न्यायालयाने तामिळनाडूचा संदर्भ देताना २०२६ मध्ये पहिल्या चार महिन्यात तामिळनाडूत २.६३ लाख कुत्रा चावण्याच्या घटना घडल्या असून त्यामध्ये १७ जणांचा मृत्यू झाला आहे असे सांगितले. जानेवारी, फेब्रुवारी महिन्यात ६२ हजार, मार्च महिन्यात ७१ हजार तर एप्रिलमध्ये ६८ हजार कुत्रे चावण्याच्या घटना घडल्या आहेत. गतवर्षी २०२५ मध्य तामिळनाडूत ६.२५ लाख कुत्रा चावण्याच्या घटना आहेत. कुत्र्यांच्या हल्ल्यात ३४ जणांचा मृत्यू झाला आहे. (Two Lakh Citizens Bitten by Dogs in Tamil Nadu and Karnataka)

कर्नाटकात २०२६ च्या पहिल्या चार महिन्यात दोन लाख नागरिकांना कुत्रा चावल्याच्या घटना घडल्या आहेत. रेबीजमुळे २५ जणांना जीव गमवावा लागला आहे. न्यायालयाने सादर केलेल्या अहवालानुसार विजयपुरा जिल्ह्यात १३ हजार ९९७ प्रकरणे नोंदवली आहेत. तर राजधानी बेंगळुरूमध्ये १३, ४०० कुत्रे चावल्याच्या घटना घडल्या आहेत. बेंगळूरमध्ये सहा जणांचा रेबीजमुळे मृत्यू झाला आहे.

न्यायालयाने नमूद केलेल्या कुत्रे चावण्यांच्या घटनाची नोंद

१ . राजस्थान उदयपूरमध्ये तीन महिन्यात १८४० कुत्रा चावण्याच्या घटना.

२ . भिलवाडा येथे एकाच दिवसात ४२ जणांना मोकाट कुत्री चावली.

३ . नवी दिल्ली इंदिरा गांधी विमानतळ परिसरात ३१ कुत्रा चालण्याच्या घटना.

४ . सुरत शहरात जर्मन प्रवाशांवर भटक्या कुत्र्यांचा हल्ला.

May 21, 2026 0 comments

A ploy to split the BJP's constituency through 'SIR'

एसआयआर’ च्या माध्यमातून भाजपाचा मतदारसंघ फोडण्याचा डाव

by प्रतिनिधी May 20, 2026

written by प्रतिनिधी

जमीर काझी : मुंबई : राज्यात विशेष सखोल पुनरीक्षण (SIR) मोहिमेच्या माध्यमातून भाजपाचा आपल्याला हवा तसा मतदारसंघ बनविण्याचा डाव आहे, असा आरोप करीत त्यांचा हा प्रयत्न महाराष्ट्रातील जनता हाणून पाडेल, असा निर्धार महाविकास आघाडीच्या प्रमुख नेत्यांनी बुधवारी केला. त्याचप्रमाणे राज्याचे मुख्य निवडणूक अधिकारी एस. चोकलिंगम यांची भेट घेऊन राज्यातील निवडणूक प्रक्रियेसंदर्भातील विविध महत्त्वाच्या मुद्दे व विशेष सखोल पुनरीक्षण (SIR) मोहिम पारदर्शक व निपक्षपातीपणे राबवण्याबाबत निवेदन देण्यात आले. (A ploy to split the BJP’s constituency through ‘SIR’)

या शिष्टमंडळात काँग्रेसचे प्रदेशाध्यक्ष हर्षवर्धन सपकाळ, राष्ट्रवादी काँग्रेसचे नेते जयंत पाटील, प्रदेशाध्यक्ष शशिकांत शिंदे, विधान परिषदेतील काँग्रेस पक्षाचे गटनेते सतेज पाटील, शिवसेना (उबाठा) नेते आदित्य ठाकरे, माजी मंत्री अनिल परब, राजेश टोपे, डॉ. विश्वजीत कदम, खासदार धैर्यशील पाटील, माजी विरोधी पक्षनेते अंबादास दानवे, समाजवादी पक्षाचे आ. रईस शेख, सचिन सावंत, शिवराज मोरे, ॲड. संदेश कोंडविलकर, सामाजिक कार्यकर्त्या उल्का महाजन तसेच महाविकास आघाडीचे इतर प्रमुख पदाधिकारी उपस्थित होते. (A ploy to split the BJP’s constituency through ‘SIR’)

महाविकास आघाडीच्या शिष्टमंडळाने मतदार यादी पुनरीक्षण प्रक्रियेत पारदर्शकता राखावी, पात्र मतदारांची नावे अन्यायकारकरीत्या वगळली जाणार नाहीत याची खात्री करावी तसेच बनावट व दुबार नोंदींवर कठोर कारवाई करावी, अशी मागणी केली. ग्रामीण, आदिवासी, स्थलांतरित, वंचित आणि दुर्बल घटकांतील मतदारांना कोणत्याही तांत्रिक कारणामुळे मतदानाच्या हक्कापासून वंचित ठेवले जाऊ नये, यासाठी विशेष काळजी घेण्याची मागणीही करण्यात आली.

यासोबतच मतदान केंद्रांचे नियोजन, मतदान यादीतील त्रुटी दुरुस्ती, बूथ लेव्हल अधिकाऱ्यांचे कामकाज, मतदार नोंदणी प्रक्रियेतील पारदर्शकता आणि सर्व राजकीय पक्षांना समान संधी मिळावी याबाबतही निवडणूक आयोगासमोर विविध मुद्दे मांडण्यात आले. लोकशाही प्रक्रियेवरील जनतेचा विश्वास अबाधित ठेवण्यासाठी निवडणूक आयोगाने निष्पक्ष भूमिका घ्यावी, असे महाविकास आघाडीच्या नेत्यांनी स्पष्ट केले. (A ploy to split the BJP’s constituency through ‘SIR’)

May 20, 2026 0 comments

'Cockroach Janata Party' creates a sensation on social media

ताज्या बातम्या राजकारण

क्रॉक्रोच जनता पार्टीचा सोशल मिडियावर धुमाकुळ

by प्रतिनिधी May 20, 2026

written by प्रतिनिधी

नवी दिल्ली : सर्वोच्च न्यायालयाचे न्यायाधीश सर्य कांत यांनी बेरोजगार तरुण झुरळासारखे असतात या टीपणीनंतर सोशल मिडियावर नव्याने स्थापन झालेल्या कॉक्रोच जनता पार्टीने धुमाकुळ घातला आहे. ‘इन्स्टाग्राम’वर या अराजकीय पक्षाचे तब्बल पाच मिलियन्सहून अधिक फॉलोअर्स झाले आहेत. पार्टीच्या पेजला १० ते २० हजारहून अधिक लोकांनी भेट दिली आहे. (‘Cockroach Janata Party’ creates a sensation on social media)

सर्वोच्च न्यायालयात १५ मे रोजी झालेल्या एका वकिलाच्या जेष्ठता पदनामाच्या याचिकेवर सुनावणी झाली. सुनावणीच्यावेळी अपिल करणाऱ्या वकिलावर चिडून सर्वोच्च न्यायालयाचे मुख्य न्यायाधीश सूर्य कांत म्हणाले होते. ‘आधीच समाजात काही परजीवी प्रवृती सक्रीय आहेत. ज्या व्यवस्थेवर हल्ला करतात. तुम्हाला त्यांच्याशी हात मिळावायचा आहे का? काही बेरोजगार तरुण झुरळासारखे असतात. ज्यांना रोजगार मिळत नाही आणि व्यवसायात स्थान नसते ते पुढे जाऊन मिडिया, सोशल मिडिया आणि आरटीआय कार्यकर्ते बनतात आणि सर्वांवर टीका करण्यास सुरूवात करतात. त्यांच्या विधानावर चौफेर टीका सुरू झाल्यावर न्यायमूर्ती सूर्य कांत यांनी स्पष्टीकरण दिले होते. त्यांच्या वक्तव्याचा चुकीचा अर्थ काढला असून तो खोट्या, बनावट पदव्या घेऊन गंभीर आणि प्रतिष्ठीत व्यवसायात प्रवेश करणाऱ्या व्यक्तीवर होता. भारतीय तरुण देशाचे मुख्य आधारस्तंभ आहेत, देशातील तरुण त्यांना नेहमी प्रेरणा देतात, असा खुलासाही त्यांनी केली होता. (‘Cockroach Janata Party’ creates a sensation on social media)

न्यायालयाच्या टीकेनंतर छत्रपती संभाजीनगरमधील अभिजीत दिपके या तरुणाला कॉक्रोच जनता पार्टी उभी करण्याची संकल्पना सूचली. त्याने सोशल मिडियावर पेज बनवले. त्याला उदंड प्रतिसाद मिळत आहे. अभिजीत दीपकेने पत्रकारितेची पदवी घेतली आहे. त्यानंतर तो उच्च शिक्षणासाठी अमेरिकेलाही गेलो होता. बोस्टन विद्यापीठातून जनसंपर्क या विषयात मास्टर ऑफ सायन्सची पदवी घेतली. २०२० ते २०२२ या काळात तो आम आदमी पक्षाच्या सोशल मिडियात काम करत होता. २०२० च्या दिल्ली विधानसभा निवडणुकीतील आपच्या मीम्समागे अभिजीत दीपके याने केले होते अशी चर्चा आहे. आता त्याने सोशल मिडियावर कॉक्रोच जनता पार्टी उभी करुन धुमाकुळ माजवला आहे. (‘Cockroach Janata Party’ creates a sensation on social media)

May 20, 2026 0 comments

ताज्या बातम्या राजकारण

देश आर्थिक संकटात अन् मोदी इटलीत चॉकलेट वाटतायेत

by प्रतिनिधी May 20, 2026

written by प्रतिनिधी

नवी दिल्ली : पंतप्रधान नरेंद्र मोदी यांनी इटली दौऱ्यात इटलीच्या पंतप्रधान जॉर्जिया मेलोनी यांना मेलोडी चॉकलेटचे पॅकेट गिफ्ट दिल्यानंतर समाजमाध्यमात मोदींच्या विरोधात टीकेचा सूर उमटला आहे. लोकसभेतील विरोधी पक्षनेते राहूल गांधी यांनीही मोदीवर निशाना साधताना ‘देश आर्थिक संकटात असताना मोदी इटलीत चॉकलेट वाटतायेत’ अशी टीका केली आहे. (Modi is in Italy handing out chocolates)

पंतप्रधान मोदी पाच देशांच्या दौऱ्यावर आहेत. मंगळवारी त्यांनी इटली देशाचा दौरा केला. इटलीत रोम येथे त्यांनी पंतप्रधान जॉर्जिया मेलोनी यांनी मेलोडी चॉकलेटचे पॅकेट भेट म्हणून दिले. या भेटीचा व्हिडिओ शेअर मेलोनी यांनी मोदींचे आभार मानले. त्यावर राहूल गांधी यांनी टीका केली आहे. ‘एक्स’वर पोस्ट करताना राहूल गांधी म्हणाले आहेत की, देश आर्थिक संकटात आहे आणि आपले पंतप्रधान इटलीमध्ये चॉकलेट्स वाटत आहेत. एकीकडे शेतकरी, तरुण, महिला, मजूर आणि छोटे व्यावसायिक अक्रोश करत आहेत. मात्र दुसरीकडे मोदी हे हसत आहेत आणि रिल्स बनवत आहेत. त्यावर भाजप टाळ्या वाजत आहे. हे नेतृत्व नाही तर नौंटकी आहे’. (Modi is in Italy handing out chocolates)

मोदी यांचे इटलीची राजधानी रोम येथे आगमन झाल्यावर मेलोनी यांनी एक सेल्फी शेअर करत ‘वेलकम टू रोम, माय फ्रेंड’ असे म्हणत इटलीत त्यांचे स्वागत केले आहे. मोदी यांनीही मेलोनी यांच्यासोबत असलेले फोटो शेअर केले आहेत. (Modi is in Italy handing out chocolates)

May 20, 2026 0 comments

Shipping traffic resumes through the Strait of Hormuz)

ताज्या बातम्या राजकारण

होर्मुझ सामुद्रधुनीतून जहाजांची वाहतूक सुरू

by प्रतिनिधी May 20, 2026

written by प्रतिनिधी

नवी दिल्ली : होर्मुझ सामुद्रधुनीतून जहाजांची वाहतूक सुरू झाली आहे. गेल्या चोवीस तासात २६ जहाजांनी सामुद्रधुनीतून प्रवास केला आहे. वाहतूक सुरू असली तरी इराणी नौदलाची परवानगी सक्तीची करण्यात आली आहे. पुढील काही दिवसात ही वाहतूक वेगाने सुरू होण्याची शक्यता निर्माण झाली आहे. सामुद्रधुनीतून वाहतूक सुरू झाल्याने इंधनाचा पुरवठा सुरळीत होण्याची शक्यता वाढली आहे. (Shipping traffic resumes through the Strait of Hormuz)

आमच्या परवानगीनंतरच जहाजे होर्मुझच्या सामुद्रधुनीतून प्रवास करतील असे इराणच्या आयआरजीसी नौदलाने स्पष्ट केले आहे. आयआरजीसीने म्हटले आहे की, आवश्यक परवानग्या दिल्यानंतर त्यांच्याशी समन्वय साधून होर्मुझच्या सामुद्रधुनीतून वाहतूक सुरू आहे. गेल्या २४ तासात इराणच्या समन्वयाने तेलवाहू जहाजे, कंटेनर जहाजे आणि इतर जहाजे अशा २६ जहांजांनी सामुद्रधुनीतून प्रवास केला. (Shipping traffic resumes through the Strait of Hormuz)

दक्षिण कोरियाचा टँकर होर्मुझच्या सामुद्रधुनीतून पार झाला आहे. दक्षिण कोरियाच्या परराष्ट्र मंत्रालयाने सांगितले की इराण युद्ध सुरू झाल्यानंतर दक्षिण कोरियाच्या जहाजाने केलेला हा पहिला प्रवास आहे. हे तेलवाहू जहाज असून त्यावर अंदाजे १० कोरियन कर्मचारी आहेत. (Shipping traffic resumes through the Strait of Hormuz)

May 20, 2026 0 comments

ताज्या बातम्या राजकारण

मोदीकडून मेलोनीला मेलोडी चॉकलेटची भेट

by प्रतिनिधी May 20, 2026

written by प्रतिनिधी

नवी दिल्ली : इटलीच्या पंतप्रधान जॉर्जिया मेलोनी यांना भारताचे पंतप्रधान नरेंद्र मोदी यांनी मेलोडी चॉकलेटचे पॅकेट भेट दिले. मोदीच्या गिफ्टने भारावलेल्या मेलोनीनी पंतप्रधान मोदींचे आभार मानले आहे.

पंतप्रधान मोदी परदेश दौऱ्यावर असून त्यांनी आखातातील देशाच्या भेटीनंतर युरोपमधील देशांना भेटी देत आहेत. नार्वे देशाला भेट देऊन मोदी आज बुधवारी इटलीला पोचले. इटलीची राजधानी रोम दौऱ्यात मोदींनी इटलीच्या पंतप्रधान मेलोनी यांना मेलोडी चॉकलेटची भेट दिली. मेलोनी यांनी मेलोडी चॉकलेट गिफ्टचा व्हिडिओ ‘एक्स’ वर शेअर केला आहे. त्यामध्ये मेलोनी यांनी या भेटीबद्दल धन्यवाद अशी पोस्ट केली आहे. व्हायरल झालेल्या व्हिडिओमध्ये मेलोनी म्हणाल्या ‘पंतप्रधान मोदींनी भेट म्हणून एक खूपच छान टॉफी आणली आहे’. (Modi gifts Melody chocolates to Meloni)

यापूर्वी मोदी आणि मेलोनी यांच्या भेटी झाल्या असून त्यांच्या भेटीवर मेलॉडी हा शब्द खूप लोकप्रिय झाला आहे. हा शब्द मोदी आणि मेलॉनी यांच्या आडनावांचे मिश्रण आहे. पाच देशांच्या दौऱ्यात मोदींचे रोममध्ये स्वागत करताना एक्स वर रोममध्ये आपले स्वागत आहे, माझ्या मित्रा अशी पोस्ट केली आहे. भारत आणि इटली यांच्या संबध दृढ करणे हा मोदींच्या दौऱ्याचा मुख्य उद्देश आहे. दोन्ही देश व्यापार, सरंक्षण, तंत्रज्ञान, उर्जा, भारत-मध्य पूर्व युरोप आर्थिक कॅरिडॉर सारख्या कनेक्टिव्हिटी प्रकल्पांमध्ये सहकार्य करण्यावर चर्चा होणार आहे. (Modi gifts Melody chocolates to Meloni)

मोदी यांचे मंगळवारी इटली आममन झाल्यानंतर दोन्ही नेत्यांनी सायंकाळी कोलोसियममधून फेरफटका मारला. रात्रीच्यावेळी दोन्ही नेत्यांमध्ये जेवण झाले. त्यानंतर प्रतिष्ठित कोलोसियमला भेट दिली. (Modi gifts Melody chocolates to Meloni)

May 20, 2026 0 comments

ताज्या बातम्या राजकारण

एमएच– सीईटी मध्येही मोठा घोटाळा : सचिन सावंत

by प्रतिनिधी May 19, 2026

written by प्रतिनिधी

जमीर काझी : मुंबई : देशभरात नीट (NEET) पेपरफुटीने विद्यार्थी व पालकांची चिंता वाढली असताना राज्यात एमएच- सीईटी मोठा घोटाळा झाला आहे. दहावी बारावीला जेमतेम ३५-४० टक्के मार्क्स मिळालेल्याना या परीक्षेत १०० पर्सेंटाईल्स पडलेले आहेत, या प्रकरणाची उच्चस्तरीय चौकशी करून दोषींनी कठोर शिक्षा करा, अशी मागणी अखिल भारतीय काँग्रेस कमिटीचे सचिव सचिन सावंत यांनी केली आहे.

टिळक भवन येथे मंगळवारी त्यांनी एमएच- सीईटी परिक्षेतील घोटाळ्यावर पुराव्यानिशी सविस्तर माहिती दिली. ते म्हणाले की,’ या परिक्षेचा अभ्यासक्रम हा ११-१२ वीचा असतो, १० वी १२ परिक्षेत जेमतेम मार्क्स मिळवलेल्या २२ विद्यार्थ्यांना एमएच सीईटीमध्ये मात्र १०० पर्सेंटाईल मिळालेले आहेत. ज्या विद्यार्थ्याला दहावीत ३७ टक्के मार्क्स मिळाले त्याला एमएच सीईट मध्ये ९९.९७१ टक्के पर्सेंटाईल मिळाले आहेत. बारावीत ज्यांना ५१ टक्के मार्क्स मिळाले अशा दोन विद्यार्थ्यांना एमएच सीईटमध्ये १०० पर्सेंटाईल, ४५ टक्के मार्क्स पडलेल्याला १०० पर्सेंटाईल व ३९ टक्के मार्क्स पडलेल्या विद्यार्थ्याला १०० पर्सेंटाईल पडलेले आहेत. (Major Scam in MH-CET)

बारावीत ३५ टक्के गुण मिळालेल्या विद्यार्थ्याला १०० पर्सेंटाईल

बारावीला ज्या विद्यार्थ्याला ३५ मार्क्स पडले त्यालाही १०० पर्सेंटाईल पडले आहेत. एमएच- सीईटी गणितात १०० पर्सेंटाइल मिळवलेल्या रँक १, २, ३, ४, ५, ६, १५, १६, १७ आणि १८ या सर्व विद्यार्थ्यांचे एचसीसी गणितातील सरासरी गुण फक्त ६४.३% होते. या राज्यातील दहा अव्वल विद्यार्थ्यांपैकी सहा जणांचे गुण या सरासरीपेक्षाही कमी होते — त्यांचे एचएससी गणितातील गुण अनुक्रमे ६०, ५४,५३,५३,४०, आणि ३५ होते. सीईटी मधील टॉप २० रँकर्सपैकी सहा विद्यार्थ्यांना बोर्ड परीक्षेत ६०% पेक्षाही कमी गुण मिळाले. रँक १, २, ५, १२, १५ आणि १८ — ज्यांचे सीईट पर्सेंटाइल ९९.९९ किंवा त्यापेक्षा जास्त आहे. त्यांना एचएससी पीसीएम मध्ये ६०% पेक्षा कमी गुण मिळाले. एका टॉपर ला सीईटी गणितात १०० पर्सेंटाइल मिळाले, पण बोर्डातील एकूण पीसीएम गुण फक्त ३९% होते. टॉप २० मधील १० विद्यार्थ्यांना सीईटी गणितात परफेक्ट १०० पर्सेंटाइल मिळाले. मात्र त्यांच्या एचएससी गणितातील गुण ३५ ते ९७ या दरम्यान आहेत, म्हणजे तब्बल ६२ गुणांचे अंतर आहे. एका विद्यार्थ्याला सीईट गणितात १०० पर्सेंटाइल, पण एचएससी गणितात फक्त ३५% गुण म्हणजे ६५ गुणांचे अंतर आहे. एचएसी पीसीएम मध्ये फक्त ३९% गुण असूनही राज्यातील टॉप २० मध्ये स्थान मिळाले आहे. (Major Scam in MH-CET)

गणितात नापास विद्यार्थ्याला ९९.९७ पर्सेंटाइल

रँक ६६ चा डेटा देखील गंभीर प्रश्न निर्माण करणारा आहे. या विद्यार्थ्याला १० वीला गणितात २२ मार्क्स मिळाले होते, तर १२ वीत ३३ मार्क्स मिळाले म्हणजे तो गणितात सपशेल नापास आहे, पीसीएम मध्ये ४७.६७ टक्के मार्क्स आहेत. त्याला सीईटी मध्ये मात्र ९९.९७ पर्सेंटाईल मिळाले आहेत. सीईटी मध्ये अत्यंत उच्च पर्सेंटाइल मिळवूनही बोर्ड परीक्षेतील कामगिरी त्याच प्रमाणात दिसत नाही. अशा उदाहरणांमुळे सीईटी आणि एचएससी या दोन्ही मूल्यमापन पद्धतींमध्ये मोठी विसंगती असल्याचे स्पष्ट होते. हा चमत्कार कसा झाला, याचे उत्तर उच्च व तंज्ञ शिक्षण मंत्री चंद्रकांत पाटील यांनी द्यावे. तसेच या परिक्षा कोण नियंत्रित करतो, या परिक्षांवर जोशी नामक व्यक्तीचा काय संबंध आहे, याचाही खुलासा केला पाहिजे, असे सावंत म्हणाले.

भाजप सरकारच्या राज्यात परीक्षा घोटाळे

पंतप्रधान नरेंद्र मोदी ‘परिक्षा पे चर्चा’ वर दरवर्षी मोठे प्रवचन देत असतात पण त्यांच्याच कार्यकाळात व्यापम सारखे परिक्षा घोटाळे फोफावत आहेत ही चिंतेची बाब आहे. भाजप सरकार असलेल्या राज्यातच परिक्षेत गडबड घोटाळे वाढले आहेत व त्याचा संबध भाजपा नेत्यांशी असल्याचे उघड झाले आहेत. एमएच सीईटीच्या परिक्षेतील घोटाळ्यावर मी एक्स या सोशल मीडियावरून एक पोस्ट केली होती, त्यावर या परिक्षा घेणाऱ्या सेलकडून यादी अस्पष्ट आहे असा खुलासा करण्यात आला आहे. या यादीतीला विद्यार्थ्यांची नावे सार्वजनिक होऊ नयेत म्हणून ती झाकण्यात आली होती. आता मी पुन्हा एमएच सीईटी कमिशनला एक यादी व पत्र देणार आहे, त्यावर त्यांनी खुलासा करावा. एमएचसीईट परिक्षा सेलमध्ये मागील ८-१० वर्षे तेच अधिकारी काम करत असल्याचा आरोपही त्यांनी केला . (Major Scam in MH-CET)

May 19, 2026 0 comments

Shaktipeeth Highway was diverted for a minister's hotel

ताज्या बातम्या राजकारण

मंत्री गोरे यांच्या हॉटेलसाठी शक्तीपीठ महामार्ग वळवला : राजू शेट्टी

by प्रतिनिधी May 19, 2026

written by प्रतिनिधी

कोल्हापूर : प्रतिनिधी : सातारा जिल्ह्यातून मूळ नियोजित नसलेला शक्तीपीठ महामार्ग जाणीवपूर्वक वळवण्यात आला आहे. हा बदल मंत्री जयकुमार गोरे यांच्या पंचतारांकित हॉटेलला फायदा पोहोचवण्यासाठी आणि त्यांनी मोठ्या प्रमाणावर जमिनी खरेदी केल्यामुळे करण्यात आला आहे, असा आरोप स्वाभिमानी शेतकरी संघटनेचे नेते माजी खासदार राजू शेट्टी यांनी केला. कोल्हापूरातील कसबा बावडा येथे शक्तीपीठ विरोधी संघर्ष समितीच्या मेळाव्यात ते बोलत होते. शक्तीपीठ महामार्गाला पूर्ण ताकदीने विरोध करण्यासाठी नऊ जून रोजी भव्य मोर्चा काढण्याची घोषणा विधान परिषदेतील काँग्रेसचे गटनेते आमदार सतेज पाटील यांनी केली. लाठ्या खाऊ, जेलमध्ये जाऊ पण शक्तीपीठ महामार्ग होऊ देणार नाही असा निर्धार मेळाव्यात सर्व नेते, पदाधिकारी आणि शेतकऱ्यांनी व्यक्त केला.

शक्तीपीठ महामार्गाच्या विरोधात सर्वपक्षीय कार्यकर्ते आणि शेतकरी मेळावा आयोजित केला होता. मेळाव्याला आमदार सतेज पाटील, जयंत आसगांवकर, माजी खासदार राजू शेट्टी, माजी आमदार के.पी.पाटील, संपतराव पवार पाटील, राजीव आवळे, राजू आवळे यांच्यासह सर्वपक्षीय नेत्यांची प्रमुख उपस्थिती होती. (Shaktipeeth Highway was diverted for a minister’s hotel)

मुख्यमंत्र्याचा ड्रीम प्रोजेक्ट शेतकऱ्यांच्या मुळावर

मेळाव्यात बोलताना आमदार सतेज पाटील म्हणाले, मुख्यमंत्र्यांचा ड्रीम पोजेक्ट असलेला शक्तीपीठ महामार्ग हा शेतकऱ्यांच्या मुळावर उठलेला आहे. या प्रकल्पाच्याविरोधात कोल्हापूर जिल्ह्यात शेतकऱ्यांच्या भावना संतप्त आहेत. प्रकल्पाच्या विरोधात आंदोलनाच्या मार्गाने लढा दिला जाणार आहे. जिल्ह्यात तालुका निहाय मेळावे घेतले जातील. महामार्गाला विरोध करणारी लिखित पत्रे तालुक्याशी संबधित प्रातांधिकाऱ्यांना सादर केली जातील. त्यानंतर नऊ जून रोजी कोल्हापुरातील दसरा चौक ते जिल्हाधिकारी कार्यालय या मार्गावर भव्य मोर्चा काढण्यात येईल. या मोर्चाची ताकद पाहून मुख्यमंत्री हे स्वत:च शक्तीपीठ महामार्ग प्रकल्प रद्द केल्याची घोषणा करतील, असा विश्वास सतेज पाटील यांनी व्यक्त केला. (Shaktipeeth Highway was diverted for a minister’s hotel)

निवडणूक जिंकण्यासाठी ५५ हजार कोटींचा ढपला

२०२९ ची विधानसभा निवडणूक जिंकण्यासाठी सत्ताधारी या शक्तीपीठ महामार्गातून ५५ हजार कोटी रुपयांचा ढपला पाडणार आहेत. काहींना आगाऊ रक्कमाही दिल्या आहेत, असा आरोपही माजी खासदार राजू शेट्टी यांनी केला. शक्तीपीठ महामार्गावर होणारा एक लाख १० हजार कोटी रुपयांच्या कर्जाचा बोजा सर्वसामान्यांवर पडणार आहे. या महामार्गामुळे सोळा हजार एकर बागायत जमिनीचे प्रचंड नुकसान होणार आहे. महापुराचा धोका वाढणार आहे, याकडेही त्यांनी लक्ष वेधले. शक्तीपीठ समर्थनात लाभापोटी, काही उंदरे बिळातून बाहेर पडत आहेत. मात्र शेतकऱ्यांचे जीवनमान उद्धवस्त करणारा हा महामार्ग कदापी होऊ देणार नाही.

यावेळी माजी आमदार के.पी.पाटील, संपतराव पवार, उद्धव ठाकरे शिवसेनेचे सह संपर्क प्रमुख विजय देवणे, जिल्हा प्रमुख सुनील शिंत्रे, समन्वयक गिरीश फोंडे, उदय नारकर, धैयर्शिल पाटील, राहूल देसाई, सदाशिव चरापले, अतुल दिघे, संपत देसाई, शिवाजी मगदूम, इरिगेशन फेडरेशनचे जिल्हाध्यक्ष विक्रम पाटील यांची भाषणे झाली. यावेळी शिवसेना जिल्हा प्रमुख रविकिरण इंगवले, जिल्हा बँकेचे संचालक ए.वाय.पाटील, यांच्यासह सर्वपक्षीय पदाधिकारी कार्यकर्ते उपस्थित होते. (Shaktipeeth Highway was diverted for a minister’s hotel)

May 19, 2026 0 comments

Ratnakar Poetry Award presented to Azeem Nawaz Rahi

ताज्या बातम्या साहित्य-संस्कृती

अजीम नवाज राही यांना रत्नाकर काव्य पुरस्कार

by प्रतिनिधी May 19, 2026

written by प्रतिनिधी

कोल्हापूर : दक्षिण महाराष्ट्र साहित्य सभेच्यावतीने कवी धम्मपाल रत्नाकर यांच्या स्मृत्यर्थ देण्यात येणा-या २०२५ या वर्षातील राज्यस्तरीय रत्नाकर काव्य पुरस्कारासाठी अजीम नवाज राही यांच्या ‘वळीवाच्या वेळा‘ या संग्रहाची निवड करण्यात आली आहे. दहा हजार रुपये, गौरवचिन्ह आणि प्रमाणपत्र असे पुरस्काराचे स्वरुप आहे. (Ratnakar Poetry Award presented to Azeem Nawaz Rahi)

या पुरस्कार निवडीसाठी परीक्षक म्हणून कवी, समीक्षक डॉ. रफीक सूरज यांनी काम पाहिले. पुरस्कार पुरस्कार प्रदान समारंभ रविवारी २४ मे २०२६ रोजी सकाळी साडेदहा वाजता शेठ रामभाई सामाणी सभागृह, शिवाजी उद्यमनगर,कोल्हापूर येथे होणार आहे. धम्मपाल रत्नाकर काव्य पुरस्कार यापूर्वी श्रीधर नांदेडकर, श्रीकांत देशमुख, वीरधवल परब, कल्पना दुधाळ, संजीवनी तडेगावकर, अरुण इंगवले, पी. विठ्ठल, सुरेश सावंत, अजय कांडर, सारिका उबाळे, सुचिता खल्लाळ, पद्मरेखा धनकर, दीपक बोरगावे, कविता मुरुमकर, हबीब भंडारे, गोविंद काजरेकर, राजेंद्र दास, केशव देशमुख, कीर्ती पाटसकर, अनिल धाकू कांबळी, ऐश्वर्य पाटेकर,संजय कृष्णाजी पाटील, सुनिता झाडे यांना देण्यात आला आहे. साहित्य सभेचे कार्यवाह डॉ. विनोद कांबळे यांनी ही माहिती दिली आहे. (Ratnakar Poetry Award presented to Azeem Nawaz Rahi)

May 19, 2026 0 comments

MoUs Signed with 4 Companies for Nuclear Power Generation

ताज्या बातम्या विज्ञान-तंत्रज्ञान

राज्यात २५, ४०० मेगावॅट अणुऊर्जा निर्मितीसाठी ४ कंपन्यांशी सामंजस्य करार

by प्रतिनिधी May 19, 2026

written by प्रतिनिधी

जमीर काझी : मुंबई : स्वच्छ ऊर्जा निर्मिती क्षेत्रात राज्यात येणारी गुंतवणूक ही देशाला संपन्न ऊर्जा राष्ट्र बनवण्यासाठी निश्चितच बळ देणारी ठरणार आहे, अणुऊर्जा निर्मिती क्षेत्रामध्ये गुंतवणूक करण्यास इच्छुक असलेल्या कंपन्यांना शासनाच्यावतीने संपूर्ण सहकार्य करण्यात येईल, असे प्रतिपादन मुख्यमंत्री देवेंद्र फडणवीस यांनी मंगळवारी केले.

अणुऊर्जा निर्मिती क्षेत्रामध्ये राज्य शासनासोबत चार कंपन्यांचे सामंजस्य करार मंत्रालयात आयोजित बैठकीत करण्यात आले. यामध्ये अदानी पॉवर कंपनी, रिलायन्स इंडस्ट्रीज लिमिटेड, एनटीपीसीएल (नॅशनल थर्मल पॉवर कॉर्पोरेशन लिमिटेड), ललितपुर पावर जनरेशन कंपनी लिमिटेड (बजाज उद्योग समूह) यांचा समावेश आहे. यावेळी पारंपारिक ऊर्जा मंत्री अतुल सावे, ऊर्जा विभागाच्या अपर मुख्य सचिव आभा शुक्ला, एनटीपीसी लिमिटेडचे मुख्य महाव्यवस्थापक ए. पी. सामल, अदानी पॉवर कंपनीचे बिझनेस हेड विवेक शर्मा, रिलायन्स इंडस्ट्रीजच्या न्यूक्लिअर एनर्जी बिजनेसचे अध्यक्ष रंजय शरण आदी उपस्थित होते. (MoUs Signed with 4 Companies for Nuclear Power Generation)

मुख्यमंत्री फडणवीस म्हणाले, राज्यामध्ये स्वच्छ ऊर्जा निर्मितीमध्ये अणुऊर्जा ही अत्यंत महत्त्वाची आहे. या क्षेत्रात होत असलेल्या गुंतवणुकीतून राज्य ऊर्जा निर्मितीमध्ये अधिक वेगाने प्रगती करणार आहे. ही गुंतवणूक केवळ ऊर्जा निर्मितीसाठीच लाभाची नसून त्यामुळे रोजगाराच्या संधीही उपलब्ध होणार आहेत. स्वच्छ ऊर्जा निर्मितीमध्ये महाराष्ट्र नेहमी देशात अग्रेसर असणार आहे.’ (MoUs Signed with 4 Companies for Nuclear Power Generation)

अशी आहे गुंतवणूक…. अदानी पॉवर लिमिटेड कंपनी १. ५० लाख कोटींची गुंतवणूक करणार असून त्यातून ६ हजार मेगावॅट ऊर्जा निर्मिती होईल. तसेच प्रत्यक्ष-अप्रत्यक्षरीत्या १२ हजार रोजगार निर्मिती अपेक्षित आहे. रिलायन्स इंडस्ट्रीज दोन लाख कोटीची गुंतवणूक करणार आहे. यामधून ७२०० मेगावॅट ऊर्जा निर्मिती व एक लाखाच्यावर रोजगार उपलब्ध होणार आहे. तसेच एनटीपीसी लिमिटेड एक लाख कोटींची गुंतवणूक करणार असून ७२०० मेगावॅट ऊर्जा निर्मिती अपेक्षित आहे. यामध्ये पाच हजार रोजगार निर्मिती होईल.

ललितपुर पॉवर जनरेशन कंपनी लिमिटेड (बजाज उद्योग समूह) राज्यात दोन लाख कोटींची गुंतवणूक करणार आहे. यामधून पाच हजार मेगावॅट ऊर्जा निर्मिती आणि तीन हजार रोजगार निर्मिती होणार आहे. अशाप्रकारे राज्यात एकूण ६ लाख ५० हजार कोटींची गुंतवणूक होणार असून २५ हजार ४०० मेगावॅट इतकी ऊर्जा निर्मिती आणि १ लाख २३ हजार ५०० रोजगार निर्मिती अपेक्षित आहे. (MoUs Signed with 4 Companies for Nuclear Power Generation)

May 19, 2026 0 comments

Newer Posts

Older Posts