प्रतिनिधी

कोल्हापूर : शिक्षण क्षेत्रातील उल्लेखनीय कार्य आणि समाजात न्याय व समतोल शिक्षणव्यवस्था निर्माण करण्यासाठी दिलेल्या योगदानाबद्दल डी. वाय पाटील ग्रुपचे अध्यक्ष डॉ. संजय डी. पाटील यांना अमेरिकेतील  ‘युनिव्हर्सिटी ऑफ सेंट्रल अमेरिका’तर्फे ‘डॉक्टर ऑफ लेटर्स’ (डी. लिट.) ही मानद डॉक्टरेट पदवी प्रदान करण्यात आली. एलिव्हेट हेल्थकेअरचे आंतरराष्ट्रीय संचालक रिचर्ड लिवसी यांच्या हस्ते डॉ. पाटील यांना सन्मानित करण्यात आले. (Dr. Sanjay D. Patil receives a Doctorate from the University of Central America)

डी. वाय. पाटील अभिमत विद्यापीठ कोल्हापूर, डी. वाय. पाटील इंटरनॅशनल विद्यापीठ आकुर्डी आणि डी. वाय. पाटील कृषी व तंत्र विद्यापीठ, तळसंदेचे कुलपती म्हणून डॉ. संजय पाटील यांना उच्च शिक्षण क्षेत्रात योगदान देत आहेत. शिक्षण प्रसार, सामाजिक बांधीलकी आणि सार्वजनिक जीवनातील कार्यातून विद्यार्थ्यांमध्ये शैक्षणिक जागृती निर्माण करण्यासाठी विशेष योगदान या कार्याबद्दल डॉ. एस. राधाकृष्णन टीचर्स वेल्फेअर असोसिएशन, इंडिया यांच्या शिफारसीनुसार ‘युनिव्हर्सिटी ऑफ सेंट्रल अमेरिका’ने ही डॉक्टरेट दिली आहे. (Dr. Sanjay D. Patil receives a Doctorate from the University of Central America)

डी. वाय. पाटील अभिमत विद्यापीठात झालेल्या विशेष समारंभावेळी डी. वाय पाटील कृषी व तंत्र विद्यापीठाचे प्र- कुलपती तथा विश्वस्त  ऋतुराज पाटील, विश्वस्त पृथ्वीराज पाटील, कुलगुरू डॉ. राकेश कुमार शर्मा, डी वाय पाटील कृषी व तंत्र विद्यापीठाचे कुलगुरू डॉ. ए. के. गुप्ता, एलिव्हेट हेल्थकेअरचे नॅशनल हेड प्रवीण मित्तल, डी वाय पाटील विद्यापीठ मुंबईचे प्रोजेक्ट हेड वृंदन जाधव आदी व्यासपीठावर उपस्थित होते. (Dr. Sanjay D. Patil receives a Doctorate from the University of Central America)

डॉ. संजय पाटील यांच्या  नेतृत्वाखाली ५० हून अधिक शैक्षणिक संस्था कार्यरत आहेत.  या संस्थांमध्ये सुमारे ४७ हजारांहून अधिक विद्यार्थी शिक्षण घेत आहेत. वैद्यकीय, अभियांत्रिकी, व्यवस्थापन, कृषी, आर्किटेक्चर, फार्मसी, नर्सिंग, फ़िजिओथेरपी, हॉटेल मॅनेजमेंट, तसेच विविध व्यावसायिक अभ्यासक्रमांच्या माध्यमातून हजारो विद्यार्थ्यांचे भविष्य घडविण्याचे कार्य डॉ. पाटील यांच्या नेतृत्वाखाली सुरू आहे. हिमाचल प्रदेश विद्यापीठानेही तत्कालीन राष्ट्रपती प्रणव मुखर्जी यांच्या हस्ते २०१३ मध्ये डॉक्टरेट पदवीने डॉ. पाटील यांना सन्मानित केले आहे.

यावेळी विद्यापीठाचे कुलसचिव डॉ. व्ही व्ही भोसले,  कृषी व तंत्र विद्यापीठाचे कुलसचिव डॉ. जे. ए. खोत, डी. वाय. पाटील विद्यापीठ नवी मुंबईचे कुलसचिव डॉ. नितीन सिप्पी,  परीक्षा नियंत्रक अभय जोशी, सी.एच.आर.ओ श्रीलेखा साटम, आयक्यूसएसी  संचालिका डॉ.  शिंपा शर्मा, सिम्युलेशन सेंटर हेड डॉ. संकेत पाटील, मेडिकल कॉलेजचे अधिष्ठाता डॉ. राजेश ख्यालप्पा, उपअधिष्ठाता डॉ. पद्मजा देसाई, वैद्यकीय अधीक्षक डॉ. वैशाली गायकवाड यांच्यासह विद्यापीठाचे सर्व अधिकारी, विविध महाविद्यालयांचे प्राचार्य, संस्थांचे प्रमुख, विभाग प्रमुख, प्राध्यापक उपस्थित होते. (Dr. Sanjay D. Patil receives a Doctorate from the University of Central America)

डॉक्टरेटमुळे शैक्षणिक कार्याला उर्जा मिळेल… आंतरराष्ट्रीय विद्यापीठाकडून मिळालेल्या डॉक्टरेटमुळे  माझ्या शैक्षणिक कार्याला अधिक उर्जा मिळेल.  शिक्षणाच्या माध्यमातून समाजात सकारात्मक परिवर्तन घडवून आणणे आणि विद्यार्थ्यांना जागतिक दर्जाच्या संधी उपलब्ध करून देणे, हेच माझे ध्येय राहील. हा सन्मान डी. वाय. पाटील समूहातील सर्व शिक्षक, विद्यार्थी आणि सहकाऱ्यांच्या सामूहिक प्रयत्नांचे फलित आहे, अशी प्रतिक्रिया डॉ. संजय डी. पाटील यांनी दिली.

पुणे : पुण्यातील एका हॉस्पिटलमध्ये टायमरसह बॉम्बसदृश्य वस्तूने खळबळ उडाली आहे. हॉस्पिटलमधून डॉक्टरांनी बॉम्बसदृश्य वस्तू मोकळ्या जागेत आणून ठेवली. बॉम्बसदृश्य वस्तूला सात तासाचा टायमर लावला होता. पोलिसांनी ही वस्तू निकामी केली असून संशयितांचा शोध सुरू केला आहे. ई बाईकवर आलेल्या एका व्यक्तीने बॉम्बसदृश्य वस्तू ठेवल्याची माहिती पुढे आली आहे. (Bomb-like object equipped with a timer sparks alarm at a Pune hospital)

पुण्यातील उषाकिरण हॉस्पिटलमध्ये बाथरुममध्ये एका महिला कर्मचारेला संशयस्पद वस्तू दिसली. ती चमकत असल्याने तिने हॉस्पिटलमध्ये वरिष्ठांना त्याची माहिती दिली. बाथरुममध्ये डॉ. विलास गायकवाड आणि त्यांचे सहकारी गेले असता चार कांड्या, टायमर आणि वायर जोडलेली एक वस्तू दिसली. ही बॉम्बसदृश्य वस्तू असल्याचे लक्षात आल्यावर हॉस्पिटलला धोका होण्याची शक्यता होती. रुग्णांना कोणताही धोका उत्पन्न होऊ नये म्हणून डॉ. गायकवाड ही बॉम्बसदृश्य वस्तून हॉस्पिटलबाहेरील मोकळ्या जागेत ठेवली. त्यानंतर त्याची कल्पना पोलिसांना दिली. घटनास्थळी पोलिस दाखल झाले. त्यानंतर आलेल्या बॉम्बशोधक पथकाने तात्काळ संशयास्पद वस्तू निकामी केली. (Bomb-like object equipped with a timer sparks alarm at a Pune hospital)

पोलिसांनी घटनेचा ताबडतोब तपास सुरू केला. सीसीटीव्ही फुटेज तपासण्यात आल्यावर एक व्यक्ती हॉस्पिटलच्या परिसरात बॉक्स ठेऊन निघून गेल्याचा अंदाज व्यक्त केला होता. बॉक्स घेऊन येणारी व्यक्ती एकटीच होती की आणखी त्याचे साथीदार होते याचा पोलिस तपास करत आहेत. (Bomb-like object equipped with a timer sparks alarm at a Pune hospital)