Tag:

sangli

NCP SP party is the largest party in Sangali ZP

सांगली जिल्हा परिषदेत राष्ट्रवादी शरद पवार पक्ष मोठा पक्ष

by प्रतिनिधी February 9, 2026

written by प्रतिनिधी

सांगली : प्रतिनिधी : सांगली जिल्हा परिषदेच्या निवडणुकीत राष्ट्रवादी शरदचंद्र पवार पक्ष सर्वात मोठा पक्ष ठरला आहे. या पक्षाने १८ जागा जिंकल्या आहेत. भाजपने १६ तर काँग्रेस पक्षाने ११ जागा जिंकल्या आहेत. शिवसेना शिंदे गटाला सहा तर राष्ट्रवादी अजित पवार पक्षाने सहा जागा जिंकल्या आहेत. जिल्हा परिषद अध्यक्ष पदाच्या निर्णय प्रक्रियेत राष्ट्रवादी अजित पवार गटांची भूमिका महत्वाची ठरणार आहे. सत्ता स्थापनेसाठी शिवसेना उद्धव ठाकरे, रयतक्रांती, जनसुराज्य शक्ती या पक्षांच्या प्रत्येकी एक जागा निवडून आल्याने त्यांनाही महत्व आहे आहे.

सांगली जिल्ह्यात राष्ट्रवादी शरद पवार पक्षाची धुरा आमदार जयंत पाटील यांच्याकडे होती. त्यांनी वाळवा पंचायत समितीवर राष्ट्रवादीचा झेंडा फडकावताना २२ पैकी १४ जागा जिंकल्या. जिल्हा परिषदेत ११ पैकी आठ जागा जिंकल्या. तासगाव, शिराळा, कवठेमहांकाळ, मिरज तालुक्यातही राष्ट्रवादी शरदचंद्र पवार पक्षाला चांगले यश मिळाले. (NCP SP party is the largest party in Sangali ZP)

शिवसेना शिंदे गटाने खानापूर, आटपाडी, वाळवा तालुक्यात यश मिळावले. त्यांनी सहा जागा जिंकल्या. काँग्रेसने पलूस, कडेगाव, मिरज, तासगाव तालुक्यात चांगले यश मिळावले. काँग्रेसने ११ जागा जिंकून आपले अस्तित्व कायम ठेवले आहे. (NCP SP party is the largest party in Sangali ZP)

सांगली जिल्ह्यात सर्वच पक्ष स्वतंत्र निवडणूक लढले होते. त्यामुळे सत्तास्थापनेसाठी कुणाची कुणाबरोबर युती होणार यावर अध्यक्षपद ठरणार आहे. महायुतीतील भाजप, राष्ट्रवादी अजित पवार, शिवसेना, रयतक्रांती, जनसुराज्य एकत्र आले तर महायुतीची सत्ता येऊ शकते. राष्ट्रवादी शरद पवार पक्ष, काँग्रेस शिवसेना ठाकरे पक्ष एकत्र आल्यास त्यांना बहुमतासाठी फक्त एकच जागा कमी पडते. दोन्ही राष्ट्रवादी एकत्र येण्याची राज्यात चर्चा सुरू आहे. राष्ट्रवादी अजित पवार पक्षाने राष्ट्रवादी शरद पवार पक्षाला पाठिंबा दिल्यास दोन्ही राष्ट्रवादी, शिवसेना ठाकरे गट, काँग्रेस पक्षाचा झेंडा सांगली जिल्हा परिषदेवर फडकू शकतो. (NCP SP party is the largest party in Sangali ZP)

February 9, 2026 0 comments

राज्यातील १२ झेडपी व १२५ पंचायत समित्यांसाठी शनिवारी मतदान

by प्रतिनिधी February 6, 2026

written by प्रतिनिधी

मुंबई : प्रतिनिधी : राज्यातील १२ जिल्हा परिषदा आणि त्यांतर्गतच्या १२५ पंचायत समित्यांच्या सार्वत्रिक निवडणुकांसाठी शनिवारी (दि. ७) मतदान होत असून जिल्हा परिषदेच्या ७३१; तर आणि पंचायत समित्यांच्या १ हजार ४६२ जागांसाठी ही निवडणूक होत आहे. एकूण ७ हजार ४३८ इतके उमेदवार रिंगणात असून एकूण २ कोटी ८ लाख २० हजार ७०२ इतकी मतदार संख्या आहे. संपूर्ण मतदान प्रक्रियेसाठी पुरेशा पोलिस बंदोबस्ताचीदेखील व्यवस्था करण्यात आली आहे. (Voting for Zilla Parishad on Saturday)

रायगड, रत्नागिरी, सिंधुदुर्ग, पुणे, सातारा, सांगली, सोलापूर, कोल्हापूर, छत्रपती संभाजीनगर, परभणी, धाराशिव आणि लातूर या १२ जिल्हा परिषदा आणि त्यांतर्गतच्या १२५ पंचायत समित्यांच्या निवडणूक कार्यक्रमाची घोषणा राज्य निवडणूक आयोगाने १३ जानेवारीला केली होती. त्यानुसार ५ फेब्रुवारी मतदान होणार होते; परंतु उपमुख्यमंत्री अजित पवार यांच्या अपघाती निधनामुळे राज्यात तीन दिवसांचा दुखवटा जाहीर झाल्याने मतदान ७ फेब्रुवारी घेण्याचा निर्णय घेण्यात आला. त्यानुसार आता उद्या सकाळी साडेसात ते सायंकाळी साडेपाच या वेळेत मतदान होणार आहे. मतमोजणी ९ फेब्रुवारी सकाळी १० वाजता सुरू होईल.

एकूण जागा आणि उमेदवार सर्व बारा जिल्हा परिषदांच्या एकूण ७३१ जागा असून, त्यातील ३६९ जागा महिलांसाठी राखीव आहेत. अनुसूचित जातींसाठी ८३, अनुसूचित जमातींसाठी २५ आणि नागरिकांचा मागासवर्ग प्रवर्गासाठी १९१ जागा आरक्षित आहेत. जिल्हा परिषदांच्या या सर्व जागांसाठी एकूण २ हजार ६२४ उमेदवार निवडणूक लढवित आहेत. सर्व १२५ पंचायत समित्या मिळून एकूण १ हजार ४६२जागा असून, त्यातील ७३१ जागा महिलांसाठी राखीव आहेत. अनुसूचित जातींसाठी १६६, अनुसूचित जमातींसाठी ३८ आणि नागरिकांचा मागासवर्ग प्रवर्गासाठी ३४२ जागा आरक्षित आहेत. पंचायत समित्यांच्या या सर्व जागांसाठी एकूण ४ हजार ८१४ उमेदवार निवडणूक लढवत आहेत. (Voting for Zilla Parishad on Saturday)

निवडणूक होत असलेल्या जिल्हा परिषदांच्या व त्यांतर्गतच्या पंचायत समित्यांच्या एकूण मतदारांमध्ये १कोटी ६ लाख ३३ हजार २६९ पुरुष, १ कोटी १ लाख ८६ हजार ९६५ महिला; तर ४६८ इतर मतदारांचा समावेश आहे. त्यांच्यासाठी एकूण २५ हजार ४७१ मतदान केंद्राची व्यवस्था करण्यात आली आहे. संपूर्ण मतदान प्रक्रियेसाठी सुमारे १ लाख २८ हजार इतक्या मनुष्यबळाची व्यवस्था केली आहे. त्यात सुमारे १२५ निवडणूक निर्णय अधिकारी आणि १२५ सहायक निवडणूक निर्णय अधिकाऱ्यांचा समावेश आहे. (Voting for Zilla Parishad on Saturday)

———–

ईव्हीएमची व्यवस्था

जिल्हा परिषदा व पंचायत समित्यांच्या निवडणुकांसाठीच्या २५ हजार ४७१ मतदान केंद्रांची संख्या लक्षात घेऊन पुरेशा इलेक्ट्रॉनिक मतदान यंत्रांची (ईव्हीएम) व्यवस्था करण्यात आली आहे. त्यात ५१ हजार ५३७ कंट्रोल युनिट आणि १ लाख १० हजार ३२९ बॅलेट युनिटचा समावेश आहे. त्यासाठी सर्व सबंधित अधिकारी कर्मचाऱ्यांना वेळोवेळी प्रशिक्षणदेखील देण्यात आले आहे.

दोन मते देणे अपेक्षित

जिल्हा परिषदा आणि पंचायत समित्यांच्या निवडणुका नेहमी एकाच वेळी घेण्यात येतात. त्यामुळे प्रत्येक मतदाराला एक मत जिल्हा परिषदेच्या निवडणूक विभागासाठी आणि एक मत पंचायत समितीच्या निर्वाचक गणासाठी द्यावे लागते.

February 6, 2026 0 comments

पोलिस डायरी महत्त्वाच्या नोंदी

Firing at Yede Nipani : येडे निपाणी फाट्यावर गोळीबार ; एक जखमी

by प्रतिनिधी November 22, 2025

written by प्रतिनिधी

सांगली : प्रतिनिधी : सांगली जिल्ह्यातील येडे निपाणी फाटयावर शनिवारी दुपारी गोळीबाराची धक्कादायक घटना घडली. या घटनेत अर्जुन शिवाजी थोरात (वय ५५ , रा. येडे निपाणी) हे गंभीर जखमी झाले असून त्यांना इस्लामपूर येथील खासगी हॉस्पिटल उपचारासाठी दाखल करण्यात आले आहे. या घटनेतील संशयित शिवाजी गणपती जाधव आलगुडे (वय ७०, रा. येडे निपाणी) याने पिस्तूलातून गोळीबार केल्याची माहिती पुढे आली आहे. या घटनेमुळे परिसरात एकच खळबळ उडाली आहे. (Firing at Yede Nipani)

जुन्या वादातून हा हल्ला झाल्याचे प्राथमिक तपासात स्पष्ट झाले आहे. जखमी अर्जुन थोरात आणि जखमी शिवाजी जाधव हे येडे निपाणीचे रहिवासी असून ते मित्र आहेत. आज दुपारी झालेल्या गोळीबाराच्या घटनेत पिस्तूलातून उडालेल्या गोळ्या अर्जुन यांच्या पाठीत घुसल्याने त्याची प्रकृती चिंताजनक असल्याचे समजते. (Firing at Yede Nipani)

घटनेची माहिती मिळताच इस्लामपूर उपविभागीय अधिकारी अरुण पाटील, सांगली स्थानिक गुन्हे अन्वेषण विभागाचे पोलीस निरीक्षक सतीश शिंदे तसेच कुरळप पोलीस ठाण्याचे सहाय्यक पोलिस निरीक्षक विक्रम पाटील यांनी घटनास्थळी भेट देऊन तपास सुरू केला आहे. (Firing at Yede Nipani)

November 22, 2025 0 comments

पोलिस डायरी महत्त्वाच्या नोंदी

Sangli student commits suicide in Delhi : सांगलीतील विद्यार्थ्याची दिल्ली मेट्रोखाली उडी मारुन आत्महत्या

by प्रतिनिधी November 20, 2025

written by प्रतिनिधी

नवी दिल्ली : सांगलीतील विद्यार्थ्यांने शिक्षकांच्या त्रासाला कंटाळून दिल्लीत मेट्रोखाली उडी मारुन आत्महत्या केली. शौर्य प्रदीप पाटील (वय १६) असे त्याचे नाव आहे. तो दिल्लीतील सेंट कोलंबस शाळेत दहावी इयत्तेत शिकत होता. त्याच्याजवळ सापडलेल्या सुसाईड नोटवरुन शिक्षकांच्या त्रासाला कंटाळून आत्महत्या केल्याची माहिती पुढे आली आहे. शिक्षकांवर गुन्हा दाखल झाला आहे. (Sangli student commits suicide in Delhi)

शौय पाटील हा मुळचा सांगली जिल्ह्यातील खानापूर तालुक्यातील ढवळेश्वर गावातील रहिवासी आहे. त्याचे वडील प्रदीप पाटील हे सोने चांदी गलाई व्यवसायानिमित्त गेले अनेक वर्षे दिल्लीमध्ये स्थायिक आहेत. शौय पाटील हा कुटुंबासमवेत दिल्लीतील राजीव नगर परिसरात वास्तव्यास हाता. तो दिल्लीतील सेंट कोलंबस शाळेत दहावीत शिकत होता. मंगळवारी १८ नोव्हेंबर रोजी त्याने राजेंद्रनगर मेट्रो स्टेशनच्या प्लॅटफॉर्म क्रमांक दोन वरुन खाली उडी मारुन आत्महत्या केली. या घटनेची माहिती कळताच पोलिस घटनास्थळी आले. त्यांनी त्याला उपचारासाठी हॉस्पिटलमध्ये दाखल केले. पण उपचारापूर्वीच त्याचा मृत्यू झाल्याचे डॉक्टरांनी जाहीर केले. शौयचे वडील कामानिमित्त मुळ गावी ढवळेश्वरला आले होते. अपघाताची माहिती मिळताच ते तातडीने दिल्लीत पोहोचले. मुलाच्या मृत्यूचा त्यांना मोठा धक्का बसला. या प्रकरणी दिल्लीतील राजा गार्डन मेट्रो पोलिसांनी शाळेच्या मुख्याध्यापिका अपराजित पॉल, मनू कालरा, युक्ती महाजन आणि ज्युली व्हर्गिस या शिक्षिकेवर गुन्हा दाखल केला आहे. (Sangli student commits suicide in Delhi)

पोलिसांना शौर्यच्या शाळेतील बॅगेत एक हिंदीत लिहिलेली सुसाईड नोट सापडली. यामध्ये त्याने लिहिले होते की, ” माझे नाव शौर्य पाटील आहे. कृपया … या मोबाईल नंबरवर फोन करा. मला माफ करा, मी असे करत आहे. पण, शाळेतील शिक्षक मला असे काही बोलले आहेत की मला हे करावे लागत आहे. जर कोणाला माझ्या अवयवांची गरज असेल तर कृपया ते दान करा. माझ्या पालकांनी माझ्यासाठी बरेच काही केले आहे. मला माफ करा, मी त्यांना काहीच देऊ शकलो नाही. सॉरी दादा, सॉरी मम्मी. आता हे शेवटच्या वेळेस मी तुमचे हृदय तोडत आहे. शाळेतील शिक्षकच असे आहेत कि काय बोलू…” असा उल्लेख सुसाईड नोटमध्ये आहे. (Sangli student commits suicide in Delhi)

November 20, 2025 0 comments

पोलिस डायरी महत्त्वाच्या नोंदी

Double murder in Sangli : वाढदिवसादिवशी स्टेजवर सपासप वार करुन हत्या ; हल्लेखोरही जमावाच्या हल्ल्यात ठार

by प्रतिनिधी November 12, 2025

written by प्रतिनिधी

सांगली : प्रतिनिधी : वाढदिवसादिवशी शुभेच्छा देण्यासाठी स्टेजवर आलेल्या एका जमावाने धारधार शस्त्रांनी सपासप वार करुन खून केला. हल्लेखोरातील एकजण सापडल्याने जमावाने त्याला ठार मारले. सांगलीतील या डबल मर्डरने जिल्हा हादरुन गेला आहे. सांगली शहरातील गारपीर चौकात मंगळवारी रात्री ही घटना घडली. (Double murder in Sangli)

सांगली शहरात दलित महासंघाचे सांगली जिल्हाध्यक्ष उत्तम मोहिते यांचा वाढदिवस होता. वाढदिवसानिमित्त गारपीर चौकात त्यांच्या घराजवळ स्टेज उभारण्यात आले. मोहिते मित्र, आप्तेष्ठांच्या शुभेच्छा स्वीकारत असताना एक जमाव त्यांना शुभेच्छा देण्यासाठी स्टेजवर आला. शुभेच्छा देताना त्यांच्या हातात बुके, केक नव्हता तर धारदार हत्यारे होती. जमावाने उत्तम मोहिते यांच्यावर धारदार हत्यारांनी सपासप वार करुन खून केला. त्यांना वाचवण्यासाठी त्यांचा पुतण्या योसेफ सतीश मोहिते प्रयत्न करत असताना जमवाने त्याच्यावरही हल्ला केला. तोही जखमी झाला. (Double murder in Sangli)

हल्ला करणारे आठ ते नऊ जण होते. त्यामध्ये शाहरुख उर्फ शब्या शेख होता. हल्ला करत असताना त्याच्या पायावर वार झाला. त्यात तो गंभीर जखमी झाला. जमावाने त्याला बेदम मारहाण केली. त्यात त्याचा मृत्यू झाला. एकाच ठिकाणी डबल मर्डर झाल्याने पोलिस प्रशासन हादरुन गेले. उत्तम् मोहिते यांच्यावर हल्ला करत असताना शाहरुखच्या पायाला चाकू लागन नस कापली गेल्याने प्रचंड रक्तस्त्राव होऊन शाहरुखचा मृत्यू झाल्याचे पोलिस तपासात समोर आले आहे. (Double murder in Sangli)

पोलिसांनी आठ जणांविरोधात गुन्हा नोंदवला आहे. परिसरातील सीसीटीव्हीच्या आधारे हल्लेखोरांचा शोध घेतला जात आहे. गुन्हा का घडला याचा पोलिस तपस करत आहेत. मोहिते यांच्या खुनाच्या गुन्ह्यात पोलिसांनी गणेश मोरे, सतीश लोखंडे, शाहरुख शेख, बन्या उर्फ यश लोंढे, अजय घाडगे, जितेंद्र लोंढे, योगेश शिंदे, समीर ढोले अशी संशयितांची नावे असून ते सर्व सांगलीतील इंदिरानगर भागातील आहेत.

November 12, 2025 0 comments

पोलिस डायरी महाराष्ट्र

Four killed in fire in Vita city : लग्नघरात आग लागून चौघांचा मृत्यू

by प्रतिनिधी November 10, 2025

written by प्रतिनिधी

सांगली : सांगली जिल्ह्यातील विटा शहरात भांडी आणि फर्निचरच्या दुकानाला आग लागून चौघांचा मृत्यू झाला. दोन महिलासह एक पुरुष आणि दोन वर्षाच्या चिमुकल्याचा मृत्यू झाला. जोशी यांच्या घरी विवाह सोहळ्याची तयारी सुरू असताना ही घटना घडल्याने सर्वत्र हळहळ व्यक्त केली जात आहे.

विष्णू पांडुरंग जोशी (वय ५०), त्यांची पत्नी सुनंदा जोशी (४५), विवाहित मुलगी प्रियांका इंगळे (२८), नात सृष्टी इंगळे (२) अशी मृतांची नावे आहेत. विष्णू जोशी यांची दोन मुले मनीष (वय २५) आणि सूरज (२२) हे दोघे प्रसंगावधान राखून गॅलरीतून बाहेर पडल्याने बचावले. सोमवारी सकाळी नऊ वाजण्याच्या सुमारास ही घटना घडली. (Four killed in fire in Vita city)

विटा येथे सावरकरनगर येथे विष्णू जोशी यांचे जय हनुमान स्टील सेंटर हे भांडी आणि फर्निचरचे मोठे दुकान आहे. दुकान तळमजल्यावर असून पहिल्या मजल्यावर जोशी कुटुंब रहात होते. दुकानातून वर घरी जाण्यासाठी जीना आहे. सकाळी नऊ वाजण्याच्या सुमारास दुकानाच्या आतील बाजूस आग लागली. यावेळी दुकानाची दोन्ही शहर आतून बांद होती. जोशी कुटुंबातील सहा सदस्य हे पहिल्या मजल्यावर होते. आग झपाट्याने पसरली त्यामुळे भांड्याच्या दुकानातून जोशी कुटुंबातील सदस्यांना जिन्यावरुन बाहेर पडता आले नाही. तरीही काही तरुणांनी शेजारच्या इमारतीच्या टेरेसवरुन गॅलरीतून मनीष आणि सूरज या दोन भावांना बाहेर काढले. आगीने रौद्र रुप घेतल्याने जोशी कुटुंबातील चौघांचा मृत्यू झाला. (Four killed in fire in Vita city)

आगीचे वृत्त कळताच घटनास्थळी विटा, कडेगाव, पलूस, तासगाव आणि कुंडल येथील अग्निशमन दलाचे जवान घटनास्थळी आले. चार ते पाच तासाच्या अथक परिश्रमानंतर आग विझवण्यात आली. जोशी कुटुंबातील सदस्यांना वाचवण्यासाठी तरुणांनी मोठ्या धाडसाने प्रयत्न केले. तरुणांनी भिंतीला भगदाड पाडून इमारतीत प्रवेश करण्याचा प्रयत्न केला. पण चौघांचा होरपळून मृत्यू झाला. घटनास्थळी आमदार सुहास बाबर, माजी नगराध्यक्ष वैभव पाटील घटनास्थळी थांबून होते. खासदार विशाल पाटील आणि पोलिस अधीक्षक संदीप घुगे यांनी घटनास्थळी भेट देऊन माहिती घेतली. (Four killed in fire in Vita city)

November 10, 2025 0 comments

महत्त्वाच्या नोंदी

Kavalapur Airport : सांगली कवलापूर नागरी विमानतळ दोन वर्षात पूर्ण करणार : चंद्रकांत पाटील

by प्रतिनिधी October 15, 2025

written by प्रतिनिधी

मुंबई : प्रतिनिधी : सांगली जिल्ह्यातील मौजे कवलापूर येथे विमानतळ प्राधिकरणाशी चर्चा करून व्हिजिबिलिटी सर्व्हे करुन याठिकाणी येत्या दोन वर्षात विमानतळ पूर्ण करण्याचा संकल्प असल्याचे उच्च व तंत्र शिक्षण मंत्री तथा सांगली जिल्ह्याचे पालकमंत्री चंद्रकांत पाटील यांनी सांगितले. कार्गो व नागरी विमानतळ उभारणीसाठी महाराष्ट्र औद्योगिक विकास महामंडळाच्या ६६.३६ हेक्टर क्षेत्राव्यतिरिक्त शंभर हेक्टर क्षेत्र भूसंपादित करण्यासंदर्भात यावेळी सकारात्मक चर्चा करण्यात आली. (Kavalapur Airport)

मंत्रालय येथे सांगली जिल्ह्यातील मौजे कवलापूर येथे कार्गो व नागरी विमानतळ उभारणी संदर्भात आयोजित बैठकीत ते बोलत होते. यावेळी उद्योग मंत्री डॉ. उदय सामंत, खासदार विशाल पाटील, आमदार सुरेश खाडे, सुधीर गाडगीळ, विश्वजीत कदम, सुहास बाबर, एमआयडीसीच्या व्यवस्थापकीय संचालक स्वाती पांडे, महसूल विभागाचे सहसचिव अजित देशमुख, उद्योग विभागाचे सहसचिव डॉ. श्रीकांत पुलकुंडवार, उपसचिव (विमान चालन) हेमंत डांगे, एमआयडीसीचे उपमुख्य कार्यकारी अधिकारी संतोष भिसे, मुख्य अभियंता कालिदास भांडेकर उपस्थित होते. (Kavalapur Airport)

पालकमंत्री चंद्रकांत पाटील म्हणाले, सांगली येथील कवलापूर येथे होणाऱ्या विमानतळाच्या जागेसाठी लागणाऱ्या जमिनीचे भूसंपादन करण्यासाठी शासन सकारात्मक आहे. यासाठी विमानतळ प्राधिकरणाच्या वतीने व्हिजिबिलिटी सर्व्हे लवकरच करण्यात येईल. सध्या महाराष्ट्र औद्योगिक विकास महामंडळाचे याठिकाणी ६६.३६ हेक्टर क्षेत्र उपलब्ध आहे. या क्षेत्राव्यतिरिक्त शंभर हेक्टर क्षेत्र भूसंपादित करावे लागणार आहे. यासाठी राज्य शासन सकारात्मक असल्याचे मंत्री पाटील यांनी यावेळी सांगितले.

सांगली येथील कवलापूर येथे होणाऱ्या विमानतळासाठी लागणारी जमीन विमानतळ प्राधिकरणाशी चर्चा करून जिल्हाधिकाऱ्यांनी सर्वे करून घ्यावा असे आदेश उद्योग मंत्री डॉ.उदय सामंत यांनी दिले. (Kavalapur Airport)

October 15, 2025 0 comments

महत्त्वाच्या नोंदी

Tiranga Mandal : राज्यस्तरीय गणेशोत्सव स्पर्धेत सांगली जिल्ह्यातील तिरंगा मंडळाला प्रथम क्रमांक

by प्रतिनिधी September 24, 2025

written by प्रतिनिधी

कोल्हापूर : प्रतिनिधी : राज्य सरकारने सार्वजनिक गणेशोत्सव स्पर्धा-२०२५ मधील विजेत्या मंडळांची घोषणा केली आहे. राज्यस्तरीय, जिल्हास्तरीय व तालुकास्तरीय अशा एकूण १३९ सार्वजनिक गणेशोत्सव मंडळांची निवड गठीत समित्यांनी केली आहे. सार्वजनिक गणेशोत्सव मंडळांच्या पारितोषिक वितरणाचा कार्यक्रम गुरुवारी २५ सप्टेंबर रोजी सकाळी ११ वाजता रवींद्र नाट्य मंदिर, प्रभादेवी, मुंबई येथे होणार आहे. (Tiranga Mandal)

महाराष्ट्र राज्य उत्कृष्ट सार्वजनिक गणेशोत्सव मंडळ स्पर्धा २०२५ अंतर्गत प्रथम क्रमांक सांगली जिल्ह्यातील खानापूर तालुक्यातील विटा येथील तिरंगा गणेशोत्सव मंडळाने प्रथम क्रमांक पटकावला. व्दितीय क्रमांक लातूर जिल्ह्यातील वसुंधरा वृक्षरुपी गणेशोत्सव, राजीव गांधी चौक, लातूर व तृतीय क्रमांक अहिल्यानगर मधील सुवर्णयुग तरुण मंडळ, पाथर्डी, ता. पाथर्डी यांचा क्रमांक आला आहे. (Tiranga Mandal)

जिल्हास्तरीय निकालामध्ये कोल्हापूर जिल्ह्यातील प्रथम क्रमांक शाहूवाडी तालुक्यातील डोणोली येथील श्री. गणेश तरुण मंडळ, झेंडा चौक या मंडळाने मिळवला. द्वितीय क्रमांक श्री गणेश तरुण मंडळ, ढेंगेवाडी, राधानगरी व तृतीय आदर्श तरुण मंडळ, कागल तर तालुकास्तरीय निकालामध्ये करवीर मधील शाहूपुरी युवक मंडळ, गडहिंग्लजमधील फ्रेंड्स ग्रुप गणेश उत्सव मंडळ, मुत्नाळ व हातकणंगले तालुक्यातील श्री छत्रपती व्यायाम मंडळ, इचलकरंजी या मंडळांचा समावेश आहे. (Tiranga Mandal)

या स्पर्धेत राज्यस्तरीय प्रथम विजेत्या मंडळास ७ लाख ५० हजार रुपये, द्वितीय विजेत्यास ५ लाख रुपये तर तृतीय विजेत्यास २ लाख ५० हजार रुपये रोख पारितोषिक व प्रमाणपत्र देऊन गौरविण्यात येणार आहे. जिल्हास्तरीय विजेत्यांना अनुक्रमे ५० हजार, ४० हजार व ३० हजार रुपये, तर तालुकास्तरीय विजेत्या प्रत्येक मंडळास २५ हजार रुपये इतकी रक्कम व प्रमाणपत्र देण्यात येईल. (Tiranga Mandal)

September 24, 2025 0 comments

दक्षिण महाराष्ट्र महत्त्वाच्या नोंदी महाराष्ट्र

Toll on Pune Kolhapur roads : टोल बंद करा; कोल्हापूर खंडपीठाच्या जिल्हाधिकाऱ्यांना नोटिसा

by प्रतिनिधी September 11, 2025

written by प्रतिनिधी

कोल्हापूर : प्रतिनिधी : सर्वोच्च न्यायालयाने दिलेल्या निकालाप्रमाणे जे रस्ते निकृष्ठ व खराब झाले असतील त्या रस्त्यावर टोल आकारणी करता येणार नसल्याने कोल्हापूर ते पुणे रस्त्याची दुरावस्था झाल्याने टोल आकारणी तातडीने बंद करावी अशी याचिका कोल्हापूर खंडपीठात माजी खासदार राजू शेट्टी यांनी दाखल केली. कोल्हापूर खंडपीठाने याबाबत मुख्य सचिव महाराष्ट्र राज्य , रस्ते विकास प्राधिकरणाचे सचिवासह कोल्हापूर , सांगली , सातारा व पुणे जिल्हाधिकारी यांना पुढील सुनावणीस हजर राहण्याबाबत नोटिसा लागू करण्यात आल्या आहेत. (Toll on Pune Kolhapur roads)

दोन आठवड्यापुर्वी केरळ राज्यातील राष्ट्रीय महामार्गाच्या खराब रस्त्यांच्या दाखल झालेल्या याचिकेवर सर्वोच्च न्यायालयाच्या सरन्यायाधीश भुषण गवई यांच्या त्रिसदस्यीय समितीने राष्ट्रीय महामार्ग प्राधिकरणाची याचिका फेटाळून फटकारले होते. या पार्श्वभुमीवर राजू शेट्टी यांनी कोल्हापूर ते पुणे हा रस्ता अत्यंत निकृष्ठ झालेला असून जोपर्यंत रस्त्याची कामे पुर्ण होत नाहीत तोपर्यंत टोल आकारणी न करण्याची मागणी खंडपीठात केली आहे. (Toll on Pune Kolhapur roads)

याचिकेमध्ये राजू शेट्टी यांनी राज्याचे मुख्यमंत्री , मुख्य सचिव , रस्ते विकास प्राधिकरणाचे सचिव त्याबरोबरच कोल्हापूर , सांगली , सातारा व पुणे जिल्हाधिकारी यांना प्रतिवादी केले आहे.कोल्हापूर ते पुणे या २४० किलोमीटरच्या महामार्गावर प्रवास करण्यासाठी ज्याठिकाणी तीन तासात पोहचणे अपेक्षित असताना सध्या सात तास लागत आहेत. रस्त्यावर खड्डे पडल्याने वाहनांचे नुकसान मोठ्या प्रमाणात होवू लागले आहे. पावसाळ्यात प्रवास करताना अनेक मोठे अपघात झाले असून वाहतूकदारांना प्रचंड मनस्ताप होवू लागला आहे.

कोल्हापूर खंडपीठाकडून मंगळवारी झालेल्या सुनावणी दरम्यान न्यायमुर्ती शर्मिला देशमुख व न्यायमुर्ती एम. एस. कर्णिक या खंडपीठाकडून प्राधिकरणासह वरील सर्व विभागांना पुढील सुनावणीस हजर राहण्याबाबत नोटीसा लागू करण्यात आल्या आहेत. सध्या कोल्हापूर ते पुणे या महामार्गावर दैनंदिन दीड ते दोन कोटी रूपयांची टोल वसुली केली जात आहे मात्र वाहतूकदारांना सुविधा कोणत्याच दिल्या जात नाहीत. सदर याचिकेच्या निर्णयामुळे कोल्हापूर , सांगली , सातारा व पुणे या जिल्ह्यातील प्रवाशांना व वाहतूकदारांना दिलासा मिळणार असून या मार्गावर प्रवास करणा-यांच्या नजरा आता या याचिकेच्या निकालाकडे लागल्या आहेत. (Toll on Pune Kolhapur roads)

September 11, 2025 0 comments

आंदोलन महत्त्वाच्या नोंदी राजकारण शेती

Almatti Dam : …. तर,अलमट्टीवर धडक मारणार

by प्रतिनिधी May 18, 2025

written by प्रतिनिधी

कोल्हापूर : प्रतिनिधी : कर्नाटकातील अलमट्टी धरणाच्या उंची वाढवण्याच्या निर्णयाच्या विरोधात आज रविवारी कोल्हापूर सांगली रस्त्यांवर अंकली टोल नाक्यावर तीन तासाहून अधिक काळ शेतकऱ्यांसह, नागरिक, सर्वपक्षीय नेत्यांनी चक्काजाम केला. महाराष्ट्र सरकारने योग्य भूमिका न घेतल्यास थेट अलमट्टीवर धडक मारु, असा इशारा काँग्रेसचे विधान परिषदेतील गटनेते आमदार सतेज पाटील यांनी दिला. (Almatti Dam)

सर्वपक्षीय विरोधी संघर्ष समितीने आज अंकली टोल नाक्यावर चक्काजाम आंदोलन केले. आंदोलनात सांगलीचे खासदार विशाल पाटील, शिवसेना शिंदे गटाचे खासदार धैर्यशील माने, आमदार सतेज पाटील, आमदार विश्वजीत कदम, जयंत आसगांवकर, अरुण लाड, राजेंद्र पाटील यड्रावकर, माजी आमदार प्रकाश आवाडे, उल्हास पाटील, राजूबाबा आवळे, गणपतराव पाटील, रजनी मगदूम, सावकार मादनाईक यांच्यासह सर्वपक्षीय लोकप्रतिनिधींसह विविध संघटनांचे कार्यकर्ते उपस्थित होते. पुराचा फटका बसणाऱ्या कोल्हापूर, सांगली आणि सातारा जिल्ह्यातील पूरबाधित शेतकरी मोठ्या संख्येने उपस्थित होते. (Almatti Dam)

कर्नाटक सरकार अलमट्टी धरणाची उंची वाढवण्यावर ठाम असून केंद्रीय जलमंत्र्यांनी कर्नाटकच्या शिष्टमंडळाला बैठकीला बोलावले आहे. धरणाची उंची वाढवण्याबाबत महाराष्ट्र सरकारने कोणतीच भूमिका घेतलेली नाही. फक्त तोंडी विरोध केला जात आहे. धरणाच्या उंचीला विरोध आहे यासाठी सर्वपक्षीय संघर्ष समितीच्यावतीने अंकली टोल नाक्यावर चक्काजाम आंदोलन करण्यात आले. तसेच कर्नाटक सरकारच्या निर्णयाच्या विरोधात लढण्याचा निर्धार करण्यात आला. चक्काजाममुळे दोन्ही बाजूस वाहनांच्या रांगा लागल्या होत्या. त्यामुळे वाहतूक विस्कळीत झाली. (Almatti Dam)

सर्वपक्षीय लोकप्रतिनिधींनी रस्त्यांवर ठिय्या मांडून सरकारच्या विरोधात घोषणा दिल्या. राज्य सरकारकडून जोपर्यंत बैठकीसाठी लेखी पत्र मिळत नाही तोपर्यंत आंदोलन सुरूच राहणार अशी भूमिका घेतली. त्यामुळे प्रशासनाची चांगलीच धावपळ उडाली. जलसंपदा विभागाकडून लेखी पत्र आल्यानंतर आंदोलन मागे घेण्यात आले.

यावेळी बोलताना सतेज पाटील म्हणाले, कर्नाटक सरकार अलमट्टी धरणाची उंची वाढवण्यासाठी केंद्रापर्यंत जाऊन आपली बाजू मांडत आहे. तर दुसरीकडे महाराष्ट्र शासन धरणाबाबत कोणतीच भूमिका स्पष्ट केलेली नाही. राज्य सरकारने आपली भूमिका स्पष्ट केली पाहिजे. आमदार विश्वजीत कदम यांनी केंद्राकडे पाठवण्यात आलेला वडनेरे समितीचा अहवाल चुकीचा असून त्याविरोधात सरकारने आवाज उठवावा. अन्यथा याच अहवालाच्या आधारे कर्नाटक सरकार अलमट्टी धरणाची उंची वाढवेल, अशी भिती व्यक्त केली. यावेळी खासदार धैर्यशील माने, आमदार राजेंद्र पाटील यड्रावकर, यांनी धरणाची उंची कमी न केल्यास आंदोलनाचा इशारा दिला आहे. (Almatti Dam)

बुधवारी २१ मे रोजी बैठक, पालकमंत्री प्रकाश आबिटकर यांची माहिती

अलमट्टी धरणाची उंची वाढविण्यास महाराष्ट्र शासनाचा तीव्र विरोध असून याबाबत २१ मे रोजी राज्याचे जलसंपदा मंत्री राधाकृष्ण विखे-पाटील यांचे सोबत मंत्रालय स्तरावर दुपारी तीन वाजता बैठक होणार असल्याचे पालकमंत्री प्रकाश आबिटकर यांनी प्रसिद्धीपत्रकाद्वारे सांगितले.

राज्य शासन अलमट्टी धरणाच्या उंची वाढवण्याच्या विरोधात ठामपणे असून प्रसंगी न्यायालयीन लढाई देखील लढण्यासाठी सज्ज आहे. पूरबाधित असलेल्या जनतेच्या भावना व येथील स्थानिक लोकप्रतिनिधींचा यासाठी सातत्याने सुरू असलेला पाठपुरावा या अनुषंगानेच बैठकीचे आयोजन करण्यात आले आहे. या प्रश्नी मुख्यमंत्री देवेंद्र फडणवीस व उपमुख्यमंत्री एकनाथ शिंदे तसेच उपमुख्यमंत्री अजित पवार हे देखील संवेदनशील आहेत. जलसंपदा मंत्री यांचे अध्यक्षतेखाली होणाऱ्या बैठकीमध्ये राज्य शासनाच्या वतीने करावयाच्या सर्व उपाययोजनांवर चर्चा करण्यात येणार आहे.

May 18, 2025 0 comments

Newer Posts

Older Posts