Tag:

महाराष्ट्र दिनमान

Congress announces its list for Kolhapur and Solapur

राज्यात कोल्हापूर, सोलापूरची उमेदवारी यादी जाहीर करुन काँग्रेसची बाजी

by प्रतिनिधी December 27, 2025

written by प्रतिनिधी

कोल्हापूर : प्रतिनिधी : राज्यात महानगरपालिका निवडणूकीसाठी उमेदवारी अर्ज भरण्याची तारीख जवळ येत असताना सर्वच राजकीय पक्षाच्या आघाड्या, युतीचा घोळात घोळ सुरू असताना काँग्रेस पक्षाने कोल्हापूर आणि सोलापूरच्या उमेदवारांची यादी जाहीर करुन बाजी मारली आहे. कोल्हापुर महानगरपालिकेसाठी काँग्रेसने तब्बल ४८ उमेदवारांची तर सोलापूरमध्ये २० उमेदवारांची यादी जाहीर केली आहे. (Congress announces its list for Kolhapur and Solapur)

विधान परिषदेतील काँग्रेसचे गटनेते आमदार सतेज पाटील, खासदार शाहू छत्रपती, माजी आमदार मालोजीराजे यांच्या नेतृत्वाखाली उमेदवारांची यादीला प्रदेश काँग्रेस कमिटीने हिरवा कंदील दाखवला. ४८ उमेदवारांमध्ये २९ नवीन चेहरे आहेत. १६ माजी नगरसेवकांवर विश्वास दाखवला आहे. महायुतीतील शिवसेना वगळून ही उमेदवारांची यादी जाहीर केली आहे. माजी नगरसेवकांच्या तीन कुटुंबातील घरातील दोघांना उमेदवारी जाहीर केली आहे. माजी नगरसेविका इंद्रजीत बोंद्रे आणि त्यांची पत्नी मयूरी बोंद्रे, माजी नगरसेवक राहूल माने आणि त्यांची पत्नी ऋग्वेदा माने, माजी उपमहापौर भूपाल शेटे आणि त्यांची मुलगी पूजा शेटे यांना वेगवेगळ्या प्रभागात उमेदवारी दिली आहे. तसेच विधानसभा निवडणुकीत पराभूत झालेल्या माजी नगरसेवक राजेश लाटकर यांनाही उमेदवारी दिली आहे. माजी उपमहापौर प्रकाश पाटील, अर्जुन माने, माजी नगरसेवक संजय मोहिते, प्रताप जाधव, मधुकर रामाणे, ईश्वर परमार, विनायक फाळके, प्रविण केसरकर, दीपा मगदूम, जयश्री चव्हाण, उमा बनछोडे, जयश्री चव्हाण, मनसे जिल्हा प्रमुख राजू दिंडोर्ले यांनाही उमेदवारी घोषित करण्यात आली आहे. (Congress announces its list for Kolhapur and Solapur)

सोलापूर महानगरपालिकेसाठी २० उमेदवारांची पहिली यादी प्रदेश कार्यालयातून शनिवारी जाहीर करण्यात आली. त्यामध्ये ६ अल्पसंख्याक समाजातील उमेदवारांचा समावेश आहे. महानगरपालिका निवडणुकीसाठी दोन दिवसापूर्वी राज्य निवड मंडळाच्या बैठकीत उमेदवार निश्चित करण्यात आले होते

अधिकृत उमेदवाराचे नाव : प्रभाग क्र९: अ:दत्तु नागया बंदपट्टे, प्रभाग क्र.११ ड) धीडष्णा गोविंदपा तोरगणी. प्रभाग क्र.१४: ब) शोएब अनिसुर रहमान महागामी, ड) बागवान खलिफा नसीम अहमद बशीर अहमद . प्रभाग १५) ब) सबा परवीन आरिफ शेख, क) चेतन पंडित नरोटे, ड) मनिष नितीन व्यवहारे प्रभाग क्र.१६: ब) फिरदौस मौलाली पटेल, क) सी सीमा मनोज बलगुलवार,

मुंबई महापालिकेसाठी समाजवादी पक्षाची पहिली उमेदवार यादी शुक्रवारी जाहीर करण्यात आली. पक्षाचे महाराष्ट्र प्रदेशाध्यक्ष अबू आसिम आजमी यांनी ही यादी जाहीर केली आहे. समाजवादी पक्ष मुंबईत स्वबळावर लढणार असून सर्व जागांवर उमेदवार उभे करणार असल्याचे पक्षाचे महासचिव मेराज सिद्दिकी म्हणाले. (Congress announces its list for Kolhapur and Solapur)

December 27, 2025 0 comments

Parshuram Economic Development Corporation

परशुराम महामंडळ ब्राह्मण समाजाचा विकास की सरकारी फसवणूक?

by प्रतिनिधी December 26, 2025

written by प्रतिनिधी

कोल्हापूर : प्रतिनिधी: परशुराम आर्थिक विकास महामंडळ ही संकल्पना ही ब्राम्हण समाजातील आर्थ‍िक दुर्बल घटकांना प्रोत्साहन देऊन त्यांच्या आर्थ‍िक स्तर उंचाव‍िण्याच्या उद्देशाने मांडण्यात आली. परंतू महामंडळ स्थापनची अंमलबजावणी अपुरी, असमान आणि समाजाच्या वास्तवाशी विसंगत आहे, असा आरोप राष्ट्रवादी शरदचंद्र काँग्रेस पक्षाचे प्रवक्ते मकरंद कुलकर्णी यांनी एका पत्रकाद्वारे केली आहे. हे महामंडळ ब्राह्मण समाजाचा विकास की सरकारी फसवणूक असा सवालही त्यांनी केला आहे.

महाराष्ट्र शासनाने ब्राह्मण समाजाच्या आर्थिक उन्नतीसाठी परशुराम आर्थिक विकास महामंडळ स्थापन केल्याची १४ डिसेंबर २०२३ ला मोठी घोषणा केली. त्यासाठी ५० कोटी रुपयांची तरतूद केली. .ब्राह्मण समाजातील शिष्टमंडळाशी ४ सप्टेंबर २०२४ रोजी सह्याद्री अतिथीगृह येथे बैठक घेण्यात आली. आणि प्रशासनाला महामंडळ स्थापन करण्याचे निर्देश देण्यात आले. त्यानंतर परशुराम आर्थिक विकास महामंडळ स्थापनेचा निर्णय घेण्यात आला. (Parshuram Economic Development Corporation)

१४ ऑक्टोबर २०२४ रोजी परशुराम आर्थ‍िक महामंडळ स्थापना झालेली नसताना व‍िधानसभा न‍िवडणुका डोळ्यासमोर ठेऊन महामंडळाच्या अध्यक्ष यांची निवड जाहीर करण्यात आली. महामंडळ औपचारिकरित्या स्थापना करून कार्यान्वित होण्यापूर्वीच कार्यालयावर खर्च करण्यात आला. कार्यालयाचे उद्घाटन १ मे २०२५ रोजी करण्यात आले. परंतू कार्यालय स्थापन करण्यासाठी येणाऱ्या खर्चास उदघाटन झाल्यानंतर म्हणजेच ६ मे २०२५ रोजी मान्यता देण्यात आली आणि २३ जुलै २०२५ रोजी महामंडळाच्या कार्यालयाच्या दुरुस्ती व नुतनीकरणाच्या कामास प्रशासकीय मान्यता देण्यात आली. मात्र, महामंडळाची औपचारिक स्थापना पूर्ण होण्याआधीच कार्यालयासाठी खर्च करण्यात आला, कार्यालयाचे उद्घाटन करण्यात आले, परशुराम आर्थिक विकास महामंडळाची स्थापना ३ ऑक्टोबर २०२५ रोजी झाली. (Parshuram Economic Development Corporation)

“आधी खर्च – नंतर संस्था” हा प्रकार कायद्याच्या चौकटीत बसतो का? हा प्रश्न आजही अनुत्तरित आहे. ही बाब महाराष्ट्र वित्तीय नियम, सार्वजनिक निधी खर्चाचे तत्त्व आणि प्रशासकीय शिस्त यांना धरून नाही. ब्राह्मण समाज महाराष्ट्राच्या एकूण लोकसंख्येपैकी साधारणपणे एक कोटी लोकसंख्या आहे त्यामध्ये ग्रामीण-शहरी, अल्प उत्पन्न, बेरोजगार, पुरोहित, शिक्षक, संस्कृत पंडित असे आहेत. ५० कोटींचा निधी आणि प्रत्यक्ष लाभार्थी संख्या केवळ सुमारे ५० लोकांपुरती मर्यादित ठेवणे ५० लाभार्थी देणे म्हणजे समाजाची चेष्टाच केलेली आहे. हे सामाजिक न्यायाच्या संकल्पनेशी सुसंगत ठरत नाही. (Parshuram Economic Development Corporation)

२०२३-२४ च्या अर्थसंकल्पात या महामंडळा साठी १० कोटींची तरतूद करण्यात आली. २०२४-२५ मध्येही निधीची घोषणा झाली. प्रत्यक्षात एक कोटी सुद्धा निधी दिला गेला नाही. या योजनेअंतर्गत लाभार्थ्यांना बँकाकडून घेतलेल्या रक्कम १५ लाखापर्यंतच्या कर्जाचे व व्याजाचे हप्ते वेळेवर भरल्यास लाभार्थ्यांने बँकेकडे भरलेल्या व्याजाची रक्क्म महामंडळाकडून दरमहा लाभार्थ्यांच्या खात्यात जमा केली जाईल. व्याज परताव्याची कमाल रक्कम साडेचार लाख राहील. म्हणजेच ५० लाभार्थ्यांना प्रत्येकी दीड लाख याप्रमाणे एकुण रक्कम ७५ लाख ते एक कोटीच्या दरम्यानच होते. म्हणजेच या योजनेद्वारे म‍िळणाऱ्या लाभावरुन असे द‍िसून येते की, शासन मोठमोठ्या घोषणा करुन समाजामध्ये व जनतेमध्ये भुलभुलेय्या निर्माण करत आहे.

पौराह‍ित्य करणाऱ्या लोकांनसाठी योजनेमध्ये उल्लेख द‍िसून येत नाही. वयाची अट १८ ते ४५ अशी वयाची अट ठेवली आहे. परंतू समाजातील पौराह‍ित्य करणाऱ्या आण‍ि अल्प उत्पन्न असणारा वर्ग हा फार मोठा असून ती वय मर्यादा वाढवून ६० पर्यंत करणे आवश्यक आहे. शेती, घर किंवा तारण नसलेले कुटुंब योजने बाहेरच फेकले जात आहेत. समाजातील लोकांच्याकडे तारण देण्यासाठी शेती अगर घर नाहीत त्यामुळे तारणाची अट श‍िथील करुन कुटुंबातील उत्पन्न म‍िळवणाऱ्या व्यक्तीला सहकर्जदार करुन घेऊन या योजनेचा लाभ द्यावा.

December 26, 2025 0 comments

महाराष्ट्र राजकारण

सोलापुरात भाजपच्या दोन आमदारांची खदखद; निष्ठावंत पॅटर्नची तयारी

by प्रतिनिधी December 26, 2025

written by प्रतिनिधी

सोलापूर : सोलापूर महानगरपालिकेच्या निवडणुकीच्या पार्श्वभूमीर भाजपमध्ये अन्य पक्षातील नेत्यांच्या इनकमिंगमुळे भाजपच्या दोन आमदारांनी खदखद व्यक्त केली आहे. दोन्ही आमदारांकडून निष्ठावंत पॅटर्न सुरू केल्याचे पहायला मिळत आहे.

महापालिका निवडणुकीच्या पार्श्वभूमीवर सोलापुरात मोठ्या प्रमाणात भाजपामध्ये प्रवेश झाले आहेत. याच पार्श्वभूमीवर सोलापुरातील भाजपा आमदार सुभाष देशमुख आणि आमदार विजयकुमार देशमुख ‘निष्ठावंत पॅटर्न’ सुरू केल्याचे पाहायला मिळत आहे. माध्यमांशी संवाद साधताना सुभाष देशमुख म्हणाले की, पंधरा दिवसांपूर्वी पक्षात आलेले लोक आमच्या उमेदवारांच्या मुलाखती घेत आहेत. तसेच या निवडणुकीत उमेदवार किती खर्च करणार किंवा त्यांची किती क्षमता आहे, याबाबत मुलाखतीतून प्रश्न विचारणा होत आहे. मात्र भाजपामध्ये अशा पद्धतीने किती खर्च करणार हे विचारण्याची पद्धत नव्हती आणि नाही, अशी माहिती देशमुख यांनी दिली. (The loyalist pattern in Solapur)

विजयकुमार देशमुख म्हणाले की, आमच्या निष्ठावंत कार्यकर्त्यांवर अन्याय झाल्यास ते कुठल्याही पक्षातून उभे राहू दे, आम्ही कार्यकर्त्यांच्या पाठीशी उभं राहू आणि ते ज्या पक्षात जातील त्यांचा प्रचार आम्ही करणार आहोत, अशी भूमिका मांडली. आमदार सुभाष देशमुख यांनी देखील हीच भूमिका मांडली आहे. तसेच निवडणूक समितीत कोण-कोण आहेत? याबाबत मला माहिती नाही. त्यामुळे जागांच्या वाटघाटी हे केवळ पालकमंत्री जयकुमार गोरे करत आहेत. कोणाशी चर्चा करायच्या हे माहिती नसल्याने मी कुठेही चर्चेला गेलो नाही, असे मत विजयकुमार देशमुख यांनी मांडले. मात्र दोन्ही नेत्यांनी निष्ठावंत कार्यकर्ते ज्या पक्षात जातील, त्यांचा प्रचार आम्ही करू, असे त्यांनी स्पष्ट केले. (The loyalist pattern in Solapur)

December 26, 2025 0 comments

Sharad Pawar group with the Thackeray brothers

महाराष्ट्र मुंबई राजकारण

मुंबईत शरद पवार गट ठाकरे बंधूसोबत?

by प्रतिनिधी December 26, 2025

written by प्रतिनिधी

मुंबई : प्रतिनिधी : बृहन्मुंबई महापालिकेच्या निवडणुक ठाकरे बंधूंनी एकत्र आल्याने काँग्रेसने स्वबळाचा नारा दिला आहे. तर शरद पवार यांच्या राष्ट्रवादी काँग्रेसची भूमिका अद्याप अनिश्चित असताना त्यांच्या प्रमुख नेत्यांनी शुक्रवारी थेट मातोश्री गाठत उद्धव ठाकरे यांच्याशी चर्चा केली. मुंबईत त्यांनी २५ जागांची मागणी केली असल्याची माहिती सूत्रांकडून सांगण्यात आले.राष्ट्रवादी शरद पवार गटाचे नेते जयंत पाटील, मुंबईच्या अध्यक्षा राखी जाधव यांनी ठाकरेंची भेट घेऊन सविस्तर चर्चा केली.

महापालिका निवडणुकीसाठी जिथे जिथे भाजप आणि शिवसेना शिंदे गटासोबत युती होणार नाही, तिथे -तिथे राष्ट्रवादी अजित पवार गट राष्ट्रवादी शरद पवार गटासोबत युती करण्याच्या तयारीत आहे, याच पार्श्वभूमीवर दोन्ही राष्ट्रवादीच्या विलनिकरणाची देखील चर्चा सुरू झाली आहे. दरम्यान आगामी महापालिका निवडणुकीसाठी दोन्ही राष्ट्रवादीत जागा वाटपासंदर्भात बैठकांचं सत्र सुरू असून गुरुवारी रोहित पवार, अमोल कोल्हे आणि अजित पवार यांची बैठक झाली, तर आज अंकुश काकडे आणि बापूसाहेब पठारे यांनी देखील उपमुख्यमंत्री अजित पवार यांची भेट घेतली आहे. जागा वाटपासंदर्भात चर्चा सुरू आहे. (Sharad Pawar group with the Thackeray brothers)

जयंत पाटील हे शिवसेना ठाकरे गटाचे प्रमुख उद्धव ठाकरे यांची भेट घेण्यासाठी थेट मातोश्रीवर जाऊन जवळपास दोन तास चर्चा झाली. राष्ट्रवादी शरद पवार गटाकडून उद्धव ठाकरे यांना मुंबई महापालिकेसाठी २५ जागांचा प्रस्ताव दिल्याची माहिती समोर आहे.

दरम्यान या भेटीनंतर जयंत पाटील यांनी प्रसारमाध्यमांशी संवाद साधला आहे. आमची चर्चा सुरू आहे, मी शिवसेना ठाकरे गटासोबत युतीच्या चर्चेसाठीच आलो होतो. आमची चर्चा झाली मात्र आम्ही अजून निष्कर्षापर्यंत पोहोचलो नाहीत. आम्ही महाविकास आघाडीमधील घटक आहोत, म्हणून मुंबईमध्ये शिवसेनेसोबत आघाडी व्हावी असा आमचा प्रयत्न आहे. खरं म्हणजे मुंबई महापालिकेची निवडणूक काँग्रेस, शिवसेना ठाकरे गट आणि राष्ट्रवादी शरद पवार गट महाविकास आघाडी म्हणून लढवावी, असे आम्हाला वाटत होते. परंतु आमची तेवढी ताकद मुंबईमध्ये नाहीये, मुंबईमध्ये काँग्रेस आणि शिवसेना ठाकरे गट हे दोन मोठे पक्ष आहेत. त्यामुळे आमची जागा वाटपासंदर्भात शिवसेना ठाकरे गटासोबत चर्चा सुरू आहे. चर्चा सकारात्मक झाली असल्याचे त्यांनी सांगितले. (Sharad Pawar group with the Thackeray brothers)

December 26, 2025 0 comments

देश-विदेश महत्त्वाच्या नोंदी

सांताक्लाज रुपातील गणपती: हिंदूत्ववादी, मनसेकडून टीका

by प्रतिनिधी December 26, 2025

written by प्रतिनिधी

मुंबई : प्रतिनिधी : नाताळ सणाच्या पार्श्वभूमीवर केंद्र सरकारच्या सांस्कृतिक मंत्रालयाने देशातील एका प्रसिद्ध दैनिकाला पहिल्या पानासाठी दिलेल्या जाहिरातीवरून वाद निर्माण झाला आहे. सांस्कृतिक मंत्रालयाने गणपती बाप्पांना सांताक्लॉजच्या रुपात दाखवलं आहे. गणपती बाप्पांना सांताक्लॉजचे कपडे आणि टोपी घातली आहे. त्यामुळे सांस्कृतिक मंत्रालयाच्या जाहिरातील हिंदू संघटनांकडून कडाडून विरोध होत असून विरोधकही भाजपावर टीका करताना दिसत आहेत. (Ganpati in the form of Santa Claus)

महाराष्ट्र नवनिर्माण सेनेचे शहर उपाध्यक्ष यशवंत किल्लेदार यांनी ‘एक्स’ या सोशल मीडिया प्लॅटफॉर्मवर केंद्र सरकारच्या सांस्कृतिक विभागाने दिलेली जाहिरात पोस्ट केली आहे. यशवंत किल्लेदार यांनी म्हटले की, गणपती बाप्पाला सांताक्लॉजच्या वेशात दाखवून केंद्र सरकारच्या सांस्कृतिक विभागाने दिलेली ही जाहिरात पाहून तीव्र संताप होत आहे. काल दिवसभर भाजपाचे लोक विविध ठिकाणी ख्रिसमस साजरा करणाऱ्या लोकांना मारहाण करत होते. तर दुसरीकडे पंतप्रधान नरेंद्र मोदी स्वतः चर्चमध्ये जाऊन ख्रिसमस साजरा करत होते, अशी टीका त्यांनी केली. (Ganpati in the form of Santa Claus)

December 26, 2025 0 comments

Arnav Maharshi receives the National Children's Award

देश-विदेश महत्त्वाच्या नोंदी

अर्णव महर्षीला राष्ट्रीय बाल पुरस्कार.

by प्रतिनिधी December 26, 2025

written by प्रतिनिधी

नवी दिल्ली : वीर बालदिनाचे औचित्य साधून राष्ट्रपती द्रौपदी मुर्मू यांच्या हस्ते २० मुलांना प्रधानमंत्री राष्ट्रीय बाल पुरस्काराने सन्मानित करण्यात आले. विज्ञान आणि तंत्रज्ञान क्षेत्रातील कामगिरीसाठी महाराष्ट्राच्या छत्रपती संभाजीनगर येथील अर्णव महर्षीला गौरविण्यात आले. महिला व बाल विकास मंत्रालयाच्या वतीने राष्ट्रपती भवनातील सांस्कृतिक केंद्रात समारंभ आयोजित केला होता.

राष्ट्रपती द्रौपदी मुर्मू यांनी सात क्षेत्रातील उल्लेखनीय कामगिरीसाठी देशभरातील १८ राज्ये व केंद्रशासित प्रदेशांमधील २० बालकांना ‘प्रधानमंत्री राष्ट्रीय बाल पुरस्कार २०२५’ प्रदान केले. शौर्य, विज्ञान-तंत्रज्ञान, कला-संस्कृती, समाजसेवा, क्रीडा आणि पर्यावरण अशा क्षेत्रांतील या बालकांना गौरविण्यात आले. यापैकी दोघांना मरणोत्तर हा पुरस्कार प्रदान करण्यात आला. या पुरस्कारार्थीमध्ये मध्ये नऊ मुले आणि ११ मुलींचा समावेश आहे. यावेळी केंद्रीय महिला व बाल विकास मंत्री अन्नपूर्णा देवी, राज्यमंत्री सावित्री ठाकूर आणि सचिव अनिल मलिक उपस्थित होते. (Arnav Maharshi receives the National Children’s Award)

महाराष्ट्राच्या अर्णव महर्षीचा पुरस्काराने गौरव… महाराष्ट्रातील छत्रपती संभाजीनगर येथील १७ वर्षीय अर्णव महर्षी याला विज्ञान व तंत्रज्ञान क्षेत्रातील उत्कृष्ट योगदानासाठी प्रधानमंत्री राष्ट्रीय बाल पुरस्कार’ प्रदान करण्यात आला. अर्णव महर्षीने लकवाग्रस्त रुग्णांच्या हातांसाठी एआय-आधारित पुनर्वास उपकरण आणि अॅक्टिव्ह हँड रिस्ट बँडचा शोध लावला आहे. अर्णव महर्षी यांनी स्मार्टफोन किंवा लॅपटॉपच्या मदतीने हे नवोन्मेषी उपकरण विकसित केले आहे. या पुरस्काराचे स्वरूप पदक, सन्मानचिन्ह आणि प्रमाणपत्र असे आहे. (Arnav Maharshi receives the National Children’s Award)

पुरस्कृत बालक भारताच्या ‘अमृत पिढी’चे प्रतिनिधी

‘राष्ट्रपती द्रौपदी मुर्मू यांनी पुरस्कार विजेत्यांचे अभिनंदन करून, ही बालके भारताच्या अमृतपिढीचे खरे प्रतिनिधी आहेत. शारीरिक, मानसिक, आर्थिक आणि इतर आव्हानांवर मात करून शौर्य, कला-संस्कृती, पर्यावरण, नवाचार, विज्ञान, समाजसेवा व क्रीडा अशा विविध क्षेत्रांत त्यांनी उत्कृष्ट कामगिरी बजावली आहे. हा पुरस्कार युवा पिढीतील शौर्य, धैर्य आणि संवेदनशीलतेला प्रोत्साहन देणारा ठरेल, असे त्यांनी सांगितले. या मुलांच्या संकल्प आणि प्रयत्नांमुळे २०४७ पर्यंत विकसित भारताचे स्वप्न साकार होईल असा विश्वासही राष्ट्रपती मुर्मू यांनी यावेळी व्यक्त केला. (Arnav Maharshi receives the National Children’s Award)

पुरस्कार विजेते :-

व्योमा प्रिया – शौर्य – तमिळनाडू (मरणोत्तर)

कमलेश कुमार – शौर्य – बिहार (मरणोत्तर)

मोहम्मद सिडान पी – शौर्य – केरळ

अजय राज – शौर्य – उत्तर प्रदेश

एस्थर लालदुहोमि – कला संस्कृती – मिझोरम

सुमन सरकार – कला संस्कृती – पश्चिम बंगाल

पूजा – पर्यावरण – उत्तर प्रदेश

शवन सिंह – सामाजिक सेवा – पंजाब

वंश तायल – सामाजिक सेवा – चंदीगड

आइशी प्रिशा – विज्ञान तंत्रज्ञान – आसाम

अर्णव महर्षी – विज्ञान तंत्रज्ञान – महाराष्ट्र

शिवानी उपारा – क्रीडा – आंध्र प्रदेश

वैभव सूर्यवंशी – क्रीडा – बिहार

योगिता मंडावी – क्रीडा – छत्तीसगड

लक्ष्मी प्रगयिका – क्रीडा – गुजरात

ज्योति – क्रीडा – हरियाणा

अनुष्का कुमारी – क्रीडा – झारखंड

धिनिधि देसिंगु – क्रीडा – कर्नाटक

ज्योषणा सबर – क्रीडा – ओडिशा

विश्वनाथ कार्तिके – क्रीडा – तेलंगणा

December 26, 2025 0 comments

Councilwoman's husband murdered in Khopoli

कोकण पोलिस डायरी महत्त्वाच्या नोंदी राजकारण

शिंदे गटाच्या नवनिर्वाचित नगरसेविकेच्या पतीची निर्घृण हत्या

by प्रतिनिधी December 26, 2025

written by प्रतिनिधी

जमीर काझी : मुंबई : रायगड जिल्ह्यातील खोपोली नगरपालिकेच्या एकनाथ शिंदे यांच्या नेतृत्वाखालील शिवसेनेच्या नगरसेविका मानसी काळोखे यांच्या पतीची शुक्रवारी निर्घृण हत्या करण्यात आली. मंगेश काळोखे असे त्यांचे नाव असून सकाळी साडेसातच्या सुमारास घडलेल्या घटनेने जिल्ह्यात खळबळ उडाली आहे. राजकीय वैमन्स्यातून राष्ट्रवादीच्या गुंडानी हा हल्ला केल्याचा आरोप शिवसेनेचे नेते भरतशेठ गोगावले यांनी केला आहे.

मिळालेल्या प्राथमिक माहितीनुसार, मंगेश काळोखे हे आपल्या मुलाला शाळेत सोडून घरी परतत काळ्या रंगाच्या वाहनातून आलेल्या आरोपींनी धारदार शस्त्राने त्यांच्यावर वार केले. घाव वर्मी लागल्याने रक्तबंबाळ होऊन त्यांचा जागीच मृत्यू झाला. त्यानंतर हल्लेखोर त्याच गाडीतून पसार झाले. मिळताच, खोपोली पोलीस तत्काळ घटनास्थळी दाखल झाले. यानंतर परिसराची नाकाबंदी करण्यात आली आहे. सीसीटीव्ही फुटेजच्या आधारे हल्लेखोरांचा शोध घेण्यात येत असल्याचे च रायगडच्या पोलीस अधीक्षक आंचल दलाल यांनी सांगितले. (Councilwoman’s husband murdered in Khopoli)

मंगेश काळोखे यांच्या पत्नी मानसी मंगेश काळोखे नुकत्याच झालेल्या खोपोली नगरपरिषदेच्या निवडणुकीत विजयी झाल्या आहेत. खोपोलीसारख्या शांत, आणि जातीय सलोखा राखणाऱ्या डोंगरकुशीतील छोटेखानी शहरात हत्या झाल्यामुळे खोपोलीकरांनी तीव्र संताप व्यक्त केला आहे. या घटनेमुळे कायदा व सुव्यवस्थेवर प्रश्नचिन्ह उपस्थित झाले आहे. मंगेश काळोखे यांच्या हत्येच्या निषेधार्थ खोपोली शहर बंद ठेवण्यात आले आहेत. तसेच आरोपींना तत्काळ अटक करून त्यांच्यावर कठोर कारवाई करण्यात यावी, अशी मागणी शिवसेनेचे नवनिर्वाचित नगराध्यक्ष कुलदीपक शेंडे आणि शहरप्रमुख संदीप पाटील यांनी केली आहे. (Councilwoman’s husband murdered in Khopoli)

December 26, 2025 0 comments

Prashant Jagtap joins the Congress party

महाराष्ट्र राजकारण

प्रशांत जगताप यांचा काँग्रेसमध्ये प्रवेश ; निवडणूक लढण्याचे दिले संकेत

by प्रतिनिधी December 26, 2025

written by प्रतिनिधी

पुणे : प्रतिनिधी : पुणे राष्ट्रवादी काँग्रेस पक्ष शहराध्यक्षपदाचा राजीनामा देऊन प्रशांत जगताप यांनी आज काँग्रेस पक्षात प्रवेश केला. मुंबईत प्रदेशाध्यक्ष हर्षवर्धन सकपाळ यांनी त्यांचे स्वागत केले. कालच जगताप यांनी आपल्या पदाचा राजीनामा राष्ट्रवादी शरद पवार काँग्रेस पक्षाचे प्रदेशाध्यक्ष शिंदे यांच्याकडे राजीनामा दिला आहे. पुणे महानगरपालिका निवडणूक लढण्याची त्यांनी इच्छा व्यक्त केली असून त्यांना काँग्रेसकडून त्यांची उमेदवारी निश्चित झाल्याचे समजते.

जगतापांचा प्रवेश काँग्रेसला बळ देणारा

प्रशांत जगताप यांनी राष्ट्रवादी शहराध्यक्षपदाचा राजीनामा दिल्यानंतर उप मुख्यमंत्री एकनाथ शिंदे आणि शिवसेना पक्ष प्रमुख उद्धव ठाकरे यांनी त्यांच्याशी संपर्क साधला होता. पण त्यांनी काँग्रेस पक्षात प्रदेशाध्यक्ष सपकाळ आणि आमदार विजय वड्डेटीवार यांच्या उपस्थितीत प्रवेश केला. पुणे महापालिका निवडणुकीत दोन्ही राष्ट्रवादी एकत्र येत असल्याने जगताप यांनी पक्षाचा राजीनामा दिला होता. त्यांना दोन्ही शिवसेनेसह पक्षांचे आमंत्रण असतानाही त्यांनी काँग्रेस पक्षात प्रवेश करणे पसंद केले. वैचारिक भूमिकेतून त्यांनी घेतलेला हा निर्णय काँग्रेसला बळ देणारा असल्याचे सांगून प्रदेशाध्यक्ष सपकाळ यांनी यावेळी सांगितले.आगामी महापालिका निवडणुकीसाठी ‘काँग्रेस लढणार, महाराष्ट्र जिंकणार’, या टॅगलाईनचे व टिझरचे प्रकाशन करण्यात आले. (Prashant Jagtap joins the Congress party)

भाजपला काँग्रेस पक्षच टक्कर देईल

प्रशांत जगताप म्हणाले की, काँग्रेस पक्ष आहे १३५ वर्षांचा जुना पक्ष असून अथांग महासागर आहे कितीही वादळे आली तरी तो हिमालयासारखा खंबीरपणे उभा आहे. पुरोगामी विचाराचा मी कार्यकर्ता असून शिव शाहू फुले आंबेडकर, गांधी व नेहरु विचार पुढे घेऊन जाण्यासाठी काँग्रेस पक्षात प्रवेश केला आहे. माझी लढाई जातीवादी व भ्रष्टाचाराविरोधात आहे. आणि आज भाजपाला फक्त काँग्रेस पक्षच टक्कर देऊ शकतो. (Prashant Jagtap joins the Congress party)

नवनिर्वाचित नगराध्यक्षांचा सत्कार

नगरपालिका व नगरपंचायत निवडणुकीत काँग्रेस पक्षाने ४१ नगराध्यक्ष विजयी झाले. त्यांचा आज टिळक भवनमध्ये काँग्रेस प्रदेशाध्यक्ष हर्षवर्धन सपकाळ, विधिमंडळ पक्षनेते विजय वडेट्टीवार व प्रमुख नेत्यांच्या उपस्थितीत सत्कार करण्यात आला. नगरपालिका निवडणुकीत १००६ नगरसेवक निवडून आले तर १०० नगरपालिकांमध्ये काँग्रेस पक्ष दुसऱ्या क्रमांकावर आहे.या निवडणुकीत सत्ताधारी पक्षांनी पैशांचा वारेमाप वापर केला, पोलीसांचा वापर केला. निवडणूक आयोग त्यांच्या मदतीला होता. काँग्रेस पक्षाच्या कार्यकर्त्यांना दमबाजी करण्यात आली, मारहाण करण्यात आली, खोटे गुन्हे दाखल करण्यात आले तरीही काँग्रेसचा कार्यकर्ता न डगमगता लढला व यश मिळवले, असे प्रदेशाध्यक्ष सपकाळ यांनी सांगितले. (Prashant Jagtap joins the Congress party)

December 26, 2025 0 comments

Takala landfill site receives approval from the High Court

पर्यावरण महत्त्वाच्या नोंदी

टाकाळा सायंटिफिक लँडफिल साईटला उच्च न्यायालयाची मान्यता

by प्रतिनिधी December 26, 2025

written by प्रतिनिधी

कोल्हापूर : प्रतिनिधी : टाकाळा-राजारामपुरी येथील सायंटिफिर लँडफिलला (इनर्ट मटेरियल) उच्च न्यायालयाने मान्यता मिळाली आहे. २०१३ पासून या साईटला मान्यता मिळावी यासाठी महानगरपालिकेचे प्रयत्न सुरू होते. या प्रकल्पाविरोधात कोल्हापूर शहरातील नागरिक मदन आनंदराव पुरेकर यांनी सन २०१३ मध्ये माननीय उच्च न्यायालय, मुंबई येथे याचिका दाखल केली होती. न्यायालयाच्या आदेशाचे पालन करण्याच्या अनुषंगाने आरोग्य घनकचरा व्यवस्थापन विभागाने संबंधीत प्रकल्पाच्या ठिकाणाची आवश्यक त्या त्रुटींची पुर्तता करुन टाकाळा लँडफील इनर्ट मटेरियल साईट कार्यान्वित करण्याबाबत पुढील काही दिवसात कारवाई सुरु करणार आहे.

जानेवारी २०१३ मध्ये शहराच्या घनकचरा व्यवस्थापनाचे नियोजन करण्यात आले होते. त्याअंतर्गत कचरा प्रक्रिया प्रकल्पांच्या कार्यपद्धतीचा एक भाग म्हणून टाकाळा–राजारामपुरी येथे सायंटिफिक लँडफिल (इनर्ट मटेरियल) साईट विकसित करण्याचा निर्णय कोल्हापूर महानगरपालिकेने घेतला होता. त्यानुसार जानेवारी २०१३ मध्ये सदर प्रकल्प अहवालास मंजुरी देण्यात आली होती. सदर प्रकल्पासाठी सुरुवातीला एकूण रुपये ६१४.०० लक्ष इतका खर्च प्रस्तावित करण्यात आला होता. आजअखेर या प्रकल्पावर रुपये ५२४.०० लक्ष इतका खर्च झालेला असून प्रकल्पांतर्गत रिटेनिंग वॉल, खरमाती व मुरूम वापरून फॉर्मेशन लेव्हल, ९० सेंटीमीटर जाडीचा मातीचा थर, एचडीपी शीट, एचडीपी सच्छिद्र पाईप व फिल्टर मीडिया अंडरग्राऊंड पाईपलाईन उभारणी केली आहे. (Takala landfill site receives approval from the High Court)

या प्रकल्पाविरोधात कोल्हापूर शहरातील नागरिक मदन पुरेकर यांनी २०१३ मध्ये उच्च न्यायालयात याचिका दाखल केली होती. त्या कालावधीत शहरातील घनकचरा व्यवस्थापन प्रकल्पांची सद्यस्थिती, कचरा संकलनासाठी कंटेनर पद्धत, सिव्हेज व ड्रेनेज वॉटर प्रक्रिया प्रकल्पांचा अभाव तसेच कसबा बावडा येथील झूम कचरा प्रक्रिया प्रकल्पावर केवळ कचरा साठवला जात असल्याची परिस्थिती याचिकेत नमूद करण्यात आली होती.

दरम्यान, आज कोल्हापूर शहराची लोकसंख्या अंदाजे आठ लाख असून फ्लोटिंग लोकसंख्या सुमार एक लाख आहे. एकूण सुमारे नऊ लाख लोकसंख्येच्या दैनंदिन घनकचरा निर्मितीच्या अनुषंगाने महानगरपालिकेने सर्व प्रकारचे आधुनिक घनकचरा प्रक्रिया प्रकल्प कार्यान्वित केले आहेत. सध्या शहरात प्रतिदिन सरासरी २८० ते ३०० टन घनकचरा निर्माण होतो. यापैकी प्रतिदिन २६० ते २७० टन कचऱ्यावर प्रक्रिया केली जाते. तसेच शहरात सुमारे २८० किलोमीटर लांबीचे अंतर्गत ड्रेनेज नेटवर्क कार्यरत असून प्रतिदिन सुमारे ३०० एमएलडी सिव्हेज वॉटरवर प्रक्रिया केली जाते. (Takala landfill site receives approval from the High Court)

महानगरपालिकेच्या बायोमेडिकल वेस्ट प्रकल्प, स्लरी प्रकल्प, बायोगॅस प्रकल्प, आरडीएफ प्रकल्प आदींच्या माध्यमातून शहरातील घातक घनकचरा व बायोमेडिकल वेस्टवर शंभर टक्के प्रक्रिया करण्याचा प्रयत्न सुरू आहेत. या सर्व प्रक्रियांनंतर उरलेली खरमाती, दगड, विटा, वाळू व न कुजणारे घटक हे ‘इनर्ट मटेरियल’ म्हणून गणले जातात. हे इनर्ट मटेरियल शास्त्रोक्त पद्धतीने लँडफिल साईटवर पसरवून संबंधित भूखंडाची लेव्हल पूर्ण झाल्यानंतर त्या ठिकाणी बागबगीचा विकसित करण्यात येणार आहे. टाकाळा–राजारामपुरी येथील लँडफिल साईटचे मूळ आरक्षणही बगीचा असेच असून भविष्यात तेथे उद्यान विकसित करण्याचे नियोजन करण्यात आले आहे. (Takala landfill site receives approval from the High Court)

महानगरपालिकेच्या वतीने उच्च न्यायालयाच्या कोल्हापूर खंडपीठात महानगरपालिकेच्यावतीने विधीज्ञ सागर माने यांनी न्यायालयासमोर निवेदन केले की महाराष्ट्र प्रदूषण नियंत्रण मंडळाच्या सर्व विहित कार्यपद्धती व निर्देशांनुसार टाकाळा–राजारामपुरी येथील इनर्ट मटेरियल साईट विकसित केली जाणार असल्याचे स्पष्ट करण्यात आले होते. न्यायालयाने शहरातील सध्याची घनकचरा प्रक्रिया प्रकल्पांसाठी उपलब्ध जागा, प्रत्यक्ष कार्यरत असलेले प्रकल्प तसेच भविष्यात अंतिम प्रक्रिया न होणाऱ्या इनर्ट मटेरियलसाठी अन्यत्र जागा उपलब्ध नसल्याचा मुद्दा विचारात घेऊन टाकाळा–राजारामपुरी येथील बहुतांशी पूर्ण झालेल्या इनर्ट मटेरियल साईटला मान्यता दिली आहे. (Takala landfill site receives approval from the High Court)

December 26, 2025 0 comments

Why hasn't Minister Gogawale's son been arrested

कोकण पोलिस डायरी महाराष्ट्र मुंबई राजकारण

मंत्री गोगावलेंच्या मुलाला अटक का होत नाही? : संजय राऊत यांचे आरोप

by प्रतिनिधी December 26, 2025

written by प्रतिनिधी

मुंबई : प्रतिनिधी : उच्च न्यायालयाने मंत्री भरत गोगावले यांच्या मुलाचा अर्ज फेटाळला असताना त्याला अटक का होत नाही असा सवाल करत मंत्र्याच्या नातेवाईकांना मुख्यमंत्री देवेंद्र फडणवीसांचे गृहखाते अभय देते, अशी टीका खासदार संजय राऊत यांनी केली. (Why hasn’t Minister Gogawale’s son been arrested)

महाड नगरपालिकेच्या निवडणुकीत मंत्री भरतशेठ गोगावले यांचा मुलगा विकास गोगावले आणि राष्ट्रवादीच्या सुशांत जाबरे यांच्यात जोरदार राडा झाला. पोलिसांनी दोघांवर गुन्हा दाखल केला आहे. या प्रकरणात विकास गोगावले फरार आहे. मुंबई उच्च न्यायालयाने विकास गोगावले यांचा जामिन अर्ज फेटाळला आहे. तरीही त्याला अटक का केली नाही? मंत्र्याच्या मुलावर कारवाई का होत नाही? असा सवाल राऊत यांनी केला. मंत्र्यांच्या मुलांनी खून केले, दरोडा टाकला तरी राज्याचे मुख्यमंत्री फडणवीस आणि पोलिसांकडून अभय दिले जात असल्याचा आरोप राऊत यांनी केला. (Why hasn’t Minister Gogawale’s son been arrested)

विधानसभेत मी कोणलाही सोडणार नाही असे भाषण फडणवीस यांनी दिले होते. मंत्र्यांची मुलं, त्यांचे भाऊ, बाप कसे सुटतात. साताऱ्यातील ड्रग कारखान्याचे काय झाले हे फडणवीस यांना माहीत आहे. या प्रकरणातील संबधित मंत्री फडणवीसांसमोर गुडख्यावर बसले आहे. एकनाथ शिंदे यांच्या भावाची ती जागा आहे. तसेच एका माजी पोलिस अधिकाऱ्याचा ड्रग कारखान्यामध्ये समावेश आहे, असा आरोपही राऊत यांनी केला. (Why hasn’t Minister Gogawale’s son been arrested)

December 26, 2025 0 comments

Newer Posts

Older Posts