एर्नाकुलम : दूरचित्रवाणीवरील चर्चेदरम्यान, लोकसभेतील विरोधी पक्षनेते राहुल गांधी यांच्यावर गोळ्या झाडल्या जातील, असे कथित विधान केल्याबद्दल केरळ पोलिसांनी सोमवारी (२९ सप्टेंबर) भाजप नेते प्रिंटू महादेवन यांच्याविरुद्ध गुन्हा दाखल केला, असे अधिकाऱ्यांनी सांगितले. (Kerala BJP leader booked)
केरळ प्रदेश काँग्रेस समिती (केपीसीसी) सचिव श्रीकुमार सी.सी. यांच्या तक्रारीवरून त्रिशूरमधील पेरामंगलम पोलिसांनी हा गुन्हा दाखल केला आहे.
२६ सप्टेंबर २०२५ रोजी एका मल्याळम वृत्तवाहिनीवरील चर्चेदरम्यान बांगलादेश आणि नेपाळमधील निदर्शनांवर चर्चा करताना, माजी एबीव्हीपी नेते महादेवन यांनी हे विधान केले. (Kerala BJP leader booked)
भारतात लोक पंतप्रधान नरेंद्र मोदी यांच्या पाठीशी खंबीरपणे उभे असल्याने असे निदर्शने शक्य नाहीत असे त्यांनी म्हटले आहे आणि जर गांधी यांची अशी काही इच्छा असेल तर ‘गोळ्या त्यांच्या छातीत घुसतील,’ असे त्यांनी म्हटले आहे. (Kerala BJP leader booked)
भारतीय न्याय संहिताच्या कलम १९२ (दंगल घडवण्याच्या उद्देशाने जाणूनबुजून चिथावणी देणे), कलम ३५३ (शांतता भंग करण्याच्या उद्देशाने जाणूनबुजून अपमान करणे), आणि कलम ३५१(२) (गुन्हेगारी धमकी) अंतर्गत गुन्हा दाखल करण्यात आला आहे.
काँग्रेसची निदर्शने
महादेवन यांच्या या वक्तव्यानंतर, सोमवारी केरळमध्ये काँग्रेस कार्यकर्त्यांनी महादेवन आणि भाजपाविरुद्ध निदर्शने केली.
एआयसीसीचे सरचिटणीस के. सी. वेणुगोपाल यांनी रविवारी केंद्रीय गृहमंत्री अमित शहा यांना पत्र लिहून ही धमकी “केवळ एका सामान्य पदाधिकाऱ्याच्या निष्काळजीपणाचा उद्रेक नाही,” असे म्हटले. त्यांनी इशारा दिला की “त्वरित, निर्णायक आणि सार्वजनिकरित्या कारवाई न केल्यास तुम्ही त्याला पाठीशी घालत आहात, असे समजण्यात येईल. ”
खासदार शफी परंबिल आणि रमेश चेन्निथला यांच्यासह वरिष्ठ काँग्रेस नेत्यांनीही श्री महादेवन यांच्या वक्तव्याचा निषेध केला आणि पोलिस कारवाईची मागणी केली.