Category:

महत्त्वाच्या नोंदी

Female Police Officer Caught Red-Handed While Accepting a Bribe of ₹28 Lakhs

२८ लाखांची लाच घेताना महिला पोलिस अधिकारी जाळ्यात

by प्रतिनिधी May 2, 2026

written by प्रतिनिधी

पुणे : प्रतिनिधी : मुंबई लोहमार्ग पोलिस दलात नुकत्याच बदली होऊन आलेल्या पोलिस निरीक्षक वैशाली तोटेवार आणि एका पंटरला लाचलुचलत प्रतिबंधक विभागाने २८ लाख रुपयांची लाच घेताना जाळ्यात पकडले. पुण्यातील बंडगार्डन परिसरात ही कारवाई केली. या घटनेने पोलिस दलात खळबळ उडाली आहे. (Female Police Officer Caught Red-Handed While Accepting a Bribe of ₹28 Lakhs)

सहाय्यक पोलिस निरीक्षक वैशाली तोटेवार या पुणे जिल्ह्यातील आर्थिक गुन्हे शाखेत सहाय्यक निरीक्षक पदावर कार्यरत होत्या. नुकतीच त्यांची मुंबई पोलिस दलात पोलिस निरीक्षक म्हणून बदली झाली आहे. एक मे रोजी त्यांना कार्यमुक्त करण्यात आले. पुणे पोलिस दलातील आर्थिक गुन्हे शाखेत कार्यरत असताना त्यांच्याकडे आठ ते नऊ तक्रार अर्जाच्या चौकशीचे काम सोपवले होते. त्यातील एका तक्रार अर्जाच्या चौकशीसाठी तोटेवार यांनी तक्रारदाराकडे ३० लाख रुपयांची लाच मागितली होती. तक्रारदाराने सुरवातीला दोन लाख रुपये दिले होते. उर्वरीत २८ लाखाच्या लाचेसाठी त्यांनी तक्रारदाराकडे तगादा लावला होता. . (Female Police Officer Caught Red-Handed While Accepting a Bribe of ₹28 Lakhs)

तक्रारदाराने लाचलुचपत प्रतिबंधक विभागाकडे तक्रार दिली. तक्राराची पडताळणी करुन पोलिसांनी शनिवारी बंडगार्डन रस्त्यांवर एका तारांकित हॉटेलसमोर सापळा रचला. तोटेवार यांनी एका पंटरला लाचेची रक्कम स्वीकारण्यास पाठवले. पोलिसांनी सापळा रचून त्याला पकडले. वैशाली तोटेवार यांच्याविरोधात गुन्हा दाखल करुन त्यांना अटक केली आहे. पोलिस अधीक्षक शिरीष सरदेशपांडे, अतिरिक्त अधीक्षक अजित पाटील, अर्जुन भोसले यांच्या मार्गदर्शनाखाली कारवाई करण्यात आली. (Female Police Officer Caught Red-Handed While Accepting a Bribe of ₹28 Lakhs)

May 2, 2026 0 comments

Mother-in-law commits theft in son-in-law's house

सासूने मारला जावयाच्या घरातील साडेसोळा लाखांच्या दागिन्यांवर डल्ला

by प्रतिनिधी May 2, 2026

written by प्रतिनिधी

बेळगाव : प्रतिनिधी : दोन मुलींच्या लग्नामुळे झालेले कर्ज फेडण्यासाठी सासूने चक्क मोठ्या जावयाच्या घरातील साडे सोळा लाखांच्या दागिन्यांवर डल्ला मारला. जावयाने घरातील दागिने चोरी झाल्याची टिळकवाडी पोलीसात तक्रार दिल्यावर सासूनेच दागिने चोरल्याचे पोलीस तपासात उघड झाले.पोलिसांनी सासूची रवानगी हिंडलगा जेलला केली. (Mother-in-law commits theft in son-in-law’s house)

अनगोळ येथील यल्लाप्पा इराप्पा कम्मार हे आपल्या पत्नी सोबत लग्नाला गेले होते. यावेळी त्यांची सासू उज्वला कम्मार हिने आपला नातेवाईक शिवा अप्पयनवर याच्या मदतीने जावयाच्या बेडरूम मधील तिजोरी खोलून एकशे दहा ग्रॅम सोन्याचे दागिने चोरले. लग्नाहून आल्यावर जावई यल्लापा याने पैसे ठेवण्यासाठी तिजोरी उघडली असता तिजोरीतील दागिने गायब झाल्याचे समजले. या संबंधी सासू उज्वला हिला विचारल्यावर तिने आपणास माहित नसल्याचे सांगितले. नंतर यल्लापा याने टिळकवाडी पोलिसात तक्रार दिली. (Mother-in-law commits theft in son-in-law’s house)

पोलीसांनी चौकशीसाठी उज्वला हिला बोलावले असता तिने आरडा ओरड करून गोंधळ घातला. नंतर पोलीसांनी कसून चौकशी केल्यावर उज्वला हिने आपला नातेवाईक शिवा अप्पयनवर याच्या मदतीने तिजोरी खोलून दागिने चोरल्याची कबुली दिली. नंतर पोलीसांनी उज्वला आणि शिवा यांच्याकडून नेकलेस, गंठण, अंगठी आणि अन्य सोन्याचे दागिने असे एकशे दहा ग्रॅम वजनाचे दागिने जप्त केले. (Mother-in-law commits theft in son-in-law’s house)

May 2, 2026 0 comments

Fadnavis should resign as an act of atonement

पोलिस डायरी महत्त्वाच्या नोंदी राजकारण

प्रायश्चित म्हणून फडणवीसांनी राजीनामा द्यावा : हर्षवर्धन सपकाळ

by प्रतिनिधी May 2, 2026

written by प्रतिनिधी

जमीर काझी : मुंबई : राज्यातील कायदा सुव्यवस्थेची लक्तरे वेशीवर टांगलेली आहेत. महिला व लहान मुलीही सुरक्षित नाहीत हे सातत्याने उघड होत आहे. पुणे जिल्ह्यातील एका चिमुरडीवर लैंगिक अत्याचार करून तिची हत्या करण्याचा प्रकार महाराष्ट्राच्या नावाला काळीमा फासणारा आहे, हे गृहविभागाचे अपयश असून गुन्हेगारांवर पोलिसांचा वचक राहिलेला नाही. देवेंद्र फडणवीस यांनी मनाची लाज बाळगून प्रायश्चित म्हणून गृह मंत्रीपदाचा राजीनामा द्यावा व पूर्णवेळ सक्षम गृहमंत्री राज्याला द्यावा, अशी मागणी काँग्रेस प्रदेशाध्यक्ष हर्षवर्धन सपकाळ यांनी शनिवारी केली. (Fadnavis should resign as an act of atonement)

टिळक भवन येथे प्रसार माध्यमांशी बोलताना सपकाळ यांनी महायुती सरकारवर तोफ डागली, ते म्हणाले की, गृहविभागात भ्रष्टाचाराने कळस गाठला असून खालपासून वरपर्यंत भ्रष्टाचार बोकाळला आहे. बीड जिल्ह्यातील संतोष देशमुख प्रकरणातील निघृणता, स्वारगेट एसटी स्टँडवरील बलात्कार, केंद्रीय मत्र्यांच्या घरातील मुलींना छेडछाड, बदलापूरातील शाळकरी मुलींवरील लैंगिक अत्याचार, अशोक खरात प्रकरण, महिला व मुलींचे बेपत्ता होणारे प्रकार…ड्रग्जच्या खुलेआम काळ्याधंद्याने उडता महाराष्ट्र झाला आहे, तरुण पिढीला व्यसनाच्या खाईत ढकलले जात असताना गृहमंत्री म्हणून काहीतरी ठोस कारवाई करणे अपेक्षित आहे. फक्त घोषणा होतात कारवाई मात्र काहीच होत नाही. राज्यातील महिला सुरक्षा, कायदा व सुव्यवस्थेचा वाजलेला बोजवारा याला थेट गृहमंत्रीच जबाबदार आहेत, भाजपा महायुती सरकारचा भ्रष्टाचार सुस्साट असून जनता व प्रशासन यांच्यात मिसिंगलिंक आहे, कायदा व सुव्यवस्थेमध्ये मिसिंग लिंक आहे, असा हल्लाबोल काँग्रेस प्रदेशाध्यक्षांनी केला आहे. (Fadnavis should resign as an act of atonement)

देशभर जनगणना सुरु झाली असली तरी जातनिहाय जनगणना मात्र होत नाही. जातनिहाय जनगणना करण्याची घोषणा पंतप्रधांनी केली होती पण ती आता करत नाहीत कारण हा व्यक्ती फक्त फेकूच नाही तर अत्यंत खोटारडा आहे. मुंह में राम और बगल में नथुराम, असे त्यांचे काम आहे. मोदी यांचा आचार, विचार व व्यवहार हे अगदी उलटे आहे. नथुराम गोडसे महात्मा गांधींच्या पाया पडला व नंतर त्यांचा खून केला, मोदी संसदेच्या पाया पडले व त्यांनी संविधान व लोकशाहीचा गळा घोटला. १०० स्मार्ट सिटी, दरवर्षी दोन कोटी रोजगार, शेतकऱ्यांचे दुप्पट उत्पन्न, रुपयाची घसरण थोपवणे यातील काहीच त्यांनी केलेले नाही. असेही सपकाळ यांनी सांगितले. यावेळी प्रदेश काँग्रेसचे वरिष्ठ प्रवक्ते अतुल लोंढे ही उपस्थित होते. (Fadnavis should resign as an act of atonement)

May 2, 2026 0 comments

महत्त्वाच्या नोंदी

बारावीच्या परीक्षेत विवेकानंद कॉलेज अव्वल

by प्रतिनिधी May 2, 2026

written by प्रतिनिधी

कोल्हापूर : प्रतिनिधी : बारावी परीक्षेच्या निकालात कोल्हापूरच्या विवेकानंद कॉलेजने विज्ञान, वाणिज्य आणि कला शाखेत अव्वलस्थानी राहण्याची परंपरा कायम ठेवली आहे. विज्ञान शाखेचा शेकडा निकाल ९९.२७ टक्के लागला. यामध्ये विज्ञान शाखेत प्रथमेश परमेश्वर काकडे ९४.६७ टक्के गुण मिळवून प्रथम क्रमांक संपादन करुन अव्वलस्थानी राहिला. श्रध्दा गणपत सुतार ९२.१७ टक्के गुण संपादन करीत दुसरी आली. संचिता नरेंद्र कुलकर्णी ९२.०० टक्के गुण मिळवून तृतीय क्रमांक मिळविला.

वाणिज्य (इंग्रजी माध्यम) शाखेचा ९२.७४ टक्के निकाल लागला. यामध्ये आर्या वरद दीक्षित व अनिष आनंदा संकपाळ यांनी ९५.६७ टक्के गुण पहिला क्रमांक पटकावला. मनुश्री प्रसन्न शहा ९५.३३ टक्के गुण संपादन करुन दुसरी आली तर स्वालीया चौधरी यांनी ९३.३३ टक्के गुण मिळवून तिसरी आली. (Vivekanand College Tops Class 12 Exams)

वाणिज्य (मराठी माध्यम) मध्ये देसाई सना अल्लाउद्दीन देसाईने ८८.६७ % गुण मिळवून प्रथम क्रमांक मिळवला. साक्षी बाबासो तोरस्कर व रणवीर राजाराम अनपट यांनी ८६.०० टक्के गुण मिळवून दुसरा क्रमांक तर स्नेहल गौतम माने हिने ८४.६७ % गुण मिळवून तिसरा क्रमांक मिळविला.

कला शाखेचा ८७.६७ टक्के निकाल लागला. त्यामध्ये आभा भूषण कपाले ८७.६७ % गुण मिळवून प्रथम क्रमांक संपादन केला, यशोधन नंदकिशोर अनुसे ८७.३३ टक्के गुण मिळवित दुसरा आला. संस्कृती राजेंद्र रानगे ८४.८३ टक्के गुण संपादन करुन विवेकानंद कॉलेजमध्ये तिसरी येण्याचा बहुमान संपादन केला. १०० पैकी १०० गुण संपादन करणारे अकौटन्सी विषयामध्ये तीन विद्यार्थी , कॉमर्स मॅथ्स् मध्ये दोन विद्यार्थी, सायन्स मॅथ्स् मध्ये दोन विद्यार्थी तर जिऑलॉजी विषयात नऊ विद्यार्थी आहेत. (Vivekanand College Tops Class 12 Exams)

श्री स्वामी विवेकानंद शिक्षण संस्थेची विद्यासमिती आणि विवेकानंद कॉलेजने राबविलेल्या विशेष स्कॉलर बॅचच्या प्रयत्नामुळे यावर्षीही विवेकानंद कॉलेजने सर्वात अव्वलस्थानी राहण्याची परंपरा कायम ठेवली असून विज्ञान, वाणिज्य आणि कला शाखेतील आमच्या गुणवंत विद्यार्थ्यांचा अभिमान वाटतो असे मत विवेकानंद कॉलेजचे प्राचार्य डॉ. सी. बी. पाटील यांनी व्यक्त केले. प्रा. एस.एन.साळुंखे, प्रा.एस.एल.पाटील, प्रा.वर्षा महाडीक, प्रा. भाग्यश्री पाटील, कला विभाग स्कॉलर बॅच प्रमुख प्रा विश्वंभर कुलकर्णी , प्रा. सुभाष रानमाळे यांचे व यशस्वी विद्यार्थ्यांचे कला वाणिज्य विभागप्रमुख प्रा. शिल्पा भोसले, विज्ञान विभागप्रमुख प्रा एम आर नवले यांनी प्राध्यापक, प्रशासकीय कर्मचारी यांनी अभिनंदन केले. (Vivekanand College Tops Class 12 Exams)

May 2, 2026 0 comments

Shivaji University Soars in Times Asia Rankings

महत्त्वाच्या नोंदी

टाइम्स एशिया रँकिंगमध्ये शिवाजी विद्यापीठाची भरारी

by प्रतिनिधी May 2, 2026

written by प्रतिनिधी

कोल्हापूर : प्रतिनिधी : जागतिक स्तरावर विद्यापीठ गुणवत्तेचे मुल्यांकन करणाऱ्या टाईम्स हायर एज्युकेशन एशिया २०२६ या मानांकनामध्ये शिवाजी विद्यापीठास उत्तुंग यश मिळाले आहे. हे मुल्यांकन विद्यापीठांची शैक्षणिक गुणवत्ता, संशोध्न वातावरण व गुणवत्ता, आंतरराष्ट्रीयकरण, उद्योग- शिक्षण, सहकार्य या पंचसुत्रीवर आधारित असते. भारतातील एकूण सार्वजनिक राज्य विद्यापीठांतर्गत दहावे आणि महाराष्ट्रातील सार्वजनिक राज्य विद्यापीठांत दुसरे मानांकन प्राप्त झाले आहे. या मानांकनामध्ये महाराष्ट्रातील सावित्रीबाई फुले पुणे विद्यापीठ व शिवाजी विद्यापीठ या सार्वजनिक राज्य विद्यापीठांचाच समावेश आहे.

शिवाजी विद्यापीठाने या मुल्यांकनामध्ये प्रथमच सहभाग नोंदवून या प्रतिष्ठित मुल्यांकनामध्ये शिवाजी विद्यापीठाला ३६ देशांतर्गत आशिया स्तरावरती ४०१–५०० या मानांकन बँडमध्ये स्थान प्राप्त झाले आहे. या एशिया स्तरावरील पहिल्या ५०० मानांकनप्राप्त विद्यापीठांमध्ये भारतातील जवळपास ६६ भारतीय संस्था असून यामध्ये १९ भारतीय सर्वोच्च संशोधन संस्था, नऊ केंद्रीय विद्यापीठे, १० सार्वजनिक राज्य विद्यापीठे व २८ खाजगी,स्वायत्त विद्यापीठांचा समावेश आहे. या मुल्यांकनामध्ये शिवाजी विद्यापीठास भारतीय स्तरावर एकूण विद्यापीठांअंतर्गत १३ वी मानांकन बँड आणि सार्वजनिक राज्य विद्यापीठांतर्गत पाचवी मानांकन बँड प्राप्त झाली आहे. (Shivaji University Soars in Times Asia Rankings)

पहिल्याच प्रयत्नात मिळालेले हे मानांकन विद्यापीठाच्या गुणवत्तापूर्ण शिक्षण, संशोधन आणि आंतरराष्ट्रीय दर्जाच्या कामगिरीची साक्ष देणारी असून यामुळे विद्यापीठाची जागतिक स्तरावरील ओळख अधिक दृढ झाली आहे. हे यश विद्यापीठाचे कुलगुरू प्रा. सुरेश गोसावी, प्र-कुलगुरू प्रा.ज्योती जाधव, कुलसचिव डॉ. विलास शिंदे व अंतर्गत गुणवत्ता हमी कक्षाचे संचालक प्रा. सागर डेळेकर यांच्या मार्गदर्शनाखाली सर्व संविधानिक अधिकाऱ्यांचे पाठबळ, शिक्षकांचे सातत्यपूर्ण संशोधन व अध्यापन, विद्यार्थ्यांची एकूण गुणवत्ता, शिक्षकेत्तर कर्मचाऱ्यांचा सहभाग आणि इतर सर्व संबंधित घटकांच्या सहकार्यामुळे शक्य झाले आहे (Shivaji University Soars in Times Asia Rankings)

या संदर्भात कुलगुरू प्रा. सुरेश गोसावी यांनी विद्यापीठातील सर्व घटकांचे अभिनंदन केले. भारतातील इतर सार्वजनिक राज्य विद्यापीठांच्या तुलनेत शिवाजी विद्यापीठ हे गुणवत्तापूर्ण शिक्षण, संशोधन, नवोपक्रम आणि समाजाभिमुख कार्य या सर्व बाबींमध्ये आघाडीवर असल्याचे या मानांकनामधून स्पष्ट झाले आहे. ही कामगिरी विद्यापीठाच्या सर्व घटकांसाठी शिक्षक, अधिकारी-कर्मचारी, आजी-माजी विद्यार्थी, विद्यापीठ क्षेत्राशी सर्व निगडीत घटक यांच्यासाठी अभिमानाची बाब आहे. भविष्यात विद्यापीठाचे आंतरराष्ट्रीय स्तरावरती आणखी उच्च स्थान मिळवण्यासाठी हीच प्रेरणा ठरणार आहे, असे गौरवोद्गार काढले. (Shivaji University Soars in Times Asia Rankings)

May 2, 2026 0 comments

349 kg of cocaine worth 1,745 crore seized in Mumbai

पोलिस डायरी महत्त्वाच्या नोंदी

मुंबईत १,७४५ कोटीचे ३४९ किलो कोकेन जप्त

by प्रतिनिधी May 2, 2026

written by प्रतिनिधी

जमीर काझी : मुंबई : संघटित अमली पदार्थांच्या तस्करीविरोधात नार्कोटिक्स कंट्रोल ब्युरोने (एनसीबी) ऑपरेशन ”व्हाईट स्ट्राईक’ने एका मोठ्या आंतरराष्ट्रीय कोकेन तस्करी सिंडिकेटचा पर्दाफाश केला आहे. मुंबई आणि परिसरात विविध ठिकाणी छापे टाकून ३४९ किलो उच्च दर्जाचे कोकेन जप्त केले. अवैध बाजारातील त्याची किंमत १,७४५ कोटी असल्याचे सांगण्यात येते. एनसीबीने सहा महिन्यांहून अधिक काळ सातत्यपूर्ण गुप्त माहिती संकलन आणि पाळत ठेवून ही मोहीम यशस्वी केली असून तस्करी करणाऱ्या सुत्रधारांचा शोध घेण्यात येत असल्याचे एनसीबीच्या सूत्राकडून सांगण्यात आले.

विश्वसनीय माहितीच्या आधारे पथकांनी नवी मुंबईत कळंबोली व ठाण्यात भिवंडी कॉरिडॉरमध्ये गोदामांत छापे टाकले.पायाभूत सुविधा व छुपी वाहतूक यंत्रणा वापरणाऱ्या अत्यंत संघटित आंतरराष्ट्रीय अमली पदार्थ पुरवठा नेटवर्कचा पर्दाफाश केला.

पहिल्या कारवाई दरम्यान, एनसीबी अधिकाऱ्यांनी नवी मुंबईतील कळंबोली, सेक्टर केडब्ल्यूसी येथील केडब्ल्यूसी वेअरहाउसिंग कॉम्प्लेक्सजवळ मारुती सुझुकी सुपर कॅरी (सीएनजी) गाडी पकडली. त्यात अंदाजे एक किलो वजनाची कोकेनची १३६ पाकिटे सापडली. ही पाकिटे विविध खोक्यांमध्ये लपवली होती.आणि त्यावर वरती क्रिकेट पॅड आणि ग्लोव्हजचा वापर करून कोकेन लपवण्यात आले होते. (349 kg of cocaine worth 1,745 crore seized in Mumbai)

एकाला अटक करून कसून चौकशी आणि जलद पाठपुरावा केल्यानंतर आरोपीने भिवंडी या प्रमुख वेअरहाउसिंग केंद्रात आणखी एक लपवलेला माल ठेवल्याची माहिती दिली.त्यानंतर एनसीबीच्या पथकाने भिवंडी येथील रेहनाल गावातील रेहनाल बस स्टँडजवळील लक्ष्मण कंपाऊंडमधील एका वेअरहाऊसमध्ये दुसरी कारवाई करून कोकेनची अतिरिक्त २१३ पाकिटे जप्त केली.

प्राथमिक तपासात असे उघड झाले आहे की, हा प्रतिबंधित माल भारतात आयात केलेल्या एका मशीनच्या पोकळीत लपवण्यात आला होता. प्रत्येक पाकीट वेगवेगळ्या प्रकारच्या पॉलिथिनच्या ९ थरांमध्ये पॅक केले होते, ज्यात काळ्या तेलकट पदार्थाचा एक थरही होता.भिवंडीच्या गोदाम व्यवस्थेच्या वापरावरून एका सुनियोजित लॉजिस्टिक्स साखळीचा उलगडा होतो, ज्यात लपवलेले कोकेन असलेली यंत्रसामग्री आयात करणे, गोदामांमध्ये कोकेनच्या पाकिटांची साठवणूक व पुनर्प्राप्ती करणे आणि अंमली पदार्थांचा पुढील पुरवठा करणे यांचा समावेश आहे.या तस्करीमागील मुख्य सूत्रधार, त्याचे हस्तक, आर्थिक पुरवठादार आणि माल स्वीकारणाऱ्यांना पकडण्यासाठी तपास सुरू असल्याचे सांगण्यात आले. (349 kg of cocaine worth 1,745 crore seized in Mumbai)

अमित शाहकडून कौतुक

एनसीबीच्या या कारवाईबद्दल केंद्रीय गृहमंत्री आणि सहकार मंत्री अमित शाह यांनी ‘एक्स’वर पोस्ट करीत अभिनंदन केले आहे.अमली पदार्थांच्या टोळीला निर्दयपणे चिरडून टाकण्याचा निर्धार असून एनसीबी तळापासून शोध घेऊन मोठ्या नेटवर्कला जाळ्यात पकडल्याचे त्यांनी म्हटले आहे. (349 kg of cocaine worth 1,745 crore seized in Mumbai)

May 2, 2026 0 comments

महत्त्वाच्या नोंदी राजकारण

बारावीच्या परीक्षेत कोकण विभाग अव्वल, मुलींची बाजी

by प्रतिनिधी May 2, 2026

written by प्रतिनिधी

पुणे : महाराष्ट्र राज्य माध्यमिक आणि उच्च माध्यामिक शिक्षण मंडळाच्यावतीने घेण्यात आलेल्या बारावीचा निकाल जाहीर झाला असून राज्यात कोकण विभाग अव्वल ठरला आहे. कोकण विभागाचा ९४.१४ टक्के निकाल लागला आहे. बारावीचा एकूण निकाल ८९.७९ टक्के लागला सर्वात कमी ८४.१४ टक्के निकाल लातूर विभागाचा आहे. यंदा मुलींनी परीक्षेच्या निकालात बाजी मारण्याची परंपरा कायम ठेवली आहे .दुपारी एक वाजता शिक्षण मंडळाच्या वेबसाईटवर निकाल पाहता येणार आहे. (Konkan Division Tops Class 12 Exams)

राज्य मंडळाचे अध्यक्ष त्रिगुण कुलकर्णी यांनी पत्रकार परिषद घेत बारावीच्या निकालाची माहिती दिली. विज्ञान शाखेत सर्वाधीक विद्यार्थी उत्तीर्ण झाले असून या शाखेचा निकाल ९६.४४ टक्के लागला आहे. कला शाखेचा ९८.०२ तर वाणिज्य शाखेचे ८७.०३ टक्के विद्यार्थी उत्तीर्ण झाले आहेत. १५३ पैकी २६ विषयांचा निकाल १०० टक्के लागला आहे. (Konkan Division Tops Class 12 Exams)

मुलींना यंदा निकालात बाजी मारली आहे. मुलींची उत्तीर्ण होण्याची टक्केवारी ९३.१५ टक्के आहे. मुलाची उत्तीर्ण होण्याची टक्केवारी ८६.८० टक्के इतकी आहे. (Konkan Division Tops Class 12 Exams)

May 2, 2026 0 comments

महत्त्वाच्या नोंदी राजकारण

तीन महिन्यात एलपीजीच्या दरात ८१ टक्के वाढ; महागाईवर राहूल गांधींची सरकारवर टीका

by प्रतिनिधी May 1, 2026

written by प्रतिनिधी

नवी दिल्ली : व्यावसायिक सिलिंडरच्या दरात केंद्र सरकारने भरीव वाढ केल्यानंतर लोकसभेतील विरोधी पक्षनेते खासदार राहूल गांधी यांनी मोदी सरकारवर टीकेची झोड उठवली आहे. पाच राज्यांच्या निवडणुकीनंतर महागाई वाढणार असल्याचा इशारा यापूर्वीच आपण दिला होता, याकडे राहूल गांधी यांनी लक्ष वेधले. (81% Hike in LPG Prices in Three Months.)

कामगार दिनी केंद्र सरकारने व्यावसियक सिलिंडरच्या दरात ९९३ रुपयांची वाढ केली. त्यावर राहूल गांधी यांनी एक्स वर पोस्ट करत टीका केली आहे. पोस्टमध्ये त्यांनी म्हटले आहे की मी यापूर्वीच म्हटले होते की निवडणूकीनंतर महागाईचे चटके बसणार आहेत. व्यावसायिक गॅस सिलेंडर ९९३ रुपयांनी महागला आहे. एका दिवसातील ही सर्वात मोठी दरवाढ आहे. हे निवडणुकीचे बिल आहे. फेब्रुवारीपासून आतापर्यंत: १,३८० रुपयांची वाढ – अवघ्या ३ महिन्यांत तब्बल ८१% ची प्रचंड वाढ. चहाचे स्टॉल्स, ढाबे, हॉटेल्स, बेकरी आणि मिठाईची दुकाने यांसारख्या छोट्या व्यवसायांवर याचा परिणाम जाणवेल आणि घरगुती खर्चावरही परिणाम होईल, असे ते म्हणाले. (81% Hike in LPG Prices in Three Months.)

चहाचे दुकान, ढाबा, हॉटेल, बेकरी, मिठाईचे दुकान – प्रत्येकाच्या स्वयंपाकघरावरील भार वाढला आहे. आणि याचा परिणाम तुमच्या ताटावरही होईल. मंगळवारी सकाळी त्यांनी असाही आरोप केला होता की, पश्चिम बंगाल, आसाम, केरळ, पुदुचेरी आणि तामिळनाडू यांसारख्या अनेक राज्यांमध्ये मतदानाचे टप्पे संपल्यानंतर सरकार पेट्रोलियमच्या किमती वाढवेल. राहुल गांधी यांनी केंद्रावर जोरदार टीका करताना म्हटले की, “निवडणुकीनंतरचा दिलासा संपला, आता महागाईचा तडाखा बसणार आहे! २९ एप्रिलनंतर सावध रहा – पेट्रोल, डिझेल, सर्व काही महाग होणार. जेव्हा तेल स्वस्त होते, तेव्हा मोदी सरकारने नफा खिशात घातला. आता ते महाग झाले आहे, म्हणून ते त्याचा बोजा तुमच्यावर टाकतील. हे असे सरकार आहे जे स्वस्त असताना लूट करते आणि महागाईचा फटका जनतेला सोसायला लावते.” (81% Hike in LPG Prices in Three Months.)

May 1, 2026 0 comments

Hike of ₹973 in commercial cylinder prices

महत्त्वाच्या नोंदी

व्यावसयिक सिलिंडरच्या दरात ९७३ रुपयांची वाढ

by प्रतिनिधी May 1, 2026

written by प्रतिनिधी

नवी दिल्ली : आखाती युद्धाचे पडसाद भारताला जाणवू लागले आहेत. चार राज्याच्या निवडणुकीचा प्रचार आणि मतदान झाल्याने केंद्र सरकारने व्यावसायिक सिलिंदरच्या दरात तब्बल ९९३ रुपयांची वाढ जाहीर केली आहे. १९ किलोच्या या व्यावसायिक सिलिंडरची दिल्लीमध्ये किंमत ३०७१.५० रुपये झाली आहे. या दरवाढीचा फटका गॅस सिलिंडरवर अवलंबून असलेल्या हॉटेल व्यावसायिक आणि छोट्या व्यवसायिकांना बसणार आहे. (Hike of ₹973 in commercial cylinder prices)

व्यावसायिक सिलिंडरच्या दरात वाढ झाली असली तरी घरगुती गॅस सिलिंडरच्या दरात कोणताही बदल झालेला नाही. त्यामुळे घरगुती ग्राहकांना काही प्रमाणात दिलासा बसला आहे. पण घरगुती गॅस सिलिंडरवरही दरवाढीची टांगती तलवार राहणार असल्याचा अंदाज व्यक्त केला जात आहे. (Hike of ₹973 in commercial cylinder prices)

व्यावसायिक सिलिंडर दर वाढीचा फटका, हॉटेल्स, रेस्टारंट, धाबे, फूड स्टॉल, कॅटरिंग सेवेला बसणार आहे. तब्बल ९९३ दरवाढ झाल्याने खाद्य पदार्थाच्या दरातही वाढ होण्याची शक्यता वर्तवली जात आहे. (Hike of ₹973 in commercial cylinder prices)

May 1, 2026 0 comments

महत्त्वाच्या नोंदी राजकारण

मंत्रीपदाच्या बोलीवर बच्चू कडूच्या हाती धनुष्यबाण!

by प्रतिनिधी April 30, 2026

written by प्रतिनिधी

जमीर काझी : मुंबई : दिव्यांग व शेतकऱ्यांच्या प्रश्नावर लढणाऱ्या प्रहार संघटनेचे संस्थापक माजी मंत्री बच्चू कडू यांनी अखेर अपेक्षेप्रमाणे शिवसेनेचा धनुष्यबाण हाती घेतला आहे. विधान परिषदेच्या उमेदवारीबरोबरच येत्या काही महिन्यात मंत्री पद देण्याच्या अटीवर त्यांनी गुरुवारी उपमुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला.

पक्षाने त्यांच्याबरोबर विधान परिषदेच्या उपसभापती निलम गोऱ्हे यांना परिषदेसाठी उमेदवारी जाहीर केली.अर्ज भरण्याच्या अंतिम मुदतीला अवघे दोन तास शिल्लक असताना शिंदे यांनी त्यांच्या नावाची घोषणा केली. (Bachchu Kadu joins the Shiv Sena)

कडू यांनी दिव्यांग व शेतकऱ्यांच्या समस्या सोडविण्यासाठी सेनेत प्रवेश केला असून प्रहार संघटनेचे सामाजिक अस्तित्व कायम राहील, असे स्पष्ट केले.

सेनेत पक्षाला विलीन करण्याची ऑफर कडुनी बुधवारी रात्री उशिरा झालेल्या शिंदेबरोबरच्या चर्चेनंतर स्वीकारली. त्यानंतर आज सकाळी त्यांनी ठाण्यात आनंदभवन येथे जाऊन पक्ष प्रवेश केला. यावेळी आपली भूमिका स्पष्ट करताना प्रहार संघटना पुढेही स्वतंत्र सामाजिक संघटना म्हणून कार्यरत राहिल तर राजकीय लढा शिवसेनेच्या माध्यमातून उभारला जाईल, असे जाहीर केले. शेतकरी, दिव्यांग, कष्टकरी, दलित, शोषित आणि गोरगरीबांच्या प्रश्नांसाठी अधिक प्रभावीपणे काम करण्यासाठी हा निर्णय घेतल्याचे त्यांनी सांगितले.

यावेळी बोलताना शिंदेंनी बच्चू कडूंच्या लढाऊ स्वभावाचे कौतुक करत अन्यायाविरुद्ध लढा हा बाळासाहेबांच्या विचारांचा गाभा असल्याचे सांगितले. यावेळी उद्योग मंत्री उदय सामंत, शिवसेना सचिव संजय मोरे, आमदार मुरजी पटेल आणि शिवसेना आणि प्रहार संघटनेचे सर्व प्रमुख पदाधिकारी आणि कार्यकर्ते तसेच दिव्यांग बांधव यावेळी मोठ्या संख्येने उपस्थित होते. (Bachchu Kadu joins the Shiv Sena)

राणा दाम्पत्याबरोबरील संघर्षाला बळ….बचु कडू यांनी शिवसेना शिंदे गटात प्रवेश केल्यामुळे त्यांचा स्थानिक राजकारणातील प्रतिस्पर्धी असलेल्या भाजपाच्या नवनीत राणा व आ. रवी राणा यांच्याबरोबरच्या संघर्षामध्ये सत्तेची ताकद मिळणार आहे. महायुतीत एकत्र राहून त्यांच्यातील वाद कोणत्या वळणावर जाईल, याबद्दल राजकारणात उत्सुकता लागून राहिली आहे (Bachchu Kadu joins the Shiv Sena)

April 30, 2026 0 comments

Newer Posts

Older Posts