ताज्या बातम्या

कोल्हापूर :  कोल्हापूर शहरातील फुटबॉलचा वाढता प्रसार, शंभर वर्षांची परंपरा आणि हजारो खेळाडूंचा सहभाग लक्षात घेता येथे राष्ट्रीय फुटबॉल अकादमी सुरू करण्याची मागणी खासदार शाहू छत्रपती यांनी केंद्रीय क्रीडामंत्री मनसुख मांडावीय यांच्याकडे केली केली आहे. (MP Shahu Chhatrapati)

दिल्लीत खासदार शाहू छत्रपती यांनी  केंद्रीय क्रीडामंत्री मनसुख मांडवीय यांची भेट घेऊन त्यांना निवेदन दिले. क्रीडा मंत्र्यांना दिलेल्या निवेदनात कोल्हापूरच्या समृद्ध फुटबॉल परंपरेचा आढावा घेतला असून, शहरात सध्या १२८ नोंदणीकृत संघ, २६८० पेक्षा जास्त खेळाडू, आणि सहा महिला संघ कार्यरत असल्याचे नमूद केले आहे.

कोलकाता, गोवा, केरळ नंतरचे कोल्हापूर चौथे महत्त्वाचे फुटबॉल केंद्र आहे. १९४० मध्ये छत्रपती राजाराम महाराज व मेजर जनरल छत्रपती शहाजी महाराज यांच्या प्रेरणेतून ‘कोल्हापूर स्पोर्ट्स असोसिएशन’ची स्थापना झाली. ही संस्था ऑल इंडिया फुटबॉल फेडरेशन आणि  वेस्टर्न महाराष्ट्र फुटबॉल असोसिएशनशी संलग्न आहे. दरवर्षी घेण्यात येणाऱ्या केएसए लीग स्पर्धांमध्ये सुमारे अडीच हजारहून अधिक खेळाडू सहभाग घेतात. या मैदानावर आतापर्यंत आय लीग, संतोष ट्रॉफी आणि आंतरराष्ट्रीय महिला सामन्यांचाही यशस्वी आयोजन झाले आहे. (MP Shahu Chhatrapati)

कोल्हापूर शहरात फुटबॉलची चळवळ असूनही या खेळाच्या विकासासाठी कोल्हापुरात अद्यापही शासकीय स्तरावर फुटबॉलचे तांत्रिक प्रशिक्षण देणारी एकही संस्था नाही. परिणामी, स्थानिक पातळीवर खेळाडू घडत असले तरी त्यांचा राष्ट्रीय आणि आंतरराष्ट्रीय स्तरावर विकास खुंटतो. फुटबॉलचा प्रसार आणि दर्जदार खेळाडू निर्माण होण्यासाठी खासदार शाहू छत्रपती यांनी बंगळुरूतील राष्ट्रीय क्रिकेट अकादमीच्या धर्तीवर कोल्हापुरातही फीफा व एआयएफएफच्या सहकार्याने राष्ट्रीय फुटबॉल अकादमी स्थापन करावी, अशी मागणी केली आहे. (MP Shahu Chhatrapati)

कोल्हापूर शहर हे विमान, रेल्वे व रस्ते अशा सर्व प्रकारच्या दळणवळणाने सज्ज शहर असून येथे पाच थ्री स्टार व एक फाईव्ह स्टार हॉटेलही आहेत. त्यामुळे देशविदेशातील स्पर्धा घेण्यासाठी हे शहर आदर्श ठरू शकते. कोल्हापुरात फुटबॉल स्पर्धा पाहण्यासाठी १५ हजारांहून अधिक प्रेक्षक मैदानात उपस्थित राहतात. अशा ठिकाणी राष्ट्रीय फुटबॉल अकादमीची स्थापना झाल्यास देशाला भविष्यात दर्जेदार खेळाडू लाभू शकतात, असा विश्वास खासदारांनी व्यक्त केला. (MP Shahu Chhatrapati)

नवी दिल्ली : जॉर्जियातील बटुमी येथे झालेल्या फिडे महिला विश्वचषक बुद्धिबळ स्पर्धेत १९ वर्षीय दिव्या देशमुखने विजेतेपदावर नाव कोरले. तिने भारतातील प्रथम मानांकित कोनेरु हम्पीला जलद टायब्रेकरमध्ये हरवले. या विजयाने तिला ग्रँडमास्टर नॉर्मही मिळवून दिला. नागपूरची दिव्या देशमुख भारतीय आणि जागतिक बुद्धिबळ पटलावर तेजस्वी तारा म्हणून पुढे आली आहे.  (Divya Deshmukh)

या स्पर्धेत १५ व्या मानांकित खेळाडू म्हणून प्रवेश करताना दिव्याने आपल्या कौशल्यपूर्ण खेळाने तिने जगातील बलाढ्य खेळांडूवर मात करत अंतिम फेरीत प्रवेश केला. अंतिम फेरीत भारतातील नामांकित खेळाडू कोनोरु हम्पी हिच्याबरोबर लढत झाली. अंतिम फेरीतही तिने दबावाखाली न खेळता विजय संपादन केला. दोन क्लासिकल गेममध्ये ड्रॉ झाल्यानंतर सामना रॅपिड टायब्रेकरमध्ये गेला.
रॅपिड टायब्रेकमध्ये पहिल्या रॅपिडमध्ये दिव्याने व्हाईटविरुद्ध खेळ केला. तो समतोल बरोबरीत सुटला. पण दुसऱ्या गेममध्ये दिव्याने ब्लॅक पीस मध्ये खेळताना उल्लेखनीय संयम दाखवला. अखेर ३८ वर्षीय हम्पीने शेवटच्या गेममध्ये दबावाखाली खेळताना अनेक गंभीर चुका केल्या. दिव्याने त्याचा फायदा उठवत या आघाडीचे आश्चर्यकारक विजयात रुपांतर करत विजेतेपद पटककावले. या विजयामुळे दिव्या देशमुख फिडे महिला विश्वचषक स्पर्धेची विजेती ठरली व शेवटी तीने ग्रँडमास्टर नॉर्म देखील मिळवला. या विजयामुळे तिला अधिकृतपण प्रतिष्ठित ग्रँडमास्टरचा किताब पटकावला. हा टप्पा गाठणारी चौथी भारतीय महिला असून ८८ वी भारतीय खेळाडू ठरली आहे. (Divya Deshmukh)
दिव्याचा प्रवास प्रेरणादायी असून ती टॉप फेव्हरिटमध्ये नसतानाही स्पर्धेत प्रवेश केला. आक्रमक खेळ आणि सखोल तयारीमुळे तिने स्पर्धेतील सातत्य कायम दाखवल्याने प्रतिष्ठित खेळाडूंना पराभूत केले. भारतीय बुद्धिबळ प्रतिभेच्या नवीन पिढीचे भवितव्य दिसूत येत आहे. भारताचा पाच वेळा विश्वविजेता पटकावलेल्या  विश्वनाथ आनंदनेही दिव्या देशमुखचे अभिनंदन केले.
तिच्या या यशाबद्दल पंतप्रधान नरेंद्र मोदी यांनी तिचे अभिनंदन केले आहे.

“भारतीय बुद्धिबळाचा एक महान उत्सव..”
-विश्वनाथ आनंद

भारतीय संघ इंग्लंडमध्ये कसोटी मालिका खेळत असून जो रुटच्या फलंदाजीला चांगलाच बहर आला आहे. मँचेस्टरमधील चौथ्या कसोटीत तिसऱ्या दिवशी ओल्ड ट्रॅफर्डवर कसोटी कारकीर्दीतील त्याने ३८ वे शतक झळकावले. राहूल द्रविड, जॅक कॅलिस आणि रिकी पाँटिंगला मागे टाकत क्रिकेटच्या इतिहात दुसऱ्या क्रमांकाचा सर्वाधिक धावा करणारा फलंदाज ठरला आहे. जो रुटच्या पुढे फक्त आता मास्टर ब्लास्टर सचिन तेंडूलकर आहे. (Joe Root)

सतीश घाटगे  

१५७ कसोटी खेळणारा रुटने ३८ शतके झळकावत १३ हजार ४०९ धावा केल्या आहेत. कसोटी क्रिकेटमध्ये सर्वात जास्त धावा सचिन तेंडूलकरच्या १५ हजार ९२१ आहेत. तेंडूलकरच्या धावांची बरोबरी करण्यासाठी रुटला अजून अंदाजे २५०० हजार धावांची गरज आहे. त्यासाठी मोठी वाटचाल करावी लागणार आहे. पण ३८ वे शतक झळकावून रुटने क्रिकेट जगताचे लक्ष वेधून घेतले आहे.

जोसेड एडवर्ड रुट असे त्याचे पूर्ण नाव असून ३० डिसेंबर १९९० मध्ये त्याचा जन्म झाला आहे. ३४ वर्षीय रुटची उंची पाच फूट दहा इंच इतकी आहे. उजव्या हाताने फलंदाजी आणि कधी कधी उजव्या हाताने लेगब्रेक गोलंदाजीही करतो. टॉप ऑर्डर बॅटस् मन असलेला रुटने सलामीसह मधल्या फळीत उपयुक्त फलंदाजी केली आहे. कसोटी, एक दिवसीय आणि टी-२० मध्ये त्याने आपली चमक दाखवली आहे. १३ डिसेंबर २०१२ मध्ये भारताविरुद्ध त्याने कसोटी क्रिकेटमध्ये पदार्पण केले. तो इंग्लंडचा ६५५ वा खेळाडू होता. २०१३ मध्ये भारताविरुद्ध तर टी-२० मध्येही भारतीय संघाविरुद्धच त्याने पदार्पण केले.

रुट हेलेन आणि मॅट रुट यांचा मोठा मुलगा असलेला जो रुटने लहान भावांसोबत क्रिकेटचे धडे गिरवले. इंग्लीश कौंटीमध्ये यॉर्कशायरकडून त्याने खेळण्यास सुरुवात केली. त्याची खेळातील प्रगती पाहून २०१२ २०१३ मध्ये भारताविरुद्ध चौथ्या कसोटीत माजी अष्टपैलू पॉल कॉलिंगवूडकडून त्याने इंग्लंडची कॅप स्वीकारली. सहाव्या क्रमांकावर खेळताना त्याने २२९ चेंडूत ७३ धावा केल्या. भारतातील यशस्वी दौऱ्यानंतर न्यूझिलंडच्या दौऱ्यासाठी त्याची कसोटी क्रिकेटमध्ये निवड झाली. त्यापूर्वी त्याने एकदिवसीय आणि टी-२० मध्ये निवड झाली होती. या दौऱ्यात त्याने हेडिंग्लेच्या घरच्या मैदानावर पहिले शतक झळकावले. १६७ चेंडूत त्याने १०४ धावा केल्या. अशेस मालिकेत त्याने ऑस्ट्रेलियाविरुद्ध त्याने फलंदाजी आणि गोलंदाजीह केली. परतीच्या ऑस्ट्रेलियातील अशस मालिकेत त्याची डाळ शिजली नाही. चार कसोटीत तो १९० धावाच करु शकला. (Joe Root)

जो रुटने आपल्या शैलीदार फलंदाजीने सर्वांना मोहित केले. एकाद्या सामन्यात बाद झाल्यानंतर पुढच्या डावात जुन्या चुका सुधारुन नव्याने खेळण्याचा त्याचा प्रयत्न सर्वांना भावतो. त्याने कसोटी, एक दिवसीय सामन्यात सातत्य दाखवले आहे. कसोटी क्रिकेटमध्ये तो इंग्लंड संघांचा कणा आहे. त्यांच्या कारकीर्दीकडे नजर टाकले की लक्षात येते. १५६ कसोटीत त्याने १३ हजार ४०९ धावा केल्या आहेत. त्यामध्ये ३८ शतके आणि ६७ अर्धशतकांचा समावेश आहे. २६२ ही रुटची सर्वोत्तम धावसंख्या आहे. फलंदाजीची सरासरी ५१.१८ अशी सरासरी आहे. मैदानावर जमलेली जोडी फोडण्यासाठी त्याला गोलंदाजी दिली जाते. त्याने ७३ बळी मिळवले आहेत. आठ धावात पाच गडी बाद करण्याची किमयाही त्याने केली आहे. तो स्लीपमध्ये चपळ क्षेत्ररक्षक आहेत. २११ झेल त्याने टिपले आहेत.

कसोटी क्रिकेटबरोबर एकदिवसीय सामन्यात त्याने जबरदस्त कामगिरी केली आहे. एकदिवसीय सामन्यात त्याची सरासरी ४९.१४ अशी आहे. १८ शतके आणि ४२ अर्धशतके झळकावात ७१२६ धावा केल्या आहेत. त्याने २८ बळी मिळवले असून ५२ धावात ३ बळी ही त्याची एकदिवसीसी सामन्यात सर्वोत्तम कामगिरी आहे.

रुटच्या खेळात संयम आणि आक्रमकतेचा मिलाफ आहे. वेगवान आणि फिरकी गोलंदाजी तो उत्तम खेळून काढतो. त्याच्या खेळात सातत्य असल्याने २०२७ पर्यंत तो सचिन तेंडूलकरच्या विक्रमाची बरोबरी करेल असे माजी इंग्लीश खेळाडूंचे मत आहे. तेंडूलकरांच्या धावांची बरोबरी रुट करणार का हे काळच ठरवणार आहे. (Joe Root)