Blog - Page 23 of 645 - महाराष्ट्र दिनमान

अमेरिका, इराणकडून हल्ल्यांचा जोर कायम; होर्मुझ सामुद्रधुनी बंद

by प्रतिनिधी June 11, 2026

written by प्रतिनिधी

नवी दिल्ली : तीन महिन्यांच्या युद्धविरामानंतर अमेरिका आणि इराणने पुन्हा एकदा हल्ले, प्रतिहल्ले सुरू केल्याने मध्यपूर्वेत पुन्हा युद्धाला सुरूवात झाली आहे. दोन्ही देशांनी क्षेपणास्त्र आणि ड्रोन हल्ले सुरू ठेवले. युद्धजन्य स्थितीमुळे इराणने होर्मुझची सामुद्रधुनी बंद ठेवण्याचा निर्णय घेतला आहे. त्याचा फटका जगभरातील तेलवाहतुकीला बसल्याने इंधनाचे दर आणखीन भडकण्याची भिती व्यक्त केली जात आहे.

अमेरिकेने तब्बल ४१ ठिकाणी क्षेपणास्त्रे डागल्याची माहिती पुढे आली आहे. इराण पायाभूत सुविधांवर हल्ले केले आहे. अमेरिकेने पिण्याच्या पाणी प्रकल्पावर हल्ला केल्याची माहिती पुढे आली आहे. इराणने १९ क्षेपणास्त्रे डागल्याची माहिती पुढे आली आहे. बहरीन, कुवेत आणि जॉर्डनमधील अमेरिकेच्या लष्करी तळांवर क्षेपणास्त्र आणि ड्रोन हल्ले केले. इराणने जशास तसे प्रत्युत्तर देण्याची शपथ घेतली आहे. तर इराणने शांतता करारास विलंब केल्यास त्यांना त्यांची किंमत मोजावी लागेल, असा इशारा अमेरिकेचे राष्ट्राध्यक्ष डोनाल्ड ट्रम्प यांनी दिला आहे. (Strait of Hormuz closed)

होर्मुझमधून जहाज वाहतूक बंद

वाढत्या तणावाच्या पार्श्वभूमीवर इराणने होर्मुझच्या सामुद्रधुनी वाहतूक बंद केली असल्याची घोषणा केली. इराणच्या रिव्होल्युशनरी गार्डसने होर्मुझच्या सामुद्रधुनीतून तेलवाहू जहाजे आणि व्यापारी जहाजांसह सर्व जहाजांसाठी बंद करण्यात आला आहे असे जाहीर कले आहे. सामुद्रधुनीतून जाण्याच्या प्रयत्न करणाऱ्या जहाजांना लक्ष्य करण्यात येईल असा इशारा दिला आहे. होर्मुझची सामुद्रधुनीतून जागतिक तेल आणि नैसर्गिक वायूच्या वाहतुकीपैकी अंदाजे एक पंचमाश वाहतूक होते. (Strait of Hormuz closed)

अमेरिकन अधिकाऱ्यांनी होर्मुझ बंद करण्यासंदर्भात इराणचा दावा फेटाळला आहे. या जलमार्गातून व्यापारी जहाजांची वाहतूक सुरू आहे. अनेक जहाजांनी इराणच्या परवानगीशिवाय होर्मुझची सामुद्रधुनी ओलांडल्याचा दावा केला आहे.

अमेरिकेचा पाणीपुरवठा सुविधांवर हल्ला

अमेरिकेने नागरी पाणीपुरवठा सुविधांवर हल्ला केल्याचा आरोप अमेरिकेने केला आहे. इराणच्या परराष्ट्र मंत्रालयाचे प्रवक्ते इस्माईल बघाई यांनी सांगितले की होर्मोझगान प्रांतातील दहा गावातील २० हजार रहिवाशांना पिण्याचे पाणी पुरवणारे दोन जलाशय नष्ट करण्यात आला आहे. हा हल्ला मानवधिकाऱ्यांचे घोर उल्लंघन केल्याचा आरोप केला आहे.(Strait of Hormuz closed)

June 11, 2026 0 comments

Why was PM Modi so afraid to go to the Lok Sabha

मोदी सरकारचा ‘गुप्त’रोग

by प्रतिनिधी June 11, 2026

written by प्रतिनिधी

राकेश कायस्थ

हिंदीतील लोकप्रिय कादंबरी `राग दरबारी`मध्ये वैद्यजी हे एक महत्त्वाचे पात्र आहे. वैद्यजींकडे दोन प्रकारचे रुग्ण असायचे – प्रकट रुग्ण आणि गुप्त रुग्ण. प्रकट आजारांवर ते उघडपणे उपचार करायचे, तर गुप्त आजारांवर गुप्तपणे. (Modi Governments hidden disease)

केंद्र सरकारचीही आज काहीशी अशीच अवस्था दिसते. तिचा प्रकट आजार म्हणजे इस्लामोफोबिया. त्यावर ‘मुल्ला टाईट’ प्रकारच्या राजकारणातून उपचार सुरू आहेत. दुसरा प्रकट आजार म्हणजे निवडणुकांमध्ये भाजपला हरवण्याचा कथित कट रचणारे विरोधी पक्षनेते. त्यांच्यावर ईडी, सीबीआय आणि न्यायालयांच्या माध्यमातून उपचार सुरू आहेत.

आर्थिक अधोगती हा गुप्त आजार

पण देशाची आर्थिक अधोगती हा सरकारचा गुप्त आजार आहे. हा आजार गंभीर आहे. त्यावर शांतपणे उपचार सुरू आहेत, पण प्रकृतीत फारसा फरक पडलेला दिसत नाही. एक गमतीदार गोष्ट म्हणजे, अगदी छोट्या-छोट्या कामाचाही मोठा गाजावाजा करणाऱ्या केंद्र सरकारने गेल्या दीड वर्षात अर्थव्यवस्था सावरण्यासाठी काही गंभीर प्रयत्न केले, पण त्यांची फारशी जाहिरात केली नाही. कारण कदाचित सरकारलाच या उपाययोजनांमुळे मरणासन्न अर्थव्यवस्थेला खरोखरच नवा जीव मिळेल, याची खात्री नव्हती.

नव्या आर्थिक वर्षाच्या पहिल्या तिमाहीतील देशातील प्रमुख कंपन्यांचे आर्थिक निकाल समोर आले आहेत. काही प्रमाणात सुधारणा दिसत असली, तरी बहुतांश मोठ्या कंपन्यांच्या विक्रीत आणि नफ्यात समाधानकारक वाढ झालेली नाही. या घसरणीची मालिका सप्टेंबर २०२४ च्या तिमाहीपासून सुरू झाली होती आणि ती अजूनही पूर्णपणे थांबलेली नाही. (Modi Governments hidden disease)

‘फाइव्ह ट्रिलियन इकॉनॉमी’ची स्वप्ने दाखवणारी आणि ‘विकसित भारत’चा गजर करणारी सरकार अर्थव्यवस्थेची खरी स्थिती चांगलीच जाणून होती. सामान्य नागरिकांच्या खिशातून पैसे काढण्यात पटाईत असलेल्या सरकारने मोठा राजकीय धोका पत्करत गेल्या वर्षी आयकरात लक्षणीय कपात जाहीर केली. पण त्याचा अर्थव्यवस्थेवर अपेक्षित परिणाम झाला नाही.

त्यानंतर बाजारातील मागणी वाढवण्यासाठी जीएसटी दरांमध्ये कपात करण्यात आली. पण ज्या देशात बेरोजगारी उच्चांक गाठत आहे, तिथे मागणी परत कशी वाढणार? त्यामुळे जीएसटी कपातीचा प्रयोगही फारसा यशस्वी ठरला नाही. (Modi Governments hidden disease)

निवडणुका जिंकण्याच्या योजना (Modi Governments hidden disease)

आयकर आणि जीएसटीतील कपातीमुळे सरकारी तिजोरीवर मोठा ताण पडला. त्यात निवडणुका जिंकण्यासाठी विविध योजनांमधून वाटल्या जाणाऱ्या लाखो कोटी रुपयांच्या अनुदानांची भर घातली, तर देशाची अर्थव्यवस्था आज अक्षरशः सुरुंगाच्या ढिगाऱ्यावर बसल्यासारखी वाटते.

कोविड काळात सुरू करण्यात आलेली मोफत धान्य योजना अजूनही सुरू आहे. त्यावर दरवर्षी सुमारे दोन लाख कोटी रुपये खर्च होतात. प्रत्येक राज्यातील निवडणुकांपूर्वी दिल्या जाणाऱ्या रोख अनुदानांच्या योजना वेगळ्याच आहेत. (Modi Governments hidden disease)

दुसरीकडे, आकडेवारी सांगते की साक्षर आणि उच्चशिक्षित लोकांमध्ये बेरोजगारीचे प्रमाण सर्वाधिक आहे. याचा सरळ अर्थ असा की, कुटुंबाची आर्थिक परिस्थिती बदलू शकतील अशा दर्जेदार नोकऱ्या देशात जवळपास उपलब्ध नाहीत.

डॉलर सातत्याने मजबूत होत आहे, तर रुपया घसरत चालला आहे. वाढत्या आयातीमुळे देशाची परकीय चलनसंपत्ती कमी होत आहे. पेट्रोल, डिझेल आणि गॅसच्या वाढत्या किमतींमुळे कोट्यवधी कुटुंबांसाठी दिवसातून दोन वेळचा स्वयंपाक करणेही कठीण होत चालले आहे.

विदेशी गुंतवणूकदार भारतीय बाजारातून पैसे काढून शेअर्स विकत आहेत आणि देशातील उद्योगसमूहही नव्या गुंतवणुकीसाठी पुढे येताना दिसत नाहीत.

या सर्व परिस्थितीत ‘गोदी मीडिया’ नेहरूंना मागे टाकल्याचा जल्लोष करत आहे. आणि अर्थव्यवस्थेच्या या गुप्तरोगावर उपचार करण्यात अपयशी ठरलेले वैद्यजी जनतेचे लक्ष दुसरीकडे वळवण्यासाठी नव्या तमाशांचा शोध घेत असल्याचे चित्र दिसते.

(राकेश कायस्थ हे हिंदीतील ज्येष्ठ पत्रकार आहेत.)

June 11, 2026 0 comments

Two Indian sailors killed in a US attack

ताज्या बातम्या राजकारण

अमेरिकेच्या हल्ल्यात दोन भारतीय खलाशी ठार

by प्रतिनिधी June 11, 2026

written by प्रतिनिधी

नवी दिल्ली : अमेरिका आणि इराणमध्ये युद्ध पेटले असून अमेरिकेने एका व्यापारी जहाजावर हल्ला केला. या हल्ल्यात जहाजावरील दोन भारतीय खलाशी ठार झाले. मुख्य अभियंता बेपत्ता आहे. २४ भारतीय खलाशांना वाचवण्यात आल्याचा दावा करण्यात येत आहे. भारताने अमेरिकेच्या दुतावासाकडे अधिकृत निषेध नोंदवला आहे.

सेट्टेबेलो जहाजावर २४ भारतीय खलाशी

बुधवारी ओमानच्या किनाऱ्यावर पलाऊचा ध्वज असलेल्या सेट्टेबेलो जहाजावर २४ भारतीय खलाशी होते. अमेरिकेन या जहाजावर अचूक हल्ला केला. त्यामध्ये तीन प्रवाशी बेपत्ता असल्याचे सांगण्यात आले.हिमाचल प्रदेश, उत्तर प्रदेश आणि आंध्र पदेशातील हे खलाशी आहेत. पण त्याचा मृत्यू झाला आहे. ओमानच्या अधिकाऱ्यांच्या मदतीने २१ खलाशांची सुटका करण्यात आली आहे. (Two Indian sailors killed in a US attack)

भारताकडून हल्ल्याचा निषेध

या घटनेचा भारताने निषेध केला आहे. परराष्ट्र मंत्रालयाचे अतिरिक्त सचिव नागराज नायडू यांनी अमेरिकेचे चार्ज डी अफेअर्स जेसन मीक्स यांना बोलावून गेल्या काही दिवसात अमेरिका सैन्याने अनेक भारतीय खलाशी असलेल्या एका मालवाहू जहाजावर केलेल्या दुसऱ्या हल्ल्याचा निषेध करणारा औपचारिक निषेध नोंदवला.या प्रदेशात जहाजांवरील हल्ल्यांच्या सततच्या घटना अत्यंत चिंताजनक असल्याचे कळवले आहे. (Two Indian sailors killed in a US attack)

जहाजावर भारतीय खलाशी असल्याची अमेरिकेला माहिती

एफएसयूआयचे महासचिव मनोज यादव म्हणाले, जहाजासोबतचा संपर्क खंडीत झाल्याने सर्व तपशिलांची पडताळणी करणे अवघड झाले आहे. आम्हाला जहाजाशी संपर्क साधता आला नाही असे यादव यांनी एएनआयला सांगितले. माझ्याकडे आलेल्या ताज्या माहितीनुसार दोघांचा मृत्यू झाला असून मुख्य अभियंता अद्याप बेपत्ता असल्याचे सांगण्यात आले. जहाजावर लष्करी कारवाई करण्यापूर्वी पर्यायी उपाययोजना करता आल्या असता का असा प्रश्न यादव यांना विचारला असता ते म्हणाले, जहाजावर कोणत्या देशाचे लोक आहेत याची माहिती अमेरिका अधिकाऱ्यांना असण्याची दाट शक्यता आहे. जहाजांवर नेमके किती भारतीय आणि परदेशी नागरिक होते हे अमेरिकन नौदलाला माहित होता असा दावाही यादव यांनी केला. (Two Indian sailors killed in a US attack)

June 11, 2026 0 comments

Congress protests against the Election Commission

ताज्या बातम्या राजकारण

काँग्रेसची निवडणूक आयोगाच्या विरोधात निदर्शने

by प्रतिनिधी June 10, 2026

written by प्रतिनिधी

जमीर काझी : मुंबई : राज्यसभा निवडणुकीत मध्य प्रदेशात काँग्रेस पक्षाच्या उमेवार मिनाक्षी नटराजन यांचा उमेदवारी अर्ज बेकायदेशीर व मनमानीपणे रद्द करण्याचे तीव्र पडसाद देशभर उमटले. काँग्रेस प्रदेशाध्यक्ष हर्षवर्धन सपकाळ यांच्या नेतृत्वाखाली बुधवारी दादरमध्ये निवडणूक आयोग व भाजपा सरकार विरोधात तीव्र आंदोलन करून निषेध व्यक्त करण्यात आला.

यावेळी निवडणूक आयोग, मुख्य निवडणूक आयुक्त ज्ञानेशकुमार, मोदी सरकार, फडणवीस सरकार विरोधात घोषणाबाजी करण्यात आली. ‘जब जब सरकार डरती है, पुलीस को आगे करती है’, ‘निवडणूक आयोग भाजपाची शाखा आहे’, ‘लोकशाही नाही हुकुमशाही आहे’, अशा घोषणांनी परिसर दणाणून गेला. (Congress protests against the Election Commission)

आंदोलनात मुंबई युवक काँग्रेसच्या अध्यक्ष झिनत शबरीन, प्रदेश काँग्रेसचे सरचिटणीस ब्रिज दत्त, राणी अग्रवाल, जोजो थॉमस, प्रकाश सोनावणे, श्रीरंग बरगे, विश्वजित हाप्पे, मनिष गणोरे, झीशान अहमद, राजा ठाकूर, श्रुती म्हात्रे. डॉ. मनिष पाटील, राहुल पिंगळे, नवीन सिंग यांच्यासह शेकडो पदाधिकारी उपस्थित होते. यावेळी काँग्रेस मुख्यालय टिळक भवनला पोलिसांनी मोठा फौजफाटा तैनात केला होता. (Congress protests against the Election Commission)

निवडणूक आयोग सरकारच्या हातातील कळसुत्री बाहुली

प्रदेशाध्यक्ष हर्षवर्धन सपकाळ यांनी निवडणूक आयोगावर टीका केली. ते म्हणाले, “निवडणूक आयोग भाजपा सरकारच्या हातातले कळसुत्री बाहुली बनले असून सत्ताधारी पक्षाच्या इशाऱ्यावर काम करत आहे. मिनाक्षी नटराजन यांचा अर्ज रद्द करण्याचे कोणतेही कायदेशीर कारण नाही, कोणताही एफआयआर त्यांच्यावर नाही, तरीही एका खोट्या आक्षेपाची दखल घेत मिनाक्षी नटराजन यांचा अर्ज बाद करण्यात आली. निवडणूक आयोग व भारतीय जनता पक्ष यांची अभद्र युती असून असे प्रकार भारतीय लोकशाही व संविधानाला अत्यंत घातक आहे. निवडणूक आयोग व भाजपाने लोकशाहीचा गळा घोटण्याचे कृत्य केले आहे. (Congress protests against the Election Commission)

June 10, 2026 0 comments

Comparison between Pandit Nehru and Modi

ताज्या बातम्या राजकारण

नेहरुंची मोदीशी तुलनाच होऊ शकत नाही

by प्रतिनिधी June 10, 2026

written by प्रतिनिधी

मुंबई : प्रतिनिधी : शून्यातून भारत निर्माण करणाऱ्या पंडीत जवाहरलाल नेहरूंशी नरेंद्र मोदी यांची तुलना होऊच शकत नाही, असे प्रतिपादन राष्ट्रवादीचे खासदार शरद पवार यांनी केले. मुंबईत राष्ट्रवादी शरदचंद्र पवार पक्षाच्या वर्धापनदिनाच्या सोहळ्यात ते बोलत होते. त्यांनी पंडीत नेहरु आणि इंदिरा गांधींच्या कार्याचा आढावाही घेतला. (Comparison between Pandit Nehru and Modi)

पंतप्रधानपदावर राहण्याचा सर्वात जास्त काळ राहण्याचा विक्रम नरेंद्र मोदी यांनी केला आहे. त्यांनी पंडीत नेहरुंचा पंतप्रधान पदावर राहण्याचा विक्रम मोडीत काढला. भाजपकडून पंतप्रधान मोदींच्या कार्यकाळाचा तुलना नेहरुंच्या कालखंडाशी होत असल्याने शरद पवार यांनी भाजपचा चांगला समाचार घेतला. मोदी यांचे नाव न घेता काही लोक यांच्यासारखा नेता झाला नाही असा सांगण्याचा प्रयत्न करत आहेत. पंतप्रधान होण्याआधी नेहरुंनी स्वातंत्र्यलढ्यात इंग्रजांशी लढले होते. त्यांनी देश संघटित केला. त्यांच्यामुळे देशात सुधारणेचे वारे वाहिले. त्यांच्यानंतर इंदिरा गांधी यांनी तेवढ्याच निष्ठेने देशाची सेवा केला. (Comparison between Pandit Nehru and Modi)

पवारांनी मंत्री गिरीश महाजनांना सुनावले

गिरीश महाजन यांनी पंजाबमधील एका कार्यक्रमात ऑपरेशन ब्लू स्टार हा इतिहासातील काळा दिवस आहे अशी टीका केली. त्यांच्या वक्तव्यावर काँग्रेसने टीका केली. शरद पवारांनी महाजनांच्या वक्तव्यावर नाराजी व्यक्त केली. ऑपरेशन ब्लू स्टार हा इंदिरा गांधीचा मोठा त्याग होता असे सांगून पवार म्हणाले, शीख समाज देशाचा महत्वाचा भाग आहे. शीख बांधव देशासाठी कोणतीही किंमत मोजायला तयार असतात. सैन्यदलातही ते प्रत्येक जबाबदारी पेलतात. इंदिरा गांधी यांनी जगामध्ये देशाची प्रतिष्ठा वाढवली. त्यांनी देशाच्या प्रतिष्ठेशी कधीही तडजोड केली नाही याकडेही त्यांनी लक्ष वेधले.

पंजाबमध्ये काल गेलेल्या मंत्र्याने शिखांवर काँग्रेस आणि देशाने अन्याय केल्याचे भाषण करुन दिशाभूल केली. इंदिरा गांधी आणि राजीव गांधी यांची हत्या झाली. महाराष्ट्राच्या मंत्र्याने केलेले भाषण हे देशाच्या दृष्टीने योग्य नाही अशा शब्दात शरद पवार यांनी महाजनांना सुनावले. (Comparison between Pandit Nehru and Modi)

June 10, 2026 0 comments

ताज्या बातम्या

फिफा वर्ल्डकप मॅच दिवशी शाळा बंद

by प्रतिनिधी June 10, 2026

written by प्रतिनिधी

नवी दिल्ली : फिफा वर्ल्डकप २०२६ स्पर्धेस उद्या ११ जून रोजी प्रारंभ होत आहे. स्पर्धेचे उद्घाटन मेक्सिको सिटीमध्ये होणार असून मोठ्या संख्येने पर्यटक येण्याची शक्यता घेऊन मेक्सिकन सरकारने शाळा बंद ठेवण्याचा आदेश दिला आहे. तसेच वर्क फ्रॉम होम चे आवाहन नोकरदरांना करण्यात आला आहे. जगभरातील फुटबॉल शौकिन फिफा विश्वचषक स्पर्धेतील सामने पाहण्यासाठी उत्सुक आहेत. (Schools closed for the football match)

स्पर्धेचा पहिला सामना गुरुवारी ११ जून रोजी मेक्सिको सिटी स्टेडियमवर यजमान मेक्सिको आणि दक्षिण अफ्रिका यांच्यात खेळवला जाणार आहे. भारतात हा सामना गुरुवारी मध्यरात्री साडेबारा वाजता पहायला मिळणार आहे. उद्घाटनाच्या सामन्याला मोठ्या संख्येने पर्यटक येण्याची शक्यता आहे. त्यामुळे वाहतूक व्यवस्थेची कोंडी होण्याची शक्यता आहे. या पार्श्वभूमीवर मेक्सिको सरकारने काही आदेश काढले आहेत. बालवाडीपासून विद्यापीठ स्तरापर्यंतच्या सर्व शैक्षणिक संस्थातील सार्वजनिक आणि खासगी शाळा बंद ठेवण्याचे आदेश दिले आहेत. तसेच सरकारने खासगी कर्मचाऱ्यांनाही घरुन काम करण्याची परवानगी दिली आहे. (Schools closed for the football match)

अमेरिका, मेक्सिको आणि कॅनडा हे तीन देश स्पर्धेचे यजमानपद सांभाळत आहेत. स्पर्धेत ४८ देशातील १२४८ खेळाडू सहभागी होणार आहेत. भारतातही फुटबॉलची लोकप्रियता वाढत असून मुंबई, कोल्हापूर या शहरासह गोवा, केरळ, पश्चिम बंगाल, ईशान्यपूर्व राज्यांमध्ये फुटबॉल खेळ अतिशय लोकप्रिय आहे. पुढील सव्वा महिने जगभरातीतील दिग्गज संघांचे सामने पाहण्याची पर्वणी मिळणार आहे. (Schools closed for the football match)

June 10, 2026 0 comments

आरोग्य महत्त्वाच्या नोंदी

भारताची आरोग्य व्यवस्था गंभीर

by प्रतिनिधी June 10, 2026

written by प्रतिनिधी

रजिस्ट्रार जनरल ऑफ इंडिया यांच्या सॅम्पल रजिस्ट्रेशन सिस्टम (SRS) अंतर्गत आरोग्य, लोकसंख्या आणि महत्त्वाच्या सांख्यिकीविषयक अहवाल तयार केला. केंद्रीय पत्रसूचना कार्यालयाने त्या अहवालाची माहिती अलीकडेच प्रसिद्ध केली. अर्थातच, सरकारने या अहवालातील सकारात्मक बाबी ठळकपणे पुढे आणल्या. मात्र अनेक गंभीर आणि धक्कादायक बाबी लपवण्याचा प्रयत्न केला. त्यासंदर्भातील काही तपशील उघड झाला आहे. (India’s healthcare system serious)

मृत्यूवेळी डॉक्टरांची मदत नाही

धक्कादायक बाब म्हणजे मृत्यूच्या वेळी डॉक्टर किंवा रुग्णालयाची मदत न मिळालेल्या लोकांचे प्रमाण दुपटीपेक्षाही जास्त वाढले आहे. २०२० मध्ये अशा मृत्यूंचे प्रमाण १८ टक्के होते, ते २०२४ मध्ये वाढून तब्बल ४५.५ टक्क्यांवर पोहोचले आहे. बिहार, झारखंड आणि छत्तीसगडमध्ये हे प्रमाण ६० टक्क्यांपेक्षाही अधिक झाले आहे. केरळमध्ये हे प्रमाण २६.८ टक्के आहे, जे पूर्वीच्या राष्ट्रीय सरासरी १८ टक्क्यांपेक्षा बरेच जास्त आहे. शहरी भागात हे प्रमाण ३६.१ टक्के असून ग्रामीण भागात ते ४८.९ टक्क्यांवर आहे. एसआरएस अहवालानुसार ही घसरण २०१४ पासून सातत्याने दिसून येत आहे आणि ती अधिक गंभीर होत चालली आहे.

अहवालानुसार मृत्यूच्या वेळी डॉक्टर, रुग्णालय किंवा प्रशिक्षित वैद्यकीय कर्मचाऱ्यांची मदत न मिळालेल्या लोकांचे प्रमाण २०२० नंतर झपाट्याने वाढले आहे. हा काळ कोविडचा होता. पण त्यानंतर परिस्थिती सुधारायला हवी होती. (India’s healthcare system serious)

आरोग्य विमा योजना निष्प्रभ

आकडे सांगतात की त्या काळात सुमारे ३० टक्के मृत्यू सरकारी रुग्णालयांमध्ये आणि १९ टक्के मृत्यू खासगी रुग्णालयांमध्ये होत होते.

या अधोगतीमागील कारणे अधिकृतरीत्या दिलेली नसली, तरी ती समजून घेणे अत्यंत महत्त्वाचे आहे. सुविधा वाढत असल्याचाच दावा केला जातो. छोट्या शहरांमध्येही पंचतारांकित रुग्णालये उघडली गेली आहेत. केंद्र सरकारची आयुष्मान भारत योजना असो किंवा राज्य सरकारांच्या विविध आरोग्य योजना — सर्वत्र उत्तम सुविधा दिल्या जात असल्याचे सांगितले जाते. (India’s healthcare system serious)

जर दहा कोटी कुटुंबांकडे आयुष्मान कार्ड असेल आणि त्यांना पाच लाख रुपयांपर्यंत उपचाराचा लाभ मिळत असेल, तर या आकड्यांचा अर्थ असा की ही योजना प्रत्यक्षात प्रभावीपणे राबवली जात नाही. सरकार कार्ड वाटप आणि विमा कंपन्यांना प्रीमियम देणे इतक्यावरच आपले कर्तव्य संपल्यासारखे समजत आहे. याहूनही मोठे वास्तव म्हणजे खासगी रुग्णालयांमधील उपचार सामान्य माणसाच्या आवाक्याबाहेर गेले आहेत. आरोग्य विमा असूनही त्यातून फारसा फरक पडलेला नाही.

भारताची आरोग्यव्यवस्था गंभीर असल्याचे आणि अनेक पातळ्यांवर अपयशी ठरत चालली असल्याचेच या सरकारी अहवालातून स्पष्ट होते.

June 10, 2026 0 comments

ताज्या बातम्या राजकारण

इराणचा अमेरिकेच्या २१ लष्करी तळांवर हल्ला

by प्रतिनिधी June 10, 2026

written by प्रतिनिधी

नवी दिल्ली : होर्मझच्या सामुद्रधुनीजवळ अमेरिकेचे एएच-६४ अपाचे लष्करी हेलिकॉप्टर कोसळल्यानंतर अमेरिकेने इराणवर जोरदार हवाई हल्ले केले. त्याला प्रत्युत्तर देताना मध्यपूर्वेतील देशांमध्ये असलेल्या अमेरिकेच्या २१ लष्करी तळावर इराणने हल्ले करत प्रत्युत्तर दिले. अमेरिकेचे एक ड्रोनही पाडल्याचा दावा इराणने केला आहे. अमेरिकेचे हेलिकॉप्टर कोसळल्यानंतर दोन वैमानिकांना वाचवण्यात आले आहे. हल्ल्यानंतर कच्च्या तेलाच्या किंमतीत एक टक्क्यांनी वाढली आहे. (Iran attacks 21 US military bases)

इराणचे हल्ले रोखल्याचा जॉर्डन, कुवेतचा दावा

इराणने डागलेली पाच क्षेपणास्त्रे पाडल्याचा दावा जॉर्डनने केला आहे. इराणने असा दावा केला आहे की बहरीनमधील अमेरिकेच्या नौदल ताफ्याला लक्ष्य केले आहे. जॉर्डनमधील अझराक हवाई तळांवरही हल्ला केला आहे. इराणचे क्षेपणास्त्रे कुवेतने त्यांच्या हवाई सरंक्षण प्रणालीने रोखल्याचा दावा केला आहे. जॉर्डननेही इराणच्या अल अझराक भागाच्या दिशेने डागलेली पाच क्षेपणास्त्रे पाडल्याचा दावा केला आहे.

अमेरिकेचे इराणवर जोरदार हल्ले

अमेरिकेने इराणवर हल्ला केला असून अमेरिकेच्या सेंट्रल कमांडनुसार दक्षिण इराणमधील हवाई सरंक्षण प्रणाली, रडार केंद्रे, या पायाभूत सुविधांना लक्ष्य करण्यात आले आहे. इराणमधील जास्क, सिरिक आणि केशम येथील नागरी पायाभूत सुविधांवर अमेरिकेने हल्ला केला आहे असा आरोप इराणने केला आहे. (Iran attacks 21 US military bases)

अमेरिकन सैनिकांना लक्ष्य केल्याचा इराणचा दावा

इराणच्या आयआरजीने निवेदन प्रसिद्ध केले आहे. आज पहाटे शत्रूच्या हल्ल्याला प्रत्युत्तर देताता आयआरजीसी एरोस्पेसने लांब पल्ल्याच्या क्षेपणास्त्रांचा वापर करुन जॉर्डनमधील अल-अझराक येथील एका हवाई तळावरील एफ-३५ लढाई विमानांचे हँगर्स आणि अमेरिकन सैन्याचा कमांड आणि कंट्रोल सेंटर हल्ला करुन ती नष्ट करण्यात आली आहेत. अल जझिराच्या वृत्तानुसार अमेरिकेच्या हल्ल्याला प्रत्युत्तर देताना इराणने जॉर्डनमधील अमेरिकन सैनिकांना लक्ष्य केले आहे असे वृत्त दिले आहे. (Iran attacks 21 US military bases)

June 10, 2026 0 comments

'Shaktipeeth Mahamarg' movie is set to flop

ताज्या बातम्या राजकारण

नागपुरात स्क्रीप्ट लिहिलेला शक्तीपीठ महामार्ग सिनेमा फ्लॉप ठरणार

by प्रतिनिधी June 9, 2026

written by प्रतिनिधी

कोल्हापूर : प्रतिनिधी : मुख्यमंत्री देवेंद्र फडणवीस यांनी शक्तीपीठ महामार्गाची स्क्रीप्ट नागपुरात लिहिली असली तरी १३ जिल्ह्यात त्यांचा हा सिनेमा चालणार नाही. शक्तीपीठ महामार्गाचा फ्लॉप शो होणार आहे अशी घणाघाती टीका विधान परिषदेतील काँग्रेसचे गटनेते आमदार सतेज पाटील यांनी केली. शक्तीपीठ महामार्गाच्या विरोधात कोल्हापुरात भव्य मोर्चा काढण्यात आला. त्यावेळी ते बोलत होते.

शक्तीपीठ महामार्गाला विरोधाचा केंद्रबिंदू कोल्हापुरात प्रस्तावित शक्तीपीठ महामार्गाच्या विरोधात भव्य मोर्चा काढला. मोर्चात सर्वपक्षीय नेत्यांचा समावेश होता. आमदार सतेज पाटील, स्वाभिमानी शेतकरी संघटनेचे माजी खासदार राजू शेट्टी, आमदार जयंत आसगांवकर, आमदार जयंत पाटील यांच्या नेतृत्वाखाली दसरा चौकातून मोर्चास सुरुवात झाली. मोर्चात महिलाही मोठ्या संख्येने सहभागी झाल्या होत्या. शक्तीपीठ विरोधात त्यांनी आपल्या भावनांना मोकळी वाट करुन राज्य सरकारवर टीका केली. ‘एकच जिद्द, शक्तीपीठ रद्द’, ‘एकच निर्धार, शक्तीपीठ हद्दपार’ अशा घोषणा देण्यात आल्या. (‘Shaktipeeth Mahamarg’ movie is set to flop)

शेतकऱ्यांचा शक्तीपीठला विरोध

दसरा चौकातून शहरातील मुख्य मार्गावर मोर्चा जिल्हाधिकारी कार्यालयावर आला. तिथे मोर्चाचे रुपांतर जाहीर सभेत झाले. यावेळी बोलताना सतेज पाटील यांनी आम्ही विकासाच्या विरोधात नसून गरज नसलेला आणि पिकाऊ जमिनीचे भूसंपादन करणाऱ्या शक्तीपीठ रद्द व्हावा अशी आमची भूमिका आहे. गेले सव्वा दोन वर्षे शक्तीपीठ महामार्गाला विरोध करत आहे. शेतकऱ्यांनाही हा महामार्ग नको आहे. रस्त्यांवर उतरुन शक्तीपीठाला विरोध करत असताना शेतकरी हा महामार्ग रेटण्याचा प्रयत्न करत आहे. त्याला सर्वपक्षीय नेते, पदाधिकारी कार्यकर्ते, शेतकरी, कष्टकरी विरोध करणार आहेत असे त्यांनी स्पष्ट केले. (‘Shaktipeeth Mahamarg’ movie is set to flop)

११ नद्यावरुन हा महामार्ग जाणारा असल्याने महापुराचा धोका

शक्तीपीठाचे तोटे सांगताना आमदार सतेज पाटील म्हणाले, कोल्हापूर जिल्ह्यातील ११ नद्यावरुन हा महामार्ग जाणारा असल्याने महापुराचा धोका अनेक गावांना बसणार आहे. या मार्गावरील जमिनी, मंदिरे बाधित होणार आहेत. हिंदूत्वाचे घोषणा देणारे भाजपवाले कुठे आहेत असा सवालही त्यांनी केला. उपमुख्यमंत्री एकनाथ शिंदे यांनी शक्तीपीठ महामार्ग रद्द करण्याची घोषणा केली होती. पण पुन्हा महामार्गाचा आदेश कसा निघू शकतो. या महामार्गाच्या विरोधात पुरुषांनी काठी तर महिलांनी लाटणे घेऊन लढायला तयार व्हावे असे आवाहन केले.

आंदोलनात सर्वपक्षीय नेते सहभागी

आंदोलनात माजी आमदार संपतराव पवार पाटील, सत्यजीत पाटील, ऋतुराज पाटील, शिवसेनेचे सहसंपर्क प्रमुख विजय देवणे, शहर काँग्रेसचे अध्यक्ष प्रवीण केसरकर, स्वाभिमानी शेतकरी संघटनेचे जिल्हाध्यक्ष अजित पवार, जिल्हा बँकेच संचालक ए.वाय.पाटील, कॉ. उदय नारकर, गिरीश फोंडे, संपत देसाई, जिल्हा परिषदेतील राष्ट्रवादीचे गटनेते सुधीर देसाई, जि.प.सदस्य राजेंद्र सूर्यवंशी, सागर धुंदरे, मनोज फराकटे, सत्यजित जाधव, आर.वाय.पाटील, धैर्यशील पाटील, हिंदूराव चौगुले, बाबासाहेब देवकर, राहूल देसाई, जीवन पाटील, पांडुरंग भांदिगरे, सुनील शिंत्रे, गोकुळचे माजी संचालक बाबासाहेब चौगुले, बाळासाहेब खाडे, प्रकाश पाटील यांच्यासह शेतकरी, कार्यकर्ते मोठ्या संख्येने सहभागी झाले होते. (‘Shaktipeeth Mahamarg’ movie is set to flop)

June 9, 2026 0 comments

The decline of Trinamool's Mamata Banerjee

देश-विदेश

ठाकरे, पवारांच्या पंगतीला ममता बॅनर्जी येणार?

by प्रतिनिधी June 9, 2026

written by प्रतिनिधी

ममता बॅनर्जी यांची पश्चिम बंगालमधील सत्ता गेली आणि त्यांच्या पंधरा वर्षांच्या साम्राज्याची अक्षरशः वाताहत झाली. एखाद्या राजकीय नेत्याची किंवा पक्षाची किती वेगाने घसरण होऊ शकते, हे तृणमूल काँग्रेसकडे बघितल्यानंतर लक्षात येते. राजकारण सत्ताकेंद्री बनतं तेव्हा त्याचे परिणाम काय असतात हे पश्चिम बंगालमध्ये सध्या बघायला मिळतं. २०११ मध्ये ज्या दमदार पद्धतीने त्यांनी बंगालच्या राजकारणात सत्ता स्थापन केली होती, त्याच ममता बॅनर्जी यांच्यासमोर २०२६ मध्ये सर्वात मोठे राजकीय संकट उभे ठाकले आहे.

विजय चोरमारे

पराभवातही भक्कम जनाधार

.स्वतःच्या बळावर तृणमूल काँग्रेस उभी करणाऱ्या आणि सलग १५ वर्षे बंगालमध्ये सत्ता टिकवणाऱ्या ममता बॅनर्जी यांना २०२६ च्या विधानसभा निवडणुकीत पराभव झाला. पराभव म्हणजे तर किती, भाजपला ४५.८४ टक्के आणि तृणमूल काँग्रेसला ४०.८० टक्के मते मिळाली आहेत. भाजपला दोन कोटी ९२ लाख २४ हजार ८०४ मते तर तृणमूल काँग्रेसला दोन कोटी ६० लाख १३ हजार ३७७ मते मिळाली आहेत.

एसआयआरमध्ये भाजपच्या निवडणूक आयोगानं ९२ लाख मतदार वगळले होते. तरीसुद्धा तृणमूल काँग्रेपेक्षा भाजपला फक्त ३२ लाख जादा मते मिळाली आहेत. याचा अर्थ जनाधार संपला आहे असा नाही. तर पश्चिम बंगालच्या जनतेने पराभवातही ममता बॅनर्जी यांना मोठे समर्थन दिले आहे. तरीसुद्धा पराभव तो पराभव.

पराभवानंतर कालपर्यंत त्यांच्यासोबत असलेले नेते उघडपणे बंड करू लागले. आधी सरकार गेले, त्यानंतर आमदारांनी साथ सोडली आणि आता खासदारांनीही बंडाचे निशाण फडकावलंय. अवघ्या ४० दिवसांत ममता बॅनर्जी यांचं संपूर्ण राजकीय साम्राज्य विस्कळीत झालं आहे. आज त्यांच्यासोबत मोजके आमदार आणि काही खासदार उरलेत. संकट एवढ्यावरच थांबताना दिसत नाही. आता तृणमूल काँग्रेस आणि तिच्या निवडणूक चिन्हावरही संकट निर्माण झालं आहे. (The decline of Trinamool’s Mamata Banerjee)

धक्क्यांमागून धक्के

४ मे रोजी पश्चिम बंगाल विधानसभा निवडणुकीचे निकाल जाहीर झाले. भाजपने २०७ जागांवर विजय मिळवला, तर तृणमूल काँग्रेस फक्त ८० जागा मिळाल्या. स्वतः ममता बॅनर्जी भवानीपूर मतदारसंघातून पराभूत झाल्या. २०११ पासून त्या या मतदारसंघातून जिंकत होत्या. महिनाभरातच म्हणजे ३ जूनला ५८ आमदारांनी ऋतब्रत बॅनर्जी यांची विरोधी पक्षनेते म्हणून निवड केली.

ममता बॅनर्जी यांच्याविरोधातील हे पहिलं मोठं बंड होतं. त्याच दिवशी विधानसभा अध्यक्षांनीही ऋतब्रत बॅनर्जी यांना अधिकृत मान्यता दिली. तृणमूल काँग्रेसने शोभनदेव भट्टाचार्य यांचं नाव पुढं केलं होतं; मात्र ते मान्य झालं नाही.

त्यानंतर पाचच दिवसांत ८ जून रोजी तृणमूल काँग्रेसचे राज्यसभा खासदार सुखेंदू शेखर रॉय यांनी पक्षातील सर्व पदांसह राज्यसभेच्या सदस्यत्वाचाही राजीनामा दिला. काही वेळानंतर टीएमसीच्या ११ खासदारांची भाजप नेते भूपेंद्र यादव आणि मुख्यमंत्री शुभेंदू अधिकारी यांच्यासोबत बैठक झाली. त्यानंतर बंडखोर गटानं आपल्या बाजूनं २० खासदार असल्याचा दावा केला. या गटानं काकोली घोष यांची नेते म्हणून निवड केली आणि एनडीए ला पाठिंबा जाहीर केला. एकीकडं ममता बॅनर्जी इंडिया आघाडीसोबत बैठकीत असताना दुसरीकडं त्यांच्या संसदीय पक्षात मोठी फूट पडत होती. (The decline of Trinamool’s Mamata Banerjee)

अभिषेक बॅनर्जी यांच्याबद्दल नाराजी

तृणमूलच्या बंडखोर आमदारांचं म्हणणे आहे की त्यांची नाराजी ममता बॅनर्जी यांच्याबद्दल नसून अभिषेक बॅनर्जी यांच्याबद्दल आहे. ममता बॅनर्जी पक्षाच्या मार्गदर्शक म्हणून राहाव्यात अशी आपली इच्छा आहे. मात्र अभिषेक बॅनर्जी यांना पक्षात स्थान नसावे, असंही त्यांनी स्पष्ट केलं. अभिषेक बॅनर्जी यांच्या “दादागिरी”ची किंमत पक्षाला चुकवावी लागत असल्याचा आरोप त्यांनी केला. बंडखोर खासदार सुखेंदू शेखर रॉय यांनी, एका बलात्कार प्रकरणावर मी उघडपणे प्रश्न उपस्थित केले होते. त्यानंतर मला पक्षात एकटे पाडण्याचा प्रयत्न झाला, असा आरोप केला.

लोकसभा खासदार काकोली घोष म्हणाल्या की, मी ४० वर्षे ममता बॅनर्जींसोबत आहे. त्या माझ्या मार्गदर्शक, गुरू आणि नेत्या राहिल्या आहेत. त्या सत्तेबाहेर असताना देखील मी त्यांच्यासोबत होते. त्यामुळे सत्ता गेल्यावर मी त्यांना सोडले, असं म्हणणं चुकीचं आहे.

पक्ष आणि चिन्हही संकटात

ममता बॅनर्जी यांच्या हातातून आधी १५ वर्षांची सत्ता गेली. त्यानंतर महिनाभरात जवळपास ६० आमदारांनी त्यांची साथ सोडली. आता खासदारांनीही बंड पुकारले आहे. ममता बॅनर्जी यांनी उभी केलेली तृणमूल काँग्रेसही त्यांच्या हातातून निसटत असल्याचं चित्र दिसतंय. बंडखोर आमदार आणि खासदार दोन्ही गट आपलीच “खरी टीएमसी” म्हणत आहेत.

संविधानानुसार एखाद्या पक्षातील दोन-तृतीयांश सदस्य फुटले, तर त्यांच्यावर पक्षांतर विरोधी कायदा लागू होत नाही. टीएमसीतील दोन-तृतीयांश आमदार आणि खासदारांनी बंड केले असल्याचा दावा केला जात आहे. त्यामुळे बंडखोरांनी विधानसभा अध्यक्ष आणि लोकसभा अध्यक्ष यांना पत्र लिहून आपणच “खरी टीएमसी” असल्याचा दावा केला आहे.

आता ममता बॅनर्जी यांच्यासमोर सर्वात मोठं आव्हान म्हणजे पक्ष आणि निवडणूक चिन्ह वाचवणं. यासाठी टीएमसीने न्यायालयीन लढाई सुरू केली आहे. ऋतब्रत बॅनर्जी यांच्या विरोधी पक्षनेते म्हणून झालेल्या निवडीला आव्हान देत तृणमूल काँग्रेसनं कलकत्ता उच्च न्यायालयात याचिका दाखल केली आहे. या प्रकरणाची सुनावणी ११ जूनला होणार आहे.

दरम्यान काकोली घोष यांना मुख्य सचेतक पदावरून हटवून त्यांच्या जागी कल्याण बॅनर्जी यांची नियुक्ती केल्याची माहिती ममता बॅनर्जी यांनी लोकसभा सचिवालयाला आधीच दिली आहे.

पक्षांतरबंदी कायद्यातून बचावासाठी

बंडखोर खासदारांनी तातडीने राजीनामा देण्याऐवजी किंवा भाजपमध्ये प्रवेश करण्याऐवजी स्वतःला एनडीए ला पाठिंबा देणारा स्वतंत्र गट म्हणून सादर करण्याची रणनीती आखली आहे. यामुळे पक्षांतरविरोधी कायद्यापासून संरक्षण मिळू शकते.

मात्र आता परिस्थिती अशी बनली आहे की, बंडखोर गट पक्ष आणि निवडणूक चिन्हावरही दावा करू शकतो. महाराष्ट्रात शिवसेना आणि राष्ट्रवादी काँग्रेसबाबत जसे घडले, तसेच काहीसे बंगालमध्येही होण्याची शक्यता आहे. “खरी टीएमसी” कोणाची, याचा निर्णय विधानसभा अध्यक्ष, लोकसभा अध्यक्ष आणि अखेरीस निवडणूक आयोग घेऊ शकतो.

सत्तेत असताना सहका-यांशी जोडून घेण्याऐवजी हुकूमशाहसारख्या वागल्या. त्यामुळं संधी मिळताच सहका-यांनी वेगळी वाट पकडली. अर्थात ममता बॅनर्जी यांनी विचारधारेचं राजकारण कधीच केलं नाही. बंगालची जनता फार सुसंस्कृत, प्रगल्भ वगैरे म्हटली जाते, त्यांनीही कम्युनिस्ट राजवटीपासून भाजपच्या राजवटीपर्यंत व्हाया ममता बॅनर्जी असा सहज प्रवास केला.

सध्या सुरू असलेल्या या घडामोडींमुळं ममता बॅनर्जी यांची मोठी कोंडी झाल्याचं दिसून येतं. सत्तेत असताना वाघिणीसारख्या भासणा-या ममता गलितगात्र झाल्या आहेत. एरव्ही इतर विरोधकांना आणि इंडिया आघाडीलाही फारशा न मोजणा-या ममतांना इंडिया आघाडीची गरज वाटू लागली आहे. भाजपच्या आक्रमक नीतीमुळं सध्याच्या राजकीय संकटातून बाहेर पडण्यासाठी त्यांना रस्ता दिसत नाही. या संकटातून त्या कशा बाहेर पडतात, हे पाहावं लागणार आहे. (The decline of Trinamool’s Mamata Banerjee)

June 9, 2026 0 comments

Newer Posts

Older Posts