Tag:

Nagpur

पैशाची बंडल हाताळणाऱ्या आमदाराचा व्हिडिओ व्हायरल

by प्रतिनिधी December 9, 2025

written by प्रतिनिधी

छत्रपती संभाजीनगर : विधान परिषदेतील माजी विरोधी पक्षनेते अंबादास दानवे यांनी पैशांच्या थैल्या आणि नोटांची बंडल घेऊन बसलेल्या एका आमदाराचा व्हिडिओ व्टिट केल्यानंतर नागपूरच्या हिवाळी अधिवेशनात राजकीय वातावरण गरम झाले आहे. हा व्हिडिओ राष्ट्रवादीचे प्रदेशाध्यक्ष सुनील तटकरे यांच्या माध्यमातून दानवे व्टिट केला आहे, असा आरोप शिवसेना शिंदे गटाने केला आहे. तर दानवेंनी थेट मुख्यमंत्री देवेंद्र फडणवीस आणि उप मुख्यमंत्री एकनाथ शिंदे यांना हे आमदार कोण आहेत असा सवाल केला आहे.

पैशांच्या गड्ड्यासह आमदार काय करत आहेत?

दानवे यांनी एक्स पोस्टवर व्हिडिओ पोस्ट केला आहे. पोस्टमध्ये दानवे यांनी असे म्हटले आहे, सरकारकडे फक्त शेतकरी कर्जमाफीला पैसा नाही. बाकी सगळं ओक्के आहे! जनतेला जरा सांगा मुख्यमंत्री फडणवीस आणि शिंदे जी, हे आमदार कोण आहेत? पैशांच्या गड्ड्यांसह काय करत आहेत? असा सवाल त्यांनी महायुती सरकारला केला आहे. (Video of MLA Mahendra Dalvi goes viral)

दानवेकडून पोलिस तपासाची मागणी

अंबादास दानवे यांनी ट्विट केलेल्या व्हिडिओमध्ये सत्ताधारी आमदार महेंद्र दळवी दिसत आहेत. त्यासोबतच पैशांनी भरलेल्या थैल्या आहेत. नोटांची बंडलांचे ढिग दिसत आहेत. यापूर्वी शिंदेंच्या शिवसेनेचे मंत्री संजय शिरसाट यांचा व्हिडिओ व्हायरल झाला होता. त्यामध्येही पैशांनी भरलेल्या बॅगा दिसत होत्या. अंबादास दानवे यांनी म्हटले आहे की, पैशांचे बंडल घेऊन बसलेले हे आमदार कोण, त्यांना शोधावे लागेल. पोलिसांनी त्यांचा तपास केला पाहिजे, अशी मागणी देखील त्यांनी केली आहे. (Video of MLA Mahendra Dalvi goes viral)

आमदार दळवींचे दानवेना चॅलेंज

महेंद्र दळवी यांनी खुलासा करताना म्हणाले, ज्यांनी व्हिडिओ व्टिट केला आहे, त्यांनी दूध का दूध पाणी का पाणी करावं. त्या व्हिडिओमध्ये लाल टी शर्ट घातलेली व्यक्ती दिसत आहे. घड्याळ दिसत आहे. अंबादास दानवे यांनी त्या व्हिडिओमधील व्यक्ती कोण आहे ते दाखवावं. आमदार महेंद्र दळवी यांनी त्यांना चॅलेंज दिले आहे, ते चॅलेंज त्यांनी स्वीकारावे. रायगडचं चॅलेंज संभाजीनगरवाल्यांनी स्वीकारावं, असं आव्हान मंत्री गोगावले यांनी दानवे यांना दिले आहे. (Video of MLA Mahendra Dalvi goes viral)

तटकरेकडून दानवेंना व्हिडिओ?

दानवे यांनी व्हिडिओ ट्विट केल्यानंतर आमदार महेंद्र दळवी, आमदार महेंद्र थोरवे आणि मंत्री भरत गोगावले यांनी दानवेंनी ट्विट केलेला व्हिडिओ हा राष्ट्रवादी काँग्रेसचे प्रदेशाध्यक्ष खासदार सुनील तटकरे यांच्याकडून देण्यात आला असल्याचा आरोप केला. त्यावर अंबादास दानवे म्हणाले की, सुनील तटकरे यांच्यासोबत गेल्या वर्षभरात फोनवर किंवा प्रत्यक्ष बोलणे झालेले नाही. माझ्यापर्यंत व्हिडिओ कोणी दिला याची चर्चा होण्यापेक्षा हा व्हिडिओ तुमचा आहे की नाही हे सांगा? असा सवाल दानवेंनी केला आहे. ज्या प्रमाणे व्हिडिओमध्ये महेंद्र दळवी दिसत आहेत, त्याच प्रमाणे लाल टी-शर्टमध्ये एक व्यक्ती दिसत आहे. ते अधिक दोषी असल्याचे मला वाटते. पोलिसांनी या व्हिडिओची चौकशी करावी, असेही दानवे म्हणाले.

December 9, 2025 0 comments

The post of Leader of Opposition is vacant in the winter session

महाराष्ट्र राजकारण विदर्भ

विरोधी पक्षनेते विना हिवाळी अधिवेशनास प्रारंभ

by प्रतिनिधी December 8, 2025

written by प्रतिनिधी

नागपूर : प्रतिनिधी : महाराष्ट्राच्या इतिहासात प्रथम नागपूरचे हिवाळी अधिवेशन विधानसभा आणि विधान परिषदेला विरोधी पक्षनेत्याशिवाय सुरू झाले. मुख्यमंत्री देवेंद्र फडणवीस यांनी विरोधी पक्षनेतेपदाचा चेंडू विधानसभा अध्यक्ष आणि विधान परिषदेच्या सभपतींच्या कोर्टात टोलवला आहे. तर शिवसेना शिंदे गटाच्या मंत्र्यांनी अदित्य ठाकरेसाठी शिवसेना उद्धव ठाकरे गट आग्रही असल्याचे सांगून भास्कर जाधव यांना विरोधी पक्ष मिळणार नाहीत अशा खेळी सुरू असल्याची पुडी सोडली आहे.

राज्य सरकारला एक वर्ष पूर्ण झाल्यानंतरही विधानसभेत विरोध पक्षनेता नेमलेला नाही. तर विधान परिषदेतून अंबादास दानवे यांची आमदारकीची मुदत संपल्यानंतर विधान परिषदेतील विरोधी पक्षनेतेपद रिक्त आहे. माजी मुख्यमंत्री उद्धव ठाकरे यांनी उप मुख्यमंत्रीपद हे घटनाबाह्य असल्याचे सांगत रद्द करण्याची मागणी केली आहे. आमदार अदित्य ठाकरेही यांनीही टीका करताना भारतीय जनता पक्षाकडे संख्याबळ असताना दोन बोगस पदे कशाला निर्माण केली असा सवाल केला आहे. भाजपचा अनाकोंडा आणि त्यांचे दोन विषारी साप यांची वृत्ती सगळं ढापायचं आणि गिळायचं अशी आहे अशी टीका केली. (The post of Leader of Opposition is vacant in the winter session)

ठाकरे पिता पुत्रावर टीका करताना विरोधी पक्षनेतेपदासाठी अदित्य ठाकरे यांच्या नावाचा प्रस्ताव दिल्याचे मंत्री शंभूराज देसाई यांनी म्हटले आहे. तर आमदार निलेश राणे यांनी जोपर्यंत दोन्ही ठाकरे सभागृहात आहेत तोपर्यंत भास्कर जाधव विरोधी पक्षनेता होणार नाहीत. सत्ताधाऱ्यांच्या वक्तव्यावर अदित्य ठाकरे म्हणाले, या पेरलेल्या बातम्या आहेत, अशा अफवांवर विश्वास ठेऊ नका. विरोधी पक्षनेतेपदासाठी स्वत:च्या नावाची चर्चा अदित्य ठाकरे यांनी फेटाळून लावली. (The post of Leader of Opposition is vacant in the winter session)

विरोधी पक्षपदाचे दावेदार आमदार भास्कर जाधव यांनी विरोधी पक्षनेतेपदासाठी १० टक्के सदस्याची अट कायद्यात कुठेही नाही. भाजप सरकारने सौजन्य आणि लोकशाहीवर विश्वास नाही, अशी टीका केली आहे. विधीमंडळाच्या कोणत्या नियमांमध्ये विरोधी पक्षनेतेपदासाठी दहा टक्के सदस्यांची अट आहे हे सरकारने दाखवून द्यावे, असेही भास्कर जाधव म्हणाले. दिल्लीमध्ये आम आदमी सरकार असताना भाजपकडे दहा टक्के सदस्य नसताना विरोधी पक्षनेतेपद मिळाले होते. याकडे त्यांनी लक्ष वेधले. (The post of Leader of Opposition is vacant in the winter session)

December 8, 2025 0 comments

महत्त्वाच्या नोंदी राजकारण विदर्भ

Salil Deshmukh’s resignation : अनिल देशमुखांच्या मुलाच्या राजीनाम्याने शरद पवार गटाला धक्का

by प्रतिनिधी November 20, 2025

written by प्रतिनिधी

नागपूर : प्रतिनिधी : स्थानिक स्वराज्य संस्थाच्या निवडणुकीची रणधुमाळी सुरू असताना माजी गृहमंत्री अनिल देशमुख यांच चिरंजीव सलील देशमुख यांनी राष्ट्रवादी शरदचंद्र पवार पक्षाच्या सदस्यपदाचा राजीनामा दिला. अनिल देशमुख हे शरद पवारांचे कट्टर समर्थक असल्याने सलील देशमुखांच्या राजीनाम्याने शरद पवार गटाला मोठा धक्का बसला आहे. प्रकृतीच्या कारणावरुन त्यांनी राजीनामा दिला आहे. (Salil Deshmukh’s resignation)

सलील देशमुखांनी शरद पवारांकडे पाठवला राजीनामा

सलील देशमुख यांच्या राजीनाम्याने नागपूर राष्ट्रवादी शरद पवार गटाला मोठे खिंडार पडण्याची भिती व्यक्त केली जात आहे. २०२४ च्या निवडणुकीत सलील देशमुख यांनी शरद पवार गटाकडून निवडणूक लढवली होती. त्यामध्ये ते पराभूतही झाले होते. पण शरद पवार गटाशी एकनिष्ठ राहिले होते. नागपूर जिल्हा, शहर आणि विदर्भात युवकांना संघटित करण्याठी त्यांनी जोरदार तयारी केली होती. जिल्हा परिषद सदस्य म्हणून काम करताना सलील देशमुखांनी विकास कामांचा धडाका लावला होता. सलील देशमुखांनी आपला राजीनामा शरद पवार आणि सुप्रिया सुळे यांना पाठवला आहे. पत्रात असे म्हटले आहे की, गेल्या वीस बावीस वर्षांपासून राष्ट्रवादी शरद पवारांच्या नेतृत्वात असलेल्या राष्ट्रवादी काँग्रेस पक्षात मी सक्रिय आहे. नागपूर जिल्हा, शहर आणि विदर्भ याठिकाणी प्रामुख्याने युवकांच्या बांधनीसाठी आपण केलेल्या प्रयत्नामध्ये कधी यश, तर कधी अपयश आले. मागील काळात मी नागपूर जिल्हा परिषद सदस्य असताना विकासावर भर देत अनेक मोठी विकास कामे आणि प्रकल्प सातत्यपूर्ण पाठपुरावा करून आपल्या परिसरासाठी आणले. यात आपण आणि राष्ट्रवादी काँग्रेस पार्टीच्या सर्व मंत्र्यांनी व नेत्यांनी भरपूर सहकार्य केले, याचा मला अभिमान आहे. परंतु गेल्या काही महिन्यांपासून माझे आरोग्य योग्य नसल्यामुळे काही दिवस (सहा महीने) मी कार्यरत राहू शकत नाही. त्यामुळे मी राष्ट्रवादी काँग्रेस पार्टी शरदचंद्र पवार पक्षाचा सदस्य पदाचा राजीनामा देत आहे. कृपया माझा राजीनामा स्वीकारावा, अशी विनंती सलील देशमुख यांनी केली आहे. (Salil Deshmukh’s resignation)

अजित पवार, सलील देशमुखांची भेट

मागील काही दिवसापूर्वी सलीम देशमुख आजारी असल्याने त्यांना हॉस्पिटलमध्ये उपचारास दाखल करण्यात आले होते. नागपूर दौऱ्यात अजित पवार यांनी सलीम देशमुख यांची हॉस्पिटलमध्ये जाऊन भेट घेतली होती. त्यानंतर अजित पवार आणि सलील देशमुख यांच्यात जवळीक निर्माण झाल्याची चर्चा होती. पण आता सलीम देशमुख यांनी अचानक आजारपणाचे कारण देऊन राजीनामा दिल्याने ते अजित पवार गटामध्ये जाणार का याकडे सर्वांचे लक्ष लागले आहे. (Salil Deshmukh’s resignation)

November 20, 2025 0 comments

उत्तर महाराष्ट्र मराठवाडा महत्त्वाच्या नोंदी महाराष्ट्र राजकारण विदर्भ

Government’s protection for district banks : डबघाईला आलेल्या नाशिक, नागपूर, धाराशिव जिल्हा बँकांना सरकारचे अभय

by प्रतिनिधी November 11, 2025

written by प्रतिनिधी

मुंबई : प्रतिनिधी : आर्थिक अडचणीत सापडलेल्या नाशिक, नागपूर आणि धाराशिव जिल्हा मध्यवर्ती बँकांना भागभांडवल म्हणून ८२७ कोटी रुपये देण्यास आज मंत्रिमंडळाने मान्यता दिली. तिनही बँका महायुती सरकारच्या ताब्यात आहेत. नासिक व नागपूर बँकेवर प्रशासक नेमण्यात आला आहे तर धाराशिव बँकेत संचालक मंडळ कार्यरत आहे. (Government’s protection for district banks)

सरकारकडून नाशिक जिल्हा बँकेला ६७२ कोटी, नागपूर जिल्हा बँकेला८१ आणि धाराशिव जिल्हा बँकेला ७४ कोटी रुपये देण्यात येणार आहे.

भारतीय रिझर्व्ह बँकेने नाशिक, नागपूर आणि धाराशिव जिल्हा मध्यवर्ती बँकांचे पुनर्भांडवलीकरण व पुनरूज्जीवन करण्याबाबत शासनास कळवले आहे. त्यानुसार आज या तीनही बँकांना भागभांडवल म्हणून अर्थसहाय्य मंजूर करण्यात आले. (Government’s protection for district banks)

शेतकऱ्यांना पीककर्ज उपलब्ध करून देण्यासाठी जिल्हा मध्यवर्ती बँकेची भूमिका महत्त्वाची असते. जिल्हा बँकेच्या आर्थिक स्थितीवरच सेवाविकास संस्थांचेही अस्तित्व असते. त्यामुळे नाशिक, नागपूर आणि धाराशिव जिल्हा बँक यांना एकूण ८२७ कोटी भागभांडवल स्वरूपात शासकीय अर्थसहाय्य मंजूर करण्यात आले. नाशिक जिल्हा बँकेस यंदाच्या आर्थिक वर्षात ३३६ कोटी आणि पुढील आर्थिक वर्षात ३३६ कोटी वितरित करण्यासही मान्यता देण्यात आली. (Government’s protection for district banks)

नाशिक आणि नागपूर जिल्हा बँकांवर सध्या प्रशासक कार्यरत आहेत. धाराशिव जिल्हा बँकेवर संचालक मंडळ आहे. मात्र धाराशिव जिल्हा बँकेची स्थिती सातत्याने खालावत असल्याने या बँकेचे संचालक मंडळ बरखास्त करून प्रशासक नियुक्त करण्यासाठी सहकार आयुक्तांना निर्देश देण्यासही मान्यता देण्यात आली. (Government’s protection for district banks)

November 11, 2025 0 comments

आंदोलन महत्त्वाच्या नोंदी महाराष्ट्र राजकारण विदर्भ शेती

Bawankule’s call to Kadu : शेतकऱ्यांचे आंदोलन मोडीत काढायचे आहे का? : बच्चू कडूंचा बावनकुळेंना सवाल

by प्रतिनिधी October 29, 2025

written by प्रतिनिधी

नागपूर : प्रतिनिधी : एकीकडे पंतप्रधान नरेंद्र मोदी मुंबई दौऱ्यावर येत असताना दुसरीकडे प्रहार संघटना आणि शेतकरी संघटनांनी नागपूरात चक्काजाम आंदोलन सुरू केल्याने परिस्थिती निवळण्यासाठी महायुतीचे मंत्री चंद्रशेखर बावनकुळे आणि मंत्री गिरीष महाजनाकडून माजी आमदार बच्चू कडूंची मनधरणी सुरू केली आहे. मंत्री बावनकुळे यांनी बच्चू कडूशी संपर्क साधून मुंबईत बैठकीस यावे अश विनंती केली. त्यावर बच्चू कडू यांनी मुंबईला भेटीसाठी बोलावून आमचे आंदोलन मोडीत काढायचे आहे का असा सवाल बावनकुळेंना केला. बच्चू कडू यांच्या आंदोलनाला स्वाभिमानी शेतकरी संघटनेचे माजी खासदार राजू शेट्टी, माजी मंत्री महादेवराव जानकर, वामनराव चटप, रविकांत तुपकर यांनी पाठिंबा देत नागपूरच्या ठिय्या आंदोलनात सहभागी झाले आहेत. (Bawankule’s call to Kadu)

शेतकरी कर्जमुक्ती मागणीसाठी बच्चू कडूंच्या नेतृत्वाखाली राज्यभरातील शेतकरी आणि प्रहार कार्यकर्त्यांनी नागपुरात चक्काजाम आंदोलन सुरू केले आहे. या आंदोलनकांमुळे हैदराबाद महामार्ग आणि तिथून समृद्धीकडे जाणारा महामार्ग बंद झाला आहे. त्यामुळे बच्चू कडूंनी हे आंदोलन मागे घेण्यासाठी सरकारकडून मनधरणी सुरू केली आहे.

मुंबईऐवजी बैठक नागपूरला घ्या

प्रहार संघटनेचे नेते बच्चू कडू यांनी सरकारला १२ वाजेपर्यंतचा अल्टिमेटम दिल्यानंतर महसूल मंत्री चंद्रशेखर बावनकुळे यांनी त्यांच्यासोबत फोनवरून संवाद साधला. यावेळी कडू यांनी फोनवरून बावनकुळेंना म्हणाले कोणतेच मंत्री यायला तयार नाहीत. मंगळवारी आम्ही मुंबईला आलो असतो तर आमचा मोर्चा पांगला असता. त्यामुळे हे आंदोलन सोडून आम्ही मुंबईला बैठकीसाठी कसे येऊ शकतो, तुम्ही ही बैठक नागपूरला लावा. नागपूरला मंत्रालय आहे, त्यामुळे इथे बैठक घ्या. कारण इतर ठिकाणी तुम्हाला जाता येते, जातीवादी किंवा इतर मोर्चामध्ये जाता येते, मग शेतकऱ्यांच्या मोर्चात यायला काय झाले? असा सवाल यावेळी बच्चू कडूंनी बावनकुळेंना विचारला. (Bawankule’s call to Kadu)

अपंगांचे फक्त हजार रुपयेच वाढवले

लाखो शेतकरी इथे असताना आम्ही मुंबईला गेलो असतो तर काय संदेश गेला असता? सरकारचे प्रतिनिधी काय येत नाहीत, असा प्रश्न कडू यांनी बावनकुळेंना केला. मी मुख्यमंत्री फडणवीसांना सविस्तर मेसेज पाठवला आहे. मागे जुलै महिन्यात बैठक झाली. तुमच्यासोबत सुद्धा बैठक झाली. तेव्हा पण काहीच झाले नाही. दोन बैठकी आधीच झाल्या आहेत. पण निर्णय कुठे झाले आहेत? अपंगांचे फक्त हजार रुपये वाढवण्यात आले आहेत, असे म्हणत कडूंनी बावनकुळेंवर संताप व्यक्त केला.

बैठकीच्या नावाखाली आंदोलन मोडीत काढण्याचा डाव

बच्चू कडू म्हणाले, आम्ही बैठकीसाठी मुंबईला येऊ शकत नाही. हे आंदोलन सोडून मुंबईला कसे येऊ? कारण मुंबईला विमानाने जायला दोन तास, बैठकीसाठी दोन तास, पुन्हा यायला दोन तास म्हणजे मग आमचा पूर्ण दिवस जाईल आणि उद्या जर आंदोलन हातात नाही राहिले तर काय करायचे? बैठक घ्यायला आम्ही तयार आहोत. पण ती इथे नागपूरला घ्या. उद्या शेतकऱ्यांनी काही केले? काही प्रॉब्लम झाला? कोणाला अटक झाली? उद्या वातावरणाचा फरक आला तर आम्ही काय करायचे? त्यामुळे बैठकीच्या नावाखाली तुमचे आमचे आंदोलन मोडीत काढायचे आहे का? असे एक ना अनेक सवाल बच्चू कडूंनी उपस्थित केले आहेत.

शेतकऱ्यांच्या कोणत्या मागण्या मान्य करणार?

मुंबईला बैठक घेण्यापेक्षा बैठक नागपूरला घ्या. इथे मंत्रालय आहे आणि बावनकुळे तुम्ही तर विदर्भाचे प्रेमी आहात. मग हा निर्णय इथे झाला तर काय प्रॉब्लम आहे? त्यामुळे आम्ही ज्या मागण्या केल्या आहेत, त्यांच्यापैकी कोणत्या मागण्या मान्य करणार आहात? हे तुम्ही सांगा. कारण मग रेल्वे रोकोचा तसा निर्णय घेता येईल, असे थेटपणे बच्चू कडू यांनी मंत्री चंद्रशेखर बावनकुळे यांना फोनवरून सांगितले आहे. (Bawankule’s call to Kadu)

October 29, 2025 0 comments

महाराष्ट्र राजकारण विदर्भ

Nationalist Chintan Shibir : अजित पवारांचा स्वपक्षीय मंत्र्यांना दम

by प्रतिनिधी September 19, 2025

written by प्रतिनिधी

नागपूर : प्रतिनिधी : पक्षापेक्षा मंत्र्यांना इतर कामे जास्त असतील तर बदल करावा लागेल. त्यांना आपली जागा मोकळी करावी लागेल, असा दम उप मुख्यमंत्री अजित पवार यांनी स्वक्षीय मंत्र्यांना दिला. नागपूर येथे राष्ट्रवादी काँग्रेस पक्षाच्या चिंतन शिबिरात ते बोलत होते. या शिबिराला राष्ट्रवादीचे मंत्री, खासदार, आमदारांसह वरिष्ठ नेते उपस्थित होते. (Nationalist Chintan Shibir)

राष्ट्रवादीच्या चितंन शिबिराचे उद्घाटन सकाळी साडेनऊ वाजण्याच्या सुमारास ध्वजवंदनाने झाले. यावेळी पक्षाचे काही मंत्री, पदाधिकारी आणि कार्यकर्ते उपस्थित नव्हते. यावर अजित पवारांनी आपल्या भाषणात नाराजी व्यक्त करत पक्षाच्या मंत्री, नेते, पदाधिकारी आणि कार्यकर्त्यांनी वेळ पाळलीच पाहिजे, अशी सूचना केली. (Nationalist Chintan Shibir)

अजित पवार म्हणाले “आपल्या पक्षाच्या वतीने आयोजित राष्ट्रवादी चिंतन शिबिरात तुम्हा सर्वांचे मी सर्वप्रथम स्वागत करतो. राष्ट्रवादी काँग्रेस पक्षाचा राष्ट्रीय अध्यक्ष म्हणून आज माझं मन खूप भरून आलं आहे. या सभागृहात आपले जवळपास पाचशे वरिष्ठ पदाधिकारी, नेते, सहकारी उपस्थित आहेत. मी आजूबाजूला पाहतो तेव्हा मला गर्दी दिसत नाही, मला माझे कुटुंब दिसते. तुमच्या प्रत्येकाच्या पाठीशी लाखो लोक उभे आहेत, आणि तुम्हा सर्वांच्या उपस्थितीमुळे मला नव्या उमेदीने, नव्या आशेने पुढे जाण्याची ताकद मिळते.” असे म्हणत आपल्या भावना व्यक्त केल्या. (Nationalist Chintan Shibir)

खासदार प्रफुल्ल पटेल यांनी भाषणात पक्षाचे काही पालकमंत्री राष्ट्रवादीच्या पदाधिकाऱ्यांना विश्वासात घेत नसल्याचे सांगून नाराजी व्यक्त केली. तसेच काही पालकमंत्री सहलीला आल्यासारखे जिल्ह्यात येतात याकडे लक्ष वेधले. प्रफुल्ल पटेल यांच्या टीकेचा सूर लक्षात घेऊन अजित पवारांनी पक्षापेक्षा मंत्र्यांना इतर काम जास्त असतील तर बदल करावा लागेल, असा सज्जड दम दिला. तसेच ज्यांना ज्या जिल्ह्याचे पालकमंत्रिपद मिळाले त्यांना त्या जिल्ह्यात जावेच लागेल. लोकांमध्ये फिरून काम करावी लागतील, काहीजण फक्त झेंडावंदनला जाऊन दिखावा करतात, अशा कानपिचक्यादेखील त्यांनी मंत्र्यांच्या दिल्या. यावेळी अजित पवार म्हणाले की, “याआधी कार्यकर्त्यांनी इतर पक्षात काम केले असेल, पण शिव-शाहू विचारधारा घेऊन आपण पुढे जात आहोत. मी मराठा जातीत जन्माला आलो असलो तरी सर्व समाजाच्या विकासाची जबाबदारी माझी तसेच आपली आहे. आपला पक्ष कुठल्या एका जातीचा, धर्माचा नाही,” असे ते म्हणाले. (Nationalist Chintan Shibir)

“आपण भाजपच्या नेतृत्वाखालील महायुतीच्या सरकारमध्ये आहोत. अनेक लोकं मला विचारतात की आपण हे पाऊल का टाकले? वैयक्तिक नात्यांच्यामध्ये वेदना आपण का स्वीकारल्या? पण मनापासून सांगतो, ही सत्ता किंवा पदांच्यासाठी उचलेले पाऊल नव्हते. महाराष्ट्राला प्रगती, स्थिरता आणि ठोस निर्णयाची गरज आहे. यासाठी हा मार्ग स्वीकारला,” असे म्हणत अजित पवार यांनी शरद पवारांची राष्ट्रवादी सोडून भाजप – शिवसेना शिंदे गटासोबत जाण्याचे कारण सांगितले. (Nationalist Chintan Shibir)

September 19, 2025 0 comments

राजकारण विदर्भ

Sharad Pawar’s demand : भाजप, मुख्यमंत्र्यांनी नव्हे, निवडणूक आयोगाने उत्तर द्यावे : शरद पवार

by प्रतिनिधी August 9, 2025

written by प्रतिनिधी

नागपूर : प्रतिनिधी : लोकसभेतील विरोधी पक्षनेते राहूल गांधी यांनी केलेल्या आरोपांना निवडणूक आयोगाने उत्तर द्यावे. भाजप, मुख्यमंत्र्यांनी उत्तरे देऊ नयेत, असा टोला राष्ट्रवादी काँग्रेसचे शरद पवार यांनी लगावला. (Sharad Pawar’s demand)

शरद पवार हे नागपूर दौऱ्यावर आले आहेत. त्यांच्या प्रमुख उपस्थितीत मंडल यात्रेस प्रारंभ होणार आहे. शनिवारी सकाळी त्यांनी पत्रकारांशी संवाद साधला. राहूल गांधी यांनी यांनी निवडणूक आयोगावर मत चोरीचा आरोप करत टीका केल्यानंतर भाजपकडून राहूल गांधीवर टीका केली जात आहे. मुख्यमंत्री देवेंद्र फडणवीस यांनी राहूल गांधीच्या मेंदूतील चीप चोरीला गेली आहे म्हणून टीका केली होती. भाजप आणि मुख्यमंत्र्यांच्या टीकेबद्दल पवारांना प्रश्न केला असता राहूल गांधी यांचे शरद पवार यांनी समर्थन केले.

शरद पवार म्हणाले राहूल गांधी यांनी निवडणूक आयोगासंबधी आक्षेप घेतल्यावर निवडणूक आयोगाने त्याचे उत्तर द्यावे. राहूल गांधी यांनी घेतलेल्या आक्षेपावर भाजप किंवा मुख्यमंत्री आपली मत मांडायला पुढे यायचे कारण मला समजू शकत नाही. आम्हाला जे उत्तर हवे आहे ते निवडणूक आयोगाने दिले पाहिजे. भाजपकडून नाही असा टोला पवारांनी हाणला. राहूल गांधींकडे शपथपत्र मागणे चुकीचे आहे, असेही पवार म्हणाले. राहूल गांधीची माहिती चुकीची असेल तर आयोगाने दुरुस्त करावी, असेही मत त्यांनी व्यक्त केले. निवडणूक आयोगावर लावलेल्या आरोपांची सखोल चौकशी झाली पाहिजे, दूध का दूध, पाणी का पाणी झालेच पाहिजे, अशी मागणी पवारांनी केली. (Sharad Pawar’s demand)

राहूल गांधी यांच्या आरोपानंतर भाजपने राहूल गांधी यांच्यावर टीका केली आहे. राहूल गांधीच्या समर्थनात अनेक नेते पुढे आले आहेत. आज पवारांनीही राहूल गांधीचे आरोप बरोबर असल्याचे सांगितले. दिल्लीत इंडिया आघाडीच्या बैठकतही विरोधी नेत्यांच्या सूचनेवरुन राहूल गांधींनी मत चोरीचे प्रेझेंटेशन केले होते. राहूल गांधी यांनी संपूर्ण देशात ग्रामीण पातळीपर्यंत जाऊन मतचोरीची माहिती जनतेपुढे पोहोचवावी असे मतही इंडिया आघाडी घटक पक्षांनी केली आहे. (Sharad Pawar’s demand)

August 9, 2025 0 comments

उत्तर महाराष्ट्र कोकण मराठवाडा महाराष्ट्र मुंबई विदर्भ

Kokan Number one : राज्यात दहावीचा ९४.१० टक्के निकाल

by प्रतिनिधी May 13, 2025

written by प्रतिनिधी

कोल्हापूर : प्रतिनिधी : महाराष्ट्र राज्य माध्यमिक व उच्च माध्यमिक शिक्षण मंडळाच्या दहावीच्या परीक्षेचा निकाल आज जाहीर झाला. राज्यात दहावीचा निकाल ९४.१० टक्के लागला आहे. मंडळाच्या दहा विभागामध्ये कोकण विभागाने अव्वल नंबर पटकावला आहे. त्याला ९८.६२ टक्के निकाल लागला आहे. सर्वात कमी नागपूर विभागाचा ९०.७८ टक्के निकाल लागला आहे. बारावीप्रमाणे दहावी परीक्षेतही मुलींनी बाजी मारली आहे. मुलींची टक्केवारी ९६.१४ तर मुलांची टक्केवारी ९२.२१ टक्के इतकी आहे. (Kokan Number one)

निकालाची गुणपत्रिका विद्यार्थ्यांना दुपारी एक वाजता ऑनलाईन पद्धतीनं पाहता येणार आहे. विद्यार्थ्यांना मंडळाच्या अधिकृत संकेतस्थळांवर ऑनलाईन पद्धतीनं निकाल पाहता येईल, असे मंडळाचे सचिव देविदास कुलाळ यांनी प्रसिद्धीपत्रकाद्वारे जाहीर केले आहे.

यंदा राज्याचा दहावीचा निकाल ९४.१० टक्के लागला आहे. यंदाही कोकण विभाग अव्वल असून यंदा दहावीच्या निकालात नागपूर विभाग तळाला आहे. दरवर्षीप्रमाणे यंदाही मुलींनी निकालात बाजी मारली असून उत्तीर्ण झालेल्यी मुलींची टक्केवारी ९६.१४ अशी आहे, तर मुलांची टक्केवारी ९२.२१ अशी आहे. (Kokan Number one)

निकालाची विभागनिहाय टक्केवारी

पुणे : ९४.८१ टक्के

नागपूर : ९०.७८ टक्के

संभाजीनगर : ९२.८२ टक्के

मुंबई : ९५.८४ टक्के

कोल्हापूर : ९६.७८ टक्के

अमरावती : ९२.९५ टक्के

नाशिक : ९३.०४ टक्के

लातूर : ९२.७७ टक्के

कोकण : ९८.८२ टक्के

निकाल कुठे पाहाल?

https://results.digilocker.gov.in

https://sscresult.mahahsscboard.in

http://sscresult.mkcl.org

https://results.targetpublications.org

निकालाची ठळक वैशिष्ट्ये

दहावीच्या परीक्षेस राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमधून एकूण १५ लाख ५८ हजार २० नियमित विद्यार्थ्यांनी नोंदणी केली होती. त्यापैकी १५ लाख ४६ हजार ५७९ विद्यार्थी परीक्षेस प्रविष्ट झाले असून त्यापैकी १४ लाख ५५ हजार ४३३ विद्यार्थी उत्तीर्ण झाले आहेत व त्यांची एकूण उत्तीर्णतेची टक्केवारी ९४.१० आहे.

या परीक्षेस राज्यातील नऊ विभागीय मंडळामधून एकूण २८ हजार ५१२ खाजगी विद्याथ्यांनी नोंदणी केली होती. त्यापैकी २८ हजार २० विद्यार्थी परीक्षेस प्रविष्ट झाले असून त्यापैकी २२ हजार ५१८ विद्यार्थी उत्तीर्ण झाले आहेत व त्यांची एकूण उत्तीर्णतेची टक्केवारी ८०.३६आहे. (Kokan Number one)

अकरावीची प्रवेश प्रक्रिया ऑनलाईन

दहावीची निकाल लागल्यानंतर विद्यार्थी आणि पालक यांची अकरावीच्या प्रवेशासाठी अनेक कॉलेजच्या फेऱ्या माराव्या लागतात. विद्यार्थी आणि पालक यांची गैरसोय टाळण्यासाठी महाराष्ट्र बोर्डानं महत्त्वाचा निर्णय घेतला आहे. महाराष्ट्र बोर्डानं यंदा अकरावीची संपूर्ण प्रवेश प्रक्रिया ऑनलाईन पद्धतीनं करण्याचा निर्णय घेतला आहे. याबाबची माहिती बोर्डानं एक प्रसिद्धीपत्रक जारी करून यापूर्वीच दिली आहे.

May 13, 2025 0 comments

पोलिस डायरी महाराष्ट्र समाज

Fake teacher : नागपुरात ५८० बोगस शिक्षक भरतीत कोट्यवधीचा चुना

by प्रतिनिधी April 15, 2025

written by प्रतिनिधी

नागपूर : प्रतिनिधी : नागपूरमध्ये ५८० बोगस शिक्षक भरतीमध्ये मोठा भ्रष्टाचार झाला आहे. नागपूर पोलिसांनी या गुन्ह्याचा तपास सुरू केला असून शिक्षण उप संचालक कार्यालयातील तिघांना अटक केली आहे. या गुन्ह्यातील संशयितांची साखळी वाढण्याची शक्यता वर्तवली जात आहे. या प्रकरणातील भ्रष्टाचारी अधिकाऱ्यांचा मृत्यू झाल्यावर त्याची बोगस सही करुन १०० हून अधिक शिक्षकांची भरती केल्याचा आरोप महाराष्ट्र शिक्षक परिषदेने केला आहे. आपल्याच होम ग्राऊंड असलेल्या नागपूरमध्ये ५८० बोगस शिक्षक भरतीची गंभीर दखल मुख्यमंत्री देवेंद्र फडणवीस यांनी चौकशीचे आदेश दिले आहे. (Fake teacher)

१०० कोटींचा घोटाळा

५८० शिक्षकांच्या भरतीत घोटाळा झाला असून नागपूर विभागात १०० कोटींचा शासकीय निधीचा अपहार झाला आहे. पोलिसांनी या गुन्ह्याची चौकशी सुरू केली असून नागपूर शिक्षण उप संचालक कार्यालयातील अधीक्षक निलेश शंकरराव मेश्राम, शिक्षण उप निरीक्षक संजय शंकरराव दुधाळकर, वरिष्ठ लिपिक सूरज पुंजाराम नाईक यांना अटक केली आहे, अशी माहिती पोलिस उपायुक्त राहूल मदने यांनी दिली. (Fake teacher)

शिक्षक नसतानाही शालार्थ आयडी देण्याचा प्रताप

शिक्षण उप संचालक कार्यालयाला शालार्थ आयडी देण्याचा अधिकार आहे. पण शिक्षक नसतानाही शालार्थ आयडी देण्याचा प्रताप शिक्षण उप संचालकाने केला आहे. तसेच त्या शिक्षकाला मुख्याध्यापकपदीही पदोन्नती दिली. या प्रकरणी पोलिस ठाण्यात तक्रार दिली असून शिक्षण उपसंचालक उल्हास नरड याला अटक केली आहे. ज्यांना शिक्षकाचा अनुभव नाही त्या पराग पुंडकांना मुख्याध्यापकपदी बढती दिली आहे. (Fake teacher)

मृत अधिकाऱ्यांच्या बोगस सहीने १०० शिक्षकांना ऑर्डर

महाराष्ट्र राज्य शिक्षक परिषदेचे कार्याध्यक्ष माजी शिक्षक आमदार ना.गो. गाणार यांनी १०० शिक्षकांना मृत शिक्षणधिकाऱ्याच्या बोगस सहीने ऑर्डर दिल्या आहेत, असा आरोप केले आहेत. २०१६ मध्ये नागपूर जिल्हा प्राथमिक शिक्षणाधिकारी पदावर सोमेश्वर नैताम कार्यरत होते. त्यांच्या सेवानिवृत्तीच्या दिवशीच लाचलुचपत प्रतिबंधक पथकाने धाड टाकून मोठ्या रक्कमेसह त्यांना अटक केली. त्यानंतर काहीच दिवसात त्यांचे निधन झाले. त्यांच्या मृत्यूनंतर शिक्षक भरतीत घोटाळा करणाऱ्या मंडळींनी बोगस सह्या असलेल्या अप्रुव्हल ऑर्डरवर बोगस शिक्षक नियुक्ती वापरण्यात आल्या. २०२४ पर्यंत त्यांच्या नावाने ऑर्डर काढण्यात आल्या. सोमेश्वर नैताम यांच्या मृत्यूनंतर लाखो रुपये घेऊन बोगस शिक्षकांच्या नियुक्ती करण्यात आल्या. या नियुक्ती सोमेश्वर नैताम हयात असताना असल्याचे भासवून त्यांच्या मृत्यूपूर्वीच्या मागील तारखा टाकून नैताम यांच्या बोगस सह्या करण्यात आल्या आहेत. (Fake teacher)

एका शिक्षक नियुक्तीसाठी २५ ते ३० हजार रुपये दर

५८० शिक्षकांची भरती बेकायदेशीर आणि बोगस पद्धतीने केली आहे. एका नियुक्तीसाठी २५ ते ३० लाख रुपये घेऊन बोगस भरती करण्यात आली आहे. बनावट शालार्थ ओळखपत्राद्वारे शिक्षक आणि शिक्षकेतर कर्मचाऱ्यांच्या नियुक्ती करुन शासनाची कोट्यवधी रुपयांची फसवणूक करण्यात आली आहे. दरम्यान पोलिसांकडून बोगस शिक्षक भरतीची चौकशी सुरू झाली असून बोगस शिक्षकांच्या बँक खात्यावर आतापर्यंत किती पगार जमा झाला आहे याची तपासणी केली जाणार आहे. बोगस शिक्षक भरती प्रकरणाची एसआयटीकडून चौकशी करण्यात यावी अशी मागणी शिक्षक परिषदेने केली आहे. (Fake teacher)

निलेश मेश्राम मुख्य आरोपी, ५० कोटी कमावले?

शिक्षक भरती घोटाळ्यातील मुख्य आरोपी निलेश मेश्राम आहे. निलेश मेश्रामची एक ऑडिओ क्लिप सोशल मिडियावर व्हायरल झाली आहे. या क्लिपमध्ये शिक्षक भरतीतील बोगस कागदत्रांसंबधित उल्लेख आहे. नागपूर जिल्ह्यात खासगी प्राथमिक शाळांमध्ये ५८० बोगस शिक्षकांची भरती केली आहे. बोगस नियुक्त्यामुळे त्यांना सरकारकडून वेतन दिले जाते. वेतनापोटी सरकारला कोट्यवधी रुपयांचा चुना लागला आहे. शिक्षण विभागाने घोटाळा झाल्याचे मान्य केले आहे. बोगस शिक्षक भरतीतील मुख्य सुत्रधार मेश्राम याने जवळपास ५० कोटी रुपयांची संपत्ती जमवल्याचा आरोप आहे. (Fake teacher)

हेही वाचा :

चोक्सीला आणायचे आहे की त्यालाच यायचे आहे?

भिडेंना चावला कुत्रा, त्याचा गावभर बभ्रा…

सोनिया, राहुल यांच्याविरूद्ध आरोपपत्र

‘ईडी’कडून मनी लॉड्रिंग प्रकरणी रॉबर्ट वड्रांची चौकशी

April 15, 2025 0 comments

महत्त्वाच्या नोंदी महाराष्ट्र

Heat waves : महाराष्ट्र तापला, अकोल्यात ४२.४ सेल्सियस

by प्रतिनिधी April 14, 2025

written by प्रतिनिधी

कोल्हापूर : प्रतिनिधी : चैत्राच्या मध्यावरच महाराष्ट्रात वैशाख वणवा जाणवू लागला असून नागपूर, सोलापूर, मालेगाव, परभणी, अकोला शहराचा पारा चाळीशीपार झाला आहे. राज्यात सर्वाधीक तापमानाची नोंद ४२.४ सेल्सियस इतकी अकोला मध्ये नोंदवली गेली आहे.

पुढील चार दिवसात महाराष्ट्रात उष्णतेची लहर जाणवणार असा अंदाज हवामान खात्याने वर्तवला होता. आज आठवड्याच्या पहिल्याच दिवशी सोमवारी सकाळी साडेसात वाजल्यापासून उन्हाचे चटके जाणवू लागले. सकाळी अकरा ते दुपारी चार वाजेपर्यंत उन्हाचा पारा चांगलाच चढला होता. आज महामानव डॉ. बाबासाहेब आंबेडकर यांच्या जयंतीनिमित्त सार्वजनिक सुट्टी असल्याने सार्वजनिक ठिकाणी वर्दळ कमी असली तरी कामानिमित्त बाहेर पडलेल्यांना उन्हाचा तडाखा सहन करावा लागला. सलग सुट्ट्या असल्याने पर्यटनस्थळावर पर्यटकांना उन्हाचा तडाखा चांगलाच जाणवला. तहान भागवण्यासाठी उसाचा रस, सरबत, तयार शीतपेयांना मागणी वाढली होती. ताक, लस्सीची मागणीही वाढली होती. कलिंगड, आंबे, द्राक्षे, टरबूज या फळांना ग्राहकांनी चांगलीच पसंती दिली. दिवस मावळल्यानंतर उष्णतेही लहर कमी झाली नव्हती. त्यामुळे मोकळ्या हवेत फिरण्यासाठी बागा, मैदानावर नागरिकांनी मोठी गर्दी केली होती.

प्रमुख शहरातील तापमानाची नोंद सेल्सियसमध्ये

मुंबई ३३.६, नागपूर ४१.०, पुणे ३८.५, औरंगाबाद ३९.९, नासिक ३८.१, कोल्हापूर ३८.४, सोलापूर ४१.०, रत्नागिरी ३३.६, सातारा ३८.२, सांगली ३८.८, मालेगाव ४१.८, जळगाव ३९.०, परभणी ४०.६, अकोला ४२.४, पणजी ३४.२.

हेही वाचा :

बाबासाहेबांच्या विचारातूनच संयुक्त महाराष्ट्र निर्मिती

दलित सरसंघचालक कधी करणार?

काँग्रेसने मुस्लिम अध्यक्ष का केला नाही?

April 14, 2025 0 comments