Tag:

Dadar

Student protests spread across the state

विद्यार्थी आंदोलनाचे लोण मुंबईसह राज्यभरात

by प्रतिनिधी July 22, 2026

written by प्रतिनिधी

जमीर काझी : मुंबई: नवी दिल्लीतील जंतरमंतर येथे विद्यार्थ्यांवर झालेल्या लाठीचार्जचे पडसाद आता देशभरात पसरले असताना देशाची आर्थिक राजधानी असलेल्या मुंबईसह पूर्ण महाराष्ट्रात तीव्रपणे उमटत आहेत. केंद्र सरकारची अघोषित हुकूमशाहीचा निषेध आणि केंद्रीय शिक्षण मंत्री धर्मेंद्र प्रधान यांच्या राजीनाम्यासाठी मुंबईतील दादर, शिवाजी पार्क, चेंबूर आणि जुहू परिसरात संतप्त विद्यार्थी, युवा आणि विविध संघटनांनी रस्त्यावर उतरले . तर पुणे,नागपूर, कोल्हापूर, संभाजीनगर येथेही केंद्र सरकार व केंद्रीय शिक्षणमंत्र्यांच्या राजीनाम्याची मागणी करत निदर्शने केली. चेंबूर येथे जमलेल्या विद्यार्थ्यांना पांगवण्यासाठी पोलिसांनी बळाचा वापर केला. आंदोलकांना जबरदस्तीने गाडीत कोंबून पोलीस ठाण्यात नेऊन सोडले. (Student protests spread across the state)

पावसात विद्यार्थ्यांचे आंदोलन

पावसाची रिपरिप सुरू असतानाही आंदोलनाच्या ठिकाणी ‘ विई वॉन्ट जस्टीस’, ‘तानाशाही नही चलेगी’, ‘धर्मेंद्र प्रधान राजीनामा दो’, ‘मोदी मुर्दाबाद’, अशा घोषणानी परिसर दणाणून सोडला होता. केली. लोकसभेतील विरोधी पक्ष नेते राहुल गांधी यांनी मंगळवारी पंतप्रधान यांच्या निवासस्थानासमोर ठिय्या आंदोलन केल्यानंतर पोलिसांनी त्यांना उचलून गाडी कोंबले होते त्याच्या निषेधार्थ काँग्रेसच्या वतीने आज राज्यात सर्व प्रमुख शहरांमध्ये निदर्शने करण्यात आली. यावेळी पंतप्रधान नरेंद्र मोदी गृहमंत्री अमित शहा व शिक्षण मंत्री धर्मेंद्र प्रधान यांच्या निषेद्याच्या घोषणाने परिसर दणाणून सोडला. (Student protests spread across the state)

९०० आंदोलकांवर गुन्हे दाखल

विद्यार्थ्यांच्यावर केलेल्या अमानुष हल्ल्याच्या निषेधार्थ आज मुंबईत दादर (चैत्यभूमी), शिवाजी पार्क, चेंबूर (डॉ. बाबासाहेब आंबेडकर उद्यान) आणि जुहू परिसरात शेकडो विद्यार्थी एकवटले. त्यांच्याकडून शांतते त ते निदर्शने केली जात असताना मुंबईत कायदा व सुव्यवस्था राखण्यासाठी व जमावबंदीच्या आदेशाचे (कलम १४४) उल्लंघन केल्याप्रकरणी पोलिसांनी कडक पावले उचलली. शिवाजी पार्क आणि चेंबूर परिसरातून ९०० हून अधिक आंदोलकांवर गुन्हे दाखल करून शेकडो विद्यार्थ्यांना ताब्यात घेण्यात आले आहे.

आंदोलनाला ठाकरेंचा पाठिंबा

मनसे नेते अमित ठाकरे, तसेच शिवसेना (उद्धव बाळासाहेब ठाकरे) नेते आदित्य ठाकरे यांनी आंदोलनकर्त्यांची भेट घेत पाठिंबा दर्शवला.या आंदोलनांविषयी सर्वसामान्य नागरिकांत तीव्र सहानुभूती व्यक्त होत असून सरकारचा निषेध करण्यासाठी लोक उस्फूर्तपणे रस्त्यावर येत आहेत. त्यामुळे देशाबरोबरच राज्यातील वातावरण संवेदनशील बनले असून सरकारची डोकेदुखी वाढली आहे. (Student protests spread across the state)

July 22, 2026 0 comments

Uddhav Thackeray announces the 'Ramraksha' agitation

ताज्या बातम्या राजकारण

राम मंदिर लुटारूंना अब हिंदू माफ नहीं करेगा; उद्धव ठाकरेंचे भाजपा विरुद्ध रणशिंग

by प्रतिनिधी July 3, 2026

written by प्रतिनिधी

जमीर काझी : मुंबई : कोट्यवधी भाविकांच्या आस्थेचा गैरफायदा घेऊन भाजपाने राम मंदिराच्या निधीवर दरोडा टाकला आहे.असा आरोप करत माजी मुख्यमंत्री उद्धव ठाकरे यांनी भाजप विरुद्ध थेट रणशिंग फुंकले आहे. अयोध्येतील श्रीराम मंदिरातील दानपेटी आणि देणगी निधीच्या कोट्यावधीच्या अपहाराच्या विरोधात ठाकरे यांनी पत्रकार परिषदेत रामरक्षा आंदोलनाची घोषणा केली. येत्या रविवारी ( दि.५) दादर येथे हनुमान मंदिराजवळ आंदोलन करण्यात येणार आहे. राज्यभर खेड्या पाड्यात शिवसेनेच्यावतीने आंदोलन करण्यात येणार आहे. (Uddhav Thackeray announces the ‘Ramraksha’ agitation)

ऑपरेशन राम मंदिर भाजप करतंय का?

पत्रकार परिषदेत भारतीय जनता पक्षावर अत्यंत आक्रमक शब्दांत जोरदार हल्लाबोल करून उद्धव म्हणाले,”आज देशामध्ये भाजपच्या काळात राम मंदिराचा मुद्दा वेगळ्या एका गोष्टीमुळे चर्चेला जातोय, हे दुर्दैव आहे. राजकीय पक्ष तोडले जात आहेत, आमदार गोव्यात किंवा इतरत्र पळवले जात आहेत, खरेदी-विक्री होते आहे आणि याला ‘ऑपरेशन‘ नाव दिले जाते. मग आता ऑपरेशन राम मंदिर भाजप करतंय का? हा एक महत्त्वाचा मुद्दा आहे. म्हणून मला असं वाटतं की, या सगळ्या बातम्या दाखवल्या जात असतील, नसतील, बातम्या छापून येत असतील नसतील, पण राम मंदिरावरती दरोडा तर टाकला जात आहे, त्याचे पुरावे सुद्धा दिले गेले आहेत.

अब हिंदू माफ नहीं करेगा

काही जणांचे म्हणणे आहे की चोरीचा पैसा इतर पक्ष फोडण्यासाठी वापरला जात आहे ,हे फार गंभीर आहे,” असा आरोप करून उद्धव ठाकरे म्हणाले की, “जसे एकदा अटलबिहारी वाजपेयी म्हणाले होते की ‘अब हिंदू मार नही खायेगा’, तसे मी म्हणतोय की, मंदिर लुटारूंना ‘अब हिंदू माफ नहीं करेगा’. मंदिर लुटणाऱ्यांना हिंदू त्यांची जागा दाखवल्याशिवाय राहणार नाही. त्याची सुरुवात आम्ही येत्या रविवारपासून करतो आहोत. पाच तारखेला दादर येथे हनुमान मंदिरासमोर तमाम हिंदूंना मी आमंत्रित करत आहे. पक्ष वगैरे न बघता, जे जे हिंदू आहेत, ज्यांना ज्यांना रामाच्या मंदिरात होत असलेली चोरी ही सहन होत नाहीये, त्यांनी एकत्र यावे. माझ्यासोबत शिवसेनेचे नेते असतील, लोकप्रतिनिधी असतील आणि मी तर म्हणेन केवळ शिवसैनिकच नाही, तर ज्यांनी ज्यांनी हिंदुत्व सोडलेले नाही, ज्यांनी बाळासाहेबांचे विचार सोडलेले नाहीत, ते सगळे हिंदू यात येऊ शकतील, त्यांनी यावे. तिथे मग आम्ही ‘रामरक्षा’ आंदोलन करतो आहोत. आम्ही तिथे रामरक्षा म्हणू, हनुमान स्तोत्र म्हणू आणि हनुमान चालीसा सुद्धा म्हणू. येथून हा जाहीर कार्यक्रम सुरू होईल,” अशी घोषणा त्यांनी केली आहे. (Uddhav Thackeray announces the ‘Ramraksha’ agitation)

खेड्यापाड्यात रामभक्त एकत्र येतील

“यानंतर प्रत्येक ठिकाणी राज्यभर, जिल्ह्यामध्ये, शहरांमध्ये आणि अगदी खेड्यापाड्यात सुद्धा जिथे जिथे राम मंदिर असेल, हनुमान मंदिर असेल, तिथे हे सर्व हिंदू, सर्व रामभक्त एकत्र येतील. मी तर म्हणेल आता वारीची सुरुवात होते आहे, अगदी वारकरी सुद्धा या राम मंदिराच्या लुटीविरोधात ज्यांच्या मनात आग आहे, ज्यांच्या मनात राग आहे, ते सगळे एकत्र होऊन या भारतीय जनता पक्षाला याचे उत्तरदायित्व स्वीकारायला लावल्याशिवाय राहणार नाहीत,” असेही त्यांनी सांगितले. (Uddhav Thackeray announces the ‘Ramraksha’ agitation)

July 3, 2026 0 comments

Chief Minister pays tribute to Dr. Ambedkar

महत्त्वाच्या नोंदी महाराष्ट्र मुंबई राजकारण

डॉ.आंबेडकरांच्या धोरणामुळे भारत देश उर्जा क्षेत्रात स्वयंपूर्णकडे : मुख्यमंत्री फडणवीस

by प्रतिनिधी December 6, 2025

written by प्रतिनिधी

जमीर काझी : मुंबई : राष्ट्रीय विद्युत ग्रीडची संकल्पना भारताने बाबासाहेबांमुळे वेळेत स्वीकारली. त्यातून देश ऊर्जा क्षेत्रात स्वयंपूर्णतेकडे वाटचाल करत आहे. भारतीय लोकशाहीची भक्कम पायाभरणी आणि सामान्य जनतेच्या हक्कांचे रक्षण हे डॉ. बाबासाहेब आंबेडकर यांच्या संविधानामुळेच शक्य झाले. समाजातील विषमता दूर करून समता, बंधुता आणि सर्वांना समान संधी देणारे संविधान त्यांनी देशाला दिले. ज्ञानाच्या बळावर त्यांनी समाजात समतेची जाणीव दृढ केली. जगातील सर्वोत्तम संविधान भारताकडे असून प्रत्येक प्रश्नाचे उत्तर याच संविधानात मिळते, अशा शब्दात मुख्यमंत्री देवेंद्र फडणवीस यांनी डॉ. बाबासाहेब आंबेडकर यांना अभिवादन केले. दादरच्या चैत्यभूमीवर राज्यपाल देवव्रत यांच्यासह मुख्यमंत्री देवेंद्र फडणवीस, उप मुख्यमंत्री एकनाथ शिंदे यांच्यासह मान्यवरांनी अभिवादन केले. इंदू मिल स्मारकाचे काम पुढच्या महापरिनिर्वाण दिनानिमित्त पूर्ण केले जाईल,असे मुख्यमंत्री देवेंद्र फडणवीस यांनी सांगितले.

‘भारत हा विविधतेने नटलेला देश आहे. इतक्या मोठ्या राष्ट्रात एकता, न्याय व समतेची संघटित भावना दृढ करण्यासाठी संविधान निर्माण करणे हे अत्यंत मोठे व ऐतिहासिक कार्य होते. देशाच्या सामाजिक विविधतेत सर्वांना एकत्र आणणारे आणि समान अधिकार प्रदान करणारे संविधान हे भारतरत्न डॉ. बाबासाहेब आंबेडकरांनी राष्ट्राला दिले, अशा शब्दात राज्यपाल आचार्य देवव्रत यांनी आंबेडकरांना अभिवादन केले. यावेळी राज्यपाल म्हणाले,’डॉ. बाबासाहेब आंबेडकर अमर आहेत. कठोर परिस्थितीतून शिकून त्यांनी संपूर्ण समाजाचा भविष्यकाळ बदलण्यासाठी शिक्षणाला सर्वात मोठे शस्त्र मानले. एक सुशिक्षित व्यक्ती संपूर्ण घराचे, समाजाचे आणि देशाचे भविष्य बदलू शकतो हा संदेश त्यांनी प्रत्यक्ष कृतीतून दिला. (Chief Minister pays tribute to Ambedkar)

भारतीय घटनेचे शिल्पकार डॉक्टर बाबासाहेब आंबेडकर यांच्या ६९ व्या महापरिनिर्वाण दिनानिमित्त दादर येथील चैत्यभूमीवर लाखो अनुयायांनी त्यांच्या स्मृतीला अभिवादन केले. बाबासाहेबाचा जयघोष करीत राज्याच्या कानकोपऱ्यातून अबाल वृद्ध भीमसैनिक याठिकाणी जमले आहेत. विविध माध्यमातून बाबासाहेबांना अभिवादन करण्यात आले. ग्रंथप्रदर्शन,’ एक वही एक पेन’अभियान राबविण्यात आले. (Chief Minister pays tribute to Ambedkar)

माजी खासदार प्रकाश आंबेकर, आनंदराज आंबेडकर, माजी मुख्यमंत्री उद्धव ठाकरे, आमदार आदित्य ठाकरे, काँग्रेसचे प्रदेशाध्यक्ष हर्षवर्धन सपकाळ, आमदार विजय वडेट्टीवार, खासदार वर्षां गायकवाड, विधानसभा उपाध्यक्ष अण्णा बनसोडे, सांस्कृतिक कार्यमंत्री आशिष शेलार, कौशल्य, रोजगार, नावीन्यता मंत्री मंगलप्रभात लोढा, सामाजिक न्याय मंत्री संजय शिरसाट, माजी मंत्री संजय बनसोडे, आमदार कालिदास कोळंबकर, चित्रा वाघ, अमित साटम, महाराष्ट्र राज्य त्रिभाषा धोरण समितीचे अध्यक्ष डॉ. नरेंद्र जाधव, बृहन्मुंबई महापालिका आयुक्त तथा प्रशासक भूषण गगराणी, अतिरिक्त महानगरपालिका आयुक्त डॉ. अश्विनी जोशी, कोकण विभागीय आयुक्त डॉ. विजय सूर्यवंशी, सामाजिक न्याय विभागाचे प्रधान सचिव डॉ. हर्षदीप कांबळे आदींनी अभिवादन केले. (Chief Minister pays tribute to Ambedkar)

December 6, 2025 0 comments