Tag:

CM Fadnavis

Raj Thackeray met CM : फडणवीस, राज ठाकरे भेटीने भुवया उंचावल्या

by प्रतिनिधी August 21, 2025

written by प्रतिनिधी

मुंबई : प्रतिनिधी : ठाकरे बंधूंच्या युतीची चर्चा, बेस्ट सोसायटीतील दारुन पराभव अशा राजकीय घटना घडत असतानाच मनसे अध्यक्ष राज ठाकरे यांनी गुरुवारी मुख्यमंत्री देवेंद्र फडणवीस यांची वर्षा निवासस्थानी भेट घेतल्याने सत्ताधारी आणि विरोधी पक्षातील नेत्यांच्या भुवया उंचावल्या. शिवसेना शिंदे गटाने तर राज ठाकरे यांचे महायुतीत स्वागत केले जाईल, अशी प्रतिक्रिया देऊन टाकली. (Raj Thackeray met CM)

राज्यातील स्थानिक स्वराज्य संस्थांच्या निवडणूका आणि त्यात मुंबई महानगरपालिका निवडणूकीच्या पार्श्वभूमीवर तब्बल वीस वर्षांनी एकत्र आले. त्यानंतर बेस्ट कर्मचाऱ्यांच्या क्रेडिट सोसायटीत शिवसेना उद्धव ठाकरे आणि मनसेने एकत्र येत पॅनेल उभे केले. पण या निवडणूकीत शिवसेना मनसे पुरस्कृत पॅनेलचा दारुण पराभव झाला. बेस्टचा निकाल लागल्यावर दुसऱ्याच दिवशी राज ठाकरे यांनी मुख्यमंत्री फडणवीस यांची भेट घेतल्याने ठाकरे बंधूंच्या युतीचे काय होणार याची चर्चा सुरू झाली आहे. (Raj Thackeray met CM)

यापूर्वीही फडणवीस आणि राज ठाकरे यांची दोन महिन्यापूर्वी ताज लँडसमध्ये भेट घेतली होती. पण आज राज ठाकरे यांनी मुख्यमंत्र्यांची भेट नागरिकांच्या समस्येसंबधी घेतली होती अशी माहिती पुढे आली आहे. काही दिवसापूर्वी कुर्ला येथील नागरिकांनी राज ठाकरे यांची भेट घेतली होती. कुर्ला मदर डेअरीची २१ एकर जागा धारावीतील अपात्र रहिवाशांच्या पुनर्वसनासाठी दिली आहे. त्या ठिकाणी उद्यान उभारावे अशी मागणी कुर्ला वासियांनी केली आहे. या मागणीचा पाठपुरावा करुन राज्य सरकार दखल घेत नसल्याने तेथील आंदोलनकर्त्यांनी राज ठाकरे यांची भेट घेतली होती. त्यासाठी राज ठाकरे यांनी मुख्यमंत्र्यांची भेट घेऊन चर्चा करु असे आश्वासन आंदोलक आणि नागरिकांना दिले होते. . कुर्ला वासियांच्या समस्ये संदर्भात राज ठाकरे यांनी मुख्यमंत्र्यांची भेट घेतल्याचे सांगितले जात आहे. (Raj Thackeray met CM)

दरम्यान राज ठाकरेंनी मुख्यमंत्र्याची भेट घेतल्यानंतर या भेटीचे शिवसेना शिंदे गटाने स्वागत केले आहे. राज ठाकरे महायुतीत येत असतील तर त्यांचे स्वागत आहे, अशी प्रतिक्रिया मंत्री उदय सामंत आणि माजी मंत्री रामदास कदम यांनी दिली आहे.

राज ठाकरे यांनी मुख्यमंत्र्याची घेतलेल्या भेटीसंबधी शिवसेनेचे खासदार संजय राऊत यांना विचारले असताना ते म्हणाले आम्हाला माहिती आहे, त्यांनी भेट का घेतली. पण तुम्हाला कशाला सांगू? अशी प्रतिक्रिया त्यांनी दिली. ते गणपतीचे आमंत्रण द्यायला आले असतील किंवा राज्यासंदर्भात काही प्रश्न असतील त्या संदर्भात भेटायला गेले असतील असे संजय राऊत म्हणाले. दोघांच्या भेटीने आम्हाला त्रास झालेला नाही. महाराष्ट्राच्या राजकारणांमध्ये विरोधी पक्षातील नेते मुख्यमंत्र्यांना भेटत असतात असेही ते म्हणाले. (Raj Thackeray met CM)

August 21, 2025 0 comments

महत्त्वाच्या नोंदी महाराष्ट्र मुंबई विदर्भ

Raje Raghuji Bhosle : राजे रघुजी भोसले यांच्या ऐतिहासिक तलवार प्रदर्शनाचे उद्घाटन

by प्रतिनिधी August 19, 2025

written by प्रतिनिधी

मुंबई : प्रतिनिधी : इतिहासाशी नवीन पिढीला जोडण्याची भूमिका श्रीमंत राजे रघुजी भोसले यांच्या ऐतिहासिक तलवारीने पार पाडली आहे. या तलवारीमुळे आपण इतिहासाशी जोडले गेलो आहे. नागपूरसह इतर ठिकाणी ही तलवार पोहोचेल आणि त्यामुळे आपल्या हिंदवी स्वराज्याचा विस्तार कसा झाला, हे नवीन पिढीपर्यंत पोहोचेल, असे प्रतिपादन मुख्यमंत्री देवेंद्र फडणवीस यांनी केले. (Raje Raghuji Bhosle)

मुख्यमंत्री देवेंद्र फडणीस यांच्या प्रमुख उपस्थितीत श्रीमंत सेना साहिब सुभा श्री राजे रघुजी भोसले यांच्या ऐतिहासिक तलवार प्रदर्शन आणि लोकार्पण सोहळा पु.ल.देशपांडे महाराष्ट्र कला अकादमी प्रभादेवी येथे पार पडला. यावेळी सांस्कृतिक कार्य मंत्री ॲड.आशिष शेलार, मुधोजी राजे भोसले, आमदार श्रीकांत भारतीय, आमदार संजय उपाध्याय, आमदार राणा जगजितसिंह पाटील, आमदार संजय कुटे, सचिव डॉ.किरण कुलकर्णी, संचालक मीनल जोगळेकर, संचालक डॉ.तेजस गर्गे, नागरिक यांची मोठ्या संख्येने उपस्थिती होती. (Raje Raghuji Bhosle)

नागपूरच्या भोसल्यांचा इतिहास हा पराक्रमाचा इतिहास असून, तो जास्तीत जास्त लोकांपर्यंत पोहोचवण्याची गरज असल्याचे यावेळी मुख्यमंत्र्यांनी सांगितले. मराठा साम्राज्याच्या समृद्ध खुणा, वस्तू आणि वारसा परत मिळवण्याचा प्रयत्न सुरू राहील. प्रधानमंत्री नरेंद्र मोदी यांच्या नेतृत्वाखाली आपला समृद्ध वारसा असणाऱ्या हजारो ऐतिहासिक वस्तू परत मिळवण्यात आल्या आहेत. ही प्रक्रिया यापुढेही अशीच सुरु राहील, असा विश्वास त्यांनी व्यक्त केला.

इंग्रजांच्या काळात लुटून नेलेल्या आपल्याच शौर्याच्या, पराक्रमाच्या, मराठा साम्राज्याच्या वैभवाची साक्ष देणारी प्रथम रघुजी राजे भोसले यांची तलवार अखेर महाराष्ट्रात परत आली आहे. ही केवळ एक वस्तू नाही, तर आपल्या पिढ्यांना प्रेरणा देणारे स्वराज्याचे प्रतीक आहे,” असे प्रतिपादन सांस्कृतिक कार्यमंत्री ॲड. आशिष शेलार यांनी केले.

सांस्कृतिक कार्य मंत्री ॲड.शेलार म्हणाले की, छत्रपती शिवाजी महाराजांच्या आदर्शावर उभे राहून रघुजी राजे भोसले यांनी मराठा साम्राज्य बंगाल, ओडिसा, तेलंगणापर्यंत विस्तारले. “ही तलवार परत मिळवणे म्हणजे सांस्कृतिक पुनर्जन्म आहे. उद्याच्या पिढ्यांना ही प्रेरणा देणारी घटना ठरणार आहे.” (Raje Raghuji Bhosle)

“छत्रपतींच्या गड-किल्ल्यांना जागतिक वारसा दर्जा मिळवून देणे असो, किंवा रघुजी राजे भोसले यांची तलवार परत आणणे असो, हीच खरी ‘विरासत से विकास तक’ची संकल्पना आहे. महाराष्ट्राची सांस्कृतिक परंपरा, शौर्य आणि गणेशोत्सवासारखे उत्सव जागतिक पातळीवर पोहोचवणे हा आमचा संकल्प आहे.” यावेळी श्रीमंत रघुजी राजे भोसले यांचे वंशज मुधोजी राजे भोसले यांनीही मनोगत व्यक्त केले. तसेच मुख्यमंत्र्यांच्या हस्ते “मराठ्यांचा दरारा” या पुस्तकांचे प्रकाशन करण्यात आले. (Raje Raghuji Bhosle)

August 19, 2025 0 comments

महत्त्वाच्या नोंदी महाराष्ट्र

Shahu Police Complex : राजर्षी शाहू पोलिस संकुलातील लाभार्थ्यांना सदनिका प्रदान

by प्रतिनिधी August 18, 2025

written by प्रतिनिधी

कोल्हापूर : प्रतिनिधी : जुना बुधवार पेठ येथे महाराष्ट्र राज्य पोलीस गृहनिर्माण व कल्याण महामंडळ मुंबई यांच्यामार्फत ‘राजर्षी शाहू महाराज पोलीस संकुल’ या नावाने उभारण्यात आलेल्या पोलिसांच्या नुतन शानदार निवासी इमारतील सदनिकांच्या प्रतिकात्मक चाव्या संबंधित लाभार्थ्यांना मुख्यमंत्री देवेंद्र फडणवीस यांच्या हस्ते आज प्रदान करण्यात आल्या. (Shahu Police Complex)

यामध्ये पोलीस निरिक्षक महेश इंगळे – श्रीराम कन्हेरकर , पोलिस हवालदार तानाजी शेंडगे , महिला पोलीस संगिता वराळे, लिपीक विष्णू परीट यांना देण्यात आल्या .तत्पूर्वी फडणवीस यांनी या ठिकाणी उभारण्यात आलेल्या सदनिकांची पाहणी करून समाधान व्यक्त केले तसेच या सदनिका दर्जेदार झाल्याचे गौरवोद्गार काढले. याप्रसंगी व्यासपीठावर उपमुख्यमंत्री एकनाथ शिंदे , सार्वजनिक आरोग्य मंत्री तथा पालकमंत्री प्रकाश आबिटकर, सार्वजनिक बांधकाम मंत्री शिवेंद्रराजे भोसले, राज्य नियोजन मंडळाचे कार्यकारी अध्यक्ष आमदार राजेश क्षीरसागर खासदार धैर्यशील माने, आमदार चंद्रदिप नरके, राजेंद्र यड्रावकर, अमल महाडिक, शिवाजी पाटील, पोलीस गृहनिर्माण व कल्याण महामंडळाच्या व्यवस्थापकीय संचालक अर्चना त्यागी, कोल्हापूर परिक्षेत्राचे पोलीस महानिरीक्षक सुनील फुलारी, माजी खासदार.प्रा .संजय मंडलिक, माजी आमदार सुजित मिणचेकर आदी उपस्थित होते.

यावेळी मुख्यमंत्री फडणवीस यांच्या हस्ते कुरुंदवाड येथे उभारण्यात येणाऱ्या नुतन इमारतीचे ऑनलाईन उद्घाटन करण्यात आले तसेच या इमारतीच्या उभारणीमध्ये योगदान देणाऱ्या आर्किटेक्ट, बांधकाम कंत्राटदार यांचा ही सत्कार मुख्यमंत्री महोदयांच्या हस्ते करण्यात आला. (Shahu Police Complex)

कोल्हापूर जिल्हा पोलीस दलाच्या स्थापनेवरील कोल्हापूर शहर येथील जुना बुधवार पेठ येथे पोलीसअंमलदार यांच्यासाठी सर्व सोयींनी युक्त असे १६८ शासकीय निवासस्थान बांधण्याकरिता शासनाकडून सुमारे ३४ कोटी ६२ लाख इतकी रक्कम मंजूर करण्यात आली असल्याची माहिती पोलीस अधीक्षक योगेश कुमार गुप्ता यांनी प्रास्ताविकात दिली.

या बांधकामाकरिता महाराष्ट्र राज्य पोलीस गृहनिर्माण व कल्याण महामंडळ मर्यादित( मुंबई ) यांच्यामार्फत या कॅम्पसमध्ये एकूण ए,बी,सी अशा सात मजली तीन इमारती उभारण्यात आलेल्या आहेत .प्रत्येक इमारतीमध्ये प्रत्येकी ५३८ चौ फूट क्षेत्राचे टू बीएचके ५६ फ्लॅट असे एकूण १६८ फ्लॅट बांधण्यात आलेले आहेत, या ठिकाणी लिफ्टची सोय, गार्डन एरिया, तसेच प्रशस्त पार्किंग ,मुलांसाठी प्लेग्राउंड,ज्येष्ठ नागरिकांसाठी वॉकिंग ट्रॅक ,सोलर सिस्टिम अग्निशामक , मंदिर, एसटीपी प्लांट अशा सोयीयुक्त तसेच २४ तास संरक्षणाचे काम करणाऱ्या पोलीस अंमलदारांकरीता विसाव्यासाठी सुंदर कॅम्पसची निर्मिती आली आहे. त्याचबरोबर या पोलीस संकुलाला, ‘राजर्षी छत्रपती शाहू महाराज’ पोलीस संकुल असे साजेसे नाव देण्यात आले आहे. या कार्यक्रमासाठी पोलीस विभागातील इतर अधिकारी – कर्मचारी व त्यांचे कुटुंबीय मोठ्या संख्येने उपस्थित होते. (Shahu Police Complex)

August 18, 2025 0 comments

महत्त्वाच्या नोंदी महाराष्ट्र मुंबई

Fadnavis’ attack on Raj Thackeray : राज ठाकरेंवर फडणवीसांचा टोला

by प्रतिनिधी August 14, 2025

written by प्रतिनिधी

मुंबई : प्रतिनिधी : मुंबईत मनसे आणि ठाकरे व्यतिरिक्त दुसऱ्या पक्षांची ताकद नाही, असे वक्तव्य राज ठाकरे यांनी केले. राज ठाकरे यांना प्रत्युत्तर देताना २०१४, २०१९ आणि २०२४ च्या विधानसभा निवडणूकीतही मुंबईत सर्वात मोठा पक्ष भाजप होता, असा टोला मुख्यमंत्री देवेंद्र फडणवीस यांनी मारला. (Fadnavis’ attack on Raj Thackeray)

आगामी महानगरपालिका निवडणूकीच्या पार्श्वभूमीवर सर्वच राजकीय पक्षांकडून कार्यकर्त्यांसाठी मार्गदर्शन शिबिरांचे आयोजन जोरात सुरू आहे. राज ठाकरे यांनी मुंबईत मनसे पदाधिकाऱ्यांच्या मेळाव्यात कार्यकर्त्यांना मार्गदर्शन केले. या बैठकीत कार्यकर्त्यांना मार्गदर्शन करताना मुंबईत फक्त दोन्ही ठाकरे बंधूंचे पक्षच मजबूत आहेत. दुसऱ्या पक्षांची मुंबईत जास्त ताकद नाही. राज ठाकरे यांनी म्हटले आहे. राज ठाकरे यांच्या विधानावर मुख्यमंत्री फडणवीस यांनी राज ठाकरे यांचे नाव न घेता कोणाला आपला पक्ष मोठा वाटत असेल तर त्यामध्ये मला हरकत घेण्याचे कारण नाही, असा टोला राज ठाकरेंनी लगावला. (Fadnavis’ attack on Raj Thackeray)

फडणवीस म्हणाले, २०१४, २०१९ आणि २०२४ च्या विधानसभा निवडणूकीत मुंबईत सर्वात मोठा पक्ष भाजप होता. पण कोणाला आपला पक्ष मोठा वाटत असेल तर त्यामध्ये काहीही हरकत घेण्याचे कारण नाही. प्रत्येकाला आपल्या पक्षाला मोठे म्हणण्याचे अधिकार आहे. अशी खोचक टीकाही देवेंद्र फडणवीस यांनी राज ठाकरे यांचे नाव न घेता केली. (Fadnavis’ attack on Raj Thackeray)

August 14, 2025 0 comments

महाराष्ट्र मुंबई

देशमुख यांच्या हत्या प्रकरणातील एकाही दोषीला सोडणार नाही : मुख्यमंत्री फडणवीस

by प्रतिनिधी December 31, 2024

written by प्रतिनिधी

मुंबई; जमीर काझी : मस्साजोगचे सरपंच संतोष देशमुख यांच्या हत्या प्रकरणाचा तपास सीआयडी जलदगतीने करत आहे. त्यामुळे वाल्मीक कराडने शरणागती पत्करली आहे. या प्रकरणी काहीजण राजकरण करत आहे. त्यांना ते लखलाभो, पण आम्ही एकाही दोषीला सोडणार नाही, कठोर शिक्षा होईपर्यत स्वस्थ बसणार नाही, असे प्रतिपादन मुख्यमंत्री देवेंद्र फडणवीस यांनी केले. (CM Fadnavis)

या हत्याकांडातील मुख्य सूत्रधार व मंत्री धनंजय मुंडे यांचा निकटवर्तीय वाल्मीक कराड हा २१ दिवस फरारी होता. आज (दि.३१) पुण्यात त्याने सीआयडी पोलिसांसमोर शरणागती पत्करली. त्याबाबत राजकीय वर्तुळातून विविध प्रतिक्रिया व्यक्त होत असताना फडणवीस यांनी पत्रकारांशी संवाद साधत सरकारची भूमिका स्पष्ट केली.

ते म्हणाले, मला या प्रकरणाच्या राजकारणात जायचे नाही. आमच्यासाठी संतोष देशमुख यांच्या मारेकऱ्यांना शिक्षा होणे महत्त्वाचे आहे. काही जणांना राजकारण महत्त्वाचं आहे, ते राजकारण लखलाभ. मला कोणत्याही राजकीय वक्तव्यात जायचे नाही. त्यांनी राजकारण करत राहवे, आमची भूमिका संतोष देशमुख यांना न्याय देण्याची आहे, तो आम्ही मिळवून देऊ, असे सांगून ते म्हणाले, ‘मी पहिल्या दिवसापासून सांगतोय, बीडच्या प्रकरणात कुणालाही आम्ही सोडणार नाही. ज्याचा ज्याचा संबंध आढळेल, ज्या-ज्या प्रकरणात आढळेल त्या प्रत्येकावर कारावाई करण्यात येईल. अतिशय कडक कारवाई करण्यात येईल. गुंडाचे राज्य आम्ही चालवू देणार नाही. कुणालाही या प्रकारे हिंसा करता येणार नाही. खंडणी मागता येणार नाही. यादृष्टीनं तपास अतिशय गतीशील केलेला आहे. हत्येमधील फरार आरोपींना पकडण्यासाठी वेगवेगळ्या टीम कामाला लागल्या आहेत. कोणत्याही आरोपीला आम्ही सोडणार नाही.

माझी स्वर्गीय संतोष देशमुख यांच्या बंधूंशी फोनवर चर्चा झाली आहे. त्यांना काळजी न करण्याचे आश्वासन दिले आहे. काही वाट्टेल ते झाले तरी सर्व दोषी शोधून, ते फासावर लटकत नाहीत तोपर्यंतची सर्व कारवाई पोलीस करतील. हा विश्वास त्यांना दिला आहे. वाल्मीक कराडवर कोणता गुन्हा दाखल होईल, हे पोलीस सांगतील, ते पोलिसांचं काम आहे. ही केस जाणीवपूर्वक सीआयडीला देण्यात आली आहे. त्यांना पूर्ण स्वायत्ता दिली आहे. त्यांच्यावर कुणाचाही दबाव चालवून घेतला जाणार नाही. (CM Fadnavis )

धनंजय मुंडे यांचा राजीनामा घेणार का?, अशी विचारणा केली असता ते म्हणाले ‘ मला या प्रकरणाच्या राजकारणात जायचे नाही. माझ्यासाठी संतोष देशमुख यांच्या मारेकऱ्यांना शिक्षा होणे महत्त्वाचं आहे. काही जणांना राजकारण महत्त्वाचं आहे. मला कोणत्याही राजकीय वक्तव्यात जायचं नाही. त्यांनी राजकारण करत राहवे, आमची भूमिका संतोष देशमुख यांना न्याय देण्याची आहे, जोजो यामध्ये दोषी असेल त्याच्यावर कारवाई केली जाईल. तुमच्याकडे पुरावा असल्यास त्यांनी तो द्यावा पोलिस त्याचा शोध घेत आहे. असे त्यांनी स्पष्ट केले. (CM Fadnavis)

हेही वाचा :

December 31, 2024 0 comments

Newer Posts

Older Posts