Tag:

Athletics

अॅथलेटिक्स मध्ये भारताने दिवस गाजवला; तीन रौप्य, तीन ब्राँझ

by प्रतिनिधी September 28, 2026

written by प्रतिनिधी

नवी दिल्ली : जपान मधील नागोवा अशियाई क्रीडा स्पर्धेत अॅथलेटिक्स मध्ये भारताने दिवस चांगलाच गाजवला. नीरज चोप्राच्या गैरहजेरीत भारताच्या यशवीर सिंगने भालाफेकमध्ये रौप्य तर रोहित यादवने ब्राँझ पदक पटकावले. (India wins 3 silver and 3 bronze medals each in athletics)

भालाफेकमध्ये यशवीरला रौप्य, रोहितला ब्राँझ

श्रीलंकेच्या रुमेश पाथिरानेने सर्वोत्तम भालेकेक करत सुवर्ण पदक पटकावले. त्याने ८८.५५ मीटर भाला फेकला. त्याच्या खालोखाल यशवीरने ८५.७२ मीटर भाला फेकत रौप्य तर रोहित यादवने ८४.३५ मीटर भाला फेकत ब्राँझ पदकाची कमाई केली. भारताने भालाफेकमध्ये दोन पदक प्राप्त केली. पाकिस्तानचा अर्शद नदीम चौथ्या स्थानावर राहिला.

लांब उडीत मुरली शंकरने रौप्य पदक पटकावले

भारताच्या मुरली शंकरने लांब उडीत रौप्य पदक पटकावले. त्याने ८.०७ मीटर लांब उडी मारली. पण तिसऱ्या प्रयत्नात उडी मारताना त्याचा पाय दुखावला. त्यामुळे शेवटच्या दोन प्रयत्नातून त्याला माघार घ्यावी लागली. शेवटच्या दोन फेऱ्यात अन्य खेळाडूंना त्याचा दुसरा क्रमांक हिरावता न आल्याने शंकरचे रौप्य पदक निश्चित झाले. चीनच्या युहाओ शो ने सुवर्ण पदक पटकावले तर उझबेकीस्तानच्या अन्वर अन्वरोवने ब्राँझ पदक मिळवले.

पारुल चौधरीचे स्पर्धेतील दुसरे ब्राँझ पदक

पारुल चौधरीने आज दुसरे ब्राँझ पदक मिळवले. तिने ५००० मीटरची शर्यत १५ मिनटे १४.६१ सेकंदात पार करत तिसरे स्थान मिळवले. बहरीच्या विन्फ्रेड यावीने सुवर्ण तर जपानच्या नोझोमी तनाकाने रौप्य पदक मिळाले. यापूर्वी काल तिने महिलांच्या ३००० मीटर स्टीपलचेसमध्ये ब्राँझ पदक मिळवले. (India wins 3 silver and 3 bronze medals each in athletics)

पी.टी.उषाचा विक्रम मोडित काढत विथ्या रामराजचे ब्राँझ

४०० मीटर अडथळा शर्यतीत विथ्या रामराजने ५४.७५ अशी वेळ देत ब्राँझ पदक पटकावले. तिने भारतीय सुवर्णकन्या पी.टी. उषा चा ४२ वर्षाच्या राष्ट्रीय विक्रमाची बरोबरी केली. आजच्या शर्यतीत तिची ५४.७५ सेकंदाचा उषाच्या नावावरचा विक्रम मोडला. तसेच लॉस एंजेलिस ऑलिंपिकमध्ये पी.टी. उषाने नोंदवलेला विक्रम ३९ वर्षापासून अबाधित होता. नागोवामध्ये रामराजने जुन्य राष्ट्रीय विक्रमात ६.६७ सेंकदाची कपात करत अशियाई स्पर्धेतील दुसरे पदक जिंकले. तिने मिश्र ४x४०० मीटर रिलेमध्ये शेवटच्या टप्प्यात जोरदार धाव घेत भारताला रौप्य पदक मिळवून दिले होते.

गुलवीर सिंंगचे रौप्य पदक पटकावले

भारताच्या गुलवीर सिंगने सोमवारी पुरुषांच्या १५०० मीटर शर्यतील सर्वोत्तम वैयक्तिक कामगिरी करत रौप्य पदक पटकावले. जपानमध्ये त्याचे दुसरे रौप्य आहे. १० हजार मीटर शर्यतीत त्याने रौप्य पदक पटकावले आहे. (India wins 3 silver and 3 bronze medals each in athletics)

September 28, 2026 0 comments

Neeraj Chopra : नीरजने जिंकली पॅरिस डायमंड लीग

by प्रतिनिधी June 21, 2025

written by प्रतिनिधी

पॅरिस : भारताचा ऑलिंपिक सुवर्णपदकविजेता भालाफेकपटू नीरज चोप्राने पॅरिस डायमंड लीग स्पर्धेमध्ये भालाफेकीत विजेतेपद पटकावले. त्याने ८८.१६ मीटरची फेक केली. ९० मीटरचा टप्पा ओलांडण्यात मात्र त्याला अपयश आले. (Neeraj Chopra)

नीरजचे हे यंदाच्या मोसमातील पहिलेच विजेतेपद ठरले. त्याने जर्मनीच्या ज्युलियन वेबरला मागे टाकले. वेबरने मागील मोसमात दोहा आणि पोलंड येथील स्पर्धांमध्ये विजेतेपद पटकावले होते. तो ८७.८८ मीटर फेक करून दुसऱ्या स्थानावर राहिला. ब्राझीलच्या लुइझ मॉरिसिओ डा सिल्वाने ८६.६२ मीटर फेक करून तिसरे स्थान पटकावले. नीरजने मागील महिन्यात दोहामध्ये ९०.२३ मीटरची फेक करून नवा राष्ट्रीय विक्रम नोंदवला होता. मात्र, त्या कामगिरीची पुनरावृत्ती २७ वर्षीय नीरजला पॅरिसमध्ये करता आली नाही. नीरज तब्बल आठ वर्षांनी पॅरिस लीगमध्ये सहभागी झाला होता. यापूर्वी, २०१७ मध्ये तो सहभागी झाला होता. त्यावेळी, ८४.६७ मी. फेक केल्यामुळे त्याला आठव्या स्थानावर समाधान मानावे लागले होते. (Neeraj Chopra)

यावेळी, नीरजने पहिल्या फेकीत ८८.१६ मी.चे अंतर नोंदवले. दुसऱ्या फेकीत तो ८५.१० मी. पर्यंतच पोहोचू शकला. त्याची तिसरी, चौथी व पाचवी फेक फाउल ठरली. सहाव्या फेकीमध्ये त्याने ८२.८९ मी. इतके अंतर नोंदवले. यानंतर, नीरज २४ जूनपासून चेक प्रजासत्ताकमधील ऑस्ट्रेव्हा येथे रंगणाऱ्या गोल्डन स्पाइक ॲथलेटिक्स स्पर्धेत सहभागी होणार आहे. (Neeraj Chopra)

BOOM 💥 Neeraj Chopra with a 88.16m throw in his first attempt!

Big statement here at the Paris Diamond League from the champion himself in just his first throw.🔥

📺VC: Wanda DL#ParisDL #NeerajChopra #CraftingVictories 🇮🇳 pic.twitter.com/NrbLmq6729
— Inspire Institute of Sport (@IIS_Vijayanagar) June 20, 2025

हेही वाचा :
भारताची धावसंख्या साडेचारशेपार; पंतचे शतक
बांगलादेश-श्रीलंका कसोटी अनिर्णित

June 21, 2025 0 comments

ताज्या बातम्या महत्त्वाच्या नोंदी

Asian Athletics : भारताचा ॲथलेटिक्स संघ दुसऱ्या स्थानी

by प्रतिनिधी June 1, 2025

written by प्रतिनिधी

गुमी : भारतीय खेळाडूंनी आशियाई ॲथलेटिक अजिंक्यपद स्पर्धांमध्ये मागील आठ वर्षांमधील सर्वोत्तम कामगिरी नोंदवत आठ सुवर्णांसह २४ पदकांची कमाई केली. याबरोबरच भारताने या स्पर्धेच्या गुणतक्त्यात चीनखालोखाल दुसरे स्थान पटकावले. (Asian Athletics)

दक्षिण कोरियातील गुमी येथे रंगलेल्या या स्पर्धेमध्ये भारताचा ६० खेळाडूंचा संघ सहभागी झाला होता. स्पर्धेतील अखेरच्या दिवशी भारताला सुवर्णपदक जिंकता आले नसले, तरी भारत दुसरे स्थान टिकवण्यात यशस्वी ठरला. यापूर्वी, २०१७ साली भुवनेश्वरमध्ये झालेल्या या द्वैवार्षिक स्पर्धेत यजमान भारत गुणतक्त्यात अग्रस्थानी राहिला होता. त्यानंतर प्रथमच भारताला दुसऱ्या स्थानापर्यंत झेप घेता आली. या स्पर्धेमध्ये चीनचा संघ १९ सुवर्ण, ९ रौप्य व ४ ब्राँझपदकांसह पहिल्या स्थानावर राहिला. त्याखालोखाल भारतीय खेळाडूंनी ८ सुवर्ण, १० रौप्य आणि ६ ब्राँझपदके जिंकली. तिसऱ्या स्थानावर असणाऱ्या जपानच्या खात्यात ५ सुवर्ण, ११ रौप्य आणि १२ ब्राँझपदके आहेत. (Asian Athletics)

या स्पर्धेत भारताच्या नंदिनी आगासारा (महिला – हेप्टेथलॉन), पूजा सिंह (महिला – उंच उडी), ज्योती याराजी (महिला – १०० मी. अडथळा शर्यत), गुलवीर सिंग (पुरुष – ५,००० मी. आणि १०,००० मी. शर्यत), अविनाश साबळे (पुरुष – ३,००० मी. स्टिपलचेस) या खेळाडूंनी सुवर्णपदक जिंकले. याशिवाय, महिला ४ बाय ४०० मी. रिले आणि मिश्र ४ बाय ४०० मी. रिले या प्रकारांतही भारतीय संघ सुवर्णपदकाचा मानकरी ठरला. भारताच्या महिला रिले संघात जिस्ना मॅथ्यू, रुपल चौधरी, कुंजा रजिथा आणि शुभा वेंकटेसन यांचा, तर मिश्र संघात संतोष कुमार, रुपल, विशाल आणि शुभा यांचा समावेश होता. (Asian Athletics)

June 1, 2025 0 comments

देश-विदेश महत्त्वाच्या नोंदी

Athletics : आशियाई ‘ॲथलेटिक्स’साठी भारतीय संघ जाहीर

by प्रतिनिधी April 26, 2025

written by प्रतिनिधी

नवी दिल्ली : पुढील महिन्यात दक्षिण कोरियामध्ये रंगणाऱ्या आशियाई ॲथलेटिक्स अजिंक्यपद स्पर्धेसाठी ५९ खेळाडूंचा भारतीय संघ जाहीर करण्यात आला आहे. दोन ऑलिंपिक पदके जिंकणारा भारताचा भालाफेकपटू नीरज चोप्राचा या स्पर्धेसाठी भारतीय संघात समावेश करण्यात आलेला नाही. (Athletics)

दक्षिण कोरियातील गुमी येथे २७ मे ते २ जूनदरम्यान ही स्पर्धा रंगणार आहे. भारतीय ॲथलेटिक्स फेडरेशनचे अध्यक्ष बहादूर सिंग सागू यांनी हा संघ जाहीर केला. नीरज हा २४ मेपासून बेंगळुरूमध्ये सुरू होणाऱ्या नीरज चोप्रा क्लासिक स्पर्धेत सहभागी होणार असल्याने त्याला संघातून वगळण्यात आले. त्याचप्रमाणे, आशियाई सुवर्णपदक विजेता आणि माजी आशियाई विक्रमवीर गोळाफेकपटू ताजिंदरपाल तूर हा दुखापतीतून सावरत असल्याने त्याला संघाबाहेर ठेवण्यात आले आहे. दोन वर्षांपूर्वी थायलंड येथे झालेल्या या स्पर्धेमध्ये भारताने ६ सुवर्णांसह एकूण २७ पदके कमावून गुणतक्त्यात तिसरे स्थान पटकावले होते. (Athletics)

संघ : पुरुष – अनिमेश कुजुर (२०० मी.), अनु कुमार, क्रिशन कुमार (८०० मी.), युनूस शाह (१,५०० मी.), अविनाश साबळे (३,००० मी. अडथळा), गुलवीर सिंग, अभिषेक पाल (५,००० मी.), गुलवीर सिंग, सेवान बरवाल (१०,००० मी.), प्रवीण चित्रावेल, अब्दुल्ला अबुबकर (तिहेरी उडी), सर्वेश कुशारे (उंच उडी), सचिन यादव, यशवीर सिंह (भालाफेक), समरदीप सिंह (गोळाफेक), तेजस्वीन शंकर (डेकाथेलॉन), सर्विन सेबॅस्टियन, अमित (२० किमी. चालणे), प्रवीण प्रमोद, अनिमेश कुजुर, मणिकांत होब्लिधर, अल्मान बोर्गोहेन, तमिलारासू, रगुल कुमार, गुरिंदरवीर सिंग (४ बाद १०० मी. रिले), विशाल टीके, जय कुमार, मनू टीएस, धर्मवीर चौधरी, रिन्स जोसेफ, तुषार कांती, संतोष कुमार, मोहित कुमार (४ बाय ४०० मी. रिले).

महिला – नित्या गंधे (२०० मी.), रुपल चौधरी, विथ्या रामराज (४०० मी.), ट्विंकल चौधरी, पूजा (८०० मी.), लिली दास, पूजा (१,५०० मी.), पारुल चौधरी, अंकिता (३,००० मी. अडथळा), संजीवनी बाबुराव, पारुल चौधरी (५,००० मी.), संजीवनी बाबुराव, सीमा (१०,००० मी.), ज्योती याराजी (१०० मी. अडथळा), विथ्या रामराज, अनू आर. (४०० मी. अडथळा), शैली सिंह, ॲन्सी सोजन (लांब उडी), नंदिनी अगसारा (हेप्टेथेलॉन), नित्या गंधे, अभिनया राजराजन, स्नेहा एस. श्रावणी नंदा, ज्ञानेश्वरी, व्ही. सुदिक्षा (४ बाद १०० मी. रिले), रुपल, स्नेहा के. शुभा वेंकटेसन, जिश्ना मॅथ्यू, कुंजा रजिता, सँड्रामोल साबू (४ बाय ४०० मी. रिले).
हेही वाचा :
एकाच मैदानावर कोहलीची सर्वाधिक अर्धशतके
वैभव सूर्यवंशीला सेहवागचा कडक सल्ला

April 26, 2025 0 comments

ताज्या बातम्या

Archana Jadhav : धावपटू अर्चना जाधववर बंदी

by प्रतिनिधी March 18, 2025

written by प्रतिनिधी

नवी दिल्ली : भारताची लांब पल्ल्याची धावपटू अर्चना जाधववर डोपिंग प्रकरणात दोषी आढळल्याबद्दल चार वर्षांच्या बंदीची कारवाई करण्यात आली आहे. यावर्षी जानेवारी महिन्यात घेण्यात आलेल्या उत्तेजक द्रव्य चाचणीत अर्चना दोषी आढळली होती. (Archana Jadhav)

मागील वर्षी डिसेंबर महिन्यात पुण्यातील अर्धमॅरेथॉनदरम्यान अर्चनाचे नमुने घेण्यात आले होते. या नमुन्यांची चाचणी करता तिच्या शरीरात ऑक्झँड्रोलोन या बंदी असणाऱ्या उत्तेजक द्रव्याचे अंश आढळून आले. या उत्तेजक द्रव्यामुळे शरीरातील प्रथिननिर्मितीला चालना मिळत असून स्नायूबांधणीस मदत होते. उत्तेजक द्रव्य चाचणीच्या निकालांनंतर ७ जानेवारीपासून तिच्यावर तात्पुरती बंदी घालण्यात आली होती. (Archana Jadhav)

या तात्पुरत्या बंदीला विरोध करण्यासाठी वर्ल्ड ॲथलेटिक्स ॲथलिट इंटेग्रिटी युनिट (एआययू) या संस्थेने तिला ३ मार्चपर्यंतची मुदत दिली होती. २५ फेब्रुवारी रोजी अर्चनाने एआययूला पाठवलेल्या ई-मेलमध्ये ‘मी क्षमा मागते… तुमच्या निर्णयाचे मी स्वागत करते,’ असे लिहिले होते. (Archana Jadhav)

एआययूने २८ फेब्रुवारी रोजी भारतीय ॲथलेटिक्स महासंघाला (एएफआय) ई-मेल पाठवून अर्चनाच्या दाद मागण्याची मुदत संपत असल्याची आठवण करून दिली होती. त्यानंतरही, अर्चनाकडून याबाबत कोणताही प्रतिसाद आला नाही. त्याचप्रमाणे तिने ब नमुने तपासण्याची विनंतीही केली नाही. परिणामी, तिला आपली चूक मान्य असल्याचे गृहीत धरून एआययूने चार वर्षांच्या बंदीची कारवाई केली. अर्चनाच्या बंदीचा कालावधी ७ जानेवारीपासून सुरू होणार आहे. त्याचप्रमाणे, मागील वर्षी १५ डिसेंबरपासून तिने नोंदवलेले विक्रम व तिला मिळालेली पदकेही रद्द करण्यात येतील. (Archana Jadhav)
अर्चनाची १०,००० मीटर शर्यतीतील सर्वोत्तम कामगिरी ३५ मिनिटे ४४.२६ सेकंद अशी आहे. तिने १ ता. २०.२१ सेकंदांमध्ये अर्धमॅरेथॉन पूर्ण केले असून ३००० मी. शर्यत १० मि. २८.८२ सेकंदांमध्ये पूर्ण केली आहे.

March 18, 2025 0 comments