Author

प्रतिनिधी

मराठी भाषेतील स्वतंत्र माध्यम. अन्यायग्रस्तांच्या बाजूने पक्षपाती. ज्या घटकांना आवाज नाही, त्यांचा आवाज. सत्तेला प्रश्न विचारण्याबरोबरच विधायक बाबींचा खंबीर पाठपुरावा. संपादकः विजय चोरमारे

चाकूने सपासप ३२ वार करत युवतीची हत्या

by प्रतिनिधी June 5, 2026

written by प्रतिनिधी

नवी दिल्ली : पंजाबमधील मोहाली येथे खासगी कंपनीच्या कार्यालयात ३० वर्षीय युवतीची तिच्याच सहकाऱ्याने चाकूने भोसकून हत्या केली. संशयिताने युवतीवर चाकूने सपासप ३२ वार केले. डिंपल असे मृत युवतीचे नाव असून हल्लेखोर हरविंदर मान उर्फ हॅरी यानेही स्वत:वरही वार करुन आत्महत्येचा प्रयत्न केला. त्याची प्रकृती चिंताजनक आहे. (Young woman murdered in Mohali)

मोहालीतील फेज ११ मधील एका खासगी कंपनीच्या कार्यालयात ही घटना घडली. या घटनेचा थरार कार्यालयातील सीसीटीव्हीवर कैद झाला आहे. डिंपल आणि हरविंदर हे दोघेही पटियालाचे रहिवासी आहेत. गेल्या तीन वर्षापासून ते कार्यालयात काम करत होते. पूर्वी ते रिलेशनशीपमध्ये होते. पण सहा महिन्यापूर्वी त्यांच्यात ब्रेकअप झाले. ब्रेकअप नंतर डिंपलने हरविंदरशी सर्व संबध तोडून टाकले होते. पण हरविंदर डिंपलकडे पुन्हा रिलेशनशीप सुरू करण्यासाठी आग्रह करत होता. या वादातूनच हरविंदरने कार्यालयात हल्ला केला. अचानक झालेल्या हल्ल्यामुळे डिंपल यांना बचाव करण्याची संधी मिळाली. कार्यालयातील अन्य सहकाऱ्यांनी हरविंदरला रोखण्याचा प्रयत्न केला पण बेफाम झालेल्या हरविंदरने डिंपलवर ३२ वार केला. त्यानंतर त्याने स्वत:वरही वार करुन घेतले. दोघांना हॉस्पिटलमध्ये उपचारास दाखल केले. पण उपचारापूर्वीच डिंपलचा मृत्यू झाला. (Young woman murdered in Mohali)

June 5, 2026 0 comments

RBI keeps repo rate unchanged; Rupee strengthens

ताज्या बातम्या

आरबीआयकडून रेपो दर जैसे थे: रुपया वधारला

by प्रतिनिधी June 5, 2026

written by प्रतिनिधी

नवी दिल्ली : रिझर्व्ह बँकेच्या पतधोरण समितीच्या बैठकीत आज रेपो दर ५.२५ टक्क्यावर कायम ठेवण्यात आला आहे. त्यामुळे सर्वसामान्यांना दिलासा मिळणार आहे. भारतीय रिझर्व्ह बँकेने सरकारी रोख्यामंधील परदेशी पोर्टफोलिओ गुंतवणुकदारांसाठी गुंतवणुकीचे नियम शिथिल करण्याचा उपाययोजना जाहीर केल्यानंतर डॉलरच्या तुलनेत रुपया ५० पैशांनी वधारला आहे. (RBI keeps repo rate unchanged; Rupee strengthens)

मध्यपूर्वेतील अमेरिका, इस्त्रालय आणि इराणमधील युद्धविषक तणाव, रशिया युक्रेनकडून सुरू असलेले परस्पर देशांवरील हल्ले यामुळे जागतिक अर्थव्यवस्थेला चांगलेच हादरे बसले आहेत. कच्च्या तेलाच्या दरामुळे महागाई वाढू लागले असताना आजच्या पतधोरणाकडे सर्वाचे लक्ष होते. तीन ते पाच जून या कालावधीत झालेल्या पतधोरण समितीच्या बैठकीतील निर्णयाची माहिती रिझर्व्ह बँकेचे गव्हर्नर संजीव मेल्होत्रा यांनी दिली. आरबीआयच्या चलनविषयक धोरण समितीने रेपो दर ५.२५ टक्के कायम ठेवला आहे. त्यामुळे सर्वसामान्यांना मोठा दिलासा मिळाला आहे. या निर्णयामुळे व्याजदरात कोणतेच बदल होणार नाहीत. (RBI keeps repo rate unchanged; Rupee strengthens)

रिझर्व्ह बँकेने सरकारी रोख्यांमधील परदेशी पोर्टफोलिया गुंतवणुकधारकांसाठी गुंतवणुकीचे नियम शिथिल केले आहे. त्यामुळे भारतीय रुपया डॉलरच्या तुलनेत ५० मजबूत होऊन ९५.२४ वर पोहोचला आहे. (RBI keeps repo rate unchanged; Rupee strengthens)

June 5, 2026 0 comments

Five Mahayuti candidates elected unopposed in the Legislative Council elections

ताज्या बातम्या राजकारण

विधान परिषद निवडणुकीत महायुतीचे पाच उमेदवार बिनविरोध

by प्रतिनिधी June 4, 2026

written by प्रतिनिधी

मुंबई : प्रतिनिधी : विधान परिषदेच्या १७ जागांवर होणाऱ्या निवडणुकीत पाच जागांवर महायुतीचे उमेदवार बिनविरोध निवडून आले आहेत. त्यामध्ये राष्ट्रवादी काँग्रेस आणि शिवसेनेचे प्रत्येकी दोन तर भाजपचा एक उमेदवार विजयी झाला आहे. निवडणूक बिनविरोध करण्यासाठी महायुतीतील प्रमुख पक्ष भाजपसह शिवसेना, राष्ट्रवादी काँग्रेस पक्षांने प्रयत्न केले. आता उरलेल्या १२ जागांसाठी १८ जून रोजी मतदान पार पडणार आहे. (Five Mahayuti candidates elected unopposed in the Legislative Council elections)

महायुतीचे ५ उमेदवार बिनविरोध असे

अरुण लखानी (भाजप – वर्धा-चंद्रपूर-गडचिरोली), रवींद्र फाटक (शिवसेना शिंदे गट – ठाणे), दुष्यंत चतुर्वेदी (शिवसेना – यवतमाळ), विक्रम काकडे (राष्ट्रवादी काँग्रेस अजित पवार गट – पुणे), अनिकेत तटकरे (राष्ट्रवादी काँग्रेस अजित पवार गट – रायगड-रत्नागिरी-सिंधुदुर्ग). (Five Mahayuti candidates elected unopposed in the Legislative Council elections)

१२ ठिकाणी होणार लढती

सोलापूर: राजेंद्र राऊत (भाजप) विरुद्ध वसंतराव देशमुख (राष्ट्रवादी काँग्रेस शरदचंद्र पवार)

अहिल्यानगर : प्राजक्त तनपुरे (भाजप) विरुद्ध दत्तात्रय पानसरे (अपक्ष)

सांगली-सातारा : धैर्यशील कदम (भाजप) विरुद्ध अभयसिंह जगताप (राष्ट्रवादी काँग्रेस श. प) विरुद्ध किशोर धुमाळ (अपक्ष)

भंडारा-गोंदिया : नरेश ईश्वरकर (काँग्रेस पाठिंबा) विरुद्ध अविनाश ब्राह्मणकर (भाजप)

नाशिक : नरेंद्र दराडे (शिवसेना) विरुद्ध गोकुळ गीते (अपक्ष)

अमरावती : हर्षदीप देशमुख (काँग्रेस) विरुद्ध प्रवीण पोटे (भाजप) विरुद्ध निलेश विश्वकर्मा (वंचित )

धाराशिव-लातूर-बीड : बसवराज पाटील (भाजप) विरुद्ध महेश देशमुख (काँग्रेस)

परभणी-हिंगोली : सईद खान (शिवसेना) विरुद्ध डॉ. विवेक नावंदर (ठाकरेंची शिवसेना) विरुद्ध सुशील देशमुख (अपक्ष)

नागपूर (पोटनिवडणूक) : डॉ. राजीव पोतदार (भाजप) विरुद्ध अतुल लोंढे (काँग्रेस)

जळगाव : नंदकिशोर महाजन (भाजप) विरुद्ध शरद तायडे (ठाकरेंची शिवसेना) विरुद्ध रेश्मा काळे (शिंदेंची शिवसेना बंडखोर)

नांदेड : अमर राजूरकर (भाजप) विरुद्ध रामदास पाटील (काँग्रेस)

छत्रपती संभाजीनगरमध्ये-जालना : सुहास शिरसाट (भाजप) विरुद्ध गणेश लोखंडे (ठाकरेंची शिवसेना). (Five Mahayuti candidates elected unopposed in the Legislative Council elections)

June 4, 2026 0 comments

Pahlaj Nihalani: The 'Sanskaari' Censor-man's Quiet Exit

साहित्य-संस्कृती

पहलाज निहलानी: संस्कारी सेन्सॉरमॅनची शांत एक्झिट

by प्रतिनिधी June 4, 2026

written by प्रतिनिधी

पहलाज निहलानी शांतपणे जगाचा निरोप घेतला. २०१४ मध्ये नरेंद्र मोदी सत्तेवर आल्यानंतर “नव्या भारताच्या” नावाखाली जुन्या संस्थांचे स्वरूप बदलण्याचे आणि त्यांना कमकुवत करण्याचे जे मोठे अभियान सुरू झाले, त्यातील एक प्रतिनिधिक चेहरा म्हणजे पहलाज निहलानी होते.

राकेश कायस्थ

देशातील इतर संस्थांप्रमाणेच, प्रगतिशील विचारांनी ओळखल्या जाणाऱ्या भारतीय चित्रपटसृष्टीवरही राष्ट्रीय स्वयंसेवक संघाचा प्रभाव निर्माण करण्याची इच्छा होती. त्यासाठी दोन वेगवेगळ्या प्रकारच्या व्यक्तींची निवड करण्यात आली. “खुली खिडकी”सारख्या मवाळ अश्लीलतेकडे झुकणाऱ्या चित्रपटांमध्ये काम केलेले आणि नंतर महाभारतात युधिष्ठिराची भूमिका करून प्रसिद्ध झालेले गजेंद्र चौहान यांची पुण्यातील प्रसिद्ध फिल्म अँड टेलिव्हिजन इन्स्टिट्यूट ऑफ इंडिया (FTII) च्या प्रमुखपदी नियुक्ती करण्यात आली.

या निर्णयाने चित्रपटविश्व आणि विद्यार्थ्यांना मोठा धक्का बसला. भाजपचे खासदार परेश रावल यांनीसुद्धा एका टीव्ही चर्चेत गजेंद्र चौहान यांना थेट सांगितले होते, “तिथले विद्यार्थी फेलिनी, कुरोसावा आणि तारकोव्हस्की यांच्याबद्दल प्रश्न विचारतील, गजेंद्रजी. हे तुमच्याकडून होणार नाही. कृपया राजीनामा द्या.” पण FTII चा दर्जा घसरवण्याच्या मोहिमेत गजेंद्र चौहान ठामपणे टिकून राहिले. (Pahlaj Nihalani: The ‘Sanskaari’ Censor-man’s Quiet Exit)

आता पहलाज निहलानींची गोष्ट.,,,,,चित्रपट सेन्सॉर बोर्डाचे अध्यक्ष होताच निहलानी यांनी भारतीय सिनेमाला “संस्कारी” बनवण्याचा आणि त्याला जणू घुंघट घालण्याचा निर्धार केला. त्यांनी २८ तथाकथित अश्लील शब्दांची यादी तयार केली होती, ज्यामध्ये “हरामजादे”सारखे शब्दही होते.

त्यांनी चर्चित ‘उडता पंजाब’ या चित्रपटात तब्बल ८९ कट्स लावण्याचा आदेश दिला. इतकेच नव्हे, तर चित्रपटाच्या नावातून “पंजाब” हा शब्द काढून टाकण्याची मागणीही करण्यात आली. अखेर हे प्रकरण उच्च न्यायालयात गेले आणि न्यायालयाने फक्त एका किरकोळ कटसह चित्रपट प्रदर्शित करण्यास परवानगी दिली.

महिलांच्या लैंगिकतेवर आधारित ‘लिपस्टिक अंडर माय बुरखा’ या चित्रपटालाही निहलानी यांनी प्रमाणपत्र देण्यास नकार दिला होता. मोठ्या संघर्षानंतर आणि अपीलनंतर हा चित्रपट प्रदर्शित होऊ शकला. इतकेच नाही, तर भारतीय संस्कृतीचा दाखला देत जेम्स बॉण्डच्या चित्रपटांतील किसिंग सीन कापण्याची वकिलीही त्यांनी केली होती. कोणत्याही परिस्थितीत संघ परिवाराचे मन जिंकण्याचा त्यांचा प्रयत्न होता. (Pahlaj Nihalani: The ‘Sanskaari’ Censor-man’s Quiet Exit)

मात्र आता जरा चित्रपट निर्माता म्हणून त्यांच्या स्वतःच्या “संस्कारी” कामांकडे पाहूया….यादी खूप मोठी आहे; पण फक्त एका चित्रपटाचे उदाहरण पुरेसे आहे — ‘अंदाज’. १९९० च्या दशकात आलेल्या या चित्रपटात अनिल कपूर, करिश्मा कपूर आणि जुही चावला होते. द्विअर्थी गाण्यांच्या जोरावर बॉक्स ऑफिसवर यश मिळवण्यासाठी निहलानी यांनी काही “महान” गाणी तयार करून घेतली होती. “ये मालगाड़ी तू धक्का लगा, गरम हो गया इंजन धक्का देता जा…”

पण एवढ्यावर त्यांचे समाधान झाले नाही. त्याच चित्रपटातील दुसऱ्या गाण्यात अनिल कपूर लुंगी घालून जुही चावलासोबत बेडरूममध्ये नाचताना दिसतात आणि त्यांच्या तोंडून हे तथाकथित संस्कारी बोल बाहेर पडतात—“खड़ा है, खड़ा है, खड़ा है, दर पे तेरे आशिक खड़ा है, खोल-खोल-खोल दरवाजा खोल, बोल-बोल-बोल प्यार के बोल…”

सेन्सॉर बोर्डाच्या अध्यक्षपदावरून गेल्यानंतर निहलानी पुन्हा आपल्या जुन्या चित्रपट निर्मितीच्या धंद्यात सक्रिय झाले. नंतर अशीही बातमी आली की ते पुन्हा काही अतिशय “गरमागरम” दृश्यांनी भरलेला चित्रपट तयार करत आहेत. एका पत्रकाराने त्यांना विचारले की, “हे तुम्ही का करत आहात?” त्यावर त्यांनी दिलेले उत्तर अधिकच थेट होते — “हा माझा धंदा आहे.”

धंदा सुरू राहायलाच हवा. अलविदा निहलानी साहेब. तुम्ही कायम लक्षात राहाल. (Pahlaj Nihalani: The ‘Sanskaari’ Censor-man’s Quiet Exit)

June 4, 2026 0 comments

Jaisingrao Pawar announced as the posthumous recipient of the Shahu Award

ताज्या बातम्या साहित्य-संस्कृती

डॉ. जयसिंगराव पवार यांना मरणोत्तर राजर्षी शाहू पुरस्कार जाहीर

by प्रतिनिधी June 4, 2026

written by प्रतिनिधी

कोल्हापूर : प्रतिनिधी : महाराष्ट्रातील ज्येष्ठ आणि व्यासंगी इतिहास संशोधक, अभ्यासक डॉ. जयसिंगराव पवार यांना मरणोत्तर राजर्षी शाहू पुरस्कार जाहीर झाला आहे. राजर्षी शाहू छत्रपती मेमोरियल ट्रस्टच्यावतीने राजर्षी शाहू महाराजांच्या जयंतीच्या दिवशी २६ जून रोजी मान्यवरांच्या हस्ते पुस्कार देण्यात येणार आहे. रोख एक लाख रुपये, स्मृतीचिन्ह, मानपत्र असे पुरस्काराचे स्वरुप आहे. जिल्हाधिकारी विजय राठोड यांनी पत्रकार परिषदेत पुरस्काराची घोषणा केली. यावेळी कोल्हापूर महानगरपालिका आयुक्त राजेंद्र भारुड, निवासी उप जिल्हाधिकारी गजानन गुरव, ट्रस्टचे विश्वस्त डॉ. अशोक चौसाळकर यांची प्रमुख उपस्थिती होती. (Jaisingrao Pawar announced as the posthumous recipient of the Shahu Award)

डॉ. जयसिंगराव पवार यांनी मराठेशाहीचा इतिहास आणि राजर्षी शाहू महाराजांचे विचार जगभरात पोहोचवण्याचे आयुष्यभर कार्य केले. सांगली जिल्ह्यातील तडसर गावच्या डॉ. पवारांचे उच्च शिक्षण राजाराम महाविद्यालयात तर शिवाजी विद्यापीठात एम.ए.ही पदवी घेऊन या विषयाची पी.एचडी मिळवली. (Jaisingrao Pawar announced as the posthumous recipient of the Shahu Award)

डॉ. पवार यांनी ४० हून अधिक जास्त इतिहास विषयांचे ग्रथांचे लेखन केले. त्यांनी १२५० पानांचा राजर्षी शाहू स्मारक ग्रंथ संपादित केला. हा ग्रंथ इतिहासातील मैलाचा दगड मानला जातो. त्यांच्या पुढाकाराने व महाराष्ट्र इतिहास प्रबोधनीच्या माध्यमातून राजर्षी शाहूंचे चरित्र मराठीसह अनेक भारतीय आणि परकीय भाषांमध्ये भाषांतरीत करण्यात आले. शिवपुत्र छत्रपती राजाम महाराज, सेनापती संताजी घोरपडे, या त्यांच्या ग्रंथांना सर्वोत्कृष्ट इतिहास ग्रंथ राज्य पुरस्कार प्रदान करण्यात आला.

महाराणी ताराराणी, छत्रपती शिवाजी महाराज, क्रांतीसिंह नाना पाटील, सेनापती संताजी घोरपडे, राजर्षी शाहू एक दृष्टीक्षेप, छत्रपती संभाजी स्मारक ग्रंथ, मराठीशाहीचा मागोवा, श्री शहाजी छत्रपती स्मृतीग्रंथ, राजर्षी शाहू पंचखंडात्मक ग्रंथ असे ४० ग्रंथ लिहिले आहेत. त्यांना देशभरातील नामवंत संस्थांनी विविध पुरस्कार देऊन गौरव केला आहे. (Jaisingrao Pawar announced as the posthumous recipient of the Shahu Award)

June 4, 2026 0 comments

(Indian players to play in FIFA World Cup)

ताज्या बातम्या

फिफा विश्वचषक स्पर्धेत भारतीय मल्याळी खेळाडू खेळणार

by प्रतिनिधी June 4, 2026

written by प्रतिनिधी

कोची : भारतीय संघ फुटबॉल विश्वचषक स्पर्धेत नसला तरी भारतीय खेळाडू मात्र फिफा विश्वचषक स्पर्धेत खेळणार आहे. केरळचा १९ वर्षीय मल्याळी खेळाडू तहसीन जमशीद हा कतार संघाकडून खेळणार आहे. अमेरिका, कॅनडा, मेक्सिको येथे होणाऱ्या स्पर्धेसाठी तहसीन सज्ज झाला आहे. कतारने २६ जणांच्या संघात तहसीनचा समावेश झाल्याने हा एकोणीस वर्षीय खेळाडू विश्वचषक स्पर्धेत खेळणारा पहिला भारतीय पासपोर्टधारक ठरणार आहे.

तहसीनचे पालक हे मुळचे केरळचे असून तहसीनचा जन्म कतारची राजधानी दोहा येथे झाला आहे. त्याच्याकडे भारतीय पासपोर्टबरोबर कतारी मिशन पासपोर्ट आहे. हा पासपोर्ट परदेशी खेळाडूंना आंतरराष्ट्रीय स्पर्धामध्ये कतारचे प्रतिनिधीत्व करण्याची परवानगी देतो. त्यामुळे तहसिनची कतारच्या संघात निवड झाली आहे.(Indian players to play in FIFA World Cup)

तहसीनचे वडील जमशीद हे केरळमधील थलासेरीचे आहेत. त्याची पत्नी शायना कन्नूर जिल्ह्यातील वलपट्टणमची आहे. नोकरीच्या शोधातील हे कुटुंब कतारमध्ये स्थायिक झाले आहे. केरळमधील फुटबॉलचे प्रेमी जमशीद कतारलाही घेऊन गेले. (Indian players to play in FIFA World Cup)

तहसीनचा कतारच्या एस्पायर फुटबॉल अकादमीमध्ये खेळ बहरला. २०२१ मध्ये कतारच्या १६ वयोगट राष्ट्रीय संघात त्याला स्थान मिळाले. तहसिन दोन्ही विंग्जवर खेळू शकतो. त्याला स्टायकर म्हणून वापरता येते. त्याच्याकडे विलक्षण ड्रिब्लिंगचे कौशल्य आहे. बॉक्सच्या आत तो आक्रमक असतो असे त्याच्या वडिलांनी अभिमानाने सांगितले. कतार स्टार्स लिगचा बलाढ्य संघ असलेल्या अल दुहैलमध्ये त्यांच्या खेळाने प्रगती कायम ठेवली. २०२३ मध्ये एक्सपोजर टूरदरम्यान भारताच्या युवा संघविरोधात कतारच्या १७ वयोगट संघात त्याचा समावेश होता. चीनमध्ये झालेल्या एएफसी यू २० अशिया कपमध्ये प्रभावी कामगिरी केली. २०२४ मध्ये अफगाणिस्तान विरुद्धच्या विश्वकप पात्रता सामन्यात कतारकडून त्याने पदार्पण केले.

तहसीलनचे वडील जमशीद हे उत्कृष्ट फुटबॉल खेळाडू असून १९८५ मध्ये केरळच्या सब ज्युनिअर संघात प्रतिनिधीत्व केले. पण वयाच्या २५ वर्षी दुखापतीमुळे फुटबॉलमधून त्यांना निवृत्त व्हावे लागले. या धक्क्याने त्यांची फुटबॉलवरुल निष्ठा कमी झाली नाही. कतारमध्ये एका खासगी कंपनीत काम करत असताना ते या खेळाशी कायम जोडले गेले. जमशीद यांची दोन्ही मुले तहसीन आणि मोठा भाऊ मिशेल यांना फुटबॉलमध्ये करिअर करण्यासाठी प्रोत्साहन दिले. त्यांच्यासोबत ते मैदानावर जात आणि शिस्तबद्ध प्रशिक्षणांवर लक्ष ठेवायचे. (Indian players to play in FIFA World Cup)

June 4, 2026 0 comments

State Government Deceives Farmers Under Loan Waiver Scheme

ताज्या बातम्या पोलिस डायरी

अहिल्यादेवी होळकर कर्जमुक्ती योजनेत राज्य सरकारकडून शेतकऱ्यांची घोर फसवणूक : राजू शेट्टी

by प्रतिनिधी June 3, 2026

written by प्रतिनिधी

जयसिंगपूर : प्रतिनिधी : राज्य सरकारने अत्यंत गाजावाजा करत जाहीर केलेल्या ‘पुण्यश्लोक अहिल्यादेवी होळकर शेतकरी कर्जमुक्ती योजने’च्या अत्यंत जाचक आणि त्रुटीपूर्ण निकषांमुळे राज्यातील तमाम शेतकरी वर्गात तीव्र असंतोष पसरला आहे. सरकारने जाहीर केलेली कर्जमाफी ही केवळ एक आकड्यांचा जुगाड असून, यामागे शेतकऱ्यांची क्रूर चेष्टा आणि फसवणूक सुरू असल्याचा आरोप स्वाभिमानी शेतकरी संघटनेचे नेते राजू शेट्टी यांनी केला आहे.

राजू शेट्टी यांनी प्रसिद्ध केलेल्या पत्रकात असे म्हटले आहे की, सरकारने या योजनेअंतर्गत कर्जमाफीचा आकडा आणि लाभार्थी शेतकऱ्यांची संख्या खूप फुगवून दाखवली आहे. केवळ राजकीय फायद्यासाठी आणि प्रसिद्धी मिळवण्यासाठी जाहीर केलेले आकडे आणि जमिनीवरील वस्तूस्थिती यात मोठी तफावत आहे. या योजनेसाठी जाहीर केलेले निकष पाहता, बहुतांश शेतकरी या कर्जमाफीतून थेट बाद होणार आहेत. (State Government Deceives Farmers Under Loan Waiver Scheme)

या योजनेतील सर्वात मोठा फसवणुकीचा मुद्दा म्हणजे, ज्या शेतकऱ्यांना २०१९ च्या कर्जमाफी योजनेचा लाभ मिळाला होता, त्यांना या नवीन योजनेअंतर्गत केवळ ५० हजार रुपयांपर्यंतच कर्जमाफी दिली जाणार आहे. आजच्या महागाईच्या काळात आणि शेतीच्या वाढत्या खर्चामुळे शेतकऱ्यांवर लाखो रुपयांचे कर्ज आहे. अशा परिस्थितीत केवळ ५० हजारांची मर्यादा घालणे म्हणजे शेतकऱ्यांच्या जखमेवर मीठ चोळण्यासारखे आहे, अशी टीका शेट्टी यांनी केली आहे.

राजू शेट्टी यांनी असे म्हटले आहे की, जाचक अटीमुळे कर्जमाफीसाठी पात्र ठरणारी शेतकऱ्यांची मूळ संख्या प्रचंड प्रमाणात घटणार आहे. साहजिकच, सरकारने जाहीर केलेला कर्जमाफीचा एकूण निधी प्रत्यक्षात शेतकऱ्यांपर्यंत पोहोचणारच नाही. निकषांचा गुंता करून लाभार्थी संख्या घटवायची आणि पर्यायाने कर्जमाफीचा एकूण आकडा कमी करून सरकारी तिजोरी वाचवायची, असा छुपा अजेंडा या सरकारचा आहे, अशी टीकाही त्यांनी केली आहे. ही योजना ‘शेतकरी कर्जमुक्ती’ नसून केवळ ‘कागदी आकडेमोड’ आहे. सरकारने तत्काळ हे जाचक निकष मागे घ्यावेत आणि राज्यातील सर्व सरसकट कर्जबाजारी शेतकऱ्यांना पूर्ण कर्जमाफी देऊन दिलासा द्यावा, अशी मागणी केली आहे. (State Government Deceives Farmers Under Loan Waiver Scheme)

राजू शेट्टीचे आरोप

….* घोषित आकडेवारी पूर्णपणे फुगवलेली आणि दिशाभूल करणारी.

* २०१९ मधील कर्जमाफीच्या लाभार्थ्यांना केवळ ५० हजारांची मर्यादा घातल्याने लाखो शेतकरी वंचित राहण्याचा धोका.

* कठोर निकषांमुळे कागदावर दिसणारी शेतकऱ्यांची संख्या प्रत्यक्षात घटणार; कर्जमाफीचा एकूण आकडा कमी करण्याचा सरकारचा डाव.

* कोरोना काळात सेडनेट , ग्रीनहाऊस , पॅालिहाऊस , फुलशेती व फळबाग लागवड या शेतकऱ्यांची संख्या कमी आहे मात्र वैयक्तीक कर्जाचा आकडा मोठा आहे. अशा या शेतकऱ्यांना आजपर्यंत कोणत्याही कर्जमाफीचा फायदा झालेला नाही आताही त्यांच्यावर अन्यायच झालेला आहे.

* शेती औजारासाठी तसेच विहीर , बोअरवेल , पाईपलाईन या कारणांसाठी घेतलेल्या मध्यम मदत कर्जाचा थकीत हप्त्याचा समावेश यामध्ये नाही.

* तारखांचा घोळ असल्याने २०१९ व २०२१ च्या कर्जमाफीत अपात्र ठरलेल्या यावेळीही वाटाण्याच्या अक्षता लावलेल्या आहेत.

* ज्या शेतकऱ्यांच्या कर्जाचा आकडा १० लाख किंवा अधिक आहे अशा शेतकऱ्यांना उर्वरीत रक्कम भरल्यानंतर लाभ होणार आहे हा निर्णय विसंगत असून त्यांना खरोखरच लाभ द्यायचा असेल तर २ लाखांहून अधिक असलेली रक्कम गोटवून पुढील पाच वर्षांत समान हप्त्यात फेडण्याची संधी देणे आवश्यक होते. State Government Deceives Farmers Under Loan Waiver Scheme)

June 3, 2026 0 comments

Mangave Appointed President of Maharashtra Chamber of Commerce

ताज्या बातम्या पैसापाणी

महाराष्ट्र चेंबर ऑफ कॉमर्स अध्यक्षपदी माणगावे यांची तर उपाध्यक्षपदी शेटे यांची निवड

by प्रतिनिधी June 3, 2026

written by प्रतिनिधी

कोल्हापूर : प्रतिनिधी : राज्याच्या व्यापार, उद्योग, व्यवसाय व कृषी क्षेत्राची शिखर संघटना असलेल्या महाराष्ट्र चेंबर ऑफ कॉमर्स, इंडस्ट्री अँड अॅग्रीकल्चर, मुंबईच्या अध्यक्षपदी सांगलीचे प्रसिध्द उद्योजक रवींद्र माणगावे यांची तर पश्चिम महाराष्ट्र विभागातून कोल्हापूर चेंबर ऑफ कॉमर्स अँड इंडस्ट्रीजचे अध्यक्ष संजय शेटे यांची उपाध्यक्ष पदी बिनविरोध निवड झाली. तसेच गव्हर्निंग कौन्सील सदस्य पदी आमदार राजेंद्र पाटील- यड्रावकर यांच्यासह कोल्हापूर चेंबरचे माजी अध्यक्ष आनंद माने, राजू पाटील, प्रशांत शिंदे, अजित कोठारी, धनंजय दुग्गे, संजय पाटील, धैर्यशील हिंदुराव पाटील, गोरख माळी, नंदकुमार शहा यांची बिनविरोध निवड झाल्याचे मुख्य निवडणूक अधिकारी सुरेश घोरपडे यांनी जाहीर केले. (Mangave Appointed President of Maharashtra Chamber of Commerce)

महाराष्ट्र चेंबर ऑफ कॉमर्स, इंडस्ट्री अँड अॅग्रीकल्चर, मुंबई ही संघटना पुढील वर्षी शताब्दी वर्ष साजरे करत असून या संघटनेच्या माध्यमातून राज्यातील व्यापार-उद्योगाचे प्रश्न सोडविले जातात. महाराष्ट्र चेंबरच्या माध्यमातून ‘गाव तेथे उद्योजक’ या उपक्रमासह शताब्दी वर्षानिमित्त वर्षभर अनेक योजना प्रभावीपणे राबविण्यात येणार असल्याचे अध्यक्ष रवींद्र माणगावे यांनी सांगितले. तर राज्य स्तरासह स्थानिक पातळीवरील व्यापारी-उद्योजकांचे प्रलंबित असणारे प्रश्न मार्गी लावणेसाठी उपाध्यक्ष या नात्याने कटीबध्द असल्याची ग्वाही संजय शेटे यांनी दिली. (Mangave Appointed President of Maharashtra Chamber of Commerce)

June 3, 2026 0 comments

Split in Trinamool Congress; 58 MLAs defect

ताज्या बातम्या राजकारण

तृणमुल काँग्रेसमध्ये फूट; ५८ आमदार फुटले

by प्रतिनिधी June 3, 2026

written by प्रतिनिधी

कोलकोता : महाराष्ट्रात ज्या प्रमाणे शिवसेना आणि राष्ट्रवादी काँग्रेसमध्ये जशी फूट पडली त्याचप्रमाणे पश्चिम बंगालच्या राजकारणात मोठी उलटफेर झाली आहे. ममता बॅनर्जी यांच्या तृणमुल काँग्रेसमध्ये फूट पडली आहे. तृणमुलमधील बंडखोर ५८ आमदारांच्या नवीन गटाला पश्चिम बंगालच्या विधानसभा अध्यक्ष रथींद्र बोस यांनी मान्यता दिली असून त्यांनी ऋतब्रता बॅनर्जी यांची विधानसभेतील विरोधी पक्षनेतेपदी नियुक्ती केली आहे. (Split in Trinamool Congress; 58 MLAs defect)

तृणमुल काँग्रेसमधून ऋतब्रता बॅनर्जी यांची हकालपट्टी केली होती. पण टीएमसीच्या चिन्हावर निवडून आलेल्या ५८ आमदारांचा त्यांनी स्वतंत्र गट केला आहे. आणखी दोन आमदार सामील होण्याची शक्यता आहे. नवीन गटाला मान्यता मिळाल्यानंतर विरोधी पक्षेनेते ऋतब्रता बॅनर्जी यांनी पत्रकार परिषद घेत आम्हीच खरे मुख्य विरोधी पक्ष आहोत असा दावा केला. त्यांनी जावेद खान, संदीपन साहा, सबीना यास्मिन, शिउली साहा यांची पक्षाच्या उपनेतेपदी निवड केली. त्यामुळे ममता बॅनर्जी बॅकफूटवर गेल्या आहेत. ममता बॅनर्जी यांनी तृणमुल काँग्रेसच्या मुख्य सल्लागारांची भूमिका बजावण्याची विनंती ऋतब्रता बॅनर्जी यांनी केली. (Split in Trinamool Congress; 58 MLAs defect)

फुटीर गटाला आमदारांच्या पाठिंब्याची पत्रे सादर करण्यास सुरुवात झाली. त्यामध्ये वाढ होत पक्षांतरबंदी कायद्यानुसार आवश्यक असलेला दोन तृतीयांश मतांचा टप्पा सहपणे ओलांडला. त्यानंतर बंडखोर गटाने ऋतब्रता बॅनर्जी यांची नवीन नेता म्ह्णून निवड केली. बंडखोरांनी अभिषेक बॅनर्जी यांच्या अधिकाराला आव्हान दिले पण बंडखोरांनी ममता बॅनर्जी यांना थेट आव्हान देण्याचे टाळले आहे. अध्यक्षांना पाठवलेल्या पत्रात मॅमता बॅनर्जीच पक्षाच्या अध्यक्षा असल्याची मान्यता दिली आहे. पण ममता बॅनर्जी यांचा भाचा अभिषेक बॅनर्जी यांची विधीमंडळ कारभारातील भूमिका नाकारली आहे. या घडामोडीमुळे टीएमसीने पश्चिम बंगालमधील सर्व संघटनात्मक समित्या बरखास्त केल्या असून पक्षाच्या रचनेचा आढावा घेण्याची घोषणा केली आहे. (Split in Trinamool Congress; 58 MLAs defect)

June 3, 2026 0 comments

पैसापाणी महत्त्वाच्या नोंदी

जगभरात विकल्या जाणा-या चारपैकी एक कार इलेक्ट्रिक

by प्रतिनिधी June 3, 2026

written by प्रतिनिधी

जगभरातील इलेक्ट्रिक कार विक्री २०२६ मध्ये २ कोटी ३० लाखांपर्यंत पोहोचण्याचा अंदाज आंतरराष्ट्रीय ऊर्जा संस्था (IEA)च्या नव्या अहवालामध्ये व्यक्त करण्यात आला आहे. म्हणजेच जगभरात विकल्या जाणाऱ्या प्रत्येक चार गाड्यांपैकी जवळपास एक गाडी इलेक्ट्रिक असेल. हा वाटा एकूण कार विक्रीच्या २८ टक्क्यांपर्यंत जाईल, असे अहवालात नमूद करण्यात आले आहे. (Global increase in electric car sales)

ग्लोबल ईव्ही आउटलुक २०२६ या २० मे २०२६ रोजी प्रसिद्ध झालेल्या अहवालात आर्थिक अनिश्चितता, भू-राजकीय तणाव आणि प्रमुख बाजारपेठांतील चढ-उतार असूनही इलेक्ट्रिक वाहनांच्या वापरात सातत्याने वाढ होत असल्याचे स्पष्ट करण्यात आले आहे.

अहवालानुसार, २०२५ मध्ये जगभरात इलेक्ट्रिक कार विक्रीने दोन कोटींचा टप्पा ओलांडला. ही वाढ मागील वर्षाच्या तुलनेत तब्बल २० टक्के होती. परिणामी, २०२५ मध्ये जगभर विकल्या गेलेल्या प्रत्येक चार नव्या कारपैकी एक कार इलेक्ट्रिक होती. जगातील सुमारे ४० देशांमध्ये इलेक्ट्रिक वाहनांचा वाटा एकूण नव्या कार विक्रीच्या किमान १० टक्क्यांपेक्षा अधिक नोंदवला गेला. यावरून जागतिक वाहन उद्योग झपाट्याने बदलत असल्याचे दिसून येते.

युरोपमध्ये जोरदार वाढ

२०२५ मध्ये युरोप हा इलेक्ट्रिक वाहनांसाठी सर्वाधिक वेगाने वाढणाऱ्या बाजारांपैकी एक ठरला. युरोपमधील ईव्ही विक्री ३० टक्क्यांहून अधिक वाढून ४२ लाखांपर्यंत पोहोचली. हा आकडा त्या प्रदेशातील एकूण नव्या कार विक्रीच्या २८ टक्के होता. (Global increase in electric car sales)

युरोपियन युनियनचे कठोर कार्बन उत्सर्जन नियम, स्वच्छ वाहतुकीला प्रोत्साहन देणारी धोरणे आणि ग्राहकांची वाढती मागणी या कारणांमुळे ही वाढ झाली. २०२६ पर्यंत युरोपमध्ये विकल्या जाणाऱ्या प्रत्येक तीन कारपैकी एक कार इलेक्ट्रिक असेल, असा अंदाज अहवालात व्यक्त करण्यात आला आहे.

चीनची जागतिक बाजारपेठेवरील पकड

जागतिक इलेक्ट्रिक वाहन उत्पादनात चीनचे वर्चस्व कायम असल्याचे अहवालात नमूद करण्यात आले आहे. जगभर विकल्या गेलेल्या इलेक्ट्रिक कारपैकी जवळपास ६० टक्के गाड्या चिनी कंपन्यांनी पुरवल्या. याउलट युरोप आणि उत्तर अमेरिकेतील वाहन उत्पादकांचा जागतिक विक्रीतील वाटा प्रत्येकी सुमारे १५ टक्के होता.

भारतात वाढीची चिन्हे

भारतामध्ये इलेक्ट्रिक वाहनांचा प्रसार अद्याप तुलनेने मर्यादित असला, तरी वाढीची गती स्पष्टपणे दिसत आहे. (Global increase in electric car sales)

२०२५ मध्ये भारतातील इलेक्ट्रिक कार विक्रीत वर्षभरात ७५ टक्क्यांची वाढ झाली आणि सुमारे १ लाख ६५ हजार वाहनांची विक्री झाली. हा आकडा देशातील एकूण कार विक्रीच्या जवळपास ४ टक्के होता.

भारतातील इलेक्ट्रिक कार विक्रीपैकी सुमारे ६० टक्के हिस्सा टाटा मोटर्स आणि महिंद्रा या देशांतर्गत कंपन्यांचा होता.

आफ्रिकेतही वाढती बाजारपेठ

आफ्रिकेतील इलेक्ट्रिक वाहन बाजारपेठ अजूनही लहान असली तरी ती सातत्याने विस्तारत असल्याचे अहवालात म्हटले आहे. (Global increase in electric car sales)

२०२३ मध्ये केवळ ४ हजार असलेली इलेक्ट्रिक कार विक्री २०२५ मध्ये वाढून २५ हजारांवर पोहोचली. इजिप्त, मोरोक्को आणि दक्षिण आफ्रिका या देशांचा आफ्रिकेतील एकूण ईव्ही विक्रीत जवळपास ७० टक्के वाटा होता. त्याचबरोबर इथिओपिया, मॉरिशस आणि नायजेरिया यांसारख्या देशांमध्येही प्रगती नोंदवली गेली.

२०२६ च्या सुरुवातीला मंदी

दीर्घकालीन चित्र सकारात्मक असले तरी २०२६ च्या पहिल्या तिमाहीत जागतिक ईव्ही विक्रीत काहीशी मंदी दिसून आली.

जानेवारी ते मार्च २०२६ दरम्यान जगभरातील इलेक्ट्रिक कार विक्रीत वर्षभराच्या तुलनेत सुमारे ८ टक्क्यांची घट होऊन ती ३९ लाखांवर आली. चीन आणि अमेरिकेतील मागणी कमी झाल्यामुळे ही घसरण झाली. मात्र युरोप आणि आशियातील उदयोन्मुख बाजारपेठांमध्ये वाढ कायम राहिली.

बॅटरी आणि चार्जिंग सुविधांमुळे गती

IEAच्या मते, बॅटरींच्या किमतीतील घट, वाढती चार्जिंग सुविधा, सरकारी प्रोत्साहन धोरणे आणि इंधनाच्या वाढत्या किमती यामुळे इलेक्ट्रिक वाहनांकडे होणारा कल वेगाने वाढत आहे. (Global increase in electric car sales)

फक्त २०२५ या एका वर्षात जगभरात १८ लाख नवीन सार्वजनिक चार्जिंग पॉइंट्स उभारण्यात आले. त्यामुळे जगातील एकूण सार्वजनिक चार्जिंग स्टेशनची संख्या ७० लाखांहून अधिक झाली आहे.

June 3, 2026 0 comments

Newer Posts

Older Posts