Monday, December 23, 2024
Home » Ukraine-Russia war
Tag:

Ukraine-Russia war

Ukraine Attack
आंतरराष्ट्रीयदेश-विदेश

रशियाच्या कजानमध्ये ९/११ सारखा हल्ला

by प्रतिनिधी
written by प्रतिनिधी

मास्को : रशियातील कजान शहरावर आज (दि.२१) सकाळी अमेरिकतील ९/११ पध्दतीने हल्ला झाला. न्यूज एजेंसी रॉयटर्सने दिलेल्या वृत्तानुसार युक्रेनने ड्रोनने आठ हल्ले केले असून नागरी वस्तीतील सहा इमारतींना लक्ष्य केले आहे. या हल्ल्यात जीवितहानी झाली नसली तरी, अमेरिकेतील व्ट्निस् टॉवरवर झालेल्या हल्ल्याची आठवण जागी झाली. (Ukraine Attack)

सोशल मीडियावर या हल्ल्याचे व्हिडिओ व्हायरल झाले आहेत. त्यामध्ये काही ड्रोन इमारतीवर धडक मारत असल्याचे चित्र दिसत आहे. या हल्ल्यानंतर रशियातील दोन एअरपोर्ट बंद केले आहेत. २००१ मध्ये अतिरेक्यांनी अमेरिकेतील वर्ल्ड ट्रेड सेंटरवर हल्ला केला होता. त्यामध्ये तीन विमानांनी काही मिनिटाच्या अंतरांनी तीन इमारतींना लक्ष्य केले होते.

चार महिन्यांपूर्वी युक्रेनने रशियावर असाच ड्रोन हल्ला केला होता. रशियातील सारातोव शहरातील २८ मजली इमारत वोल्गा स्काईला लक्ष्य केले होते. त्याठिकाणी रशियाचा स्ट्रॅस्ट्रजिक बॉम्बर लष्करी तळ आहे. त्या हल्ल्यात चार व्यक्ती जखमी झाल्या होत्या. या हल्ल्याला प्रत्युत्तर देताना रशियाने युक्रेनवर १०० मिसाईल आणि १०० ड्रोनने हल्ला केला होता. त्यामध्ये युक्रेनचे सहा व्यक्ती ठार झाल्या होत्या. तर, १५० हून अधिक व्यक्ती जखमी झाले होते. (Ukraine Attack)

चार दिवसापूर्वी रशियाचा न्यूक्लियर चीफ इगोर किरिलोव हे मास्कोतील स्फोटात ठार झाले होते. किरिलोव अपार्टमेंटमध्ये बाहेर पडल्यानंतर त्याच्याजवळ असलेल्या स्कूटरमध्ये स्फोट झाला होता. या स्फोटात किरलोव यांचा असिस्टंटही ठार झाला आहे. या हत्येत युक्रेनचा हात असल्याचा संशय व्यक्त केला जात आहे.

दोन दिवसांपूर्वी रशियाचे राष्ट्राध्यक्ष पुतिन यांनी युक्रेनबरोबर सुरु असलेले युध्द थांबवण्यास तयार असल्याचे सांगितले होते. अमेरिकेत सत्तांत्तर झाले असून डोनाल्ड ट्रम्प अमेरिका राष्ट्राध्यक्ष पदाच्या निवडणूकीत विजयी झाले आहेत. पुतीन आणि ट्रम्प यांच्यात चांगले संबध आहेत. ट्रम्प यांची इच्छा असेल तर आपली त्यांच्याशी भेटण्याची तयारी असल्याचे पुतीन म्हणाले होते. ट्रम्प अध्यक्षपदाचा पदभार स्वीकारण्यापूर्वी विद्यमान बायडेन सरकार युक्रेनला शेवटची सेक्युरिटी असिस्टेंट इनिशिएट पॅकेज जाहीर करण्याची शक्यता आहे. तत्पुर्वी युक्रेनने रशियावर ९/११ पद्धतीने ड्रोनने हल्ला केला आहे.

हेही वाचा :

0 comments
0 FacebookTwitterPinterestEmail
Russia Ukraine News
आंतरराष्ट्रीयदेश-विदेश

Russia Ukraine News : रशियाच्या आण्विक संरक्षण दलाच्या प्रभारी प्रमुखाची हत्या

by प्रतिनिधी
written by प्रतिनिधी

मॉस्को : रशियाच्या आण्विक संरक्षण दलाचे प्रभारी प्रमुख लेफ्टनंट जनरल इगोर किरिलोव्ह यांची हत्या करण्यात आली. त्यामुळे रशियाच्या संरक्षण दलाला हादरा बसला आहे. किरिलोव्ह अपार्टबाहेर आले त्यावेळी इलेक्ट्रिक स्कूटरमध्ये लपवलेल्या बॉम्बचा स्फोट करण्यात आला. त्यात त्यांचा मृत्यू झाल्याचे रशियाच्या तपास यंत्रणांनी म्हटले आहे. (Russia Ukraine News)

किरिलोव्ह रशियन फेडरेशनच्या सशस्त्र दलांच्या किरणोत्सर्गी, रासायनिक आणि जैविक संरक्षण दलांचे प्रमुख होते. त्यांच्यासह त्यांच्या सहायकांचा या घटनेत मृत्यू झाला. रशियाच्या ‘तास’ या वृत्तसंस्थेने अधिकृत सूत्राचा हवाला देत स्फोटक उपकरणाची क्षमता सुमारे तीनशे ग्रॅम होती. किरणोत्सर्गी, रासायनिक आणि जैविक आपत्तीच्या परिस्थितीत रशियाचे किरणोत्सर्गी, रासायनिक आणि जैविक संरक्षण दल हे विशेष दल काम करते. त्याचे किरिलोव्ह हे प्रमुख होते.

‘अल जजिरा’ने दिलेल्या वृत्तानुसार, घटनास्थळाची छायाचित्रे रशियन टेलिग्राम चॅनेलवर पोस्ट करण्यात आली आहेत. तेथे इमारतीच्या प्रवेशद्वाराजवळ इमारतीच्या अवशेषाचा ढिगारा पडला आहे. तेथेच बर्फात रक्ताने माखलेल्या स्थितीत या दोघांचे मृतदेह पडले होते. येथील रहिवाशांच्या म्हणण्यानुसार, या परिसरातील सीसीटीव्ही कॅमेऱ्यांची कमतरता आहे. त्याबाबत येथील रहिवाशी सातत्याने तक्रारी करत होते. घटना घडली त्या ठिकाणचे कॅमेरे काम करीत नव्हते. या निवासी संकुलातील धातू शोध यंत्रणाही बंद आहे. (Russia Ukraine News)

बंदी घातलेल्या रासायनिक शस्त्रांच्या कथित वापराचा आरोप युक्रेनच्या सरकारी वकिलांनी सोमवारी किरिलोव्ह यांच्यावर केला होता. युक्रेनच्या सुरक्षा सेवेच्या हवाल्याने कीव इंडिपेंडंटने हे वृत्त दिले होते. तथापि, रशियाने हे आरोप फेटाळून लावले आहेत.

हेही वाचा :

0 comments
0 FacebookTwitterPinterestEmail
Syria Twitter
आंतरराष्ट्रीयदेश-विदेश

सीरियात पुन्‍हा हिंसाचार

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्‍क : सीरिययातील बंडखोर गटांनी आज (दि.७) दारा शहरावर त्‍यांनी ताबा मिळवला. बंडखोरांनी ताबा मिळवलेले चौथे शहर आहे. मध्यपूर्वेतील देशांमध्ये संघर्षामुळे बशर अल-असादसाठी धोका निर्माण झाल्याचे वृत्त ‘रॉयटर्स’ने दिले आहे. सीरियातील परिस्थितीबद्दल भारत सरकारने भारतीय नागरिकांसाठी रात्री एक सूचना जारी केली आहे. पुढील सूचना मिळेपर्यंत त्यांनी सीरियाला जाणे टाळावे. असा सल्ला यात दिला आहे. (Syria)

बशर अल-असाद हे सीरियात इराण आणि रशियाच्या मदतीने सत्तेवर आहेत. परंतु, रशिया आणि युक्रेन यांच्यातील सुरू असलेल्या संघर्षांमुळे सीरियातील परिस्थिती गुंतागुंतीची झाली आहे. तर, इराण आणि हिजबुल्लाह यांच्‍या इस्रायलसोबत संघर्ष सुरु आहे. यामुळे रशिया आणि इराणचे सीरियावरील नियंत्रण कमी होत आहे. याचा फायदा घेत सीरियातील बंडखोर गटांनी दारा शहरावर ताबा मिळवला आहे.

हयात तहरीर अल-शाम गटाने २७ नोव्‍हेंबरपासून सरकारविरोधात बंड पुकारले आहे. त्यांनी उत्तर आणि मध्य सीरियाच्या भागावर कब्जा करण्‍यास सुरुवात केली. २०११ च्या गृहयुद्धानंतर बंडखोरीचा हा सर्वात मोठा हल्ला आहे. काल (दि.६) सरकारविरोधातील संघर्षात विविध शहरांमध्ये सुमारे २००हून अधिक बंडखोर ठार झाले आहेत. (Syria)

संयुक्‍त राष्‍ट्रांनी दिलेल्‍या माहितीनुसार, बंडखोरांनी शहर ताब्‍यात घेण्‍यास सुरुवात केल्‍यापासून आतापर्यंत सुमारे तीन लाख लोकां विस्थापित झाले आहेत. राजधानी दमास्‍करस हा बसर अल-असदचा बालेकिल्‍ला आहे. बंडखोरांनी हे शहर ताब्‍यात घेतलं तर असद हे सत्तेतून बेदखल होण्याची शक्यता आहे.

भारत सरकारकडून सूचना जारी

सीरियातील परिस्थितीबद्दल भारत सरकारने सर्व भारतीय नागरिकांसाठी रात्री उशिरा एक सूचना जारी केली आहे. पुढील सूचना मिळेपर्यंत त्यांनी सीरियाला जाणे पूर्णपणे टाळावे, असा सल्ला देण्यात आला आहे. आपत्कालीन हेल्पलाइन क्रमांक आणि ईमेल आयडी देखील जारी केले आहेत. परराष्ट्र मंत्रालयाने सध्या सीरियामध्ये असलेल्या सर्व भारतीयांना दमास्कसमधील भारतीय दूतावासाच्या संपर्कात राहण्याचे आवाहन केले आहे. सीरिया सोडू शकतात त्यांनी उपलब्ध व्यावसायिक उड्डाणांद्वारे शक्य तितक्या लवकर सीरिया सोडावे, असा सल्लाही देण्यात आला आहे.परराष्ट्र व्यवहार मंत्रालयाने दमास्कससाठी आपत्कालीन हेल्पलाइन क्रमांक +963 993385973 जारी केला आहे. हा नंबर व्हॉट्सॲपवरही वापरता येईल. यासोबत त्याने [email protected] हा आपत्कालीन ईमेल आयडी तयार केला आहे.

हेही वाचा 

0 comments
0 FacebookTwitterPinterestEmail
Russia Ukraine War
आंतरराष्ट्रीयदेश-विदेश

रशियाचा युक्रेनवर सर्वात मोठा हल्ला

by प्रतिनिधी
written by प्रतिनिधी

मॉस्को : वृत्तसंस्था : रशियाने गुरुवारी रात्री युक्रेनवर आतापर्यंतचा सर्वात मोठा हल्ला करून संपूर्ण देशाला वीज संकटात टाकले. या हल्ल्यांमध्ये रशियाने ९१ क्षेपणास्त्रे आणि ९७ ड्रोनचा वापर केला. युक्रेनच्या ऊर्जा पायाभूत सुविधांना लक्ष्य करणाऱ्या या हल्ल्यानंतर दहा लाखांहून अधिक लोकांना अंधारात राहण्यास भाग पाडले गेले. रशियाने या हल्ल्याचे वर्णन युक्रेनने अमेरिकन ‘एटीएसीएमएस’ क्षेपणास्त्रांच्या वापरास प्रत्युत्तर म्हणून केले आहे. ही बॅलेस्टिक क्षेपणास्त्रे लांब पल्ल्याच्या हल्ल्यात सक्षम आहेत आणि अलीकडेच युक्रेनने रशियन प्रदेशांवर हल्ला करण्यासाठी त्यांचा वापर केला होता.

रशियाचे अध्यक्ष व्लादिमीर पुतिन यांनी या हल्ल्यांना ‘पाश्चात्य शस्त्रांचा धोकादायक वापर’ म्हटले आणि रशिया जोरदार प्रत्युत्तर देईल असे सांगितले होते. हल्ल्यापूर्वी पुतिन यांनी कझाकस्तानची राजधानी अस्ताना येथे पत्रकार परिषदेत सांगितले, की रशिया युक्रेनच्या ‘निर्णय केंद्रांवर’ आणि कीव्हवर नवीन हायपरसॉनिक क्षेपणास्त्रांचा वापर करण्याचा विचार करू शकतो. या धमकीच्या काही तासांनंतर रशियाने युक्रेनच्या ऊर्जा ग्रीड आणि इंधन साठवण केंद्रांवर हल्ला केला. रशियन हल्ल्यात युक्रेनची ऊर्जा यंत्रणा प्रामुख्याने लक्ष्य करण्यात आली.

युक्रेनच्या अधिकाऱ्यांनी सांगितले, की बहुतेक क्षेपणास्त्रे आणि ड्रोन वीज निर्मिती आणि वितरण केंद्रे नष्ट करण्यासाठी डागण्यात आली. हल्ल्यामुळे १ दशलक्षाहून अधिक लोक अंधारात आहेत. थंडीच्या काळात वीजपुरवठा खंडित झाल्याने परिस्थिती अधिकच गंभीर बनली आहे. इंधन पुरवठ्यातील व्यत्ययाचा अत्यावश्यक सेवांवर मोठा परिणाम झाला आहे. युक्रेनियन हवाई दलाच्या म्हणण्यानुसार, १७ भागात तैनात केलेल्या हवाई संरक्षण यंत्रणेने ७६ ड्रोन आणि काही क्षेपणास्त्रे पाडण्यात यश मिळवले, तर उर्वरित क्षेपणास्त्रे आणि ड्रोनमुळे ऊर्जा संयंत्रे आणि नागरी क्षेत्रांचे मोठे नुकसान झाले; मात्र मृतांचा नेमका आकडा कळू शकलेला नाही. रशियन हल्ल्यांनंतर युक्रेनचे अध्यक्ष वोलोडिमिर झेलेन्स्की यांनी ‘नाटो’चे सरचिटणीस, ब्रिटिश पंतप्रधान केयर स्टार्मर आणि जर्मन चान्सलर ओलाफ स्कोल्झ यांच्यासह अनेक पाश्चात्य नेत्यांना मदतीचे आवाहन केले. ते म्हणाले, की आमच्या ऊर्जा पायाभूत सुविधांवर हा हल्ला केवळ युक्रेनवरील हल्ला नाही, तर संपूर्ण जगाच्या शांतता प्रयत्नांवर आहे. आम्हाला आणखी मदत हवी आहे. झेलेन्स्कीने अमेरिका आणि युरोपीय महासंघाकडून अतिरिक्त शस्त्रे, हवाई संरक्षण यंत्रणा आणि आर्थिक मदत मागितली आहे.

घातक शस्त्रास्त्रांचा वापर

रशिया आणि युक्रेनमध्ये जवळपास तीन वर्षांपासून सुरू असलेल्या युद्धाचे रूपांतर आता नव्या आणि घातक शस्त्रांच्या शर्यतीत झाले आहे. युक्रेन पाश्चात्य शस्त्रांचा वापर करत असल्याचा दावा रशियाने केला आहे, तर युक्रेनचे म्हणणे आहे, की रशियाचे हल्ले आंतरराष्ट्रीय मानवाधिकार कायद्यांचे उल्लंघन करत आहेत.

0 comments
0 FacebookTwitterPinterestEmail
US embassy file photo
आंतरराष्ट्रीयदेश-विदेश

अमेरिकेचा युक्रेनमधील दूतावास बंद

by प्रतिनिधी
written by प्रतिनिधी

कीव; वृत्तसंस्था : रशियन हवाई हल्ल्याच्या इशाऱ्यानंतर घेतला निर्णय युक्रेन-रशिया युद्ध अधिक धोकादायक होत आहे. जो बायडेन यांनी युक्रेनला घातक क्षेपणास्त्रे वापरण्याची परवानगी दिल्यानंतर युक्रेनने रशियावर अमेरिकन ‘एटीएसीएमएस’ क्षेपणास्त्रांनी हल्ला केला, त्यानंतर अमेरिकेने आज सुरक्षेच्या कारणास्तव कीवमधील आपला दूतावास बंद केला आहे.

‘यूएस डिपार्टमेंट ऑफ स्टेट कॉन्सुलर अफेयर्स’ने एका निवेदनात म्हटले आहे, की संभाव्य हवाई हल्ल्याच्या चिंतेमुळे बुधवारी (ता. २०) कीवमधील अमेरिकन दूतावास बंद करण्यात आला आहे. कीव दूतावासाच्या वेबसाइटवर दिलेल्या निवेदनात म्हटले आहे, की खूप सावधगिरी बाळगून, दूतावास बंद करण्यात येत आहे आणि दूतावासातील कर्मचाऱ्यांना सुरक्षित ठिकाणी राहण्याच्या सूचना देण्यात आल्या आहेत. याव्यतिरिक्त, निवेदनात, अमेरिकन नागरिकांना हवाई सतर्कतेची घोषणा झाल्यास त्वरित सुरक्षित ठिकाणी जाण्यास तयार राहण्यास सांगितले आहे. एक दिवस आधी युक्रेनने रशियावर अमेरिकन ‘एटीएसीएमएस’ क्षेपणास्त्रांनी हल्ला केला होता.

बायडेन यांनी युक्रेनला त्यांच्या कार्यकाळाच्या शेवटच्या दिवसांत प्राणघातक अमेरिकन शस्त्रे वापरण्याची परवानगी दिल्यानंतर या लांब पल्ल्याच्या क्षेपणास्त्राचा वापर करण्यात आला आहे. युद्धाने नव्या युगात प्रवेश केला आहे. रशियाने अमेरिकेच्या ‘एटीएसीएमएस’ क्षेपणास्त्र हल्ल्याला युद्धातील एक मोठा बदल म्हणून घेतले असून युद्ध एका नव्या टप्प्यात दाखल झाल्याचे म्हटले आहे. पुतीन यांनी यापूर्वीच रशियावर कोणत्याही हल्ल्याला चोख प्रत्युत्तर देऊ, असा इशारा दिला असून, त्यांनी थेट ‘नाटो’ देशांना लक्ष्य करण्याची धमकीही दिली आहे.

युक्रेनचे अध्यक्ष व्लादिमीर झेलेन्स्की हे रशियाबरोबरच्या युद्धात अमेरिकेने बनवलेल्या क्षेपणास्त्रांच्या वापरावरील निर्बंध कमी करण्यासाठी बायडेन प्रशासनावर बराच काळ दबाव आणत आहेत. त्याची परवानगी मिळाल्यानंतर, झेलेन्स्की म्हणाले, की युक्रेनसाठी त्यांच्या विजय योजनेचा’ हा एक महत्त्वाचा भाग आहे.

मोठ्या युद्धाचे संकेत

पुतीन प्रशासनानेही रशियाच्या आण्विक सिद्धांतातील बदलांना मंजुरी दिली. देशात अण्वस्त्रविरोधी मोबाइल निवारे बांधण्याचे काम मोठ्या प्रमाणावर सुरू झाले आहे. युद्धातील या विस्तारावरून असे दिसते, की कधीही मोठे युद्ध होऊ शकते.

0 comments
0 FacebookTwitterPinterestEmail
russia- ukraine war file photo
आंतरराष्ट्रीयदेश-विदेश

रशियाने युक्रेनवर ६० क्षेपणास्रे डागली

by प्रतिनिधी
written by प्रतिनिधी

कीव; वृत्तसंस्था : रशियाने युक्रेनवर मोठा हवाई हल्ला केला आहे. युक्रेनची राजधानी कीववर हा हल्ला करण्यात आला आहे. मिळालेल्या माहितीनुसार, रशियाने ६० क्षेपणास्त्रे डागली आहेत. युक्रेनवर करण्यात आलेला हा आतापर्यंतचा सर्वात मोठा हल्ला मानला जात आहे. या हल्ल्यांदरम्यान लोकांनी आपला जीव वाचवण्यासाठी बंकरची मदत घेतली.

गेल्या काही दिवसांत रशियाकडून युक्रेनवर अनेक ड्रोन हल्ले करण्यात आले आहेत; पण ट्रम्प हेही त्यांचा शांतता फॉर्म्युला घेऊन पुढे जात आहेत. केवळ कीवमध्येच नव्हे तर इतरही काही ठिकाणी हल्ले करण्यात आले आहेत. यासोबतच इराणमधून घेतलेल्या ड्रोनचाही या हल्ल्यात वापर करण्यात आल्याची माहिती समोर येत आहे. लोक अजूनही बंकरमध्ये असल्याची माहिती आहे आणि जोपर्यंत हवाई हल्ले सुरू आहेत, तोपर्यंत त्यांना बंकरमध्येच राहण्यास सांगण्यात आले आहे.

अमेरिकेचे नवनिर्वाचित राष्ट्राध्यक्ष डोनाल्ड ट्रम्प यांनी रशिया-युक्रेन युद्धात झालेल्या जीवितहानीबद्दल दु:ख व्यक्त केले आहे आणि म्हटले आहे, की त्यांचे प्रशासन हे युद्ध संपवण्यावर लक्ष केंद्रित करेल. पश्चिम आशियामध्ये शांतता प्रस्थापित करण्यासाठी त्यांचे प्रशासन काम करेल असेही ट्रम्प म्हणाले.

0 comments
0 FacebookTwitterPinterestEmail
Trump-Putin file photo
आंतरराष्ट्रीयदेश-विदेश

युद्ध संपवण्यासाठी ट्रम्प यांची पुतीन यांच्यांशी चर्चा

by प्रतिनिधी
written by प्रतिनिधी

न्यू यार्क; वृत्तसंस्था : अमेरिकेचे नवनिर्वाचित अध्यक्ष डोनाल्ड ट्रम्प यांनी रशियाचे अध्यक्ष व्लादिमीर पुतीन यांच्याशी फोनवर चर्चा केली. युक्रेनमधील युद्ध संपण्यासह इतर अनेक महत्त्वाच्या विषयांवर दोन्ही नेत्यांनी आपली भूमिका स्पष्ट केली. दरम्यान, नुकत्याच झालेल्या अध्यक्षीय निवडणुकीत विजय मिळवल्यानंतर ट्रम्प यांनी ७० हून अधिक जागतिक नेत्यांशी संवाद साधला आहे. यामध्ये भारताचे पंतप्रधान नरेंद्र मोदी आणि इस्रायलचे पंतप्रधान बेंजामिन नेतन्याहू यांचा समावेश आहे. (Trump-Putin)

‘वॉशिंग्टन पोस्ट’ने दिलेल्या वृत्तात म्हटले आहे, की ट्रम्प यांनी पुतीन यांच्याशी चर्चा केली. या वेळी त्यांनी युक्रेनमधील युद्ध वाढवू नये असे आवाहन केले आहे. तसेच दोन्ही नेत्यांनी युरोप खंडातील शांततेच्या उद्दिष्टावर चर्चा केली आणि ट्रम्प यांनी युक्रेन युद्धाच्या लवकर निराकरणावर चर्चा करण्यासाठी आगामी चर्चेत सहभागी होण्यात स्वारस्यही दाखवले आहे. (Trump-Putin)

ट्रम्प हे २० जानेवारी २०२५ रोजी अमेरिकेचे ४७ वे अध्यक्ष म्हणून शपथ घेणार आहेत. युक्रेनला ट्रम्प-पुतीन फोन संभाषणाची माहिती देण्यात आली आहे. ट्रम्प यांनी फ्लोरिडामधील आपल्या रिसॉर्टमधून पुतीन यांच्याशी संभाषण केले. दोन्ही नेत्यांमधील संभाषणाची माहिती असलेल्या एका व्यक्तीने नाव न सांगण्याच्या अटीवर सांगितले, की या संभाषणा दरम्यान ट्रम्प रशियाबद्दल बोलले. त्यांनी पुतीन यांना युक्रेनमधील युद्ध न वाढवण्याचा सल्ला दिला. युरोपमधील अमेरिकेच्या मोठ्या लष्करी उपस्थितीची आठवणही त्यांनी करून दिली.

0 comments
0 FacebookTwitterPinterestEmail
error: Content is protected !!
-
00:00
00:00

Queue

Update Required Flash plugin
-
00:00
00:00