Tag:

Shrikant Shinde

MNS extends support to the Shiv Sena Shinde group

कल्याण डोंबिवली मनपात मनसेची शिवसेना शिंदे गटाला टाळी

by प्रतिनिधी January 21, 2026

written by प्रतिनिधी

मुंबई : प्रतिनिधी : कल्याण डोंबिवली महानगरपालिकेत सत्ता स्थापनेसाठी शिवसेना शिंदे गट आणि भाजपमध्ये जोरदार रस्सीखेच सुरू असताना मनसेने शिवसेना शिंदे गटाला टाळी दिल्याने एका नवा ट्विस्ट आला आहे. मनसेने शिवसेनेला साथ दिली असल्याची माहिती खासदार श्रीकांत शिंदे यांनी दिली. तर मनसेचे माजी आमदार राजू पाटील यांनीही त्याला दुजोरा दिला आहे. मनसेच्या पाठिंब्याने खासदार संजय राऊत यांनी मात्र टीका केली आहे. (MNS extends support to the Shiv Sena Shinde group)

कडोंमपामध्ये शिवसेनेला ५३ तर भाजप ५० जागांवर विजय मिळवला आहे. ठाकरे गटाचे ११, मनसेच ५ तर शरद पवार गटाला १ जागा मिळाला आहे. काँग्रेसने दोन जागा जिंकल्या आहेत. मंगळवारी कोकण विभागीय आयुक्तांकडे पक्षाच्या गटाच्या नोंदणीसाठी ठाकरेंच्या नगरसेवकांना हजर राहण्यास सांगितले असता तेव्हा शिवसेना उद्धव ठाकरे गटाच्या ११ पैकी ७ नगरसेवक उपस्थित होते. ठाकरेंचे दोन नगरसेवक शिवसेना शिंदे गटात तर दोन नगरसेवक मनसेत गेल्याची चर्चा आहे. त्यातच आज मनसेचे माजी आमदार राजू पाटील यांनी खासदार श्रीकांत शिंदेची भेट घेतली आणि शिवसेना शिंदे गटाला पाठिंबा दिल्याचे जाहीर केले. (MNS extends support to the Shiv Sena Shinde group)

मनसेने दिलेल्या पाठिंब्यावर शिवसेनेचे खासदार संजय राऊत यांनी टीका केली आहे. ते म्हणाले, शिवसेना ठाकरे गट आणि मनसे एकत्र येत आहेत. त्यांनी एकत्र निवडणुका लढल्या आहेत. अशावेळेला कुणी एखाद्या चिन्हावर निवडून येऊन बेडूक उड्या मारत असेल तर पक्षाच्या नेतृत्वाने भूमिका घेतली पाहिजे. त्या पक्षाच्या नेतृत्वाने त्यांच्यावर कारवाई करुन महाराष्ट्राला दाखवायला पाहिजे की, या भूमिकेशी आम्ही सहमत नाहीत, असे राऊतांनी म्हटले. पण, राजू पाटील बोलत असताना त्यांच्या बाजूला त्यांच्या पक्षाचे एक नेते उपस्थित होते. ते मी पाहिले. आता शिंदे गटाचे लोकं म्हणतात, मनसे म्हणजे काय एमआयएम आहे का? पण आमच्यासाठी आणि महाराष्ट्रासाठी शिंदे गट एमआयएम आहे. मराठी माणसासाठी शिंदे गट एमआयएम आहे. महाराष्ट्रद्रोही आहे. सत्ता मिळाली नाही म्हणून अशा प्रकारे बेईमानी करणाऱ्यांना महाराष्ट्र माफ करत नाही. तुमची काही वैयक्तिक कारणे असू शकतात. ते तेवढ्यापुरतेच ठेवायला पाहिजे. काही लोकांच्या मागे तपासयंत्रणा लागल्या असतील. त्यासाठी कुणीही पक्ष वेठीस धरणं आणि महाराष्ट्राच्या गद्दारांशी हातमिळवणी करणे हे पूर्णपणे चुकीचे आहे, असेही यावेळी खासदार संजय राऊत यांनी सांगितले. (MNS extends support to the Shiv Sena Shinde group)

January 21, 2026 0 comments

एकनाथ शिंदेना रोज तीन, तीन गोळ्या घ्याव्या लागतात ; गणेश नाईक यांचा हल्लाबोल

by प्रतिनिधी January 12, 2026

written by प्रतिनिधी

जमीर काझी : मुंबई : राज्यात व केंद्रात एकत्र सत्तेत असलेल्या भाजपा व शिवसेना शिंदे गटात नवी मुंबई महापालिका निवडणुकीत मात्र दोन्ही पक्षात घमासान लढाई सुरु आहे. भाजपाचे जेष्ठ नेते व वनमंत्री गणेश नाईक यांच्या नवी मुंबईतील साम्राज्य नेस्तानाबूत करण्यासाठी उपमुख्यमंत्री एकनाथ शिंदे यांनी सर्वस्वपणाला लावले आहे. प्रचाराचा रणधुमाळीत दोन्ही बाजूकडून आरोप-प्रत्यारोपाची मालिका सुरु आहे. शिंदे गटाचे नेते खासदार श्रीकांत शिंदे यांनी केलेल्या टीकेला तुझ्या बापाला रोज ३-३ गोळ्या घायला लागतात. त्याशिवाय झोप लागत नाही, अशा शब्दात प्रत्युत्तर दिले आहे.

खासदार शिंदे यांनी नवी मुंबईत घेतलेल्या सभेत गणेश नाईक यांना डिवचले होते. ‘काहींचे वय झाले आहे त्यामुळे त्यांना आपण काय बोलतो ते समजत नाही. वयानुसार प्रॉब्लेम होत असतात अशी टीका केली होती. शिवाय एकनाथ शिंदे हे ईडीला घाबरतात. त्यावर नाईक हे काय इडीचे अधिकारी आहेत का? असा प्रतिप्रश्न त्यांनी केला होता. (Ganesh Naik criticizes Shinde)

त्याला गणेश नाईक सोमवारी घणसोली येथे झालेल्या प्रचार सभेत जोरदार प्रत्युत्तर दिले. ते म्हणाले,’ माझे वय झाले आहे, असा आरोप केला जातो. पण तुझ्या वडिलांना माझ्यासोबत चालायला सांग. अर्धा तास तरी चालतात का ते पाहू?,मी कितीही फिरलो तरी मला रस्त्यात चक्कर येत नाही. रात्री शांत झोप लागते. झोपण्यासाठी मला गोळ्या घ्याव्या लागत नाहीत. मात्र तुमच्या वडिलांना तीन-तीन गोळ्या घ्याव्या लागतात,” असा घणाघात करीत जर मी थकलो तर राजकारणातून संन्यास घेतो, असे आव्हानही दिले आहे. (Ganesh Naik criticizes Shinde)

त्यांच्या या आक्रमक भूमिकेमुळे नवी मुंबईतील राजकीय वातावरण आणखी तापले असून शिंदे-नाईक वादाला नवे वळण मिळाले आहे. , मंगळवारी उघडपणे प्रचाराचा अखेरचा दिवस असून नाईक यांच्या एकनाथ शिंदे यांच्याकडून काय प्रत्युत्तर दिले जाते, याकडे सर्वांचे लक्ष लागले आहे. (Ganesh Naik criticizes Shinde)

January 12, 2026 0 comments

महाराष्ट्र मुंबई विधानसभा निवडणूक

शिवसेनेच्या उपमुख्यमंत्रिपदासाठी श्रीकांत शिंदे, भुसे यांची चर्चा

by प्रतिनिधी November 28, 2024

written by प्रतिनिधी

मुंबई : प्रतिनिधी

काळजीवाहू मुख्यमंत्री एकनाथ शिंदे यांनी मुख्यमंत्रिपदाचा दावा सोडला आहे. शिवसेनेच्या शिंदे गटाला उपमुख्यमंत्रिपद येणार असून, एकनाथ शिंदे ते स्वीकारणार नाहीत. त्यामुळे खा. डॉ. श्रीकांत शिंदे यांची नवीन सरकारमध्ये उपमुख्यमंत्रिपदी वर्णी लागू शकते.

शिंदे यांनी मुख्यमंत्रिपदाच्या शर्यतीतून माघार घेतल्यानंतर भाजपने त्यांना केंद्रात कॅबिनेट मंत्रिपद अथवा राज्यात उपमुख्यमंत्रिपदाचा प्रस्ताव दिल्याची माहिती आहे. शिंदे यांनी दोन्ही प्रस्ताव नाकारल्याचे समजते. शिंदे यांनी आपल्याला मुख्यमंत्री करता येत नसल्यास महायुती सरकारचा निमंत्रक म्हणून नियुक्ती करावी, शिवाय श्रीकांत शिंदे यांना नव्या सरकारमध्ये उपमुख्यमंत्रिपद द्यावे, असा प्रस्ताव भाजपसमोर मांडला आहे. शिंदे यांच्या या प्रस्तावावर भाजपश्रेष्ठींकडूनही सकारात्मक प्रतिसाद आल्याची माहिती आहे.

दरम्यान, शिंदे यांच्या आपल्या मुलाला उपमुख्यमंत्रिपद देण्याच्या प्रस्तावावर पक्षांतर्गत नाराजी पसरल्याचे समजते. श्रीकांत यांना राज्यात एका वरिष्ठ पदावर आणल्याने पक्षाची विश्वासार्हता बिघडू शकते, अशी भीती शिवसेनेच्या काही नेत्यांकडून व्यक्त केली जात आहे. यापूर्वीही उद्धव ठाकरे यांनी त्यांच्या मुख्यमंत्रिपदाच्या कारकिर्दीत मुलगा आदित्य ठाकरे यांना पुढे आणल्याने त्यांच्यावर टीका झाली होती. दुसरीकडे, उपमुख्यमंत्रिपदासाठी शिवसेनेतून शिंदे यांचे निकटचे स्नेही व विश्वासू सहकारी दादा भुसे यांचे नाव समोर येत आहे. शिंदे यांनी पुकारलेल्या बंडात भुसे यांनी त्यांची साथ देत वेळोवेळी पक्षाची भूमिकाही समर्थपणे निभावली. भुसे सलग पाच वेळा विधानसभा निवडणूक जिंकले आहेत. तसेच ते फडणवीस, शिंदे आणि ठाकरे यांच्या मंत्रिमंडळातही मंत्री राहिले आहेत. भुसे नाशिक, धुळे आणि पालघरचे पालकमंत्री होते. त्यामुळे दादा भुसे यांच्यासारख्या अनुभवी नेत्याकडे उपमुख्यमंत्रिपद येण्याची जास्त शक्यता राजकीय वर्तुळात व्यक्त केली जात आहे.

November 28, 2024 0 comments

दक्षिण महाराष्ट्र विधानसभा निवडणूक

यड्रावकरांच्या पाठीशी मुख्यमंत्र्यांची ताकद : श्रीकांत शिंदे

by प्रतिनिधी November 17, 2024

written by प्रतिनिधी

जयसिंगपूर; प्रतिनिधी : आमदार डॉ. राजेंद्र पाटील यड्रावकर यांनी शिरोळ तालुक्यात कोट्यवधी रुपयांचा निधी आणला आहे. मुख्यमंत्री एकनाथ शिंदे यांना मोठ्या विश्वासाने त्यांना ताकद दिली. या निवडणुकीतही त्यांना प्रचंड मताने विजयी करा, मुख्यमंत्री एकनाथ शिंदे हे त्यांना निश्चित ताकद देतील, असा विश्वास खासदार श्रीकांत शिंदे यांनी व्यक्त केला.

महायुती पुरस्कृत राजर्षी शाहू विकास आघाडीचे उमेदवार आमदार डॉ. राजेंद्र पाटील यड्रावकर यांच्या प्रचारार्थ शिरोळ येथे आयोजित सभेत ते बोलत होते.

ते म्हणाले, मुख्यमंत्री एकनाथ शिंदे यांच्यावर आमदार यड्रावकर यांनी विश्वास ठेवून सहकार्य केले. तोच विश्वास सार्थ करून मोठ्या विश्वासाने मुख्यमंत्र्यांनी यड्रावकर यांना १९०३ कोटींचा विकासनिधी दिला. यड्रावकर यांनी पै – पै चा हिशोब प्रगती पुस्तकात दिला आहे. आमदार हा लोकप्रतिनिधी असतो. गावागावातील समस्या जाणून तो सर्वांगीण विकास करण्याचा ध्यास घेतलेला असतो. राजेंद्र पाटील यड्रावकर यांच्या विकास कार्यामुळे परिसरातील लोक सुखावले आहेत. महापूर काळात यड्रावकरांनी पूरग्रस्तांच्या हिताचे काम करून त्यांना दिलासा दिला आहे.

राजेंद्र पाटील यड्रावकर म्हणाले, मतदारांमुळे शिरोळ तालुक्यातील विकासासाठी १९०३ कोटीचा निधी मिळाला. यामुळे गावागावाचा सर्वांगीण विकास करता आला. व्यक्तिगत लाभार्थ्यांनाही शासनाच्या योजनांचा लाभ देण्यात आला. यामध्ये लाडकी बहीण योजना प्रभावीपणे राबवली. शासनाच्या योजना तळागाळातील लोकांपर्यत पोहचवल्या. शिरोळ गावच्या विकासासाठी १०० कोटी ६२ लाखाचा निधी आणला. पुढील काळात छत्रपती शिवाजी महाराज यांचा पुतळा आणि सीनियर कॉलेज सुरू करणार आहे.

खासदार धैर्यशील माने, योगेश खाडे, मल्लाप्पा चौगुले, रणजीत पाटील, मनीषा डांगे, बबन यादव, दशरथ काळे, अमरसिंह पाटील यांनी मनोगत व्यक्त केले.

यावेळी सतिश मलमे, प्रमोददादा पाटील, मल्लाप्पा चौगुले, चंद्रकांत मोरे, अमरसिंह पाटील, बाबासो वनकोरे, डॉ. नीता माने, राकेश खोंद्रे, श्रीपती सावंत, बाबा पाटील, माधुरी टाकारे, एन. वाय. जाधव, रामदास गावडे, सीता निकम, आसमा पटेल, शोभा कोळी, आरती गायकवाड यांच्यासह पदाधिकारी व कार्यकर्ते मोठ्या संख्येने उपस्थित होते. बाबा पाटील यांनी आभार मानले.

November 17, 2024 0 comments