Friday, November 6, 2026
Home » Shreyas Iyer
Tag:

Shreyas Iyer

Punjab Kings' Victory over Sunrisers Hyderabad
ताज्या बातम्या

श्रेयस अय्यरच्या पंजाब किंग्जचा सनराईज हैद्राबादवर विजय

by प्रतिनिधी
written by प्रतिनिधी

नवी दिल्ली : आयपीएल क्रिकेट स्पर्धेत पंजाब किंग्ज संघाने सनराईज हैद्राबादवर सहा गड्यांनी विजय मिळवला. पंजाबचा कर्णधार श्रेयस अय्यरने ३३ चेंडूत ६९ धावांची खेळी करत हैद्राबादचे २१८ धावांचे आव्हान सात चेंडू राखून पार केले. पंजाबचा हा सलग तिसरा विजय आहे. (Punjab Kings’ Victory over Sunrisers Hyderabad)

हैद्राबादचे २१९ धावांचे आव्हान पार करण्यासाठी पंजाब किंग्जची सलामी जोडी प्रयांश आर्या आणि प्रभासिमरन सिंग ही जोडी मैदानात उतरली. दोघांनी हैद्राबादची गोलंदाजी फोडून काढत ९९ धावांची नाबाद सलामी दिली. प्रियांश आर्यने प्रत्येकी पाच चौकार आणि षटकारांच्या सहाय्याने २० चेंडूत ५७ धावा केल्या. प्रभासिमरनसिंगने ५१ धावा २५ चेंडूत केल्या. त्याने प्रत्येकी चार चौकार आणि षटकार खेचले. सलामीची जोडी तंबूत परतल्यावर कर्णधार अय्यरने सामन्याची सुत्रे ताब्यात घेतली. त्याने ३३ चेंडूत नाबाद ६९ धावा केल्या. त्याने प्रत्येकी पाच चौकार आणि षटकार ठोकले. कुपर कोनोलीने ११, नेहल वढेराने १४ तर शशांक सिंगने नाबाद १६ धावा केल्या. (Punjab Kings’ Victory over Sunrisers Hyderabad)

तत्पुर्वी हैद्राबादने २० षटकात ७ बाद २१९ धावा केल्या. अभिषेक शर्माने झंझावती खेळी करताना २८ चेंडूत ७४ धावा चोपल्या. त्याने तब्बल आठ षटकार ठोकले. ट्रॅव्हिस हेडने २३ चेंडूत ३८ धावा केल्या. कर्णधार इशान किशने २७, क्लासेने ३९ तर अनिकेत वर्माने १९ धावा केल्या. पंजाबच्या अर्शदीपसिंग, शशांक सिंगने प्रत्येकी दोन गडी बाद केले. (Punjab Kings’ Victory over Sunrisers Hyderabad)

0 comments
0 FacebookTwitterPinterestEmail
Indian squad announced for the series against New Zealand
ताज्या बातम्यामहत्त्वाच्या नोंदी

न्यूझीलंडविरुद्ध भारतीय वन डे संघांची घोषणा

by प्रतिनिधी
written by प्रतिनिधी

नवी दिल्ली : न्यझीलंडविरुद्ध् होणार एक दिवसीय मालिकेसाठी भारतीय संघाची घोषणा केली आहे. शुभमन गिल कर्णधार असून १५ खेळाडूंची निवड करण्यात आली  आहे. वेगवान गोलंदाज जसप्रित बुमराह आणि अष्टपैलू खेळाडू हार्दिक पांड्याला विश्रांती देण्यात आली आहे. (Indian squad announced for the series against New Zealand)

दुखापतीमुळे बाहेर असलेल शुभमन गिल आणि श्रेयस अय्यर दोघेही संघात परत आहेत. गिलकडे कर्णधारपद तर अय्यरकडे उप कर्णधारपद दिले आहे. जलदगती गोलंदाज मोहम्मद सिराज संघात परतला आहे. ऋतुराज गायकवाड आणि तिलक वर्माला संघातून वगळले आहे. ऋषभ पंतने संघात आपले स्थान कायम ठेवले आहे. विजय हजारे ट्रॉफीमध्ये चांगली कामगिरी करणाऱ्या नीतीश कुमार रेड्डी, हर्षित राणाला संघात स्थान दिले आहे. मोहम्मद शमीचा संघात समावेश केलेला नाही. (Indian squad announced for the series against New Zealand)

असा आहे संघ

शुभमन गिल (कर्णधार), रोहित शर्मा, विराट कोहली, केएल राहुल (यष्टिरक्षक), श्रेयस अय्यर, यशस्वी जैस्वाल, ऋषभ पंत, वॉशिंग्टन सुंदर, रवींद्र जडेजा, मोहम्मद सिराज, अर्शदीप सिंह, प्रसिद्ध कृष्णा, कुलदीप यादव, हर्षित राणा आणि नीतीश कुमार रेड्डी. (Indian squad announced for the series against New Zealand)

0 comments
0 FacebookTwitterPinterestEmail
Preity Zinta
ताज्या बातम्यामहत्त्वाच्या नोंदी

Preity Zinta : कर्णधारपदासाठी श्रेयसलाच पसंती

by प्रतिनिधी
written by प्रतिनिधी

मोहाली : पंजाब किंग्ज संघाने श्रेयस अय्यरला करारबद्ध केल्यापासूनच त्याला कर्णधारपदासाठी पहिली पसंती होती, असे संघाची सहभागीदार प्रिती झिंटाने सांगितले. एक्सवरून (ट्विटर) क्रिकेटप्रेमींच्या प्रश्नांना उत्तर देतानाच तिने श्रेयसची प्रशंसाही केली.(Preity Zinta)

आयपीएलच्या अठराव्या मोसमामध्ये पंजाबचा संघ नऊ सामन्यांअखेर ११ गुणांसह पाचव्या स्थानी आहे. शनिवारी पंजाबचा कोलकाता नाइट रायडर्सविरुद्धचा सामना पावसामुळे अनिर्णित राहिला. त्या पार्श्वभूमीवर प्रितीने सोमवारी पंजाबच्या चाहत्यांशी संवाद साधला. यावेळी आकाश नावाच्या एका युजरने तिचे श्रेयसविषयी माणूस आणि कर्णधार म्हणून असलेले मत विचारले. त्याला उत्तर देताना श्रेयस हा खूप चांगला कर्णधार आणि अतिशय नम्र माणूस असल्याचे ती म्हणाली. (Preity Zinta)

तो पंजाब किंग्ज संघाचे नेतृत्व करतो आहे, याचा आम्हाला आनंद वाटतो. आयपीएलच्या लिलावामध्ये आम्ही त्याला करारबद्ध करू शकलो आणि संघाच्या कर्णधारपदासाठी तो आमची पहिली आणि एकमेव पसंती होता. त्यामुळे लिलावामध्ये आमचा संपूर्ण सहभाग त्याच्याभोवती केंद्रित होता,” असे प्रिती म्हणाली. कर्णधार व खेळाडू म्हणून श्रेयस व्यूहरचनानिपुण आणि आक्रमक आहे, परंतु मैदानाबाहेर तो अतिशय सौम्य व्यक्ती आहे, अशी पुस्तीही तिने जोडली. (Preity Zinta)

पंजाब-बेंगळुरू रॉयल चॅलेंजर्स यांच्यातील सामन्यानंतर प्रितीने बेंगळुरूच्या विराट कोहलीशीही संवाद साधला होता. विराटशी काय बोलणे झाले, असे एका युजरने विचारले असता, आम्ही एकमेकांना आमच्या मुलांचे फोटो दाखवले, असे प्रितीने सांगितले. मी अठरा वर्षांपूर्वी विराटला भेटले, तेव्हा तो उत्साही नवतरुण होता. काळ किती वेगात पुढे सरकतो. आजही विराटमधील उत्साह तसाच टिकून असला, तरी आज तो एक प्रेमळ पिताही बनला आहे, असे प्रितीने लिहिले आहे.

हेही वाचा :
बुमराह म्हणतो, मलिंगाच सरस!
एकाच मैदानावर कोहलीची सर्वाधिक अर्धशतके

0 comments
0 FacebookTwitterPinterestEmail
BCCI Contracts
ताज्या बातम्या

BCCI Contracts : श्रेयस, ईशानची वापसी

by प्रतिनिधी
written by प्रतिनिधी

मुंबई : भारतीय क्रिकेट नियामक मंडळाने (बीसीसीआय) २०२४-२५ या वर्षासाठी केंद्रीय करार करण्यात येणाऱ्या खेळाडूंची सोमवारी जाहीर केली. मागील वर्षी या यादीतून वगळण्यात आलेल्या श्रेयस अय्यर व ईशान किशन यांना पुन्हा स्थान देण्यात आले आहे. त्याचप्रमाणे, यष्टिरक्षक रिषभ पंतला ए श्रेणीमध्ये बढती मिळाली आहे. (BCCI Contracts)

ए प्लस, ए, बी आणि सी अशा चार श्रेणींमध्ये करारबद्ध खेळाडूंचे वर्गीकरण करण्यात आले आहे. ए प्लस श्रेणीमध्ये रोहित शर्मा, विराट कोहली, जसप्रीत बुमराह आणि रवींद्र जडेजा हे चारच खेळाडू आहेत. आंतरराष्ट्रीय क्रिकेटमधून निवृत्ती घेतलेला फिरकीपटू रविचंद्रन अश्विनला वगळल्याचा अपवाद सोडल्यास या श्रेणीमध्ये कोणताही बदल नाही. रोहित, विराट व जडेजा यांनी आंतरराष्ट्रीय टी-२० क्रिकेटमधून निवृत्ती पत्करल्यानंतरही त्यांना या श्रेणीत कायम ठेवण्यात आले आहे. ए श्रेणीमध्ये महंमद सिराज, लोकेश राहुल, हार्दिक पंड्या, शुभमन गिल, महंमद शमी आणि रिषभ पंत हे खेळाडू आहेत. या श्रेणीमध्ये पंत हा नवा खेळाडू असून त्याला बी श्रेणीमधून ए श्रेणीमध्ये बढती मिळाली आहे. बी श्रेणीमध्ये कुलदीप यादव, अक्षर पटेल, यशस्वी पटेल, सूर्यकुमार यादव आणि श्रेयस अय्यर यांचा समावेश आहे. (BCCI Contracts)

मागील वर्षीच्या करारामधून श्रेयसला वगळण्यात आले होते. त्यानंतर, त्याच्या नेतृत्वाखाली कोलकाता नाइट रायडर्सने मागील वर्षी आयपीएलचे विजेतेपद पटकावले. आंतरराष्ट्रीय वन-डेमध्येही त्याने चमकदार कामगिरी केली. भारताने चॅम्पियन्स ट्रॉफीचे विजेतेपद जिंकण्यात श्रेयसचा महत्त्वाचा सहभाग होता. या स्पर्धेत त्याने भारतातर्फे सर्वाधिक २४३ धावा फटकावल्या होत्या. त्याची पोचपावती म्हणून त्याला या वर्षीच्या करारयादीत समाविष्ट करण्यात आले. ईशानला सी श्रेणीमध्ये स्थान मिळाले आहे. या श्रेणीत एकूण १९ खेळाडू असून त्यामध्ये प्रामुख्याने भारताच्या टी-२० संघातील खेळाडूंचा समावेश आहे. मागील वर्षी या यादीत असणाऱ्या शार्दुल ठाकूर, जितेश शर्मा, श्रीकर भारत आणि आवेश खान यांना मात्र यादीतून वगळण्यात आले आहे. (BCCI Contracts)

बीसीसीआयकडून ए प्लस श्रेणीतील खेळाडूंसोबत सात कोटी रुपयांचा वार्षिक करार करण्यात येतो. ए श्रेणीसाठी ही रक्कम पाच कोटी इतकी असून बी श्रेणीसाठी ३ कोटी, तर सी श्रेणीसाठी एक कोटी आहे. आतापर्यंत बीसीसीआयच्या करारयादीत नसणाऱ्या आठ खेळाडूंशी नव्याने करार करण्यात येणार आहे.

ए प्लस श्रेणी – रोहित शर्मा, विराट कोहली, जसप्रीत बुमराह, रवींद्र जडेजा

ए श्रेणी – महंमद सिराज, लोकेश राहुल, शुभमन गिल, हार्दिक पंड्या, महंमद शमी, रिषभ पंत.

बी श्रेणी – सूर्यकुमार यादव, कुलदीप यादव, अक्षर पटेल, यशस्वी जैस्वाल, श्रेयस अय्यर.

सी श्रेणी – रिंकू सिंह, तिलक वर्मा, ऋतुराज गायकवाड, शिवम दुबे, रवी बिश्नोई, वॉशिंग्टन सुंदर, मुकेश कुमार, संजू सॅमसन, अर्शदीप सिंग, प्रसिध कृष्णा, रजत पाटिदार, ध्रुव जुरेल, सर्फराझ खान, नितीशकुमार रेड्डी, ईशान किशन, अभिषेक शर्मा, आकाश दीप, वरुण चक्रवर्ती, हर्षित राणा.

हेही वाचा :
अभिषेक नायर पुन्हा ‘केकेआर’मध्ये दाखल
‘उसका जाने का समय आ गया’

0 comments
0 FacebookTwitterPinterestEmail
Newzealand
ताज्या बातम्यामहत्त्वाच्या नोंदी

Newzealand : भारत साखळीत अपराजित

by प्रतिनिधी
written by प्रतिनिधी

दुबई : श्रेयस अय्यरच्या खेळीला वरुण चक्रवर्तीच्या फिरकीची जोड मिळाल्यामुळे भारताने रविवारी चॅम्पियन्स ट्रॉफी स्पर्धेमध्ये न्यूझीलंडवर ४४ धावांनी मात केली. या अखेरच्या साखळी सामन्यात भारताच्या ९ बाद २४९ धावांचा पाठलाग करताना न्यूझीलंडचा डाव ४५.३ षटकांत २०५ धावांत आटोपला. या सलग तिसऱ्या विजयासह भारताने ‘ग्रुप ए’मध्ये अपराजित राहत ६ गुणांसह अग्रस्थान पटकावले. त्यामुळे उपांत्य फेरीत भारताचा सामना ‘ग्रुप बी’मध्ये दुसऱ्या स्थानावर असणाऱ्या ऑस्ट्रेलियाशी होईल. (Newzealand)
या सामन्यात भारताचा कर्णधार रोहित शर्मा पुन्हा एकदा नाणेफेकीबाबत कमनशिबी ठरला. न्यूझीलंडने नाणेफेक जिंकून प्रथम क्षेत्ररक्षण स्वीकारले. न्यूझीलंडच्या गोलंदाजांनी कर्णधाराचा हा निर्णय सार्थ ठरवत सुरुवातीच्या ७ षटकांमध्येच भारताची अवस्था ३ बाद ३० अशी केली होती. सलामीवीर रोहित शर्मा व शुभमन गिल अनुक्रमे १५ व २ धावांवर बाद झाले, तर विराट कोहली ११ धावाच करू शकला. हेन्रीच्या गोलंदाजीवर ग्लेन फिलिप्सने पॉइंटला विराटचा अफलातून झेल पकडला. श्रेयस अय्यर व अक्षर पटेल यांनी चौथ्या विकेटसाठी ९८ धावांची भागीदारी रचून भारताचा डाव सावरला. (Newzealand)
रचिन रवींद्रने तिसाव्या षटकात अक्षरला बाद करून ही जोडी फोडली. अक्षरने ६१ चेंडूंत ३ चौकार व एका षटकारासह ४२ धावा केल्या. श्रेयस अय्यरने ९८ चेंडूंमध्ये ४ चौकार व २ षटकारांच्या मदतीने भारताकडून सर्वाधिक ७९ धावांची खेळी केली. हे दोघे परतल्यानंतर लोकेश राहुल व रवींद्र ज़डेजा मोठी खेळी करू शकले नाहीत. जडेजाचा केन विल्यमसनने घेतलेला झेलही वाखाणण्याजोगा होता. अखेरच्या षटकांतील हार्दिक पंड्याच्या फटकेबाजीमुळे भारताला अडीचशेच्या आसपास पोहोचता आले. हार्दिकने ४५ चेंडूंमध्ये ४५ धावा करताना ४ चौकार व २ षटकार लगावले. न्यूझीलंडकडून मॅट हेन्रीने ४२ धावांत ५ विकेट घेतल्या. (Newzealand)
विजयी लक्ष्याचा पाठलाग करणाऱ्या न्यूझीलंडला पंड्याने चौथ्या षटकात रचिन रवींद्रला बाद करून पहिला धक्का दिला. त्यानंतर, वरुण चक्रवर्तीने बाराव्या षटकात दुसरा सलामीवीर विल यंगचा त्रिफळा उडवला. कुलदीप यादवने डॅरेल मिचेलला, तर जडेजाने टॉम लॅथमला पायचीत पकडला. ग्लेन फिलिप्स आणि मायकेल ब्रेसवेल यांनाही वरुणने आपल्या फिरकीच्या जाळ्यात ओढले. एका बाजूने ही पडझड सुरू असताना केन विल्यमसनने दुसरी बाजू नेटाने सांभाळली होती. ४२ व्या षटकात अक्षर पटेलला पुढे येऊन खेळण्याच्या प्रयत्नात विल्यमसन यष्टिचित झाला. त्याने १२० चेंडूंमध्ये ७ चौकारांसह ८१ धावांची खेळी केली. (Newzealand)
विल्यमसन बाद झाला, त्यावेळी न्यूझीलंडला विजयासाठी ९ च्या धावगतीने ५४ चेंडूंमध्ये ८१ धावांची गरज होती. न्यूझीलंडच्या तळाच्या फलंदाजांना हे आव्हान न पेलवल्याने त्यांचा डाव सेहेचाळीसाव्या षटकात २०५ धावांत आटोपला. भारतातर्फे वरुणने ४२ धावांत ५ विकेट घेत वन-डे कारकिर्दीतील सर्वोत्तम कामगिरी नोंदवली. कुलदीपने २ विकेट घेतल्या.


धावफलक : भारत – रोहित शर्मा झे. यंग गो. जेमिसन १५, शुभमन गिल पायचीत गो. हेन्री २, विराट कोहली झे. फिलिप्स गो. हेन्री ११, श्रेयस अय्यर झे. यंग गो. ऑरुर्के ७९, अक्षर पटेल झे. विल्यमसन गो. रवींद्र ४२, लोकेश राहुल झे. लॅथम गो. सँटनर २३, हार्दिक पंड्या झे. रवींद्र गो. हेन्री ४५, रवींद्र जडेजा झे. विल्यमसन गो. हेन्री १६, महंमद शमी झे. फिलिप्स गो. हेन्री ५, कुलदीप यादव नाबाद १, अवांतर १०, एकूण ५० षटकांत ९ बाद २४९.
बाद क्रम – १-१५, २-२२, ३-३०, ४-१२८, ५-१७२, ६-१८२, ७-२२३, ८-२४६, ९-२४९.
गोलंदाजी – मॅट हेन्री ८-०-४२-५, काइल जेमिसन ८-०-३१-१, विल ऑरुर्के ९-०-४७-१, मिचेल सँटनर १०-१-४१-१, मायकेल ब्रेसवेल ९-०-५६-०, रचिन रवींद्र ६-०-३१-१.
न्यूझीलंड – विल यंग त्रि. गो. वरुण २२, रचिन रवींद्र झे. पटेल गो. पंड्या ६, केन विल्यमसन यष्टि. राहुल गो. अक्षर ८१, डॅरेल मिचेल पायचीत गो. कुलदीप १७, टॉम लॅथम पायचीत गो. जडेजा १४, ग्लेन फिलिप्स पायचीत गो. वरुण १२, मायकेल ब्रेसवेल पायचीत गो. वरुण २, मिचेल सँटनर त्रि. गो. वरुण २८, मॅट हेन्री झे. कोहली गो. वरुण २, काइल जेमिसन नाबाद ९, विल ऑरुर्के त्रि. गो. कुलदीप १, अवांतर ११, एकूण ४५.३ षटकांत सर्वबाद २०५.
बाद क्रम – १-१७, २-४९, ३-९३, ४-१३३, ५-१५१, ६-१५९, ७-१६९, ८-१९५, ९-१९६, १०-२०५.
गोलंदाजी – शमी ४-०-१५-०, हार्दिक ४-०-२२-१, अक्षर १०-०-३२-१, वरुण चक्रवर्ती १०-०-४२-५, कुलदीप ९.३-०-५६-२, जडेजा ८-०-३६-१.

हेही वाचा :

पाटाकडील ब’ संघाचा ‘सम्राटनगर’ वर विजय

0 comments
0 FacebookTwitterPinterestEmail
Series Win
ताज्या बातम्या

Series Win : भारताचा इंग्लंडला ‘व्हाइटवॉश’

by प्रतिनिधी
written by प्रतिनिधी

अहमदाबाद : फलंदाजांच्या कामगिरीला गोलंदाजांची तोलामोलाची साथ लाभल्यामुळे भारताने इंग्लंडविरुद्धच्या मालिकेतील तिसरा वन-डे सामना १४२ धावांनी जिंकला. या विजयासह भारताने या मालिकेत ३-० असे निर्भेळ यश मिळवले. भारताच्या ३५६ धावांसमोर इंग्लंडचा डाव पस्तिसाव्या षटकात २१४ धावांत आटोपला. (Series Win)

विजयी लक्ष्याचा पाठलाग करताना फिल सॉल्ट आणि बेन डकेट या जोडीने इंग्लंडला पहिल्या सहा षटकांमध्येच ६० धावांची सलामी दिली होती. अर्शदीपने या दोघांनाही बाद करून इंग्लंडच्या धावसंख्येला ब्रेक लावला. त्यानंतर ठरावीक अंतराने इंग्लंडचे फलंदाज बाद होत राहिले. तळातील गस ॲटकिन्सच्या फटकेबाजीमुळे इंग्लंडला २०० धावांचा टप्पा तरी ओलांडता आला. ॲटकिन्सनने १९ चेंडूंमध्ये ६ चौकार व २ षटकारांसह ३८ धावा फटकावल्या. पस्तिसाव्या षटकात अक्षरने त्याचा त्रिफळा उडवून भारताच्या विजयावर शिक्कामोर्तब केले. (Series Win)

तत्पूर्वी, शुभमन गिलचे शतक व विराट कोहली, श्रेयस अय्यरच्या अर्धशतकांमुळे भारताला प्रथम फलंदाजी करताना ३५६ धावांपर्यंत मजल मारता आली. दुसऱ्याच षटकात कर्णधार रोहित शर्मा केवळ एक धाव करून बाद झाल्यानंतर शुभमनने प्रथम विराट आणि नंतर अय्यरसोबत शतकी भागीदारी रचली. शुभमनने वन-डे कारकिर्दीतील सातवे शतक झळकावताना १०२ चेंडूंमध्ये १४ चौकार व ३ षटकारांसह ११२ धावा केल्या. विराटने ५५ चेंडूंमध्ये ७ चौकार, एका षटकारासह ५२, तर अय्यरने ६४ चेंडूंत ८ चौकार, २ षटकारांसह ७८ धावांची खेळी केली. इंग्लंडकडून आदिल रशीदने सर्वाधिक ४ विकेट घेतल्या. (Series Win)

धावफलक : भारत – रोहित शर्मा झे. सॉल्ट गो. वूड १, शुभमन गिल त्रि. गो. रशीद ११२, विराट कोहली झे. सॉल्ट गो. रशीद ५२, श्रेयस अय्यर झे. सॉल्ट गो. रशीद ७८, लोकेश राहुल पायचीत गो. महमूद ४०, हार्दिक पंड्या त्रि. गो. रशीद १७, अक्षर पटेल झे. बँटन गो. रूट १३, वॉशिंग्टन सुंदर झे. ब्रुक गो. वूड १४, हर्षित राणा झे. बटलर गो. ॲटकिन्सन १३, अर्शदीप सिंग धावबाद २, कुलदीप यादव नाबाद १, अवांतर १३, एकूण ५० षटकांत सर्वबाद ३५६.

बाद क्रम – १-६, २-१२२, ३-२२६, ४-२५९, ५-२८९, ६-३०७, ७-३३३, ८-३५३, ९-३५३, १०-३५६.

गोलंदाजी – साकिब महमूद १०-०-६८-१, मार्क वूड ९-१-४५-२, गस ॲटकिन्सन ८-०-७४-१, जो रूट ५-०-४७-१, आदिल रशीद १०-०-६४-४, लियाम लिव्हिंगस्टन ८-०-५७-०.

इंग्लंड – फिल सॉल्ट झे. पटेल गो. अर्शदीप २३, बेन डकेट झे. रोहित गो. अर्शदीप ३४, टॉम बँटन झे. राहुल गो. कुलदीप ३८, जो रूट त्रि. गो. पटेल २४, हॅरी ब्रुक त्रि. गो. राणा १९, जोस बटलर त्रि. गो. राणा ६, लिव्हिंगस्टन यष्टि. राहुल गो. सुंदर ९, ॲटकिन्सन त्रि. गो. पटेल ३८, राशीद त्रि. गो. पंड्या ०, वूड झे. अय्यर गो. पंड्या ९, महमूद नाबाद २, अवांतर १२, एकूण ३४.२ षटकांत सर्वबाद २१४.

बाद क्रम – १-६०, २-८०, ३-१२६, ४-१३४, ५-१५४, ६-१६१, ७-१७४, ८-१७५, ९-१९३, १०-२१४.

गोलंदाजी – अर्शदीप ५-०-३३-२, हर्षित ५-१-३१-२, वॉशिंग्टन ५-०-४३-१, अक्षर ६.२-१-२२-२, हार्दिक ५-०-३८-२, कुलदीप ८-०-३८-१.

हेही वाचा :

श्रीलंकेचा ऑस्ट्रेलियावर विजय
केरळ नाट्यमरीत्या उपांत्य फेरीत
भारताची मकाऊवर
बुमराह ‘आउट’, चक्रवर्ती ‘इन’
0 comments
0 FacebookTwitterPinterestEmail
India Win
ताज्या बातम्या

India Win : भारताची विजयी सलामी

by प्रतिनिधी
written by प्रतिनिधी

नागपूर : शुभमन गिल, श्रेयस अय्यर व अक्षर पटेलच्या अर्धशतकांच्या जोरावर भारताने इंग्लंडविरुद्धच्या पहिल्या वन-डेमध्ये ४ विकेटनी विजय मिळवला. या विजयासह भारताने तीन सामन्यांच्या या मालिकेत १-० अशी आघाडी घेतली आहे. (India Win)

इंग्लंडने विजयासाठी ठेवलेल्या २४९ धावांच्या लक्ष्याचा पाठलाग करताना कर्णधार रोहित शर्मा व यशस्वी जैस्वाल हे सलामीवीर झटपट बाद झाले. त्यानंतर, श्रेयस व गिल यांनी तिसऱ्या विकेटसाठी ९४ धावांची भागीदारी रचली. श्रेयसने ३६ चेंडूंमध्ये ९ चौकार व २ षटकारांसह ५९ धावांची खेळी केली. श्रेयस बाद झाल्यावर गिलने अक्षर पटेलसह शतकी भागीदारी रचली. अक्षरने ४७ चेंडूंमध्ये ६ चौकार व एका षटकाराच्या साहाय्याने ५२ धावा फटकावल्या. गिलने ९६ चेंडूंमध्ये १४ चौकारांसह ८७ धावा केल्या. एकोणचाळिसाव्या षटकात हार्दिक पंड्या व रवींद्र जडेजा जोडीने भारताचा विजय साकारला. इंग्लंडकडून साकिब महमूद आणि आदिल रशीद यांनी प्रत्येकी २ विकेट घेतल्या. (India Win)

तत्पूर्वी, नाणेफेक जिंकून प्रथम फलंदाजी करणाऱ्या इंग्लंडचा डाव ४७.४ षटकांत २४८ धावांत आटोपला. इंग्लंडकडून कर्णधार जोस बटलर आणि जेकब बेथेल यांनी अर्धशतके झळकावली. भारतातर्फे वन-डे पदार्पण करणारा हर्षित राणा आणि अनुभवी रवींद्र जडेजाने प्रत्येकी ३ विकेट घेतल्या. (India Win)

धावफलक : इंग्लंड – फिल सॉल्ट धावबाद ४३, बेन डकेट झे. जैस्वाल गो. हर्षित ३२, जो रूट पायचीत गो. जडेजा १९, हॅरी ब्रुक झे. राहुल गो. हर्षित ०, जोस बटलर झे. पंड्या गो. अक्षर ५२, जेकब बेथेल पायचीत गो. जडेजा ५१, लियाम लिव्हिंगस्टोन झे. राहुल गो. हर्षित ५, ब्रायडन कार्स पायचीत गो. जडेजा १०, आदिल रशीद त्रि. गो. जडेजा ८, जोफ्रा आर्चर नाबाद २१, साकिब महमूद यष्टि. राहुल गो. कुलदीप २, अवांतर ५, एकूण – ४७.४ षटकांत सर्वबाद २४८.

बाद क्रम – १-७५, २-७७, ३-७७, ४-१११, ५-१७०, ६-१८३, ७-२०६, ८-२२०, ९-२४१, १०-२४८.

गोलंदाजी – महंमद शमी ८-१-३८-१, हर्षित राणा ७-१-५३-३, अक्षर पटेल ७-०-३८-१, हार्दिक पंड्या ७-१-३७-०, कुलदीप यादव ९.४-०-५३-१, रवींद्र जडेजा ९-१-२६-३.

भारत – यशस्वी जैस्वाल झे. सॉल्ट गो. आर्चर १५, रोहित शर्मा झे. लिव्हिंगस्टोन गो. महमूद २, शुभमन गिल झे. बटलर गो. महमूद ८७, श्रेयस अय्यर पायचीत गो. बेथेल ५९, अक्षर पटेल त्रि. गो. रशीद ५२, केएल राहुल झे. व गो. रशीद २, हार्दिक पंड्या नाबाद ९, रवींद्र जडेजा नाबाद १२, अवांतर १३, एकूण ३८.४ षटकांत ६ बाद २५१.

बाद क्रम – १-१९, २-१९, ३-११३, ४-२२१, ५-२२५, ६-२३५.

गोलंदाजी – जोफ्रा आर्चर ७-१-३९-१, साकिब महमूद ६.४-०-४७-२, ब्रायडन कार्स ५-०-५२-०, आदिल रशीद १०-१-४९-२, जेकब बेथेल ३-०-१८-१, लियाम लिव्हिंगस्टोन ५-०-२८-०, जो रूट २-०-१०-०.

हेही वाचा :

स्टॉइनिसची वन-डेतून तडकाफडकी निवृत्ती
कमिन्स, हेझलवूड चॅम्पियन्स ट्रॉफीला मुकणार
श्रीलंकेच्या पहिल्या दिवशी ९ बाद २२९ धावा
0 comments
0 FacebookTwitterPinterestEmail
Shreyas Iyer
ताज्या बातम्या

Shreyas Iyer : श्रेयस अय्यर बनला पंजाबचा ‘किंग’!

by प्रतिनिधी
written by प्रतिनिधी

नवी दिल्ली : भारताचा फलंदाज श्रेयस अय्यरची इंडियन प्रीमियर लीगच्या आगामी मोसमासाठी पंजाब किंग्ज संघाच्या कर्णधारपदी निवड झाली आहे. याबरोबरच आयपीएल टी-२० क्रिकेट स्पर्धेच्या इतिहासात तीन संघांचे कर्णधारपद भूषवणारा श्रेयस हा पहिलाच भारतीय क्रिकेटपटू ठरला आहे. (Shreyas Iyer)

श्रेयसने २०२४ च्या आयपीएल स्पर्धेचे विजेतेपद पटकावणाऱ्या कोलकाता नाइट रायडर्स संघाचे नेतृत्व केले होते. त्याचप्रमाणे, त्याच्या नेतृत्वाखाली दिल्ली कॅपिटल्स संघाने २०२० च्या आयपीएलमध्ये अंतिम फेरीपर्यंत मजल मारली होती. दोन भिन्न संघांचे आयपीएलच्या अंतिम सामन्यात नेतृत्व करणाराही तो आजवरचा एकमेव खेळाडू आहे.मागील वर्षी नोव्हेंबरमध्ये झालेल्या आयपीएल लिलावामध्ये पंजाब संघाने तब्बल २६.७५ कोटी मोजून श्रेयसला करारबद्ध केले होते. या लिलावातील तो रिषभ पंतखालोखाल दुसरा सर्वांत महागडा खेळाडू ठरला होता. श्रेयसच्या नेतृत्वाखाली मुंबई संघाने मागील महिन्यात देशांतर्गत सईद मुश्ताक अली टी-२० क्रिकेट स्पर्धेचे विजेतेपद पटकावले. (Shreyas Iyer)

“संघाने माझ्यावर दाखवलेल्या विश्वासाबद्दल मी ऋणी आहे. पंजाबचे प्रशिक्षक रिकी पाँटिंग यांच्यासोबत काम करण्यास मी उत्सुक आहे. यावर्षी पंजाबचा संघ बलाढ्य दिसत असून संघामध्ये गुणवान आणि अनुभवी खेळाडूंचा योग्य ताळमेळ आहे. माझ्यावर दाखवलेला विश्वास सार्थ ठरवून पंजाबसाठी पहिलेवहिले आयपीएल विजेतेपद जिंकण्याची मला आशा आहे,” अशी प्रतिक्रिया श्रेयसने कर्णधारपदी निवड झाल्यावर दिली. ३० वर्षीय श्रेयसने २०१५ मध्ये दिल्ली संघातर्फे आयपीएल पदार्पण केले होते. त्याने आयपीएलमध्ये आतापर्यंत ११६ सामन्यांत ३२.२३ च्या सरासरीने ३१२७ धावा केल्या असून त्यामध्ये २१ अर्धशतकांचा समावेश आहे. (Shreyas Iyer)

यापूर्वी, श्रीलंकेच्या माहेला जयवर्धनेने आणि ऑस्ट्रेलियाच्या स्टीव्ह स्मिथने आयपीएलमध्ये तीन वेगवेगळ्या संघांचे नेतृत्व केले होते. जयवर्धने प्रथम तो किंग्ज इलेव्हन पंजाब संघाचा कर्णधार होता, त्यानंतर त्याने कोची टस्कर्स आणि दिल्ली कॅपिटल्स या संघांचे कर्णधारपद भूषवले. स्मिथ हा पुणे वॉरियर्स इंडिया, रायझिंग पुणे सुपरजायंट्स आणि राजस्थान रॉयल्स या संघांचा कर्णधार राहिला आहे. (Shreyas Iyer)

हेही वाचा :

कपिलला गोळी घालणार होतो!

मुंबईच्या इराची विक्रमी खेळी

0 comments
0 FacebookTwitterPinterestEmail
Shreyas Iyer
ताज्या बातम्या

Shreyas Iyer : चॅम्पियन्स ट्रॉफी आधी श्रेयसची दमदार फलंदाजी

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : भारतीय संघाचा स्टार फलंदाज श्रेयस अय्यर सध्या देशांतर्गत क्रिकेटमध्ये शानदार कामगिरी करत आहे. आजपासून सुरू झालेल्या विजय हजारे ट्रॉफीमध्ये मुंबईचा पहिला सामना कर्नाटकविरूद्ध झाला. या सामन्यात श्रेयस अय्यरने दमदार कामगिरी करत नाबाद ११४ धावा केल्या आणि चॅम्पियन्स ट्रॉफीपूर्वी टीम इंडियामध्ये पुनरागमन करण्याचा दावा केला. (Shreyas Iyer)

आजपासून सुरू झालेल्या विजय हजारे ट्रॉफीमध्ये कर्नाटक विरूद्धच्या सामन्यात श्रेयस अय्यरने दमदार फलंदाजी करत शतक झळकवले. परंतु, या सामन्यात कर्नाटकने सामन्यात मुंबईवर ७ विकेट राखून विजय मिळवला.

श्रेयस अय्यर गेल्या काही काळापासून टीम इंडियापासून बाहेर आहे. परंतु, देशांतर्गत क्रिकेटमध्ये सातत्यपूर्ण कामगिरी करत आहे. आज झालेल्या कर्नाटक विरूद्ध सामन्यात प्रथम फलंदाजी करताना श्रेयस अय्यरने ५५ चेंडूत ५ चौकार आणि १० षटकारांच्या सहाय्याने शतकी खेळी केली.

देशांतर्गत क्रिकेटमध्ये शानदार कामगिरी

याआधी श्रेयस रणजी ट्रॉफी आणि सय्यद मुश्ताक अली ट्रॉफीमध्येही खेळताना दिसला होता. रणजीमध्ये मुंबईकडून खेळताना त्याने चार सामन्यांमध्ये ४५२ धावा केल्या.तर, सय्यद मुश्ताक अली ट्रॉफीमध्ये ३४५ धावा केल्या. नऊ सामन्यांमध्ये त्याचा स्ट्राइक रेट १८८.५२ होता. (Shreyas Iyer)

पुनरागमनावर मजबूत दावा

श्रेयसने विजय हजारे ट्रॉफीत शतकी खेळी करत टीम इंडियात पुनरामन करण्याचा दावा केला आहे. २०२५ मध्ये पाकिस्तानमध्ये चॅम्पियन्स ट्रॉफीचे आयोजन होणार आहे. (Shreyas Iyer)

हेही वाचा :

0 comments
0 FacebookTwitterPinterestEmail
Prithvi Shaw
ताज्या बातम्या

Prithvi Shaw : पृथ्वी शॉला मुंबई संघातून वगळले

by प्रतिनिधी
written by प्रतिनिधी

मुंबई : आगामी विजय हजारे ट्रॉफी वन-डे क्रिकेट स्पर्धेसाठी आज (दि.१७) जाहीर झालेल्या मुंबई संघातून सलामीवीर पृथ्वी शॉला वगळण्यात आले आहे. २१ डिसेंबरपासून सुरू होणाऱ्या या स्पर्धेसाठी श्रेयस अय्यरला मुंबईच्या कर्णधारपदी कायम ठेवण्यात आले आहे. (Prithvi Shaw)

नुकत्याच झालेल्या सईद मुश्ताक अली टी-२० क्रिकेट स्पर्धेचा विजेता ठरलेल्या मुंबई संघामध्ये पृथ्वीचा समावेश होता. तथापि, या स्पर्धेमध्ये त्याला विशेष कामगिरी करता आली नव्हती. वाढलेल्या वजनामुळे त्याच्या फिटनेसवरही प्रश्नचिन्ह उपस्थित करण्यात येत होते. या पार्श्वभूमीवर त्याला हजारे स्पर्धेसाठी संघातील स्थान गमवावे लागले. या वर्षी इंडियन प्रीमियर लीग (आयपीएल) स्पर्धेसाठी झालेल्या खेळाडूंच्या लिलावामध्येही पृथ्वी कराराविना राहिला होता. दरम्यान, हजारे ट्रॉफीसाठी मुंबईचा संघ जाहीर झाल्यानंतर पृथ्वीने इन्स्टाग्राम स्टोरी टाकून संघातून वगळल्याबाबत नापसंती व्यक्त केली आहे. (Prithvi Shaw)

दुसरीकडे, मुश्ताक अली स्पर्धेत सर्वाधिक धावा करणाऱ्या रहाणेने सुट्टीसाठी विनंती केली होती. त्यानुसार, त्याला विश्रांती देण्यात आली. रहाणेने मुश्ताक अली स्पर्धेत ८ सामन्यांत ५ अर्धशतकांसह ४६९ धावा करून मुंबईच्या विजेतेपदामध्ये महत्त्वाची भूमिका बजावली होती. त्याच्या अनुपस्थितीत भारताच्या १९ वर्षाखालील संघाचा खेळाडू आयुष म्हात्रे हा मुंबईकडून सलामीला येईल. भारतीय टी-२० संघाचा कर्णधार सूर्यकुमार यादव हासुद्धा हजारे स्पर्धेमध्ये मुंबईतर्फे खेळेल. त्याच्यासह शिवम दुबे, शार्दुल ठाकूर या भारतीय संघातील खेळाडूंचाही मुंबई संघात समावेश आहे. या स्पर्धेतील मुंबईचा सलामीचा सामना २१ डिसेंबर रोजी कर्नाटकविरुद्ध अहमदाबादमध्ये रंगणार आहे. (Prithvi Shaw)

हेही वाचा :

0 comments
0 FacebookTwitterPinterestEmail
Newer Posts
Older Posts
error: Content is protected !!