कोल्हापूर : प्रतिनिधी : आयपीएल-आयएसएलच्या धर्तीवर कोल्हापुरात मे महिन्यात महाराष्ट्र फुटबॉल लिग स्पर्धा आयोजित केली जाणार आहे, अशी माहिती वेस्टर्न इंडिया फुटबॉल असोसिएशनचे उपाध्यक्ष मालोजीराजे छत्रपती यांनी पत्रकार परिषदेत दिली. महाराष्ट्र लिगमध्ये राज्यातील विविध शहरांचे प्रतिनिधीत्व करणाऱ्या १० वरिष्ठ पुरूष संघांचा सहभाग असेल. संघातील खेळाडूंची निवडही फ्रेंचायसी (बोली) पद्धतीने केली जाणार आहे. कोल्हापूर स्पोर्ट्स असोसिएशन आणि प्रोस्पोर्ट्स यांच्यातर्फे ही स्पर्धा घेतली जाणार आहे. पत्रकार परिषदेला प्रोस्पोर्ट्सचे अनिरुद्ध पोले, माणीक मंडलीक, नंदकुमार बामणे, अमर सासने, राजेंद्र दळवी उपस्थीत होते. (Maharashtra Football League to be held in Kolhapur)
मालोजीराजे छत्रपती म्हणाले, फुटबॉलला कोल्हापूरकरांचे पाठबळ आहे. त्यामुळेच पहिले फुटबॉल लिग शाहू स्टेडियमवर मे महिन्यात घेतले जाणार आहे. १५ दिवस चालणाऱ्या या स्पर्धेत रोज २ सामने घेतले जातील. हे सामने प्रकाशझोतात पाहता येणार आहेत. स्थानिक खेळाडूंना यात वाव मिळावा यासाठी प्रत्येक संघात कोल्हापूरातील वरिष्ठ फुटबॉल संघातील किमान तीन खेळाडूंचा सहभाग अनिवार्य असेल. सामन्याचे तिकीट दर कमी असून डिजीटल प्लॅटफॉर्मवर थेट प्रक्षेपण करण्याचे नियोजन सुरू आहे. यामुळे खेळाडूंना व्यावसायीक संधी मिळून खेळाचा दर्जा वाढेल. (Maharashtra Football League to be held in Kolhapur)
अनिरुद्ध पोले म्हणाले, स्पर्धेपुर्वी राज्यातील पुणे-मुंबई-नागपुर-कोल्हापूर या चार शहरांमध्ये खेळाडूंचा सराव घेऊन ५०० खेळाडू निवडले जातील. त्यातील खेळाडू संघ मालक बोली पद्धतीने निवडतील. स्पर्धेच्या माध्यमातून परदेशी ब्रॅँड स्थानिक फुटबॉलमध्ये आणण्याचा प्रयत्न आहे. (Maharashtra Football League to be held in Kolhapur)
