नवी दिल्ली : प्रतिनिधी : जम्मू काश्मीरमधील पहलगाम येथे झालल्या दहशतवादी हल्ल्यात २६ नागरिकांचा मृत्यू झाला. या दहशतवादी हल्ल्याचे तीव्र पडसाद देशभर उमटले असून अमेरिका, रशिया, जर्मनी, ब्रिटन, इस्त्रायल, इटलीसह संयुक्त राष्ट्र संघटनेनेने निषेध केला आहे. संकटाच्या काळात भारताबरोबर राहण्याचे ठाम आश्वासन या देशांनी दिले आहे. (attack condemnation)
अमेरिकेचे राष्ट्राध्यक्ष डोनाल्ड ट्रम्प यांनी आज सकाळी पंतप्रधान नरेंद्र मोदींना फोन करून पहलगाम येथील इस्लामी दहशतवादी हल्ल्यातील बळींबद्दल शोक व्यक्त केला. या संभाषणादरम्यान राष्ट्राध्यक्ष ट्रम्प यांनी या हल्ल्याचा तीव्र निषेध केला, दहशतवादाविरुद्धच्या लढाईत भारतासोबत असल्याचे त्यांनी सांगितले. अमेरिकेकडून सर्वतोपरी सहकार्य केले जाईल. पंतप्रधान मोदींनी राष्ट्राध्यक्ष ट्रम्प यांचे त्यांच्या पाठिंब्याबद्दल आभार मानले आणि या घृणास्पद आणि भ्याड कृत्याला पाठिंबा देणाऱ्यांना आणि गुन्हेगारांना न्यायाच्या चौकटीत आणण्याच्या भारताच्या संकल्पाची पुष्टी केली. (attack condemnation)
रशियाचे राष्ट्राध्यक्ष ब्लादिमीर पुतीन यांनी राष्ट्रपती द्रोपदी मुर्मू आणि पंतप्रधान नरेंद्र मोदी यांना पाठवलेल्या संदेशात पहलगाम हल्ल्याचा निषेध केला. संदेशात त्यांनी हा गुन्हा कोणत्याही प्रकारे समर्थनीय ठरू शकत नाही. दोषींना शिक्षा व्हायलाच पाहिजे. कोणत्याही स्वरुपाच्या दहशतवादाविरुद्ध लढण्यासाठी भारतासोबत उभे राहण्याच् आणि सहकार्य करण्याची वचनबद्धता व्यक्त केली.
युनायटेड किंग्डमचे पंतप्रधान केयर स्टारमर यांनी जम्मू आणि काश्मीरमधील हिंसाचाराचा निषेध केला. स्टारमर म्हणाले, “आज काश्मीरमध्ये झालेला भयानक दहशतवादी हल्ला अत्यंत विनाशकारी आहे. माझ्या संवेदना प्रभावित झालेल्यांसोबत, त्यांच्या प्रियजनांसोबत आणि भारतातील लोकांसोबत आहेत.” (attack condemnation)
जर्मन चान्सलर ओलाफ स्कोल्झ यांनी ‘एक्स’ वरील पोस्टमध्ये पहलगाम दहशतवादी हल्ल्याचा निषेध व्यक्त केला आणि म्हटले की, “पहलगाममधील पर्यटकांवरील भयंकर दहशतवादी हल्ल्याचा आम्ही तीव्र निषेध करतो. आमच्या संवेदना पीडितांच्या कुटुंबियांसोबत आहेत आणि सर्व जखमींना लवकर बरे होण्याची इच्छा आहे. भारतातील लोकांप्रती आमच्या मनःपूर्वक संवेदना.”
इटलीच्या पंतप्रधान जॉर्जिया मेलोनी यांनीही या हल्ल्याचा तीव्र निषेध केला आहे. या दहशतवादी हल्ल्यांमुळे आपल्याला दु:ख झाले आहे. ज्यामध्ये अनेक लोकांचे प्राण गेले आहेत. इटलीच्या संवेदना पिडितांच्या कुटुंबासमवेत आहेत. आम्ही भारतातील जनतेसोबत ठामपणे उभे आहोत.
इस्त्रायलचे पंतप्रधान बेंजामिन नेतान्याहू म्हणाले की, या क्रूर दहशतवादी हल्ल्यामुळे मला दु:ख झाले आहे. दहशतवादाविरुद्धच्या लढाईत इस्त्रायल भारतासोबत आहे. इस्त्रायलचे परराष्ट्र मंत्री गेडिऑन सार यांनीही या हल्ल्याचा निषेध केला आहे. (attack condemnation)
न्यूझीलंडचे परराष्ट्र मंत्री विन्स्टन पीटर्स यांनी ‘एक्स’ वर पोस्ट केले: “न्यूझीलंड काश्मीरमधील दहशतवादी हल्ल्याचा तीव्र निषेध करतो. आम्ही पीडितांना, त्यांच्या कुटुंबियांना आणि भारतीय जनतेला आमच्या मनापासून संवेदना व्यक्त करतो. या कठीण काळात आम्ही आमच्या भारतीय मित्रांसोबत उभे आहोत.”
मुस्लिम वर्ल्ड लीगचे सरचिटणीस शेख मोहम्मद बिन अब्दुलकरीम अल-इस्सा यांनी मंगळवारी जेद्दाह येथे पंतप्रधान नरेंद्र मोदी यांची भेट घेतली. अल-इस्सा यांनी जम्मू आणि काश्मीरमधील “भीषण दहशतवादी हल्ल्याचा” तीव्र निषेध केला आणि निष्पाप जीव गमावल्याबद्दल तीव्र शोक व्यक्त केला.
परराष्ट्र मंत्रालयाच्या (एमईए) निवेदनानुसार, बैठकीत पंतप्रधान मोदींनी सहिष्णु मूल्यांना प्रोत्साहन देण्यात, संयमाचा पुरस्कार करण्यात आणि सामाजिक एकता आणि सौहार्द वाढविण्यात मुस्लिम वर्ल्ड लीगच्या भूमिकेचे कौतुक केले. त्यांनी दहशतवाद, हिंसाचार आणि अतिरेकीपणाविरुद्ध मुस्लिम वर्ल्ड लीगच्या भूमिकेचे कौतुक केले. बैठकीदरम्यान परराष्ट्र मंत्री एस जयशंकर, राष्ट्रीय सुरक्षा सल्लागार अजित डोवाल आणि इतर अधिकारी उपस्थित होते.
नेपाळचे पंतप्रधान केपी शर्मा ओली यांनी ट्विट केले की, “पहलगाम येथील दहशतवादी हल्ल्यातील बळींबद्दल तीव्र संवेदना. नेपाळ भारतासोबत ठामपणे उभा आहे आणि कोणत्याही आणि सर्व दहशतवादी कृत्यांचा तीव्र निषेध करतो. पीडितांमध्ये एका नेपाळी नागरिकाचा मृत्यू झाल्याच्या वृत्तांची पडताळणी करण्यासाठी जवळून समन्वय स्थापित केला आहे आणि आवश्यक ती सर्व मदत पुरवली जाईल.
संयुक्त राष्ट्रांचे सरचिटणीस अँटोनियो गुटेरेस यांनी जम्मू आणि काश्मीरमधील पहलगाम येथे झालेल्या “सशस्त्र हल्ल्याचा” तीव्र निषेध केला आहे, नागरिकांवरील हल्ले कोणत्याही परिस्थितीत अस्वीकार्य आहेत यावर भर दिला आहे. “२२ एप्रिल रोजी जम्मू आणि काश्मीरमध्ये झालेल्या सशस्त्र हल्ल्याचा सरचिटणीस तीव्र निषेध करतात, ज्यामध्ये किमान २८ लोक मारले गेले होते,” असे महासचिवांचे प्रवक्ते स्टीफन दुजारिक म्हणाले.
गुटेरेस यांनी पीडितांच्या शोकग्रस्त कुटुंबांना मनापासून संवेदना व्यक्त केल्या. “कोणत्याही परिस्थितीत नागरिकांवरील हल्ले अस्वीकार्य आहेत यावर सरचिटणीस यांनी भर दिला,” दुजारिक म्हणाले.
हेही वाचा :