नवी दिल्ली : आरोग्याच्या कारणास्तव राजीनामा देणारे माजी उपराष्ट्रपती जगदीप धनखड यांनी त्यांचे शासकीय निवासस्थान रिकामे करण्याची तयारी सुरू केली आहे. सोमवारी राजीनामा दिल्यानंतर त्यांनी लगेचच निवासस्थान रिकामे करण्याची तयारी सुरू केल्यामुळे सत्ताधारी आणि विरोधी दोन्ही गटांना आश्चर्याचा धक्का बसला आहे. (Dhanakar residency)
सोमवारी रात्री उशिरा राष्ट्रपती द्रौपदी मुर्मू यांना राजीनामा पत्र सादर केल्यानंतर धनखड यांनी लगेचच सामान बांधण्यास सुरुवात केली. राष्ट्रपतींनी मंगळवारी त्यांचा राजीनामा औपचारिकपणे स्वीकारला.
त्यांच्या राजीनाम्यानंतर काही तासांत, अनेक विरोधी नेत्यांनी धनखड यांच्याशी भेटीची मागणी केल्याचे वृत्त आहे. यामध्ये राष्ट्रवादी-शरद पवार गटाचे शरद पवार आणि शिवसेना-उद्धव ठाकरे गटाचे संजय राऊत यांचा समावेश आहे. तथापि, विनंत्या फेटाळण्यात आल्या. त्यांनी भेटीची वेळ कुणालाही दिली नसल्याचे सूत्रांनी सांगितले. (Dhanakar residency)
७४ वर्षीय धनखर हे एप्रिल २०२४ मध्ये संसद भवन संकुलाजवळील चर्च रोडवर नव्याने बांधलेल्या उपराष्ट्रपती एन्क्लेव्हमध्ये राहायला गेले होते. सुमारे १५ महिने ते तेथे राहिले. २०२७ पर्यंत त्यांचा कार्यकाळ होता. तो अधिकृतपणे संपण्यापूर्वीच निवासस्थान रिकामे करणार आहेत. (Dhanakar residency)
सेंट्रल व्हिस्टा पुनर्विकास प्रकल्पात उपराष्ट्रपतींचे निवासस्थान आणि कार्यालय आहे. विशेषतः ते आधुनिकतेने सुसज्ज आणि अत्यंत कडक सुरक्षेत आहे.
धनखड यांनी अचानक राजीनामा देण्याच्या निर्णयामुळे राजकीय वर्तुळात अनेक अटकळी बांधल्या जात आहेत. त्यांच्या या निर्णयामागे आरोग्याचे कारण आहे की आणखी काही आहे, अशा चर्चा सुरू झाल्या आहेत.
तथापि, सरकारने माजी उपराष्ट्रपतींना त्यांचे निवासस्थान रिकामे करण्यास सांगितले गेले आहे किंवा त्यांचे कार्यालय सील करण्यात आले आहे या वृत्ताचे खंडन केले आहे.
“उपराष्ट्रपतींचे अधिकृत निवासस्थान सील करण्यात आले आहे आणि माजी उपराष्ट्रपतींना त्यांचे निवासस्थान त्वरित रिकामे करण्यास सांगण्यात आले आहे, अशा अफवा सोशल मीडियावर मोठ्या प्रमाणात पसरवल्या जात आहेत “, असे सरकारी मीडिया विंग पीआयबीच्या फॅक्ट चेक टीमने ‘एक्स’वरील एका पोस्टमध्ये म्हटले आहे. (Dhanakar residency)
धनकड यांनी उपराष्ट्रपतींचे अधिकृत निवासस्थान रिकामे केल्यानंतरही, त्यांना पुन्हा सरकारी निवासस्थान मिळेल. ते टाइप VIII बंगल्यासाठी पात्र असल्याचे वृत्त आहे जे सामान्यतः ज्येष्ठ केंद्रीय मंत्र्यांसाठी किंवा राष्ट्रीय पक्षाच्या अध्यक्षांसाठी राखीव असते. तेही बहुधा लुटियन्स दिल्लीतच असेल.
