Category:

पोलिस डायरी

Theft worth ₹85 Lakhs at Raveena Tandon's Mother's Home

रवीना टंडनच्या आईच्या घरी ८५ लाखांची चोरी; महिलेला अटक

by प्रतिनिधी June 2, 2026

written by प्रतिनिधी

मुंबई : प्रतिनिधी : बॉलिवूडची अभिनेत्री रवीना टंडनची आई वीणा टंडन यांच्या घरी ८५ लाखांच्या दागिन्यांची चोरी झाली आहे. पोलिसांनी खार येथील राशी छाब्रिया यांना अटक केली आहे. अटक केलेली महिला टंडन कुटुंबाच्या जवळची असून वीणा टंडन यांची त्या देखभालही करत होत्या अशी माहिती पुढे आली आहे.

रवीना टंडन यांचे बंधू चित्रपट निर्माते राजीव टंडन यांनी फिर्याद दिली आहे. ते जुहू येथील एका सोसायटीतील त्यांच्या टंडन हाऊस मध्ये राहतात. टंडन यांनी पोलिसांमध्ये तक्रार दिली आहे. तक्रारीत असे म्हटले आहे की २०२४ मध्ये त्यांच्या घराचे नुतनीकरणाचे काम सुरू होते. त्या काळात घरातील मौल्यवान वस्तू बहीण रवीना टंडन यांच्या घरी हलवण्यात आल्या होत्या. मात्र आई वीणा टंडन यांचे सोन्या चांदीचे दागिने दुसऱ्या मजल्यावरील एका खोलीतील तिजोरीत सुरक्षित ठेवण्यात आले होते. ही तिजोरी राजीव टंडन यांच्या बेडरुम लागून असलेल्या एका कपाटात ठेवण्यात आली होती. (Theft worth ₹85 Lakhs at Raveena Tandon’s Mother’s Home)

गेल्या वर्षी ऑक्टोबर महिन्यात दसऱ्याच्यावेळी जेव्हा कुटुंबाने दागिने तपासले तेव्हा तिजोरी लुटण्यात आल्याचे निदर्शनास आले. अनेक मौल्यवान वस्तू गायब होत्या. दोन महागडी घड्याळेही गायब होती. त्यांच्या घरात निवडक माणसे असताना आणि पाहुण्याची संख्या मर्यादीत असताना चोरी कशी झाली याचा शोध घेण्यास सुरुवात झाली. या खोलीत फक्त निवडक व्यक्तीच जात होत्या. दागिने गायब झाल्यानंतर वीणा टंडन यांच्या देखभालीची बरीच वर्षे जबाबदारी सांभाळणाऱ्या राशी छाब्रिया यांच्यावर संशय बळावला. त्यांनी तिच्याकडे विचारणा केली असता आपल्याला माहित नसल्याचे सांगितले. त्यानंतर टंडन कुटुंबियाने पोलिसांकडे जाणाऱ्या निर्णय घेतल्यावर राशी छाब्रियाने तिजोरी फोडून दागिने आणि घड्याळे चोरल्याची कबुली दिली. (Theft worth ₹85 Lakhs at Raveena Tandon’s Mother’s Home)

या गुन्ह्याचा तपास करण्याऱ्या जुहू पोलिसांनी अशी माहिती दिली की, राशी छाब्रियाने सुरवातीला चोरलेली दोन घड्याळे टंडन कुटुंबाला परत केली. पण दागिने जगदीश नावाच्या व्यक्तीला दिल्याचे सांगितले. तसेच दागिने परत देण्याचे आश्वासनही राशीने दिले. पण बरेच दिवस दागिने परत न दिल्याने तिच्याकडे विचारणी केली असता राशी छाब्रियाने एका साथीदारामार्फत राजीव टंडन यांना धमकावण्याचा प्रयत्न केला. तसेच एका खोट्या ड्रग्ज प्रकरणात गोवण्याची धमकी दिली. राशी छाब्रियाकडून दागिने परत मिळणार नाही याची खात्री पटल्यानंतर राजीव टंडन यांनी जुहू पोलिस ठाण्यात तक्रार दाखल केली. पोलिसांनी १९ मे रोजी राशीला अटक केली. पोलिसांच्या म्हणण्यानुसार सोन्याच्या बांगड्या, ब्रेसलेट्स, नेकलेस, लॉकेटस् , अंगठ्या, कानतले दागिने, हिऱ्यांनी जडवलेले मंगळसुत्र अशा मौल्यवान दागिने चोरल्याचा आरोप राशी छाब्रियावर ठेवण्यात आला आहे. (Theft worth ₹85 Lakhs at Raveena Tandon’s Mother’s Home)

June 2, 2026 0 comments

Raju Shetty criticizes Fadnavis. Raju Shetty

पोलिसांच्या ‘वसुली’मुळे महाराष्ट्र बरबाद; राजू शेट्टींची फडणवीसांवर टीका

by प्रतिनिधी June 1, 2026

written by प्रतिनिधी

कोल्हापूर : प्रतिनिधी : शिवसेनेचे आमदार निलेश राणे यांनी सिंधुदुर्गच्या पोलिस अधिकाऱ्यांवर हप्ते वसुली करत असल्याचा आरोप केला आहे. त्यांनी केलेल्या आरोपांवर स्वाभिमानी शेतकरी संघटनेचे माजी खासदार राजू शेट्टी यांनी मुख्यमंत्री देवेंद्र फडणवीसांवर आरोप केला आहे. देवेंद्र फडणविसांच्या सत्तेच्या हव्यासापोटी होत असलेल्या या “ वसुली “ व्यवस्थेमुळे महाराष्ट्र बरबाद होवून उडतां पंजाब झाला आहे हे त्यांनी मान्य करावे अशी मागणी केली आहे.

राजू शेट्टी यांनी असे म्हटले आहे की, एकेकाळचे माझे लोकसभेतील सहकारी आमदार निलेश राणे यांनी अत्यंत वास्तव घटना समाजासमोर मांडली आहे. राज्यात अवैद्य धंद्याना ऊत आलेली आहे हे जळजळीत सत्य सर्व समाज उघड्या डोळ्यांनी बघत आहे. मी गेल्याच आठवड्यात बोललो होतो की महाराष्ट्राची वाटचाल उडता पंजाबसारखी झाली आहे. या वाक्यावर राज्याच्या मुख्यमंत्र्यांनी मी महाराष्ट्र बदनाम करत असल्याचे वक्तव्य करून त्याला दुजोरा दिला. (Raju Shetty criticizes Fadnavis. Raju Shetty)

देवाभाऊ तुमच्यासारख्या अकार्यक्षम नेतृत्वामुळे महाराष्ट्र बदनाम नव्हे बरबाद होत आहे. तुमच्याच महायुतीतील शिवसेना शिंदे गटाचे आमदार निलेश राणे यांनी पोलिस खात्यावर केलेले आरोप ऐकावेत. एका सिंधुदुर्ग जिल्ह्यातील पोलिस जर दोन ते अडीच कोटीची कमाई करत असतील तर महाराष्ट्रातील इतर जिल्ह्यातील परिस्थिती काय असेल याचा अंतर्मुख होवून विचार करावा, असेही राजू शेट्टी यांनी पत्रकात म्हटले आहे.

राजू शेट्टी यांनी अमली पदार्थाची विक्री कोण करतय , मटका कोण चालवतय , अवैद्य दारू विक्री कोण करतय , गांजा कोण पुरवत आहे. मात्र या सगळ्या लोकांकडून पोलिस राजरोसपणे हप्ते गोळा करत आहेत हे राज्यातील पोलिस दलातील सर्व अधिकाऱ्यांना माहित आहे याकडे लक्ष वेधले. निलेश राणे यांनी सिंधुदुर्ग जिल्ह्यातील जी आकडेवारी सांगितली आहे त्यापेक्षा कोल्हापूर , सांगली , पुणे , मुंबई, छत्रपती संभाजीनगर , नागपूर , सोलापूर , ठाणे , नवी मुंबई, नाशिक , यासारख्या ठिकाणी तर राजरोसपणे पोलिसांना हप्ते देवून दरमहा शेकडो कोटीची वसुली सुरू असल्याने अवैद्य धंद्याचा महापूर आला आहे, असा आरोप केला आहे. (Raju Shetty criticizes Fadnavis. Raju Shetty)

अवैध व्यवसायातील हप्त्यांची आकडेवारी

मटका सुरू ठेवण्यासाठी दरमहा १५ ते २५ हजार, अवैद्य दारूविक्रीसाठी दरमहा १० ते १५ हजार, अमली पदार्थ विक्रीतून दरमहा ७५ हजार ते १.५० लाख, गांजा विक्रीतून दरमहा २५ ते ५० हजार, अवैद्य लॅाज व्यवसायासाठी दरमहा १० ते १५ हजार याप्रमाणे पोलिसांचे सरासरी दर ठरले असून ज्यांची विक्री व व्यवसाय जास्त आहेत त्यांचे दर तर गगनाला भिडलेले आहेत, अशी आकडेवारी शेट्टी यांनी दिली आहे.

राज्यातील पोलिस ठाण्यातील बीट अंमलदार , पोलिस निरीक्षकपासून ते जिल्हापोलिसप्रमुख कार्यालयातील , स्थानिक गुन्हे शाखा , जिल्हा गुप्तचर शाखेच्या पोलिस निरीक्षकांना सर्व अड्डे माहित आहेत. एखाद्या ठिकाणी पोलिस कारवाई करणार असतील तर कारवाई होण्या आधीच संबंधितांना टिप देवून सावध केले जाते, असा आरोपही केला आहे.

देवेंद्रजी तुमच्या सत्तेच्या हव्यासापोटी होत असलेल्या या “ वसुली “ व्यवस्थेमुळे महाराष्ट्र बरबाद होवून उडतां पंजाब झाला आहे हे मान्य करा .अजून गावनिहाय, शहरनिहाय कोणत्या गल्लीत काय काय अवैद्य व्यवसाय सुरू आहेत याची यादीही पाठवू शकतो, असेही स्पष्ट केले आहे. (Raju Shetty criticizes Fadnavis. Raju Shetty)

June 1, 2026 0 comments

ताज्या बातम्या पोलिस डायरी

गुजरात टायटन्स संघाच्या बसला लागली आग

by प्रतिनिधी June 1, 2026

written by प्रतिनिधी

अहमदाबाद : आयपीएलच्या अंतिम सामन्यात पराभूत झालेला गुजरात टायटन्सच्या संघातील खेळाडू आणि सपोर्ट स्टाफ घेऊन जाणाऱ्या बसला आग लागली. सर्व खेळाडू आणि स्टाफला सुरक्षितपणे बाहेर काढण्यात आल्याने ते बचावले. त्यानंतर दुसऱ्या बसने त्यांना हॉटेलमध्ये पोहोचवण्यात आले. आगीची घटना रविवारी मध्यरात्री घडली. Gujarat Titans team bus catches fire)

अहमदाबादच्या नरेंद्र मोदी स्टेडियमवर आयपीएलचा अंतिम सामना गुजरात टायटन्स आणि रॉयल चॅलेंज बेंगळूर या संघामध्ये झाला. या सामन्यात बेंगळुरुने गुजरातचा पराभव करत सलग दुसऱ्यांदा आयपीएल क्रिकेट स्पर्धा जिंकली. अंतिम सामन्यात बक्षिस वितरणाचा कार्यक्रम झाला. हा कार्यक्रम संपवून गुजरात टायटन्स संघातील खेळाडू आणि सपोर्ट स्टाफ बसने हॉटेलकडे जात असताना शॉर्ट सर्किटमुळे बसला आग लागली. सर्व खेळाडूंना सुरक्षितपणे बाहेर काढले. अचानक बसला आग लागल्याने खेळाडू एक तास अडकून पडले होते. त्यानंतर नवीन बसची सोय करण्यात आली. त्या बसने गुजरात टायटन्स् चे खेळाडू हॉटेलवर पोहोचले. (Gujarat Titans team bus catches fire)

June 1, 2026 0 comments

Fine of ₹25,000 imposed on parents of a minor two-wheeler rider

ताज्या बातम्या पोलिस डायरी

अल्पवयीन दुचाकी चालकाच्या पालकाला पंचवीस हजाराचा दंड

by प्रतिनिधी May 30, 2026

written by प्रतिनिधी

बेळगाव : प्रतिनिधी : बेळगाव पोलिसांनी अल्पवयीन मुलाला दुचाकी चालवायला दिल्याबद्दल पालकांना पंचवीस हजार रुपयांचा दंड ठोठावला. अल्पवयीन मुलगा दुचाकीवर मागे एकाला बसवून फिरत असल्याचा व्हिडीओ एका जागरूक नागरिकांने काढून सोशल मीडियावर पोस्ट केला होता. या फोटोची दखल घेऊन पोलिसांनी त्या स्कुटीच्या नंबर वरून मालकाचा पत्ता शोधून स्कुटी जप्त केली. नंतर मोटार वाहन कायद्यानुसार गुन्हा दाखल करून पोलीसांनी अल्पवयीन मुलाच्या पालकांकडून पंचवीस हजार रुपयांचा दंड वसुल केला. (Fine of ₹25,000 imposed on parents of a minor two-wheeler rider)

अल्पवयीन मुलांना गाडी चालवायला देणे हा गुन्हा आहे. त्यामुळे वाहन चालवणाऱ्या अल्पवयीन मुलगा आणि रस्त्यावरून जाणाऱ्या पादचाऱ्यांना धोका निर्माण होऊ शकतो. त्यामुळे पालकांनी अल्पवयीन मुलांना वाहन चालवायला देऊ नये. यापुढेही अल्पवयीन चालकांच्या विरोधात मोहीम सुरूच असणार आहे बेळगावचे पोलीस आयुक्त भूषण गुलाबराव बोरसे यांनी सांगितले. Fine of ₹25,000 imposed on parents of a minor two-wheeler rider)

May 30, 2026 0 comments

Sudha Bharadwaj seeks documents from the court

ताज्या बातम्या पोलिस डायरी राजकारण

कोरेगाव भीमा प्रकरणातील सुधा भारद्वाज यांची न्यायालयाकडे कागदपत्रे देण्याची मागणी

by प्रतिनिधी May 29, 2026

written by प्रतिनिधी

जमीर काझी : मुंबई : कोरेगाव भीमा हिंसाचार व एल्गार परिषद प्रकरणी गुन्हा दाखल केलेल्या सामाजिक कार्यकर्त्या सुधा भारद्वाज यांचा जामीन रद्द करण्यासाठी राष्ट्रीय तपास यंत्रणेने (एनआयए) न्यायालयात दाखल केलेली कागदपत्रे द्यावीत, अशी मागणी करण्यात आली आहे मुंबई सत्र न्यायालयातील विशेष एनआयए कोर्टाने त्याबाबत योग्य पडताळणी करून कागदपत्रे सादर करण्याची सुचना करीत पुढील सुनावणी १० जूनपर्यंत तहकूब केली.

केंद्रीय तपास यंत्रणेने १५ मे रोजी कोर्टात शहरी नक्षलवाद आणि कोरेगाव-भीमा प्रकरणातील आरोपी सुधा भारद्वाज आणि वरावरा राव यांचा जामीन रद्द करण्याची मागणी केली आहे. १९ जानेवारी२०२६ रोजी मुंबई प्रेस क्लबमध्ये झालेल्या एका बैठकीत सुधा भारद्वाज, वरावरा राव यांच्यासह अरुण परेरा, आनंद तेलतुंबडे, रोना विल्सन आणि इतर सहआरोपी उपस्थित होते. आरोपींनी त्यांना घालून दिलेल्या जामीन अटींचे उल्लंघन केले. तिथे माओवादी विचारसरणीचा प्रसार करण्याचा प्रयत्न करण्यात आला, असा आरोप एनआयएने या अर्जात केला आहे. याप्रकरणी सुधा भारद्वाज यांनी आपल्या बचावासाठी या आरोपांशी संबंधित कागदपत्रं देण्याची मागणी न्यायालयाकडं केली आहे. (Sudha Bharadwaj seeks documents from the court)

सुधा भारद्वाज यांचा जामीन आणि त्यातील अटीशर्ती

मुंबई उच्च न्यायालयाने १ डिसेंबर २०२१ रोजी या प्रकरणातील नऊ आरोपींपैकी केवळ सुधा भारद्वाज यांचा जामीन अर्ज ५० हजाराच्या जात मूचलक्यावर मंजूर केला होता. त्यासाठीच्या अटीशर्तीमध्ये एनआयए कोर्टाच्या अधिकारक्षेत्राबाहेर न जाणे, तपास अधिकाऱ्यांना पूर्ण सहकार्य यासह इतर आरोपींशी संपर्क न साधणं, माध्यमांशी खटल्यावर परिणाम होईल, अशी कोणतीही कृती न करणं यासह आंतरराष्ट्रीय फोनकॉल्ससाठी भारद्वाज यांना मनाई करण्यात आली आहे. मात्र याचिकाकर्ते नोव्हेंबर २०१८ मध्ये कोर्टानं दिलेल्या आदेशांच्या मुद्यावर जामीन मागत आहेत. १७ मे २०१८ ला शहरी नक्षलवाद प्रकरणातील आरोपींवर युएपीए लावला गेला. मात्र तपास एनआयएकडं २४ जानेवारी २०२० ला सोपवला गेला. त्यामुळे जानेवारी २०२० पर्यंत इथं एनआयएशी संबंधित कायदा लागू होण्याचा प्रश्नच येत नाही. तपास हस्तांतरीत होण्याची कायदेशीर प्रक्रिया १२ फेब्रुवारी २०२०ला पूर्ण झाली. त्यामुळे खरंतर तेव्हापासून इथं एनआयएचा संबंध आला. तोपर्यंत विशेष एनआयए कोर्टाचाही इथं संबंध येत नाही. असा दावा केला होता. (Sudha Bharadwaj seeks documents from the court)

कोरेगाव भीमामध्ये हिंसाचार प्रकरण

पुण्यात ३१ डिसेंबर २०१७ रोजी झालेल्या एल्गार परिषदेनंतर १ जानेवारी २०१८ रोजी कोरेगाव भीमामध्ये हिंसाचाराचा प्रकार घडला. त्यानंतर एल्गार परिषदेतील सहभागामुळेच सुधा भारद्वाज यांच्यासह काही विचारवंतांना पुणे पोलिसांनी अटक केली. तेव्हापासून साल २०२१ च्या अखेरमध्ये जामीन मिळेपर्यंत सुधा भारद्वाज भायखळा येथील महिला कारागृहातच होत्या. या प्रकरणाचा तपास सुरूवातीला पुणे पोलीस करत होते. तेव्हा, पुणे पोलिसांनी फेब्रुवारी २०१९ मध्ये याप्रकरणी पहिलं आरोपपत्र दाखल केलं. त्यानंतर जानेवारी २०२० मध्ये राष्ट्रीय तपास एजन्सीकडं (एनआयए) हा तपास हस्तांतरित करण्यात आला. त्यानंतर एनआयएनं ९० दिवासांत आपलं आरोपपत्र दाखल करणं बंधनकारक असतानाही ते वेळेत केलं नाही. त्यामुळे फौजदारी प्रक्रिया संहिता (सीआरपीसी) अंतर्गत डिफॉल्ट जामीन मिळण्याचा आपल्याला अधिकार आहे, असा दावा करत भारद्वाज यांनी अन्य आरोपींसह मुंबई उच्च न्यायालयात याचिका दाखल केली होती. (Sudha Bharadwaj seeks documents from the court)

May 29, 2026 0 comments

13 Victims of Toxic Liquor in the Pune-Pimpri Region

ताज्या बातम्या पोलिस डायरी

पुणे, पिंपरी परिसरात विषारी दारुचे १३ बळी

by प्रतिनिधी May 29, 2026

written by प्रतिनिधी

पुणे : प्रतिनिधी : पुणे आणि पिंपरी चिंचवडमध्ये विषारी दारु प्यालेने गेल्या दोन दिवसात १३ जणांचा मृत्यू झाला आहे. ही घटना पिंपरी चिंचवड येथील फुगेवाडी, दापोडी, पुण्यातील काळे पडळ परिसरात घडली आहे. पोलिसांनी याबाबत कानावर हात ठेवले आहेत. (13 Victims of Toxic Liquor in the Pune-Pimpri Region)

पुणे आणि पिंपरी परिसरात जे दारु प्यायले त्यांच्या तोंडाला फेस येऊन मृत्यू झाला आहे. विषारी दारुच्या मृत्यूची दखल अखेर मुख्यमंत्री देवेंद्र फडणवीस यांनी घेतली. त्यांनी दोषींवर कठोर कारवाईचे आदेश दिले आहेत. मिळालेल्या प्राथमिक माहितीनुसार पिंपरी चिंचवडमधील फुगेवाडी येथे मिथेनॉलचे मिश्रन करुन गावठी दारु करण्यात होती. ही दारु पुणे फुगेवाडीसह हडपसरमध्ये विक्रीसाठी पाठवली होती. ही दारु प्यायलेने १३ जणांचा मृत्यू झाला. मृत्यूपूर्वी तोंडाला फेस येणे, पोटदुखी आणि उलट्याचा त्रास झाला होता. (13 Victims of Toxic Liquor in the Pune-Pimpri Region)

राज्य उत्पादन शुल्क विभाग सराईत दारु विक्रेता योगेश वानखेडे यांची चौकशी करत आहे. यापूर्वी त्याच्यावर अनेक गुन्हे नोंद आहेत. मुख्य आरोपी कर्नल सिंह विरखा हा दारु गुत्याचा मालक असून तो फरार आहे. दारु गुत्त्याची माहिती असूनही पोलिसांनी कारवाई केली नसल्याने १३ जणांचा बळी गेला असा आरोप स्थानिक नागरिकांनी केला आहे. (13 Victims of Toxic Liquor in the Pune-Pimpri Region)

May 29, 2026 0 comments

Four teachers conducting the census in the state have died

ताज्या बातम्या पोलिस डायरी

राज्यात जनगणना करणाऱ्या चार शिक्षकांचा मृत्यू

by प्रतिनिधी May 27, 2026

written by प्रतिनिधी

मुंबई : प्रतिनिधी : राज्यात जणगणना करणाऱ्या चार शिक्षकांचा मृत्यू झाला आहे. शिक्षकांच्या मृत्यू झाल्याने खळबळ उडाली असून शिक्षक संघटनांनी संताप व्यक्त केला आहे. (Four teachers conducting the census in the state have died)

शाळांना उन्हाळ्याची सुट्टी असली तरी शिक्षकांना यंदा जनगणनेचे काम देण्यात आले आहे. भर उन्हात दुपारी शिक्षकांना दारोदारी जाऊन जनगणनेची माहिती गोळा करावी लागत आहे. जनगणना करणाऱ्या चार शिक्षकांचा मृत्यू झाला. पुणे बेंगळूर महामार्गावर कान्हे फाटा येथे भरधाव डंपरच्या धडकेत जनगणनेचे काम करणाऱ्या शिक्षिका दीपाली तांबे याचा जागीच मृत्यू झाला. या घटनेनंतर मावळ तालुक्यातील शिक्षकांनी संताप व्यक्त केला आहे. शासकीय सुट्टीच्या दिवशीही जनगणनेच्या कामासाठी शिक्षकांना बोलावले जात आहे, त्याबद्दल शिक्षक संघटनांनी संताप व्यक्त केला आहे. (Four teachers conducting the census in the state have died)

दीपाली तांबे यांच्या आधी कोल्हापुरातील भगवान पाटील, सांगोला येथील राजाराम ढोले या शिक्षकांचा हृदयविकाराने मृत्यू झाला लातूरमधील सुंदरम वांगसकर यांचाही अपघाती मृत्यू झाला. जनगणनेच्या कामामुळे येणाऱ्या तणावामुळे हे मृत्यू होत असल्याची भावना शिक्षक वर्गात व्यक्त होऊ लागली आहे. शिक्षकांच्या मृत्यूमुळे त्यांची कुटुंबे उघड्यावर पडली आहेत. जनगणना करणाऱ्या प्रगणकांचा कर्तव्य बजावताना मृत्यू झाल्यास त्याच्या कुटुंबियांना दहा लाख रुपयांचे सानुग्रह अनुदान द्यावे, तसेच कुटुंबियांना अनुकंपाखाली नोकरी द्यावी अशी मागणी कोल्हापुरातील खासगी शिक्षक महासंघाने केली आहे. महासंघाचे अध्यक्ष राजेंद्र कोरे यांनी कोल्हापूर जिल्हाधिकाऱ्यांना निवेदन दिले आहे. (Four teachers conducting the census in the state have died)

May 27, 2026 0 comments

ED Raids on the Residence of Former Kerala CM Vijayan

ताज्या बातम्या पोलिस डायरी राजकारण

केरळमचे माजी मुख्यमंत्री विजयन यांच्या घरावर ईडीचे छापे

by प्रतिनिधी May 27, 2026

written by प्रतिनिधी

नवी दिल्ली : केरळमचे माजी मुख्यमंत्री पिनराई विजयन यांच्या निवासस्थानावर बुधवारी सकाळी ईडीने छापे टाकले. मनी लाँड्रिंग प्रकरणात ही कारवाई करण्यात आली आहे. विजयन यांच्या भाड्याच्या घरासह १२ ठिकाणी ईडीने छापे टाकले आहे. (ED Raids on the Residence of Former Kerala CM Vijayan)

कोचीन मिनरल्स अँड रुटाईल लिमिटेड (सीएमआयएल) आणि माजी मुख्यमंत्री विजयन यांची कन्या वीणा विजयन यांच्या एक्झालॉजिक सोल्युशन यांच्या आर्थिक व्यवहार संशयास्पद असल्याने कारवाई केली आहे. २०१८ ते २०१९ या कालावधीत वीणा यांच्या कंपनीने एक्सालॉजिक सोल्युशन आयटी कंपनीला १.७२ कोटी रुपयांचे बेकायदेशीर पेमेंट केले आहे. विशेष म्हणजे त्या आयटी कंपनीने त्या कंपनीला कोणतीही सेवा दिली नव्हती. ED Raids on the Residence of Former Kerala CM Vijayan)

या संदर्भात केरळम उच्च न्यायालयात ईडीच्या कारवाईला आव्हान देणारी याचिका दाखल केली होती. पण ही याचिका न्यायालयाने फेटाळल्यानंतर ईडीने छापे टाकले. ईडीने २०१४ मध्ये पीएमएल अंतर्गत गुन्हा दाखल केला होता. हा मुद्दा विजयन सरकारच्या काळातील सर्वात मोठा वादग्रस्त मुद्दा राहिला होता. ED Raids on the Residence of Former Kerala CM Vijayan)

May 27, 2026 0 comments

Twisha Sharma's body is set to undergo a second post-mortem examination

ताज्या बातम्या पोलिस डायरी

मॉडेल ट्विशा शर्माच्या मृत्यू प्रकरणात दुसऱ्यांदा पोस्टमोर्टम होणार

by प्रतिनिधी May 23, 2026

written by प्रतिनिधी

नवी दिल्ली : नोएडामधील ३३ वर्षी अभिनेत्री आणि मॉडेल ‘मिस पुणे’ ट्विशा शर्माने आत्महत्या केल्यानंतर तिच्या माहेरच्या लोकांनी ट्विशाची आत्महत्या नसून हत्या आहे असा आरोप केला आहे. या प्रकरणात तिच्या मृतदेहाचे दुसऱ्यांदा शवविच्छेदन करण्याचा आदेश दिला आहे. त्यामुळे या प्रकरणाला वेगळे वळण लागले आहे. (Twisha Sharma’s body is set to undergo a second post-mortem examination)

मॉडेल ट्विशा शर्माचा डिसेंबर २०२५ मध्ये भोपाळचे वकील समर्थ सिंह यांच्याशी विवाह झाला. ट्विशाच्या सासू गिरीबाला सिंह या निवृत्त जिल्हा न्यायाधीश आहेत. १२ मे रोजी ट्विशाने गळफास लावून आत्महत्या केली. तिचा मृतदेह सासरच्या घरीच आढळला. ट्विशाने आत्महत्या केली आहे असा दावा सासरच्या लोकांनी केला तर माहेरच्या लोकांनी हुंड्यासाठी तिची हत्या झाल्याचा गंभीर आरोप केला. त्यानंतर १४ मे रोजी ट्विशाचा पती समर्थ सिंह, सासू गिरीबाला सिंह यांच्याविरोधात हुंडाबळी आणि मानसिक, शारीरिक छळाच्या आरोपाखाली गुन्हा दाखल करण्यात आला.

गुन्हा दाखल झाल्यानंतर पती समर्थ सिंह फरार झाला. त्याच्या शोधासाठी पोलिसांनी सहा पथके तयार केली. तसेच त्याच्यावर दहा हजार रुपयांचे बक्षीस जाहीर केले. तो देश सोडून बाहेर पळून जाऊ नये यासाठी पासपोर्ट कार्यालयाचीही मदत घेण्यात आली. समर्थने अटक टाळण्यासाठी जामिनासाठी अर्ज केला होता. अखेर तो जबलपूर पोलिस ठाण्यात तब्बल दहा दिवसांनी शरण आला. भोपाळ पोलिसांनी त्याला अटक केली असून त्याची कसून चौकशी करण्यात येत आहे. (Twisha Sharma’s body is set to undergo a second post-mortem examination)

ट्विशाचे व्हॉटस अप चॅट उघड… ट्विशाची व्हॉट्सॲप चॅटही व्हायरल झाली. त्यामध्ये तिने लिहिले होते की, आई, माझा जीव गुदमरतोय, हे लोक मला रडूही देत नाहीत आणि हसायलाही कारण देत नाहीत. कुटुंबीयांनी असाही दावा केला आहे की, लग्नानंतर ट्विशाचा सातत्याने छळ केला जात होता. कुटुंबीयांनी या प्रकरणात निष्पक्ष तपासाची मागणी केली आहे. पण सासरच्या लोकांनी हे आरोप फेटाळले आहेत. ती गर्भवती होती. गर्भवती असल्याचे समजल्यानंतर ट्विशाची मानसिक स्थिती अस्थिर राहिली होती. तिला मूल नको असल्याने ती स्वत:ला इजा करुन घेत होती, असा दावा सासूने केला आहे.

दुसऱ्यांदा शवविच्छेदन करण्याचे आदेश… शुक्रवारी मध्य प्रदेश उच्च न्यायालयाने ट्विशा च्या मृतदेहाचे दुसऱ्यांदा शवविच्छेदन करण्यास परवानगी दिली आहे. दिल्लीतील एम्स हॉस्पिटलमध्ये डॉक्टरांकडून शवविच्छेदन करण्यात येणार आहे. कुटुंबाच्या मागणीवरुन न्यायालयाने हा आदेश दिला आहे. (Twisha Sharma’s body is set to undergo a second post-mortem examination)

May 23, 2026 0 comments

ताज्या बातम्या पोलिस डायरी

वाघिणीच्या हल्ल्यात चार महिला ठार

by प्रतिनिधी May 22, 2026

written by प्रतिनिधी

चंद्रपूर : तेंदूपता तोडण्याचे काम करत असताना वाघिणीच्या हल्ल्यात चार महिला ठार झाल्या. चंद्रपूर जिल्ह्यातील सिंदेवाही तालुक्यातील गुंजेवाही जंगलात ही घटना घडली. वाघाच्या दहशत आणि केलेल्या हल्ल्यामुळे परिसरात घबराट पसरली आहे. (Four women killed in tigress attack)

मिळालेल्या माहितीनुसार गुंजेवाही जंगलात १२ महिला तेंदूपत्ता तोडण्यासाठी एकत्र गेल्या होत्या. तेंदूपत्ता तोडण्याचा काम सुरू असताना वाघिणींने महिलांवर हल्ला केला. यावेळी सर्व महिला तेंदूपत्ता तोडण्याच्या कामात व्यस्त होत्या. वाघिणीच्या हल्याने महिला घाबरल्या आणि सैरावैरा पळत सुटल्या. पण वाघाच्या हल्ल्यात चार महिला सापडल्या आणि त्यांचा मृत्यू झाला. (Four women killed in tigress attack)

१३ महिलांपैकी एक महिला ओरडत गावात आली. तिने गावकऱ्यांना झालेल्या घटनेची माहिती दिली. त्यानंतर गावकऱ्यांनी जंगलाकडे धाव घेतली. तिथे चार महिलांचे मृतदेह आढळून आले. इतर महिला सुखरुप मिळाल्या. वन विभाग या घटनेचा तपास करत आहे. यापूर्वी १० मे २०२५ मध्ये सिंदेवाही तालुक्यातील मेंढा जंगलात तीन महिलांचा वाघांनी बळी घेतला होता. त्यानंतर एक वर्षात ही दुसरी घटना घडल्याने परिसरात घबराटीचे वातावरण पसरले आहे. (Four women killed in tigress attack)

May 22, 2026 0 comments

Newer Posts

Older Posts