Friday, October 2, 2026
Home » ताज्या बातम्या » Page 121
Category:

ताज्या बातम्या

PAK vs ENG
ताज्या बातम्या

इंग्लंडविरूद्धच्या पहिल्या कसोटीसाठी पाकिस्तानचा संघ जाहीर; शाहीन-नसीमचे पुनरागमन

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : इंग्लंडचा संघ पाकिस्तानच्या दौऱ्यावर येणार आहे. या दौऱ्यातील पहिल्या कसोटी सामन्यासाठी पाकिस्तानने आपला संघ जाहीर केला आहे. पाकिस्तान आणि इंग्लंड यांच्यातील पहिला कसोटी सामना सोमवारपासून मुलतानमध्ये होणार आहे. (PAK vs ENG)

इंग्लिडविरूद्ध होणाऱ्या पहिल्या कसोटी सामन्यासाठी पाकिस्तानने संघात तीन वेगवान गोलंदाजांना स्थान दिले आहे. या महत्त्वाच्या कसोटी मालिकेसाठी वेगवान गोलंदाज शाहीन आफ्रिदी आणि नसीम शाह यांचे पाकिस्तान संघात पुनरागमन झाले आहे. हे दोघेही बांगलादेशविरुद्धच्या शेवटच्या मालिकेतील दुसऱ्या कसोटीत खेळले नव्हते. इंग्लंडविरुद्धचे पहिले दोन कसोटी सामने मुलतानमध्ये आणि तिसरा सामना रावळपिंडीत होणार आहे. (PAK vs ENG)

पाकिस्तानला घरच्या मैदानावर बांगलादेशविरुद्ध पराभवाचा सामना करावा लागला होता. या मालिकेत बांगला देशने पाकिस्तानला क्लीन स्वीप केले होते. इंग्लंडने गेल्या वेळी पाकिस्तानचा दौरा केला होता. तेव्हा त्यांनी यजमानांना 3-0 असा व्हाईटवॉश केला होता. जागतिक कसोटी चॅम्पियनशिपच्या दृष्टिकोनातून ही मालिका दोन्ही संघांसाठी खूप महत्त्वाची आहे.

पाकिस्तानचे प्लेइंग इलेव्हन : शान मसूद (कर्णधार), सलीम अयुब, अब्दुल्ला शफीक,  बाबर आझम, सौद शकील, मोहम्मद रिझवान, सलमान अली आगा, आमिर जमाल, शाहीन शाह आफ्रिदी, नसीम शाह, अबरार अहमद.

हेही वाचा :

0 comments
0 FacebookTwitterPinterestEmail
Indian Rupee File Photo
ताज्या बातम्यामहाराष्ट्रमुंबई

महाराष्ट्रातील खेळाडूंच्या पारितोषिक रक्कमेत घसघशीत वाढ

by प्रतिनिधी
written by प्रतिनिधी

मुंबई; प्रतिनिधी : आंतरराष्ट्रीयस्तरावर महाराष्ट्राचे नाव उज्ज्वल करणाऱ्या खेळाडू आणि त्यांच्या प्रशिक्षकांच्या पारितोषिकांच्या रकमेत घसघशीत वाढ करण्याचा निर्णय राज्य मंत्रिमंडळाच्या बैठकीत घेण्यात आला. अध्यक्षस्थानी मुख्यमंत्री एकनाथ शिंदे होते. या निर्णयानुसार ऑलिम्पिक, पॅरा ऑलिम्पिक सुवर्णपदक विजेत्यांना पाच कोटी रुपये, रौप्यपदकासाठी तीन कोटी, कांस्य पदकासाठी दोन कोटी रुपयांचे पारितोषिक, तर मार्गदर्शकांना अनुक्रमे पन्नास लाख, तीस लाख व वीस लाख रुपयांचे पारितोषिक देण्यात येईल. (Sports News )

वरिष्ठ वर्ल्ड चॅम्पियनशीपसाठी सुवर्णपदक विजेत्यांना तीन कोटी रुपये, रौप्य पदकासाठी दोन कोटी, कांस्य पदकासाठी एक कोटी रुपयांचे पारितोषिक देण्यात येईल. मार्गदर्शकांना अनुक्रमे तीस लाख, वीस लाख व दहा लाख रुपयांचे पारितोषिक देण्यात येईल. एशियन गेमसाठी सुवर्णपदक विजेत्यांना एक कोटी रुपये, रौप्य पदकासाठी पंच्याहत्तर लाख, कांस्य पदकासाठी पन्नास लाख तर मार्गदर्शकांना अनुक्रमे दहा लाख, सात लाख पन्नास हजार व पाच लाख रुपयांचे पारितोषिक देण्यात येईल.

वरिष्ठ कॉमनवेल्थसाठी सुवर्णपदक विजेत्यांना सत्तर लाख रुपये, रौप्य पदकासाठी पन्नास लाख, कांस्य पदकासाठी तीस लाख तर मार्गदर्शकांना अनुक्रमे सात लाख, पाच लाख व तीन लाख रुपयांचे पारितोषिक देण्यात येईल. युथ ऑलिम्पिकमधील सुवर्णपदक विजेत्यांना तीस लाख रुपये, रौप्य पदकासाठी वीस लाख, कांस्य पदकासाठी दहा लाख तर मार्गदर्शकांना अनुक्रमे तीन लाख, दोन लाख व एक लाख रुपयांचे पारितोषिक देण्यात येईल.

तसेच सांघिक खेळात ऑलिम्पिक, पॅराऑलिम्पिकमध्ये सुवर्णपदक विजेत्यांना तीन कोटी पंच्याहत्तर लाख रुपये, रौप्य पदकासाठी दोन कोटी पंचवीस लाख तर कांस्य पदकासाठी एक कोटी पन्नास लाख तर मार्गदर्शकांना अनुक्रमे सदतीस लाख पन्नास हजार, बावीस लाख पन्नास हजार व पंधरा लाख रुपयांचे पारितोषिक देण्यात येईल. (Sports News)

सांघिक खेळात वरिष्ठ चॅम्पियनशीपमधील सुवर्णपदक विजेत्यांना दोन कोटी पंचवीस लाख लाख रुपये, रौप्य पदकासाठी एक कोटी पन्नास लाख लाख तर कांस्य पदकासाठी पंच्याहत्तर लाख रुपयांचे पारितोषिक देण्यात येईल. तर मार्गदर्शकांना अनुक्रमे बावीस लाख पन्नास हजार, पंधरा लाख आणि सात लाख पन्नास हजार रुपयांचे पारितोषिक देण्यात येईल.सांघिक खेळात एशियन गेममध्ये सुवर्णपदक विजेत्यांना पंच्याहत्तर लाख रुपये, रौप्य पदकासाठी ५६ लाख पंचवीस हजार तर कांस्य पदकासाठी सदतीस लाख पन्नास हजार रुपयांचे पारितोषिक तर मार्गदर्शकांना अनुक्रमे सात लाख पन्नास हजार, पाच लाख बासष्ठ हजार पाचशे रुपये व तीन लाख पंच्याहत्तर हजार रुपयांचे पारितोषिक देण्यात येईल.

सांघिक खेळात वरिष्ठ कॉमनवेल्थ स्पर्धेतील सुवर्णपदक विजेत्यांना बावन्न लाख पन्नास हजार रुपये, रौप्य पदकासाठी सदतीस लाख पन्नास हजार, तर कांस्य पदकासाठी बावीस लाख पन्नास हजार, तर मार्गदर्शकांना अनुक्रमे पाच लाख पंचवीस हजार, तीन लाख पंच्याहत्तर हजार रुपये व दोन लाख पंचवीस हजार रुपयांचे पारितोषिक देण्यात येईल.सांघिक खेळात युथ ऑलिम्पिकमधील सुवर्णपदक विजेत्यांना बावीस लाख पन्नास हजार, रौप्यपदकासाठी पंधरा लाख, तर कांस्य पदकासाठी सात लाख पन्नास हजार तर मार्गदर्शकांना अनुक्रमे दोन लाख पंचवीस हजार, एक लाख पन्नास हजार रुपये व पंच्याहत्तर हजार रुपयांचे पारितोषिक देण्यात येईल.

हेही वाचा :

0 comments
0 FacebookTwitterPinterestEmail
ताज्या बातम्यादक्षिण महाराष्ट्र

अविनाश साबळे, प्रदीप गंधे यांना शिवछत्रपती पुरस्कार

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : कोल्हापूरच्या कस्तुरी सावेकरसह ४७ खेळाडूंना महाराष्ट्र राज्य सरकारने शिवछत्रपती पुरस्काराची घोषणा केली.  पॅरिस येथे झालेल्या ऑलिम्पिक स्पर्धेत अविनाश साबळेने ३००० मीटर अडथळ्यांच्या शर्यतीमध्ये अंतिम फेरीत धडक मारून ऐतिहासिक कामगिरी केली होती. या स्पर्धेत त्याने राष्ट्रीय विक्रम मोडला होता. परंतु, त्याला पदकाने हुलकावणी दिली होती.  दिग्गज बॅडमिंटनपटू प्रदीप गंधे यांना २०२२-२३चा जीवन गौरव पुरस्कार जाहीर केला आहे.  (Shiv Chhatrapati Award)

कोण आहेत प्रदीप गंधे

प्रदीप गंधे यांनी १९८२ साली झालेल्या आशियाई स्पर्धेत मिश्र दुहेरी व पुरुष सांघिक गटात कांस्यपदक पटकवले होते. उत्कृष्ट क्रीडा मार्गदर्शकांना देण्यात येणाऱ्या जिजामाता पुरस्कार दिनेश लाड ( क्रिकेट), पवन भोईर( जिम्नॅस्टिक्स ), अनिल भोईल ( कबड्डी), शुभांगी रोकडे ( तिरंदाजी), राजाराम घाग ( दिव्यांग खेळांचे क्रीडा मार्गदर्शक), व सुमा शिरूर ( नेमबाजी) यांची निवड केली गेली आहे.

शिवछत्रपती राज्य क्रीडा पुरस्कार मिळालेल्या खेळाडूंची यादी

अविनाश साबळे, कुणाल कोठेकर, जान्हवी जाधव, अक्षय तरळ, रुपाली गंगावणे, चितारा विनेरकर, दीप रामभीया, निलम घोडके, संदीप दिवे, अभिजीत त्रिपणकर, आदित्य मित्तल, शुशिकला आगाशे, प्रतिक पाटील, कशीश भराड, गिरीश काते, रुद्रांक्ष पाटील, याश्वी शाह, सुह्रद सुर्वे, दिया चितळे, श्रेयस वैद्य, श्रुती कडव, सर्वेश मेनन, सिद्धांत मोरे, पूनम कैथवास, रेनॉल्ड जोसेफ, अक्षता ढेकळे, अपूर्वी पाटील, अंकित जगताप, पंकज मोहिते, प्रियंका इंगळे, सुयश गरगटे, अक्षया शेडगे, धर्मेंद्रकुमार यादव, कोमल वाकळे, नंदिनी साळोखे, कल्याणी जोशी, विष्णू सर्वानन, वैष्णवी पाटील, श्रीधर निगडे, श्रेया नानकर, साहिल खान, नेहा देशमुख, जयेश मोरे, पूर्वा किनरे, नितिन पवळे.

0 comments
0 FacebookTwitterPinterestEmail
Sarfaraz Khan
ताज्या बातम्या

इराणी चषकात द्विशतक झळकवत सरफराजची विक्रमाला गवसणी

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : मुंबईच्या सर्फराज खानने इराणी चषक स्पर्धेत विक्रम नोंदवला आहे. सामन्यात सरफराजने २५३ चेंडूमध्ये २३ चौकार आणि ३ षटकार लगावत द्विशतक झळकावले. शेष भारत संघाविरूद्ध संघाविरूद्ध खेळताना त्याने ही कामगिरी केली. अशी कामगिरी करणारा तो मुंबईचा पहिलाच खेळाडू ठरला आहे. (Sarfaraz Khan)

सरफराजने याच वर्षी इंग्लंडविरुद्धच्या मालिकेतून कसोटीमध्ये पदार्पण केले होते. बांगलादेशविरुद्धच्या कसोटी मालिकेतही त्याची निवड झाली होती. परंतु, विराट कोहली, ऋषभ पंत आणि केएल राहुल यांच्या पुनरागमनामुळे त्याला प्लेइंग 11 मध्ये संधी मिळाली नव्हती. इराणी चषकात रवी शास्त्री, युवराज सिंग, ऋद्धिमान साहा, यशस्वी जैस्वाल यांच्यासह आणखी आठ खेळाडूंनी द्विशतके लगावली आहेत. इराणी स्पर्धेत सर्वाधिक खेळी करण्याचा विक्रम वसीम जाफरच्या नावावर आहे. तर, मुरली विजय दुसऱ्या क्रमांकावर आहे.

इराणी कपमध्ये सर्वाधिक धावा करणारा मुंबईचा फलंदाज

ही खेळी करत सरफराजने मुंबईच्या रामनाथ पारकर यांचा विक्रम मोडला आहे. रामनाथ यांनी याच स्पर्धेत नाबाद १९४ धावांची खेळी केली होती. त्यांनी १९७२ मध्ये ही कामगिरी केली होती. तर, अजिंक्य रहाणे १९१ धावांच्या खेळीसोबत या यादीत तिसऱ्या स्थानावर आहे. यासह सुधाकर अधिकारी(173), झुबिन भरुचा (164) यांचा समावेश आहे. (Sarfaraz Khan)

सामन्यात काय झाल?

लखनौच्या एकाना स्टेडियमवर मुंबई आणि शेष भारत यांच्यात इराणी स्पर्धेतील सामन्याला सोमवारी (दि.१) सुरूवात झाली. सामन्यात शेष भारत संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजीला आलेल्या मुंबईची सुरुवात खराब झाली. सलामीवीर पृथ्वी शॉ अवघ्या 4 धावांवर बाद झाला. यानंतर संघाने 37 धावांत 3 विकेट गमावल्या. मात्र, त्यानंतर रहाणे आणि सरफराज जोडीने डावाची जबाबदारी घेत मोठी भागीदारी रचली. मात्र शतकाच्या उंबरठ्यावर असलेला रहाणे बाद झाला. तो 234 चेंडूत 97 धावा करून बाद झाला. यानंतर सरफराजने एक बाजूने धावा करत द्विशतक पूर्ण केले. यानंतर त्याने शार्दुल ठाकूरच्या साथीने अर्धशतकी भागिदारीही रचली. मुंबईने दुस-या दिवसाअखेर पहिल्या डावात 9 विकेट गमावत 536 धावा केल्या आहेत.सध्या सरफराज 221* आणि एम जुनेद खान 0 धावांवर नाबाद आहेत.

इराणी चषकमध्ये द्विशतक फटकावणारे खेळाडू

  • वसीम जाफर : 286 : विदर्भ : विरुद्ध शेष भारत : 14 मार्च 2018 (नागपूर)
  • मुरली विजय : 266 : रेस्ट ऑफ इंडिया : विरुद्ध राजस्थान : 21 सप्टेंबर 2012 (बंगळूरू)
  • प्रवीण आमरे : 246 : शेष भारत : विरुद्ध बंगाल : 2 नोव्हेंबर 1990 (बंगळूरू)
  • सुरिंदर अमरनाथ : 235* : दिल्ली : विरुद्ध शेष भारत : 23 ऑक्टोबर 1980 (दिल्ली)
  • सरफराज खान : 221* : मुंबई : विरुद्ध शेष भारत : 1 ऑक्टोबर 2024 (लखनऊ)
  • रवि शास्त्री : 217 : शेष भारत : विरुद्ध बंगाल : 2 नोव्हेंबर 1990 (बंगळूरू)
  • यशस्वी जैस्वाल : 213 : शेष भारत : विरुद्ध मध्य प्रदेश : 1 मार्च 2023 (ग्वाल्हेर)
  • पार्थशास्त्री शर्मा : 206 शेष भारत : विरुद्ध : 27 जानेवारी 1978 (वानखेडे)
  • युवराज सिंग : 204* : शेष भारत : विरुद्ध मुंबई : 1 ऑक्टोबर 2010 (जयपूर)
  • ऋद्धिमान साहा : 203* शेष भारत : विरुद्ध गुजरात : 20 जावेवारी 2017 (ब्रेबोर्न)
  • गुंडप्पा विश्वनाथ : 200* : कर्नाटक : शेष भारत : 25 ऑक्टोबर 1974 (अहमदाबाद)

0 comments
0 FacebookTwitterPinterestEmail
jasprit bumrah file photo
ताज्या बातम्या

बुमबुम ‘बुमराह’, कसोटीतील नवा ‘बादशहा’

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : रविचंद्रन अश्विनला मागे सोडत जसप्रीत बुमराह जागतिक कसोटीतील अव्वल वेगवान गोलंदाज ठरला आहे. बांगलादेशविरुद्ध खेळल्या गेलेल्या दोन सामन्यांच्या कसोटी मालिकेतील शानदार कामगिरीच्या जोरावर आयसीसीच्या ताज्या कसोटी क्रमवारीत बुमराहने अव्वल स्थान पटकावले आहे. त्याचबरोबर युवा फलंदाज यशस्वी जैस्वाल आणि अनुभवी फलंदाज विराट कोहली यांनीही कसोटी क्रमवारीत झेप घेतली आहे. (Jasprit Bumrah)

कसोटी मालिकेत बुमराहचा ‘अचुक’ मारा

भारत आणि बांगलादेश यांच्यात झालेल्या दोन सामन्यांच्या कसोटी मालिकेत बुमराहने शानदार खेळी करत 11 बळी घेतले. या कामगिरीचा फायदा बुमराहला क्रमवारीत झाला आहे. सध्या जागतिक कसोटी क्रमवारीत बुमराह ८७० गुणांसह अव्वलस्थानी आहे. तर.  ८६९ गुणांसह अश्विन दुसऱ्या क्रमांकावर घसरला आहे.

दुसऱ्यांदा बुमराह क्रमवारीत अव्वलस्थानी

आपल्या कारकिर्दीत  बुमराह दुसऱ्यांदा कसोटी क्रमवारीत अव्वल स्थानी पोहोचला आहे. याआधी फेब्रुवारीमध्ये  इंग्लंडविरुद्धच्या मालिकेनंतर बुमराहने पहिले स्थान पटकावले होते. त्यांच्या आधी भारताचे दिग्गज खेळाडू कपिल देव कसोटी गोलंदाजांमध्ये अव्वल स्थान पटकवणारे एकमेव भारतीय गोलंदाज होते.

बांगला देशविरूद्ध झालेल्या कानपूर कसोटीत बुमराहने एकूण सात बळी घेतले,  तर अश्विनने पाच बळी घेतले. त्याचबरोबर बांगलादेशच्या मेहदी हसन मिराज चार स्थानांची प्रगती करत १८व्या स्थानावर पोहोचला आहे. तर, अनुभवी फिरकी गोलंदाज शकिब अल हसन २८व्या स्थानावर पोहोचला आहे. त्याला पाच स्थानांचा फायदा झाला आहे. (Jasprit Bumrah)

जयस्वाल तिसऱ्या क्रमांकावर

बांगलादेशविरुद्धच्या दोन सामन्यांच्या कसोटी मालिकेत सर्वाधिक धावा करणारा युवा फलंदाज यशस्वी जैस्वालने दोन स्थानांनी प्रगती करत तिसऱ्या क्रमांकावर पोहोचला आहे.  चार डावात त्याने ४७.२५ च्या सरासरीने १८९ धावा केल्या. यामध्ये त्याने तीन अर्धशतके झळकावली. फलंदाजांच्या कसोटी क्रमवारीत ज्यो रूट अव्वल तर केन विल्यमसन दुसऱ्या स्थानावर कायम आहे.

कानपूर कसोटीत कोहलीची मोलाची भूमिका

चेन्नई कसोटीत ६ आणि १७ धावांची इनिंग खेळून पॅव्हेलियनमध्ये परतल्यानंतर कोहली आयसीसी कसोटी क्रमवारीत पहिल्या १० मधून बाहेर पडला होता. तथापि, कानपूर कसोटीत पुनरागमन करताना, त्याने ४७  आणि २९* धावांची खेळी खेळून भारताच्या विजयात महत्त्वाची भूमिका बजावली. यासह तो ताज्या आयसीसी कसोटी क्रमवारीत सहाव्या स्थानावर आहे. आता त्याला ७२४ गुण मिळाले आहेत.

हेही वाचा :

0 comments
0 FacebookTwitterPinterestEmail
MS Dhoni
ताज्या बातम्या

चेन्नई सुपर किंग्जला मोठा धक्का, एमएस धोनी पुढच्या आयपीएल हंगामाला मुकणार?

by प्रतिनिधी
written by प्रतिनिधी

महाराष्ट्र दिनमान ऑनलाइन डेस्क : बीसीसीआयने आयपीएल २०२५ साठी रिटेंशन नियमांची घोषणा केली आहे. आयपीएलमधल्या सर्व फ्रँचाईजींना ३१ ऑक्टोबरपर्यंत रिटेन खेळाडूंची यादी आयपीएल गव्हर्निंग काऊंसीलकडे सोपवायची आहे. पण बीसीसीआयचा एक नियम चेन्नई सुपर किंग्ससाठी महत्त्वपूर्ण ठरणार आहे. बीसीसीआयने एक जुना नियम पुन्हा लागू केला आहे. याचा फायदा चेन्नई संघाला होऊ शकतो. (MS Dhoni)

आयपीएलचा खास नियम

बीसीसीआयच्या नियमानुसार एखादा खेळाडू गेल्या पाच वर्षात भारतासाठी एकही सामना खेळला नसेल तर त्याला अनकॅप्ड खेळाडू मानलं जाईल. अशात त्या खेळाडूची किंमत कमी होईल आणि फ्रँचाईजच्या पैशात बचत होऊ शकते. हा नियम चेन्नई सुपरकिंग्सचा माजी कर्णधार महेंद्रसिंग धोनीवर लागू होऊ शकतो. एमएस धोनीने १५ ऑगस्ट २०२० मध्ये आंतरराष्ट्रीय क्रिकेटमधून निवृत्ती जाहीर केली. जुलै २०१९ मध्ये तो आपला शेवटचा आंतरराष्ट्रीय सामना खेळला होता. (MS Dhoni)

धोनीला लागू होतो नियम

बीसीसीआयच्या या नियमानुसार चेन्नई सुपर किंग्स अवघ्या 4 कोटी रुपयात एमएस धोनीला आपल्या संघात घेऊ शकते. धोनी आयपीएलमध्ये फारतर पुढचा आणखी एक हंगाम खेळण्याची शक्यता आहे. अशात स्वत: धोनीला संघाने आपल्यावर जास्त पैसे खर्च असं वाटू शकतं. पण एक मात्र नक्की की हा नियम लागू झाल्याने धोनी आयपीएलचा पुढचा हंगाम खेळण्याची शक्यता वाढली आहे. पण चेन्नईचे सीईओ काशी विश्वनाथन यांच्या एका वक्तव्याने चाहत्यांना हैराण केलं आहे. टाईम ऑफ इंडियाला दिलेल्या एका मुलाखतीती चेन्नईचे सीईओ काशी विश्वनाथन यांनी ‘ या नियमाचा वापर धोनीसाठी करण्याबाबत विचार केला नसल्याचं’ म्हटलं आहे. यावर बोलणं आता खूप घाईचं होईल, आम्ही धोनी बरोबर अद्याप चर्चा केलेली नाही. धोनी अमेरिकेत होता, येणाऱ्या काही दिवसात धोनीबरोबर चर्चा होण्याची शक्यता आहे. त्यानंतर सर्व चित्र स्पष्ट होईल. सध्या तरी आम्हाला इतकाच आशावाद आहे की धोनी पुढचा हंगाम खेळेल. पण सर्वस्वी त्याचा निर्णय असेल’ असंही विश्वनाथान यांनी म्हटलं आहे.

आयपीएलचा नियम काय सांगतो?

आयपीएलच्या नियमानुसार गेल्या पाच वर्षात खेळाडू एकही आंतरराष्ट्रीय म्हणजे कसोटी, एकदिवसीय किंवा टी २० सामना खेळला नसेल किंवा बीसीसीआयच्या सेंट्रल कॉन्ट्रॅक्टचा भाग नसेल तर तो खेळाड अनकॅप्ड ठरतो. भारतीय खेळाडूंनाही हा नियम लागू होतो.

हेही वाचा :

0 comments
0 FacebookTwitterPinterestEmail
Kho Kho World Cup File Photo
ताज्या बातम्या

भारतात होणार पहिला खो खो विश्वचषक

by प्रतिनिधी
written by प्रतिनिधी

महाराष्ट्र दिनमान ऑनलाइन डेस्क : भारतीय खो खो फेडरेशन (KKFI) आंतरराष्ट्रीय खो खो फेडरेशनच्या सहकार्याने २०२५ मध्ये भारतात पहिलावहिला खो खो विश्वचषक खेळवणार आहे. हा विश्वचषक समृद्ध सांस्कृतिक वारसा आणि खेळाची स्पर्धात्मक भावना अधोरेखित करेल. (Kho Kho World Cup)

खो खो हा खेळ मूळचा भारताचा आहे. देशी पद्धतीने चिखलात सुरू झालेला आणि आता मॅटवर गेला आहे.जगभरातील  ५४ देशात हा खेळ खेळला जातो. भारतीय खो-खो फेडरेशनने या खेळाला प्रोत्साहन देण्यासाठी १० शहरांमधील २०० उच्चभ्रू शाळांमध्ये या खेळाला नेण्याची योजना आखत आहे. किमान ५० लाख खेळाडूंची नोंदणी करण्याच्या उद्देशाने फेडरेशन शालेय विद्यार्थ्यांसाठी सदस्यत्व मोहीम राबवणार आहे.

भारतीय खो खो फेडरेशनचे अध्यक्ष श्री सुधांशू मित्तल म्हणाले की, “पहिल्या खो-खो विश्वचषकाचे यजमानपदासाठी आम्ही खूप उत्सुक आहोत. ही स्पर्धा केवळ स्पर्धेचे उदाहरण म्हणून काम करणार नाही तर देशांना एकत्र आणेल, सांस्कृतिक देवाणघेवाण वाढवेल आणि खो-खोचे सौंदर्य आणि तीव्रता जगाला दाखवेल. २०३२ पर्यंत खो-खो ला ऑलिम्पिक खेळ म्हणून मान्यता मिळणे हे आमचे अंतिम ध्येय आहे आणि हा विश्वचषक त्या स्वप्नाच्या दिशेने पहिले पाऊल आहे.

Kho Kho World Cup : खेळाडूंना मिळणार मोठं व्यासपीठ

खो-खो विश्वचषकाचे उद्दिष्ट देशी भारतीय खेळाला आंतरराष्ट्रीय स्तरावर नेण्याचे आहे.जगभरातील अव्वल दर्जाच्या खेळाडूंना त्यांचे कौशल्य, चपळता आणि सांघिक कार्य दाखवण्यासाठी मोठी संधी मिळणार आहे. आठवडाभर सामन्यांची मालिका असेल. या ऐतिहासिक स्पर्धेचे आयोजन करून भारतीय खो खो फेडरेशन २०३२ पर्यंत ऑलिम्पिक खेळांमध्ये खो-खोचे स्थान सुरक्षित करण्याची आकांक्षा बाळगते. हा या खेळासाठी एक इतिहासातील एक महत्त्वाचा टप्पा असेल. (Kho Kho World Cup)

खो खो फेडरेशन ऑफ इंडिया बद्दल

खो-खो फेडरेशन ऑफ इंडिया (KKFI) ही भारतातील खो-खो ची राष्ट्रीय प्रशासकीय संस्था आहे. या संस्थेचे श्री सुधांशू मित्तल हे संस्थेचे अध्यक्ष आहेत. सर्व राज्य संघटना राष्ट्रीय फेडरेशनशी संलग्न आहेत जे दरवर्षी पुरुष, महिला आणि कनिष्ठ वर्गांसाठी राष्ट्रीय अजिंक्यपद स्पर्धा आयोजित करतात.

हेही वाचा :

0 comments
0 FacebookTwitterPinterestEmail
WTC
ताज्या बातम्या

WTC गुणतालिकेतील भारताचे अव्वल स्थान भक्कम

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : चेन्नई आणि कानपूर कसोटीत दमदार कामगिरी करत टीम इंडियाने दोन सामन्यांच्या मालिकेत बांगला देशचा २-० ने पराभव करत मालिका खिशात घातली. सध्या बांगला देश संघ भारताच्या दौऱ्यावर आहे. कानपूर कसोटीत विजय मिळवत टीम इंडियाने वर्ल्ड टेस्ट चॅम्पियनशीपमधील (WTC) आपले अव्वल स्थान अधिक भक्कम केले आहे.

कानपूर कसोटीतील विजयानंतर टीम इंडियाच्या विजयाची टक्केवारी ७४.२४  झाली आहे. या सामन्यापूर्वी बांगलादेश गुणतालिकेत पाचव्या स्थानावर होता. परंतु, सलग दोन सामन्यातील पराभवामुळे बांगला देशची सातव्या स्थानावर घसरण झाली आहे. वर्ल्ड टेस्ट चॅम्पियनशिप (WTC) 2025च्या गुणतालिकेत ६२.५० टक्केवारीसह ऑस्ट्रेलिया दुसऱ्या स्थानावर आहे. तर, ५५.५६ टक्केवारीसह लंकन संघ तिसऱ्या क्रमांकावर आहे. कसोटीत बॅझ बॉल खेळी आणणारा इंग्लंड  इंग्लंडचा संघ चौथ्या क्रमांकावर आहे, ज्यांची विजयाची टक्केवारी ४२.१९ आहे. (WTC)

ICC WTC गुणतालिकेत भारत अव्वल

कानपूर कसोटी जिंकून भारतीय संघ आयसीसी वर्ल्ड टेस्ट चॅम्पियनशिपच्या फायनलसाठी पात्र होण्याच्या उंबरठ्यावर पोहोचला आहे. टीम इंडियाने ११ सामन्यांत ८वा विजय मिळवून गुणतालिकेत अव्वल स्थान कायम ठेवले आहे. भारताची या पुढची मालिका न्यूझीलंडविरुद्ध आहे. ३ सामन्यांची ही मालिका देखील भारतीय भूमीत खेळवली जाणार आहे. त्यानंतर रोहितसेना ऑस्ट्रेलिया दौऱ्यावर बॉर्डर-गावस्कर मालिका खेळायला जाईल. ५ सामन्यांच्या या मालिकेची चाहते आतुरतेने वाट पाहत आहेत.

हेही वाचा :

0 comments
0 FacebookTwitterPinterestEmail
IND vs BAN 2nd Test
ताज्या बातम्या

रोहित सेनेचा डंका; कानपूर कसोटीत ७ विकेट राखून विजय  

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : भारताने कानपूर कसोटीत (IND vs BAN 2nd Test) बांगलादेशचा सात गडी राखून पराभव करत दोन सामन्यांची कसोटी मालिका २-० अशी जिंकली. टीम इंडियासमोर ९५ धावांचे लक्ष्य होते, हे आव्हान रोहित सेनेने तीन गडी गमावून पूर्ण केले. बांगला देशने दिलेल्या आव्हानाचा पाठलाग करताना ऋषभ पंत ४ तर, विराट कोहली २९ धावांवर नाबाद राहिला. रोहित शर्मा ८, शुभमन गिल ६ आणि यशस्वी जैस्वाल ५१ धावा करून बाद झाला. विराट आणि यशस्वी यांच्यात तिसऱ्या विकेटसाठी ५८ धावांची भागीदारी झाली. बांगलादेशकडून मेहदी हसन मिराजने दोन, तर तैजुल इस्लामला एक विकेट मिळाली. यशस्वीने आपल्या अर्ध शतकी खेळीत आठ चौकार आणि एक षटकार लगावला.

कानपूर कसोटीत वरूण राजाने केलेल्या दमदार फलंदाजीमुळे पहिल्या दिवशी फक्त ३५ षटकांचा खेळ झाला. यानंतर सामन्यातील दुसरा आणि तिसरा दिवस पावसामुळे वाहून गेला. यानंतर झालेल्या खेळात भारतीय गोलंदाजांनी तिखट मारा करत बांगला देशचा पहिला  डाव २३३ धावांवर गुंडाळला. यानंतर भारतीय संघाने ९ फलंदाज गमावून २८५ धावा करून डाव घोषित केला. यामुळे टीम इंडियाकडे ५२ धावांची आघाडी होती. यानंतर फलंदाजीसाठी आलेल्या बांगला देशच्या दोन फलंदाजांना गोलंदाजांनी तंबूत पाठवले. यामुळे बांगला देशने आज (दि.१) २ बाद २६ धावांवर खेळण्यास सुरूवात केली. उर्वरित १२० धावा करताना बांगला देशचे आठ फलंदाज बाद झाले. या डावात बांगला देशकडून शादमान इस्लामने सर्वाधिक ५० धावांची खेळी केली. यामध्ये १० चौकार लगावले.  त्याच्यासह  मोमिनुल हक (२), कर्णधार नजमुल शांतो (१९), मुशफिकुर रहीम (३७), लिटन दास (१), मेहदी हसन मिराज (९) यांचा समावेश आहे. शकील अल हसन आणि तैजुल इस्लाम यांना खातेही उघडता आले नाही. याआधी सोमवारी झाकीर हसन (१०) आणि हसन महमूद (२) तंबूत परतले. भारताकडून जसप्रीत बुमराह, आर. अश्विन आणि रवींद्र जडेजाने प्रत्येकी तीन बळी घेतले. तर आकाश दीपला एक विकेट मिळाली. बांगला देशचा दुसरा डाव १४६ धावांवर आटोपल्याने भारताला विजयासाठी केवळ ९५ धावांचे लक्ष्‍य मिळाले. (IND vs BAN 2nd Test)

कानपूरमध्ये मालिका विजय

बांगला देशचा दुसरा डाव १४६ धावांवर आटोपल्यामुळे टीम इंडियासमोर  विजयासाठी ९५ धावांचे लक्ष्य होते. या लक्ष्याचा पाठलाग करण्यासाठी उतरलेल्या भारतीय संघाला तिसऱ्याच षटकात पहिला झटका मिळाला. भारताचा कर्णधार रोहित शर्मा ८ धावांवर तंबूत परतला. यानंतर  ३४ धावांवर शुभमन गिलच्या (६) रूपात भारताला  दुसरा धक्‍का बसला. यानंतर यशस्‍वी आणि विराट यांनी डाव सावरत विजयाच्या दिशेने नेले. १६ व्‍या षटकात आक्रमक फटका मारण्याच्या  नादात जैस्‍वाल बाद झाला. त्‍याने ४५ चेंडूत ८ चौकार आणि १ षटकार फटकावत ५१ धावांची खेळी केली. विराट आणि यशस्‍वीची तिसर्‍या विकेटसाठी निर्णायक ५८ धावांची भागीदारी झाली. १८ व्‍या षटकात भारताने ९५ धावांचे लक्ष्‍य पूर्ण केले.   (IND vs BAN 2nd Test)

कानपूर कसोटीत रोहित सेनेचा विक्रम

कानपूर कसोटी टीम इंडियाने आक्रमक खेळीचे प्रदर्शन केले. वरूण राजाच्या फलंदाजीमुळे पहिल्या दिवशीचा खेळ  विस्कळीत झाला. तर दुसऱ्या आणि तिसऱ्या दिवसाचा खेळ पावसामुळे वाहून गेला. चौथ्या दिवशी खेळ सुरू झाला आणि बांगला देशला पराभूत करून भारताने शानदार फलंदाजी प्रदर्शन करत कसोटीत कोणत्याही संघाकडून सर्वात जलद ५०, १००, १५०,२०० आणि २५० धावा करण्याचा विश्‍व विक्रमही केला.

हेही वाचा :

0 comments
0 FacebookTwitterPinterestEmail
IND vs BAN T20 Series
ताज्या बातम्या

बांगलादेशविरुद्धच्या टी-20 मालिकेसाठी भारतीय संघ जाहीर

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : बांगला देशविरूध्द होणाऱ्या तीन सामन्यांच्या टी-20 सामन्यांच्या मालिकेसाठी शनिवारी (दि.२८) भारतीय निवड समितीने १५ सदस्यांचा संघ जाहीर केला. यामध्ये भारतीय संघाच्या कर्णधार पदाची धुरा सूर्यकुमार यादवकडे सोपवण्यात आली आहे. तर, वेगवान गोलंदाज मयांक यादव आणि फिरकी गोलंदाज वरुण चक्रवर्ती यांचे संघात पुनरागमन झाले आहे. बांगला देशविरूद्धच्या टी-20 मालिकेला 6 ऑक्टोबरपासून सुरुवात होणार आहे.  भारतीय निवड समितीने जाहीर केलेल्या संघात अभिषेक शर्माची सलमीवीर म्हणून निवड झाली आहे. त्याच्यासोबत संजू सॅमसनला सलामीला येण्याची संधी मिळेल अशी शक्यता आहे. तर मधल्या फळीची जबाबदारी कर्णधार सूर्यकुमार यादव, रिंकू सिंगही, नितिश कुमार रेड्डी, रियान पराग यांच्या खांद्यावर आहे. (IND vs BAN T20 Series)

हार्दिक अनुभवी अष्टपैलू खेळाडू

या मालिकेत हार्दिक पंड्याकडे सर्वात अनुभवी अष्टपैलू खेळाडू म्हणून पाहिले जात आहे. परंतु, हार्दिकला यावेळी शिवम दुबेकडून चांगलीच स्पर्धा आहे. त्याचबरोबर संघात वॉशिंग्टन सुंदरसारख्या अष्टपैलू खेळाडूला स्थान मिळाले आहे.

मयांक यादवला संधी

मयांक यादवने आयपीएलमधील वेगवान गोलंदाजीच्या सर्वांना प्रभावित केले होते. परंतु, दुखापतीमुळे तो बराच काळ मैदानाबाहेर होता. त्याने बंगळूरच्या एनसीएमध्ये उपचार घेतले. यानंतर प्रभावी कामगिरी करत भारतीय संघात स्थान मिळवले आहे.

वरुण चक्रवर्ती-जितेश शर्मा यांचे पुनरागमन

कोलकाता नाईट रायडर्सचा मिस्ट्री स्पिनर म्हणून समोर आलेला वरुण चक्रवर्तीला पुन्हा एकदा भारतीय संघात स्थान मिळाले आहे. गेल्या सीझनमध्ये कोलकातासाठी केलेल्या शानदार कामगिरीच्या जोरावर त्याने पुन्हा संधी मिळवली आहे. याचबरोबर जितेश शर्माचेही संघात पुनरागमन झाले आहे. दुसरा यष्टिरक्षक म्हणून त्याचा संघात समावेश करण्यात आला आहे. (IND vs BAN T20 Series )

मुख्य खेळाडूंना विश्रांती

बांगला देशविरुद्धच्या टी-20 मालिकेसाठी ऋषभ पंतला विश्रांती देण्यात आली आहे. भारताला आगामी काळात ऑस्ट्रेलिया आणि न्यूझीलंडविरुद्ध कसोटी मालिका खेळायची आहे. याचबरोबर यशस्वी जैस्वाल, शुभमन गिल, अक्षर पटेल, कुलदीप यादव, मोहम्मद सिराज आणि जसप्रीत बुमराह यांनाही विश्रांती दिली आहे. पुढील कसोटी सामने लक्षात घेता या खेळाडूंच्या वर्कलोड मॅनेजमेंटसाठी विश्रांती देण्यात आली आहे. याशिवाय इशान किशनला पुन्हा संधी मिळालेली नाही. त्याने अलीकडेच देशांतर्गत क्रिकेटमध्ये चांगली कामगिरी केली होती; तर रोहित शर्मा, विराट कोहली आणि रवींद्र जडेजा यांनी टी-20 प्रकारातून विश्रांती घेतली आहे.

बांगलादेशविरुद्धच्या टी-20 मालिकेसाठी भारतीय संघ :

सूर्यकुमार यादव (कर्णधार), अभिषेक शर्मा, संजू सॅमसन, रिंकू सिंह, हार्दिक पंड्या, रियान पराग, नितीश कुमार रेड्डी, शिवम दुबे, वॉशिंग्टन सुंदर, रवी बिश्नोई, वरुण चक्रवर्ती, जितेश शर्मा, अर्शदीप सिंग, हर्षित राणा आणि मयंक यादव.

हेही वाचा :

0 comments
0 FacebookTwitterPinterestEmail
Newer Posts
Older Posts
error: Content is protected !!