ताज्या बातम्या

वृत्तसंस्था : न्यूझीलंडचा वेगवान गोलंदाज टीम साऊथीने कसोटी क्रिकेटमधून निवृत्तीची घोषणा केली आहे. साऊथी घरच्या मैदानावर होणाऱ्या इंग्लंडविरूद्धच्या कसोटी मालिकेतून क्रिकेटमधून निवृत्ती घेणार आहे. (Tim Southee)

न्यूझीलंडचा दिग्गज वेगवान गोलंदाज टीम साऊथीने डिसेंबर महिन्यात सेडॉन पार्कवर होणाऱ्या इंग्लंडविरूद्धच्या मालिकेनंतर निवृत्ती घेणार असल्याची घोषणा केली आहे. याबाबत न्यूझीलंड क्रिकेट बोर्डाने (NZC) ने माहिती दिली आहे. परंतु, जर न्यूझीलंडचा संघ वर्ल्ड टेस्ट चॅम्पियनशिपच्या फायनलसाठी पात्र ठरला, तर तो पुढील वर्षी होणाऱ्या फायनलमध्ये न्यूझीलंड संघाचे प्रतिनिधित्व करणार आहे.

टीम साऊथीने आपल्या आंतरराष्ट्रीय कारकिर्दीत १०४ कसोटी सामन्यात ३८५ विकेट घेतल्या आहेत. न्यूझीलंडकडून कसोटीमध्ये सर्वाधिक विकेट घेणारा तो दुसरा गोलंदाज आहे. यासह त्याने वन-डे क्रिकेटमध्ये २२१ विकेट घेतल्या आहेत. तर टी-२० क्रिकेटमध्ये १६४ विकेट घेतल्या आहेत.
आपल्या कारकिर्दीबाबत बोलताना साऊथी सौदी म्हणाला, ‘न्यूझीलंडचे प्रतिनिधित्व करण्याचे लहानपणी स्वप्न पाहिले होते. १८ वर्षे न्यूझीलंड संघासाठी खेळणे हा सर्वात मोठा सन्मान आहे. पण, खेळापासून दूर जाण्याची ही योग्य वेळ आहे.

स्विंग गोलंदाजीसाठी ओळखल्या जाणाऱ्या साऊथी २००८ साली झालेल्या अंडर-१९ विश्वचषकात पहिल्यांदा आंतरराष्ट्रीय स्तरावर ओळख मिळाली. या स्पर्धेत त्याने १७ विकेट घेतल्या होत्या. न्यूझीलंड-भारत यांच्यातील तीन कसोटी सामन्यांमध्ये साऊथीने मोलाची भूमिका बजावली होती.
न्यूझीलंड क्रिकेटचे मुख्य कार्यकारी अधिकारी स्कॉट वेनिंक यांनी साऊथीचे आधुनिक न्यूझीलंड क्रिकेटचा एक दिग्गज खेळाडू म्हणून वर्णन केले होते, आणि त्याच्या १८ वर्षाच्या योगदानाचे कौतुक केले. पुढे ते म्हणाले की, साऊथी संघासाठी सातत्यपूर्ण कामगिरी करत आहे. तो महान खेळाडूंपैकी एक म्हणून स्मरणात राहील,’ (Tim Southee)

२०२१ साली झालेल्या वर्ल्ड टेस्ट चॅम्पियनशिप स्पर्धेत न्यूझीलंडला विजय बनवण्यास साऊथीने महत्वाची भूमिका बजावली होती. साऊथीचे कौतुक करताना न्यूझीलंडचे प्रशिक्षक गॅरी स्टीड म्हणाले की, साऊथी आमच्यासाठी महत्वाचा खेळाडू आहे. त्याने सातत्याने चांगली कामगिरी केली आहे. वर्ल्ड टेस्ट चॅम्पियनशिपच्या फायनलमध्ये पोहोचण्यासाठी न्यूझीलंडसाठी इंग्लंडविरुद्धची मालिका खूप महत्त्वाची आहे.

साऊथीची कारकिर्द

सौदीने १०४ कसोटीत ३८५ विकेट घेतल्या आहेत. ६४ धावांत सात बळी ही त्याची सर्वोत्तम कामगिरी आहे. कसोटी क्रिकेटमध्ये त्याने १५ वेळा एका डावात पाच विकेट्स घेतल्या आहेत. यात त्याची सरासरी २९.८९ होती. तर स्ट्राइक रेट ५९.९५ होता. याशिवाय त्याने १६१ एकदिवसीय सामन्यात २२१ विकेट्स आणि १२५ टी-२० मध्ये १६४ विकेट घेतल्या आहेत. सौदीने २००८ मध्ये मॅक्लीन पार्क येथे इंग्लंडविरुद्ध कसोटी पदार्पण केले होते. आता त्याच संघाविरुद्ध तो आपल्या कसोटी कारकिर्दीचा शेवट करणार आहे.

New Zealand seamer Tim Southee to retire from Tests after England series

Read @ANI Story | https://t.co/tKBtLPh0GW#TimSouthee #retirement #NewZealand #NZvENG #Tests pic.twitter.com/OjkFLeakqQ

— ANI Digital (@ani_digital) November 15, 2024

हेही वाचा :

• विकास कामांवरील चर्चेस कुठेही तयार : राजेश क्षीरसागर
• मुख्यमंत्र्यांच्या जिल्ह्यात महायुतीतील खदखद कोणाच्या पथ्यावर?
• बारा वर्षात मुश्रीफांनी फाईव्ह स्टार एमआयडीसीत एकही उद्योग आणला नाही : घाटगे