Thursday, August 13, 2026
Home » ताज्या बातम्या » Page 106
Category:

ताज्या बातम्या

jasprit bumrah file photo
ताज्या बातम्या

बुमबुम ‘बुमराह’, कसोटीतील नवा ‘बादशहा’

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : रविचंद्रन अश्विनला मागे सोडत जसप्रीत बुमराह जागतिक कसोटीतील अव्वल वेगवान गोलंदाज ठरला आहे. बांगलादेशविरुद्ध खेळल्या गेलेल्या दोन सामन्यांच्या कसोटी मालिकेतील शानदार कामगिरीच्या जोरावर आयसीसीच्या ताज्या कसोटी क्रमवारीत बुमराहने अव्वल स्थान पटकावले आहे. त्याचबरोबर युवा फलंदाज यशस्वी जैस्वाल आणि अनुभवी फलंदाज विराट कोहली यांनीही कसोटी क्रमवारीत झेप घेतली आहे. (Jasprit Bumrah)

कसोटी मालिकेत बुमराहचा ‘अचुक’ मारा

भारत आणि बांगलादेश यांच्यात झालेल्या दोन सामन्यांच्या कसोटी मालिकेत बुमराहने शानदार खेळी करत 11 बळी घेतले. या कामगिरीचा फायदा बुमराहला क्रमवारीत झाला आहे. सध्या जागतिक कसोटी क्रमवारीत बुमराह ८७० गुणांसह अव्वलस्थानी आहे. तर.  ८६९ गुणांसह अश्विन दुसऱ्या क्रमांकावर घसरला आहे.

दुसऱ्यांदा बुमराह क्रमवारीत अव्वलस्थानी

आपल्या कारकिर्दीत  बुमराह दुसऱ्यांदा कसोटी क्रमवारीत अव्वल स्थानी पोहोचला आहे. याआधी फेब्रुवारीमध्ये  इंग्लंडविरुद्धच्या मालिकेनंतर बुमराहने पहिले स्थान पटकावले होते. त्यांच्या आधी भारताचे दिग्गज खेळाडू कपिल देव कसोटी गोलंदाजांमध्ये अव्वल स्थान पटकवणारे एकमेव भारतीय गोलंदाज होते.

बांगला देशविरूद्ध झालेल्या कानपूर कसोटीत बुमराहने एकूण सात बळी घेतले,  तर अश्विनने पाच बळी घेतले. त्याचबरोबर बांगलादेशच्या मेहदी हसन मिराज चार स्थानांची प्रगती करत १८व्या स्थानावर पोहोचला आहे. तर, अनुभवी फिरकी गोलंदाज शकिब अल हसन २८व्या स्थानावर पोहोचला आहे. त्याला पाच स्थानांचा फायदा झाला आहे. (Jasprit Bumrah)

जयस्वाल तिसऱ्या क्रमांकावर

बांगलादेशविरुद्धच्या दोन सामन्यांच्या कसोटी मालिकेत सर्वाधिक धावा करणारा युवा फलंदाज यशस्वी जैस्वालने दोन स्थानांनी प्रगती करत तिसऱ्या क्रमांकावर पोहोचला आहे.  चार डावात त्याने ४७.२५ च्या सरासरीने १८९ धावा केल्या. यामध्ये त्याने तीन अर्धशतके झळकावली. फलंदाजांच्या कसोटी क्रमवारीत ज्यो रूट अव्वल तर केन विल्यमसन दुसऱ्या स्थानावर कायम आहे.

कानपूर कसोटीत कोहलीची मोलाची भूमिका

चेन्नई कसोटीत ६ आणि १७ धावांची इनिंग खेळून पॅव्हेलियनमध्ये परतल्यानंतर कोहली आयसीसी कसोटी क्रमवारीत पहिल्या १० मधून बाहेर पडला होता. तथापि, कानपूर कसोटीत पुनरागमन करताना, त्याने ४७  आणि २९* धावांची खेळी खेळून भारताच्या विजयात महत्त्वाची भूमिका बजावली. यासह तो ताज्या आयसीसी कसोटी क्रमवारीत सहाव्या स्थानावर आहे. आता त्याला ७२४ गुण मिळाले आहेत.

हेही वाचा :

0 comments
0 FacebookTwitterPinterestEmail
MS Dhoni
ताज्या बातम्या

चेन्नई सुपर किंग्जला मोठा धक्का, एमएस धोनी पुढच्या आयपीएल हंगामाला मुकणार?

by प्रतिनिधी
written by प्रतिनिधी

महाराष्ट्र दिनमान ऑनलाइन डेस्क : बीसीसीआयने आयपीएल २०२५ साठी रिटेंशन नियमांची घोषणा केली आहे. आयपीएलमधल्या सर्व फ्रँचाईजींना ३१ ऑक्टोबरपर्यंत रिटेन खेळाडूंची यादी आयपीएल गव्हर्निंग काऊंसीलकडे सोपवायची आहे. पण बीसीसीआयचा एक नियम चेन्नई सुपर किंग्ससाठी महत्त्वपूर्ण ठरणार आहे. बीसीसीआयने एक जुना नियम पुन्हा लागू केला आहे. याचा फायदा चेन्नई संघाला होऊ शकतो. (MS Dhoni)

आयपीएलचा खास नियम

बीसीसीआयच्या नियमानुसार एखादा खेळाडू गेल्या पाच वर्षात भारतासाठी एकही सामना खेळला नसेल तर त्याला अनकॅप्ड खेळाडू मानलं जाईल. अशात त्या खेळाडूची किंमत कमी होईल आणि फ्रँचाईजच्या पैशात बचत होऊ शकते. हा नियम चेन्नई सुपरकिंग्सचा माजी कर्णधार महेंद्रसिंग धोनीवर लागू होऊ शकतो. एमएस धोनीने १५ ऑगस्ट २०२० मध्ये आंतरराष्ट्रीय क्रिकेटमधून निवृत्ती जाहीर केली. जुलै २०१९ मध्ये तो आपला शेवटचा आंतरराष्ट्रीय सामना खेळला होता. (MS Dhoni)

धोनीला लागू होतो नियम

बीसीसीआयच्या या नियमानुसार चेन्नई सुपर किंग्स अवघ्या 4 कोटी रुपयात एमएस धोनीला आपल्या संघात घेऊ शकते. धोनी आयपीएलमध्ये फारतर पुढचा आणखी एक हंगाम खेळण्याची शक्यता आहे. अशात स्वत: धोनीला संघाने आपल्यावर जास्त पैसे खर्च असं वाटू शकतं. पण एक मात्र नक्की की हा नियम लागू झाल्याने धोनी आयपीएलचा पुढचा हंगाम खेळण्याची शक्यता वाढली आहे. पण चेन्नईचे सीईओ काशी विश्वनाथन यांच्या एका वक्तव्याने चाहत्यांना हैराण केलं आहे. टाईम ऑफ इंडियाला दिलेल्या एका मुलाखतीती चेन्नईचे सीईओ काशी विश्वनाथन यांनी ‘ या नियमाचा वापर धोनीसाठी करण्याबाबत विचार केला नसल्याचं’ म्हटलं आहे. यावर बोलणं आता खूप घाईचं होईल, आम्ही धोनी बरोबर अद्याप चर्चा केलेली नाही. धोनी अमेरिकेत होता, येणाऱ्या काही दिवसात धोनीबरोबर चर्चा होण्याची शक्यता आहे. त्यानंतर सर्व चित्र स्पष्ट होईल. सध्या तरी आम्हाला इतकाच आशावाद आहे की धोनी पुढचा हंगाम खेळेल. पण सर्वस्वी त्याचा निर्णय असेल’ असंही विश्वनाथान यांनी म्हटलं आहे.

आयपीएलचा नियम काय सांगतो?

आयपीएलच्या नियमानुसार गेल्या पाच वर्षात खेळाडू एकही आंतरराष्ट्रीय म्हणजे कसोटी, एकदिवसीय किंवा टी २० सामना खेळला नसेल किंवा बीसीसीआयच्या सेंट्रल कॉन्ट्रॅक्टचा भाग नसेल तर तो खेळाड अनकॅप्ड ठरतो. भारतीय खेळाडूंनाही हा नियम लागू होतो.

हेही वाचा :

0 comments
0 FacebookTwitterPinterestEmail
Kho Kho World Cup File Photo
ताज्या बातम्या

भारतात होणार पहिला खो खो विश्वचषक

by प्रतिनिधी
written by प्रतिनिधी

महाराष्ट्र दिनमान ऑनलाइन डेस्क : भारतीय खो खो फेडरेशन (KKFI) आंतरराष्ट्रीय खो खो फेडरेशनच्या सहकार्याने २०२५ मध्ये भारतात पहिलावहिला खो खो विश्वचषक खेळवणार आहे. हा विश्वचषक समृद्ध सांस्कृतिक वारसा आणि खेळाची स्पर्धात्मक भावना अधोरेखित करेल. (Kho Kho World Cup)

खो खो हा खेळ मूळचा भारताचा आहे. देशी पद्धतीने चिखलात सुरू झालेला आणि आता मॅटवर गेला आहे.जगभरातील  ५४ देशात हा खेळ खेळला जातो. भारतीय खो-खो फेडरेशनने या खेळाला प्रोत्साहन देण्यासाठी १० शहरांमधील २०० उच्चभ्रू शाळांमध्ये या खेळाला नेण्याची योजना आखत आहे. किमान ५० लाख खेळाडूंची नोंदणी करण्याच्या उद्देशाने फेडरेशन शालेय विद्यार्थ्यांसाठी सदस्यत्व मोहीम राबवणार आहे.

भारतीय खो खो फेडरेशनचे अध्यक्ष श्री सुधांशू मित्तल म्हणाले की, “पहिल्या खो-खो विश्वचषकाचे यजमानपदासाठी आम्ही खूप उत्सुक आहोत. ही स्पर्धा केवळ स्पर्धेचे उदाहरण म्हणून काम करणार नाही तर देशांना एकत्र आणेल, सांस्कृतिक देवाणघेवाण वाढवेल आणि खो-खोचे सौंदर्य आणि तीव्रता जगाला दाखवेल. २०३२ पर्यंत खो-खो ला ऑलिम्पिक खेळ म्हणून मान्यता मिळणे हे आमचे अंतिम ध्येय आहे आणि हा विश्वचषक त्या स्वप्नाच्या दिशेने पहिले पाऊल आहे.

Kho Kho World Cup : खेळाडूंना मिळणार मोठं व्यासपीठ

खो-खो विश्वचषकाचे उद्दिष्ट देशी भारतीय खेळाला आंतरराष्ट्रीय स्तरावर नेण्याचे आहे.जगभरातील अव्वल दर्जाच्या खेळाडूंना त्यांचे कौशल्य, चपळता आणि सांघिक कार्य दाखवण्यासाठी मोठी संधी मिळणार आहे. आठवडाभर सामन्यांची मालिका असेल. या ऐतिहासिक स्पर्धेचे आयोजन करून भारतीय खो खो फेडरेशन २०३२ पर्यंत ऑलिम्पिक खेळांमध्ये खो-खोचे स्थान सुरक्षित करण्याची आकांक्षा बाळगते. हा या खेळासाठी एक इतिहासातील एक महत्त्वाचा टप्पा असेल. (Kho Kho World Cup)

खो खो फेडरेशन ऑफ इंडिया बद्दल

खो-खो फेडरेशन ऑफ इंडिया (KKFI) ही भारतातील खो-खो ची राष्ट्रीय प्रशासकीय संस्था आहे. या संस्थेचे श्री सुधांशू मित्तल हे संस्थेचे अध्यक्ष आहेत. सर्व राज्य संघटना राष्ट्रीय फेडरेशनशी संलग्न आहेत जे दरवर्षी पुरुष, महिला आणि कनिष्ठ वर्गांसाठी राष्ट्रीय अजिंक्यपद स्पर्धा आयोजित करतात.

हेही वाचा :

0 comments
0 FacebookTwitterPinterestEmail
WTC
ताज्या बातम्या

WTC गुणतालिकेतील भारताचे अव्वल स्थान भक्कम

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : चेन्नई आणि कानपूर कसोटीत दमदार कामगिरी करत टीम इंडियाने दोन सामन्यांच्या मालिकेत बांगला देशचा २-० ने पराभव करत मालिका खिशात घातली. सध्या बांगला देश संघ भारताच्या दौऱ्यावर आहे. कानपूर कसोटीत विजय मिळवत टीम इंडियाने वर्ल्ड टेस्ट चॅम्पियनशीपमधील (WTC) आपले अव्वल स्थान अधिक भक्कम केले आहे.

कानपूर कसोटीतील विजयानंतर टीम इंडियाच्या विजयाची टक्केवारी ७४.२४  झाली आहे. या सामन्यापूर्वी बांगलादेश गुणतालिकेत पाचव्या स्थानावर होता. परंतु, सलग दोन सामन्यातील पराभवामुळे बांगला देशची सातव्या स्थानावर घसरण झाली आहे. वर्ल्ड टेस्ट चॅम्पियनशिप (WTC) 2025च्या गुणतालिकेत ६२.५० टक्केवारीसह ऑस्ट्रेलिया दुसऱ्या स्थानावर आहे. तर, ५५.५६ टक्केवारीसह लंकन संघ तिसऱ्या क्रमांकावर आहे. कसोटीत बॅझ बॉल खेळी आणणारा इंग्लंड  इंग्लंडचा संघ चौथ्या क्रमांकावर आहे, ज्यांची विजयाची टक्केवारी ४२.१९ आहे. (WTC)

ICC WTC गुणतालिकेत भारत अव्वल

कानपूर कसोटी जिंकून भारतीय संघ आयसीसी वर्ल्ड टेस्ट चॅम्पियनशिपच्या फायनलसाठी पात्र होण्याच्या उंबरठ्यावर पोहोचला आहे. टीम इंडियाने ११ सामन्यांत ८वा विजय मिळवून गुणतालिकेत अव्वल स्थान कायम ठेवले आहे. भारताची या पुढची मालिका न्यूझीलंडविरुद्ध आहे. ३ सामन्यांची ही मालिका देखील भारतीय भूमीत खेळवली जाणार आहे. त्यानंतर रोहितसेना ऑस्ट्रेलिया दौऱ्यावर बॉर्डर-गावस्कर मालिका खेळायला जाईल. ५ सामन्यांच्या या मालिकेची चाहते आतुरतेने वाट पाहत आहेत.

हेही वाचा :

0 comments
0 FacebookTwitterPinterestEmail
IND vs BAN 2nd Test
ताज्या बातम्या

रोहित सेनेचा डंका; कानपूर कसोटीत ७ विकेट राखून विजय  

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : भारताने कानपूर कसोटीत (IND vs BAN 2nd Test) बांगलादेशचा सात गडी राखून पराभव करत दोन सामन्यांची कसोटी मालिका २-० अशी जिंकली. टीम इंडियासमोर ९५ धावांचे लक्ष्य होते, हे आव्हान रोहित सेनेने तीन गडी गमावून पूर्ण केले. बांगला देशने दिलेल्या आव्हानाचा पाठलाग करताना ऋषभ पंत ४ तर, विराट कोहली २९ धावांवर नाबाद राहिला. रोहित शर्मा ८, शुभमन गिल ६ आणि यशस्वी जैस्वाल ५१ धावा करून बाद झाला. विराट आणि यशस्वी यांच्यात तिसऱ्या विकेटसाठी ५८ धावांची भागीदारी झाली. बांगलादेशकडून मेहदी हसन मिराजने दोन, तर तैजुल इस्लामला एक विकेट मिळाली. यशस्वीने आपल्या अर्ध शतकी खेळीत आठ चौकार आणि एक षटकार लगावला.

कानपूर कसोटीत वरूण राजाने केलेल्या दमदार फलंदाजीमुळे पहिल्या दिवशी फक्त ३५ षटकांचा खेळ झाला. यानंतर सामन्यातील दुसरा आणि तिसरा दिवस पावसामुळे वाहून गेला. यानंतर झालेल्या खेळात भारतीय गोलंदाजांनी तिखट मारा करत बांगला देशचा पहिला  डाव २३३ धावांवर गुंडाळला. यानंतर भारतीय संघाने ९ फलंदाज गमावून २८५ धावा करून डाव घोषित केला. यामुळे टीम इंडियाकडे ५२ धावांची आघाडी होती. यानंतर फलंदाजीसाठी आलेल्या बांगला देशच्या दोन फलंदाजांना गोलंदाजांनी तंबूत पाठवले. यामुळे बांगला देशने आज (दि.१) २ बाद २६ धावांवर खेळण्यास सुरूवात केली. उर्वरित १२० धावा करताना बांगला देशचे आठ फलंदाज बाद झाले. या डावात बांगला देशकडून शादमान इस्लामने सर्वाधिक ५० धावांची खेळी केली. यामध्ये १० चौकार लगावले.  त्याच्यासह  मोमिनुल हक (२), कर्णधार नजमुल शांतो (१९), मुशफिकुर रहीम (३७), लिटन दास (१), मेहदी हसन मिराज (९) यांचा समावेश आहे. शकील अल हसन आणि तैजुल इस्लाम यांना खातेही उघडता आले नाही. याआधी सोमवारी झाकीर हसन (१०) आणि हसन महमूद (२) तंबूत परतले. भारताकडून जसप्रीत बुमराह, आर. अश्विन आणि रवींद्र जडेजाने प्रत्येकी तीन बळी घेतले. तर आकाश दीपला एक विकेट मिळाली. बांगला देशचा दुसरा डाव १४६ धावांवर आटोपल्याने भारताला विजयासाठी केवळ ९५ धावांचे लक्ष्‍य मिळाले. (IND vs BAN 2nd Test)

कानपूरमध्ये मालिका विजय

बांगला देशचा दुसरा डाव १४६ धावांवर आटोपल्यामुळे टीम इंडियासमोर  विजयासाठी ९५ धावांचे लक्ष्य होते. या लक्ष्याचा पाठलाग करण्यासाठी उतरलेल्या भारतीय संघाला तिसऱ्याच षटकात पहिला झटका मिळाला. भारताचा कर्णधार रोहित शर्मा ८ धावांवर तंबूत परतला. यानंतर  ३४ धावांवर शुभमन गिलच्या (६) रूपात भारताला  दुसरा धक्‍का बसला. यानंतर यशस्‍वी आणि विराट यांनी डाव सावरत विजयाच्या दिशेने नेले. १६ व्‍या षटकात आक्रमक फटका मारण्याच्या  नादात जैस्‍वाल बाद झाला. त्‍याने ४५ चेंडूत ८ चौकार आणि १ षटकार फटकावत ५१ धावांची खेळी केली. विराट आणि यशस्‍वीची तिसर्‍या विकेटसाठी निर्णायक ५८ धावांची भागीदारी झाली. १८ व्‍या षटकात भारताने ९५ धावांचे लक्ष्‍य पूर्ण केले.   (IND vs BAN 2nd Test)

कानपूर कसोटीत रोहित सेनेचा विक्रम

कानपूर कसोटी टीम इंडियाने आक्रमक खेळीचे प्रदर्शन केले. वरूण राजाच्या फलंदाजीमुळे पहिल्या दिवशीचा खेळ  विस्कळीत झाला. तर दुसऱ्या आणि तिसऱ्या दिवसाचा खेळ पावसामुळे वाहून गेला. चौथ्या दिवशी खेळ सुरू झाला आणि बांगला देशला पराभूत करून भारताने शानदार फलंदाजी प्रदर्शन करत कसोटीत कोणत्याही संघाकडून सर्वात जलद ५०, १००, १५०,२०० आणि २५० धावा करण्याचा विश्‍व विक्रमही केला.

हेही वाचा :

0 comments
0 FacebookTwitterPinterestEmail
IND vs BAN T20 Series
ताज्या बातम्या

बांगलादेशविरुद्धच्या टी-20 मालिकेसाठी भारतीय संघ जाहीर

by प्रतिनिधी
written by प्रतिनिधी

महाराष्ट्र दिनमान ऑनलाईन डेस्क : बांगला देशविरूध्द होणाऱ्या तीन सामन्यांच्या टी-20 सामन्यांच्या मालिकेसाठी शनिवारी (दि.२८) भारतीय निवड समितीने १५ सदस्यांचा संघ जाहीर केला. यामध्ये भारतीय संघाच्या कर्णधार पदाची धुरा सूर्यकुमार यादवकडे सोपवण्यात आली आहे. तर, वेगवान गोलंदाज मयांक यादव आणि फिरकी गोलंदाज वरुण चक्रवर्ती यांचे संघात पुनरागमन झाले आहे. बांगला देशविरूद्धच्या टी-20 मालिकेला 6 ऑक्टोबरपासून सुरुवात होणार आहे.  भारतीय निवड समितीने जाहीर केलेल्या संघात अभिषेक शर्माची सलमीवीर म्हणून निवड झाली आहे. त्याच्यासोबत संजू सॅमसनला सलामीला येण्याची संधी मिळेल अशी शक्यता आहे. तर मधल्या फळीची जबाबदारी कर्णधार सूर्यकुमार यादव, रिंकू सिंगही, नितिश कुमार रेड्डी, रियान पराग यांच्या खांद्यावर आहे. (IND vs BAN T20 Series)

हार्दिक अनुभवी अष्टपैलू खेळाडू

या मालिकेत हार्दिक पंड्याकडे सर्वात अनुभवी अष्टपैलू खेळाडू म्हणून पाहिले जात आहे. परंतु, हार्दिकला यावेळी शिवम दुबेकडून चांगलीच स्पर्धा आहे. त्याचबरोबर संघात वॉशिंग्टन सुंदरसारख्या अष्टपैलू खेळाडूला स्थान मिळाले आहे.

मयांक यादवला संधी

मयांक यादवने आयपीएलमधील वेगवान गोलंदाजीच्या सर्वांना प्रभावित केले होते. परंतु, दुखापतीमुळे तो बराच काळ मैदानाबाहेर होता. त्याने बंगळूरच्या एनसीएमध्ये उपचार घेतले. यानंतर प्रभावी कामगिरी करत भारतीय संघात स्थान मिळवले आहे.

वरुण चक्रवर्ती-जितेश शर्मा यांचे पुनरागमन

कोलकाता नाईट रायडर्सचा मिस्ट्री स्पिनर म्हणून समोर आलेला वरुण चक्रवर्तीला पुन्हा एकदा भारतीय संघात स्थान मिळाले आहे. गेल्या सीझनमध्ये कोलकातासाठी केलेल्या शानदार कामगिरीच्या जोरावर त्याने पुन्हा संधी मिळवली आहे. याचबरोबर जितेश शर्माचेही संघात पुनरागमन झाले आहे. दुसरा यष्टिरक्षक म्हणून त्याचा संघात समावेश करण्यात आला आहे. (IND vs BAN T20 Series )

मुख्य खेळाडूंना विश्रांती

बांगला देशविरुद्धच्या टी-20 मालिकेसाठी ऋषभ पंतला विश्रांती देण्यात आली आहे. भारताला आगामी काळात ऑस्ट्रेलिया आणि न्यूझीलंडविरुद्ध कसोटी मालिका खेळायची आहे. याचबरोबर यशस्वी जैस्वाल, शुभमन गिल, अक्षर पटेल, कुलदीप यादव, मोहम्मद सिराज आणि जसप्रीत बुमराह यांनाही विश्रांती दिली आहे. पुढील कसोटी सामने लक्षात घेता या खेळाडूंच्या वर्कलोड मॅनेजमेंटसाठी विश्रांती देण्यात आली आहे. याशिवाय इशान किशनला पुन्हा संधी मिळालेली नाही. त्याने अलीकडेच देशांतर्गत क्रिकेटमध्ये चांगली कामगिरी केली होती; तर रोहित शर्मा, विराट कोहली आणि रवींद्र जडेजा यांनी टी-20 प्रकारातून विश्रांती घेतली आहे.

बांगलादेशविरुद्धच्या टी-20 मालिकेसाठी भारतीय संघ :

सूर्यकुमार यादव (कर्णधार), अभिषेक शर्मा, संजू सॅमसन, रिंकू सिंह, हार्दिक पंड्या, रियान पराग, नितीश कुमार रेड्डी, शिवम दुबे, वॉशिंग्टन सुंदर, रवी बिश्नोई, वरुण चक्रवर्ती, जितेश शर्मा, अर्शदीप सिंग, हर्षित राणा आणि मयंक यादव.

हेही वाचा :

0 comments
0 FacebookTwitterPinterestEmail
ताज्या बातम्या

जडेजाचे शतक हुकले, बुमराहचा ‘चौकार’; भारताची मजबूत पकड

by प्रतिनिधी
written by प्रतिनिधी

चेन्नई : भारत -बांगलादेश कसोटी सामन्याच्या दुसऱ्या दिवशी (शुक्रवारी) खेळ संपेपर्यंत भारताने दुसऱ्या डावात तीन गडी गमावून ८१ धावा केल्या. शुभमन गिल ३३ आणि ऋषभ पंत १२ धावांवर खेळत आहेत. भारताने पहिल्या डावात ३७६ धावा केल्या असून भारताची एकूण आघाडी ३०८ धावांची झाली आहे. बांगलादेशचा संघ पहिल्या डावात १४९ धावांत गारद झाला. त्यामुळे भारताला पहिल्या डावात २२७धावांची आघाडी मिळाली. दुसऱ्या डावात तिसऱ्या षटकात भारताला पहिला धक्का बसला. कर्णधार रोहित शर्मा वेगवान गोलंदाज तस्किन अहमदच्या चेंडूवर झाकीर हसनकरवी झेलबाद झाला. रोहितने ५ धावा केल्या. यानंतर वेगवान गोलंदाज नाहिद राणाच्या चेंडूवर यशस्वी जैस्वाल यष्टिरक्षक लिटन दासकरवी झेलबाद झाली. त्यानंतर भारताने ६७ धावांवर विराट कोहलीची विकेटही गमावली. फिरकी गोलंदाज मेहदी हसन मिराजच्या चेंडूवर कोहली एलबीडब्ल्यू आऊट झाला. कोहलीने ३७ चेंडूंचा सामना करत १७ धावा केल्या, ज्यात दोन चौकारांचा समावेश होता. यानंतर पंत आणि शुभमन यांनी सावध खेळी करत धावफलक हलता ठेवला.

बांगला देशचा पहिला डाव

भारताने दिलेल्या आव्हानाचा पाठलाग करताना बांगलादेशचे सर्व फलंदाज १४९ धावांतच बाद झाले. फलंदाजीमध्ये शाकिब अल हसनने सर्वाधिक ३२ धावा केल्या. तर भारताकडून जसप्रीत बुमराहने सर्वाधिक चार विकेट घेतल्या. बुमराहशिवाय आकाश दीप, रवींद्र जडेजा, मोहम्मद सिराज यांनी प्रत्येकी दोन बळी घेतले. बांगलादेशची पहिल्या डावात खराब सुरुवात झाली. अवघ्या ४० धावांत त्यांच्या ५ फलंदाजांनी भारतीय गोलंदाजीसमोर नांग्या टाकल्या. बांगलादेशला डावाच्या पहिल्याच षटकात जसप्रीत बुमराहने झटका दिला. शदमान इस्लामला (१२) बुमराहने क्लीन बोल्ड केले. यानंतर आकाश दीपने चेंडूसोबत जादू दाखवत लागोपाठ दोन चेंडूंवर झाकीर हसन (३) आणि मोमिनुल हक (२) यांना क्लीन बोल्ड केले. बांगलादेशचा कर्णधार नझमुल हुसेन शांतो (२०) मोहम्मद सिराजच्या चेंडूवर विराट कोहलीकरवी स्लिपमध्ये बाद झाला. यानंतर काही वेळातच अनुभवी मुशफिकुर रहमानने (८) बुमराहच्या चेंडूवर केएल राहुलकडे झेल दिला. अशा प्रकारे बांगलादेशी संघाची धावसंख्या 40/5 झाली.
यानंतर शाकिब अल हसन आणि लिटन दास (२२) यांनी ५१ धावांची भागीदारी केली. जडेजाच्या चेंडूवर लिटन दासला बदली खेळाडू ध्रुव जुरेलने झेलबाद केले. त्याच्या पुढच्याच षटकात जडेजाने शकीबला (३२) पंतकरवी झेलबाद केले. बुमराहने हसन महमूद (९) आणि तस्किन अहमदला आपला बळी बनवले. नाहिद राणाच्या (११) रूपात सिराजने बांगला देशची शेवटची विकेट घेतली.

भारताचा पहिला डाव

नाणेफेक गमावून प्रथम फलंदाजीला आलेल्या भारताकडून रविचंद्रन अश्विन (११३) आणि रवींद्र जडेजा (८६) यांनी शानदार फलंदाजी केली. तर बांगलादेशकडून चोवीस वर्षीय हसन महमूदने सर्वाधिक पाच बळी घेतले. चेन्नई कसोटीच्या पहिल्या दिवशी भारतीय डावाची सुरुवात अत्यंत खराब झाली. भारताच्या तीन विकेट 34 धावांवर पडल्या. रोहित (६), गिल (0), कोहली (६) या तिन्ही आघाडीच्या फलंजादांना हसन महमूदने बाद केले. ऋषभ पंत (३९) लयीत दिसत होता, पण तोही हसन महमूदचा बळी ठरला. यशस्वी जैस्वाल एका बाजूने लढत होता. अखेर तोही ५६ धावांची खेळी करून बाद झाला. त्याला नाहिद हुसेनने शादमान इस्लामकरवी झेलबाद केले. केएल राहुल ५२ चेंडूत १६ धावा करून तंबूत परतला. यानंतर रविचंद्रन अश्विन आणि रवींद्र जडेजा यांनी भारतीय डावाची सुत्रे आपल्या हाती घेत विक्रमी कामगिरी केली.

सामन्याच्या दुसऱ्या दिवशी रवींद्र जडेजाने आपला डाव ८६ धावांच्या पुढे खेळण्यास सुरूवात केली परंतु, त्याला शतक झळकवता आले नाही. तो तस्किन अहमदच्या चेंडूवर लिटन दासकरवी झेलबाद झाला. जडेजा बाद झाल्यावर टीम इंडियाची धावसंख्या ३४३/७ अशी होती. जडेजा आणि अश्विन यांनी सातव्या विकेटसाठी १९९ धावांची भागीदारी रचली. जडेजानंतर आकाशदीप फलंदाजीला आला, काही आकर्षक शॉट्स खेळून तो १७ धावांवर बाद झाला. त्याला तस्किन अहमदने शांतोकरवी झेलबाद केले. आकाशदीप बाद झाल्यावर भारतीय संघाची धावसंख्या ३६७/८ अशी झाली. यानंतर अश्विन (११३) धावांवर बाद झाला आणि पाठोपाठ जसप्रीत बुमराहही (७) तंबूत परतला. अशाप्रकारे भारतीय संघाच्या धावफलकावर ३७६ धावा झळकल्या. गोलंदाजीमध्ये बांगला देशच्या हसन महमूदच्या पाच बळींसह तस्कीन अहमदने तीन बळी घेतले. तर मेहदी हसन मिराज आणि नाहिद राणा यांना प्रत्येकी एक बळी घेतला. भारतीय भूमीवर कसोटी क्रिकेटमध्ये पाच बळी घेणारा हसन महमूद बांगलादेशचा पहिला गोलंदाज ठरला.

0 comments
0 FacebookTwitterPinterestEmail
ताज्या बातम्या

भारताची तन्वी पत्री आशियाई बॅडमिंटन विजेती

by प्रतिनिधी
written by प्रतिनिधी

नवी दिल्ली 

चीनमधील चेंग्दू येथे झालेल्या अंतिम सामन्यात व्हिएतनामच्या थी थू हुयेन गुयेनला सरळ गेममध्ये नमवीत भारताच्या तन्वी पत्री हिने आशियाई अजिंक्यपद बॅडमिंटन स्पर्धेत मुलींच्या १५ वर्षांखालील गटाचे अजिंक्यपद मिळवले. भारताने या स्पर्धेत एक सुवर्ण व एक कांस्यपदकाची कमाई केली. जी. दत्तूने १७ वर्षांखालील मुलांच्या गटात कांस्यपदक मिळवले.  चौतीस मिनिटे चाललेल्या सामन्यात अग्रमानांकित तन्वीने दुसऱ्या मानांकित गुयेनवर २२-२०, २१-११ असा विजय नोंदवला. तन्वीच्या या कामगिरीनंतर तिचा सामिया इमाद फारुकी व तस्नीम मीर यांच्या यादीत समावेश झाला आहे. फारुकी व मीर यांनी २०१७ व २०१९ मध्ये १५ वर्षांखालील मुलींच्या गटाचे जेतेपद मिळवले होते.

तन्वी अंतिम सामन्यातील पहिल्या गेममध्ये ११-१७ अशी पिछाडीवर होती. मात्र व्हिएतनामच्या खेळाडूच्या चुकीचा फायदा उठवत तिने पहिला गेम जिंकला. दुसऱ्या गेममध्ये तिने आपल्या प्रतिस्पर्धी खेळाडूला कोणतीही संधी दिली नाही आणि गेमसह सामन्यात विजय नोंदवला. तन्वीचे आई-वडील रबीनारायण पत्री व शैलबाला पांडा हे सॉफ्टवेयर इंजिनीयर आहेत. ते पूर्वी चीनमध्ये काम करीत होते. तेथेच तन्वीने बॅडमिंटन खेळण्यास सुरुवात केली. करोनादरम्यान ते सर्व जण भारतात परतले.

0 comments
0 FacebookTwitterPinterestEmail
ताज्या बातम्या

बांगलादेशचा पाकिस्तानवर ऐतिहासिक विजय

by प्रतिनिधी
written by प्रतिनिधी

रावळपिंडी

पहिल्या कसोटी सामन्यात पाकिस्तानचा दहा गडी राखून पराभव करून बांगलादेशने क्रिकेट इतिहासात ऐतिहासिक कामगिरी नोंदवली. दुसऱ्या डावात १४६ धावांवर पाकिस्तानचा संघ आटोपल्यानंतर बांगलादेशला विजयासाठी फक्त तीस धावांचे आव्हान मिळाले. बांगलादेशने अखेरच्या दिवशी चहापानाआधीच ६.३ षटकांत बिनबाद तीस धावा करून पाकिस्तानविरुद्ध पहिल्या विजयाची नोंद केली. बांगलादेशचा पाकिस्तानविरुद्ध चौदा कसोटी सामन्यांतील हा पहिलाच विजय आहे.

बांगलादेशच्या वेगवान गोलंदाजांनी पाकिस्तानच्या फलंदाजांना एकापाठोपाठ तंबूत पाठवले. फिरकीपटू मेहदी हसन मिराज (४/२१) आणि शाकिब अल हसन (३/४४) यांनी पाकिस्तानच्या सात फलंदाजांना बाद केले. पाकिस्तान संघाने आपला पहिला डाव ६ बाद ४४८ धावांवर घोषित केला होता. त्यानंतर बांगलादेशने पहिल्या डावात ५६५ धावा करत ११७ धावांची आघाडी घेतली होती.

सामन्याच्या शेवटच्या दिवशी आपल्या दुसऱ्या डावात एक बाद २३ धावांवरून पुढे खेळण्यास सुरुवात करणा-या पाकिस्तानचे फलंदाच ठराविक अंतराने बाद होत राहिले. पहिल्या डावात १७१ धावांचा डोंगर उभारणा-या मोहम्मद रिझवाननेच दुसऱ्या डावातही सर्वाधिक ५१ धावा केल्या. मात्र अन्य फलंदाजांची साथ त्याला मिळाली नाही. रिझवानसह पाकिस्तानच्या अब्दुल्ला शफीक (३७), बाबर आझम (२२) व कर्णधार शान मसूद (१४) या फलंदाजांनी खेळपट्टीवर थोडाफार तग धरला. मिराज व शाकिबशिवाय बांगलादेशकडून वेगवान गोलंदाज शोरफुल इस्लाम, हसन महमूद आणि नाहिद राणा यांनी प्रत्येकी एक गडी बादकेला. पाकिस्तानने २०२१ मध्ये रावळपिंडी येथे दक्षिण आफ्रिकेला पराभूत केले होते, त्यानंतर घरच्या मैदानावर कोणताही कसोटी सामना जिंकलेला नाही.

0 comments
0 FacebookTwitterPinterestEmail
Newer Posts
Older Posts
error: Content is protected !!