Category:

ताज्या बातम्या

पुणे कसोटीवर न्यूझीलंडची मजबूत पकड

by प्रतिनिधी October 25, 2024

written by प्रतिनिधी

पुणे : भारत आणि न्यूझीलंड यांच्यातील तीन सामन्यांच्या कसोटी मालिकेतील दुसरा सामना पुण्यातील महाराष्ट्र क्रिकेट असोसिएशन स्टेडियमवर सुरू आहे. कसोटीच्या दुसऱ्या दिवशी न्यूझीलंडने दुसऱ्या डावात ५ विकेट गमावून १९८ धावा केल्या. टॉम ब्लंडेल ३० तर ग्लेन फिलिप्स ९ धावांवर नाबाद आहेत. सामन्यात न्यूझीलंडने ३०१ धावांची आघाडी घेतली आहे. (IND vs NZ)

पहिल्या डावात मिचेल सॅटनरच्या गोलंदाजीमुळे भारतीय संघ पत्त्याच्या घरासारखा कोसळला. सँटनरने ५३ धावांत ७ बळी घेतले. डावाच्या तिसऱ्याच षटकात टीम साऊदीच्या गोलंदाजीवर कर्णधार रोहित शर्माची विकेट गमावली. रोहितने ९ चेंडूंचा सामना केला यात त्याला खातेही उघडता आले नाही.
यानंतर शुभमन गिल आणि यशस्वी जैस्वाल यांनी दुसऱ्या दिवशी दमदार सुरुवात केली. भारतीय संघाला ५० धावांवर शुभमन गिलच्या रूपाने दुसरा धक्का बसला, गिलला (३०) मिचेल सॅटनरने एलबीडब्ल्यू केले. यानंतर विराट कोहली अवघी एक धावकरून तंबूत परतला.

यानंतर यशस्वी जैस्वाल ३० धावांवर ग्लेन फिलिप्सच्या चेंडूवर डॅरिल मिशेलकडे झेलबाद झाला. जैस्वाल बाद झाल्यानंतर ऋषभ पंतला (१८) ग्लेन फिलिप्सने क्लीन बोल्ड केले. पंत बाद झाला तेव्हा भारतीय संघाची धावसंख्या ८३/५ होती. यानंतर काही वेळातच सँटनरच्या चेंडूवर आक्रमक शॉट खेळण्याचा प्रयत्न करताना सर्फराज खान (११) झेलबाद झाला. यानंतर अश्विन बाद झाला. यावेळी भारतीय संघाची धावसंख्या १०३/७ होती. यानंतर रवींद्र जडेजाने संघर्ष केला. पण, तो ३८ धावाकरून बाद झाला. आकाश दीप (६) आणि बुमराह (०) हेही सॅन्टनरचे बळी ठरले. वॉशिंग्टन सुंदर १८ धावांवर नाबाद राहिला. (IND vs NZ)

न्यूझीलंडने दुसऱ्या डावाची संथ गतीने केली. ३६ धावांवर डेव्हॉन कॉनवेच्या (१७) रूपात न्यूझीलंडचा पहिला फलंदाज बाद झाला. वॉशिंग्टन सुंदरने त्याला बाद केले. ७८ धावांवर अश्विनने विल यंगला (२३) बाद करत न्यूझीलंडला दुसरा झटका दिला. त्यानंतर सुंदरने रचिन रवींद्रला (९) बोल्ड केले. रवींद्र बाद झाला तेव्हा न्यूझीलंडची धावसंख्या ८९/३ अशी होती. यानंतर सुंदरने डॅरिल मिशेल (१८) यालाही बाद केले.

यानंतर कर्णधार टॉम लॅथम आणि यष्टिरक्षक फलंदाज टॉम ब्लंडेल यांनी मिळून पाचव्या विकेटसाठी ६० धावांची भागीदारी केली. टॉम लॅथमला एलबीडब्ल्यू आऊट करून सुंदरने ही भागीदारी फोडली. टॉम लेथमने आपल्या खेळीत ८६ धावांची खेळी केली. यानंतर टॉम ब्लंडेल आणि ग्लेन फिलिप्स यांनी संघाची धुरा सांभाळली. टॉम ब्लंडेल ३० तर ग्लेन फिलिप्स ९ धावांवर नाबाद खेळत आहेत.

हेही वाचा :

October 25, 2024 0 comments

ताज्या बातम्या

पुणे कसोटीत सॅटनरची ‘शानदार’ कामिगरी

by प्रतिनिधी October 25, 2024

written by प्रतिनिधी

पुणे : भारत-न्यूझीलंड यांच्यातील पुणे कसोटीच्या पहिल्या दिवशी भारतीय फिरकीपटूंनी सामन्यावर वर्चस्व राखले होते. यात वॉशिंग्टनने सात, तर आर. अश्विनने तीन फलंदाजांना बाद करत न्यूझीलंडला २५९ धावांवर गुंडाळले होते. या आव्हानाचा पाठलाग करण्यासाठी मैदानावर उतरेलेले भारतीय फलंदाज न्यूझीलंडच्या फिरकीचे शिकार झाले. यात न्यूझीलंडच्या मिचेल सॅटनरने सामन्यात सात फलंदाजांना बाद करत विशेष कामगिरी केली आहे. (Mitchell Santner)

पुणे कसोटीच्या पहिल्या दिवशी भारताच्या वॉशिंग्टनने सुंदरने केलेल्या कामगिरीची पुनरावृत्ती न्यूझीलंडच्या मिचेल सॅटनरने दुसऱ्या दिवशी केली आहे. सामन्याच्या पहिल्या दिवशी भारताच्या सुंदरने सात विकेट घेत न्यूझीलंडचे कंबरडे मोडले. तर सामन्याच्या दुसऱ्या दिवशी सँटनरनेही सात विकेट घेत टीम इंडियाची अवस्था खराब केली.

सामन्याच्या दुसऱ्या दिवशी सँटनरने १९.३ षटकांत ५३ धावांत सात बळी घेतले. त्याची कसोटी कारकिर्दीतील ही सर्वोत्तम कामगिरी आहे. सॅटनरसाठी ही विशेष कामगिरी आहे. कारण, न्यूझीलंडच्या खेळाडूंनी भारतात एका डावात पाच किंवा त्याहून अधिक बळी घेण्याच्या यादीत त्याने आपले स्थान निर्माण केले आहे. (Mitchell Santner)

या यादीत सॅन्टनरशिवाय त्याचासह एजाज पटेल, जॉन ब्रेसवेल, डॅनियल व्हिटोरी आणि हॅडली हॉवर्थ यांचा समावेश आहे. भारतातील सर्वोत्तम गोलंदाजीचा विक्रम एजाज पटेलच्या नावावर आहे. त्याने २०२१ साली मुंबईत भारताविरुद्ध एका डावात सर्व 10 विकेट घेतल्या होत्या.

या फलंदाजांना सॅटनरने केले बाद

सँटनरने शुभमन गिलच्या विकेटने दिवसाची सुरुवात केली. यानंतर त्याने विराट कोहलीला आपला शिकार बनवले. बेंगळुरूमध्ये शतक झळकावणारा सरफराज खानही सॅन्टनरचा बळी ठरला. त्यानंतर त्याने रविचंद्रन अश्विन, रवींद्र जडेजा, आकाश दीप आणि जसप्रीत बुमराह यांच्या विकेट घेतल्या.
भारतात एका डावात ५ बळी घेणारे न्यूझीलंडचा फिरकीपटू

खेळाडू – विकेट – ठिकाण

एजाज पटेल १० वानखेडे (२०२१)
मिचेल सँटनर ७ पुणे (२०२४)
जॉन ब्रेसवेल ६ वानखेडे (१९८८)
डॅनियल व्हिटोरी ६ कानपूर (१९९९)
हॅडली हॉवर्थ ५ नागपूर (१९६९)
डॅनियल व्हिटोरी ५ हैदराबाद (२०१०)

हेही वाचा :

October 25, 2024 0 comments

ताज्या बातम्या

दक्षिण आफ्रिकेच्या विजयामुळे WTC गुणतालिकेत बदल

by प्रतिनिधी October 25, 2024

written by प्रतिनिधी

महाराष्ट्र दिनमान ऑनलाईन डेस्क : बांगलादेश आणि दक्षिण आफ्रिका यांच्यातील कसोटी मालिकेतील पहिला सामना मीरपूरच्या शेरे बांगला नॅशनल स्टेडियमवर झाला. या कसोटी सामन्यात द. आफ्रिकेने बांगला देशचा सात विकेट राखून पराभव केला. यामुळे वर्ल्ड टेस्ट चॅम्पियनशिपच्या गुणतालिकेत बदला झाला आहे. (WTC 2025)

दक्षिण आफ्रिका ‘इन’ बांगला देश ‘आऊट’

बांगला देशविरूद्धच्या पहिल्या कसोटी सामन्यात विजय मिळवल्यामुळे द. आफ्रिकेचा मोठा फायदा झाला आहे. या विजयामुळे वर्ल्ड टेस्ट चॅम्पियनशिपच्या गुणतालिकेत आफ्रिकन संघ चौथ्या स्थानी पोहोचला आहे. दक्षिण आफ्रिकेची गुणांची टक्केवारी (PCT) ४७.६२ झाली आहे. आफ्रिकन संघाने गुणतालिकेत न्यूझीलंड (४४.४४) आणि इंग्लंड (४३.०६) यांना मागे टाकले आहे. दुसरीकडे, या पराभवानंतरही, बांगलादेश संघ WTC टेबलमध्ये सातव्या स्थानावर आहे.

पहिल्या कसोटी सामन्यातील पराभवामुळे बांगला देश संघ वर्ल्ड टेस्ट चॅम्पियनशिपच्या अंतिम फेरीच्या शर्यतीतून बाहेर पडला आहे. तर दक्षिण आफ्रिकन संघाला आणखी पाच सामने खेळायचे आहेत. यापैकी चार सामन्यात विजय मिळवल्यास त्यांना पुढच्या वर्षी लॉड्सवर होणाऱ्या वर्ल्ड टेस्ट चॅम्पियनशिपच्या अंतिम फेरीत स्थान मिळण्याची शक्यता आहे.

कसे आहे भारतीय संघाचे समीकरण?

भारतीय संघ सध्या जागतिक कसोटी चॅम्पियनशिपच्या गुणतालिकेत पहिल्या स्थानावर आहे. भारतीय संघाकडे १२ सामन्यांतील ८ विजय, ३ पराभव आणि १ ड्रॉसह ९८ गुण आहेत. त्याच्या गुणांची टक्केवारी ६८.०६ आहे. सध्या भारताला आणखी ६ सामने खेळायचे आहेत. भारतीय संघ नोव्हेंबरमध्ये पाच कसोटी सामन्यांसाठी ऑस्ट्रेलियाच्या दौऱ्यावर जाणार आहेत. त्याआधी ती न्यूझीलंडविरुद्ध मुंबई येथे कसोटी खेळायची आहे. सध्या न्यूझीलंड आणि भारत यांच्या पुणे कसोटी सुरू आहे. वर्ल्ड टेस्ट चॅम्पियनशिपची अंतिम फेरी गाठण्यासाठी भारताला सातपैकी किमान ३ सामने जिंकणे गरजेचे आहे. भारतीय संघाने सातपैकी चार सामन्यांत विजय मिळवल्यास भारतीय संघाचे अंतिम फेरीतील स्थान निश्चित होईल. मात्र, सातपैकी ३ कसोटीत विजय मिळवल्यास भारताला दुसऱ्या संघाच्या विजयावर अवलंबून राहावे लागणार आहे.

वर्ल्ड टेस्ट चॅम्पियनशिपच्या गुणतालिकेत ऑस्ट्रेलिया दुसऱ्या स्थानावर आहे. ऑस्ट्रेलियाचे १२ सामन्यांत ८ विजय, ३ पराभव आणि एक अनिर्णित असे ९० गुण आहेत. त्याच्या गुणांची टक्केवारी ६२.५० आहे. दुसरीकडे, श्रीलंकेचा संघ तिसऱ्या स्थानावर आहे. श्रीलंकेचे नऊ सामन्यांमध्ये ६० गुण आहेत. त्याची टक्केवारी ५५.५६ टक्के इतकी आहे. तर, दक्षिण आफ्रिका चौथ्या, न्यूझीलंड पाचव्या आणि इंग्लंड सहाव्या स्थानावर आहे.

हेही वाचा :

October 25, 2024 0 comments

ताज्या बातम्या

आर. अश्विन करतोय टॉम लेथमची ‘शिकार’

by प्रतिनिधी October 24, 2024

written by प्रतिनिधी

पुणे : न्यूझीलंडविरूद्धच्या दुसऱ्या कसोटी सामन्याला आजपासून सुरूवात झाली. कसोटीच्या पहिल्या दिवशी सामन्यावर भारतीय फिरकीपटूंनी वर्चस्व ठेवले. नाणेफेक जिंकत फलंदाजीला आलेल्या किवी संघाचा पहिला डाव २५९ धावांवर आटोपला. यामध्ये भारतीय संघात पुनरागमन करणाऱ्या वॉशिंग्टन सुंदरने सात तर, आर. अश्विनने तीन फलंदाजांची शिकार केली. यात अश्विनने टॉम लेथमला बाद करत विशेष कामगिरी केली आहे. (R Ashwin)

भारतीय संघाच्या दिग्गज फिरकीपटूंमध्ये आर. अश्विनचा समावेश होतो. आपल्या फिरकीच्या जाळ्यात फलंदाजाला कसे अडकवायचे हे त्याला चांगलेच माहिती आहेत. डावखुऱ्या फलंदाजांना बाद करायचे विशेष कसब त्याच्याकडे आहे. यामुळे सर्वाधिक वेळा डावखुऱ्या फलंदाजांना बाद करण्याचा विक्रम आर. अश्विनच्या नावावर आहे. आता पुणे कसोटीत त्याच्या नावावर विशेष कामगिरीची नोंद झाली आहे. (R. Ashwin)

पुणे कसोटीत आर. अश्विनने किवी फलंदाज टॉम लेथनला नवव्यांदा बाद केले आहे. अश्विनच्या गोलंदाजीवर सर्वाधिक वेळेस बाद होणाऱ्या डावखुऱ्या फलंदाजांच्या यादीत टॉम लेथम तिसऱ्या स्थानावर आहे. अश्विनच्या फिरकीवर बाद होण्याच्या यादीत बेन स्टोक्स अव्वल स्थानी आहे. इंग्लंडचा खेळाडूला बेन स्टोक्सला आर. अश्विनने १३ वेळा बाद केले आहे. तर या यादीत डेव्हिड वॉर्नर दुसऱ्या स्थानी आहे. वॉर्नर ११ वेळा बाद केले आहे. (R. Ashwin)

अश्विनने सर्वाधिक वेळेस बाद केलेले डावखुरे फलंदाज

बेन स्टोक्स -१३
डेव्हिड वॉर्नर – ११
अॅलेस्टर कुक- ९
टॉम लेथम – ९
जेम्स अँडरसन – ९

सर्वाधिक वेळेस टॉम लेथमला बाद करणारे गोलंदाज

स्टूअर्ट ब्रॉड- १०
आर अश्विन- ९
नॅथन लायन – ५
केमार रोच – ५
मिचेल स्टार्क- ५

Latham has been dismissed for the 9th time by Ashwin in Tests

Most dismissals for Tom Latham against a bowler in Tests
10 – Stuart Broad
9 – Ravichandran Ashwin
5 – Mitchell Starc
5 – Nathan Lyon
5 – Kemar Roach#INDvsNZ pic.twitter.com/q93F1stEj6

— Cricket.com (@weRcricket) October 24, 2024

हेही वाचा :

October 24, 2024 0 comments

ताज्या बातम्या

पुण्यात फिरकीपटूंची ‘सुंदर’ गोलंदाजी

by प्रतिनिधी October 24, 2024

written by प्रतिनिधी

महाराष्ट्र दिनमान ऑनलाईन डेस्क : पुणे कसोटीच्या पहिल्या दिवशी भारतीय फिरकीपटूंनी मैदान गाजवले. जवळपास तीन वर्षांनी भारतीय संघात पुनरागमन करणाऱ्या वॉशिंग्टन सुंदर आणि आर. अश्विनच्या फिरकीपुढे किवी फलंदाजांनी लोटांगण घातले. सामन्यात वॉशिंग्टन सुंदरने सात तर, आर. अश्विनने तीन फलंदाज बाद करत शानदार कामगिरी केली. प्रत्युत्तरात पहिल्या दिवसाचा खेळ संपेपर्यंत यजमान टीम इंडियाने एक गडी गमावून १६ धावा केल्या. शुभमन गिल १० आणि यशस्वी जैस्वाल ५ धावांवर नाबाद आहे. रोहित शर्माच्या रूपात भारताला पहिला झटका बसला. (IND vs NZ 2nd Test)

पुणे कसोटीत नाणेफेक जिंकून न्यूझीलंडने प्रथम गोलंदाजी करण्याचा निर्णय घेतला. फिरकी गोलंदाजीला पोषक असलेल्या खेळपट्टीवर दोन्ही संघ ३-३ फिरकीपटू घेऊन मैदानावर उतरले. सुरूवातीला किवी फलंदाजांनी शानदार खेळी करत धावा गोळा केल्या. परंतु, वेगवान गोलंदाजांना विकेट घेण्यात यश मिळत नसल्याचे लक्षात येताच कर्णधार रोहितने गोलंदाजीसाठी फिरकीपटूंना पाचारण केले. सामन्यातील आठवे षटक करण्यासाठी आलेल्या आर. अश्विनने टॉम लेथमला (१५) बाद करत न्यूझीलंडला पहिला झटका दिला. यानंतर न्यूझीलंडच्या फलंदाजांनी संयमी खेळी करत धावफलक हलता ठेवला.

सामन्याच्या २४ व्या षटकात आर. अश्विनने विल यंगला (१८) बाद केले. यावेळी सर्फराज खानच्या हट्टामुळे कर्णधार रोहितने डीआरएस (DRS) घेतला. यात यंगची विकेट मिळाली. या विकेटनंतर रचिन रवींद्र आणि डेव्हॉन कॉनवे यांनी तिसऱ्या विकेटसाठी ५४ धावांची भागीदारी रचली. ही जोडी फोडण्यासाठी पुन्हा एकदा चेंडू अश्विनकडे सोपवण्यात आला. यावेळी अश्विनने कॉनवेला बाद करत भागिदारी फोडली. कॉनवने आपल्या खेळीत १४१ चेंडूत ११ चौकारांच्या सहाय्याने ७६ धावांची खेळी केली. यानंतर तीन वर्षानंतर भारतीय संघात पुनरागमन करणाऱ्या वॉशिंग्टन सुंदरने अप्रतिम कामगिरी केली. त्याने उत्कृष्ट फिरकीवर रचिन रवींद्र आणि टॉल ब्लंडल यांना क्लीन बोल्ड केले. रचिनने १०५ चेंडूत महत्वाची ६५ धावांची खेळी केली. तर ब्लंडल अवघ्या तीन धावांवर तंबूत परतला. त्यानंतर सुंदरने डॅरिल मिशेलला (१८) एलबीडब्ल्यू बाद करून न्यूझीलंडला सहावा धक्का दिला.

ग्लेन फिलिप्स मैदानावर फार काळ टिकू शकला नाही. त्यालाही सुंदरने पॅव्हेलियनमध्ये पाठवले. फिलिप्स बाद झाला तेव्हा न्यूझीलंडची धावसंख्या २३६/७ अशी होती. यानंतर सुंदरने टीम साऊदी (५), एजाज पटेल (४) आणि मिचेल सँटनर (३३) यांना बाद करत न्यूझीलंडचा डाव गुंडाळला. सुंदरने ५९ धावांत सात गडी बाद केले. सुंदरने पहिल्यांदाच कसोटी डावात पाच किंवा त्याहून अधिक विकेट्स घेतल्या आहेत.

सामन्याच्या सुरूवातीला ३ बाद १९६ अशा मजबूत स्थितीत असलेल्या न्यूझीलंडचा पहिला डाव २५९ धावांवर आटोपला. गोलंदाजीमध्ये भारतीय संघाकडून किवी संघाचे सर्व फलंदाज फिरकीपटूंनी बाद केले. यामध्ये वॉशिंग्टन सुंदरने सात तर आर. अश्विनने तीन फलंदाजांना बाद केले.

वॉशिंग्टनच्या फिरकीत अडकले सात फलंदाज

पुणे कसोटीतून सुमारे तीन वर्षांनी भारतीय संघात पुनरागमन करण्याऱ्या वॉशिंग्टनने किवी फलंदाजांना आपल्या फिरकीच्या जोरावर चांगलेच नाचवले. सामन्याच्या पहिल्या दिवशीच्या दुसऱ्या सेशनमध्ये दोन तर, तिसऱ्या सेशन न्यूझीलंडच्या पाच फलंदाजांना बाद केले. त्याने रचिन रविंद्र, डॅरील मिशेल, टॉम ब्लंडेल, ग्लेन फिलिप्स,मिचेल सँटनर, टीम साऊदी आणि एजाच पटेलला बाद करत तंबूत पाठवले. त्याच्या उत्कृष्ट खेळीच्या जोरावर न्यूझीलंडचा डाव २५९ धावांवर आटोपला.

भारत आणि न्यूझीलंडचा कसोटी इतिहास

न्यूझीलंड संघाला भारतीय भूमीवर आतापर्यंत एकही द्विपक्षीय कसोटी मालिका जिंकता आलेली नाही. किवी संघाने १९५५ मध्ये पहिल्यांदा भारताचा दौरा केला होता, तेव्हा ५ सामन्यांच्या कसोटी मालिकेत न्यूझीलंडला २-० असा पराभव पत्करावा लागला होता. या मालिकेतील तीन सामने अनिर्णित राहिले. (IND vs NZ 2nd Test)

भारतात पहिल्या दिवशी सर्वबाद झालेले संघ

भारत विरुद्ध न्यूझीलंड २०२४, पुणे
भारत विरुद्ध इंग्लंड २०२४, धर्मशाला
भारत विरुद्ध इंग्लंड १९७३, चेन्नई
भारत विरुद्ध ऑस्ट्रेलिया १९६४, चेन्नई
भारत विरुद्ध ऑस्ट्रेलिया १९५६, कोलकाता
इंग्लंड विरुद्ध भारत १९५२, कानपूर

न्यूझीलंडविरूद्ध सर्वोत्तम कामगिरी केलेले गोलंदाज

८/७२ एस. वेंकटराघवन, दिल्ली (१९६५)
८/७६ एरापल्ली प्रसन्न, ऑकलंड (१९७५)
७/५९ आर. अश्विन, इंदूर (२०१७)
७/५९ वॉशिंग्टन सुंदर, पुणे (२०२४)

L. B. W!

Washington Sundar is on a roll! 👏 👏

He scalps his 3⃣rd wicket 👌 👌

Live ▶️ https://t.co/YVjSnKCtlI #TeamIndia | #INDvNZ | @IDFCFIRSTBank pic.twitter.com/i3B0izJbQ6

— BCCI (@BCCI) October 24, 2024

हेही वाचा :

October 24, 2024 0 comments

ताज्या बातम्या दक्षिण महाराष्ट्र

अखिल भारतीय आंतर विद्यापीठ स्पर्धेसाठी शिवाजी विद्यापीठ संघ पात्र

by प्रतिनिधी October 23, 2024

written by प्रतिनिधी

राजस्थान : झुंझुनू येथे सुरू असलेल्या पश्चिम विभागीय आंतर विद्यापीठ कबड्डी स्पर्धा सुरू आहेत. आजच्या (दि.२३) सायंकाळच्या सत्रातील क्वालिफाईड मॅचमध्ये शिवाजी विद्यापीठ संघाने गतवर्षीचा विजेता संघ औरंगाबादवर ३५-२९ अशा गुण फरकाने विजय मिळवत अखिल भारतीय आंतर विद्यापीठ स्पर्धेसाठी पात्र ठरला.

अटीतटीच्या सामन्यात औरंगाबाद संघाने पाच मिनिटात आक्रमक खेळी करत शिवाजी विद्यापीठ संघावर लोन चढवत ११-९ अशी गुणांची आघाडी घेतली. यानंतर शिवाजी विद्यापीठाचे खेळाडू अभिषेक गुंगेने केलेल्या उत्कृष्ट चढाया आणि त्याला विजय खोडकेने दिलेली साथ तर, कर्णधार वैभव राबाडे आणि साईप्रसाद पाटील यांनी केलेल्या अप्रतिम बचावाच्या जोरावर शिवाजी विद्यापीठ संघावर लोण चढवला.
सामन्याच्या मध्यंतरापर्यंत औरंगाबाद विद्यापीठ संघाकडे पाच गुणांची आघाडी होती. यानंतर मध्यंतरानंतर अभिषेक गुंगेने एकाच चढाईत बोनस व तीन

गुण असे चार पॉईंट घेऊन सामन्याला कलाटणी दिली. तर, साईप्रसाद पाटील व कर्णधार वैभव दाभाडे यांनी केलेल्या अप्रतिम बचावामुळे शिवाजी विद्यापीठ संघाने औरंगाबाद वर पुन्हा लोन चढविला. शेवटच्या पाच मिनिटांमध्ये शिवाजी विद्यापीठाकडे तीन गुणांची आघाडी होती भक्कम अशा बचावामुळे शिवाजी विद्यापीठ संघाने हा सामना सहा गुणांनी जिंकत बेस्ट ऑफ फोरमध्ये प्रवेश केला. अखिल भारतीय आंतर विद्यापीठ स्पर्धा दिनांक २४ ते २८ नोव्हेंबर अखेर झुंझुनू येथे होणार आहेत.

हेही वाचा :

October 23, 2024 0 comments

ताज्या बातम्या

कसोटी क्रमवारीत रिषभची हनुमान उडी

by प्रतिनिधी October 23, 2024

written by प्रतिनिधी

महाराष्ट्र दिनमान ऑनलाईन डेस्क : भारत-न्यूझीलंड यांच्यातील बंगळुरू कसोटीनंतर आयसीसी टेस्ट क्रमवारीत मोठे बदल झाले आहेत. आज (दि.२३) आयसीसीने क्रमवारीची ताजी यादी जाहीर केली. यामध्ये इंग्लंडचा फलंदाज जो रूटची घसरण झाली आहे. तर, भारताचा कमबॅक किंग रिषभ पंतने आणि सर्फराज खानने मोठी झेप घेतली आहे. मात्र, नव्या यादीत टॉप 2 मध्ये कोणताही बदल झालेला नाही. (ICC Test Rankings)

बंगळुरू कसोटीच्या पहिल्या डावात भारतीय फलंदाजांनी सुमार कामगिरी केली होती. यात भारताच्या पाच फलंदाजांना भोपळाही फोडता आला नव्हता. यात सर्फराजचाही समावेश होता. तर पहिल्या डावात सर्वाधिक २० धावांची खेळी रिषभने केली होती. यानंतर दुसऱ्या डावात रिषभ पंत आणि सर्फराज खान यांनी भारताचा डाव सावरण्याचा प्रयत्न केला होता. यात रिषभने ९९ तर सर्फराजने १५० धावांची खेळी केली होती. या खेळीमुळे रिषभने टॉप १० फलंदाजांच्या यादीत स्थान मिळवले आहे. याबाबतीत त्याने विराट कोहलीला मागे टाकले आहे. तर यशस्वी जैस्वालचा पहिल्या पाच यादीत समावेश आहे.

कोहली आठव्या स्थानावर

आयसीसने जाहीर केलेल्या कसोटीच्या ताज्या यादीत टॉप १०मध्ये भारताच्या तीन फलंदाजांचा समावेश आहे. यामध्ये ७८० गुणांसह यशस्वी जैस्वाल चौथ्या स्थानावर आहे. तर पंतने तीन स्थानाची झेप घेत विराटला मागे सोडले आहे. पंतचे ७४५ गुण आहेत. यादीत कोहली आठव्या स्थानावर आहे.

३१ स्थानांनी सर्फराजने घेतली मोठी झेप

बंगळुरू कसोटीत न्यूझीलंडविरूद्ध सर्फराजने दुसऱ्या डावात १५० धावांची दमदार खेळी केली होती. या खेळीचा फायदा त्याला आयसीसीच्या ताज्या क्रमवारीत झाला आहे. क्रमवारीत तो आता ५३ व्या स्थानावर पोहोचला आहे. सर्फराजने कसोटीच्या ताज्या क्रमवारीत ३१ स्थानांनी झेप घेतली आहे. त्याच्या कारकिर्दीतील हे मोठे यश आहे.

अष्टपैलू खेळाडूंच्या यादीत जडेजा अव्वल

आयसीसीच्या कसोटी पुरूष अष्टपैलूच्या क्रमवारीत रवींद्र जडेजा अव्वल स्थानावर आहे. रविचंद्रन अश्विन यादीत दुसऱ्या स्थानावर आहे. तर अक्षर पटेल सातव्या स्थानावर कायम आहे. जसप्रीत बुमराह कसोटी गोलंदाजी क्रमवारीत अव्वल स्थानावर आहे.

हेही वाचा :

October 23, 2024 0 comments

ताज्या बातम्या

निवृत्तीनंतर मैदानात परतले ‘हे’ खेळाडू; जाणून घेवूयात त्यांच्याबद्दल

by प्रतिनिधी October 23, 2024

written by प्रतिनिधी

महाराष्ट्र दिनमान ऑनलाईन डेस्क : भारतीय संघ या महिन्यात ऑस्ट्रेलियाच्या दौऱ्यावर जाणार आहे. या दौऱ्यात ऑस्ट्रेलिया आणि भारत संघात बॉर्डर-गावस्कर ट्रॉफी खेळवण्यात येणार आहे. यात पाच कसोटी सामन्यांची मालिका होणार आहे. या महत्वाच्या मालिकेपूर्वी आंतरराष्ट्रीय क्रिकेटमधून निवृत्ती घेतलेला खेळाडू डेव्हिड वॉर्नर मोठे वक्तव्य केले आहे.

डेव्हिड वॉर्नर म्हणाला की, संघाला माजी गरज भासल्यास क्रिकेटच्या मैदानावर पुनरागमन करू शकतो. वॉर्नरने यावर्षी पाकिस्तानविरुद्धच्या घरच्या कसोटी मालिकेनंतर ४ महिन्यांपूर्वी निवृत्तीची घोषणा केली होती. निवृत्तीनंतर डेव्हिड वॉर्नर मैदानात परतला तर ही कामगिरी करणारा तो पहिला खेळाडू ठरणार नाही. त्याच्या आधीही जगातील अनेक प्रसिद्ध क्रिकेटपटूंनी निवृत्तीनंतर क्रिकेटच्या मैदानावर परतले आहेत. जाणून घेवूयात अस करणाऱ्या दहा खेळाडूंबद्दल…

बॉब सिम्पसन

यादीत पहिले नाव आहे. ऑस्ट्रेलियाचे माजी खेळाडू बॉब सिम्पसन यांचे. बॉब यांनी आपल्या कारकिर्दीत ५२ कसोटी सामने खेळून १९६८ मध्ये निवृत्ती घेतली होती. परंत, १९७७ मध्ये त्यांनी मैदानात पुनरागमन करत ऑस्ट्रेलियन संघाचे नेतृत्व केले होते.

इम्रान खान

पाकिस्तानला विश्वचषक विजेतेपद मिळवून देणारे क्रिकेटपटू इम्रान खान हेही निवृत्तीनंतर मैदानात परतले आहेत. १९८७ साली झालेला विश्वचषक गमावल्यानंतर त्यांनी निवृत्तीची घोषणा केली होती, परंतु काही काळानंतर पुन्हा मैदानात उतरून त्यांनी १९९२ साली पाकिस्तानला विश्वविजेता बनवले होते.

जावेद मियांदाद

या यादीत आणखी एका पाकिस्तानी खेळाडूचे नाव आहे. ते म्हणजे पाकिस्तानी दिग्गज खेळाडू जावेद मियांदाद. मियांदाद यांनी क्रिकेटला अलविदा केला होता, परंतु, तत्कालीन पंतप्रधान बेनझीर भुट्टो यांच्या विनंतीनंतर ते पुन्हा मैदानात उतरले.

कार्ल हॉपर

कॅरेबियन दिग्गज क्रिकेटपटू कार्ल हूपरने यांनीही निवृत्तीनंतर पुनरागमन केले आहे. १९९९ च्या विश्वचषकापूर्वी त्यांनी निवृत्तीची घोषणा केली होती, परंतु २००१ त्यांनी क्रिकेटमध्ये पुनरागमन केले. यानंतर त्यांनी २००३ साली वेस्ट इंडिजचे कर्णधारपदही भूषवले होते.

अंबाती रायुडू

यादीत माजी भारतीय क्रिकेटपटू अंबाती रायडूचाही समावेश आहे. रायुडूला २०१९ च्या विश्वचषक स्पर्धेसाठी दुर्लक्षित करण्यात आले होते. तेव्हा त्याने निवृत्ती जाहीर केली होती. मात्र, काही दिवसांनी तो मैदानात परतला. त्यानंतर त्याने अनेक देशांतर्गत स्पर्धा आणि आयपीएलमध्ये भाग घेतला.

ब्रेंडन टेलर

ब्रेंडन टेलरने कौलपॅक करारावर स्वाक्षरी केल्यानंतर त्याच्या संघातून निवृत्त झाला, परंतु एक-दोन वर्षांनी हा करार संपला. त्यानंतर तो पुन्हा आपल्या संघाच्या वतीने मैदानात खेळायला लागला.

केविन पीटरसन

यादीत माजी इंग्लिश फलंदाज केविन पीटरसनचेही नाव आहे. पीटरसनने २०११ मध्ये पांढऱ्या चेंडूच्या क्रिकेटमधून निवृत्ती घेतली होती, परंतु काही महिन्यांनंतर तो मैदानात परतला.

ड्वेन ब्राव्हो

वेस्ट इंडिज क्रिकेट संघाचा दिग्गज अष्टपैलू खेळाडू ड्वेन ब्राव्होने २०१८ मध्ये आंतरराष्ट्रीय क्रिकेटला अलविदा केला होता, पण २०२१ मध्ये झालेल्या टी-२० विश्वचषकासाठी तो पुन्हा मैदानात परतला.

मोईन अली

या यादीत मोईन अलीचेही नाव आहे. निवृत्तीनंतर तो इंग्लंडसाठी कसोटी क्रिकेटमध्ये परतला, पण आता त्याने आंतरराष्ट्रीय क्रिकेटमधून पूर्णपणे निवृत्ती घेतली आहे.

शाहिद आफ्रिदी

पाकिस्तानचा माजी कर्णधार शाहिद आफ्रिदी आंतरराष्ट्रीय क्रिकेटमध्ये अनेक वेळा निवृत्तीनंतर परतण्यासाठी ओळखला जातो. २००६ मध्ये त्याने पहिल्यांदा कसोटीतून निवृत्ती घेतली. त्यानंतर २०११ मध्ये त्याने वनडे फॉरमॅटमधून निवृत्ती घेतली. परंतु, दरवेळी निवृत्ती घेतल्यानंतर तो दरवेळी मैदानात परतला.

हेही वाचा :

October 23, 2024 0 comments

ताज्या बातम्या

३६ वर्षांनी न्यूझीलंडचा भारतात विजय

by प्रतिनिधी October 20, 2024

written by प्रतिनिधी

महाराष्ट्र दिनमान ऑनलाईन डेस्क : भारताने दिलेल्या १०७ धावांच्या लक्ष्याचा पाठलाग करताना किवीने संघाने ८ गडी राखून विजय मिळवला. दुसऱ्या डावात जसप्रीत बुमराह आणि मोहम्मद सिराज अचुक मारा करत किवी फलंदाजांना घाम फोडला. परंतु, भारतीय गोलंदाजांना विकेट घेण्यात यश मिळाले नाही. पहिल्या डावातील कमी धावसंख्येमुळे भारताचे नुकसान झाले. या विजयासह किवी संघाने तीन सामन्यांच्या कसोटी मालिकेत १-० अशी आघाडी घेतली आहे. पुढील सामना २४ ऑक्टोबरपासून पुण्यात होणार आहे. (IND vs NZ Test)

बंगळुरू कसोटीच्या पहिला डावात भारताने अवघ्या ४६ धावा केल्या होत्या. प्रत्युत्तरात न्यूझीलंडचा पहिला डाव ४०२ धावांवर आटोपला. यामुळे किवी संघाकडे ३५६ धावांची आघाडी होती. दुसऱ्या डावात भारतीय संघाने सर्वबाद ४६२ धावा करत १०६ धावांची आघाडी घेतली. प्रत्युत्तरात न्यूझीलंडने २७.४ षटकांत २ गडी गमावून हे आव्हान पार केले. न्यूझीलंडचा कर्णधार टॉम लॅथमची (0) आणि डेव्हॉन कॉनवेची (१७) च्या रूपात दोन फलंदाज बाद झाले. रचिन रवींद्र ३९ धावांवर नाबाद राहिला तर विल यंगने ४५ धावांची नाबाद खेळी केली. यावेळी दोघांनी तिसऱ्या विकेटसाठी ७२ धावांची भागीदारी केली.

३६ वर्षांनी भारतामध्ये विजय

बंगळुरू कसोटीत विजय मिळवून न्यूझीलंडने ३६ वर्षांनी भारतात विजय मिळवला. यापूर्वी १९६९साली ग्रॅहम डॉलिंगच्या नेतृत्वाखाली न्यूझीलंडने नागपुर कसोटीत भारताचा १६७ धावांनी पराभव केला होता. तर, १९८८ साली जॉन राईटच्या नेतृत्वाखाली न्यूझीलंडने वानखेडे स्टेडियमवर भारताचा १३६ धावांनी पराभव केला होता. किवी संघाने भारतात प्रथमच लक्ष्याचा पाठलाग करताना विजय मिळवला आहे. यासह भारताचा कसोटीतील सलग विजयी मालिकाही संपुष्टात आली.

भारताचा पहिला डाव

पहिल्या दिवसाचा खेळ पावसामुळे पूर्णपणे वाहून गेला. त्यादिवशी नाणेफेकही होऊ शकली नाही. दुसऱ्या दिवशी नाणेफेक झाली आणि भारतीय संघाचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला. रोहितचा हा निर्णय चुकीचा ठरला आणि भारताचा पहिला डाव ४६ धावांवर आटोपला. भारतीय फलंदाजीची क्रमवारी पत्त्याच्या घरासारखी कोसळली. फलंदाजीमध्ये संघाच्या पाच फलंदाजांना खातेही उघडता आले नाही. यामध्ये विराट कोहली, सरफराज खान, केएल राहुल, रवींद्र जडेजा आणि रविचंद्रन अश्विन यांचा समावेश आहे. ऋषभ पंतने सर्वाधिक २० धावा केल्या. तर यशस्वी जैस्वालने १३ धावांची खेळी केली. रोहित शर्मा दोन धावा करून बाद झाला तर जसप्रीत बुमराह एक धाव काढून बाद झाला. (IND vs NZ Test)

न्यूझीलंडचा पहिला डाव

न्यूझीलंडचा पहिला डाव ४०२ धावांवर आटोपला. रचिन रवींद्रने १५७ चेंडूत १३४ धावांची शानदार खेळी केली. त्याने आपल्या खेळीत १३ चौकार आणि ४ षटकार लगावले. कुलदीप यादवने त्याला बदली यष्टिरक्षक ध्रुव जुरेलकरवी झेलबाद केले. डॅरिल मिशेल (१८), टॉम ब्लंडेल (५), ग्लेन फिलिप्स (१४) आणि मॅट हेन्री (८) यांना फारशी खेळी करता आली नाही. यानंतर रचिनने टीम साऊदीसोबत आठव्या विकेटसाठी १३७ धावांची भागीदारी केली.
रचिनने आपल्या कसोटी कारकिर्दीतील दुसरे शतक झळकावले, तर सौदीने कसोटी कारकिर्दीतील सातवे अर्धशतक झळकावले. अर्धशतक झळकावल्यानंतर सौदी सिराजचा बळी ठरला. तो ७३ चेंडूंत पाच चौकार आणि चार षटकारांच्या मदतीने ६५ धावा करून बाद झाला. इजाजला चार धावा करता आल्या. तत्पूर्वी, लॅथम १५, विल यंग ३३, डॅरिल मिशेल १८ धावा करून बाद झाला. भारताकडून कुलदीप यादव आणि रवींद्र जडेजाने प्रत्येकी तीन बळी घेतले. तर मोहम्मद सिराजने दोन विकेट घेतल्या. जसप्रीत बुमराह आणि आर अश्विनने प्रत्येकी एक विकेट घेतली. (IND vs NZ Test)

भारताचा दुसरा डाव

भारतीय संघाने दुसऱ्या डावात दमदार पुनरागमन करत ४६२ धावा केल्या. फलंदाजीत भारताने ३ फलंदाज गमावून ४०८ धावा केल्या होत्या. यानंतर अवघ्या ५४ धावांत टीम इंडियाने उर्वरित सात फलंदाज गमावले. सलामीवीर यशस्वी जैस्वाल आणि कर्णधार रोहित शर्मा यांनी संघाला चांगली सुरुवात करून दिली. दोघांनी पहिल्या विकेटसाठी ७२ धावांची भागीदारी केली होती. यशस्वी ३५ धावा करून बाद झाला तर रोहित ६३ चेंडूत ८ चौकार आणि एका षटकाराच्या मदतीने ५२ धावा करून बाद झाला. यानंतर विराट कोहलीने सर्फराज खानसोबत तिसऱ्या विकेटसाठी १३६ धावांची भागीदारी केली. कोहली १०२ चेंडूंत आठ चौकार आणि एका षटकाराच्या मदतीने ७० धावा करून बाद झाला.

यादरम्यान सर्फराजने कसोटी कारकिर्दीतील पहिले शतक झळकावले. त्याने १९५ चेंडूंत १८ चौकार आणि तीन षटकारांच्या मदतीने १५० धावांची खेळी केली. ऋषभ पंतचे शतक एका धावेने हुकले. तो १०५ चेंडूंत नऊ चौकार आणि पाच षटकारांच्या मदतीने ९९ धावा करून बाद झाला. भारताची खालची ऑर्डर अपयशी ठरली. केएल राहुल १२, रवींद्र जडेजा ५, आर अश्विन १५ धावा करून बाद झाला. त्याचवेळी बुमराह आणि सिराज यांना खातेही उघडता आले नाही. भारतीय संघाकडे १०६ धावांची आघाडी होती. न्यूझीलंडकडून मॅट रेनी आणि विल्यम ओरूर्कने प्रत्येकी तीन बळी घेतले. एजाज पटेलला दोन, तर टीम साऊथी आणि ग्लेन फिलिप्सला प्रत्येकी एक विकेट मिळाली.

New Zealand win the First Test by 8 wickets in Bengaluru.#TeamIndia will look to bounce back in the Second Test.

Scorecard ▶️ https://t.co/8qhNBrs1td #INDvNZ | @idfcfirstbank pic.twitter.com/6Xg4gYo8It

— BCCI (@BCCI) October 20, 2024

हेही वाचा :

October 20, 2024 0 comments

ताज्या बातम्या

IND Vs NZ : न्यूझीलंडसमोर विजयासाठी १०७ धावांचे आव्हान

by प्रतिनिधी October 19, 2024

written by प्रतिनिधी

महाराष्ट्र दिनमान ऑनलाईन डेस्क : भारत आणि न्यूझीलंड यांच्यातील तीन सामन्यांच्या कसोटी मालिकेतील पहिला सामना बेंगळुरूच्या एम. चिन्नास्वामी स्टेडियमवर सुरू आहे. या सामन्यात भारताचा दुसरा डाव ४६२ धावांवर आटोपला. यामुळे न्यूझीलंडला विजयासाठी १०७ धावांचे लक्ष्य मिळाले आहे. या आव्हानाचा पाठलाग करण्यासाठी न्यूझीलंडचा संघ मैदानावर उतरला आहे, चौथ्या दिवशी (दि.१९) किवी कर्णधार टॉम लॅथम आणि डेव्हॉन कॉनवे नाबाद आहेत. (IND Vs NZ)

सामन्यावर न्यूझीलंड मजबूत पकड

बंगळुरू कसोटीचा निकाल सामन्याच्या पाचव्या दिवशी होणार आहे. सध्या सामन्यावर न्यूझीलंडची मजबूत पकड आहे. भारताचा दुसरा डाव ४६२ धावांवर गुंडाळल्यामुळे बंगळुरू कसोटीत विजय मिळवण्यासाठी किवी संघापुढे अवघ्या १०७ धावांचे आव्हान आहे.

पाचव्या दिवशी वरूण राजाची ‘फलंदाजी’ ?

पाचव्या दिवसाचा खेळ पावसाने वाहून जावा. यामुळे सामना अनिर्णित राहील, अशी आशा भारतीय चाहत्यांना आहे. पावसामुळे बंगळुरू कसोटीचा पहिला दिवस वाहून गेला होता. Accuweather.comने दिलेल्या माहितीनुसार बेंगळुरू कसोटी सामन्याच्या पाचव्या दिवशी पावसाची शक्यता आहे. बंगळुरूमध्ये पावसाची ८० टक्के शक्यता आहे. सकाळी ९ ते १० वाजता पावसाची ५१ टक्के शक्यता आहे, तर पुढील दोन तासांचा अंदाज अनुक्रमे ४७ आणि ४५ टक्के आहे. तर दुपारी १ वाजता पावसाचा अंदाज ४९ टक्के, दुपारी 2 वाजता ५१ टक्के आणि दुपारी ३ वाजता ५५ टक्के वर्तवण्यात आला आहे. तर दुपारी ४ वाजता पावसाची शक्यता ३९ टक्के आहे. (IND Vs NZ)

दुसऱ्या डावात भारताची घसरगुंडी

बंगळुरू कसोटीत भारतीय संघाचा डाव अवघ्या ४६ गुंडाळला. यानंतर रचिन रवींद्रच्या (१३४ धावा) शतकाच्या जोरावर न्यूझीलंडने पहिल्या डावात ४०२ धावा केल्या. यामुळे न्यूझीलंडला ३५६ धावांची मोठी आघाडी मिळाली. यानंतर दुसऱ्या डावात भारतीय फलंदाजांनी शानदार फलंदाजी केली. यावेळी भारताने तीन गड्यांच्या मोबदल्यात ४०८ धावा केल्या. यामुळे भारतीय संघ सामन्यात मोठी आघाडी घेणार असे चित्र होते. परंतु, सर्फराज खान बाद झाल्यानंतर विकेट पडत राहिल्या. भारताने ५४ धावांत सात विकेट गमावल्या. सर्फराज खानने कसोटी कारकिर्दीतील पहिले शतक झळकावून शानदार कामगिरी केली. तर ऋषभ पंतने ९९ धावांची खेळी केली. विराट कोहली (७०) आणि कर्णधार रोहित शर्मा (५२) यांनीही अर्धशतकी खेळी खेळली. न्यूझीलंडकडून मॅट हेन्री आणि विल्यम ओ’रूर्कने दुसऱ्या डावात प्रत्येकी तीन बळी घेतले.

हेही वाचा :

October 19, 2024 0 comments

Newer Posts

Older Posts