Thursday, October 8, 2026
Home » महत्त्वाच्या नोंदी » Page 154
Category:

महत्त्वाच्या नोंदी

EC replies Rahul
देश-विदेशमहत्त्वाच्या नोंदीराजकारण

EC replies Rahul: निवडणुका कायद्यानुसार : राहुल गांधी यांना उत्तर

by प्रतिनिधी
written by प्रतिनिधी

नवी दिल्ली : देशातील सर्व निवडणुका कायद्यानुसार घेतल्या जातात. या संपूर्ण निवडणूक प्रक्रियेत हजारो कर्मचाऱ्यांचा समावेश असतो. शिवाय राजकीय पक्षांनी नियुक्त केलेल्या बूथ-लेव्हल एजंट यांचा समावेश असतो, यावरही निवडणूक आयोगाने भर दिला आहे. याशिवाय आणखी काही शंका असतील त्याचे निरसन केले जाईल, असे स्पष्ट आश्वासन केंद्रीय निवडणूक आयोगाने लोकसभेतील विरोधी पक्षनेते राहुल गांधी यांना दिले आहे. (EC replies Rahul)

२०२४ च्या महाराष्ट्रातील निवडणुकीत गैरप्रकार झाल्याचा आरोप खासदार गांधी यांच्याकडून सातत्याने होतो. यासंबंधीचा एक विस्तृत लेखही त्यांनी एका आघाडीच्या दैनिकात लिहिला होता. या पार्श्वभूमीवर निवडणूक आयोगाने मंगळवारी (२४ जून) राहुल गांधी यांना पत्र लिहिले आहे.

गांधी यांना ईमेलद्वारे पाठवलेल्या पत्रात, निवडणूक आयोगाने म्हटले आहे की विधानसभा मतदारसंघ पातळीवर संपूर्ण निवडणूक प्रक्रिया विकेंद्रित पद्धतीने पार पाडली जाते. यामध्ये आयोगाने नियुक्त केलेले १,००,१८६ हून अधिक बूथ लेव्हल अधिकारी (बीएलओ), २८८ निवडणूक नोंदणी अधिकारी (ईआरओ), १३९ सामान्य निरीक्षक, ४१ पोलिस निरीक्षक, ७१ खर्च निरीक्षक आणि २८८ निवडणूक अधिकारी (आरओएस) यांचा समावेश होता. (EC replies Rahul)

तसेच काँग्रेस पक्षांसह महाराष्ट्रातील २८,४२१ राष्ट्रीय आणि राज्यस्तरीय राजकीय पक्षांकडून १,०८,०२६ बूथ लेव्हल एजंट (बीएलए) नियुक्त केले जातात.

‘‘आम्हाला असे वाटते की निवडणुकांबाबतचा कोणताही मुद्दा काँग्रेस उमेदवारांनी सक्षम न्यायालयात (उच्च न्यायालयात) दाखल केलेल्या निवडणूक याचिकांद्वारे आधीच उपस्थित केला गेला असता,’’ असे आयोगाने खा. गांधी यांना पाठवलेल्या पत्रात म्हटले आहे. (EC replies Rahul) ‘‘तथापि, जर तुम्हाला अजूनही काही शंका असतील, तर तुम्ही आमच्याकडे त्या नोंदवू शकता. सर्व मुद्द्यांवर चर्चा करण्याची आयोगाची तयारी आहे. आयोग परस्पर सहमतीने तारीख आणि वेळ ठरवेल, या दिवशी प्रत्यक्ष चर्चाही करेल, तशी आमची तयारी आहे,’’ असे निवडणूक अधिकाऱ्यांनी सांगितले आहे.

हेही वाचा :
इराण इस्त्रायलमध्ये युद्धबंदी
तेलाच्या किमती घसरल्या

0 comments
0 FacebookTwitterPinterestEmail
Beating Swami
पोलिस डायरीमहत्त्वाच्या नोंदी

Swami Beaten : महिलेसोबत गैरवर्तन करणाऱ्या स्वामीला बेदम चोप

by प्रतिनिधी
written by प्रतिनिधी

बेळगाव : प्रतिनिधी : धार्मिक मठातील खोलीत महिलेसमवेत गैरवर्तन करणाऱ्या मठाच्या महास्वामीजीला ग्रामस्थांनी रंगेहाथ पकडून बेदम चोप दिला. कर्नाटकातील बेळगाव जिल्ह्यातील मुडलगी तालुक्यातील शिवापूर गावात ही घटना घडली. (Swami Beaten)

बेळगाव जिल्ह्यातील मुडलगी तालुक्यातील शिवापूर गावातील अडवीसिद्धेश्वर मठात एक धक्कादायक घटना समोर आली आहे. मठाचे स्वामीजी अडवीसिद्धराम स्वामी हे एका महिलेसोबत असताना गावकर्‍यांनी त्यांना रंगेहात पकडले. या घटनेमुळे संतप्त झालेल्या ग्रामस्थांनी स्वामीजींवर हल्ला चढवला आणि त्यांना मध्यरात्रीच मठातून बाहेर काढले. धक्कादायक बाब म्हणजे, या प्रकारात काही तरुणांनी महिला आणि तिच्या अल्पवयीन मुलीसोबत असभ्य वर्तन करत केल्याचाही आरोप समोर आला आहे. (Swami Beaten)

यासंदर्भात सूत्रांकडून मिळालेल्या माहितीनुसार, बागलकोट जिल्ह्यातील तालिकोट येथून एक महिला आपल्या मुलीसोबत शनिवारी (२१ जून २०२५) सायंकाळी अडवीसिद्धेश्वर मठात आली होती आणि रात्री ती तिथेच थांबली. रात्री १० वाजण्याच्या सुमारास काही स्थानिकांनी स्वामीजी, ती महिला आणि तिची अल्पवयीन मुलगी एकाच खोलीत असल्याचे पाहिले. ही बाब समजताच ग्रामस्थ मोठ्या संख्येने मठात जमा झाले. संतप्त जमावाने मठात घुसून स्वामीजी अडवीसिद्धराम स्वामी यांना धारेवर धरले आणि त्यांच्यावर हल्लाही केला. त्यांना मारहाण करण्यात आली आणि कपाळमोक्षही करण्यात आला. याच वेळी काही तरुणांनी महिलेसोबत असभ्य वर्तन केले, तर तिच्या अल्पवयीन मुलीचे कपडे फाडण्याचा प्रयत्न केला. या घटनेची माहिती मिळताच मुडलगी पोलीस तात्काळ घटनास्थळी दाखल झाले. पोलिसांनी परिस्थिती नियंत्रणात आणली. त्यांनी महिला आणि तिच्या मुलीला सुरक्षितपणे तेथून बाहेर काढून समुपदेशन केंद्रात पाठवले. त्यानंतर, गावकऱ्यांनी पोलीस अधिकाऱ्यांशी चर्चा करून रात्रीच स्वामीजी अडवीसिद्धराम यांना मठातून बाहेर काढले. सध्या स्वामीजी बेळगाव जिल्ह्यातील गोकाक येथे असल्याचे समजते.

0 comments
0 FacebookTwitterPinterestEmail
BSE sensex over
देश-विदेशपैसापाणीमहत्त्वाच्या नोंदीमहाराष्ट्रमुंबई

BSE sensex over : युद्धबंदी घोषणेनंतर बाजारात उसळी

by प्रतिनिधी
written by प्रतिनिधी

मुंबई : प्रतिनिधी : अमेरिकेचे राष्ट्राध्यक्ष डोनाल्ड ट्रम्प यांनी इराण इस्त्रायल युद्धबंदीची घोषणा करताच मंगळवारी भारतीय शेअर बाजारात उसळी दिसून आली. बीएसई सेन्सेक्समध्ये १००० अंकानी वाढ झाली आहे. त्यामुळे गुंतवणूकदारांच्या समाधान पसरले आहे. सोन्याच्या दरातही प्रतितोळा तीन हजार रुपयांनी घट झाली आहे. (BSE sensex over)

सोमवारी रात्री इराणने अमेरिकेच्या युद्धतळावर हल्ला केल्यानंतर त्याचे बाजारात पडसाद कसे पडणार याची चिंता लागली होती. पण त्यानंतर डोनाल्ड ट्रम्प यांनी इराणा इस्त्रायल संघर्षात युद्धबंदीची घोषणा केल्यानंतर जागतिक बाजारपेठेत उधाण आले. डॉलरच्या दरात घसरण झाली आहे. वाढलेल्या कच्च्या तेलाच्या किंमतही घसरल्या आहेत. सकाळी भारतीय शेअर बाजारात उघडतास निफ्टी ५० आणि बीएसई सेन्सेक्समध्ये वाढ झाली. बीएसई सेन्सेक्समध्ये तब्बल ९०० अंकानी वाढ झाली होती. काल सोमवारी बाजार उघडल्यावर निफ्टीमध्ये ६०० अंकांनी घसरण झाली होती. बीएसई सेन्सेक्स ९१४ अंकाने वाढला असून ही वाढ १.१२ टक्के इतकी आहे. दुपारी साडेबारा वाजण्याच्या सुमारास बीएसई सेन्सेक्समध्ये तब्बल १००० अंकांनी वाढ झाली आहे. निफ्टीमध्ये २६७ अंकांनी वाढ झाली आहे. (BSE sensex over)

आंतरराष्ट्रीय बाजारात डॉलर घसरला असून येन आणि युरो मजबूत झाले आहेत. सोन्याचा भावही खाली आला आहे. सोन्याच्या दरात प्रति दहा ग्रॅममध्ये तीन हजार रुपयांची घसरण झाली आहे. ही घसरण तीन टक्के इतकी आहे. प्रतितोळा ९६ हजार ४२२ इतका सोन्याचा दर आहे. चांदीच्या दरात ७६० रुपये इतकी घसरण झाली आहे. (BSE sensex over)

0 comments
0 FacebookTwitterPinterestEmail
Bajirao Peshve
महत्त्वाच्या नोंदीमहाराष्ट्र

Bajirao Peshve : पुणे रेल्वे स्थानकाचे ‘थोरले बाजीराव पेशवे’ नामकरणाची मागणी

by प्रतिनिधी
written by प्रतिनिधी

पुणे : प्रतिनिधी : पुणे रेल्वे स्थानकाचे श्रीमंत थोरले बाजीराव पेशवे असे नामकरण करण्यात यावे, अशी मागणी भाजपच्या राज्यसभा खासदार मेधा कुलकर्णी यांनी केली आहे. पुण्यामध्ये रेल्वे विभागाच्या बैठकीत त्यांनी ही मागणी केली. (Bajirao Peshve)

पुणे येथे पुणे आणि सोलापूर विभागाची रेल्वेची बैठक झाली. या बैठकीला या विभागातील खासदार उपस्थित होते. या बैठकीत खासदार मेधा कुलकर्णी यांनी पुणे रेल्वे स्टेशनचे नाव बदलण्यात यावे अशी मागणी केली. पुणे रेल्वे स्थानकाला श्रीमंत थोरले बाजीराव पेशवे यांचे नाव देण्यात यावे अशी मागणी केली. अनेक संघटनांनी अशी मागणी यापूर्वी केली असून या मागणीचा मी पुनरुच्चार करत आहे असे त्या म्हणाल्या. कुठल्याही रेल्वे स्थानकाचा, विमानतळाचा भारतातील त्याच्या इतिहासाशी कनेक्शन जोडण्याचा प्रयत्न असतो. जेणेकरुन नागरिकांना आपला दैदिप्यमान इतिहास कळाला पाहिजे, असेही खासदार कुलकर्णी यांनी पत्रकारांशी बोलताना म्हणाल्या. (Bajirao Peshve)

पुणे रेल्वे स्थानक पाहिल्यावर असा कोणताही इतिहास त्यातून प्रतिबिंबित होत नाही. पुणे शहर हे मोठे आणि नावाजलेले आहे. शिक्षणाचे माहेरघर आणि सांस्कृतिक शहर म्हणून ओळख आहे. आयटी हब आहे. त्यामुळे इतिहासाच्या संस्कृतीच्या पाऊलखुणा पुणे रेल्वे स्टेशनवर दिसल्या पाहिजेत. म्हणून पुणे रेल्वे स्थानकाला थोरले बाजीराव पेशवे यांचे नाव देण्यात यावे, अशी मागणी केली.

खासदार कुलकर्णी यांच्या मागणीमुळे नावा वाद होण्याची शक्यता आहे. माजी महापौर अंकुश काकडे यांनी महात्मा फुले यांचे नाव देण्यात यावे, मागणी केली आहे. तर मेधा कुलकर्णी यांच्या मागणीला संभाजी ब्रिगेडकडून विरोध करण्यात आला आहे. (Bajirao Peshve)

0 comments
0 FacebookTwitterPinterestEmail
Sandip Deshpande
महत्त्वाच्या नोंदीमहाराष्ट्रमुंबईराजकारण

Sandip Deshpande : मनसे नेत्यांने आमदारांना ‘षंढ’ म्हटंले

by प्रतिनिधी
written by प्रतिनिधी

मुंबई : प्रतिनिधी :  हिंदी भाषेची सक्ती या प्रश्नांवर महाराष्ट्र नवनिर्माण सेना आक्रमक झाली असून आज मुंबईत या निर्णयाविरोधात सह्यांची मोहीम सुरू करण्यात आली आहे. याच मुद्द्यावरुन विधीमंडळातील आमदारांना उद्देशन मनसेचे नेते संदीप देशपांडे यांनी आमदारांना ‘षंढ’ असे संबोधल्याने त्यावर लोकप्रतिनिधीकडून तीव्र प्रतिक्रिया उमटल्या आहेत. मंत्री गुलाबराव देशमुख यांनी देशपांडे यांच्याविरोधात हक्कभंग ठराव आणण्याचा इशारा दिला आहे. (Sandip Deshpande)

संसदेच्या अंदाज समितीला ७५ वर्ष पूर्तीनिमित्त आज विधानभवनात लोकसभेचे अध्यक्ष ओमप्रकाश बिर्ला यांच्या प्रमुख उपस्थितीत कार्यक्रम झाला. कार्यक्रमाच्यावेळी लावण्यात आलेल्या फलकावर केवळ हिंदी आणि इंग्रजीमध्ये मजकूर लिहिण्यात आला होता. त्यावरुन मनसेचे नेते संदीप देशपांडे यांनी आमदारांचा उल्लेख षंढ असा केला आहे. फलकावरील मजकुरांवरुन देशपांडे म्हणाले, सर्व मराठी माणसांना आमचे आवाहन आहे की तुम्ही जर मराठी असाल तर रस्त्यांवर उतरा. सरकारमध्ये सर्व षंढ लोक बसले असतील तर मराठी माणसाने करायचे काय? असा सवाल देशपांडे यांनी केला. (Sandip Deshpande)

मराठी माणसाचे आणि महाराष्ट्राचे दुर्देव आहे की राज्य सरकारला अजूनही हिंदीबद्दल का प्रेम आहे हे कळत नाही. मराठी माणसांनी तुम्हाला निवडून दिले आहे हे तुम्ही विसरु नये. ज्यांनी निवडून दिले आहे ते तुम्हाला घरी पण बसवू शकतो हे लक्षात घ्यावे, असेही देशपांडे म्हणाले. हिंदी सक्तीचा निर्णय राज्य सरकारने मागे घ्यावे अन्यांना आम्ही रस्त्यांवर उतरू. मराठी माणसाला आणि मनसे सैनिकांना आवरणे सरकारला कठीण होईल, असा इशाराही देशपांडे यांनी दिला. (Sandip Deshpande)

देशपांडे यांच्या वक्तव्याला शिवसेनेचे पाणी पुरवठा मंत्री गुलाबराव पाटील यांनी प्रत्युत्तर दिले आहे. ते म्हणाले. विधानसभेतील कार्यक्रमाला लोकसभा अध्यक्ष ओमप्रकाश बिला हे उपस्थित असताना त्यांनाही षंढ म्हणणे उचित आहे का? सभागृहातील मुख्यमंत्री उपमुख्यमंत्री मंत्री, आमदार हे षंढ आहेत का? असा सवाल मंत्री गुलाबराव पाटील यांनी उपस्थित केला. कोणाला षंढ म्हणणे त्यांना हुशारकी वाटेत तर असेल तर आम्हालाही खालच्या पातळीवर बोलता येते. हा सभागृहाचा अपमान झाला आहे. त्यामुळे येणाऱ्या काळात बरेचशे आमदार यावर हक्कभंग आणल्याशिवाय आणि देशपांडेने त्यांची जागा दाखवल्याशिवाय राहणार नाहीत, असेही गुलाबराव पाटील म्हणाले. (Sandip Deshpande)

0 comments
0 FacebookTwitterPinterestEmail
Bhagwat Narrator beaten
देश-विदेशपोलिस डायरीमहत्त्वाच्या नोंदी

Bhagwat Narrator beaten: भागवत कथावाचक ‘यादव’ला नाक घासायला लावले

by प्रतिनिधी
written by प्रतिनिधी

इटावा (उत्तर प्रदेश) : भागवत कथावाचन करणाऱ्या यादव समाजातील एका कथावाचकाला ब्राह्मण समाजाचे प्राबल्य असणाऱ्या गावात नाक घासून माफी मागायला लावण्यात आले. तसेच त्याचे मुंडन करून त्याला एका महिलेचे पाय धरायला लावले. शिवाय त्याच्यावर मूत्रही टाकण्यात आले. याबाबतचा एक व्हिडीओ समाजमाध्यमांत प्रचंड व्हायरल झाला आहे. (Bhagwat Narrator beaten)

या घटनेने उत्तर प्रदेशमधील इटावामध्ये संतापाची लाट उसळली आहे. या घटनेला कारणीभूत असलेल्यांना तत्काळ अटक करण्याची मागणी समाजवादी पक्षाचे खासदार जितेंद्र दोहरे यांनी केली आहे.

ही घटना बकेवर पोलीस ठाण्याच्या दादरपूर गावातील आहे. यादव नाव असल्याचे सांगितल्यावर मारहाण केल्याचे संत यादव या भागवत कथावाचकाने दिलेल्या फिर्यादीत म्हटले आहे. यासंबंधीचा व्हीडीओही मोठ्या प्रमाणात व्हायरल झाला आहे. यामध्ये काही गावगुंड या कथावाचकाचे डोके भादरताना आणि त्यांना मारहाण करताना तसेच नाक घासून माफी मागायला लावत असल्याचे दिसते. (Bhagwat Narrator beaten)

कथावाचक मुकुट मणी सिंह यादव इटावातील सिव्हिल लाइनमध्ये राहतात. ते मूळचे कानपूरचे आहेत. त्यांचे दोन सहकारी संत सिंह यादव आणि श्याम कठेरिया इटावातीलच बकेवर येथील आहेत. मुकुट मणी सिंहने दिलेल्या माहितीनुसार, ते भागवत कथा सांगतात. २१ ते २७ जूनअखेर त्यांना कथावाचनासाठी दादरपूरमध्ये आमंत्रित केले होते. तेथीलच पाठक बाबा या व्यक्तीच्या माध्यमातून पप्पू बाबा या व्यक्तीने हा कार्यक्रम ठेवला होता.

कथावाचकांनी दिलेल्या फिर्यादीनुसार, कथावाचनाच्या पहिल्या दिवशी संध्याकाळी जेवण करताना पप्पू बाबाने त्यांची जात विचारली. त्यावर त्यांनी आपण यादव असल्याचे सांगितले. त्यावर त्यांनी संतापून त्यांनी तू दलित असल्याचा आरोप केला. त्याचवेळी काही तरुणांनी त्यांना गराडा घातला. ब्राह्मणांच्या गावात भागवत सांगायची तुझी हिम्मत कशी झाली, असे विचारत पप्पू बाबा संतापून त्यांच्या अंगावर गेले. गावगुंडांनी त्यांना खेचत आणले. या झटापटीत त्यांचे कपडे फाटले.

गावगुंडांनी त्याला लाखोली वाहिली. त्यांच्यापैकीच कुणीतरी ट्रिमर आणला. मुकुट मणी सिंह यादव यांची शेंडी कापली. त्यानंतर मुंडन केले. पप्पू बाबाबरोबर अतुल, डीलर, मनीष यांच्यासह ५० जणांनी शिवीगाळ केली. लाथाबुक्क्या आणि चपलांनी मारहाण केली. त्यानंतर महिलेच्या पायावर नाक घासायला लावले. त्यानंतर गावगुंडांनी त्यांचे सहकारी संत सिंहसोबतही असेच वर्तन केले, मुंडन केले आणि हार्मोनियमही तोडून टाकले. (Bhagwat Narrator beaten)

ही घटना समजताच इटावाचे समाजवादी पक्षाचे खासदार जितेंद्र दोहरे यांनी सपा कार्यकर्त्यांसह पोलिस अधीक्षक ब्रिजेश कुमार श्रीवास्तव यांची भेट घेतली. घटनेला कारणीभूत असलेल्या सर्व आरोपींवर कडक कारवाईची मागणी केली. श्रीवास्तव यांनी घटनेचे गांभीर्य लक्षात घेऊन बकेवर ठाण्याच्या अंमलदाराला सर्वांविरोधात एफआयआर दाखल करण्याचे आदेश दिले. दोषींना लवकरच अटक करण्यात येईल, त्यांच्यावर कडक कारवाई करण्यात येईल, असे आश्वासन दिले.

0 comments
0 FacebookTwitterPinterestEmail
Lalit Upadhyay
ताज्या बातम्यामहत्त्वाच्या नोंदी

Lalit Upadhyay : हॉकीपटू ललित उपाध्याय निवृत्त

by प्रतिनिधी
written by प्रतिनिधी

नवी दिल्ली : भारताचा दोन ऑलिंपिक पदकविजेत्या हॉकी संघांचा सदस्य असणारा हॉकीपटू ललित उपाध्यायने सोमवारी (२३ जून) आंतरराष्ट्रीय हॉकीमधून निवृत्ती जाहीर केली. प्रो-हॉकी लीग स्पर्धेच्या अखेरच्या सामन्यात भारताने बेल्जियमविरुद्ध विजय मिळवल्यानंतर ललितने दशकभराच्या आंतरराष्ट्रीय कारकिर्दीला पूर्णविराम दिला. (Lalit Upadhyay)

भारतीय संघात मिडफिल्डर आणि फॉरवर्ड या स्थानांवर खेळणाऱ्या ३१ वर्षीय ललितने २०१४ मध्ये आंतरराष्ट्रीय पदार्पण केले होते. ११ वर्षांच्या कारकिर्दीमध्ये ललितने १८३ सामन्यांमध्ये भारताचे प्रतिनिधित्व करताना ६७ गोल नोंदवले. २०२० च्या टोकियो ऑलिंपक आणि २०२४ च्या पॅरिस ऑलिंपकमध्ये ब्राँझपदक जिंकणाऱ्या भारतीय संघाचा तो सदस्य होता. भारताने २०१८ चॅम्पियन्स ट्रॉफी स्पर्धेत रौप्य, २०१८ व २०२२च्या आशियाई स्पर्धेत अनुक्रमे ब्राँझ व सुवर्णपदक जिंकण्यातही त्याची महत्त्वाची भूमिका होती. त्याला २०२१ मध्ये अर्जुन पुरस्काराने सन्मानित करण्यात आले होते. २०२२ मध्ये उत्तरप्रदेश सरकारने त्याची पोलिस उपाधीक्षक पदावर नियुक्ती केली होती. (Lalit Upadhyay)

ललितने एक्स अकाउंटवरून (ट्विटर) निवृत्तीची घोषणा केली. “आंतरराष्ट्रीय हॉकीमध्ये देशाचे प्रतिनिधित्व करता येणे हा माझ्याकरिता सर्वोच्च सन्मान होता. निवृत्तीचा निर्णय कठीण असला, तरी प्रत्येक खेळाडूला एक ना एक दिवस हा निर्णय घ्यावाच लागतो. सर्वांचे आभार,” असे ललितने या पोस्टमध्ये म्हटले आहे. (Lalit Upadhyay)

सलग सात पराभवांनंतर भारताचा विजय

प्रो-हॉकी लीग स्पर्धेत भारताने सलग सात पराभवांनंतर अखेर बेल्जियमविरुद्ध ४-३ असा विजय मिळवून शेवट गोड केला. स्पर्धेच्या या चक्रामधील भारताचा हा अखेरचा सामना होता. जागतिक क्रमवारीत बेल्जियम तिसऱ्या, तर भारत आठव्या स्थानावर आहे. दोन्ही संघांमध्ये शनिवारी झालेला पहिला सामना बेल्जियमने ६-३ असा जिंकला होता. दुसऱ्या सामन्यात मात्र भारताने सरस खेळ केला. भारताकडून सुखजीत सिंगने या सामन्यात दोन गोल नोंदवले. याशिवाय, अमित रोहिदासने पेनल्टी कॉर्नरवर, तर हरमनप्रीत सिंगने पेनल्टी स्ट्रोकवर गोल केला.

सामन्याच्या अखेरच्या दोन मिनिटांपर्यंत दोन्ही संघांमध्ये ३-३ अशी गोलबरोबरी होती. त्यावेळी बेल्जियमच्या सर्कलमधील फाउलवर भारतीय संघाने रेफरल मागितला. या रेफरलचा निर्णय भारताच्या बाजूने लागल्यामुळे भारताला पेनल्टी स्ट्रोक मिळाला. या संधीचे सोने करत हरमनप्रीतने अचूकपणे चेंडू गोलजाळ्यात धाडून भारताचा ४-३ असा विजय निश्चित केला. भारताचा या स्पर्धेतील हा सहावा विजय असून १८ गुणांसह भारत गुणतक्त्यात आठव्या स्थानी आहे.

हेही वाचा :
नीरजने जिंकली पॅरिस डायमंड लीग

0 comments
0 FacebookTwitterPinterestEmail
Mushrif criticizes Azami
महत्त्वाच्या नोंदीमहाराष्ट्रराजकारणसमाज

Mushrif criticizes Azami: अबू आझमींना वारी समजलेली नाही : मुश्रीफ

by प्रतिनिधी
written by प्रतिनिधी

कोल्हापूर : प्रतिनिधी : समाजवादी पक्षाचे आमदार अबू आझमी यांना वारी आणि वारकरी संप्रदाय हा विषयच समजलेला नाही. त्यांना भेटून मी समजून सांगणार आहे, असे वैद्यकीय शिक्षण मंत्री हसन मुश्रीफ यांनी सोमवारी (२३ जून) स्पष्ट केले. (Mushrif criticizes Azami)

अबू आझमी यांनी रविवारी सोलापुरात बोलताना, पंढरीच्या वारीमुळे निघणाऱ्या पालख्यांनी रस्ता जाम होतो मात्र त्याबाबत एकही मुस्लिम तक्रार करत नाही. उलट हिंदू बांधवांच्या खांद्याला खांदा लावून तो चालत असतो, असे वक्तव्य केले होते. तसेच काही मशिदीसमोरथोडावेळ रस्त्यावर नमाज पडली जात असताना त्याला विरोध केला जातो, याबद्दल नाराजी व्यक्त केली होती.

आषाढी एकादशी निमित्त पंढरीच्या दर्शनासाठी वारकऱ्यांची मोठी गर्दी होत आहे.त्याचा संदर्भ देत अबू आझमी म्हणाले, परवा पुण्याहून येत होतो, त्यावेळी मला पालखी येण्याची वेळ झाली आहे, त्यामुळे लवकर निघण्यास सांगण्यात आले. त्यामुळे लवकर निघालो, अशा प्रसंगावेळी रस्ता जाम होतो, वाहतुकीची कोंडी होते म्हणून एकही मुस्लिम तक्रार करत नाही. देशात सर्वांना एकच कायदा लागू असताना मुस्लिमांसाठी मात्र वेगळे नियम लावले जातात. काही मशीदीत गर्दीमुळे जागा अपुरी पडत असल्याने थोड्यावेळासाठी रस्त्यावर नमाज पडली जाते, त्याला जाणीवपूर्वक विरोध केला जातो, उत्तर प्रदेश सरकारने त्याबद्दल पासपोर्ट रद्द करण्याची धमकी दिली होती, असे सांगून ते म्हणाले, हिंदू सणावेळी एक तरी कोणा मुस्लिमाने रस्ता अडविला म्हणून कधी तक्रार केली आहे का?, उलट हिंदू बांधवाच्या सोबत उभे असतात.,’ (Mushrif criticizes Azami)

आझमी यांच्या या वक्तव्यावर तीव्र आक्षेप घेण्यात आला. त्यामुळे हा वाद पेटण्याची चिन्हे दिसू लागली.

या पार्श्वभूमीवर राष्ट्रवादी काँग्रेसचे नेते आणि मंत्री हसन मुश्रीफ यांनी अबू आझमी यांच्या विधानावरुन टीका केली आहे. ते म्हणाले, आझमी यांना वारकरी संप्रदाय समजलेला नाही. मी त्यांना समजावून सांगतो. वारी वर्षातून एकदा असते, नमाज दिवसातून पाच वेळा असतो. लोकांना त्रास होणार नाही अशा ठिकाणी नमाज पडली पाहिजे. वारीमध्ये लाखो लोक वर्षातून एकदा चालत जातात. त्यासाठी सरकारने पालखी मार्ग तयार केले आहेत. अबू आझमी यांचा आरोप राजकीय आहे. त्यांना वारी आणि वारकऱ्यांबद्दल मी समजावून सांगेन.

हेही वाचा :
समाजवादीच्या तीन आमदारांची हकालपट्टी

0 comments
0 FacebookTwitterPinterestEmail
Gujrat bypoll
देश-विदेशमहत्त्वाच्या नोंदीराजकारण

Gujrat bypoll: गुजरात पोटनिवडणूक; विसावदरमध्ये ‘आप’चा विजय

by प्रतिनिधी
written by प्रतिनिधी

अहमदाबाद : गुजरात विधानसभेच्या दोन जागांवर झालेल्या पोटनिवडणुकीच्या मतदानाची मोजणी सोमवारी (२३ जून) रोजी झाली. या निवडणुकीत विसावदारची जागा १८ वर्षानंतरही भाजपला मिळू शकली नाही. ती आम आदमी पक्षाने जिंकली. कडीची जागा मात्र भाजपला राखता आली. (Gujrat bypoll)

भाजप नेत्यांनी विसावदरमधील १८ वर्षांचा वनवास या निवडणुकीत संपवू अशा घोषणा केल्या होत्या. २००७ मध्ये या जागेवर पक्षाने शेवटचा विजय मिळवला होता.

सोमवारी दोन्ही मतदारसंघांच्या पोटनिवडणुकांची मतमोजणी संपली. त्यात जाहीर झाल्यानुसार, आप नेते गोपाल इटालिया यांनी विसावदर जागा जिंकली, तर भाजपचे राजेंद्र चावडा यांनी काडी जागा जिंकली, असे निवडणूक निर्णय अधिकाऱ्यांनी सांगितले. (Gujrat bypoll)

आम आदमी पक्षाचे (आप) माजी गुजरात अध्यक्ष श्री. इटालिया यांनी जुनागढ जिल्ह्यातील विसावदर जागेवर त्यांचे जवळचे प्रतिस्पर्धी, भाजप उमेदवार किरीट पटेल यांचा १७,५५४ मतांनी पराभव केला.

निवडणूक आयोगाने जाहीर केलेल्या आकडेवारीनुसार, मतमोजणीच्या एकूण २१ फेऱ्यांनंतर श्री इटालिया यांना ७५,९४२ मते मिळाली, तर श्री पटेल यांना ५८,३८८ मते मिळाली. (Gujrat bypoll)

“गुजरातमधील जनता आता भाजपला कंटाळली आहे.तेथील जनतेला आप हा सक्षम पर्याय दिसत आहे.‘आप’ला पराभूत करण्यासाठी काँग्रेस, भाजपने पंजाब, गुजरातमध्ये निवडणुका लढवल्या; पण लोकांनी त्यांना नाकारले.
-अरविंद केजरीवाल,आप संयोजक

मेहसाणा जिल्ह्यातील अनुसूचित जातीच्या उमेदवारांसाठी राखीव असलेल्या कडी मतदारसंघात भाजपचे राजेंद्र चावडा यांनी २२ फेऱ्यांच्या मतमोजणीच्या शेवटी काँग्रेसचे रमेश चावडा यांच्यावर ३९,४५२ मतांनी विजय मिळवला.

राजेंद्र चावडा यांना ९९,७४२ मते मिळाली, तर काँग्रेसचे माजी आमदार रमेश चावडा यांना ६०,२९० मते मिळाली.

१९ जून रोजी झालेल्या पोटनिवडणुकीत काडी मतदारसंघात ५७.९० टक्के आणि विसावदर मतदारसंघात ५६.८९ टक्के मतदान झाले, असे अधिकाऱ्यांनी सांगितले.

सोमवारी सकाळी ८ वाजता मतमोजणी सुरू झाली आणि दुपारी १.३० वाजता संपली, असे त्यांनी सांगितले.

भारतीय जनता पक्ष (भाजप), काँग्रेस आणि आप यांनी दोन्ही जागांवर आपले उमेदवार उभे केले. (Gujrat bypoll)

तत्कालीन आप आमदार भूपेंद्र भयानी यांनी राजीनामा देऊन सत्ताधारी भाजपमध्ये प्रवेश केल्यानंतर डिसेंबर २०२३ मध्ये विसावदरची जागा रिक्त झाली.

काँग्रेसने विसावदरमधून नितीन रणपरिया यांना उमेदवारी दिली.

राज्यात जवळजवळ पूर्ण वर्चस्व असूनही भाजपला २००७ पासून विसावदरची जागा जिंकता आलेली नाही.

२०२२ मध्ये झालेल्या गेल्या विधानसभा निवडणुकीत, आपचे भूपेंद्र भयानी यांनी काँग्रेसमधून बाहेर पडलेले आणि माजी आमदार हर्षद रिबाडिया यांचा ७,०६३ मतांनी पराभव केला.

भाजप आमदार करसन सोलंकी यांच्या निधनानंतर ४ फेब्रुवारीपासून काडी मतदारसंघ रिक्त होता.

या पोटनिवडणुकीत भाजपने राजेंद्र चावडा यांना उमेदवारी दिली, तर काँग्रेसने रमेश चावडा यांना तिकीट दिले. त्यांनी २०१२ मध्ये ही जागा जिंकली होती, परंतु २०१७ मध्ये भाजपच्या करसन सोलंकी यांच्याकडून त्यांचा पराभव झाला.

विसावदरप्रमाणेच कडी येथेही तिरंगी लढत झाली. यामध्ये अरविंद केजरीवाल यांच्या नेतृत्वाखालील आपने जगदीश चावडा यांना उमेदवारी दिली. १८२ सदस्यांच्या गुजरात विधानसभेत, पोटनिवडणुकीच्या निकालानंतर आता पक्षीय बलाबल भाजप १६२, काँग्रेस १२ आणि आप ५, एक समाजवादी पक्ष, तर दोन अपक्ष असे आहे.

हेही वाचा :
 मध्य पूर्वेतील संघर्ष; शेअर बाजार घसरला

0 comments
0 FacebookTwitterPinterestEmail
Baiganguda
देश-विदेशपोलिस डायरीमहत्त्वाच्या नोंदी

Baiganguda : आंतरजातीय विवाह केल्याने ४० जणांचे मुंडण

by प्रतिनिधी
written by प्रतिनिधी

नवी दिल्ली : मुलीने आंतरजातीय विवाह केल्याने गावातील लोकांनी मुलीच्या कुटुंबातील ४० सदस्यांचे जबरदस्तीने मुंडण केल्याची खळबळजनक घटना घडली आहे. ओडीसा राज्यातील रायगड जिल्ह्यातील बैगनगुडा गावात ही घटना घडली. (Baiganguda)

बैगनगुडा गावातील तरुणीने शेजारच्या गावातील अनुसुचित जातीतील तरुणाशी प्रेमविवाह केला. त्यानंतर गावकऱ्यांनी संबधित तरुणीच्या कुटुंबावर बहिष्कार टाकला. हा विवाह गावातील जातीव्यवस्थेच्या नियमानुसार चुकीचा असल्याने ग्रामस्थानी हे पाऊल उचलले. त्या कुटुंबाला परत त्यांच्या जातीत परतायचे असेल तर पारंपरिक पद्धतीने शुद्धीकरण करण्याची प्रक्रिया पूर्ण करावी लागेल असे सांगितले. त्यानंतर विवाह केलेल्या तरुणीच्या ४० सदस्यांचे जबरदस्तीने टक्कल करण्यात आले. तसेच कोंबड्यांचा आणि बकऱ्यांचा बळी देण्यात आला. गावकऱ्यांच्या दबावामुळे मुलीच्या कुटुंबियांनी सर्व विधी पूर्ण केले. या घटनेचा व्हिडिओ सोशल मिडियावर व्हायरल झाल्यावर संताप व्यक्त होऊ लागला. पोलिसांनी या घटनेची दखल घेतली असून तपास सुरू केला आहे. (Baiganguda)

0 comments
0 FacebookTwitterPinterestEmail
Newer Posts
Older Posts
error: Content is protected !!