मुंबई : जागतिक शेअरबाजारातील चढ उतार, कच्च्या तेलाचे वाढते दर यामुळे गुंतवणूकदारांनी सोन्याला पसंती दिल्याने सोन्याच्या दराला झळाळी प्राप्त झाली आहे. आज सोन्याचा दर प्रतितोळा म्हणजेच दहा ग्रॅम सोन्याचा दर १ लाख एक हजार ७८ रुपये विक्रमी उच्चांकावर पोचला आहे. इराण इस्त्रायल युद्ध आणि डॉलरचा दर कमी झाल्याने सोन्याच्या किंमतीत वाढ झाल्याने सोने खरेदी करणे हे सर्वसामान्याच्या आवाक्याबाहेर झाले आहे. (Gold rate high)
एकीकडे सोन्याच्या दरात विक्रमी वाढ झाली असताना चांदीच्या दरात स्थिरता आली आहे. आज चांदीचा दर प्रतिकिलो १ लाख६ हजार ,४६४ रुपये प्रति किलो या दराने व्यवहार सुरू झाला आहे. .
मागील व्यवहाराच्या दिवशी देशांतर्गत आणि आंतरराष्ट्रीय बाजारात मौल्यवान धातूंच्या किमती सकारात्मक झाल्या. ऑगस्टमधील सोन्याचा वायदा भाव १,००,२७६ रुपये प्रति १० ग्रॅमवर बंद झाला, जो १.९१% वाढ दर्शवितो, तर चांदीचा जुलैचा वायदा भाव १,०६,४९३ रुपये प्रति किलोग्रॅमवर बंद झाला, जो ०.५७% वाढ दर्शवितो. (Gold rate high)
इस्रायल-इराण संघर्ष आणि कमकुवत होत चाललेला डॉलर निर्देशांक यामुळे गेल्या आठवड्यात सोने आणि चांदीच्या किमतीत वाढ झाली. जागतिक शेअर बाजारातील घसरण आणि कच्च्या तेलाच्या किमतीतील वाढ यामुळे मौल्यवान धातूंच्या मूल्यांकनाला अतिरिक्त आधार मिळाला.
तज्ज्ञांच्या मते, भू-राजकीय तणावामुळे सुरक्षित गुंतवणूक म्हणून सोने आणि चांदीच्या किमतींच्या व्यवहारावर परिणाम होत आहे. सोन्याच्या किमती प्रति ट्रॉय औंस $३,४५० पेक्षा जास्त झाल्या आहेत आणि आंतरराष्ट्रीय बाजारात मागील विक्रमी उच्चांक गाठू शकतात. येत्या व्यापार सत्रांमध्ये चांदीचेही भाव वाढू शकतील असे तज्ज्ञांचे मत आहे. (Gold rate high)