मुंबई : अहमदाबाद येथे एअर इंडियाचे विमान कोसळून विमान प्रवाशांसह २६० जणांचा मृत्यू झाला होता. तसेच अनेकजण जखमी झाले होते. या अपघातग्रस्तांच्या मदतीसाठी टाटा सन्न आणि टाटा ट्रस्टने ५०० कोटी रुपयांचा कल्याणकारी ट्रस्ट स्थापन केला आहे. (Tata trust forms)
या माध्यमातून अपघातात गंभीर जखमी झालेल्यांवर वैद्यकीय उपचार आणि अपघातात नुकसान झालेल्या बी. जे. मेडिकल कॉलेज वसतिगृहाची पुनर्बांधणी करण्यात येणार आहे. तसेच तेथे पायाभूत सुविधांही पुरविण्यात येणार असल्याचे टाटा सन्सने म्हटले आहे.
ट्रस्ट स्थापन केल्याची घोषणा शुक्रवारी (१८ जुलै) शुक्रवारी करण्यात आली. हा ट्रस्ट ‘एआय-१७१ मेमोरियल अँड वेलफेअर ट्रस्ट’ मुंबईत नोंदणीकृत झाला आहे. (Tata trust forms)
टाटा सन्स आणि टाटा ट्रस्टने परोपकारी उद्देशाने ट्रस्टला प्रत्येकी २५० कोटी रुपयांचे योगदान देण्याचे वचन दिले आहे. यामध्ये अपघातात मृत्युमुखी पडलेल्यांच्या कुटुंबीयांना १ कोटी रुपयांची सानुग्रह मदत देण्यात येणार आहे. (Tata trust forms)
१२ जून रोजी, अहमदाबादहून लंडनला जाणाऱ्या एअर इंडियाच्या विमानाला उड्डाणानंतर लगेचच अपघात झाला. या अपघातात विमान प्रवासी आणि परिसरातील १९ जणांसह २६० जणांचा मृत्यू झाला.