Winter Session

नवी दिल्ली : भारतरत्न डॉ. बाबासाहेब आंबेडकर यांच्याबद्दल संसदेच्या सभागृहात आक्षेपार्ह विधान केल्याबद्दल गृहमंत्री अमित शाह यांच्याविरोधात तृणमूल काँग्रेस आणि काँग्रेसने दोन स्वतंत्र विशेषाधिकार नोटिसा बजावल्या आहेत. तृणमूल काँग्रेसचे खासदार डेरेक ओब्रायन यांनी लोकसभेत तर राज्यसभेत विरोधी पक्षनेते आणि काँग्रेस अध्यक्ष मल्लिकार्जुन खरगे यांनी नोटीस दिली आहे. दरम्यान, विरोधी पक्षांनी गुरुवारी एकत्र येत अमित शाह यांच्या राजीनाम्याची मागणी केली. यावेळी जोरदार घोषणाबाजी करण्यात आली. (Amit Shah)

संसदेबाहेबर इंडिया आघाडीतील खासदारांनी लोकसभेचे विरोधी पक्ष नेते खासदार राहुल गांधी यांच्या नेतृत्वाखाली आंदोलन केले. समाजावादी पक्षाचे खासदारही यामध्ये लाल टोप्या परिधान करून सहभागी झाले होते. यावेळी राहुल गांधी यांनी नेहमीचा पांढरा शर्ट परिधान करण्याऐवजी निळा टी शर्ट परिधान केला होता.

राम गोपाल यादव यांच्यासह सपा खासदार लाल टोप्या घालून संसद आवारात स्वतंत्र निदर्शने करत होते. राहुल गांधी यांनी त्यांच्याशी हस्तांदोलन केले. त्यानंतर इंडिया आघाडीच्या आंदोलनाच्या ठिकाणी एकत्र आले. (Amit Shah)

दरम्यान, त्याच वेळी, तृणमूल काँग्रेसने त्यांच्या एका व्हॉट्सॲप ग्रुपवर वंचित बहुजन आघाडीचे नेते आणि आंबेडकरांचे नातू प्रकाश आंबेडकर यांनी तृणमूल काँग्रेसचे राज्यसभेचे नेते डेरेक ओब्रायन यांचे आभार मानले. बाबासाहेबांबद्दल अवमानास्पद वक्तव्य केल्याबद्दल शाह यांच्याविरुद्ध विशेषाधिकार नोटीस दिल्याबद्दल प्रकाश आंबेडकर यांनी त्यांचे आभार मानल्याची ट्विट तृणमूलने पोस्ट केली.

आम आदमी पार्टी (आप) प्रमुख अरविंद केजरीवाल यांनी टीडीपी प्रमुख आणि आंध्र प्रदेशचे मुख्यमंत्री एन. चंद्राबाबू नायडू आणि बिहारचे मुख्यमंत्री नितीश कुमार यांना पत्र लिहून शाह यांनी देशभरातील लाखो लोकांच्या भावना दुखावल्या आहेत. बाबासाहेबांना मानणारे आता भाजपला साथ देऊ शकत नाहीत, असे लोकांना वाटू लागले आहे,’असे म्हटले आहे.

बाबासाहेब केवळ एक नेतेच नाहीत तर ते राष्ट्राचा आत्मा आहेत. भाजपने त्यांच्याविरोधात विधान केले आहे. आआ तरी तुम्ही या विषयावर सखोल चिंतन कराल, अशी लोकांची अपेक्षा आहे, असे केजरीवाल यांनी नायडू आणि नितीश यांना पाठवलेल्या पत्रात म्हटले आहे. (Amit Shah)

अदानीवरून लक्ष विचलीत करण्याचा प्रयत्न

दरम्यान, नरेंद्र मोदी यांचे मित्र गौतम अदानी यांच्याविरोधात अमेरिकेत गुन्हा दाखल करण्यात आला आहे. मोदी या आपल्या मित्रांना हिंदूस्थान विकू पाहत आहेत, हा महत्त्वाचा मुद्दा आहे. त्यावर चर्चा झाली पाहिजे, अशी आमची महत्त्वाची आणि प्रमुख मागणी आहे. मात्र मोदी-शाह यांना त्यावर चर्चा नको आहे. त्यामुळे मूळ मुद्द्यावरून लक्ष विचलीत करण्याचे प्रयत्न सुरू आहे. गृहमंत्री अमित शाह यांचे डॉ. बाबासाहेब आंबेडकरांबद्दल वक्तव्य आणि गुरुवारी सकाळी संसदेबाहेर झालेली धक्काबुक्की हे त्या प्रयत्नाचेच भाग आहेत, असा आरोप लोकसभेचे विरोधी पक्ष नेते खासदार राहुल गांधी यांनी केला.

LIVE: Press Conference | AICC HQ, New Delhi https://t.co/OkNrmTKhyX

— Rahul Gandhi (@RahulGandhi) December 19, 2024

हेही वाचा :

• राम शिंदे यांची विधान परिषद सभापतीपदी निवड
• नौदल स्पीड बोटच्या धडकेत १३ जणांचा मृत्यू
• घर, गोठा बांधताना अडचणी, तुकडाबंदीची अट शिथिल करा

महाराष्ट्र दिनमान ऑनलाईन डेस्क : केंद्रीय गृहमंत्री अमिक शाह यांनी डॉ. बाबासाहेब आंबेडकर यांच्याबद्दल केलेल्या वक्तव्याचे देशात तीव्र पडसाद उमटत आहेत. यासह देशात आणि राज्यात सध्या हिवाळी अधिवेशन सुरू आहे. या दरम्यान केंद्रीय मंत्री अमित शाह यांनी केलेल्या वक्तव्यावरून संसदेत ‘इंडिया’ आघाडी तर विधानसभेत ‘मविआ’ आक्रमक झाली आहे. (Amit Shah)

केंद्रीय गृहमंत्री अमित शाह यांनी डॉ. बाबासाहेब आंबेडकर यांच्याबद्दल केलेल्या वक्तव्याचा निषेध करण्यासाठी इंडिया आघाडीतील खासदारांनी संसद परिसरात आंदोलन केले. संसद परिसरातील डॉ. बाबासाहेब आंबेडकरांच्या पुतळ्याजवळ इंडिया आघाडीने निषेध व्यक्त केला. आंदोलनात सहभागी झालेल्या खासदारांनी निळ्या रंगाचा पोशाख परिधान केले होते. यावेळी खासदारांनी ‘I am Ambedkar’, ‘मैं भी अंम्बेडकर’असे फलक घेऊन जोरदार निदर्शने केली. दरम्यान डॉ. बाबासाहेब आंबेडकरा यांच्या वक्तव्याबद्दल केंद्रीय गृहमंत्री अमित शाह यांनी माफी मागत राजीनामा द्यावा अशी मागणी खासदारांनी केली. यावेळी संसदेचे विरोधी पक्षनेते काँग्रेस खासदार राहुल गांधी, प्रियंका गांधी, खासदार संजय राऊत यांच्यासह अन्य इंडिया आघाडीतील खासदार उपस्थित होते.

राज्य विधिमंडळात तीव्र पडसाद

गृहमंत्री अमित शहा यांच्या संसद सभागृहातील वक्तव्याचे पडसाद राज्याच्या हिवाळी अधिवेशनातही दिसून आले. अमित शाह यांच्या वक्तव्याचा निषेध व्यक्त करण्यासाठी महाविकास आघाडीच्या आमदारांनी संविधान चौक ते विधानभवनापर्यंत निषेध रॅली काढली. यावेळी महाविकासा आघाडीच्या आमदारांनी केंद्रीय मंत्री अमित शाह यांच्या वक्तव्याचा निषेध करण्यासाठी निळा रंगाची टोपी आणि निळ्या रंगाचे स्कार्फ परिधान केले होते. . यावेळी मविआचे आमदार उपस्थित होते. (Amit Shah)

गृहमंत्री अमित शाहांनी आरोप फेटाळले

संसदेत मी केलेले वक्तव्यसंसदेच्या रेकॉर्डवर आहे. त्यामध्ये डॉ. बाबासाहेब आंबेडकरांचा अपमान करण्याचा प्रश्नच नाही. मी किंवा माझा पक्ष स्वप्नातही तसा विचार करू शकत नाही, असे स्पष्टीकरण देत केंद्रीय गृहमंत्री अमित शाह यांनी बाबासाहेब आंबेडकरांच्या प्रति कृतज्ञता व्यक्त केली.

बाबा साहेब पर गृह मंत्री की अपमानजनक टिप्पणी को देश न भूलेगा, न बर्दाश्त करेगा।

अमित शाह को माफ़ी मांगनी ही होगी! pic.twitter.com/rioekQBtae

— Rahul Gandhi (@RahulGandhi) December 19, 2024

बाबासाहेब हमारे संविधान निर्माता हैं, उन्होंने हम सभी को सम्मान और स्वाभिमान से जीने का अधिकार दिया है।

लेकिन गृह मंत्री अमित शाह ने संसद में बाबासाहेब का अपमान किया।

अमित शाह और BJP की इस दलित विरोधी मानसिकता के खिलाफ महाराष्ट्र कांग्रेस के कार्यकर्ताओं ने प्रदेश अध्यक्ष श्री… pic.twitter.com/RR1GGtluRv

— Congress (@INCIndia) December 19, 2024

हेही वाचा :

• नौदल स्पीड बोटच्या धडकेत १३ जणांचा मृत्यू
• scuffle outside parliament संसदेबाहेर धक्काबुक्की
• निवृत्तीनंतर अश्विन भारतात दाखल